| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༢. སམིདྡྷིསུཏྟཝཎྞནཱ
2. Samiddhisuttavaṇṇanā
༡༥༨. དུཏིཡེ ལཱབྷཱ ཝཏ མེ, སུལདྡྷཾ ཝཏ མེཏི ཨེཝརཱུཔསྶ སཏྠུ ཙེཝ དྷམྨསྶ ཙ སབྲཧྨཙཱརཱིནཉྩ ལདྡྷཏྟཱ མཡ྄ཧཾ ལཱབྷཱ མཡ྄ཧཾ སུལདྡྷནྟི། སོ ཀིརཱཡསྨཱ པཙྪཱ མཱུལཀམྨཊྛཱནཾ སམྨསིཏྭཱ ‘‘ཨརཧཏྟཾ གཧེསྶཱམཱི’’ཏི པཱསཱདིཀཾ ཏཱཝ ཀམྨཊྛཱནཾ གཧེཏྭཱ བུདྡྷདྷམྨསངྒྷགུཎེ ཨཱཝཛྫེཏྭཱ ཙིཏྟཀལླཏཾ ཨུཔྤཱདེཏྭཱ ཙིཏྟཾ ཧཱསེཏྭཱ ཏོསེཏྭཱ ནིསིནྣོ། ཏེནསྶ ཨེཝམཧོསི། ཨུཔསངྐམཱིཏི ‘‘ཨཡཾ སམིདྡྷི བྷིཀྑུ པཱསཱདིཀཾ ཀམྨཊྛཱནཾ གཧེཏྭཱ ནིསིནྣསདིསོ, ཡཱཝ མཱུལཀམྨཊྛཱནཾ གཧེཏྭཱ ཨརཧཏྟཾ ན གཎྷཱཏི, ཏཱཝསྶ ཨནྟརཱཡཾ ཀརིསྶཱམཱི’’ཏི ཨུཔསངྐམི། གཙྪ ཏྭནྟི སཏྠཱ སཀལཛམྦུདཱིཔཾ ཨོལོཀེནྟོ ‘‘ཏསྨིཾཡེཝ ཋཱནེ ཏསྶ ཀམྨཊྛཱནཾ སཔྤཱཡཾ བྷཝིསྶཏཱི’’ཏི ཨདྡས, ཏསྨཱ ཨེཝམཱཧ། སཏིཔཉྙཱ ཙ མེ བུདྡྷཱཏི མཡཱ སཏི ཙ པཉྙཱ ཙ ཉཱཏཱ། ཀརསྶུ རཱུཔཱནཱིཏི བཧཱུནིཔི ཝིབྷིཾསཀཱརཧཱནི རཱུཔཱནི ཀརསྶུ། ནེཝ མཾ བྱཱདྷཡིསྶསཱིཏི མཾ ནེཝ ཝེདྷཡིསྶསི ན ཀམྤསྶེསི། དུཏིཡཾ།
158. Dutiye lābhā vata me, suladdhaṃ vata meti evarūpassa satthu ceva dhammassa ca sabrahmacārīnañca laddhattā mayhaṃ lābhā mayhaṃ suladdhanti. So kirāyasmā pacchā mūlakammaṭṭhānaṃ sammasitvā ‘‘arahattaṃ gahessāmī’’ti pāsādikaṃ tāva kammaṭṭhānaṃ gahetvā buddhadhammasaṅghaguṇe āvajjetvā cittakallataṃ uppādetvā cittaṃ hāsetvā tosetvā nisinno. Tenassa evamahosi. Upasaṅkamīti ‘‘ayaṃ samiddhi bhikkhu pāsādikaṃ kammaṭṭhānaṃ gahetvā nisinnasadiso, yāva mūlakammaṭṭhānaṃ gahetvā arahattaṃ na gaṇhāti, tāvassa antarāyaṃ karissāmī’’ti upasaṅkami. Gaccha tvanti satthā sakalajambudīpaṃ olokento ‘‘tasmiṃyeva ṭhāne tassa kammaṭṭhānaṃ sappāyaṃ bhavissatī’’ti addasa, tasmā evamāha. Satipaññā ca me buddhāti mayā sati ca paññā ca ñātā. Karassu rūpānīti bahūnipi vibhiṃsakārahāni rūpāni karassu. Neva maṃ byādhayissasīti maṃ neva vedhayissasi na kampassesi. Dutiyaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. སམིདྡྷིསུཏྟཾ • 2. Samiddhisuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢. སམིདྡྷིསུཏྟཝཎྞནཱ • 2. Samiddhisuttavaṇṇanā
