| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
(24) 4. கம்மவக்³கோ³
(24) 4. Kammavaggo
1. ஸங்கி²த்தஸுத்தவண்ணனா
1. Saṃkhittasuttavaṇṇanā
232. சதுத்த²ஸ்ஸ பட²மே காளகந்தி மலீனங், சித்தஸ்ஸ அப்பப⁴ஸ்ஸரபா⁴வகரந்தி அத்தோ². தங் பனெத்த² கம்மபத²ப்பத்தமேவ அதி⁴ப்பேதந்தி ஆஹ ‘‘த³ஸஅகுஸலகம்மபத²’’ந்தி. கண்ஹாபி⁴ஜாதிஹேதுதோ வா கண்ஹங். தேனாஹ ‘‘கண்ஹவிபாக’’ந்தி. அபாயூபபத்தி மனுஸ்ஸேஸு ச தோ³ப⁴க்³கி³யங் கண்ஹவிபாகோ, யங் தஸ்ஸ தமபா⁴வோ வுத்தோ. நிப்³ப³த்தனதோதி நிப்³ப³த்தாபனதோ. பண்ட³ரகந்தி ஓதா³தங், சித்தஸ்ஸ பப⁴ஸ்ஸரபா⁴வகரந்தி அத்தோ². ஸுக்காபி⁴ஜாதிஹேதுதோ வா ஸுக்கங். தேனாஹ ‘‘ஸுக்கவிபாக’’ந்தி. ஸக்³கூ³பபத்தி மனுஸ்ஸஸோப⁴க்³கி³யஞ்ச ஸுக்கவிபாகோ, யங் தஸ்ஸ ஜோதிபா⁴வோ வுத்தோ. உக்கட்ட²னித்³தே³ஸேன பன ‘‘ஸக்³கே³ நிப்³ப³த்தனதோ’’தி வுத்தங், நிப்³ப³த்தாபனதோதி அத்தோ². மிஸ்ஸககம்மந்தி காலேன கண்ஹங் காலேன ஸுக்கந்தி ஏவங் மிஸ்ஸகவஸேன கதகம்மங். ஸுக²து³க்க²விபாகந்தி வத்வா தத்த² ஸுக²து³க்கா²னங் பவத்திஆகாரங் த³ஸ்ஸேதுங் ‘‘மிஸ்ஸககம்மங் ஹீ’’திஆதி³ வுத்தங். கம்மஸ்ஸ கண்ஹஸுக்கஸமஞ்ஞா கண்ஹஸுக்காபி⁴ஜாதிஹேதுதாயாதி அபசயகா³மிதாய தது³ப⁴யவித்³த⁴ங்ஸகஸ்ஸ கம்மக்க²யகரகம்மஸ்ஸ இத⁴ ஸுக்கபரியாயோபி இச்சி²தோதி ஆஹ ‘‘உப⁴ய…பே॰… அயமெத்த² அத்தோ²’’தி. தத்த² உப⁴யவிபாகஸ்ஸாதி யதா²தி⁴க³தஸ்ஸ உப⁴யவிபாகஸ்ஸ. ஸம்பத்திப⁴வபரியாபன்னோ ஹி விபாகோ இத⁴ ஸுக்கங் ஸுக்கவிபாகோதி அதி⁴ப்பேதோ, ந அச்சந்தபரிஸுத்³தோ⁴ அரியப²லவிபாகோ.
232. Catutthassa paṭhame kāḷakanti malīnaṃ, cittassa appabhassarabhāvakaranti attho. Taṃ panettha kammapathappattameva adhippetanti āha ‘‘dasaakusalakammapatha’’nti. Kaṇhābhijātihetuto vā kaṇhaṃ. Tenāha ‘‘kaṇhavipāka’’nti. Apāyūpapatti manussesu ca dobhaggiyaṃ kaṇhavipāko, yaṃ tassa tamabhāvo vutto. Nibbattanatoti nibbattāpanato. Paṇḍarakanti odātaṃ, cittassa pabhassarabhāvakaranti attho. Sukkābhijātihetuto vā sukkaṃ. Tenāha ‘‘sukkavipāka’’nti. Saggūpapatti manussasobhaggiyañca sukkavipāko, yaṃ tassa jotibhāvo vutto. Ukkaṭṭhaniddesena pana ‘‘sagge nibbattanato’’ti vuttaṃ, nibbattāpanatoti attho. Missakakammanti kālena kaṇhaṃ kālena sukkanti evaṃ missakavasena katakammaṃ. Sukhadukkhavipākanti vatvā tattha sukhadukkhānaṃ pavattiākāraṃ dassetuṃ ‘‘missakakammaṃ hī’’tiādi vuttaṃ. Kammassa kaṇhasukkasamaññā kaṇhasukkābhijātihetutāyāti apacayagāmitāya tadubhayaviddhaṃsakassa kammakkhayakarakammassa idha sukkapariyāyopi icchitoti āha ‘‘ubhaya…pe… ayamettha attho’’ti. Tattha ubhayavipākassāti yathādhigatassa ubhayavipākassa. Sampattibhavapariyāpanno hi vipāko idha sukkaṃ sukkavipākoti adhippeto, na accantaparisuddho ariyaphalavipāko.
ஸங்கி²த்தஸுத்தவண்ணனா நிட்டி²தா.
Saṃkhittasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. ஸங்கி²த்தஸுத்தங் • 1. Saṃkhittasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1. ஸங்கி²த்தஸுத்தவண்ணனா • 1. Saṃkhittasuttavaṇṇanā
