| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਸਂਖਿਤ੍ਤਸੁਤ੍ਤવਣ੍ਣਨਾ
3. Saṃkhittasuttavaṇṇanā
੬੩. ਤਤਿਯੇ ਏવਮੇવਾਤਿ ਨਿਕ੍ਕਾਰਣੇਨੇવ। ਯਥਾ વਾ ਅਯਂ ਯਾਚਤਿ, ਏવਮੇવ। ਮੋਘਪੁਰਿਸਾਤਿ ਮੂਲ਼੍ਹਪੁਰਿਸਾ ਤੁਚ੍ਛਪੁਰਿਸਾ। ਅਜ੍ਝੇਸਨ੍ਤੀਤਿ ਯਾਚਨ੍ਤਿ। ਅਨੁਬਨ੍ਧਿਤਬ੍ਬਨ੍ਤਿ ਇਰਿਯਾਪਥਾਨੁਗਮਨੇਨ ਅਨੁਬਨ੍ਧਿਤਬ੍ਬਂ ਮਂ ਨ વਿਜਹਿਤਬ੍ਬਂ ਮਞ੍ਞਨ੍ਤਿ। ਆਜਾਨਨਤ੍ਥਂ ਅਪਸਾਦੇਨ੍ਤੋ ਏવਮਾਹ। ਏਸ ਕਿਰ ਭਿਕ੍ਖੁ ਓવਾਦੇ ਦਿਨ੍ਨੇਪਿ ਪਮਾਦਮੇવ ਅਨੁਯੁਞ੍ਜਤਿ, ਧਮ੍ਮਂ ਸੁਤ੍વਾ ਤਤ੍ਥੇવ વਸਤਿ, ਸਮਣਧਮ੍ਮਂ ਕਾਤੁਂ ਨ ਇਚ੍ਛਤਿ। ਤਸ੍ਮਾ ਭਗવਾ ਏવਂ ਅਪਸਾਦੇਤ੍વਾ ਪੁਨ ਯਸ੍ਮਾ ਸੋ ਅਰਹਤ੍ਤਸ੍ਸ ਉਪਨਿਸ੍ਸਯਸਮ੍ਪਨ੍ਨੋ , ਤਸ੍ਮਾ ਤਂ ਓવਦਨ੍ਤੋ ਤਸ੍ਮਾਤਿਹ ਤੇ ਭਿਕ੍ਖੁ ਏવਂ ਸਿਕ੍ਖਿਤਬ੍ਬਨ੍ਤਿਆਦਿਮਾਹ। ਤਤ੍ਥ ਅਜ੍ਝਤ੍ਤਂ ਮੇ ਚਿਤ੍ਤਂ ਠਿਤਂ ਭવਿਸ੍ਸਤਿ ਸੁਸਣ੍ਠਿਤਂ, ਨ ਚ ਉਪ੍ਪਨ੍ਨਾ ਪਾਪਕਾ ਅਕੁਸਲਾ ਧਮ੍ਮਾ ਚਿਤ੍ਤਂ ਪਰਿਯਾਦਾਯ ਠਸ੍ਸਨ੍ਤੀਤਿ ਇਮਿਨਾ ਤਾવਸ੍ਸ ਓવਾਦੇਨ ਨਿਯਕਜ੍ਝਤ੍ਤવਸੇਨ ਚਿਤ੍ਤੇਕਗ੍ਗਤਾਮਤ੍ਤੋ ਮੂਲਸਮਾਧਿ વੁਤ੍ਤੋ।
63. Tatiye evamevāti nikkāraṇeneva. Yathā vā ayaṃ yācati, evameva. Moghapurisāti mūḷhapurisā tucchapurisā. Ajjhesantīti yācanti. Anubandhitabbanti iriyāpathānugamanena anubandhitabbaṃ maṃ na vijahitabbaṃ maññanti. Ājānanatthaṃ apasādento evamāha. Esa kira bhikkhu ovāde dinnepi pamādameva anuyuñjati, dhammaṃ sutvā tattheva vasati, samaṇadhammaṃ kātuṃ na icchati. Tasmā bhagavā evaṃ apasādetvā puna yasmā so arahattassa upanissayasampanno , tasmā taṃ ovadanto tasmātiha te bhikkhu evaṃ sikkhitabbantiādimāha. Tattha ajjhattaṃ me cittaṃ ṭhitaṃ bhavissati susaṇṭhitaṃ, na ca uppannā pāpakā akusalā dhammā cittaṃ pariyādāya ṭhassantīti iminā tāvassa ovādena niyakajjhattavasena cittekaggatāmatto mūlasamādhi vutto.
