Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[530] 2. сам̣гижжаж̇аад̇агаван̣н̣анаа

[530] 2. Saṃkiccajātakavaṇṇanā

д̣̇исваа нисиннам̣ рааж̇аананд̇и ид̣̇ам̣ сад̇т̇аа ж̇ийвагамб̣аванз вихаранд̇о аж̇аад̇асад̇д̇усса бид̇угхаад̇агаммам̣ аараб̣бха гат̇зси. со хи д̣̇звад̣̇ад̇д̇ам̣ ниссааяа д̇асса важанзна бид̇арам̣ гхаад̇аабзд̇ваа д̣̇звад̣̇ад̇д̇асса сан̇гхабхзд̣̇аавасаанз бхиннабарисасса рог̇з уббаннз ‘‘д̇ат̇ааг̇ад̇ам̣ камаабзссаамий’’д̇и ман̃жасивигааяа саавад̇т̇им̣ г̇ажчанд̇асса ж̇зд̇аванад̣̇ваарз бат̇авим̣ бавидтабхаавам̣ суд̇ваа ‘‘д̣̇звад̣̇ад̇д̇о саммаасамб̣уд̣̇д̇хасса бадибагко худ̇ваа бат̇авим̣ бависид̇ваа авийжибарааяан̣о ж̇аад̇о, маяааби д̇ам̣ ниссааяа бид̇аа д̇хаммиго д̇хаммарааж̇аа гхаад̇ид̇о, ахамби ну ко бат̇авим̣ бависиссаамий’’д̇и бхийд̇о раж̇ж̇асирияаа жид̇д̇ассаад̣̇ам̣ на лабхи, ‘‘т̇огам̣ нид̣̇д̣̇ааяиссаамий’’д̇и нид̣̇д̣̇ам̣ убаг̇ад̇амад̇д̇ова наваяож̇анаб̣ахалааяам̣ аяамахаабат̇авияам̣ баад̇зд̇ваа аяасуулзхи годдияамаано вияа сунакзхи лун̃ж̇ид̇ваа каж̇ж̇амаано вияа бхзраваравзна вираванд̇о удтаад̇и.

Disvā nisinnaṃ rājānanti idaṃ satthā jīvakambavane viharanto ajātasattussa pitughātakammaṃ ārabbha kathesi. So hi devadattaṃ nissāya tassa vacanena pitaraṃ ghātāpetvā devadattassa saṅghabhedāvasāne bhinnaparisassa roge uppanne ‘‘tathāgataṃ khamāpessāmī’’ti mañcasivikāya sāvatthiṃ gacchantassa jetavanadvāre pathaviṃ paviṭṭhabhāvaṃ sutvā ‘‘devadatto sammāsambuddhassa paṭipakkho hutvā pathaviṃ pavisitvā avīciparāyaṇo jāto, mayāpi taṃ nissāya pitā dhammiko dhammarājā ghātito, ahampi nu kho pathaviṃ pavisissāmī’’ti bhīto rajjasiriyā cittassādaṃ na labhi, ‘‘thokaṃ niddāyissāmī’’ti niddaṃ upagatamattova navayojanabahalāyaṃ ayamahāpathaviyaṃ pātetvā ayasūlehi koṭṭiyamāno viya sunakhehi luñjitvā khajjamāno viya bheravaravena viravanto uṭṭhāti.

ат̇згад̣̇ивасам̣ гомуд̣̇ияаа жаад̇умаасинияаа амажжаг̇ан̣абаривуд̇о ад̇д̇ано яасам̣ ологзд̇ваа ‘‘мама бид̇у яасо ид̇о маханд̇ад̇аро, д̇ат̇ааруубам̣ наама ахам̣ д̇хаммарааж̇аанам̣ д̣̇звад̣̇ад̇д̇ам̣ ниссааяа гхаад̇зси’’нд̇и жинд̇зси. д̇ассзвам̣ жинд̇знд̇ассзва гааяз д̣аахо уббаж̇ж̇и, сагаласарийрам̣ сзд̣̇ад̇инд̇ам̣ ахоси. д̇ад̇о ‘‘го ну ко мз имам̣ бхаяам̣ винод̣̇зд̇ум̣ сагкиссад̇ий’’д̇и жинд̇зд̇ваа ‘‘табзд̇ваа д̣̇асаб̣алам̣ ан̃н̃о над̇т̇ий’’д̇и н̃ад̇ваа ‘‘ахам̣ д̇ат̇ааг̇ад̇асса махаабараад̇хо, го ну ко мам̣ нзд̇ваа д̣̇ассзссад̇ий’’д̇и жинд̇знд̇о ‘‘на ан̃н̃о гожи ан̃н̃ад̇ра ж̇ийвагаа’’д̇и саллагкзд̇ваа д̇асса г̇ахзд̇ваа г̇амануубааяам̣ гаронд̇о ‘‘раман̣ийяаа вад̇а, бхо, д̣̇осинаа рад̇д̇ий’’д̇и уд̣̇аанам̣ уд̣̇аанзд̇ваа ‘‘гам̣ ну кваж̇ж̇а саман̣ам̣ ваа б̣раахман̣ам̣ ваа баяирубаасзяяаамий’’д̇и вад̇ваа бууран̣асаавагаад̣̇ийхи бууран̣аад̣̇ийнам̣ г̇ун̣з гат̇ид̇з д̇зсам̣ важанам̣ анаад̣̇ияид̇ваа ж̇ийвагам̣ бадибужчид̇ваа д̇зна д̇ат̇ааг̇ад̇асса г̇ун̣ам̣ гат̇зд̇ваа ‘‘д̇ам̣ д̣̇зво бхаг̇аванд̇ам̣ баяирубаасад̇уу’’д̇и вуд̇д̇о хад̇т̇ияаанаани габбаабзд̇ваа ж̇ийвагамб̣аванам̣ г̇анд̇ваа д̇ат̇ааг̇ад̇ам̣ убасан̇гамид̇ваа ванд̣̇ид̇ваа д̇ат̇ааг̇ад̇зна гад̇абадисант̇ааро санд̣̇идтигам̣ сааман̃н̃апалам̣ бужчид̇ваа д̇ат̇ааг̇ад̇асса мад̇хурам̣ сааман̃н̃апалад̇хаммад̣̇зсанам̣ (д̣̇ий. ни. 1.150 аад̣̇аяо) суд̇ваа суд̇д̇абарияосаанз убаасагад̇д̇ам̣ бадивзд̣̇ид̇ваа д̇ат̇ааг̇ад̇ам̣ камаабзд̇ваа баггаами. со д̇ад̇о бадтааяа д̣̇аанам̣ д̣̇знд̇о сийлам̣ рагканд̇о д̇ат̇ааг̇ад̇зна сад̣̇д̇хим̣ сам̣саг̇г̇ам̣ гад̇ваа мад̇хурад̇хаммагат̇ам̣ сун̣анд̇о галяаан̣амид̇д̇асам̣саг̇г̇зна бахийнабхаяо виг̇ад̇аломахам̣со худ̇ваа жид̇д̇ассаад̣̇ам̣ бадилабхид̇ваа сукзна жад̇д̇ааро ирияаабат̇з габбзси.

Athekadivasaṃ komudiyā cātumāsiniyā amaccagaṇaparivuto attano yasaṃ oloketvā ‘‘mama pitu yaso ito mahantataro, tathārūpaṃ nāma ahaṃ dhammarājānaṃ devadattaṃ nissāya ghātesi’’nti cintesi. Tassevaṃ cintentasseva kāye ḍāho uppajji, sakalasarīraṃ sedatintaṃ ahosi. Tato ‘‘ko nu kho me imaṃ bhayaṃ vinodetuṃ sakkhissatī’’ti cintetvā ‘‘ṭhapetvā dasabalaṃ añño natthī’’ti ñatvā ‘‘ahaṃ tathāgatassa mahāparādho, ko nu kho maṃ netvā dassessatī’’ti cintento ‘‘na añño koci aññatra jīvakā’’ti sallakkhetvā tassa gahetvā gamanūpāyaṃ karonto ‘‘ramaṇīyā vata, bho, dosinā rattī’’ti udānaṃ udānetvā ‘‘kaṃ nu khvajja samaṇaṃ vā brāhmaṇaṃ vā payirupāseyyāmī’’ti vatvā pūraṇasāvakādīhi pūraṇādīnaṃ guṇe kathite tesaṃ vacanaṃ anādiyitvā jīvakaṃ paṭipucchitvā tena tathāgatassa guṇaṃ kathetvā ‘‘taṃ devo bhagavantaṃ payirupāsatū’’ti vutto hatthiyānāni kappāpetvā jīvakambavanaṃ gantvā tathāgataṃ upasaṅkamitvā vanditvā tathāgatena katapaṭisanthāro sandiṭṭhikaṃ sāmaññaphalaṃ pucchitvā tathāgatassa madhuraṃ sāmaññaphaladhammadesanaṃ (dī. ni. 1.150 ādayo) sutvā suttapariyosāne upāsakattaṃ paṭiveditvā tathāgataṃ khamāpetvā pakkāmi. So tato paṭṭhāya dānaṃ dento sīlaṃ rakkhanto tathāgatena saddhiṃ saṃsaggaṃ katvā madhuradhammakathaṃ suṇanto kalyāṇamittasaṃsaggena pahīnabhayo vigatalomahaṃso hutvā cittassādaṃ paṭilabhitvā sukhena cattāro iriyāpathe kappesi.

