| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៦. សមិទ្ធិលោកបញ្ហាសុត្តំ
6. Samiddhilokapañhāsuttaṃ
៦៨. ‘‘‘លោកោ, លោកោ’តិ, ភន្តេ, វុច្ចតិ។ កិត្តាវតា នុ ខោ, ភន្តេ, លោកោ វា អស្ស លោកបញ្ញត្តិ វា’’តិ? យត្ថ ខោ, សមិទ្ធិ, អត្ថិ ចក្ខុ, អត្ថិ រូបា, អត្ថិ ចក្ខុវិញ្ញាណំ, អត្ថិ ចក្ខុវិញ្ញាណវិញ្ញាតព្ពា ធម្មា, អត្ថិ តត្ថ លោកោ វា លោកបញ្ញត្តិ វាតិ…បេ.… អត្ថិ ជិវ្ហា…បេ.… អត្ថិ មនោ, អត្ថិ ធម្មា, អត្ថិ មនោវិញ្ញាណំ, អត្ថិ មនោវិញ្ញាណវិញ្ញាតព្ពា ធម្មា, អត្ថិ តត្ថ លោកោ វា លោកបញ្ញត្តិ វា។
68. ‘‘‘Loko, loko’ti, bhante, vuccati. Kittāvatā nu kho, bhante, loko vā assa lokapaññatti vā’’ti? Yattha kho, samiddhi, atthi cakkhu, atthi rūpā, atthi cakkhuviññāṇaṃ, atthi cakkhuviññāṇaviññātabbā dhammā, atthi tattha loko vā lokapaññatti vāti…pe… atthi jivhā…pe… atthi mano, atthi dhammā, atthi manoviññāṇaṃ, atthi manoviññāṇaviññātabbā dhammā, atthi tattha loko vā lokapaññatti vā.
‘‘យត្ថ ច ខោ, សមិទ្ធិ, នត្ថិ ចក្ខុ, នត្ថិ រូបា, នត្ថិ ចក្ខុវិញ្ញាណំ, នត្ថិ ចក្ខុវិញ្ញាណវិញ្ញាតព្ពា ធម្មា, នត្ថិ តត្ថ លោកោ វា លោកបញ្ញត្តិ វា…បេ.… នត្ថិ ជិវ្ហា…បេ.… នត្ថិ មនោ, នត្ថិ ធម្មា, នត្ថិ មនោវិញ្ញាណំ, នត្ថិ មនោវិញ្ញាណវិញ្ញាតព្ពា ធម្មា, នត្ថិ តត្ថ លោកោ វា លោកបញ្ញត្តិ វា’’តិ។ ឆដ្ឋំ។
‘‘Yattha ca kho, samiddhi, natthi cakkhu, natthi rūpā, natthi cakkhuviññāṇaṃ, natthi cakkhuviññāṇaviññātabbā dhammā, natthi tattha loko vā lokapaññatti vā…pe… natthi jivhā…pe… natthi mano, natthi dhammā, natthi manoviññāṇaṃ, natthi manoviññāṇaviññātabbā dhammā, natthi tattha loko vā lokapaññatti vā’’ti. Chaṭṭhaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៦. សមិទ្ធិលោកបញ្ហាសុត្តវណ្ណនា • 6. Samiddhilokapañhāsuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៦. សមិទ្ធិលោកបញ្ហាសុត្តវណ្ណនា • 6. Samiddhilokapañhāsuttavaṇṇanā