ਤਤੋ ‘‘ਏਤ੍ਤਕੇਨੇવ ਸਨ੍ਤੁਟ੍ਠਿਂ ਅਨਾਪਜ੍ਜਿਤ੍વਾ ਏવਂ ਸੋ ਸਮਾਧਿ વਡ੍ਢੇਤਬ੍ਬੋ’’ਤਿ ਦਸ੍ਸੇਤੁਂ ਯਤੋ ਖੋ ਤੇ ਭਿਕ੍ਖੁ ਅਜ੍ਝਤ੍ਤਂ ਚਿਤ੍ਤਂ ਠਿਤਂ ਹੋਤਿ ਸੁਸਣ੍ਠਿਤਂ, ਨ ਚ ਉਪ੍ਪਨ੍ਨਾ ਪਾਪਕਾ ਅਕੁਸਲਾ ਧਮ੍ਮਾ ਚਿਤ੍ਤਂ ਪਰਿਯਾਦਾਯ ਤਿਟ੍ਠਨ੍ਤਿ, ਤਤੋ ਤੇ ਭਿਕ੍ਖੁ ਏવਂ ਸਿਕ੍ਖਿਤਬ੍ਬਂ ‘‘ਮੇਤ੍ਤਾ ਮੇ ਚੇਤੋવਿਮੁਤ੍ਤਿ ਭਾવਿਤਾ ਭવਿਸ੍ਸਤਿ…ਪੇ॰… ਸੁਸਮਾਰਦ੍ਧਾ’’ਤਿ ਏવਮਸ੍ਸ ਮੇਤ੍ਤਾવਸੇਨ ਭਾવਨਂ વਡ੍ਢੇਤ੍વਾ ਪੁਨ ਯਤੋ ਖੋ ਤੇ ਭਿਕ੍ਖੁ ਅਯਂ ਸਮਾਧਿ ਏવਂ ਭਾવਿਤੋ ਹੋਤਿ ਬਹੁਲੀਕਤੋ, ਤਤੋ ਤ੍વਂ ਭਿਕ੍ਖੁ ਇਮਂ ਸਮਾਧਿਂ ਸવਿਤਕ੍ਕਸવਿਚਾਰਮ੍ਪਿ ਭਾવੇਯ੍ਯਾਸੀਤਿਆਦਿ વੁਤ੍ਤਂ। ਤਸ੍ਸਤ੍ਥੋ – ਯਦਾ ਤੇ ਭਿਕ੍ਖੁ ਅਯਂ ਮੂਲਸਮਾਧਿ ਏવਂ ਮੇਤ੍ਤਾવਸੇਨ ਭਾવਿਤੋ ਹੋਤਿ, ਤਦਾ ਤ੍વਂ ਤਾવਤਕੇਨਪਿ ਤੁਟ੍ਠਿਂ ਅਨਾਪਜ੍ਜਿਤ੍વਾવ ਇਮਂ ਮੂਲਸਮਾਧਿਂ ਅਞ੍ਞੇਸੁਪਿ ਆਰਮ੍ਮਣੇਸੁ ਚਤੁਕ੍ਕਪਞ੍ਚਕਜ੍ਝਾਨਾਨਿ ਪਾਪਯਮਾਨੋ ‘‘ਸવਿਤਕ੍ਕਸવਿਚਾਰਮ੍ਪੀ’’ਤਿਆਦਿਨਾ ਨਯੇਨ ਭਾવੇਯ੍ਯਾਸੀਤਿ।
Tato ‘‘ettakeneva santuṭṭhiṃ anāpajjitvā evaṃ so samādhi vaḍḍhetabbo’’ti dassetuṃ yato kho te bhikkhu ajjhattaṃ cittaṃ ṭhitaṃ hoti susaṇṭhitaṃ, na ca uppannā pāpakā akusalā dhammā cittaṃ pariyādāya tiṭṭhanti, tato te bhikkhu evaṃ sikkhitabbaṃ‘‘mettā me cetovimutti bhāvitā bhavissati…pe… susamāraddhā’’ti evamassa mettāvasena bhāvanaṃ vaḍḍhetvā puna yato kho te bhikkhu ayaṃ samādhi evaṃ bhāvito hoti bahulīkato, tato tvaṃ bhikkhu imaṃ samādhiṃ savitakkasavicārampi bhāveyyāsītiādi vuttaṃ. Tassattho – yadā te bhikkhu ayaṃ mūlasamādhi evaṃ mettāvasena bhāvito hoti, tadā tvaṃ tāvatakenapi tuṭṭhiṃ anāpajjitvāva imaṃ mūlasamādhiṃ aññesupi ārammaṇesu catukkapañcakajjhānāni pāpayamāno ‘‘savitakkasavicārampī’’tiādinā nayena bhāveyyāsīti.