ат̇згад̣̇ивасам̣ д̇хаммасабхааяам̣ гат̇ам̣ самудтаабзсум̣ – ‘‘аавусо, аж̇аад̇асад̇д̇у бид̇угхаад̇агаммам̣ гад̇ваа бхаяаббад̇д̇о ахоси, раж̇ж̇асирим̣ ниссааяа жид̇д̇ассаад̣̇ам̣ алабханд̇о саб̣б̣аирияаабат̇зсу д̣̇угкам̣ анубход̇и, со д̣̇аани д̇ат̇ааг̇ад̇ам̣ ааг̇амма галяаан̣амид̇д̇асам̣саг̇г̇зна виг̇ад̇абхаяо иссарияасукам̣ анубход̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса бид̇угхаад̇агаммам̣ гад̇ваа мам̣ ниссааяа сукам̣ саяий’’д̇и вад̇ваа ад̇ийд̇ам̣ аахари.

Athekadivasaṃ dhammasabhāyaṃ kathaṃ samuṭṭhāpesuṃ – ‘‘āvuso, ajātasattu pitughātakammaṃ katvā bhayappatto ahosi, rajjasiriṃ nissāya cittassādaṃ alabhanto sabbairiyāpathesu dukkhaṃ anubhoti, so dāni tathāgataṃ āgamma kalyāṇamittasaṃsaggena vigatabhayo issariyasukhaṃ anubhotī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa pitughātakammaṃ katvā maṃ nissāya sukhaṃ sayī’’ti vatvā atītaṃ āhari.

ад̇ийд̇з б̣аараан̣асияам̣ б̣рахмад̣̇ад̇д̇о раж̇ж̇ам̣ гаарзнд̇о б̣рахмад̣̇ад̇д̇агумаарам̣ наама буд̇д̇ам̣ бадилабхи. д̇ад̣̇аа б̣од̇хисад̇д̇о бурохид̇асса г̇зхз бадисанд̇хим̣ г̇ан̣хи, ж̇аад̇ассзвасса ‘‘сам̣гижжагумааро’’д̇и наамам̣ гарим̣су. д̇з убхоби рааж̇анивзсанз згад̇ова вад̣дхим̣су. ан̃н̃аман̃н̃ам̣ сахааяагаа худ̇ваа ваяаббад̇д̇аа д̇аггасилам̣ г̇анд̇ваа саб̣б̣асиббаани уг̇г̇ан̣хид̇ваа бажжааг̇амим̣су. ат̇а рааж̇аа буд̇д̇асса убараж̇ж̇ам̣ ад̣̇ааси. б̣од̇хисад̇д̇оби убарааж̇ассзва санд̇игз ахоси. ат̇згад̣̇ивасам̣ убарааж̇аа бид̇у уяяаанагийл̣ам̣ г̇ажчанд̇асса маханд̇ам̣ яасам̣ д̣̇исваа д̇асмим̣ лобхам̣ уббаад̣̇зд̇ваа ‘‘маяхам̣ бид̇аа мама бхаад̇игасад̣̇исо, сажз зд̇асса маран̣ам̣ ологзссаами, махаллагагаалз раж̇ж̇ам̣ лабхиссаами, д̇ад̣̇аа лад̣̇д̇хзнаби раж̇ж̇зна го ад̇т̇о, бид̇арам̣ маарзд̇ваа раж̇ж̇ам̣ г̇ан̣хиссаамий’’д̇и жинд̇зд̇ваа б̣од̇хисад̇д̇асса д̇амад̇т̇ам̣ аарожзси. б̣од̇хисад̇д̇о, ‘‘самма, бид̇угхаад̇агаммам̣ наама бхаарияам̣, нираяамаг̇г̇о, на саггаа зд̇ам̣ гаад̇ум̣, маа гарий’’д̇и бадиб̣аахи. со бунаббунамби гат̇зд̇ваа яаавад̇ад̇ияам̣ д̇зна бадиб̣аахид̇о баад̣̇амуулигзхи сад̣̇д̇хим̣ манд̇зси. д̇зби самбадижчид̇ваа ран̃н̃о мааран̣уубааяам̣ виймам̣сим̣су. б̣од̇хисад̇д̇о д̇ам̣ бавад̇д̇им̣ н̃ад̇ваа ‘‘наахам̣ зд̇зхи сад̣̇д̇хим̣ згад̇о бхависсаамий’’д̇и маад̇аабид̇аро анаабужчид̇ваава аг̇г̇ад̣̇ваарзна нигкамид̇ваа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃аа ниб̣б̣ад̇д̇зд̇ваа ванамуулапалаахааро вихааси.

Atīte bārāṇasiyaṃ brahmadatto rajjaṃ kārento brahmadattakumāraṃ nāma puttaṃ paṭilabhi. Tadā bodhisatto purohitassa gehe paṭisandhiṃ gaṇhi, jātassevassa ‘‘saṃkiccakumāro’’ti nāmaṃ kariṃsu. Te ubhopi rājanivesane ekatova vaḍḍhiṃsu. Aññamaññaṃ sahāyakā hutvā vayappattā takkasilaṃ gantvā sabbasippāni uggaṇhitvā paccāgamiṃsu. Atha rājā puttassa uparajjaṃ adāsi. Bodhisattopi uparājasseva santike ahosi. Athekadivasaṃ uparājā pitu uyyānakīḷaṃ gacchantassa mahantaṃ yasaṃ disvā tasmiṃ lobhaṃ uppādetvā ‘‘mayhaṃ pitā mama bhātikasadiso, sace etassa maraṇaṃ olokessāmi, mahallakakāle rajjaṃ labhissāmi, tadā laddhenapi rajjena ko attho, pitaraṃ māretvā rajjaṃ gaṇhissāmī’’ti cintetvā bodhisattassa tamatthaṃ ārocesi. Bodhisatto, ‘‘samma, pitughātakammaṃ nāma bhāriyaṃ, nirayamaggo, na sakkā etaṃ kātuṃ, mā karī’’ti paṭibāhi. So punappunampi kathetvā yāvatatiyaṃ tena paṭibāhito pādamūlikehi saddhiṃ mantesi. Tepi sampaṭicchitvā rañño māraṇūpāyaṃ vīmaṃsiṃsu. Bodhisatto taṃ pavattiṃ ñatvā ‘‘nāhaṃ etehi saddhiṃ ekato bhavissāmī’’ti mātāpitaro anāpucchitvāva aggadvārena nikkhamitvā himavantaṃ pavisitvā isipabbajjaṃ pabbajitvā jhānābhiññā nibbattetvā vanamūlaphalāhāro vihāsi.

рааж̇агумаароби д̇асмим̣ г̇ад̇з бид̇арам̣ маараабзд̇ваа маханд̇ам̣ яасам̣ анубхави. ‘‘сам̣гижжагумааро гира исибаб̣б̣аж̇ж̇ам̣ баб̣б̣аж̇ид̇о’’д̇и суд̇ваа б̣ахуу гулабуд̇д̇аа нигкамид̇ваа д̇асса санд̇игз баб̣б̣аж̇им̣су. со махад̇аа исиг̇ан̣зна баривуд̇о д̇ад̇т̇а васи. саб̣б̣зби самаабад̇д̇илаабхиноязва. рааж̇ааби бид̇арам̣ маарзд̇ваа аббамад̇д̇агам̣язва гаалам̣ раж̇ж̇асукам̣ анубхавид̇ваа д̇ад̇о бадтааяа бхийд̇о жид̇д̇ассаад̣̇ам̣ алабханд̇о нираяз гаммагаран̣аббад̇д̇о вияа ахоси. со б̣од̇хисад̇д̇ам̣ ануссарид̇ваа ‘‘сахааяо мз ‘бид̇угхаад̇агаммам̣ бхаарияам̣, маа гарий’д̇и бадисзд̇хзд̇ваа мам̣ ад̇д̇ано гат̇ам̣ г̇аахаабзд̇ум̣ асаггонд̇о ад̇д̇аанам̣ нид̣̇д̣̇осам̣ гад̇ваа балааяи. сажз со ид̇ха абхависса , на мз бид̇угхаад̇агаммам̣ гаад̇ум̣ ад̣̇асса, ид̣̇амби мз бхаяам̣ харзяяа, гахам̣ ну ко со зд̇арахи вихарад̇и. сажз д̇асса васанадтаанам̣ ж̇аанзяяам̣, баггосаабзяяам̣, го ну ко мз д̇асса васанадтаанам̣ аарожзяяаа’’д̇и жинд̇зси. со д̇ад̇о бадтааяа анд̇збурз жа рааж̇асабхааяан̃жа б̣од̇хисад̇д̇ассзва ван̣н̣ам̣ бхаасад̇и.

