| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੫. ਉਪੋਸਥવਗ੍ਗੋ
5. Uposathavaggo
੧-੮. ਸਂਖਿਤ੍ਤੂਪੋਸਥਸੁਤ੍ਤਾਦਿવਣ੍ਣਨਾ
1-8. Saṃkhittūposathasuttādivaṇṇanā
੪੧-੪੮. ਪਞ੍ਚਮਸ੍ਸ ਪਠਮਾਦੀਸੁ ਨਤ੍ਥਿ વਤ੍ਤਬ੍ਬਂ। ਛਟ੍ਠੇ (ਸਂ॰ ਨਿ॰ ਟੀ॰ ੧.੧.੧੬੫) ਪਞ੍ਚ ਅਙ੍ਗਾਨਿ ਏਤਸ੍ਸਾਤਿ ਪਞ੍ਚਙ੍ਗਂ, ਪਞ੍ਚਙ੍ਗਮੇવ ਪਞ੍ਚਙ੍ਗਿਕਂ, ਤਸ੍ਸ ਪਞ੍ਚਙ੍ਗਿਕਸ੍ਸ। ਮਹਤੀ ਦਦ੍ਦਰੀ વੀਣਾવਿਸੇਸੋਪਿ ਆਤਤਮੇવਾਤਿ ‘‘ਚਮ੍ਮਪਰਿਯੋਨਦ੍ਧੇਸੂ’’ਤਿ વਿਸੇਸਨਂ ਕਤਂ। ਏਕਤਲਤੂਰਿਯਂ ਕੁਮ੍ਭਥੁਨਦਦ੍ਦਰਿਕਾਦਿ। ਉਭਯਤਲਂ ਭੇਰਿਮੁਦਿਙ੍ਗਾਦਿ। ਚਮ੍ਮਪਰਿਯੋਨਦ੍ਧਂ ਹੁਤ੍વਾ વਿਨਿਬਦ੍ਧਂ ਆਤਤવਿਤਤਂ। ਸਬ੍ਬਸੋ ਪਰਿਯੋਨਦ੍ਧਂ ਨਾਮ ਚਤੁਰਸ੍ਸਅਮ੍ਬਣਂ ਪਣવਾਦਿ ਚ। ਗੋਮੁਖੀਆਦੀਨਮ੍ਪਿ ਏਤ੍ਥੇવ ਸਙ੍ਗਹੋ ਦਟ੍ਠਬ੍ਬੋ। વਂਸਾਦੀਤਿ ਆਦਿ-ਸਦ੍ਦੇਨ ਸਙ੍ਖਾਦੀਨਂ ਸਙ੍ਗਹੋ। ਸਮ੍ਮਾਦੀਤਿ ਸਮ੍ਮਤਾਲ਼ਕਂਸਤਾਲ਼ਸਿਲਾਸਲਾਕਤਾਲ਼ਾਦਿ। ਤਤ੍ਥ ਸਮ੍ਮਤਾਲ਼ਂ ਨਾਮ ਦਨ੍ਤਮਯਤਾਲ਼ਂ। ਕਂਸਤਾਲ਼ਂ ਲੋਹਮਯਂ। ਸਿਲਾਮਯਂ ਅਯੋਪਤ੍ਤੇਨ ਚ વਾਦਨਤਾਲ਼ਂ ਸਿਲਾਸਲਾਕਤਾਲ਼ਂ। ਸੁਮੁਚ੍ਛਿਤਸ੍ਸਾਤਿ ਸੁਟ੍ਠੁ ਪਟਿਯਤ੍ਤਸ੍ਸ। ਪਮਾਣੇਤਿ ਨਾਤਿਦਲ਼੍ਹਨਾਤਿਸਿਥਿਲਸਙ੍ਖਾਤੇ ਮਜ੍ਝਿਮੇ ਮੁਚ੍ਛਨਾਪਮਾਣੇ। ਛੇਕੋਤਿ ਪਟੁ ਪਟ੍ਠੋ। ਸੋ ਚਸ੍ਸ ਪਟੁਭਾવੋ ਮਨੋਹਰੋਤਿ ਆਹ ‘‘ਸੁਨ੍ਦਰੋ’’ਤਿ। ਰਞ੍ਜੇਤੁਨ੍ਤਿ ਰਾਗਂ ਉਪ੍ਪਾਦੇਤੁਂ। ਖਮਤੇવਾਤਿ ਰੋਚਤੇવ। ਨ ਨਿਬ੍ਬਿਨ੍ਦਤੀਤਿ ਨ ਤਜ੍ਜੇਤਿ, ਸੋਤਸੁਖਭਾવਤੋ ਪਿਯਾਯਿਤਬ੍ਬੋવ ਹੋਤਿ।
41-48. Pañcamassa paṭhamādīsu natthi vattabbaṃ. Chaṭṭhe (saṃ. ni. ṭī. 1.1.165) pañca aṅgāni etassāti pañcaṅgaṃ, pañcaṅgameva pañcaṅgikaṃ, tassa pañcaṅgikassa. Mahatī daddarī vīṇāvisesopi ātatamevāti ‘‘cammapariyonaddhesū’’ti visesanaṃ kataṃ. Ekatalatūriyaṃ kumbhathunadaddarikādi. Ubhayatalaṃ bherimudiṅgādi. Cammapariyonaddhaṃ hutvā vinibaddhaṃ ātatavitataṃ. Sabbaso pariyonaddhaṃ nāma caturassaambaṇaṃ paṇavādi ca. Gomukhīādīnampi ettheva saṅgaho daṭṭhabbo. Vaṃsādīti ādi-saddena saṅkhādīnaṃ saṅgaho. Sammādīti sammatāḷakaṃsatāḷasilāsalākatāḷādi. Tattha sammatāḷaṃ nāma dantamayatāḷaṃ. Kaṃsatāḷaṃ lohamayaṃ. Silāmayaṃ ayopattena ca vādanatāḷaṃ silāsalākatāḷaṃ. Sumucchitassāti suṭṭhu paṭiyattassa. Pamāṇeti nātidaḷhanātisithilasaṅkhāte majjhime mucchanāpamāṇe. Chekoti paṭu paṭṭho. So cassa paṭubhāvo manoharoti āha ‘‘sundaro’’ti. Rañjetunti rāgaṃ uppādetuṃ. Khamatevāti rocateva. Na nibbindatīti na tajjeti, sotasukhabhāvato piyāyitabbova hoti.
