| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൬. സമിദ്ധിലോകപഞ്ഹാസുത്തം
6. Samiddhilokapañhāsuttaṃ
൬൮. ‘‘‘ലോകോ, ലോകോ’തി, ഭന്തേ, വുച്ചതി. കിത്താവതാ നു ഖോ, ഭന്തേ, ലോകോ വാ അസ്സ ലോകപഞ്ഞത്തി വാ’’തി? യത്ഥ ഖോ, സമിദ്ധി, അത്ഥി ചക്ഖു, അത്ഥി രൂപാ, അത്ഥി ചക്ഖുവിഞ്ഞാണം, അത്ഥി ചക്ഖുവിഞ്ഞാണവിഞ്ഞാതബ്ബാ ധമ്മാ, അത്ഥി തത്ഥ ലോകോ വാ ലോകപഞ്ഞത്തി വാതി…പേ॰… അത്ഥി ജിവ്ഹാ…പേ॰… അത്ഥി മനോ, അത്ഥി ധമ്മാ, അത്ഥി മനോവിഞ്ഞാണം, അത്ഥി മനോവിഞ്ഞാണവിഞ്ഞാതബ്ബാ ധമ്മാ, അത്ഥി തത്ഥ ലോകോ വാ ലോകപഞ്ഞത്തി വാ.
68. ‘‘‘Loko, loko’ti, bhante, vuccati. Kittāvatā nu kho, bhante, loko vā assa lokapaññatti vā’’ti? Yattha kho, samiddhi, atthi cakkhu, atthi rūpā, atthi cakkhuviññāṇaṃ, atthi cakkhuviññāṇaviññātabbā dhammā, atthi tattha loko vā lokapaññatti vāti…pe… atthi jivhā…pe… atthi mano, atthi dhammā, atthi manoviññāṇaṃ, atthi manoviññāṇaviññātabbā dhammā, atthi tattha loko vā lokapaññatti vā.
‘‘യത്ഥ ച ഖോ, സമിദ്ധി, നത്ഥി ചക്ഖു, നത്ഥി രൂപാ, നത്ഥി ചക്ഖുവിഞ്ഞാണം, നത്ഥി ചക്ഖുവിഞ്ഞാണവിഞ്ഞാതബ്ബാ ധമ്മാ, നത്ഥി തത്ഥ ലോകോ വാ ലോകപഞ്ഞത്തി വാ…പേ॰… നത്ഥി ജിവ്ഹാ…പേ॰… നത്ഥി മനോ, നത്ഥി ധമ്മാ, നത്ഥി മനോവിഞ്ഞാണം, നത്ഥി മനോവിഞ്ഞാണവിഞ്ഞാതബ്ബാ ധമ്മാ, നത്ഥി തത്ഥ ലോകോ വാ ലോകപഞ്ഞത്തി വാ’’തി. ഛട്ഠം.
‘‘Yattha ca kho, samiddhi, natthi cakkhu, natthi rūpā, natthi cakkhuviññāṇaṃ, natthi cakkhuviññāṇaviññātabbā dhammā, natthi tattha loko vā lokapaññatti vā…pe… natthi jivhā…pe… natthi mano, natthi dhammā, natthi manoviññāṇaṃ, natthi manoviññāṇaviññātabbā dhammā, natthi tattha loko vā lokapaññatti vā’’ti. Chaṭṭhaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൬. സമിദ്ധിലോകപഞ്ഹാസുത്തവണ്ണനാ • 6. Samiddhilokapañhāsuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൬. സമിദ്ധിലോകപഞ്ഹാസുത്തവണ്ണനാ • 6. Samiddhilokapañhāsuttavaṇṇanā
