| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. сам̣кид̇д̇асуд̇д̇аван̣н̣анаа
3. Saṃkhittasuttavaṇṇanā
63. д̇ад̇ияз звамзваад̇и ниггааран̣знзва. яат̇аа ваа аяам̣ яаажад̇и, звамзва. могхабурисаад̇и муул̣хабурисаа д̇ужчабурисаа. аж̇жхзсанд̇ийд̇и яаажанд̇и. ануб̣анд̇хид̇аб̣б̣анд̇и ирияаабат̇аануг̇аманзна ануб̣анд̇хид̇аб̣б̣ам̣ мам̣ на виж̇ахид̇аб̣б̣ам̣ ман̃н̃анд̇и. ааж̇аананад̇т̇ам̣ абасаад̣̇знд̇о звамааха. зса гира бхигку оваад̣̇з д̣̇иннзби бамаад̣̇амзва ануяун̃ж̇ад̇и, д̇хаммам̣ суд̇ваа д̇ад̇т̇зва васад̇и, саман̣ад̇хаммам̣ гаад̇ум̣ на ижчад̇и. д̇асмаа бхаг̇аваа звам̣ абасаад̣̇зд̇ваа буна яасмаа со арахад̇д̇асса убаниссаяасамбанно , д̇асмаа д̇ам̣ овад̣̇анд̇о д̇асмаад̇иха д̇з бхигку звам̣ сигкид̇аб̣б̣анд̇иаад̣̇имааха. д̇ад̇т̇а аж̇жхад̇д̇ам̣ мз жид̇д̇ам̣ тид̇ам̣ бхависсад̇и сусан̣тид̇ам̣, на жа уббаннаа баабагаа агусалаа д̇хаммаа жид̇д̇ам̣ барияаад̣̇ааяа тассанд̇ийд̇и иминаа д̇аавасса оваад̣̇зна нияагаж̇жхад̇д̇авасзна жид̇д̇згаг̇г̇ад̇аамад̇д̇о мууласамаад̇хи вуд̇д̇о.
63. Tatiye evamevāti nikkāraṇeneva. Yathā vā ayaṃ yācati, evameva. Moghapurisāti mūḷhapurisā tucchapurisā. Ajjhesantīti yācanti. Anubandhitabbanti iriyāpathānugamanena anubandhitabbaṃ maṃ na vijahitabbaṃ maññanti. Ājānanatthaṃ apasādento evamāha. Esa kira bhikkhu ovāde dinnepi pamādameva anuyuñjati, dhammaṃ sutvā tattheva vasati, samaṇadhammaṃ kātuṃ na icchati. Tasmā bhagavā evaṃ apasādetvā puna yasmā so arahattassa upanissayasampanno , tasmā taṃ ovadanto tasmātiha te bhikkhu evaṃ sikkhitabbantiādimāha. Tattha ajjhattaṃ me cittaṃ ṭhitaṃ bhavissati susaṇṭhitaṃ, na ca uppannā pāpakā akusalā dhammā cittaṃ pariyādāya ṭhassantīti iminā tāvassa ovādena niyakajjhattavasena cittekaggatāmatto mūlasamādhi vutto.
д̇ад̇о ‘‘зд̇д̇агзнзва санд̇удтим̣ анаабаж̇ж̇ид̇ваа звам̣ со самаад̇хи вад̣дхзд̇аб̣б̣о’’д̇и д̣̇ассзд̇ум̣ яад̇о ко д̇з бхигку аж̇жхад̇д̇ам̣ жид̇д̇ам̣ тид̇ам̣ ход̇и сусан̣тид̇ам̣, на жа уббаннаа баабагаа агусалаа д̇хаммаа жид̇д̇ам̣ барияаад̣̇ааяа д̇идтанд̇и, д̇ад̇о д̇з бхигку звам̣ сигкид̇аб̣б̣ам̣ ‘‘мзд̇д̇аа мз жзд̇овимуд̇д̇и бхаавид̇аа бхависсад̇и…бз… сусамаарад̣̇д̇хаа’’д̇и звамасса мзд̇д̇аавасзна бхааванам̣ вад̣дхзд̇ваа буна яад̇о ко д̇з бхигку аяам̣ самаад̇хи звам̣ бхаавид̇о ход̇и б̣ахулийгад̇о, д̇ад̇о д̇вам̣ бхигку имам̣ самаад̇хим̣ савид̇аггасавижаарамби бхаавзяяаасийд̇иаад̣̇и вуд̇д̇ам̣. д̇ассад̇т̇о – яад̣̇аа д̇з бхигку аяам̣ мууласамаад̇хи звам̣ мзд̇д̇аавасзна бхаавид̇о ход̇и, д̇ад̣̇аа д̇вам̣ д̇аавад̇агзнаби д̇удтим̣ анаабаж̇ж̇ид̇ваава имам̣ мууласамаад̇хим̣ ан̃н̃зсуби аарамман̣зсу жад̇уггабан̃жагаж̇жхаанаани баабаяамаано ‘‘савид̇аггасавижаарамбий’’д̇иаад̣̇инаа наязна бхаавзяяаасийд̇и.
