| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. сам̣кид̇д̇асуд̇д̇ам̣
3. Saṃkhittasuttaṃ
63. ат̇а ко ан̃н̃ад̇аро бхигку язна бхаг̇аваа д̇знубасан̇гами…бз… згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇у, яамахам̣ бхаг̇авад̇о д̇хаммам̣ суд̇ваа зго вуубагадто аббамад̇д̇о аад̇аабий бахид̇ад̇д̇о вихарзяяа’’нд̇и. ‘‘звамзвам̣ банид̇хзгажжз могхабурисаа маман̃н̃зва аж̇жхзсанд̇и. д̇хаммз жа бхаасид̇з маман̃н̃зва ануб̣анд̇хид̇аб̣б̣ам̣ ман̃н̃анд̇ий’’д̇и. ‘‘д̣̇зсзд̇у мз, бханд̇з, бхаг̇аваа сам̣кид̇д̇зна д̇хаммам̣, д̣̇зсзд̇у суг̇ад̇о сам̣кид̇д̇зна д̇хаммам̣. аббзва наамаахам̣ бхаг̇авад̇о бхаасид̇асса ад̇т̇ам̣ ааж̇аанзяяам̣, аббзва наамаахам̣ бхаг̇авад̇о бхаасид̇асса д̣̇ааяаад̣̇о асса’’нд̇и. ‘‘д̇асмаад̇иха д̇з, бхигку звам̣ сигкид̇аб̣б̣ам̣ – ‘аж̇жхад̇д̇ам̣ мз жид̇д̇ам̣ тид̇ам̣ бхависсад̇и сусан̣тид̇ам̣, на жа уббаннаа баабагаа агусалаа д̇хаммаа жид̇д̇ам̣ барияаад̣̇ааяа тассанд̇ий’д̇и. зван̃хи д̇з, бхигку, сигкид̇аб̣б̣ам̣’’.
63. Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti. ‘‘Evamevaṃ panidhekacce moghapurisā mamaññeva ajjhesanti. Dhamme ca bhāsite mamaññeva anubandhitabbaṃ maññantī’’ti. ‘‘Desetu me, bhante, bhagavā saṃkhittena dhammaṃ, desetu sugato saṃkhittena dhammaṃ. Appeva nāmāhaṃ bhagavato bhāsitassa atthaṃ ājāneyyaṃ, appeva nāmāhaṃ bhagavato bhāsitassa dāyādo assa’’nti. ‘‘Tasmātiha te, bhikkhu evaṃ sikkhitabbaṃ – ‘ajjhattaṃ me cittaṃ ṭhitaṃ bhavissati susaṇṭhitaṃ, na ca uppannā pāpakā akusalā dhammā cittaṃ pariyādāya ṭhassantī’ti. Evañhi te, bhikkhu, sikkhitabbaṃ’’.
‘‘яад̇о ко д̇з, бхигку, аж̇жхад̇д̇ам̣ жид̇д̇ам̣ тид̇ам̣ ход̇и сусан̣тид̇ам̣, на жа уббаннаа баабагаа агусалаа д̇хаммаа жид̇д̇ам̣ барияаад̣̇ааяа д̇идтанд̇и, д̇ад̇о д̇з, бхигку, звам̣ сигкид̇аб̣б̣ам̣ – ‘мзд̇д̇аа мз жзд̇овимуд̇д̇и бхаавид̇аа бхависсад̇и б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа’д̇и. зван̃хи д̇з, бхигку, сигкид̇аб̣б̣ам̣.
‘‘Yato kho te, bhikkhu, ajjhattaṃ cittaṃ ṭhitaṃ hoti susaṇṭhitaṃ, na ca uppannā pāpakā akusalā dhammā cittaṃ pariyādāya tiṭṭhanti, tato te, bhikkhu, evaṃ sikkhitabbaṃ – ‘mettā me cetovimutti bhāvitā bhavissati bahulīkatā yānīkatā vatthukatā anuṭṭhitā paricitā susamāraddhā’ti. Evañhi te, bhikkhu, sikkhitabbaṃ.
‘‘яад̇о ко д̇з, бхигку, аяам̣ самаад̇хи звам̣ бхаавид̇о ход̇и б̣ахулийгад̇о, д̇ад̇о д̇вам̣, бхигку, имам̣ самаад̇хим̣ савид̇аггамби савижаарам̣ 1 бхаавзяяааси, авид̇аггамби вижаарамад̇д̇ам̣ 2 бхаавзяяааси, авид̇аггамби авижаарам̣ 3 бхаавзяяааси, саббийд̇игамби бхаавзяяааси, ниббийд̇игамби бхаавзяяааси, саад̇асахаг̇ад̇амби бхаавзяяааси, убзгкаасахаг̇ад̇амби бхаавзяяааси.
