| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. ஸமித்³தி⁴ஸுத்தவண்ணனா
4. Samiddhisuttavaṇṇanā
14. சதுத்தே² ஸமித்³தீ⁴தி அத்தபா⁴வஸமித்³த⁴தாய ஏவங்லத்³த⁴னாமோ தே²ரஸ்ஸ ஸத்³தி⁴விஹாரிகத்தே²ரோ. கிமாரம்மணாதி கிங்பச்சயா. ஸங்கப்பவிதக்காதி ஸங்கப்பபூ⁴தா விதக்கா. நாமரூபாரம்மணாதி நாமரூபபச்சயா. இமினா சத்தாரோ அரூபக்க²ந்தா⁴ பூ⁴துபாதா³யரூபஞ்ச விதக்கானங் பச்சயோதி த³ஸ்ஸேதி. க்வ நானத்தங் க³ச்ச²ந்தீதி கஸ்மிங் டா²னே நானாஸபா⁴வதங் வேமத்தங் க³ச்ச²ந்தி. தா⁴துஸூதி ரூபதா⁴துஆதீ³ஸு. அஞ்ஞோயேவ ஹி ரூபவிதக்கோ, அஞ்ஞே ஸத்³த³விதக்காத³யோதி. ப²ஸ்ஸஸமுத³யாதி ஸம்பயுத்தப²ஸ்ஸபச்சயா. வேத³னாஸமோஸரணாதி திஸ்ஸோ வேத³னா ஸமோஸரணா. எத்தகேன குஸலாகுஸலமிஸ்ஸகா கதி²தா. ஸமாதி⁴ப்பமுகா²திஆத³யோ பன அபசயபக்கி²காதி வேதி³தப்³பா³. தத்த² புப்³ப³ங்க³மட்டே²ன ஜெட்ட²கட்டே²ன வா ஸமாதி⁴ பமுக²ங் ஏதேஸந்தி ஸமாதி⁴ப்பமுகா². ஜெட்ட²ககாரணட்டே²ன ஸதி அதி⁴பதெய்யா ஏதேஸந்தி ஸதாதி⁴பதெய்யா. மக்³க³பஞ்ஞா உத்தரா ஏதேஸந்தி பஞ்ஞுத்தரா. ப²லவிமுத்திங் பத்வா ஸாரப்பத்தா ஹொந்தீதி விமுத்திஸாரா. ஆரம்மணவஸேன அமதங் நிப்³பா³னங் ஓகா³ஹித்வா தத்த² பதிட்டி²தாதி அமதோக³தா⁴. தேன ச மா மஞ்ஞீதி தேன விஸ்ஸஜ்ஜனேன ‘‘அஹங் அக்³க³ஸாவகேன புச்சி²தே பஞ்ஹே விஸ்ஸஜ்ஜேஸி’’ந்தி மா மானங் வா த³ப்பங் வா அகாஸி.
14. Catutthe samiddhīti attabhāvasamiddhatāya evaṃladdhanāmo therassa saddhivihārikatthero. Kimārammaṇāti kiṃpaccayā. Saṅkappavitakkāti saṅkappabhūtā vitakkā. Nāmarūpārammaṇāti nāmarūpapaccayā. Iminā cattāro arūpakkhandhā bhūtupādāyarūpañca vitakkānaṃ paccayoti dasseti. Kva nānattaṃ gacchantīti kasmiṃ ṭhāne nānāsabhāvataṃ vemattaṃ gacchanti. Dhātusūti rūpadhātuādīsu. Aññoyeva hi rūpavitakko, aññe saddavitakkādayoti. Phassasamudayāti sampayuttaphassapaccayā. Vedanāsamosaraṇāti tisso vedanā samosaraṇā. Ettakena kusalākusalamissakā kathitā. Samādhippamukhātiādayo pana apacayapakkhikāti veditabbā. Tattha pubbaṅgamaṭṭhena jeṭṭhakaṭṭhena vā samādhi pamukhaṃ etesanti samādhippamukhā. Jeṭṭhakakāraṇaṭṭhena sati adhipateyyā etesanti satādhipateyyā. Maggapaññā uttarā etesanti paññuttarā. Phalavimuttiṃ patvā sārappattā hontīti vimuttisārā. Ārammaṇavasena amataṃ nibbānaṃ ogāhitvā tattha patiṭṭhitāti amatogadhā. Tena ca mā maññīti tena vissajjanena ‘‘ahaṃ aggasāvakena pucchite pañhe vissajjesi’’nti mā mānaṃ vā dappaṃ vā akāsi.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. ஸமித்³தி⁴ஸுத்தங் • 4. Samiddhisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4. ஸமித்³தி⁴ஸுத்தவண்ணனா • 4. Samiddhisuttavaṇṇanā