Tato ‘‘ettakeneva santuṭṭhiṃ anāpajjitvā evaṃ so samādhi vaḍḍhetabbo’’ti dassetuṃ yato kho te bhikkhu ajjhattaṃ cittaṃ ṭhitaṃ hoti susaṇṭhitaṃ, na ca uppannā pāpakā akusalā dhammā cittaṃ pariyādāya tiṭṭhanti, tato te bhikkhu evaṃ sikkhitabbaṃ‘‘mettā me cetovimutti bhāvitā bhavissati…pe… susamāraddhā’’ti evamassa mettāvasena bhāvanaṃ vaḍḍhetvā puna yato kho te bhikkhu ayaṃ samādhi evaṃ bhāvito hoti bahulīkato, tato tvaṃ bhikkhu imaṃ samādhiṃ savitakkasavicārampi bhāveyyāsītiādi vuttaṃ. Tassattho – yadā te bhikkhu ayaṃ mūlasamādhi evaṃ mettāvasena bhāvito hoti, tadā tvaṃ tāvatakenapi tuṭṭhiṃ anāpajjitvāva imaṃ mūlasamādhiṃ aññesupi ārammaṇesu catukkapañcakajjhānāni pāpayamāno ‘‘savitakkasavicārampī’’tiādinā nayena bhāveyyāsīti.
звам̣ вад̇ваа жа бана авасзсаб̣рахмавихаарабуб̣б̣ан̇г̇амамбисса ан̃н̃зсу аарамман̣зсу жад̇уггабан̃жагаж̇жхаанабхааванам̣ гарзяяаасийд̇и д̣̇ассзнд̇о яад̇о ко д̇з бхигку аяам̣ самаад̇хи звам̣ бхаавид̇о ход̇и субхаавид̇о, д̇ад̇о д̇з бхигку звам̣ сигкид̇аб̣б̣ам̣ ‘‘гарун̣аа мз жзд̇овимуд̇д̇ий’’д̇иаад̣̇имааха. звам̣ мзд̇д̇аабуб̣б̣ан̇г̇амам̣ жад̇уггабан̃жагаж̇жхаанабхааванам̣ д̣̇ассзд̇ваа буна гааяаанубассанаад̣̇ибуб̣б̣ан̇г̇амам̣ д̣̇ассзд̇ум̣ яад̇о ко д̇з бхигку аяам̣ самаад̇хи звам̣ бхаавид̇о ход̇и субхаавид̇о, д̇ад̇о д̇з бхигку звам̣ сигкид̇аб̣б̣ам̣ ‘‘гааяз гааяаанубассий’’д̇иаад̣̇им̣ вад̇ваа яад̇о ко д̇з бхигку аяам̣ самаад̇хи звам̣ бхаавид̇о ход̇и субхаавид̇о, д̇ад̇о д̇вам̣ бхигку язна язнзва г̇аг̇гхасийд̇иаад̣̇имааха. д̇ад̇т̇а г̇аг̇гхасийд̇и г̇амиссаси. паасум̣язваад̇и иминаа арахад̇д̇ам̣ д̣̇ассзд̇и. арахад̇д̇аббад̇д̇о хи саб̣б̣ирияаабат̇зсу паасу вихарад̇и наама.
Evaṃ vatvā ca pana avasesabrahmavihārapubbaṅgamampissa aññesu ārammaṇesu catukkapañcakajjhānabhāvanaṃ kareyyāsīti dassento yato kho te bhikkhu ayaṃ samādhi evaṃ bhāvito hoti subhāvito, tato te bhikkhu evaṃ sikkhitabbaṃ ‘‘karuṇā me cetovimuttī’’tiādimāha. Evaṃ mettāpubbaṅgamaṃ catukkapañcakajjhānabhāvanaṃ dassetvā puna kāyānupassanādipubbaṅgamaṃ dassetuṃ yato kho te bhikkhu ayaṃ samādhi evaṃ bhāvito hoti subhāvito, tato te bhikkhu evaṃ sikkhitabbaṃ ‘‘kāye kāyānupassī’’tiādiṃ vatvā yato kho te bhikkhu ayaṃ samādhi evaṃ bhāvito hoti subhāvito, tato tvaṃ bhikkhu yena yeneva gagghasītiādimāha. Tattha gagghasīti gamissasi. Phāsuṃyevāti iminā arahattaṃ dasseti. Arahattappatto hi sabbiriyāpathesu phāsu viharati nāma.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. сам̣кид̇д̇асуд̇д̇ам̣ • 3. Saṃkhittasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-5. ижчаасуд̇д̇аад̣̇иван̣н̣анаа • 1-5. Icchāsuttādivaṇṇanā
