| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਸਮਿਦ੍ਧਿਸੁਤ੍ਤવਣ੍ਣਨਾ
2. Samiddhisuttavaṇṇanā
੧੫੮. ਮਯ੍ਹਂ ਲਾਭਾਤਿ ਏવਰੂਪਸ੍ਸ ਨਾਮ ਸਮ੍ਮਾਸਮ੍ਬੁਦ੍ਧਸ੍ਸ ਸਤ੍ਥੁਸ੍ਸ ਪਟਿਲਾਭੋ, ਏવਰੂਪਸ੍ਸ ਚ ਨਾਮ ਨਿਯ੍ਯਾਨਿਕਸ੍ਸ ਸਦ੍ਧਮ੍ਮਸ੍ਸ ਪਟਿਲਾਭੋ, ਏવਰੂਪਾਨਞ੍ਚ ਸੁਪ੍ਪਟਿਪਨ੍ਨਾਨਂ ਸਬ੍ਰਹ੍ਮਚਾਰੀਨਂ ਪਟਿਲਾਭੋ, ਏਤੇ ਮਯ੍ਹਂ ਸੁਲਦ੍ਧਲਾਭਾ। ਮਯ੍ਹਂ ਸੁਲਦ੍ਧਨ੍ਤਿ ਯਞ੍ਚੇਤਂ ਮਮ ਨਿਯ੍ਯਾਨਿਕਸਾਸਨੇ ਪਬ੍ਬਜ੍ਜਾ ਉਪਸਮ੍ਪਦਾ, ਤਸ੍ਮਿਞ੍ਚ ਅਭਿਰਤੀਤਿ ਸਬ੍ਬਞ੍ਚੇਤਂ ਮਯਾ ਸੁਲਦ੍ਧਂ। ਯਥਾ ਪਨਸ੍ਸ ਏવਂ ਚੇਤਸੋ ਪਰਿવਿਤਕ੍ਕੋ ਉਪ੍ਪਨ੍ਨੋ, ਤਂ ਦਸ੍ਸੇਤੁਂ ‘‘ਸੋ ਕਿਰਾ’’ਤਿਆਦਿ વੁਤ੍ਤਂ। ਚਰਿਤਾਨੁਰੂਪવਸੇਨ ਗਹਿਤਂ ਮੂਲਕਮ੍ਮਟ੍ਠਾਨਂ। ਪਾਸਾਦਿਕਨ੍ਤਿ ਪਸਾਦਾવਹਂ। ਏવਮਹੋਸੀਤਿ ‘‘ਲਾਭਾ વਤ ਮੇ’’ਤਿਆਦਿਨਾ ਏવਂ ਪਰਿવਿਤਕ੍ਕੋ ਅਹੋਸਿ। ਨਿਸਿਨ੍ਨਸਦਿਸੋਤਿ ਨਿਸਿਨ੍ਨੋ વਿਯ। ਤਸ੍ਮਿਂਯੇવ ਠਾਨੇਤਿ ਯਸ੍ਮਿਂ ਠਾਨੇ ਨਿਸਿਨ੍ਨਂ ਮਾਰੋ ਉਪਸਙ੍ਕਮਿ, ਤਸ੍ਮਿਂਯੇવ ਠਾਨੇ। ਤਸ੍ਸਾਤਿ ਸਮਿਦ੍ਧਿਤ੍ਥੇਰਸ੍ਸ। ਕਮ੍ਮਟ੍ਠਾਨਂ ਸਪ੍ਪਾਯਨ੍ਤਿ ਕਮ੍ਮਟ੍ਠਾਨਭਾવਨਾਯ ਅਨੁਯੁਞ੍ਜਨਂ ਸਪ੍ਪਾਯਂ ਉਪਕਾਰਾવਹਂ ਭવਿਸ੍ਸਤਿ।
158.Mayhaṃlābhāti evarūpassa nāma sammāsambuddhassa satthussa paṭilābho, evarūpassa ca nāma niyyānikassa saddhammassa paṭilābho, evarūpānañca suppaṭipannānaṃ sabrahmacārīnaṃ paṭilābho, ete mayhaṃ suladdhalābhā. Mayhaṃ suladdhanti yañcetaṃ mama niyyānikasāsane pabbajjā upasampadā, tasmiñca abhiratīti sabbañcetaṃ mayā suladdhaṃ. Yathā panassa evaṃ cetaso parivitakko uppanno, taṃ dassetuṃ ‘‘so kirā’’tiādi vuttaṃ. Caritānurūpavasena gahitaṃ mūlakammaṭṭhānaṃ. Pāsādikanti pasādāvahaṃ. Evamahosīti ‘‘lābhā vata me’’tiādinā evaṃ parivitakko ahosi. Nisinnasadisoti nisinno viya. Tasmiṃyeva ṭhāneti yasmiṃ ṭhāne nisinnaṃ māro upasaṅkami, tasmiṃyeva ṭhāne. Tassāti samiddhittherassa. Kammaṭṭhānaṃ sappāyanti kammaṭṭhānabhāvanāya anuyuñjanaṃ sappāyaṃ upakārāvahaṃ bhavissati.
