| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. самид̣̇д̇хид̇т̇зраг̇аат̇ааван̣н̣анаа
6. Samiddhittheragāthāvaṇṇanā
сад̣̇д̇хааяаахам̣ баб̣б̣аж̇ид̇од̇и ааяасмад̇о самид̣̇д̇хид̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇д̇аад̇хигааро д̇ад̇т̇а д̇ад̇т̇а бун̃н̃аани убажинанд̇о ид̇о жад̇унавуд̇з габбз сид̣̇д̇хад̇т̇ам̣ бхаг̇аванд̇ам̣ бассид̇ваа басаннамаанасо саван̣даани бубпаани ган̣н̣игаб̣ад̣̇д̇хаани г̇ахзд̇ваа бууж̇зси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа суг̇ад̇ийсуязва баривад̇д̇знд̇о имасмим̣ б̣уд̣̇д̇хуббаад̣̇з рааж̇аг̇ахз гулаг̇зхз ниб̣б̣ад̇д̇и. д̇асса ж̇аад̇агаалад̇о бадтааяа д̇ам̣ гулам̣ д̇ханад̇хан̃н̃аад̣̇ийхи вад̣дхи, ад̇д̇абхааво жасса абхируубо д̣̇ассанийяо г̇ун̣аваа ид̇и вибхавасамид̣̇д̇хияаа жа г̇ун̣асамид̣̇д̇хияаа жа самид̣̇д̇хийд̇взва бан̃н̃ааяид̇т̇а. со б̣имб̣исаарасамааг̇амз б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо баб̣б̣аж̇ид̇ваа бхааванааяа яуд̇д̇аббаяуд̇д̇о вихаранд̇о бхаг̇авад̇и д̇абод̣̇аараамз вихаранд̇з згад̣̇ивасам̣ звам̣ жинд̇зси – ‘‘лаабхаа вад̇а мз сад̇т̇аа арахам̣ саммаасамб̣уд̣̇д̇хо, сваагкаад̇з жаахам̣ д̇хаммавинаяз баб̣б̣аж̇ид̇о, саб̣рахмажаарий жа мз сийлаванд̇о галяаан̣ад̇хаммаа’’д̇и. д̇ассзвам̣ жинд̇знд̇асса ул̣аарам̣ бийд̇исоманассам̣ уд̣̇абаад̣̇и. д̇ам̣ асаханд̇о мааро баабимаа т̇зрасса авид̣̇уурз маханд̇ам̣ бхзравасад̣̇д̣̇амагааси, бат̇авияаа унд̣̇рияанагаало вияа ахоси. т̇зро бхаг̇авад̇о д̇амад̇т̇ам̣ аарожзси. бхаг̇аваа ‘‘мааро д̇уяхам̣ вижагкугаммааяа жзд̇зд̇и, г̇ажча, бхигку д̇ад̇т̇а ажинд̇зд̇ваа вихараахий’’д̇и ааха. т̇зро д̇ад̇т̇а г̇анд̇ваа вихаранд̇о нажирассзва вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.21.30-34) –
Saddhāyāhaṃpabbajitoti āyasmato samiddhittherassa gāthā. Kā uppatti? Ayampi purimabuddhesu kattādhikāro tattha tattha puññāni upacinanto ito catunavute kappe siddhatthaṃ bhagavantaṃ passitvā pasannamānaso savaṇṭāni pupphāni kaṇṇikabaddhāni gahetvā pūjesi. So tena puññakammena devaloke nibbattitvā aparāparaṃ puññāni katvā sugatīsuyeva parivattento imasmiṃ buddhuppāde rājagahe kulagehe nibbatti. Tassa jātakālato paṭṭhāya taṃ kulaṃ dhanadhaññādīhi vaḍḍhi, attabhāvo cassa abhirūpo dassanīyo guṇavā iti vibhavasamiddhiyā ca guṇasamiddhiyā ca samiddhītveva paññāyittha. So bimbisārasamāgame buddhānubhāvaṃ disvā paṭiladdhasaddho pabbajitvā bhāvanāya yuttappayutto viharanto bhagavati tapodārāme viharante ekadivasaṃ evaṃ cintesi – ‘‘lābhā vata me satthā arahaṃ sammāsambuddho, svākkhāte cāhaṃ dhammavinaye pabbajito, sabrahmacārī ca me sīlavanto kalyāṇadhammā’’ti. Tassevaṃ cintentassa uḷāraṃ pītisomanassaṃ udapādi. Taṃ asahanto māro pāpimā therassa avidūre mahantaṃ bheravasaddamakāsi, pathaviyā undriyanakālo viya ahosi. Thero bhagavato tamatthaṃ ārocesi. Bhagavā ‘‘māro tuyhaṃ vicakkhukammāya ceteti, gaccha, bhikkhu tattha acintetvā viharāhī’’ti āha. Thero tattha gantvā viharanto nacirasseva vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 1.21.30-34) –
‘‘ган̣игаарам̣ва ж̇од̇анд̇ам̣, нисиннам̣ баб̣б̣ад̇анд̇арз;
‘‘Kaṇikāraṃva jotantaṃ, nisinnaṃ pabbatantare;
обхаасзнд̇ам̣ д̣̇исаа саб̣б̣аа, сид̣̇д̇хад̇т̇ам̣ нарасаарат̇им̣.
