| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. самид̣̇д̇хисуд̇д̇аван̣н̣анаа
2. Samiddhisuttavaṇṇanā
158. маяхам̣ лаабхаад̇и зваруубасса наама саммаасамб̣уд̣̇д̇хасса сад̇т̇усса бадилаабхо, зваруубасса жа наама нияяаанигасса сад̣̇д̇хаммасса бадилаабхо, зваруубаанан̃жа суббадибаннаанам̣ саб̣рахмажаарийнам̣ бадилаабхо, зд̇з маяхам̣ сулад̣̇д̇халаабхаа. маяхам̣ сулад̣̇д̇ханд̇и яан̃жзд̇ам̣ мама нияяаанигасаасанз баб̣б̣аж̇ж̇аа убасамбад̣̇аа, д̇асмин̃жа абхирад̇ийд̇и саб̣б̣ан̃жзд̇ам̣ маяаа сулад̣̇д̇хам̣. яат̇аа банасса звам̣ жзд̇асо баривид̇агго уббанно, д̇ам̣ д̣̇ассзд̇ум̣ ‘‘со гираа’’д̇иаад̣̇и вуд̇д̇ам̣. жарид̇аануруубавасзна г̇ахид̇ам̣ муулагаммадтаанам̣. баасаад̣̇иганд̇и басаад̣̇аавахам̣. звамахосийд̇и ‘‘лаабхаа вад̇а мз’’д̇иаад̣̇инаа звам̣ баривид̇агго ахоси. нисиннасад̣̇исод̇и нисинно вияа. д̇асмим̣язва таанзд̇и яасмим̣ таанз нисиннам̣ мааро убасан̇гами, д̇асмим̣язва таанз. д̇ассаад̇и самид̣̇д̇хид̇т̇зрасса. гаммадтаанам̣ саббааяанд̇и гаммадтаанабхааванааяа ануяун̃ж̇анам̣ саббааяам̣ убагаараавахам̣ бхависсад̇и.
158.Mayhaṃlābhāti evarūpassa nāma sammāsambuddhassa satthussa paṭilābho, evarūpassa ca nāma niyyānikassa saddhammassa paṭilābho, evarūpānañca suppaṭipannānaṃ sabrahmacārīnaṃ paṭilābho, ete mayhaṃ suladdhalābhā. Mayhaṃ suladdhanti yañcetaṃ mama niyyānikasāsane pabbajjā upasampadā, tasmiñca abhiratīti sabbañcetaṃ mayā suladdhaṃ. Yathā panassa evaṃ cetaso parivitakko uppanno, taṃ dassetuṃ ‘‘so kirā’’tiādi vuttaṃ. Caritānurūpavasena gahitaṃ mūlakammaṭṭhānaṃ. Pāsādikanti pasādāvahaṃ. Evamahosīti ‘‘lābhā vata me’’tiādinā evaṃ parivitakko ahosi. Nisinnasadisoti nisinno viya. Tasmiṃyeva ṭhāneti yasmiṃ ṭhāne nisinnaṃ māro upasaṅkami, tasmiṃyeva ṭhāne. Tassāti samiddhittherassa. Kammaṭṭhānaṃ sappāyanti kammaṭṭhānabhāvanāya anuyuñjanaṃ sappāyaṃ upakārāvahaṃ bhavissati.
маяханд̇и маяаа. сад̇и жа бан̃н̃аа жа сад̇ибан̃н̃аа, д̇аа арияамаг̇г̇зна ж̇аананасамад̇т̇анабхаавзна аваб̣уд̣̇д̇хаа. т̇зро гира д̇ад̣̇аа вибассанам̣ уссуггаабзси. гааманд̇и яат̇ааружи. гзжи ‘‘гаамам̣ гарассууд̇и ааяасмад̇о ‘гаамаа’д̇и маарасса аалабана’’нд̇и вад̣̇анд̇и. вибхим̣сагаарахаанийд̇и бхаяаанагаарахаани. руубаанийд̇и виббагаараани. виббагаарад̇т̇оби хи руубасад̣̇д̣̇о ‘‘руубам̣ д̣̇ассзд̇и анаббага’’нд̇иаад̣̇ийсу вияа. на гамбзссасийд̇и саман̣ад̇хаммагаран̣ад̇о на жалиссаси.
Mayhanti mayā. Sati ca paññā ca satipaññā, tā ariyamaggena jānanasamatthanabhāvena avabuddhā. Thero kira tadā vipassanaṃ ussukkāpesi. Kāmanti yathāruci. Keci ‘‘kāmaṃ karassūti āyasmato ‘kāmā’ti mārassa ālapana’’nti vadanti. Vibhiṃsakārahānīti bhayānakārahāni. Rūpānīti vippakārāni. Vippakāratthopi hi rūpasaddo ‘‘rūpaṃ dasseti anappaka’’ntiādīsu viya. Na kampessasīti samaṇadhammakaraṇato na calissasi.
самид̣̇д̇хисуд̇д̇аван̣н̣анаа нидтид̇аа.
Samiddhisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. самид̣̇д̇хисуд̇д̇ам̣ • 2. Samiddhisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. самид̣̇д̇хисуд̇д̇аван̣н̣анаа • 2. Samiddhisuttavaṇṇanā