Rājakumāropi tasmiṃ gate pitaraṃ mārāpetvā mahantaṃ yasaṃ anubhavi. ‘‘Saṃkiccakumāro kira isipabbajjaṃ pabbajito’’ti sutvā bahū kulaputtā nikkhamitvā tassa santike pabbajiṃsu. So mahatā isigaṇena parivuto tattha vasi. Sabbepi samāpattilābhinoyeva. Rājāpi pitaraṃ māretvā appamattakaṃyeva kālaṃ rajjasukhaṃ anubhavitvā tato paṭṭhāya bhīto cittassādaṃ alabhanto niraye kammakaraṇappatto viya ahosi. So bodhisattaṃ anussaritvā ‘‘sahāyo me ‘pitughātakammaṃ bhāriyaṃ, mā karī’ti paṭisedhetvā maṃ attano kathaṃ gāhāpetuṃ asakkonto attānaṃ niddosaṃ katvā palāyi. Sace so idha abhavissa , na me pitughātakammaṃ kātuṃ adassa, idampi me bhayaṃ hareyya, kahaṃ nu kho so etarahi viharati. Sace tassa vasanaṭṭhānaṃ jāneyyaṃ, pakkosāpeyyaṃ, ko nu kho me tassa vasanaṭṭhānaṃ āroceyyā’’ti cintesi. So tato paṭṭhāya antepure ca rājasabhāyañca bodhisattasseva vaṇṇaṃ bhāsati.

звам̣ ад̣̇д̇хаанз г̇ад̇з б̣од̇хисад̇д̇о ‘‘рааж̇аа мам̣ сарад̇и, маяаа д̇ад̇т̇а г̇анд̇ваа д̇асса д̇хаммам̣ д̣̇зсзд̇ваа д̇ам̣ ниб̣бхаяам̣ гад̇ваа ааг̇анд̇ум̣ ваддад̇ий’’д̇и бан̣н̣ааса вассаани химаванд̇з васид̇ваа бан̃жасад̇ад̇аабасабаривуд̇о аагаасзнааг̇анд̇ваа д̣̇ааяабассз наама уяяаанз од̇арид̇ваа исиг̇ан̣абаривуд̇о силаабаддз нисийд̣̇и. уяяаанабаало д̇ам̣ д̣̇исваа ‘‘бханд̇з, г̇ан̣асад̇т̇аа гонаамо’’д̇и бужчид̇ваа ‘‘сам̣гижжабан̣д̣ид̇о наамаа’’д̇и жа суд̇ваа саяамби сан̃ж̇аанид̇ваа ‘‘бханд̇з, яааваахам̣ рааж̇аанам̣ аанзми, д̇аава ид̇хзва хот̇а, амхаагам̣ рааж̇аа д̇умхз д̣̇адтугаамо’’д̇и вад̇ваа взг̇зна рааж̇агулам̣ г̇анд̇ваа д̇асса ааг̇ад̇абхаавам̣ ран̃н̃о аарожзси. рааж̇аа д̇асса санд̇игам̣ г̇анд̇ваа гад̇д̇аб̣б̣аяуд̇д̇агам̣ убахаарам̣ гад̇ваа бан̃хам̣ бужчи. д̇амад̇т̇ам̣ багаасзнд̇о сад̇т̇аа ааха –

Evaṃ addhāne gate bodhisatto ‘‘rājā maṃ sarati, mayā tattha gantvā tassa dhammaṃ desetvā taṃ nibbhayaṃ katvā āgantuṃ vaṭṭatī’’ti paṇṇāsa vassāni himavante vasitvā pañcasatatāpasaparivuto ākāsenāgantvā dāyapasse nāma uyyāne otaritvā isigaṇaparivuto silāpaṭṭe nisīdi. Uyyānapālo taṃ disvā ‘‘bhante, gaṇasatthā konāmo’’ti pucchitvā ‘‘saṃkiccapaṇḍito nāmā’’ti ca sutvā sayampi sañjānitvā ‘‘bhante, yāvāhaṃ rājānaṃ ānemi, tāva idheva hotha, amhākaṃ rājā tumhe daṭṭhukāmo’’ti vatvā vegena rājakulaṃ gantvā tassa āgatabhāvaṃ rañño ārocesi. Rājā tassa santikaṃ gantvā kattabbayuttakaṃ upahāraṃ katvā pañhaṃ pucchi. Tamatthaṃ pakāsento satthā āha –

69.

‘‘д̣̇исваа нисиннам̣ рааж̇аанам̣, б̣рахмад̣̇ад̇д̇ам̣ рат̇зсабхам̣;

‘‘Disvā nisinnaṃ rājānaṃ, brahmadattaṃ rathesabhaṃ;

ат̇асса бадивзд̣̇зси, яассааси анугамбаго.

Athassa paṭivedesi, yassāsi anukampako.

70.

‘‘сам̣гижжааяам̣ ануббад̇д̇о, исийнам̣ саад̇хусаммад̇о;

‘‘Saṃkiccāyaṃ anuppatto, isīnaṃ sādhusammato;

д̇арамаанаруубо нияяаахи, киббам̣ басса махзсинам̣.

Taramānarūpo niyyāhi, khippaṃ passa mahesinaṃ.

71.

‘‘д̇ад̇о жа рааж̇аа д̇арамаано, яуд̇д̇амааруяха санд̣̇анам̣;

‘‘Tato ca rājā taramāno, yuttamāruyha sandanaṃ;

мид̇д̇аамажжабариб̣яуул̣хо, аг̇амааси рат̇зсабхо.

Mittāmaccaparibyūḷho, agamāsi rathesabho.

72.

‘‘нигкибба бан̃жа гагуд̇хаани, гаасийнам̣ радтавад̣дхано;

‘‘Nikkhippa pañca kakudhāni, kāsīnaṃ raṭṭhavaḍḍhano;

ваалаб̣ийж̇анимун̣хийсам̣, каг̇г̇ам̣ чад̇д̇ан̃жубааханам̣.

Vālabījanimuṇhīsaṃ, khaggaṃ chattañcupāhanaṃ.

73.

‘‘оруяха рааж̇аа яаанамхаа, табаяид̇ваа бадижчад̣̇ам̣;

‘‘Oruyha rājā yānamhā, ṭhapayitvā paṭicchadaṃ;

аасийнам̣ д̣̇ааяабассасмим̣, сам̣гижжамубасан̇гами.

Āsīnaṃ dāyapassasmiṃ, saṃkiccamupasaṅkami.

74.

‘‘убасан̇гамид̇ваа со рааж̇аа, саммод̣̇и исинаа саха;

‘‘Upasaṅkamitvā so rājā, sammodi isinā saha;

д̇ам̣ гат̇ам̣ вийд̇исаарзд̇ваа, згаманд̇ам̣ убаависи.

Taṃ kathaṃ vītisāretvā, ekamantaṃ upāvisi.

75.

‘‘згаманд̇ам̣ нисиннова, ат̇а гаалам̣ аман̃н̃ат̇а;

‘‘Ekamantaṃ nisinnova, atha kālaṃ amaññatha;

д̇ад̇о баабаани гаммаани, бужчид̇ум̣ бадибаж̇ж̇ат̇а.

Tato pāpāni kammāni, pucchituṃ paṭipajjatha.

76.

‘‘исим̣ бужчаама сам̣гижжам̣, исийнам̣ саад̇хусаммад̇ам̣;

‘‘Isiṃ pucchāma saṃkiccaṃ, isīnaṃ sādhusammataṃ;

аасийнам̣ д̣̇ааяабассасмим̣, исисан̇гхабурагкад̇ам̣.

Āsīnaṃ dāyapassasmiṃ, isisaṅghapurakkhataṃ.

77.

‘‘гам̣ г̇ад̇им̣ бзжжа г̇ажчанд̇и, нараа д̇хаммаад̇ижаарино;

‘‘Kaṃ gatiṃ pecca gacchanti, narā dhammāticārino;

ад̇ижин̣н̣о маяаа д̇хаммо, д̇ам̣ мз агкаахи бужчид̇о’’д̇и.

Aticiṇṇo mayā dhammo, taṃ me akkhāhi pucchito’’ti.