ਭਤ੍ਤਾਰਂ ਨਾਤਿਮਞ੍ਞਤੀਤਿ ਸਾਮਿਕਂ ਮੁਞ੍ਚਿਤ੍વਾ ਅਞ੍ਞਂ ਮਨਸਾਪਿ ਨ ਪਤ੍ਥੇਤਿ। ਉਟ੍ਠਾਹਿਕਾਤਿ ਉਟ੍ਠਾਨવੀਰਿਯਸਮ੍ਪਨ੍ਨਾ। ਅਨਲਸਾਤਿ ਨਿਕ੍ਕੋਸਜ੍ਜਾ। ਸਙ੍ਗਹਿਤਪਰਿਜ੍ਜਨਾਤਿ ਸਮ੍ਮਾਨਨਾਦੀਹਿ ਚੇવ ਛਣਾਦੀਸੁ ਪੇਸੇਤਬ੍ਬ-ਪਿਯਭਣ੍ਡਾਦਿਪਣ੍ਣਾਕਾਰਪੇਸਨਾਦੀਹਿ ਚ ਸਙ੍ਗਹਿਤਪਰਿਜਨਾ। ਇਧ ਪਰਿਜਨੋ ਨਾਮ ਸਾਮਿਕਸ੍ਸ ਚੇવ ਅਤ੍ਤਨੋ ਚ ਞਾਤਿਜਨੋ। ਸਮ੍ਭਤਨ੍ਤਿ ਕਸਿવਣਿਜ੍ਜਾਦੀਨਿ ਕਤ੍વਾ ਆਭਤਧਨਂ। ਸਤ੍ਤਮਟ੍ਠਮਾਨਿ ਉਤ੍ਤਾਨਤ੍ਥਾਨਿ।
Bhattāraṃ nātimaññatīti sāmikaṃ muñcitvā aññaṃ manasāpi na pattheti. Uṭṭhāhikāti uṭṭhānavīriyasampannā. Analasāti nikkosajjā. Saṅgahitaparijjanāti sammānanādīhi ceva chaṇādīsu pesetabba-piyabhaṇḍādipaṇṇākārapesanādīhi ca saṅgahitaparijanā. Idha parijano nāma sāmikassa ceva attano ca ñātijano. Sambhatanti kasivaṇijjādīni katvā ābhatadhanaṃ. Sattamaṭṭhamāni uttānatthāni.
ਸਂਖਿਤ੍ਤੂਪੋਸਥਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Saṃkhittūposathasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੧. ਸਙ੍ਖਿਤ੍ਤੂਪੋਸਥਸੁਤ੍ਤਂ • 1. Saṅkhittūposathasuttaṃ
੨. વਿਤ੍ਥਤੂਪੋਸਥਸੁਤ੍ਤਂ • 2. Vitthatūposathasuttaṃ
੩. વਿਸਾਖਾਸੁਤ੍ਤਂ • 3. Visākhāsuttaṃ
੪. વਾਸੇਟ੍ਠਸੁਤ੍ਤਂ • 4. Vāseṭṭhasuttaṃ
੫. ਬੋਜ੍ਝਸੁਤ੍ਤਂ • 5. Bojjhasuttaṃ
੬. ਅਨੁਰੁਦ੍ਧਸੁਤ੍ਤਂ • 6. Anuruddhasuttaṃ
੭. ਦੁਤਿਯવਿਸਾਖਾਸੁਤ੍ਤਂ • 7. Dutiyavisākhāsuttaṃ
੮. ਨਕੁਲਮਾਤਾਸੁਤ੍ਤਂ • 8. Nakulamātāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੪. વਾਸੇਟ੍ਠਸੁਤ੍ਤવਣ੍ਣਨਾ • 4. Vāseṭṭhasuttavaṇṇanā
੬. ਅਨੁਰੁਦ੍ਧਸੁਤ੍ਤવਣ੍ਣਨਾ • 6. Anuruddhasuttavaṇṇanā
