| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๓. ปุคฺคลวโคฺค
3. Puggalavaggo
๑. สมิทฺธสุตฺตวณฺณนา
1. Samiddhasuttavaṇṇanā
๒๑. ตติยสฺส ปฐเม ฌานผสฺสํ ปฐมํ ผุสติ, ปจฺฉา นิโรธํ นิพฺพานํ สจฺฉิกโรตีติ กายสกฺขิฯ ทิฎฺฐนฺตํ ปโตฺตติ ทิฎฺฐิปฺปโตฺตฯ สทฺทหโนฺต วิมุโตฺตติ สทฺธาวิมุโตฺตฯ ขมตีติ รุจฺจติฯ อภิกฺกนฺตตโรติ อติสุนฺทรตโรฯ ปณีตตโรติ อติปณีตตโรฯ สทฺธินฺทฺริยํ อธิมตฺตํ โหตีติ สมิทฺธเตฺถรสฺส กิร อรหตฺตมคฺคกฺขเณ สทฺธินฺทฺริยํ ธุรํ อโหสิ, เสสานิ จตฺตาริ สหชาตินฺทฺริยานิ ตเสฺสว ปริวารานิ อเหสุํฯ อิติ เถโร อตฺตนา ปฎิวิทฺธมคฺคํ กเถโนฺต เอวมาหฯ มหาโกฎฺฐิกเตฺถรสฺส ปน อรหตฺตมคฺคกฺขเณ สมาธินฺทฺริยํ ธุรํ อโหสิ, เสสานิ จตฺตาริ อินฺทฺริยานิ ตเสฺสว ปริวารานิ อเหสุํฯ ตสฺมา โสปิ สมาธินฺทฺริยํ อธิมตฺตนฺติ กเถโนฺต อตฺตนา ปฎิวิทฺธมคฺคเมว กเถสิฯ สาริปุตฺตเตฺถรสฺส ปน อรหตฺตมคฺคกฺขเณ ปญฺญินฺทฺริยํ ธุรํ อโหสิฯ เสสานิ จตฺตาริ อินฺทฺริยานิ ตเสฺสว ปริวารานิ อเหสุํฯ ตสฺมา โสปิ ปญฺญินฺทฺริยํ อธิมตฺตนฺติ กเถโนฺต อตฺตนา ปฎิวิทฺธมคฺคเมว กเถสิฯ
21. Tatiyassa paṭhame jhānaphassaṃ paṭhamaṃ phusati, pacchā nirodhaṃ nibbānaṃ sacchikarotīti kāyasakkhi. Diṭṭhantaṃ pattoti diṭṭhippatto. Saddahanto vimuttoti saddhāvimutto. Khamatīti ruccati. Abhikkantataroti atisundarataro. Paṇītataroti atipaṇītataro. Saddhindriyaṃ adhimattaṃ hotīti samiddhattherassa kira arahattamaggakkhaṇe saddhindriyaṃ dhuraṃ ahosi, sesāni cattāri sahajātindriyāni tasseva parivārāni ahesuṃ. Iti thero attanā paṭividdhamaggaṃ kathento evamāha. Mahākoṭṭhikattherassa pana arahattamaggakkhaṇe samādhindriyaṃ dhuraṃ ahosi, sesāni cattāri indriyāni tasseva parivārāni ahesuṃ. Tasmā sopi samādhindriyaṃ adhimattanti kathento attanā paṭividdhamaggameva kathesi. Sāriputtattherassa pana arahattamaggakkhaṇe paññindriyaṃ dhuraṃ ahosi. Sesāni cattāri indriyāni tasseva parivārāni ahesuṃ. Tasmā sopi paññindriyaṃ adhimattanti kathento attanā paṭividdhamaggameva kathesi.
น เขฺวตฺถาติ น โข เอตฺถฯ เอกํเสน พฺยากาตุนฺติ เอกเนฺตน พฺยากริตุํฯ อรหตฺตาย ปฎิปโนฺนติ อรหตฺตมคฺคสมงฺคิํ ทเสฺสติฯ เอวเมตสฺมิํ สุเตฺต ตีหิปิ เถเรหิ อตฺตนา ปฎิวิทฺธมโคฺคว กถิโต, สมฺมาสมฺพุโทฺธ ปน ภุมฺมนฺตเรเนว กเถสิฯ
Nakhvetthāti na kho ettha. Ekaṃsena byākātunti ekantena byākarituṃ. Arahattāya paṭipannoti arahattamaggasamaṅgiṃ dasseti. Evametasmiṃ sutte tīhipi therehi attanā paṭividdhamaggova kathito, sammāsambuddho pana bhummantareneva kathesi.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. สมิทฺธสุตฺตํ • 1. Samiddhasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑. สมิทฺธสุตฺตวณฺณนา • 1. Samiddhasuttavaṇṇanā