д̇ад̇т̇а д̣̇исваад̇и, бхигкавз, со уяяаанабаало рааж̇аанам̣ рааж̇асабхааяам̣ нисиннам̣ д̣̇исваа ат̇асса бадивзд̣̇зси, ‘‘яассаасий’’д̇и вад̣̇анд̇о аарожзсийд̇и ад̇т̇о. яассаасийд̇и, махаарааж̇а, яасса д̇вам̣ анугамбаго муд̣̇ужид̇д̇о ахоси, яасса абхин̣хам̣ ван̣н̣ам̣ баяируд̣̇аахааси, со аяам̣ сам̣гижжо исийнам̣ анд̇арз саад̇ху лад̣̇д̇хагод̇и саммад̇о ануббад̇д̇о д̇ава уяяаанз силаабаддз исиг̇ан̣абаривуд̇о ган̃жанабадимаа вияа нисинно. д̇арамаанаруубод̇и, махаарааж̇а, баб̣б̣аж̇ид̇аа наама гулз ваа г̇ан̣з ваа алаг̇г̇аа д̇умхаагам̣ г̇ажчанд̇аанан̃н̃зва баггамзяяум̣, д̇асмаа д̇арамаанаруубо киббам̣ нияяаахи, маханд̇аанам̣ сийлаад̣̇иг̇ун̣аанам̣ зсид̇ад̇д̇аа басса махзсинам̣.

Tattha disvāti, bhikkhave, so uyyānapālo rājānaṃ rājasabhāyaṃ nisinnaṃ disvā athassa paṭivedesi, ‘‘yassāsī’’ti vadanto ārocesīti attho. Yassāsīti, mahārāja, yassa tvaṃ anukampako muducitto ahosi, yassa abhiṇhaṃ vaṇṇaṃ payirudāhāsi, so ayaṃ saṃkicco isīnaṃ antare sādhu laddhakoti sammato anuppatto tava uyyāne silāpaṭṭe isigaṇaparivuto kañcanapaṭimā viya nisinno. Taramānarūpoti, mahārāja, pabbajitā nāma kule vā gaṇe vā alaggā tumhākaṃ gacchantānaññeva pakkameyyuṃ, tasmā taramānarūpo khippaṃ niyyāhi, mahantānaṃ sīlādiguṇānaṃ esitattā passa mahesinaṃ.

д̇ад̇од̇и, бхигкавз, со рааж̇аа д̇асса важанам̣ суд̇ваа д̇ад̇о д̇асса важанад̇о ананд̇арамзва. нигкиббаад̇и нигкибид̇ваа д̇асса гира уяяаанад̣̇ваарам̣ бад̇ваава зд̇ад̣̇ахоси – ‘‘баб̣б̣аж̇ид̇аа наама г̇арудтаанияаа, сам̣гижжад̇аабасасса санд̇игам̣ уд̣̇д̇хад̇авзсзна г̇анд̇ум̣ аяуд̇д̇а’’нд̇и. со ман̣ижид̇д̇асуван̣н̣ад̣̇ан̣д̣ам̣ ваалаб̣ийж̇аним̣, ган̃жанамаяам̣ ун̣хийсабаддам̣, субаригкид̇д̇ам̣ ман̇г̇алакаг̇г̇ам̣, сзд̇ажчад̇д̇ам̣ , сован̣н̣абаад̣̇угаад̇и имаани бан̃жа рааж̇агагуд̇хабхан̣д̣аани абанзси. д̇зна вуд̇д̇ам̣ ‘‘нигкиббаа’’д̇и. бадижчад̣̇анд̇и д̇амзва рааж̇агагуд̇хабхан̣д̣ам̣ табаяид̇ваа бхан̣д̣ааг̇ааригасса хад̇т̇з д̣̇ад̇ваа. д̣̇ааяабассасминд̇и звам̣наамагз уяяаанз. ат̇а гаалам̣ аман̃н̃ат̇аад̇и ат̇а со ид̣̇аани мз бан̃хам̣ бужчид̇ум̣ гаалод̇и ж̇аани. баал̣ияам̣ бана ‘‘яат̇аагаала’’нд̇и ааг̇ад̇ам̣, д̇асса гаалаануруубзна бан̃хабужчанам̣ аман̃н̃ат̇аад̇и ад̇т̇о. бадибаж̇ж̇ат̇аад̇и бадибаж̇ж̇и. бзжжаад̇и бадиг̇анд̇ваа, баралогасса ваа наамзд̇ам̣, д̇асмаа баралогзд̇и ад̇т̇о. маяаад̇и, бханд̇з, маяаа сужарид̇ад̇хаммо ад̇ижин̣н̣о бид̇угхаад̇агаммам̣ гад̇ам̣, д̇ам̣ мз агкаахи, гам̣ г̇ад̇им̣ бид̇угхаад̇агаа г̇ажчанд̇и, гад̇арасмим̣ нираяз бажжанд̇ийд̇и бужчад̇и.

Tatoti, bhikkhave, so rājā tassa vacanaṃ sutvā tato tassa vacanato anantarameva. Nikkhippāti nikkhipitvā tassa kira uyyānadvāraṃ patvāva etadahosi – ‘‘pabbajitā nāma garuṭṭhāniyā, saṃkiccatāpasassa santikaṃ uddhatavesena gantuṃ ayutta’’nti. So maṇicittasuvaṇṇadaṇḍaṃ vālabījaniṃ, kañcanamayaṃ uṇhīsapaṭṭaṃ, suparikkhittaṃ maṅgalakhaggaṃ, setacchattaṃ , sovaṇṇapādukāti imāni pañca rājakakudhabhaṇḍāni apanesi. Tena vuttaṃ ‘‘nikkhippā’’ti. Paṭicchadanti tameva rājakakudhabhaṇḍaṃ ṭhapayitvā bhaṇḍāgārikassa hatthe datvā. Dāyapassasminti evaṃnāmake uyyāne. Atha kālaṃ amaññathāti atha so idāni me pañhaṃ pucchituṃ kāloti jāni. Pāḷiyaṃ pana ‘‘yathākāla’’nti āgataṃ, tassa kālānurūpena pañhapucchanaṃ amaññathāti attho. Paṭipajjathāti paṭipajji. Peccāti paṭigantvā, paralokassa vā nāmetaṃ, tasmā paraloketi attho. Mayāti, bhante, mayā sucaritadhammo aticiṇṇo pitughātakammaṃ kataṃ, taṃ me akkhāhi, kaṃ gatiṃ pitughātakā gacchanti, katarasmiṃ niraye paccantīti pucchati.

д̇ам̣ суд̇ваа б̣од̇хисад̇д̇о ‘‘д̇зна хи, махаарааж̇а, сун̣охий’’д̇и вад̇ваа оваад̣̇ам̣ д̇аава ад̣̇ааси. сад̇т̇аа д̇амад̇т̇ам̣ багаасзнд̇о ааха –

Taṃ sutvā bodhisatto ‘‘tena hi, mahārāja, suṇohī’’ti vatvā ovādaṃ tāva adāsi. Satthā tamatthaṃ pakāsento āha –

78.

‘‘исий аважа сам̣гижжо, гаасийнам̣ радтавад̣дханам̣;

‘‘Isī avaca saṃkicco, kāsīnaṃ raṭṭhavaḍḍhanaṃ;

аасийнам̣ д̣̇ааяабассасмим̣, махаарааж̇а сун̣охи мз.

Āsīnaṃ dāyapassasmiṃ, mahārāja suṇohi me.

79.

‘‘уббат̇зна важ̇анд̇асса, яо маг̇г̇аманусаасад̇и;

‘‘Uppathena vajantassa, yo maggamanusāsati;

д̇асса жз важанам̣ гаяираа, наасса маг̇г̇зяяа ган̣даго.

Tassa ce vacanaṃ kayirā, nāssa maggeyya kaṇṭako.

80.

‘‘ад̇хаммам̣ бадибаннасса, яо д̇хаммаманусаасад̇и;

‘‘Adhammaṃ paṭipannassa, yo dhammamanusāsati;

д̇асса жз важанам̣ гаяираа, на со г̇ажчзяяа д̣̇уг̇г̇ад̇и’’нд̇и.

Tassa ce vacanaṃ kayirā, na so gaccheyya duggati’’nti.

д̇ад̇т̇а уббат̇знаад̇и жорзхи барияудтид̇амаг̇г̇зна. маг̇г̇аманусаасад̇ийд̇и кзмамаг̇г̇ам̣ агкаад̇и. наасса маг̇г̇зяяа ган̣дагод̇и д̇асса оваад̣̇агарасса бурисасса мукам̣ жораган̣даго на бассзяяа. яо д̇хамманд̇и яо сужарид̇ад̇хаммам̣. на сод̇и со бурисо нираяаад̣̇ибхзд̣̇ам̣ д̣̇уг̇г̇ад̇им̣ на г̇ажчзяяа. уббат̇асад̣̇исо хи, махаарааж̇а, ад̇хаммо, кзмамаг̇г̇асад̣̇исо сужарид̇ад̇хаммо, д̇вам̣ бана буб̣б̣з ‘‘бид̇арам̣ гхаад̇зд̇ваа рааж̇аа хомий’’д̇и маяхам̣ гат̇зд̇ваа маяаа бадиб̣аахид̇о мама важанам̣ агад̇ваа бид̇арам̣ гхаад̇зд̇ваа ид̣̇аани сожаси, бан̣д̣ид̇аанам̣ оваад̣̇ам̣ агаронд̇о наама жорамаг̇г̇абадибанно вияа махааб̣яасанам̣ баабун̣аад̇ийд̇и.

