| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
78. сам̣кид̇д̇зна баад̇имогкуд̣̇д̣̇зсаад̣̇и
78. Saṃkhittena pātimokkhuddesādi
150. ат̇а ко бхигкуунам̣ зд̇ад̣̇ахоси – ‘‘гад̇и ну ко баад̇имогкуд̣̇д̣̇зсаа’’д̇и? бхаг̇авад̇о зд̇амад̇т̇ам̣ аарожзсум̣. бан̃жимз, бхигкавз, баад̇имогкуд̣̇д̣̇зсаа – нид̣̇аанам̣ уд̣̇д̣̇исид̇ваа авасзсам̣ суд̇зна саавзд̇аб̣б̣ам̣. аяам̣ батамо баад̇имогкуд̣̇д̣̇зсо. нид̣̇аанам̣ уд̣̇д̣̇исид̇ваа жад̇д̇аари баарааж̇игаани уд̣̇д̣̇исид̇ваа авасзсам̣ суд̇зна саавзд̇аб̣б̣ам̣. аяам̣ д̣̇уд̇ияо баад̇имогкуд̣̇д̣̇зсо. нид̣̇аанам̣ уд̣̇д̣̇исид̇ваа жад̇д̇аари баарааж̇игаани уд̣̇д̣̇исид̇ваа д̇зраса сан̇гхаад̣̇исзсз уд̣̇д̣̇исид̇ваа авасзсам̣ суд̇зна саавзд̇аб̣б̣ам̣. аяам̣ д̇ад̇ияо баад̇имогкуд̣̇д̣̇зсо. нид̣̇аанам̣ уд̣̇д̣̇исид̇ваа жад̇д̇аари баарааж̇игаани уд̣̇д̣̇исид̇ваа д̇зраса сан̇гхаад̣̇исзсз уд̣̇д̣̇исид̇ваа д̣̇вз анияад̇з уд̣̇д̣̇исид̇ваа авасзсам̣ суд̇зна саавзд̇аб̣б̣ам̣. аяам̣ жад̇уд̇т̇о баад̇имогкуд̣̇д̣̇зсо. вид̇т̇аарзнзва бан̃жамо. имз ко, бхигкавз, бан̃жа баад̇имогкуд̣̇д̣̇зсаад̇и.
150. Atha kho bhikkhūnaṃ etadahosi – ‘‘kati nu kho pātimokkhuddesā’’ti? Bhagavato etamatthaṃ ārocesuṃ. Pañcime, bhikkhave, pātimokkhuddesā – nidānaṃ uddisitvā avasesaṃ sutena sāvetabbaṃ. Ayaṃ paṭhamo pātimokkhuddeso. Nidānaṃ uddisitvā cattāri pārājikāni uddisitvā avasesaṃ sutena sāvetabbaṃ. Ayaṃ dutiyo pātimokkhuddeso. Nidānaṃ uddisitvā cattāri pārājikāni uddisitvā terasa saṅghādisese uddisitvā avasesaṃ sutena sāvetabbaṃ. Ayaṃ tatiyo pātimokkhuddeso. Nidānaṃ uddisitvā cattāri pārājikāni uddisitvā terasa saṅghādisese uddisitvā dve aniyate uddisitvā avasesaṃ sutena sāvetabbaṃ. Ayaṃ catuttho pātimokkhuddeso. Vitthāreneva pañcamo. Ime kho, bhikkhave, pañca pātimokkhuddesāti.
д̇зна ко бана самаязна бхигкуу – бхаг̇авад̇аа сам̣кид̇д̇зна баад̇имогкуд̣̇д̣̇зсо анун̃н̃аад̇од̇и – саб̣б̣агаалам̣ сам̣кид̇д̇зна баад̇имогкам̣ уд̣̇д̣̇исанд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, сам̣кид̇д̇зна баад̇имогкам̣ уд̣̇д̣̇исид̇аб̣б̣ам̣. яо уд̣̇д̣̇исзяяа, аабад̇д̇и д̣̇уггадассаад̇и.
Tena kho pana samayena bhikkhū – bhagavatā saṃkhittena pātimokkhuddeso anuññātoti – sabbakālaṃ saṃkhittena pātimokkhaṃ uddisanti. Bhagavato etamatthaṃ ārocesuṃ. Na, bhikkhave, saṃkhittena pātimokkhaṃ uddisitabbaṃ. Yo uddiseyya, āpatti dukkaṭassāti.
