| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਸਮਿਦ੍ਧਿਸੁਤ੍ਤવਣ੍ਣਨਾ
2. Samiddhisuttavaṇṇanā
੧੫੮. ਦੁਤਿਯੇ ਲਾਭਾ વਤ ਮੇ, ਸੁਲਦ੍ਧਂ વਤ ਮੇਤਿ ਏવਰੂਪਸ੍ਸ ਸਤ੍ਥੁ ਚੇવ ਧਮ੍ਮਸ੍ਸ ਚ ਸਬ੍ਰਹ੍ਮਚਾਰੀਨਞ੍ਚ ਲਦ੍ਧਤ੍ਤਾ ਮਯ੍ਹਂ ਲਾਭਾ ਮਯ੍ਹਂ ਸੁਲਦ੍ਧਨ੍ਤਿ। ਸੋ ਕਿਰਾਯਸ੍ਮਾ ਪਚ੍ਛਾ ਮੂਲਕਮ੍ਮਟ੍ਠਾਨਂ ਸਮ੍ਮਸਿਤ੍વਾ ‘‘ਅਰਹਤ੍ਤਂ ਗਹੇਸ੍ਸਾਮੀ’’ਤਿ ਪਾਸਾਦਿਕਂ ਤਾવ ਕਮ੍ਮਟ੍ਠਾਨਂ ਗਹੇਤ੍વਾ ਬੁਦ੍ਧਧਮ੍ਮਸਙ੍ਘਗੁਣੇ ਆવਜ੍ਜੇਤ੍વਾ ਚਿਤ੍ਤਕਲ੍ਲਤਂ ਉਪ੍ਪਾਦੇਤ੍વਾ ਚਿਤ੍ਤਂ ਹਾਸੇਤ੍વਾ ਤੋਸੇਤ੍વਾ ਨਿਸਿਨ੍ਨੋ। ਤੇਨਸ੍ਸ ਏવਮਹੋਸਿ। ਉਪਸਙ੍ਕਮੀਤਿ ‘‘ਅਯਂ ਸਮਿਦ੍ਧਿ ਭਿਕ੍ਖੁ ਪਾਸਾਦਿਕਂ ਕਮ੍ਮਟ੍ਠਾਨਂ ਗਹੇਤ੍વਾ ਨਿਸਿਨ੍ਨਸਦਿਸੋ, ਯਾવ ਮੂਲਕਮ੍ਮਟ੍ਠਾਨਂ ਗਹੇਤ੍વਾ ਅਰਹਤ੍ਤਂ ਨ ਗਣ੍ਹਾਤਿ, ਤਾવਸ੍ਸ ਅਨ੍ਤਰਾਯਂ ਕਰਿਸ੍ਸਾਮੀ’’ਤਿ ਉਪਸਙ੍ਕਮਿ। ਗਚ੍ਛ ਤ੍વਨ੍ਤਿ ਸਤ੍ਥਾ ਸਕਲਜਮ੍ਬੁਦੀਪਂ ਓਲੋਕੇਨ੍ਤੋ ‘‘ਤਸ੍ਮਿਂਯੇવ ਠਾਨੇ ਤਸ੍ਸ ਕਮ੍ਮਟ੍ਠਾਨਂ ਸਪ੍ਪਾਯਂ ਭવਿਸ੍ਸਤੀ’’ਤਿ ਅਦ੍ਦਸ, ਤਸ੍ਮਾ ਏવਮਾਹ। ਸਤਿਪਞ੍ਞਾ ਚ ਮੇ ਬੁਦ੍ਧਾਤਿ ਮਯਾ ਸਤਿ ਚ ਪਞ੍ਞਾ ਚ ਞਾਤਾ। ਕਰਸ੍ਸੁ ਰੂਪਾਨੀਤਿ ਬਹੂਨਿਪਿ વਿਭਿਂਸਕਾਰਹਾਨਿ ਰੂਪਾਨਿ ਕਰਸ੍ਸੁ। ਨੇવ ਮਂ ਬ੍ਯਾਧਯਿਸ੍ਸਸੀਤਿ ਮਂ ਨੇવ વੇਧਯਿਸ੍ਸਸਿ ਨ ਕਮ੍ਪਸ੍ਸੇਸਿ। ਦੁਤਿਯਂ।
158. Dutiye lābhā vata me, suladdhaṃ vata meti evarūpassa satthu ceva dhammassa ca sabrahmacārīnañca laddhattā mayhaṃ lābhā mayhaṃ suladdhanti. So kirāyasmā pacchā mūlakammaṭṭhānaṃ sammasitvā ‘‘arahattaṃ gahessāmī’’ti pāsādikaṃ tāva kammaṭṭhānaṃ gahetvā buddhadhammasaṅghaguṇe āvajjetvā cittakallataṃ uppādetvā cittaṃ hāsetvā tosetvā nisinno. Tenassa evamahosi. Upasaṅkamīti ‘‘ayaṃ samiddhi bhikkhu pāsādikaṃ kammaṭṭhānaṃ gahetvā nisinnasadiso, yāva mūlakammaṭṭhānaṃ gahetvā arahattaṃ na gaṇhāti, tāvassa antarāyaṃ karissāmī’’ti upasaṅkami. Gaccha tvanti satthā sakalajambudīpaṃ olokento ‘‘tasmiṃyeva ṭhāne tassa kammaṭṭhānaṃ sappāyaṃ bhavissatī’’ti addasa, tasmā evamāha. Satipaññā ca me buddhāti mayā sati ca paññā ca ñātā. Karassu rūpānīti bahūnipi vibhiṃsakārahāni rūpāni karassu. Neva maṃ byādhayissasīti maṃ neva vedhayissasi na kampassesi. Dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਸਮਿਦ੍ਧਿਸੁਤ੍ਤਂ • 2. Samiddhisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਸਮਿਦ੍ਧਿਸੁਤ੍ਤવਣ੍ਣਨਾ • 2. Samiddhisuttavaṇṇanā
