| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਪੁਗ੍ਗਲવਗ੍ਗੋ
3. Puggalavaggo
੧. ਸਮਿਦ੍ਧਸੁਤ੍ਤવਣ੍ਣਨਾ
1. Samiddhasuttavaṇṇanā
੨੧. ਤਤਿਯਸ੍ਸ ਪਠਮੇ ਝਾਨਫਸ੍ਸਂ ਪਠਮਂ ਫੁਸਤਿ, ਪਚ੍ਛਾ ਨਿਰੋਧਂ ਨਿਬ੍ਬਾਨਂ ਸਚ੍ਛਿਕਰੋਤੀਤਿ ਕਾਯਸਕ੍ਖਿ। ਦਿਟ੍ਠਨ੍ਤਂ ਪਤ੍ਤੋਤਿ ਦਿਟ੍ਠਿਪ੍ਪਤ੍ਤੋ। ਸਦ੍ਦਹਨ੍ਤੋ વਿਮੁਤ੍ਤੋਤਿ ਸਦ੍ਧਾવਿਮੁਤ੍ਤੋ। ਖਮਤੀਤਿ ਰੁਚ੍ਚਤਿ। ਅਭਿਕ੍ਕਨ੍ਤਤਰੋਤਿ ਅਤਿਸੁਨ੍ਦਰਤਰੋ। ਪਣੀਤਤਰੋਤਿ ਅਤਿਪਣੀਤਤਰੋ। ਸਦ੍ਧਿਨ੍ਦ੍ਰਿਯਂ ਅਧਿਮਤ੍ਤਂ ਹੋਤੀਤਿ ਸਮਿਦ੍ਧਤ੍ਥੇਰਸ੍ਸ ਕਿਰ ਅਰਹਤ੍ਤਮਗ੍ਗਕ੍ਖਣੇ ਸਦ੍ਧਿਨ੍ਦ੍ਰਿਯਂ ਧੁਰਂ ਅਹੋਸਿ, ਸੇਸਾਨਿ ਚਤ੍ਤਾਰਿ ਸਹਜਾਤਿਨ੍ਦ੍ਰਿਯਾਨਿ ਤਸ੍ਸੇવ ਪਰਿવਾਰਾਨਿ ਅਹੇਸੁਂ। ਇਤਿ ਥੇਰੋ ਅਤ੍ਤਨਾ ਪਟਿવਿਦ੍ਧਮਗ੍ਗਂ ਕਥੇਨ੍ਤੋ ਏવਮਾਹ। ਮਹਾਕੋਟ੍ਠਿਕਤ੍ਥੇਰਸ੍ਸ ਪਨ ਅਰਹਤ੍ਤਮਗ੍ਗਕ੍ਖਣੇ ਸਮਾਧਿਨ੍ਦ੍ਰਿਯਂ ਧੁਰਂ ਅਹੋਸਿ, ਸੇਸਾਨਿ ਚਤ੍ਤਾਰਿ ਇਨ੍ਦ੍ਰਿਯਾਨਿ ਤਸ੍ਸੇવ ਪਰਿવਾਰਾਨਿ ਅਹੇਸੁਂ। ਤਸ੍ਮਾ ਸੋਪਿ ਸਮਾਧਿਨ੍ਦ੍ਰਿਯਂ ਅਧਿਮਤ੍ਤਨ੍ਤਿ ਕਥੇਨ੍ਤੋ ਅਤ੍ਤਨਾ ਪਟਿવਿਦ੍ਧਮਗ੍ਗਮੇવ ਕਥੇਸਿ। ਸਾਰਿਪੁਤ੍ਤਤ੍ਥੇਰਸ੍ਸ ਪਨ ਅਰਹਤ੍ਤਮਗ੍ਗਕ੍ਖਣੇ ਪਞ੍ਞਿਨ੍ਦ੍ਰਿਯਂ ਧੁਰਂ ਅਹੋਸਿ। ਸੇਸਾਨਿ ਚਤ੍ਤਾਰਿ ਇਨ੍ਦ੍ਰਿਯਾਨਿ ਤਸ੍ਸੇવ ਪਰਿવਾਰਾਨਿ ਅਹੇਸੁਂ। ਤਸ੍ਮਾ ਸੋਪਿ ਪਞ੍ਞਿਨ੍ਦ੍ਰਿਯਂ ਅਧਿਮਤ੍ਤਨ੍ਤਿ ਕਥੇਨ੍ਤੋ ਅਤ੍ਤਨਾ ਪਟਿવਿਦ੍ਧਮਗ੍ਗਮੇવ ਕਥੇਸਿ।
21. Tatiyassa paṭhame jhānaphassaṃ paṭhamaṃ phusati, pacchā nirodhaṃ nibbānaṃ sacchikarotīti kāyasakkhi. Diṭṭhantaṃ pattoti diṭṭhippatto. Saddahanto vimuttoti saddhāvimutto. Khamatīti ruccati. Abhikkantataroti atisundarataro. Paṇītataroti atipaṇītataro. Saddhindriyaṃ adhimattaṃ hotīti samiddhattherassa kira arahattamaggakkhaṇe saddhindriyaṃ dhuraṃ ahosi, sesāni cattāri sahajātindriyāni tasseva parivārāni ahesuṃ. Iti thero attanā paṭividdhamaggaṃ kathento evamāha. Mahākoṭṭhikattherassa pana arahattamaggakkhaṇe samādhindriyaṃ dhuraṃ ahosi, sesāni cattāri indriyāni tasseva parivārāni ahesuṃ. Tasmā sopi samādhindriyaṃ adhimattanti kathento attanā paṭividdhamaggameva kathesi. Sāriputtattherassa pana arahattamaggakkhaṇe paññindriyaṃ dhuraṃ ahosi. Sesāni cattāri indriyāni tasseva parivārāni ahesuṃ. Tasmā sopi paññindriyaṃ adhimattanti kathento attanā paṭividdhamaggameva kathesi.
ਨ ਖ੍વੇਤ੍ਥਾਤਿ ਨ ਖੋ ਏਤ੍ਥ। ਏਕਂਸੇਨ ਬ੍ਯਾਕਾਤੁਨ੍ਤਿ ਏਕਨ੍ਤੇਨ ਬ੍ਯਾਕਰਿਤੁਂ। ਅਰਹਤ੍ਤਾਯ ਪਟਿਪਨ੍ਨੋਤਿ ਅਰਹਤ੍ਤਮਗ੍ਗਸਮਙ੍ਗਿਂ ਦਸ੍ਸੇਤਿ। ਏવਮੇਤਸ੍ਮਿਂ ਸੁਤ੍ਤੇ ਤੀਹਿਪਿ ਥੇਰੇਹਿ ਅਤ੍ਤਨਾ ਪਟਿવਿਦ੍ਧਮਗ੍ਗੋવ ਕਥਿਤੋ, ਸਮ੍ਮਾਸਮ੍ਬੁਦ੍ਧੋ ਪਨ ਭੁਮ੍ਮਨ੍ਤਰੇਨੇવ ਕਥੇਸਿ।
Nakhvetthāti na kho ettha. Ekaṃsena byākātunti ekantena byākarituṃ. Arahattāya paṭipannoti arahattamaggasamaṅgiṃ dasseti. Evametasmiṃ sutte tīhipi therehi attanā paṭividdhamaggova kathito, sammāsambuddho pana bhummantareneva kathesi.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਸਮਿਦ੍ਧਸੁਤ੍ਤਂ • 1. Samiddhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਸਮਿਦ੍ਧਸੁਤ੍ਤવਣ੍ਣਨਾ • 1. Samiddhasuttavaṇṇanā