ਏવਂ વਤ੍વਾ ਚ ਪਨ ਅવਸੇਸਬ੍ਰਹ੍ਮવਿਹਾਰਪੁਬ੍ਬਙ੍ਗਮਮ੍ਪਿਸ੍ਸ ਅਞ੍ਞੇਸੁ ਆਰਮ੍ਮਣੇਸੁ ਚਤੁਕ੍ਕਪਞ੍ਚਕਜ੍ਝਾਨਭਾવਨਂ ਕਰੇਯ੍ਯਾਸੀਤਿ ਦਸ੍ਸੇਨ੍ਤੋ ਯਤੋ ਖੋ ਤੇ ਭਿਕ੍ਖੁ ਅਯਂ ਸਮਾਧਿ ਏવਂ ਭਾવਿਤੋ ਹੋਤਿ ਸੁਭਾવਿਤੋ, ਤਤੋ ਤੇ ਭਿਕ੍ਖੁ ਏવਂ ਸਿਕ੍ਖਿਤਬ੍ਬਂ ‘‘ਕਰੁਣਾ ਮੇ ਚੇਤੋવਿਮੁਤ੍ਤੀ’’ਤਿਆਦਿਮਾਹ। ਏવਂ ਮੇਤ੍ਤਾਪੁਬ੍ਬਙ੍ਗਮਂ ਚਤੁਕ੍ਕਪਞ੍ਚਕਜ੍ਝਾਨਭਾવਨਂ ਦਸ੍ਸੇਤ੍વਾ ਪੁਨ ਕਾਯਾਨੁਪਸ੍ਸਨਾਦਿਪੁਬ੍ਬਙ੍ਗਮਂ ਦਸ੍ਸੇਤੁਂ ਯਤੋ ਖੋ ਤੇ ਭਿਕ੍ਖੁ ਅਯਂ ਸਮਾਧਿ ਏવਂ ਭਾવਿਤੋ ਹੋਤਿ ਸੁਭਾવਿਤੋ, ਤਤੋ ਤੇ ਭਿਕ੍ਖੁ ਏવਂ ਸਿਕ੍ਖਿਤਬ੍ਬਂ ‘‘ਕਾਯੇ ਕਾਯਾਨੁਪਸ੍ਸੀ’’ਤਿਆਦਿਂ વਤ੍વਾ ਯਤੋ ਖੋ ਤੇ ਭਿਕ੍ਖੁ ਅਯਂ ਸਮਾਧਿ ਏવਂ ਭਾવਿਤੋ ਹੋਤਿ ਸੁਭਾવਿਤੋ, ਤਤੋ ਤ੍વਂ ਭਿਕ੍ਖੁ ਯੇਨ ਯੇਨੇવ ਗਗ੍ਘਸੀਤਿਆਦਿਮਾਹ। ਤਤ੍ਥ ਗਗ੍ਘਸੀਤਿ ਗਮਿਸ੍ਸਸਿ। ਫਾਸੁਂਯੇવਾਤਿ ਇਮਿਨਾ ਅਰਹਤ੍ਤਂ ਦਸ੍ਸੇਤਿ। ਅਰਹਤ੍ਤਪ੍ਪਤ੍ਤੋ ਹਿ ਸਬ੍ਬਿਰਿਯਾਪਥੇਸੁ ਫਾਸੁ વਿਹਰਤਿ ਨਾਮ।
Evaṃ vatvā ca pana avasesabrahmavihārapubbaṅgamampissa aññesu ārammaṇesu catukkapañcakajjhānabhāvanaṃ kareyyāsīti dassento yato kho te bhikkhu ayaṃ samādhi evaṃ bhāvito hoti subhāvito, tato te bhikkhu evaṃ sikkhitabbaṃ ‘‘karuṇā me cetovimuttī’’tiādimāha. Evaṃ mettāpubbaṅgamaṃ catukkapañcakajjhānabhāvanaṃ dassetvā puna kāyānupassanādipubbaṅgamaṃ dassetuṃ yato kho te bhikkhu ayaṃ samādhi evaṃ bhāvito hoti subhāvito, tato te bhikkhu evaṃ sikkhitabbaṃ ‘‘kāye kāyānupassī’’tiādiṃ vatvā yato kho te bhikkhu ayaṃ samādhi evaṃ bhāvito hoti subhāvito, tato tvaṃ bhikkhu yena yeneva gagghasītiādimāha. Tattha gagghasīti gamissasi. Phāsuṃyevāti iminā arahattaṃ dasseti. Arahattappatto hi sabbiriyāpathesu phāsu viharati nāma.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਸਂਖਿਤ੍ਤਸੁਤ੍ਤਂ • 3. Saṃkhittasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੫. ਇਚ੍ਛਾਸੁਤ੍ਤਾਦਿવਣ੍ਣਨਾ • 1-5. Icchāsuttādivaṇṇanā
