| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৬. সমিদ্ধিলোকপঞ্হাসুত্তং
6. Samiddhilokapañhāsuttaṃ
৬৮. ‘‘‘লোকো, লোকো’তি, ভন্তে, ৰুচ্চতি। কিত্তাৰতা নু খো, ভন্তে, লোকো ৰা অস্স লোকপঞ্ঞত্তি ৰা’’তি? যত্থ খো, সমিদ্ধি, অত্থি চক্খু, অত্থি রূপা, অত্থি চক্খুৰিঞ্ঞাণং, অত্থি চক্খুৰিঞ্ঞাণৰিঞ্ঞাতব্বা ধম্মা, অত্থি তত্থ লোকো ৰা লোকপঞ্ঞত্তি ৰাতি…পে॰… অত্থি জিৰ্হা…পে॰… অত্থি মনো, অত্থি ধম্মা, অত্থি মনোৰিঞ্ঞাণং, অত্থি মনোৰিঞ্ঞাণৰিঞ্ঞাতব্বা ধম্মা, অত্থি তত্থ লোকো ৰা লোকপঞ্ঞত্তি ৰা।
68. ‘‘‘Loko, loko’ti, bhante, vuccati. Kittāvatā nu kho, bhante, loko vā assa lokapaññatti vā’’ti? Yattha kho, samiddhi, atthi cakkhu, atthi rūpā, atthi cakkhuviññāṇaṃ, atthi cakkhuviññāṇaviññātabbā dhammā, atthi tattha loko vā lokapaññatti vāti…pe… atthi jivhā…pe… atthi mano, atthi dhammā, atthi manoviññāṇaṃ, atthi manoviññāṇaviññātabbā dhammā, atthi tattha loko vā lokapaññatti vā.
‘‘যত্থ চ খো, সমিদ্ধি, নত্থি চক্খু, নত্থি রূপা, নত্থি চক্খুৰিঞ্ঞাণং, নত্থি চক্খুৰিঞ্ঞাণৰিঞ্ঞাতব্বা ধম্মা, নত্থি তত্থ লোকো ৰা লোকপঞ্ঞত্তি ৰা…পে॰… নত্থি জিৰ্হা…পে॰… নত্থি মনো, নত্থি ধম্মা, নত্থি মনোৰিঞ্ঞাণং, নত্থি মনোৰিঞ্ঞাণৰিঞ্ঞাতব্বা ধম্মা, নত্থি তত্থ লোকো ৰা লোকপঞ্ঞত্তি ৰা’’তি। ছট্ঠং।
‘‘Yattha ca kho, samiddhi, natthi cakkhu, natthi rūpā, natthi cakkhuviññāṇaṃ, natthi cakkhuviññāṇaviññātabbā dhammā, natthi tattha loko vā lokapaññatti vā…pe… natthi jivhā…pe… natthi mano, natthi dhammā, natthi manoviññāṇaṃ, natthi manoviññāṇaviññātabbā dhammā, natthi tattha loko vā lokapaññatti vā’’ti. Chaṭṭhaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬. সমিদ্ধিলোকপঞ্হাসুত্তৰণ্ণনা • 6. Samiddhilokapañhāsuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৬. সমিদ্ধিলোকপঞ্হাসুত্তৰণ্ণনা • 6. Samiddhilokapañhāsuttavaṇṇanā
