| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
3. සංඛිත්‌තබලසුත්‌තං
3. Saṃkhittabalasuttaṃ
3. එවං මෙ සුතං – එකං සමයං භගවා සාවත්‌ථියං විහරති ජෙතවනෙ අනාථපිණ්‌ඩිකස්‌ස ආරාමෙ…පෙ.… සත්‌තිමානි , භික්‌ඛවෙ, බලානි. කතමානි සත්‌ත? සද්‌ධාබලං, වීරියබලං, හිරීබලං , ඔත්‌තප්‌පබලං, සතිබලං, සමාධිබලං, පඤ්‌ඤාබලං. ඉමානි ඛො, භික්‌ඛවෙ, සත්‌ත බලානීති.
3. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme…pe… sattimāni , bhikkhave, balāni. Katamāni satta? Saddhābalaṃ, vīriyabalaṃ, hirībalaṃ , ottappabalaṃ, satibalaṃ, samādhibalaṃ, paññābalaṃ. Imāni kho, bhikkhave, satta balānīti.
සතිබලං සමාධි ච, පඤ්‌ඤා වෙ සත්‌තමං බලං;
Satibalaṃ samādhi ca, paññā ve sattamaṃ balaṃ;
එතෙහි බලවා භික්‌ඛු, සුඛං ජීවති පණ්‌ඩිතො;
Etehi balavā bhikkhu, sukhaṃ jīvati paṇḍito;
‘‘යොනිසො විචිනෙ ධම්‌මං, පඤ්‌ඤායත්‌ථං විපස්‌සති;
‘‘Yoniso vicine dhammaṃ, paññāyatthaṃ vipassati;
පජ්‌ජොතස්‌සෙව නිබ්‌බානං, විමොක්‌ඛො හොති චෙතසො’’ති. තතියං;
Pajjotasseva nibbānaṃ, vimokkho hoti cetaso’’ti. tatiyaṃ;
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1-5. පඨමපියසුත්‌තාදිවණ්‌ණනා • 1-5. Paṭhamapiyasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1. ධනවග්‌ගවණ්‌ණනා • 1. Dhanavaggavaṇṇanā
