| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೬. ಸಮಿದ್ಧಿಲೋಕಪಞ್ಹಾಸುತ್ತಂ
6. Samiddhilokapañhāsuttaṃ
೬೮. ‘‘‘ಲೋಕೋ, ಲೋಕೋ’ತಿ, ಭನ್ತೇ, ವುಚ್ಚತಿ। ಕಿತ್ತಾವತಾ ನು ಖೋ, ಭನ್ತೇ, ಲೋಕೋ ವಾ ಅಸ್ಸ ಲೋಕಪಞ್ಞತ್ತಿ ವಾ’’ತಿ? ಯತ್ಥ ಖೋ, ಸಮಿದ್ಧಿ, ಅತ್ಥಿ ಚಕ್ಖು, ಅತ್ಥಿ ರೂಪಾ, ಅತ್ಥಿ ಚಕ್ಖುವಿಞ್ಞಾಣಂ, ಅತ್ಥಿ ಚಕ್ಖುವಿಞ್ಞಾಣವಿಞ್ಞಾತಬ್ಬಾ ಧಮ್ಮಾ, ಅತ್ಥಿ ತತ್ಥ ಲೋಕೋ ವಾ ಲೋಕಪಞ್ಞತ್ತಿ ವಾತಿ…ಪೇ॰… ಅತ್ಥಿ ಜಿವ್ಹಾ…ಪೇ॰… ಅತ್ಥಿ ಮನೋ, ಅತ್ಥಿ ಧಮ್ಮಾ, ಅತ್ಥಿ ಮನೋವಿಞ್ಞಾಣಂ, ಅತ್ಥಿ ಮನೋವಿಞ್ಞಾಣವಿಞ್ಞಾತಬ್ಬಾ ಧಮ್ಮಾ, ಅತ್ಥಿ ತತ್ಥ ಲೋಕೋ ವಾ ಲೋಕಪಞ್ಞತ್ತಿ ವಾ।
68. ‘‘‘Loko, loko’ti, bhante, vuccati. Kittāvatā nu kho, bhante, loko vā assa lokapaññatti vā’’ti? Yattha kho, samiddhi, atthi cakkhu, atthi rūpā, atthi cakkhuviññāṇaṃ, atthi cakkhuviññāṇaviññātabbā dhammā, atthi tattha loko vā lokapaññatti vāti…pe… atthi jivhā…pe… atthi mano, atthi dhammā, atthi manoviññāṇaṃ, atthi manoviññāṇaviññātabbā dhammā, atthi tattha loko vā lokapaññatti vā.
‘‘ಯತ್ಥ ಚ ಖೋ, ಸಮಿದ್ಧಿ, ನತ್ಥಿ ಚಕ್ಖು, ನತ್ಥಿ ರೂಪಾ, ನತ್ಥಿ ಚಕ್ಖುವಿಞ್ಞಾಣಂ, ನತ್ಥಿ ಚಕ್ಖುವಿಞ್ಞಾಣವಿಞ್ಞಾತಬ್ಬಾ ಧಮ್ಮಾ, ನತ್ಥಿ ತತ್ಥ ಲೋಕೋ ವಾ ಲೋಕಪಞ್ಞತ್ತಿ ವಾ…ಪೇ॰… ನತ್ಥಿ ಜಿವ್ಹಾ…ಪೇ॰… ನತ್ಥಿ ಮನೋ, ನತ್ಥಿ ಧಮ್ಮಾ, ನತ್ಥಿ ಮನೋವಿಞ್ಞಾಣಂ, ನತ್ಥಿ ಮನೋವಿಞ್ಞಾಣವಿಞ್ಞಾತಬ್ಬಾ ಧಮ್ಮಾ, ನತ್ಥಿ ತತ್ಥ ಲೋಕೋ ವಾ ಲೋಕಪಞ್ಞತ್ತಿ ವಾ’’ತಿ। ಛಟ್ಠಂ।
‘‘Yattha ca kho, samiddhi, natthi cakkhu, natthi rūpā, natthi cakkhuviññāṇaṃ, natthi cakkhuviññāṇaviññātabbā dhammā, natthi tattha loko vā lokapaññatti vā…pe… natthi jivhā…pe… natthi mano, natthi dhammā, natthi manoviññāṇaṃ, natthi manoviññāṇaviññātabbā dhammā, natthi tattha loko vā lokapaññatti vā’’ti. Chaṭṭhaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೬. ಸಮಿದ್ಧಿಲೋಕಪಞ್ಹಾಸುತ್ತವಣ್ಣನಾ • 6. Samiddhilokapañhāsuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೬. ಸಮಿದ್ಧಿಲೋಕಪಞ್ಹಾಸುತ್ತವಣ್ಣನಾ • 6. Samiddhilokapañhāsuttavaṇṇanā