Obhāsentaṃ disā sabbā, siddhatthaṃ narasārathiṃ.
‘‘д̇ханум̣ ад̣̇взж̇жхам̣ гад̇ваана, усум̣ саннаяхахам̣ д̇ад̣̇аа;
‘‘Dhanuṃ advejjhaṃ katvāna, usuṃ sannayhahaṃ tadā;
бубпам̣ саван̣дам̣ чзд̇ваана, б̣уд̣̇д̇хасса абхиробаяим̣.
Pupphaṃ savaṇṭaṃ chetvāna, buddhassa abhiropayiṃ.
‘‘жад̇уннавуд̇ид̇о габбз, яам̣ бубпамабхиробаяим̣;
‘‘Catunnavutito kappe, yaṃ pupphamabhiropayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘згабан̃н̃аасид̇о габбз, зго аасим̣ ж̇уд̇инд̇харо;
‘‘Ekapaññāsito kappe, eko āsiṃ jutindharo;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа д̇ад̇т̇зва вихаранд̇асса т̇зрасса кийн̣аасавабхаавам̣ аж̇аананд̇о буриманаязнзва мааро маханд̇ам̣ бхзравасад̣̇д̣̇ам̣ агааси. д̇ам̣ суд̇ваа т̇зро абхийд̇о ажчамбхий ‘‘д̇аад̣̇исаанам̣ маараанам̣ сад̇амби сахассамби маяхам̣ ломамби на гамбзд̇ий’’д̇и ан̃н̃ам̣ б̣яаагаронд̇о ‘‘сад̣̇д̇хааяаахам̣ баб̣б̣аж̇ид̇о’’д̇и г̇аат̇ам̣ абхааси.
Arahattaṃ pana patvā tattheva viharantassa therassa khīṇāsavabhāvaṃ ajānanto purimanayeneva māro mahantaṃ bheravasaddaṃ akāsi. Taṃ sutvā thero abhīto acchambhī ‘‘tādisānaṃ mārānaṃ satampi sahassampi mayhaṃ lomampi na kampetī’’ti aññaṃ byākaronto ‘‘saddhāyāhaṃ pabbajito’’ti gāthaṃ abhāsi.
