| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
(੨੪) ੪. ਕਮ੍ਮવਗ੍ਗੋ
(24) 4. Kammavaggo
੧. ਸਂਖਿਤ੍ਤਸੁਤ੍ਤવਣ੍ਣਨਾ
1. Saṃkhittasuttavaṇṇanā
੨੩੨. ਚਤੁਤ੍ਥਸ੍ਸ ਪਠਮੇ ਕਣ੍ਹਨ੍ਤਿ ਕਾਲ਼ਕਂ ਦਸਅਕੁਸਲਕਮ੍ਮਪਥਕਮ੍ਮਂ। ਕਣ੍ਹવਿਪਾਕਨ੍ਤਿ ਅਪਾਯੇ ਨਿਬ੍ਬਤ੍ਤਨਤੋ ਕਾਲ਼ਕવਿਪਾਕਂ। ਸੁਕ੍ਕਨ੍ਤਿ ਪਣ੍ਡਰਕਂ ਕੁਸਲਕਮ੍ਮਪਥਕਮ੍ਮਂ । ਸੁਕ੍ਕવਿਪਾਕਨ੍ਤਿ ਸਗ੍ਗੇ ਨਿਬ੍ਬਤ੍ਤਨਤੋ ਪਣ੍ਡਰਕવਿਪਾਕਂ। ਕਣ੍ਹਸੁਕ੍ਕਨ੍ਤਿ ਮਿਸ੍ਸਕਕਮ੍ਮਂ। ਕਣ੍ਹਸੁਕ੍ਕવਿਪਾਕਨ੍ਤਿ ਸੁਖਦੁਕ੍ਖવਿਪਾਕਂ। ਮਿਸ੍ਸਕਕਮ੍ਮਞ੍ਹਿ ਕਤ੍વਾ ਅਕੁਸਲੇਨ ਤਿਰਚ੍ਛਾਨਯੋਨਿਯਂ ਮਙ੍ਗਲਹਤ੍ਥਿਟ੍ਠਾਨਾਦੀਸੁ ਉਪ੍ਪਨ੍ਨੋ ਕੁਸਲੇਨ ਪવਤ੍ਤੇ ਸੁਖਂ વੇਦਿਯਤਿ। ਕੁਸਲੇਨ ਰਾਜਕੁਲੇਪਿ ਨਿਬ੍ਬਤ੍ਤੋ ਅਕੁਸਲੇਨ ਪવਤ੍ਤੇ ਦੁਕ੍ਖਂ વੇਦਿਯਤਿ। ਅਕਣ੍ਹਂ ਅਸੁਕ੍ਕਨ੍ਤਿ ਕਮ੍ਮਕ੍ਖਯਕਰਂ ਚਤੁਮਗ੍ਗਞਾਣਂ ਅਧਿਪ੍ਪੇਤਂ। ਤਞ੍ਹਿ ਯਦਿ ਕਣ੍ਹਂ ਭવੇਯ੍ਯ, ਕਣ੍ਹવਿਪਾਕਂ ਦਦੇਯ੍ਯ। ਯਦਿ ਸੁਕ੍ਕਂ ਭવੇਯ੍ਯ, ਸੁਕ੍ਕવਿਪਾਕਂ ਦਦੇਯ੍ਯ। ਉਭਯવਿਪਾਕਸ੍ਸ ਪਨ ਅਪ੍ਪਦਾਨਤੋ ਅਕਣ੍ਹਂ ਅਸੁਕ੍ਕਨ੍ਤਿ ਅਯਮੇਤ੍ਥ ਅਤ੍ਥੋ।
232. Catutthassa paṭhame kaṇhanti kāḷakaṃ dasaakusalakammapathakammaṃ. Kaṇhavipākanti apāye nibbattanato kāḷakavipākaṃ. Sukkanti paṇḍarakaṃ kusalakammapathakammaṃ . Sukkavipākanti sagge nibbattanato paṇḍarakavipākaṃ. Kaṇhasukkanti missakakammaṃ. Kaṇhasukkavipākanti sukhadukkhavipākaṃ. Missakakammañhi katvā akusalena tiracchānayoniyaṃ maṅgalahatthiṭṭhānādīsu uppanno kusalena pavatte sukhaṃ vediyati. Kusalena rājakulepi nibbatto akusalena pavatte dukkhaṃ vediyati. Akaṇhaṃ asukkanti kammakkhayakaraṃ catumaggañāṇaṃ adhippetaṃ. Tañhi yadi kaṇhaṃ bhaveyya, kaṇhavipākaṃ dadeyya. Yadi sukkaṃ bhaveyya, sukkavipākaṃ dadeyya. Ubhayavipākassa pana appadānato akaṇhaṃ asukkanti ayamettha attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਸਂਖਿਤ੍ਤਸੁਤ੍ਤਂ • 1. Saṃkhittasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਸਂਖਿਤ੍ਤਸੁਤ੍ਤવਣ੍ਣਨਾ • 1. Saṃkhittasuttavaṇṇanā