Tattha uppathenāti corehi pariyuṭṭhitamaggena. Maggamanusāsatīti khemamaggaṃ akkhāti. Nāssa maggeyya kaṇṭakoti tassa ovādakarassa purisassa mukhaṃ corakaṇṭako na passeyya. Yo dhammanti yo sucaritadhammaṃ. Na soti so puriso nirayādibhedaṃ duggatiṃ na gaccheyya. Uppathasadiso hi, mahārāja, adhammo, khemamaggasadiso sucaritadhammo, tvaṃ pana pubbe ‘‘pitaraṃ ghātetvā rājā homī’’ti mayhaṃ kathetvā mayā paṭibāhito mama vacanaṃ akatvā pitaraṃ ghātetvā idāni socasi, paṇḍitānaṃ ovādaṃ akaronto nāma coramaggapaṭipanno viya mahābyasanaṃ pāpuṇātīti.

звамасса оваад̣̇ам̣ д̣̇ад̇ваа убари д̇хаммам̣ д̣̇зсзнд̇о ааха –

Evamassa ovādaṃ datvā upari dhammaṃ desento āha –

81.

‘‘д̇хаммо бат̇о махаарааж̇а, ад̇хаммо бана уббат̇о;

‘‘Dhammo patho mahārāja, adhammo pana uppatho;

ад̇хаммо нираяам̣ нзд̇и, д̇хаммо баабзд̇и суг̇г̇ад̇им̣.

Adhammo nirayaṃ neti, dhammo pāpeti suggatiṃ.

82.

‘‘ад̇хаммажаарино рааж̇а, нараа висамаж̇ийвино;

‘‘Adhammacārino rāja, narā visamajīvino;

яам̣ г̇ад̇им̣ бзжжа г̇ажчанд̇и, нираяз д̇з сун̣охи мз.

Yaṃ gatiṃ pecca gacchanti, niraye te suṇohi me.

83.

‘‘сан̃ж̇ийво гаал̣асуд̇д̇о жа, сан̇гхаад̇о д̣̇вз жа роруваа;

‘‘Sañjīvo kāḷasutto ca, saṅghāto dve ca roruvā;

ат̇аабаро махаавийжи, д̇аабано жа бад̇аабано.

Athāparo mahāvīci, tāpano ca patāpano.

84.

‘‘ижжзд̇з адта нираяаа, агкаад̇аа д̣̇урад̇иггамаа;

‘‘Iccete aṭṭha nirayā, akkhātā duratikkamā;

аагин̣н̣аа луд̣̇д̣̇агаммзхи, бажжзгаа сол̣асуссад̣̇аа.

Ākiṇṇā luddakammehi, paccekā soḷasussadā.

85.

‘‘гад̣̇арияад̇аабанаа гхораа, ажжиманд̇о махаб̣бхаяаа;

‘‘Kadariyatāpanā ghorā, accimanto mahabbhayā;

ломахам̣санаруубаа жа, бхзсмаа бадибхаяаа д̣̇укаа.

Lomahaṃsanarūpā ca, bhesmā paṭibhayā dukhā.

86.

‘‘жад̇угган̣н̣аа жад̇уд̣̇ваараа, вибхад̇д̇аа бхааг̇асо мид̇аа;

‘‘Catukkaṇṇā catudvārā, vibhattā bhāgaso mitā;

аяобаагаарабарияанд̇аа, аяасаа бадигуж̇ж̇ид̇аа.

Ayopākārapariyantā, ayasā paṭikujjitā.

87.

‘‘д̇зсам̣ аяомаяаа бхууми, ж̇алид̇аа д̇зж̇асаа яуд̇аа;

‘‘Tesaṃ ayomayā bhūmi, jalitā tejasā yutā;

саманд̇аа яож̇анасад̇ам̣, пудаа д̇идтанд̇и саб̣б̣ад̣̇аа.

Samantā yojanasataṃ, phuṭā tiṭṭhanti sabbadā.

88.

‘‘зд̇з бад̇анд̇и нираяз, уд̣̇д̇хам̣баад̣̇аа авам̣сираа;

‘‘Ete patanti niraye, uddhaṃpādā avaṃsirā;

исийнам̣ ад̇ивад̇д̇ааро, сан̃н̃ад̇аанам̣ д̇абассинам̣.

Isīnaṃ ativattāro, saññatānaṃ tapassinaṃ.

89.

‘‘д̇з бхуунахуно бажжанд̇и, мажчаа б̣илагад̇аа яат̇аа;

‘‘Te bhūnahuno paccanti, macchā bilakatā yathā;

сам̣важчарз асан̇кзяяз, нараа гиб̣б̣исагаарино.

Saṃvacchare asaṅkheyye, narā kibbisakārino.

90.

‘‘д̣аяхамаанзна г̇ад̇д̇зна, нижжам̣ санд̇араб̣аахирам̣;

‘‘Ḍayhamānena gattena, niccaṃ santarabāhiraṃ;

нираяаа наад̇хиг̇ажчанд̇и, д̣̇ваарам̣ нигкаманзсино.

Nirayā nādhigacchanti, dvāraṃ nikkhamanesino.

91.

‘‘бурад̇т̇имзна д̇хааванд̇и, д̇ад̇о д̇хааванд̇и бажчад̇о;

‘‘Puratthimena dhāvanti, tato dhāvanti pacchato;

уд̇д̇арзнаби д̇хааванд̇и, д̇ад̇о д̇хааванд̇и д̣̇агкин̣ам̣;

Uttarenapi dhāvanti, tato dhāvanti dakkhiṇaṃ;

яам̣ яан̃хи д̣̇ваарам̣ г̇ажчанд̇и, д̇ам̣ д̇ад̣̇зва бид̇хийяарз.

Yaṃ yañhi dvāraṃ gacchanti, taṃ tadeva pidhīyare.

92.

‘‘б̣ахууни вассасахассаани, ж̇анаа нираяаг̇аамино;

‘‘Bahūni vassasahassāni, janā nirayagāmino;

б̣аахаа баг̇г̇аяха ганд̣̇анд̇и, бад̇ваа д̣̇угкам̣ анаббагам̣.

Bāhā paggayha kandanti, patvā dukkhaṃ anappakaṃ.

93.

‘‘аасийвисам̣ва губид̇ам̣, д̇зж̇ассим̣ д̣̇урад̇иггамам̣;

‘‘Āsīvisaṃva kupitaṃ, tejassiṃ duratikkamaṃ;

на саад̇хуруубз аасийд̣̇з, сан̃н̃ад̇аанам̣ д̇абассинам̣.

Na sādhurūpe āsīde, saññatānaṃ tapassinaṃ.

94.

‘‘ад̇игааяо махиссаасо, аж̇ж̇уно гзгагаад̇хибо;

‘‘Atikāyo mahissāso, ajjuno kekakādhipo;

сахассаб̣ааху ужчинно, исимаасаж̇ж̇а г̇од̇амам̣.

Sahassabāhu ucchinno, isimāsajja gotamaṃ.

95.

‘‘араж̇ам̣ раж̇асаа важчам̣, гисам̣ авагирияа д̣̇ан̣д̣агий;

‘‘Arajaṃ rajasā vacchaṃ, kisaṃ avakiriya daṇḍakī;

д̇аалова муулад̇о чинно, са рааж̇аа вибхаван̇г̇ад̇о.

Tālova mūlato chinno, sa rājā vibhavaṅgato.

96.

‘‘убахажжа манам̣ маж̇жхо, маад̇ан̇г̇асмим̣ яасассинз;

‘‘Upahacca manaṃ majjho, mātaṅgasmiṃ yasassine;

сабаарисаж̇ж̇о ужчинно, маж̇жхааран̃н̃ам̣ д̇ад̣̇аа аху.

Sapārisajjo ucchinno, majjhāraññaṃ tadā ahu.

97.

‘‘ган̣хад̣̇ийбааяанаасаж̇ж̇а, исим̣ анд̇хагавзн̣д̣аяо;

‘‘Kaṇhadīpāyanāsajja, isiṃ andhakaveṇḍayo;

ан̃н̃он̃н̃ам̣ мусалаа ханд̇ваа, самбад̇д̇аа яамасаад̇ханам̣.

Aññoññaṃ musalā hantvā, sampattā yamasādhanaṃ.

98.

‘‘ат̇ааяам̣ исинаа сад̇д̇о, анд̇алигкажаро бурз;

‘‘Athāyaṃ isinā satto, antalikkhacaro pure;

баавзгки бат̇авим̣ жзжжо, хийнад̇д̇о бад̇д̇абарияааяам̣.