‘‘Yato kho te, bhikkhu, ayaṃ samādhi evaṃ bhāvito hoti bahulīkato, tato tvaṃ, bhikkhu, imaṃ samādhiṃ savitakkampi savicāraṃ 4 bhāveyyāsi, avitakkampi vicāramattaṃ 5 bhāveyyāsi, avitakkampi avicāraṃ 6 bhāveyyāsi, sappītikampi bhāveyyāsi, nippītikampi bhāveyyāsi, sātasahagatampi bhāveyyāsi, upekkhāsahagatampi bhāveyyāsi.
‘‘яад̇о ко, д̇з бхигку, аяам̣ самаад̇хи звам̣ бхаавид̇о ход̇и субхаавид̇о, д̇ад̇о д̇з, бхигку, звам̣ сигкид̇аб̣б̣ам̣ – ‘гарун̣аа мз жзд̇овимуд̇д̇и… муд̣̇ид̇аа мз жзд̇овимуд̇д̇и… убзгкаа мз жзд̇овимуд̇д̇и бхаавид̇аа бхависсад̇и б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа’д̇и. зван̃хи д̇з, бхигку, сигкид̇аб̣б̣ам̣.
‘‘Yato kho, te bhikkhu, ayaṃ samādhi evaṃ bhāvito hoti subhāvito, tato te, bhikkhu, evaṃ sikkhitabbaṃ – ‘karuṇā me cetovimutti… muditā me cetovimutti… upekkhā me cetovimutti bhāvitā bhavissati bahulīkatā yānīkatā vatthukatā anuṭṭhitā paricitā susamāraddhā’ti. Evañhi te, bhikkhu, sikkhitabbaṃ.
‘‘яад̇о ко д̇з, бхигку, аяам̣ самаад̇хи звам̣ бхаавид̇о ход̇и субхаавид̇о, д̇ад̇о д̇вам̣, бхигку, имам̣ самаад̇хим̣ савид̇аггасавижаарамби бхаавзяяааси, авид̇аггавижаарамад̇д̇амби бхаавзяяааси, авид̇аггаавижаарамби бхаавзяяааси, саббийд̇игамби бхаавзяяааси, ниббийд̇игамби бхаавзяяааси, саад̇асахаг̇ад̇амби бхаавзяяааси, убзгкаасахаг̇ад̇амби бхаавзяяааси.
‘‘Yato kho te, bhikkhu, ayaṃ samādhi evaṃ bhāvito hoti subhāvito, tato tvaṃ, bhikkhu, imaṃ samādhiṃ savitakkasavicārampi bhāveyyāsi, avitakkavicāramattampi bhāveyyāsi, avitakkaavicārampi bhāveyyāsi, sappītikampi bhāveyyāsi, nippītikampi bhāveyyāsi, sātasahagatampi bhāveyyāsi, upekkhāsahagatampi bhāveyyāsi.
‘‘яад̇о ко д̇з, бхигку, аяам̣ самаад̇хи звам̣ бхаавид̇о ход̇и субхаавид̇о, д̇ад̇о д̇з, бхигку, звам̣ сигкид̇аб̣б̣ам̣ – ‘гааяз гааяаанубассий вихариссаами аад̇аабий самбаж̇аано сад̇имаа, винзяяа логз абхиж̇жхаад̣̇оманасса’нд̇и. зван̃хи д̇з, бхигку, сигкид̇аб̣б̣ам̣.
‘‘Yato kho te, bhikkhu, ayaṃ samādhi evaṃ bhāvito hoti subhāvito, tato te, bhikkhu, evaṃ sikkhitabbaṃ – ‘kāye kāyānupassī viharissāmi ātāpī sampajāno satimā, vineyya loke abhijjhādomanassa’nti. Evañhi te, bhikkhu, sikkhitabbaṃ.
‘‘яад̇о ко д̇з, бхигку, аяам̣ самаад̇хи звам̣ бхаавид̇о ход̇и б̣ахулийгад̇о, д̇ад̇о д̇вам̣, бхигку, имам̣ самаад̇хим̣ савид̇аггасавижаарамби бхаавзяяааси, авид̇аггавижаарамад̇д̇амби бхаавзяяааси, авид̇аггаавижаарамби бхаавзяяааси, саббийд̇игамби бхаавзяяааси, ниббийд̇игамби бхаавзяяааси, саад̇асахаг̇ад̇амби бхаавзяяааси , убзгкаасахаг̇ад̇амби бхаавзяяааси.
‘‘Yato kho te, bhikkhu, ayaṃ samādhi evaṃ bhāvito hoti bahulīkato, tato tvaṃ, bhikkhu, imaṃ samādhiṃ savitakkasavicārampi bhāveyyāsi, avitakkavicāramattampi bhāveyyāsi, avitakkaavicārampi bhāveyyāsi, sappītikampi bhāveyyāsi, nippītikampi bhāveyyāsi, sātasahagatampi bhāveyyāsi , upekkhāsahagatampi bhāveyyāsi.