ਮਯ੍ਹਨ੍ਤਿ ਮਯਾ। ਸਤਿ ਚ ਪਞ੍ਞਾ ਚ ਸਤਿਪਞ੍ਞਾ, ਤਾ ਅਰਿਯਮਗ੍ਗੇਨ ਜਾਨਨਸਮਤ੍ਥਨਭਾવੇਨ ਅવਬੁਦ੍ਧਾ। ਥੇਰੋ ਕਿਰ ਤਦਾ વਿਪਸ੍ਸਨਂ ਉਸ੍ਸੁਕ੍ਕਾਪੇਸਿ। ਕਾਮਨ੍ਤਿ ਯਥਾਰੁਚਿ। ਕੇਚਿ ‘‘ਕਾਮਂ ਕਰਸ੍ਸੂਤਿ ਆਯਸ੍ਮਤੋ ‘ਕਾਮਾ’ਤਿ ਮਾਰਸ੍ਸ ਆਲਪਨ’’ਨ੍ਤਿ વਦਨ੍ਤਿ। વਿਭਿਂਸਕਾਰਹਾਨੀਤਿ ਭਯਾਨਕਾਰਹਾਨਿ। ਰੂਪਾਨੀਤਿ વਿਪ੍ਪਕਾਰਾਨਿ। વਿਪ੍ਪਕਾਰਤ੍ਥੋਪਿ ਹਿ ਰੂਪਸਦ੍ਦੋ ‘‘ਰੂਪਂ ਦਸ੍ਸੇਤਿ ਅਨਪ੍ਪਕ’’ਨ੍ਤਿਆਦੀਸੁ વਿਯ। ਨ ਕਮ੍ਪੇਸ੍ਸਸੀਤਿ ਸਮਣਧਮ੍ਮਕਰਣਤੋ ਨ ਚਲਿਸ੍ਸਸਿ।
Mayhanti mayā. Sati ca paññā ca satipaññā, tā ariyamaggena jānanasamatthanabhāvena avabuddhā. Thero kira tadā vipassanaṃ ussukkāpesi. Kāmanti yathāruci. Keci ‘‘kāmaṃ karassūti āyasmato ‘kāmā’ti mārassa ālapana’’nti vadanti. Vibhiṃsakārahānīti bhayānakārahāni. Rūpānīti vippakārāni. Vippakāratthopi hi rūpasaddo ‘‘rūpaṃ dasseti anappaka’’ntiādīsu viya. Na kampessasīti samaṇadhammakaraṇato na calissasi.
ਸਮਿਦ੍ਧਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Samiddhisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਸਮਿਦ੍ਧਿਸੁਤ੍ਤਂ • 2. Samiddhisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਸਮਿਦ੍ਧਿਸੁਤ੍ਤવਣ੍ਣਨਾ • 2. Samiddhisuttavaṇṇanā