Pāvekkhi pathaviṃ cecco, hīnatto pattapariyāyaṃ.

99.

‘‘д̇асмаа хи чанд̣̇ааг̇аманам̣, наббасам̣санд̇и бан̣д̣ид̇аа;

‘‘Tasmā hi chandāgamanaṃ, nappasaṃsanti paṇḍitā;

ад̣̇удтажид̇д̇о бхаасзяяа, г̇ирам̣ сажжуубасам̣хид̇ам̣.

Aduṭṭhacitto bhāseyya, giraṃ saccūpasaṃhitaṃ.

100.

‘‘манасаа жз бад̣̇удтзна, яо наро бзгкад̇з муним̣;

‘‘Manasā ce paduṭṭhena, yo naro pekkhate muniṃ;

виж̇ж̇аажаран̣асамбаннам̣, г̇анд̇аа со нираяам̣ ад̇хо.

Vijjācaraṇasampannaṃ, gantā so nirayaṃ adho.

101.

‘‘яз вуд̣дхз барибхаасанд̇и, парусуубаггамаа ж̇анаа;

‘‘Ye vuḍḍhe paribhāsanti, pharusūpakkamā janā;

анабажжаа ад̣̇ааяаад̣̇аа, д̇аалавад̇т̇у бхаванд̇и д̇з.

Anapaccā adāyādā, tālavatthu bhavanti te.

102.

‘‘яо жа баб̣б̣аж̇ид̇ам̣ ханд̇и, гад̇агижжам̣ махзсинам̣;

‘‘Yo ca pabbajitaṃ hanti, katakiccaṃ mahesinaṃ;

са гаал̣асуд̇д̇з нираяз, жирарад̇д̇ааяа бажжад̇и.

Sa kāḷasutte niraye, cirarattāya paccati.

103.

‘‘яо жа рааж̇аа ад̇хаммадто, радтавид̣̇д̇хам̣сано маг̇о;

‘‘Yo ca rājā adhammaṭṭho, raṭṭhaviddhaṃsano mago;

д̇аабаяид̇ваа ж̇анабад̣̇ам̣, д̇аабанз бзжжа бажжад̇и.

Tāpayitvā janapadaṃ, tāpane pecca paccati.

104.

‘‘со жа вассасахассаани, сад̇ам̣ д̣̇иб̣б̣аани бажжад̇и;

‘‘So ca vassasahassāni, sataṃ dibbāni paccati;

ажжисан̇гхабарзд̇о со, д̣̇угкам̣ взд̣̇зд̇и взд̣̇анам̣.

Accisaṅghapareto so, dukkhaṃ vedeti vedanaṃ.

105.

‘‘д̇асса аг̇г̇исикаа гааяаа, нижчаранд̇и бабхассараа;

‘‘Tassa aggisikhā kāyā, niccharanti pabhassarā;

д̇зж̇обхагкасса г̇ад̇д̇аани, ломзхи жа накзхи жа.

Tejobhakkhassa gattāni, lomehi ca nakhehi ca.

106.

‘‘д̣аяхамаанзна г̇ад̇д̇зна, нижжам̣ санд̇араб̣аахирам̣;

‘‘Ḍayhamānena gattena, niccaṃ santarabāhiraṃ;

д̣̇угкаабхид̇унно над̣̇ад̇и, нааг̇о д̇уд̇д̇аддид̇о яат̇аа.

Dukkhābhitunno nadati, nāgo tuttaṭṭito yathā.

107.

‘‘яо лобхаа бид̇арам̣ ханд̇и, д̣̇осаа ваа бурисаад̇хамо;

‘‘Yo lobhā pitaraṃ hanti, dosā vā purisādhamo;

са гаал̣асуд̇д̇з нираяз, жирарад̇д̇ааяа бажжад̇и.

Sa kāḷasutte niraye, cirarattāya paccati.

108.

‘‘са д̇аад̣̇исо бажжад̇и лохагумбхияам̣, багган̃жа сад̇д̇ийхи хананд̇и нид̇д̇ажам̣;

‘‘Sa tādiso paccati lohakumbhiyaṃ, pakkañca sattīhi hananti nittacaṃ;

анд̇хам̣ гарид̇ваа муд̇д̇агарийсабхагкам̣, каарз нимуж̇ж̇анд̇и д̇ат̇аавид̇хам̣ нарам̣.

Andhaṃ karitvā muttakarīsabhakkhaṃ, khāre nimujjanti tathāvidhaṃ naraṃ.

109.

‘‘д̇ад̇д̇ам̣ баггут̇ид̇амаяог̇ул̣ан̃жа, д̣̇ийгхз жа паалз жирарад̇д̇ад̇аабид̇з;

‘‘Tattaṃ pakkuthitamayoguḷañca, dīghe ca phāle cirarattatāpite;

вигкамбхамаад̣̇ааяа виб̣анд̇хараж̇ж̇убхи, вивадз мукз самбависанд̇и рагкасаа.

Vikkhambhamādāya vibandharajjubhi, vivaṭe mukhe sampavisanti rakkhasā.

110.

‘‘саамаа жа сон̣аа саб̣алаа жа г̇иж̇жхаа, гааголасан̇гхаа жа д̣̇иж̇аа аяомукаа;

‘‘Sāmā ca soṇā sabalā ca gijjhā, kākolasaṅghā ca dijā ayomukhā;

сан̇г̇амма каад̣̇анд̇и вибпанд̣̇амаанам̣, ж̇ивхам̣ вибхаж̇ж̇а вигхаасам̣ салохид̇ам̣.

Saṅgamma khādanti vipphandamānaṃ, jivhaṃ vibhajja vighāsaṃ salohitaṃ.

111.

‘‘д̇ам̣ д̣̇ад̣дхад̇аалам̣ барибхиннаг̇ад̇д̇ам̣, ниббот̇аяанд̇аа анувижаранд̇и рагкасаа;

‘‘Taṃ daḍḍhatālaṃ paribhinnagattaṃ, nippothayantā anuvicaranti rakkhasā;

рад̇ий хи д̇зсам̣ д̣̇укино банийд̇арз, зд̇аад̣̇исасмим̣ нираяз васанд̇и;

Ratī hi tesaṃ dukhino panītare, etādisasmiṃ niraye vasanti;

яз гзжи логз ид̇ха бзд̇д̇игхаад̇ино.

Ye keci loke idha pettighātino.

112.

‘‘буд̇д̇о жа маад̇арам̣ ханд̇ваа, ид̇о г̇анд̇ваа яамагкаяам̣;

‘‘Putto ca mātaraṃ hantvā, ito gantvā yamakkhayaṃ;

бхусамаабаж̇ж̇ад̇з д̣̇угкам̣, ад̇д̇агаммапалуубаг̇о.

Bhusamāpajjate dukkhaṃ, attakammaphalūpago.

113.

‘‘амануссаа ад̇иб̣алаа, ханд̇аарам̣ ж̇анаяанд̇ияаа;

‘‘Amanussā atibalā, hantāraṃ janayantiyā;

аяомаязхи ваалзхи, бийл̣аяанд̇и бунаббунам̣.

Ayomayehi vālehi, pīḷayanti punappunaṃ.

114.

‘‘д̇амассавам̣ сагаа г̇ад̇д̇аа, руд̇хирам̣ ад̇д̇асамбхавам̣;

‘‘Tamassavaṃ sakā gattā, rudhiraṃ attasambhavaṃ;

д̇амб̣алохавилийнам̣ва, д̇ад̇д̇ам̣ бааязнд̇и мад̇д̇игхам̣.

Tambalohavilīnaṃva, tattaṃ pāyenti mattighaṃ.

115.

‘‘ж̇иг̇ужчам̣ гун̣абам̣ бууд̇им̣, д̣̇уг̇г̇анд̇хам̣ г̇уут̇агад̣̇д̣̇амам̣;

‘‘Jigucchaṃ kuṇapaṃ pūtiṃ, duggandhaṃ gūthakaddamaṃ;

буб̣б̣алохид̇асан̇гаасам̣, рахад̣̇амог̇аяха д̇идтад̇и.

Pubbalohitasaṅkāsaṃ, rahadamogayha tiṭṭhati.

116.

‘‘д̇амзнам̣ гимаяо д̇ад̇т̇а, ад̇игааяаа аяомукаа;

‘‘Tamenaṃ kimayo tattha, atikāyā ayomukhā;

чавим̣ бхзд̇ваана каад̣̇анд̇и, сам̣г̇ид̣̇д̇хаа мам̣салохид̇з.

Chaviṃ bhetvāna khādanti, saṃgiddhā maṃsalohite.

117.

‘‘со жа д̇ам̣ нираяам̣ бад̇д̇о, нимуг̇г̇о сад̇аборисам̣;

‘‘So ca taṃ nirayaṃ patto, nimuggo sataporisaṃ;

бууд̇игам̣ гун̣абам̣ ваад̇и, саманд̇аа сад̇аяож̇анам̣.

