| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[167] 7. самид̣̇д̇хиж̇аад̇агаван̣н̣анаа
[167] 7. Samiddhijātakavaṇṇanā
абхуд̇ваа бхигкаси бхигкууд̇и ид̣̇ам̣ сад̇т̇аа рааж̇аг̇ахам̣ убаниссааяа д̇абод̣̇аараамз вихаранд̇о самид̣̇д̇хит̇зрам̣ аараб̣бха гат̇зси. згад̣̇ивасан̃хи ааяасмаа самид̣̇д̇хи саб̣б̣арад̇д̇им̣ бад̇хаанам̣ бад̣̇ахид̇ваа арун̣уг̇г̇аманавзлааяа нхад̇ваа суван̣н̣аван̣н̣ам̣ ад̇д̇абхаавам̣ сугкаабаяамаано анд̇араваасагам̣ ниваасзд̇ваа уд̇д̇араасан̇г̇ам̣ хад̇т̇зна г̇ахзд̇ваа адтааси субаригаммагад̇аа вияа суван̣н̣абадимаа. ад̇д̇абхаавасамид̣̇д̇хияааязва хисса ‘‘самид̣̇д̇хий’’д̇и наамам̣ ахоси. ат̇асса сарийрасобхаг̇г̇ам̣ д̣̇исваа згаа д̣̇звад̇хийд̇аа бадиб̣ад̣̇д̇хажид̇д̇аа т̇зрам̣ звамааха – ‘‘д̇вам̣ коси, бхигку, д̣̇ахаро яуваа сусу гаал̣агзсо бхад̣̇рзна яоб̣б̣анзна саманнааг̇ад̇о абхируубо д̣̇ассанийяо баасаад̣̇иго, зваруубасса д̇ава гаамз абарибхун̃ж̇ид̇ваа го ад̇т̇о баб̣б̣аж̇ж̇ааяа, гаамз д̇аава барибхун̃ж̇ассу, бажчаа баб̣б̣аж̇ид̇ваа саман̣ад̇хаммам̣ гариссасий’’д̇и. ат̇а нам̣ т̇зро ааха – ‘‘д̣̇звад̇хийд̇з, ‘асугасмим̣ наама ваяз тид̇о мариссаамий’д̇и мама маран̣агаалам̣ на ж̇аанаами, зса мз гаало бадижчанно, д̇асмаа д̇арун̣агаалзязва саман̣ад̇хаммам̣ гад̇ваа д̣̇угкассанд̇ам̣ гариссаамий’’д̇и. саа т̇зрасса санд̇игаа бадисант̇аарам̣ алабхид̇ваа д̇ад̇т̇зва анд̇арад̇хааяи. т̇зро сад̇т̇аарам̣ убасан̇гамид̇ваа зд̇амад̇т̇ам̣ аарожзси. сад̇т̇аа ‘‘на ко, самид̣̇д̇хи, д̇ван̃н̃зва зд̇арахи д̣̇звад̇хийд̇ааяа балобхид̇о, буб̣б̣зби д̣̇звад̇хийд̇аро баб̣б̣аж̇ид̇з балобхим̣суязваа’’д̇и вад̇ваа д̇зна яаажид̇о ад̇ийд̇ам̣ аахари.
