| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. ஸமித்³தி⁴ஸுத்தவண்ணனா
2. Samiddhisuttavaṇṇanā
158. து³தியே லாபா⁴ வத மே, ஸுலத்³த⁴ங் வத மேதி ஏவரூபஸ்ஸ ஸத்து² சேவ த⁴ம்மஸ்ஸ ச ஸப்³ரஹ்மசாரீனஞ்ச லத்³த⁴த்தா மய்ஹங் லாபா⁴ மய்ஹங் ஸுலத்³த⁴ந்தி. ஸோ கிராயஸ்மா பச்சா² மூலகம்மட்டா²னங் ஸம்மஸித்வா ‘‘அரஹத்தங் க³ஹெஸ்ஸாமீ’’தி பாஸாதி³கங் தாவ கம்மட்டா²னங் க³ஹெத்வா பு³த்³த⁴த⁴ம்மஸங்க⁴கு³ணே ஆவஜ்ஜெத்வா சித்தகல்லதங் உப்பாதெ³த்வா சித்தங் ஹாஸெத்வா தோஸெத்வா நிஸின்னோ. தேனஸ்ஸ ஏவமஹோஸி. உபஸங்கமீதி ‘‘அயங் ஸமித்³தி⁴ பி⁴க்கு² பாஸாதி³கங் கம்மட்டா²னங் க³ஹெத்வா நிஸின்னஸதி³ஸோ, யாவ மூலகம்மட்டா²னங் க³ஹெத்வா அரஹத்தங் ந க³ண்ஹாதி, தாவஸ்ஸ அந்தராயங் கரிஸ்ஸாமீ’’தி உபஸங்கமி. க³ச்ச² த்வந்தி ஸத்தா² ஸகலஜம்பு³தீ³பங் ஓலோகெந்தோ ‘‘தஸ்மிங்யேவ டா²னே தஸ்ஸ கம்மட்டா²னங் ஸப்பாயங் ப⁴விஸ்ஸதீ’’தி அத்³த³ஸ, தஸ்மா ஏவமாஹ. ஸதிபஞ்ஞா ச மே பு³த்³தா⁴தி மயா ஸதி ச பஞ்ஞா ச ஞாதா. கரஸ்ஸு ரூபானீதி ப³ஹூனிபி விபி⁴ங்ஸகாரஹானி ரூபானி கரஸ்ஸு. நேவ மங் ப்³யாத⁴யிஸ்ஸஸீதி மங் நேவ வேத⁴யிஸ்ஸஸி ந கம்பஸ்ஸேஸி. து³தியங்.
158. Dutiye lābhā vata me, suladdhaṃ vata meti evarūpassa satthu ceva dhammassa ca sabrahmacārīnañca laddhattā mayhaṃ lābhā mayhaṃ suladdhanti. So kirāyasmā pacchā mūlakammaṭṭhānaṃ sammasitvā ‘‘arahattaṃ gahessāmī’’ti pāsādikaṃ tāva kammaṭṭhānaṃ gahetvā buddhadhammasaṅghaguṇe āvajjetvā cittakallataṃ uppādetvā cittaṃ hāsetvā tosetvā nisinno. Tenassa evamahosi. Upasaṅkamīti ‘‘ayaṃ samiddhi bhikkhu pāsādikaṃ kammaṭṭhānaṃ gahetvā nisinnasadiso, yāva mūlakammaṭṭhānaṃ gahetvā arahattaṃ na gaṇhāti, tāvassa antarāyaṃ karissāmī’’ti upasaṅkami. Gaccha tvanti satthā sakalajambudīpaṃ olokento ‘‘tasmiṃyeva ṭhāne tassa kammaṭṭhānaṃ sappāyaṃ bhavissatī’’ti addasa, tasmā evamāha. Satipaññā ca me buddhāti mayā sati ca paññā ca ñātā. Karassu rūpānīti bahūnipi vibhiṃsakārahāni rūpāni karassu. Neva maṃ byādhayissasīti maṃ neva vedhayissasi na kampassesi. Dutiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. ஸமித்³தி⁴ஸுத்தங் • 2. Samiddhisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. ஸமித்³தி⁴ஸுத்தவண்ணனா • 2. Samiddhisuttavaṇṇanā