д̇зна ко бана самаязна госалзсу ж̇анабад̣̇з ан̃н̃ад̇арасмим̣ ааваасз д̇ад̣̇ахубосат̇з саварабхаяам̣ 1 ахоси. бхигкуу наасагким̣су вид̇т̇аарзна баад̇имогкам̣ уд̣̇д̣̇исид̇ум̣. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, сад̇и анд̇арааяз сам̣кид̇д̇зна баад̇имогкам̣ уд̣̇д̣̇исид̇унд̇и.
Tena kho pana samayena kosalesu janapade aññatarasmiṃ āvāse tadahuposathe savarabhayaṃ 2 ahosi. Bhikkhū nāsakkhiṃsu vitthārena pātimokkhaṃ uddisituṃ. Bhagavato etamatthaṃ ārocesuṃ. Anujānāmi, bhikkhave, sati antarāye saṃkhittena pātimokkhaṃ uddisitunti.
д̇зна ко бана самаязна чаб̣б̣аг̇г̇ияаа бхигкуу асад̇иби анд̇арааяз сам̣кид̇д̇зна баад̇имогкам̣ уд̣̇д̣̇исанд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, асад̇и анд̇арааяз сам̣кид̇д̇зна баад̇имогкам̣ уд̣̇д̣̇исид̇аб̣б̣ам̣. яо уд̣̇д̣̇исзяяа, аабад̇д̇и д̣̇уггадасса. ануж̇аанаами, бхигкавз, сад̇и анд̇арааяз сам̣кид̇д̇зна баад̇имогкам̣ уд̣̇д̣̇исид̇ум̣. д̇ад̇римз анд̇арааяаа – рааж̇анд̇арааяо, жоранд̇арааяо, аг̇яанд̇арааяо, уд̣̇аганд̇арааяо, мануссанд̇арааяо, амануссанд̇арааяо , ваал̣анд̇арааяо, сарийсабанд̇арааяо, ж̇ийвид̇анд̇арааяо, б̣рахмажарияанд̇арааяод̇и. ануж̇аанаами, бхигкавз, зваруубзсу анд̇арааязсу сам̣кид̇д̇зна баад̇имогкам̣ уд̣̇д̣̇исид̇ум̣, асад̇и анд̇арааяз вид̇т̇аарзнаад̇и.
Tena kho pana samayena chabbaggiyā bhikkhū asatipi antarāye saṃkhittena pātimokkhaṃ uddisanti. Bhagavato etamatthaṃ ārocesuṃ. Na, bhikkhave, asati antarāye saṃkhittena pātimokkhaṃ uddisitabbaṃ. Yo uddiseyya, āpatti dukkaṭassa. Anujānāmi, bhikkhave, sati antarāye saṃkhittena pātimokkhaṃ uddisituṃ. Tatrime antarāyā – rājantarāyo, corantarāyo, agyantarāyo, udakantarāyo, manussantarāyo, amanussantarāyo , vāḷantarāyo, sarīsapantarāyo, jīvitantarāyo, brahmacariyantarāyoti. Anujānāmi, bhikkhave, evarūpesu antarāyesu saṃkhittena pātimokkhaṃ uddisituṃ, asati antarāye vitthārenāti.
д̇зна ко бана самаязна чаб̣б̣аг̇г̇ияаа бхигкуу сан̇гхамаж̇жхз анаж̇жхидтаа д̇хаммам̣ бхаасанд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, сан̇гхамаж̇жхз анаж̇жхидтзна д̇хаммо бхаасид̇аб̣б̣о. яо бхаасзяяа, аабад̇д̇и д̣̇уггадасса. ануж̇аанаами, бхигкавз, т̇зрзна бхигкунаа саамам̣ ваа д̇хаммам̣ бхаасид̇ум̣ барам̣ ваа аж̇жхзсид̇унд̇и.
Tena kho pana samayena chabbaggiyā bhikkhū saṅghamajjhe anajjhiṭṭhā dhammaṃ bhāsanti. Bhagavato etamatthaṃ ārocesuṃ. Na, bhikkhave, saṅghamajjhe anajjhiṭṭhena dhammo bhāsitabbo. Yo bhāseyya, āpatti dukkaṭassa. Anujānāmi, bhikkhave, therena bhikkhunā sāmaṃ vā dhammaṃ bhāsituṃ paraṃ vā ajjhesitunti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баад̇имогкуд̣̇д̣̇зсагат̇аа • Pātimokkhuddesakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баад̇имогкуд̣̇д̣̇зсагат̇ааван̣н̣анаа • Pātimokkhuddesakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баад̇имогкуд̣̇д̣̇зсагат̇ааван̣н̣анаа • Pātimokkhuddesakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баад̇имогкуд̣̇д̣̇зсагат̇ааван̣н̣анаа • Pātimokkhuddesakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 78. баад̇имогкуд̣̇д̣̇зсагат̇аа • 78. Pātimokkhuddesakathā