Abhutvābhikkhasi bhikkhūti idaṃ satthā rājagahaṃ upanissāya tapodārāme viharanto samiddhitheraṃ ārabbha kathesi. Ekadivasañhi āyasmā samiddhi sabbarattiṃ padhānaṃ padahitvā aruṇuggamanavelāya nhatvā suvaṇṇavaṇṇaṃ attabhāvaṃ sukkhāpayamāno antaravāsakaṃ nivāsetvā uttarāsaṅgaṃ hatthena gahetvā aṭṭhāsi suparikammakatā viya suvaṇṇapaṭimā. Attabhāvasamiddhiyāyeva hissa ‘‘samiddhī’’ti nāmaṃ ahosi. Athassa sarīrasobhaggaṃ disvā ekā devadhītā paṭibaddhacittā theraṃ evamāha – ‘‘tvaṃ khosi, bhikkhu, daharo yuvā susu kāḷakeso bhadrena yobbanena samannāgato abhirūpo dassanīyo pāsādiko, evarūpassa tava kāme aparibhuñjitvā ko attho pabbajjāya, kāme tāva paribhuñjassu, pacchā pabbajitvā samaṇadhammaṃ karissasī’’ti. Atha naṃ thero āha – ‘‘devadhīte, ‘asukasmiṃ nāma vaye ṭhito marissāmī’ti mama maraṇakālaṃ na jānāmi, esa me kālo paṭicchanno, tasmā taruṇakāleyeva samaṇadhammaṃ katvā dukkhassantaṃ karissāmī’’ti. Sā therassa santikā paṭisanthāraṃ alabhitvā tattheva antaradhāyi. Thero satthāraṃ upasaṅkamitvā etamatthaṃ ārocesi. Satthā ‘‘na kho, samiddhi, tvaññeva etarahi devadhītāya palobhito, pubbepi devadhītaro pabbajite palobhiṃsuyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ гаасиг̇аамагз б̣раахман̣агулз ниб̣б̣ад̇д̇ид̇ваа ваяаббад̇д̇о саб̣б̣асиббзсу нибпад̇д̇им̣ бад̇ваа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа химаванд̇абад̣̇зсз згам̣ ж̇аад̇ассарам̣ ниссааяа ваасам̣ габбзси. со саб̣б̣арад̇д̇им̣ бад̇хаанам̣ бад̣̇ахид̇ваа арун̣уг̇г̇аманавзлааяа нхад̇ваа згам̣ ваггалам̣ ниваасзд̇ваа згам̣ хад̇т̇зна г̇ахзд̇ваа сарийрам̣ вод̣̇агам̣ гаронд̇о адтааси. ат̇асса руубасобхаг̇г̇аббад̇д̇ам̣ ад̇д̇абхаавам̣ ологзд̇ваа бадиб̣ад̣̇д̇хажид̇д̇аа згаа д̣̇звад̇хийд̇аа б̣од̇хисад̇д̇ам̣ балобхаяамаанаа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto ekasmiṃ kāsigāmake brāhmaṇakule nibbattitvā vayappatto sabbasippesu nipphattiṃ patvā isipabbajjaṃ pabbajitvā abhiññā ca samāpattiyo ca nibbattetvā himavantapadese ekaṃ jātassaraṃ nissāya vāsaṃ kappesi. So sabbarattiṃ padhānaṃ padahitvā aruṇuggamanavelāya nhatvā ekaṃ vakkalaṃ nivāsetvā ekaṃ hatthena gahetvā sarīraṃ vodakaṃ karonto aṭṭhāsi. Athassa rūpasobhaggappattaṃ attabhāvaṃ oloketvā paṭibaddhacittā ekā devadhītā bodhisattaṃ palobhayamānā paṭhamaṃ gāthamāha –
33.
33.
‘‘абхуд̇ваа бхигкаси бхигку, на хи бхуд̇ваана бхигкаси;
‘‘Abhutvā bhikkhasi bhikkhu, na hi bhutvāna bhikkhasi;
бхуд̇ваана бхигку бхигкассу, маа д̇ам̣ гаало убажжаг̇аа’’д̇и.
Bhutvāna bhikkhu bhikkhassu, mā taṃ kālo upaccagā’’ti.
д̇ад̇т̇а абхуд̇ваа бхигкаси бхигкууд̇и бхигку д̇вам̣ д̣̇ахарагаалз гилзсагаамавасзна вад̇т̇угаамз абхуд̇ваава бхигкааяа жараси. на хи бхуд̇ваана бхигкасийд̇и нану наама бан̃жа гаамаг̇ун̣з бхуд̇ваа бхигкааяа жарид̇аб̣б̣ам̣, гаамз абхуд̇ваава бхигкаажарияам̣ убаг̇ад̇оси. бхуд̇ваана бхигку бхигкассууд̇и бхигку д̣̇ахарагаалз д̇аава гаамз бхун̃ж̇ид̇ваа бажчаа махаллагагаалз бхигкассу. маа д̇ам̣ гаало убажжаг̇аад̇и аяам̣ гаамз бхун̃ж̇анагаало д̣̇ахарагаало, д̇ам̣ маа ад̇иггамад̇ууд̇и.
Tattha abhutvā bhikkhasi bhikkhūti bhikkhu tvaṃ daharakāle kilesakāmavasena vatthukāme abhutvāva bhikkhāya carasi. Na hi bhutvāna bhikkhasīti nanu nāma pañca kāmaguṇe bhutvā bhikkhāya caritabbaṃ, kāme abhutvāva bhikkhācariyaṃ upagatosi. Bhutvāna bhikkhu bhikkhassūti bhikkhu daharakāle tāva kāme bhuñjitvā pacchā mahallakakāle bhikkhassu. Mā taṃ kālo upaccagāti ayaṃ kāme bhuñjanakālo daharakālo, taṃ mā atikkamatūti.