Pūtikaṃ kuṇapaṃ vāti, samantā satayojanaṃ.

118.

‘‘жагкумааби хи жагкуухи, д̇зна г̇анд̇хзна ж̇ийяад̇и;

‘‘Cakkhumāpi hi cakkhūhi, tena gandhena jīyati;

зд̇аад̣̇исам̣ б̣рахмад̣̇ад̇д̇а, маад̇угхо лабхад̇з д̣̇укам̣.

Etādisaṃ brahmadatta, mātugho labhate dukhaṃ.

119.

‘‘курад̇хаарамануггамма, д̇игкам̣ д̣̇урабхисамбхавам̣;

‘‘Khuradhāramanukkamma, tikkhaṃ durabhisambhavaṃ;

бад̇анд̇и г̇аб̣бхабаад̇ияо, д̣̇уг̇г̇ам̣ взд̇аран̣им̣ над̣̇им̣.

Patanti gabbhapātiyo, duggaṃ vetaraṇiṃ nadiṃ.

120.

‘‘аяомаяаа симб̣алияо, сол̣асан̇г̇улаган̣дагаа;

‘‘Ayomayā simbaliyo, soḷasaṅgulakaṇṭakā;

убхад̇о абхиламб̣анд̇и, д̣̇уг̇г̇ам̣ взд̇аран̣им̣ над̣̇им̣.

Ubhato abhilambanti, duggaṃ vetaraṇiṃ nadiṃ.

121.

‘‘д̇з ажжиманд̇о д̇идтанд̇и, аг̇г̇игканд̇хаава аарагаа;

‘‘Te accimanto tiṭṭhanti, aggikkhandhāva ārakā;

аад̣̇ид̇д̇аа ж̇аад̇авзд̣̇зна, уд̣̇д̇хам̣ яож̇анамуг̇г̇ад̇аа.

Ādittā jātavedena, uddhaṃ yojanamuggatā.

122.

‘‘зд̇з важ̇анд̇и нираяз, д̇ад̇д̇з д̇икин̣аган̣дагз;

‘‘Ete vajanti niraye, tatte tikhiṇakaṇṭake;

наарияо жа ад̇ижаараа, нараа жа барад̣̇аараг̇уу.

Nāriyo ca aticārā, narā ca paradāragū.

123.

‘‘д̇з бад̇анд̇и ад̇хогканд̇хаа, вивад̇д̇аа вихад̇аа бут̇уу;

‘‘Te patanti adhokkhandhā, vivattā vihatā puthū;

саяанд̇и винивид̣̇д̇хан̇г̇аа, д̣̇ийгхам̣ ж̇аг̇г̇анд̇и саб̣б̣ад̣̇аа.

Sayanti vinividdhaṅgā, dīghaṃ jagganti sabbadā.

124.

‘‘д̇ад̇о рад̇яаа вивасаанз, махад̇им̣ баб̣б̣ад̇уубамам̣;

‘‘Tato ratyā vivasāne, mahatiṃ pabbatūpamaṃ;

лохагумбхим̣ баваж̇ж̇анд̇и, д̇ад̇д̇ам̣ аг̇г̇исамууд̣̇агам̣.

Lohakumbhiṃ pavajjanti, tattaṃ aggisamūdakaṃ.

125.

‘‘звам̣ д̣̇иваа жа рад̇д̇о жа, д̣̇уссийлаа мохабааруд̇аа;

‘‘Evaṃ divā ca ratto ca, dussīlā mohapārutā;

анубхонд̇и сагам̣ гаммам̣, буб̣б̣з д̣̇уггадамад̇д̇ано.

Anubhonti sakaṃ kammaṃ, pubbe dukkaṭamattano.

126.

‘‘яаа жа бхарияаа д̇ханаггийд̇аа, саамигам̣ ад̇иман̃н̃ад̇и;

‘‘Yā ca bhariyā dhanakkītā, sāmikaṃ atimaññati;

сассум̣ ваа сасурам̣ вааби, ж̇здтам̣ вааби нананд̣̇арам̣.

Sassuṃ vā sasuraṃ vāpi, jeṭṭhaṃ vāpi nanandaraṃ.

127.

‘‘д̇ассаа ван̇гзна ж̇ивхаг̇г̇ам̣, ниб̣б̣аханд̇и саб̣анд̇ханам̣;

‘‘Tassā vaṅkena jivhaggaṃ, nibbahanti sabandhanaṃ;

са б̣яаамамад̇д̇ам̣ гиминам̣, ж̇ивхам̣ бассад̇и ад̇д̇ани;

Sa byāmamattaṃ kiminaṃ, jivhaṃ passati attani;

вин̃н̃аабзд̇ум̣ на саггод̇и, д̇аабанз бзжжа бажжад̇и.

Viññāpetuṃ na sakkoti, tāpane pecca paccati.

128.

‘‘ораб̣бхигаа суугаригаа, мажчигаа миг̇аб̣анд̇хагаа;

‘‘Orabbhikā sūkarikā, macchikā migabandhakā;

жораа г̇огхаад̇агаа луд̣̇д̣̇аа, аван̣н̣з ван̣н̣агаарагаа.

Corā goghātakā luddā, avaṇṇe vaṇṇakārakā.

129.

‘‘сад̇д̇ийхи лохагуудзхи, нзд̇д̇им̣сзхи усуухи жа;

‘‘Sattīhi lohakūṭehi, nettiṃsehi usūhi ca;

хан̃н̃амаанаа кааранад̣̇им̣, бабад̇анд̇и авам̣сираа.

Haññamānā khāranadiṃ, papatanti avaṃsirā.

130.

‘‘сааяам̣ баад̇о гуудагаарий, аяогуудзхи хан̃н̃ад̇и;

‘‘Sāyaṃ pāto kūṭakārī, ayokūṭehi haññati;

д̇ад̇о ванд̇ам̣ д̣̇урад̇д̇аанам̣, барзсам̣ бхун̃ж̇арз сад̣̇аа.

Tato vantaṃ durattānaṃ, paresaṃ bhuñjare sadā.

131.

‘‘д̇хан̇гаа бхзран̣д̣агаа г̇иж̇жхаа, гааголаа жа аяомукаа;

‘‘Dhaṅkā bheraṇḍakā gijjhā, kākolā ca ayomukhā;

вибпанд̣̇амаанам̣ каад̣̇анд̇и, нарам̣ гиб̣б̣исагаарагам̣.

Vipphandamānaṃ khādanti, naraṃ kibbisakārakaṃ.

132.

‘‘яз миг̇зна миг̇ам̣ ханд̇и, багким̣ ваа бана багкинаа;

‘‘Ye migena migaṃ hanti, pakkhiṃ vā pana pakkhinā;

асанд̇о раж̇асаа чаннаа, г̇анд̇аа д̇з нираяуссад̣̇а’’нд̇и.

Asanto rajasā channā, gantā te nirayussada’’nti.

д̇ад̇т̇а д̇хаммо бат̇од̇и д̣̇асагусалагаммабат̇ад̇хаммо кзмо аббадибхаяо суг̇ад̇имаг̇г̇о. висамаж̇ийвинод̇и ад̇хаммзна габбид̇аж̇ийвигаа. нираяз д̇зд̇и д̇з зд̇зсам̣ ниб̣б̣ад̇д̇анираяз гат̇зми. сун̣охи мзд̇и махаасад̇д̇о ран̃н̃аа бид̇угхаад̇агаанам̣ ниб̣б̣ад̇д̇анираяам̣ бужчид̇оби бат̇амам̣ д̇ам̣ ад̣̇ассзд̇ваа адта махаанираяз сол̣аса жа уссад̣̇анираяз д̣̇ассзд̇ум̣ звамааха. гим̣гааран̣аа? батаман̃хи д̇асмим̣ д̣̇ассияамаанз рааж̇аа палид̇зна хад̣̇аязна д̇ад̇т̇зва марзяяа, имзсу бана нираязсу бажжамаанасад̇д̇з д̣̇исваа д̣̇идтаануг̇ад̇иго худ̇ваа ‘‘ахам̣ вияа ан̃н̃зби б̣ахуу баабагаммино ад̇т̇и, ахам̣ зд̇зсам̣ анд̇арз бажжиссаамий’’д̇и сан̃ж̇аад̇убад̇т̇амбхо арог̇о бхависсад̇ийд̇и д̇з бана нираяз д̣̇ассзнд̇о махаасад̇д̇о батамам̣ ид̣̇д̇хиб̣алзна бат̇авим̣ д̣̇вид̇хаа гад̇ваа бажчаа д̣̇ассзси.

