| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
অঙ্গুত্তরনিকাযো
Aṅguttaranikāyo
পঞ্চকনিপাতপাল়ি
Pañcakanipātapāḷi
১. পঠমপণ্ণাসকং
1. Paṭhamapaṇṇāsakaṃ
১. সেখবলৰগ্গো
1. Sekhabalavaggo
১. সংখিত্তসুত্তং
1. Saṃkhittasuttaṃ
১. এৰং মে সুতং – একং সমযং ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তত্র খো ভগৰা ভিক্খূ আমন্তেসি – ‘‘ভিক্খৰো’’তি। ‘‘ভদন্তে’’তি তে ভিক্খূ ভগৰতো পচ্চস্সোসুং। ভগৰা এতদৰোচ –
1. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘তস্মাতিহ , ভিক্খৰে, এৰং সিক্খিতব্বং – ‘সদ্ধাবলেন সমন্নাগতা ভৰিস্সাম সেখবলেন, হিরীবলেন সমন্নাগতা ভৰিস্সাম সেখবলেন, ওত্তপ্পবলেন সমন্নাগতা ভৰিস্সাম সেখবলেন, ৰীরিযবলেন সমন্নাগতা ভৰিস্সাম সেখবলেন, পঞ্ঞাবলেন সমন্নাগতা ভৰিস্সাম সেখবলেনা’তি। এৰঞ্হি ৰো, ভিক্খৰে, সিক্খিতব্ব’’ন্তি। ইদমৰোচ ভগৰা। অত্তমনা তে ভিক্খূ ভগৰতো ভাসিতং অভিনন্দুন্তি। পঠমং।
‘‘Tasmātiha , bhikkhave, evaṃ sikkhitabbaṃ – ‘saddhābalena samannāgatā bhavissāma sekhabalena, hirībalena samannāgatā bhavissāma sekhabalena, ottappabalena samannāgatā bhavissāma sekhabalena, vīriyabalena samannāgatā bhavissāma sekhabalena, paññābalena samannāgatā bhavissāma sekhabalenā’ti. Evañhi vo, bhikkhave, sikkhitabba’’nti. Idamavoca bhagavā. Attamanā te bhikkhū bhagavato bhāsitaṃ abhinandunti. Paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. সংখিত্তসুত্তৰণ্ণনা • 1. Saṃkhittasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৬. মহাসুপিনসুত্তৰণ্ণনা • 6. Mahāsupinasuttavaṇṇanā