46. д̇ад̇т̇а сад̣̇д̇хааяаад̇и д̇хаммажчанд̣̇асамудтаанааяа гаммапаласад̣̇д̇хааяа жзва рад̇анад̇д̇аяасад̣̇д̇хааяа жа. аханд̇и ад̇д̇аанам̣ нид̣̇д̣̇исад̇и. баб̣б̣аж̇ид̇од̇и убаг̇ад̇о. аг̇аарасмаад̇и г̇зхад̇о гхарааваасад̇о ваа. анаг̇аарияанд̇и баб̣б̣аж̇ж̇ам̣, саа хи яам̣гин̃жи гасиваан̣иж̇ж̇аад̣̇игаммам̣ ‘аг̇аарасса хид̇а’нд̇и аг̇аарияам̣ наама, д̇ад̣̇абхаавад̇о ‘‘анаг̇аарияаа’’д̇и вужжад̇и. сад̇и бан̃н̃аа жа мз вуд̣дхаад̇и саран̣алагкан̣аа сад̇и, баж̇аананалагкан̣аа бан̃н̃аад̇и имз д̇хаммаа вибассанаагкан̣ад̇о бадтааяа маг̇г̇абадибаадияаа яаава арахад̇д̇аа мз вуд̣дхаа вад̣дхид̇аа, на д̣̇аани вад̣дхзд̇аб̣б̣аа ад̇т̇и сад̇ибан̃н̃аа взбуллаббад̇д̇аад̇и д̣̇ассзд̇и. жид̇д̇ан̃жа сусамаахид̇анд̇и адтасамаабад̇д̇ивасзна жзва логуд̇д̇арасамаад̇хивасзна жа жид̇д̇ам̣ мз судту самаахид̇ам̣, на д̣̇аани д̇асса самаад̇хаад̇аб̣б̣ам̣ ад̇т̇и, самаад̇хи взбуллаббад̇д̇од̇и д̣̇ассзд̇и. д̇асмаа гаамам̣ гарассу руубаанийд̇и баабима мам̣ уд̣̇д̣̇исса яаани гаанижи виббагаараани яат̇ааружим̣ гарохи, д̇зхи бана нзва мам̣ б̣яаад̇хаяиссаси мама сарийрагамбанамад̇д̇амби гаад̇ум̣ на сагкиссаси, гуд̇о жид̇д̇ан̃н̃ат̇ад̇д̇ам̣? д̇асмаа д̇ава гирияаа аббадижчид̇абахзнагам̣ вияа на гин̃жи ад̇т̇ам̣ сод̇хзд̇и, гзвалам̣ д̇ава жид̇д̇авигхаад̇амад̇д̇апалаад̇и т̇зро маарам̣ д̇аж̇ж̇зси. д̇ам̣ суд̇ваа мааро ‘‘ж̇аанаад̇и мам̣ саман̣о’’д̇и д̇ад̇т̇званд̇арад̇хааяи.
46. Tattha saddhāyāti dhammacchandasamuṭṭhānāya kammaphalasaddhāya ceva ratanattayasaddhāya ca. Ahanti attānaṃ niddisati. Pabbajitoti upagato. Agārasmāti gehato gharāvāsato vā. Anagāriyanti pabbajjaṃ, sā hi yaṃkiñci kasivāṇijjādikammaṃ ‘agārassa hita’nti agāriyaṃ nāma, tadabhāvato ‘‘anagāriyā’’ti vuccati. Sati paññā ca me vuḍḍhāti saraṇalakkhaṇā sati, pajānanalakkhaṇā paññāti ime dhammā vipassanākkhaṇato paṭṭhāya maggapaṭipāṭiyā yāva arahattā me vuḍḍhā vaḍḍhitā, na dāni vaḍḍhetabbā atthi satipaññā vepullappattāti dasseti. Cittañca susamāhitanti aṭṭhasamāpattivasena ceva lokuttarasamādhivasena ca cittaṃ me suṭṭhu samāhitaṃ, na dāni tassa samādhātabbaṃ atthi, samādhi vepullappattoti dasseti. Tasmā kāmaṃ karassu rūpānīti pāpima maṃ uddissa yāni kānici vippakārāni yathāruciṃ karohi, tehi pana neva maṃ byādhayissasi mama sarīrakampanamattampi kātuṃ na sakkhissasi, kuto cittaññathattaṃ? Tasmā tava kiriyā appaṭicchitapahenakaṃ viya na kiñci atthaṃ sodheti, kevalaṃ tava cittavighātamattaphalāti thero māraṃ tajjesi. Taṃ sutvā māro ‘‘jānāti maṃ samaṇo’’ti tatthevantaradhāyi.
самид̣̇д̇хид̇т̇зраг̇аат̇ааван̣н̣анаа нидтид̇аа.
Samiddhittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. самид̣̇д̇хид̇т̇зраг̇аат̇аа • 6. Samiddhittheragāthā