б̣од̇хисад̇д̇о д̣̇звад̇ааяа важанам̣ суд̇ваа ад̇д̇ано аж̇жхаасаяам̣ багаасзнд̇о д̣̇уд̇ияам̣ г̇аат̇амааха –
Bodhisatto devatāya vacanaṃ sutvā attano ajjhāsayaṃ pakāsento dutiyaṃ gāthamāha –
34.
34.
‘‘гаалам̣ вохам̣ на ж̇аанаами, чанно гаало на д̣̇иссад̇и;
‘‘Kālaṃ vohaṃ na jānāmi, channo kālo na dissati;
д̇асмаа абхуд̇ваа бхигкаами, маа мам̣ гаало убажжаг̇аа’’д̇и.
Tasmā abhutvā bhikkhāmi, mā maṃ kālo upaccagā’’ti.
д̇ад̇т̇а гаалам̣ вохам̣ на ж̇аанаамийд̇и вод̇и нибаад̇амад̇д̇ам̣. ахам̣ бана ‘‘батамаваяз ваа маяаа марид̇аб̣б̣ам̣ маж̇жхимаваяз ваа бажчимаваяз ваа’’д̇и звам̣ ад̇д̇ано маран̣агаалам̣ на ж̇аанаами. бан̣д̣ид̇зна хи буг̇г̇алзна –
Tattha kālaṃ vohaṃ na jānāmīti voti nipātamattaṃ. Ahaṃ pana ‘‘paṭhamavaye vā mayā maritabbaṃ majjhimavaye vā pacchimavaye vā’’ti evaṃ attano maraṇakālaṃ na jānāmi. Paṇḍitena hi puggalena –
‘‘ж̇ийвид̇ам̣ б̣яаад̇хи гаало жа, д̣̇зханигкзбанам̣ г̇ад̇и;
‘‘Jīvitaṃ byādhi kālo ca, dehanikkhepanaṃ gati;
бан̃жзд̇з ж̇ийвалогасмим̣, анимид̇д̇аа на нааяарз’’д̇и.
Pañcete jīvalokasmiṃ, animittā na nāyare’’ti.
чанно гаало на д̣̇иссад̇ийд̇и яасмаа ‘‘асугасмим̣ наама ваяагаалз хзманд̇аад̣̇иуд̇угаалз ваа маяаа марид̇аб̣б̣а’’нд̇и маяхамбзса чанно худ̇ваа гаало на д̣̇иссад̇и, суббадижчанно худ̇ваа тид̇о на бан̃н̃ааяад̇и. д̇асмаа абхуд̇ваа бхигкаамийд̇и д̇зна гааран̣зна бан̃жа гаамаг̇ун̣з абхуд̇ваа бхигкаами. маа мам̣ гаало убажжаг̇аад̇и мам̣ саман̣ад̇хаммагаран̣агаало маа ад̇иггамад̇ууд̇и ад̇т̇о. иминаа гааран̣зна д̣̇ахарова самаано баб̣б̣аж̇ид̇ваа саман̣ад̇хаммам̣ гаромийд̇и. д̣̇звад̇хийд̇аа б̣од̇хисад̇д̇асса важанам̣ суд̇ваа д̇ад̇т̇зва анд̇арад̇хааяи.
Channo kālo na dissatīti yasmā ‘‘asukasmiṃ nāma vayakāle hemantādiutukāle vā mayā maritabba’’nti mayhampesa channo hutvā kālo na dissati, suppaṭicchanno hutvā ṭhito na paññāyati. Tasmā abhutvā bhikkhāmīti tena kāraṇena pañca kāmaguṇe abhutvā bhikkhāmi. Mā maṃ kālo upaccagāti maṃ samaṇadhammakaraṇakālo mā atikkamatūti attho. Iminā kāraṇena daharova samāno pabbajitvā samaṇadhammaṃ karomīti. Devadhītā bodhisattassa vacanaṃ sutvā tattheva antaradhāyi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̣̇звад̇хийд̇аа аяам̣ д̣̇звад̇хийд̇аа ахоси, ахамзва д̇зна самаязна д̇аабасо ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā devadhītā ayaṃ devadhītā ahosi, ahameva tena samayena tāpaso ahosi’’nti.
самид̣̇д̇хиж̇аад̇агаван̣н̣анаа сад̇д̇амаа.
Samiddhijātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 167. самид̣̇д̇хиж̇аад̇агам̣ • 167. Samiddhijātakaṃ