‘‘яад̇о ко д̇з, бхигку, аяам̣ самаад̇хи звам̣ бхаавид̇о ход̇и субхаавид̇о, д̇ад̇о д̇з, бхигку , звам̣ сигкид̇аб̣б̣ам̣ – ‘взд̣̇анаасу взд̣̇анаанубассий вихариссаами аад̇аабий самбаж̇аано сад̇имаа, винзяяа логз абхиж̇жхаад̣̇оманасса’нд̇и; жид̇д̇з жид̇д̇аанубассий вихариссаами аад̇аабий самбаж̇аано сад̇имаа, винзяяа логз абхиж̇жхаад̣̇оманасса’нд̇и; д̇хаммзсу д̇хаммаанубассий вихариссаами аад̇аабий самбаж̇аано сад̇имаа, винзяяа логз абхиж̇жхаад̣̇оманасса’нд̇и. зван̃хи д̇з, бхигку, сигкид̇аб̣б̣ам̣.
‘‘Yato kho te, bhikkhu, ayaṃ samādhi evaṃ bhāvito hoti subhāvito, tato te, bhikkhu , evaṃ sikkhitabbaṃ – ‘vedanāsu vedanānupassī viharissāmi ātāpī sampajāno satimā, vineyya loke abhijjhādomanassa’nti; citte cittānupassī viharissāmi ātāpī sampajāno satimā, vineyya loke abhijjhādomanassa’nti; dhammesu dhammānupassī viharissāmi ātāpī sampajāno satimā, vineyya loke abhijjhādomanassa’nti. Evañhi te, bhikkhu, sikkhitabbaṃ.
‘‘яад̇о ко д̇з, бхигку, аяам̣ самаад̇хи звам̣ бхаавид̇о ход̇и б̣ахулийгад̇о, д̇ад̇о д̇вам̣, бхигку, имам̣ самаад̇хим̣ савид̇аггасавижаарамби бхаавзяяааси, авид̇аггавижаарамад̇д̇амби бхаавзяяааси, авид̇аггаавижаарамби бхаавзяяааси, саббийд̇игамби бхаавзяяааси, ниббийд̇игамби бхаавзяяааси, саад̇асахаг̇ад̇амби бхаавзяяааси, убзгкаасахаг̇ад̇амби бхаавзяяааси.
‘‘Yato kho te, bhikkhu, ayaṃ samādhi evaṃ bhāvito hoti bahulīkato, tato tvaṃ, bhikkhu, imaṃ samādhiṃ savitakkasavicārampi bhāveyyāsi, avitakkavicāramattampi bhāveyyāsi, avitakkaavicārampi bhāveyyāsi, sappītikampi bhāveyyāsi, nippītikampi bhāveyyāsi, sātasahagatampi bhāveyyāsi, upekkhāsahagatampi bhāveyyāsi.
‘‘яад̇о ко д̇з, бхигку, аяам̣ самаад̇хи звам̣ бхаавид̇о ход̇и субхаавид̇о, д̇ад̇о д̇вам̣, бхигку, язна язнзва г̇аг̇гхаси паасум̣язва г̇аг̇гхаси, яад̇т̇а яад̇т̇а тассаси паасум̣язва тассаси, яад̇т̇а яад̇т̇а нисийд̣̇иссаси паасум̣язва нисийд̣̇иссаси, яад̇т̇а яад̇т̇а сзяяам̣ габбзссаси паасум̣язва сзяяам̣ габбзссасий’’д̇и.
‘‘Yato kho te, bhikkhu, ayaṃ samādhi evaṃ bhāvito hoti subhāvito, tato tvaṃ, bhikkhu, yena yeneva gagghasi phāsuṃyeva gagghasi, yattha yattha ṭhassasi phāsuṃyeva ṭhassasi, yattha yattha nisīdissasi phāsuṃyeva nisīdissasi, yattha yattha seyyaṃ kappessasi phāsuṃyeva seyyaṃ kappessasī’’ti.
ат̇а ко со бхигку бхаг̇авад̇аа иминаа оваад̣̇зна овад̣̇ид̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко со бхигку зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро жа бана со бхигку арахад̇ам̣ ахосийд̇и. д̇ад̇ияам̣.
Atha kho so bhikkhu bhagavatā iminā ovādena ovadito uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho so bhikkhu eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti, tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’’ti abbhaññāsi. Aññataro ca pana so bhikkhu arahataṃ ahosīti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. сам̣кид̇д̇асуд̇д̇аван̣н̣анаа • 3. Saṃkhittasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-5. ижчаасуд̇д̇аад̣̇иван̣н̣анаа • 1-5. Icchāsuttādivaṇṇanā
