| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. самид̣̇д̇хисуд̇д̇аван̣н̣анаа
4. Samiddhisuttavaṇṇanā
14. жад̇уд̇т̇з самид̣̇д̇хийд̇и ад̇д̇абхаавасамид̣̇д̇хад̇ааяа звам̣лад̣̇д̇ханаамо т̇зрасса сад̣̇д̇хивихааригад̇т̇зро. гимаарамман̣аад̇и гим̣бажжаяаа. сан̇габбавид̇аггаад̇и сан̇габбабхууд̇аа вид̇аггаа. наамаруубаарамман̣аад̇и наамаруубабажжаяаа. иминаа жад̇д̇ааро аруубагканд̇хаа бхууд̇убаад̣̇ааяаруубан̃жа вид̇аггаанам̣ бажжаяод̇и д̣̇ассзд̇и. гва наанад̇д̇ам̣ г̇ажчанд̇ийд̇и гасмим̣ таанз наанаасабхаавад̇ам̣ взмад̇д̇ам̣ г̇ажчанд̇и. д̇хаад̇усууд̇и руубад̇хаад̇уаад̣̇ийсу. ан̃н̃оязва хи руубавид̇агго, ан̃н̃з сад̣̇д̣̇авид̇аггаад̣̇аяод̇и. пассасамуд̣̇аяаад̇и самбаяуд̇д̇апассабажжаяаа. взд̣̇анаасамосаран̣аад̇и д̇иссо взд̣̇анаа самосаран̣аа. зд̇д̇агзна гусалаагусаламиссагаа гат̇ид̇аа. самаад̇хиббамукаад̇иаад̣̇аяо бана абажаяабагкигаад̇и взд̣̇ид̇аб̣б̣аа. д̇ад̇т̇а буб̣б̣ан̇г̇амадтзна ж̇здтагадтзна ваа самаад̇хи бамукам̣ зд̇зсанд̇и самаад̇хиббамукаа. ж̇здтагагааран̣адтзна сад̇и ад̇хибад̇зяяаа зд̇зсанд̇и сад̇аад̇хибад̇зяяаа. маг̇г̇абан̃н̃аа уд̇д̇араа зд̇зсанд̇и бан̃н̃уд̇д̇араа. палавимуд̇д̇им̣ бад̇ваа саараббад̇д̇аа хонд̇ийд̇и вимуд̇д̇исаараа. аарамман̣авасзна амад̇ам̣ ниб̣б̣аанам̣ ог̇аахид̇ваа д̇ад̇т̇а бад̇идтид̇аад̇и амад̇ог̇ад̇хаа. д̇зна жа маа ман̃н̃ийд̇и д̇зна виссаж̇ж̇анзна ‘‘ахам̣ аг̇г̇асаавагзна бужчид̇з бан̃хз виссаж̇ж̇зси’’нд̇и маа маанам̣ ваа д̣̇аббам̣ ваа агааси.
14. Catutthe samiddhīti attabhāvasamiddhatāya evaṃladdhanāmo therassa saddhivihārikatthero. Kimārammaṇāti kiṃpaccayā. Saṅkappavitakkāti saṅkappabhūtā vitakkā. Nāmarūpārammaṇāti nāmarūpapaccayā. Iminā cattāro arūpakkhandhā bhūtupādāyarūpañca vitakkānaṃ paccayoti dasseti. Kva nānattaṃ gacchantīti kasmiṃ ṭhāne nānāsabhāvataṃ vemattaṃ gacchanti. Dhātusūti rūpadhātuādīsu. Aññoyeva hi rūpavitakko, aññe saddavitakkādayoti. Phassasamudayāti sampayuttaphassapaccayā. Vedanāsamosaraṇāti tisso vedanā samosaraṇā. Ettakena kusalākusalamissakā kathitā. Samādhippamukhātiādayo pana apacayapakkhikāti veditabbā. Tattha pubbaṅgamaṭṭhena jeṭṭhakaṭṭhena vā samādhi pamukhaṃ etesanti samādhippamukhā. Jeṭṭhakakāraṇaṭṭhena sati adhipateyyā etesanti satādhipateyyā. Maggapaññā uttarā etesanti paññuttarā. Phalavimuttiṃ patvā sārappattā hontīti vimuttisārā. Ārammaṇavasena amataṃ nibbānaṃ ogāhitvā tattha patiṭṭhitāti amatogadhā. Tena ca mā maññīti tena vissajjanena ‘‘ahaṃ aggasāvakena pucchite pañhe vissajjesi’’nti mā mānaṃ vā dappaṃ vā akāsi.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. самид̣̇д̇хисуд̇д̇ам̣ • 4. Samiddhisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. самид̣̇д̇хисуд̇д̇аван̣н̣анаа • 4. Samiddhisuttavaṇṇanā
