| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੪. ਸਮਿਦ੍ਧਿਸੁਤ੍ਤਂ
4. Samiddhisuttaṃ
੧੪. ਅਥ ਖੋ ਆਯਸ੍ਮਾ ਸਮਿਦ੍ਧਿ ਯੇਨਾਯਸ੍ਮਾ ਸਾਰਿਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਸਾਰਿਪੁਤ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਆਯਸ੍ਮਨ੍ਤਂ ਸਮਿਦ੍ਧਿਂ ਆਯਸ੍ਮਾ ਸਾਰਿਪੁਤ੍ਤੋ ਏਤਦવੋਚ – ‘‘ਕਿਮਾਰਮ੍ਮਣਾ, ਸਮਿਦ੍ਧਿ, ਪੁਰਿਸਸ੍ਸ ਸਙ੍ਕਪ੍ਪવਿਤਕ੍ਕਾ ਉਪ੍ਪਜ੍ਜਨ੍ਤੀ’’ਤਿ? ‘‘ਨਾਮਰੂਪਾਰਮ੍ਮਣਾ, ਭਨ੍ਤੇ’’ਤਿ। ‘‘ਤੇ ਪਨ, ਸਮਿਦ੍ਧਿ, ਕ੍વ ਨਾਨਤ੍ਤਂ ਗਚ੍ਛਨ੍ਤੀ’’ਤਿ? ‘‘ਧਾਤੂਸੁ, ਭਨ੍ਤੇ’’ਤਿ। ‘‘ਤੇ ਪਨ, ਸਮਿਦ੍ਧਿ, ਕਿਂਸਮੁਦਯਾ’’ਤਿ? ‘‘ਫਸ੍ਸਸਮੁਦਯਾ, ਭਨ੍ਤੇ’’ਤਿ। ‘‘ਤੇ ਪਨ, ਸਮਿਦ੍ਧਿ, ਕਿਂਸਮੋਸਰਣਾ’’ਤਿ? ‘‘વੇਦਨਾਸਮੋਸਰਣਾ, ਭਨ੍ਤੇ’’ਤਿ। ‘‘ਤੇ ਪਨ , ਸਮਿਦ੍ਧਿ, ਕਿਂਪਮੁਖਾ’’ਤਿ? ‘‘ਸਮਾਧਿਪ੍ਪਮੁਖਾ, ਭਨ੍ਤੇ’’ਤਿ। ‘‘ਤੇ ਪਨ, ਸਮਿਦ੍ਧਿ, ਕਿਂਅਧਿਪਤੇਯ੍ਯਾ’’ਤਿ? ‘‘ਸਤਾਧਿਪਤੇਯ੍ਯਾ, ਭਨ੍ਤੇ’’ਤਿ। ‘‘ਤੇ ਪਨ, ਸਮਿਦ੍ਧਿ, ਕਿਂਉਤ੍ਤਰਾ’’ਤਿ? ‘‘ਪਞ੍ਞੁਤ੍ਤਰਾ, ਭਨ੍ਤੇ’’ਤਿ। ‘‘ਤੇ ਪਨ, ਸਮਿਦ੍ਧਿ, ਕਿਂਸਾਰਾ’’ਤਿ? ‘‘વਿਮੁਤ੍ਤਿਸਾਰਾ, ਭਨ੍ਤੇ’’ਤਿ। ‘‘ਤੇ ਪਨ, ਸਮਿਦ੍ਧਿ, ਕਿਂਓਗਧਾ’’ਤਿ? ‘‘ਅਮਤੋਗਧਾ, ਭਨ੍ਤੇ’’ਤਿ।
14. Atha kho āyasmā samiddhi yenāyasmā sāriputto tenupasaṅkami; upasaṅkamitvā āyasmantaṃ sāriputtaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ samiddhiṃ āyasmā sāriputto etadavoca – ‘‘kimārammaṇā, samiddhi, purisassa saṅkappavitakkā uppajjantī’’ti? ‘‘Nāmarūpārammaṇā, bhante’’ti. ‘‘Te pana, samiddhi, kva nānattaṃ gacchantī’’ti? ‘‘Dhātūsu, bhante’’ti. ‘‘Te pana, samiddhi, kiṃsamudayā’’ti? ‘‘Phassasamudayā, bhante’’ti. ‘‘Te pana, samiddhi, kiṃsamosaraṇā’’ti? ‘‘Vedanāsamosaraṇā, bhante’’ti. ‘‘Te pana , samiddhi, kiṃpamukhā’’ti? ‘‘Samādhippamukhā, bhante’’ti. ‘‘Te pana, samiddhi, kiṃadhipateyyā’’ti? ‘‘Satādhipateyyā, bhante’’ti. ‘‘Te pana, samiddhi, kiṃuttarā’’ti? ‘‘Paññuttarā, bhante’’ti. ‘‘Te pana, samiddhi, kiṃsārā’’ti? ‘‘Vimuttisārā, bhante’’ti. ‘‘Te pana, samiddhi, kiṃogadhā’’ti? ‘‘Amatogadhā, bhante’’ti.
‘‘‘ਕਿਮਾਰਮ੍ਮਣਾ, ਸਮਿਦ੍ਧਿ, ਪੁਰਿਸਸ੍ਸ ਸਙ੍ਕਪ੍ਪવਿਤਕ੍ਕਾ ਉਪ੍ਪਜ੍ਜਨ੍ਤੀ’ਤਿ, ਇਤਿ ਪੁਟ੍ਠੋ ਸਮਾਨੋ ‘ਨਾਮਰੂਪਾਰਮ੍ਮਣਾ, ਭਨ੍ਤੇ’ਤਿ વਦੇਸਿ। ‘ਤੇ ਪਨ, ਸਮਿਦ੍ਧਿ, ਕ੍વ ਨਾਨਤ੍ਤਂ ਗਚ੍ਛਨ੍ਤੀ’ਤਿ, ਇਤਿ ਪੁਟ੍ਠੋ ਸਮਾਨੋ ‘ਧਾਤੂਸੁ, ਭਨ੍ਤੇ’ਤਿ વਦੇਸਿ। ‘ਤੇ ਪਨ, ਸਮਿਦ੍ਧਿ, ਕਿਂਸਮੁਦਯਾ’ਤਿ, ਇਤਿ ਪੁਟ੍ਠੋ ਸਮਾਨੋ ‘ਫਸ੍ਸਸਮੁਦਯਾ, ਭਨ੍ਤੇ’ਤਿ વਦੇਸਿ। ‘ਤੇ ਪਨ, ਸਮਿਦ੍ਧਿ, ਕਿਂਸਮੋਸਰਣਾ’ਤਿ, ਇਤਿ ਪੁਟ੍ਠੋ ਸਮਾਨੋ ‘વੇਦਨਾਸਮੋਸਰਣਾ, ਭਨ੍ਤੇ’ਤਿ વਦੇਸਿ। ‘ਤੇ ਪਨ, ਸਮਿਦ੍ਧਿ, ਕਿਂਪਮੁਖਾ’ਤਿ, ਇਤਿ ਪੁਟ੍ਠੋ ਸਮਾਨੋ ‘ਸਮਾਧਿਪ੍ਪਮੁਖਾ, ਭਨ੍ਤੇ’ਤਿ વਦੇਸਿ। ‘ਤੇ ਪਨ, ਸਮਿਦ੍ਧਿ, ਕਿਂਅਧਿਪਤੇਯ੍ਯਾ’ਤਿ, ਇਤਿ ਪੁਟ੍ਠੋ ਸਮਾਨੋ ‘ਸਤਾਧਿਪਤੇਯ੍ਯਾ, ਭਨ੍ਤੇ’ਤਿ વਦੇਸਿ। ‘ਤੇ ਪਨ, ਸਮਿਦ੍ਧਿ, ਕਿਂਉਤ੍ਤਰਾ’ਤਿ, ਇਤਿ ਪੁਟ੍ਠੋ ਸਮਾਨੋ ‘ਪਞ੍ਞੁਤ੍ਤਰਾ, ਭਨ੍ਤੇ’ਤਿ વਦੇਸਿ। ‘ਤੇ ਪਨ, ਸਮਿਦ੍ਧਿ, ਕਿਂਸਾਰਾ’ਤਿ, ਇਤਿ ਪੁਟ੍ਠੋ ਸਮਾਨੋ ‘વਿਮੁਤ੍ਤਿਸਾਰਾ, ਭਨ੍ਤੇ’ਤਿ વਦੇਸਿ। ‘ਤੇ ਪਨ, ਸਮਿਦ੍ਧਿ, ਕਿਂਓਗਧਾ’ਤਿ, ਇਤਿ ਪੁਟ੍ਠੋ ਸਮਾਨੋ ‘ਅਮਤੋਗਧਾ, ਭਨ੍ਤੇ’ਤਿ વਦੇਸਿ। ਸਾਧੁ ਸਾਧੁ, ਸਮਿਦ੍ਧਿ! ਸਾਧੁ ਖੋ ਤ੍વਂ, ਸਮਿਦ੍ਧਿ, ਪੁਟ੍ਠੋ 1 ਪੁਟ੍ਠੋ વਿਸ੍ਸਜ੍ਜੇਸਿ, ਤੇਨ ਚ ਮਾ ਮਞ੍ਞੀ’’ਤਿ। ਚਤੁਤ੍ਥਂ।
‘‘‘Kimārammaṇā, samiddhi, purisassa saṅkappavitakkā uppajjantī’ti, iti puṭṭho samāno ‘nāmarūpārammaṇā, bhante’ti vadesi. ‘Te pana, samiddhi, kva nānattaṃ gacchantī’ti, iti puṭṭho samāno ‘dhātūsu, bhante’ti vadesi. ‘Te pana, samiddhi, kiṃsamudayā’ti, iti puṭṭho samāno ‘phassasamudayā, bhante’ti vadesi. ‘Te pana, samiddhi, kiṃsamosaraṇā’ti, iti puṭṭho samāno ‘vedanāsamosaraṇā, bhante’ti vadesi. ‘Te pana, samiddhi, kiṃpamukhā’ti, iti puṭṭho samāno ‘samādhippamukhā, bhante’ti vadesi. ‘Te pana, samiddhi, kiṃadhipateyyā’ti, iti puṭṭho samāno ‘satādhipateyyā, bhante’ti vadesi. ‘Te pana, samiddhi, kiṃuttarā’ti, iti puṭṭho samāno ‘paññuttarā, bhante’ti vadesi. ‘Te pana, samiddhi, kiṃsārā’ti, iti puṭṭho samāno ‘vimuttisārā, bhante’ti vadesi. ‘Te pana, samiddhi, kiṃogadhā’ti, iti puṭṭho samāno ‘amatogadhā, bhante’ti vadesi. Sādhu sādhu, samiddhi! Sādhu kho tvaṃ, samiddhi, puṭṭho 2 puṭṭho vissajjesi, tena ca mā maññī’’ti. Catutthaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਸਮਿਦ੍ਧਿਸੁਤ੍ਤવਣ੍ਣਨਾ • 4. Samiddhisuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪. ਸਮਿਦ੍ਧਿਸੁਤ੍ਤવਣ੍ਣਨਾ • 4. Samiddhisuttavaṇṇanā