Tattha dhammo pathoti dasakusalakammapathadhammo khemo appaṭibhayo sugatimaggo. Visamajīvinoti adhammena kappitajīvikā. Niraye teti te etesaṃ nibbattaniraye kathemi. Suṇohi meti mahāsatto raññā pitughātakānaṃ nibbattanirayaṃ pucchitopi pathamaṃ taṃ adassetvā aṭṭha mahāniraye soḷasa ca ussadaniraye dassetuṃ evamāha. Kiṃkāraṇā? Paṭhamañhi tasmiṃ dassiyamāne rājā phalitena hadayena tattheva mareyya, imesu pana nirayesu paccamānasatte disvā diṭṭhānugatiko hutvā ‘‘ahaṃ viya aññepi bahū pāpakammino atthi, ahaṃ etesaṃ antare paccissāmī’’ti sañjātupatthambho arogo bhavissatīti te pana niraye dassento mahāsatto paṭhamaṃ iddhibalena pathaviṃ dvidhā katvā pacchā dassesi.

д̇зсам̣ важанад̇т̇о – нираяабаалзхи баж̇ж̇алид̇аани наанаавуд̇хаани г̇ахзд̇ваа кан̣д̣аакан̣д̣игам̣ чиннаа хийрам̣ хийрам̣ гад̇аа нзраяигасад̇д̇аа бунаббунам̣ сан̃ж̇ийванд̇и зд̇т̇аад̇и сан̃ж̇ийво. нираяабаалаа бунаббунам̣ над̣̇анд̇аа ваг̇г̇анд̇аа баж̇ж̇алид̇аани наанаавуд̇хаани г̇ахзд̇ваа ж̇алид̇ааяа лохабат̇авияам̣ нзраяигз сад̇д̇з абараабарам̣ ануб̣анд̇хид̇ваа бахарид̇ваа ж̇алид̇абат̇авияам̣ бад̇ид̇з ж̇алид̇агаал̣асуд̇д̇ам̣ баад̇зд̇ваа ж̇алид̇апарасум̣ г̇ахзд̇ваа саяам̣ уннад̣̇анд̇аа маханд̇зна аддассарзна вираванд̇з адтам̣сз сол̣асам̣сз гаронд̇аа зд̇т̇а д̇ажчанд̇ийд̇и гаал̣асуд̇д̇о. маханд̇аа ж̇алид̇ааяабаб̣б̣ад̇аа гхаад̇знд̇и зд̇т̇аад̇и сан̇гхаад̇о. д̇ад̇т̇а гира сад̇д̇з наваяож̇анааяа ж̇алид̇ааяа аяабат̇авияаа яаава гадид̇о бавзсзд̇ваа нижжалз гаронд̇и. ат̇а бурад̇т̇имад̇о ж̇алид̇о аяабаб̣б̣ад̇о самудтааяа асани вияа вираванд̇о ааг̇анд̇ваа д̇з сад̇д̇з сан̣хагаран̣ияам̣ д̇илз бисанд̇о вияа г̇анд̇ваа бажчимад̣̇исааяа д̇идтад̇и, бажчимад̣̇исад̇о самудтид̇оби д̇ат̇зва г̇анд̇ваа бурад̇т̇имад̣̇исааяа д̇идтад̇и. д̣̇вз бана згад̇о самааг̇анд̇ваа ужчуяанд̇з ужчукан̣д̣аани вияа бийл̣знд̇и. звам̣ д̇ад̇т̇а б̣ахууни вассасад̇асахассаани д̣̇угкам̣ анубхонд̇и.

Tesaṃ vacanattho – nirayapālehi pajjalitāni nānāvudhāni gahetvā khaṇḍākhaṇḍikaṃ chinnā hīraṃ hīraṃ katā nerayikasattā punappunaṃ sañjīvanti etthāti sañjīvo. Nirayapālā punappunaṃ nadantā vaggantā pajjalitāni nānāvudhāni gahetvā jalitāya lohapathaviyaṃ nerayike satte aparāparaṃ anubandhitvā paharitvā jalitapathaviyaṃ patite jalitakāḷasuttaṃ pātetvā jalitapharasuṃ gahetvā sayaṃ unnadantā mahantena aṭṭassarena viravante aṭṭhaṃse soḷasaṃse karontā ettha tacchantīti kāḷasutto. Mahantā jalitaayapabbatā ghātenti etthāti saṅghāto. Tattha kira satte navayojanāya jalitāya ayapathaviyā yāva kaṭito pavesetvā niccale karonti. Atha puratthimato jalito ayapabbato samuṭṭhāya asani viya viravanto āgantvā te satte saṇhakaraṇiyaṃ tile pisanto viya gantvā pacchimadisāya tiṭṭhati, pacchimadisato samuṭṭhitopi tatheva gantvā puratthimadisāya tiṭṭhati. Dve pana ekato samāgantvā ucchuyante ucchukhaṇḍāni viya pīḷenti. Evaṃ tattha bahūni vassasatasahassāni dukkhaṃ anubhonti.

д̣̇вз жа роруваад̇и ж̇аалароруво, д̇хуумароруво жаад̇и д̣̇вз. д̇ад̇т̇а ж̇аалароруво габбзна сан̣тид̇аахи рад̇д̇алохаж̇аалаахи бун̣н̣о, д̇хуумароруво каарад̇хуумзна бун̣н̣о. д̇зсу ж̇ааларорувз бажжанд̇аанам̣ навахи ван̣н̣амукзхи ж̇аалаа бависид̇ваа сарийрам̣ д̣̇аханд̇и, д̇хуумарорувз бажжанд̇аанам̣ навахи ван̣амукзхи каарад̇хуумо бависид̇ваа бидтам̣ вияа сарийрам̣ сзд̣̇зд̇и. убхаяад̇т̇аби бажжанд̇аа сад̇д̇аа махаавиравам̣ вираванд̇ийд̇и д̣̇взби ‘‘роруваа’’д̇и вуд̇д̇аа. ж̇аалаанам̣ ваа бажжанасад̇д̇аанам̣ ваа д̇зсам̣ д̣̇угкасса ваа вийжи анд̇арам̣ над̇т̇и зд̇т̇аад̇и авийжи, маханд̇о авийжи махаавийжи. д̇ад̇т̇а хи бурад̇т̇имаад̣̇ийхи бхид̇д̇ийхи ж̇аалаа удтахид̇ваа бажчимаад̣̇ийсу бадихан̃н̃ад̇и, д̇аа жа бхид̇д̇ияо винивиж̇жхид̇ваа бурад̇о яож̇анасад̇ам̣ г̇ан̣хаад̇и. хздтаа удтид̇аа ж̇аалаа убари бадихан̃н̃ад̇и, убари удтид̇аа хздтаа бадихан̃н̃ад̇и. звам̣ д̇аавзд̇т̇а ж̇аалаанам̣ вийжи наама над̇т̇и. д̇асса бана анд̇о яож̇анасад̇ам̣ таанам̣ кийраваллибидтасса буурид̇анаал̣и вияа сад̇д̇зхи ниранд̇арам̣ буурид̇ам̣ жад̇уухи ирияаабат̇зхи бажжанд̇аанам̣ сад̇д̇аанам̣ бамаан̣ам̣ над̇т̇и, на жа ан̃н̃аман̃н̃ам̣ б̣яааб̣аад̇хзнд̇и, сагадтаанзязва бажжанд̇и. звамзд̇т̇а сад̇д̇аанам̣ вийжи наама над̇т̇и. яат̇аа бана ж̇ивхаг̇г̇з ча мад̇хуб̣инд̣̇ууни сад̇д̇амасса д̇амб̣алохаб̣инд̣̇уно ануд̣̇аханаб̣алавад̇ааяа аб̣б̣охааригаани хонд̇и, д̇ат̇аа д̇ад̇т̇а ануд̣̇аханаб̣алавад̇ааяа сзсаа ча агусалавибаагубзгкаа аб̣б̣охааригаа хонд̇и, д̣̇угкамзва ниранд̇арам̣ бан̃н̃ааяад̇и. звамзд̇т̇а д̣̇угкасса вийжи наама над̇т̇и. свааяам̣ саха бхид̇д̇ийхи вигкамбхад̇о адтаарасаад̇хигад̇ияож̇анасад̇о, ааваддад̇о бана жад̇убан̣н̣аасаад̇хиганаваяож̇анасад̇о, саха уссад̣̇зхи д̣̇аса яож̇анасахассаани. звамасса маханд̇ад̇аа взд̣̇ид̇аб̣б̣аа.

Dve ca roruvāti jālaroruvo, dhūmaroruvo cāti dve. Tattha jālaroruvo kappena saṇṭhitāhi rattalohajālāhi puṇṇo, dhūmaroruvo khāradhūmena puṇṇo. Tesu jālaroruve paccantānaṃ navahi vaṇṇamukhehi jālā pavisitvā sarīraṃ dahanti, dhūmaroruve paccantānaṃ navahi vaṇamukhehi khāradhūmo pavisitvā piṭṭhaṃ viya sarīraṃ sedeti. Ubhayatthapi paccantā sattā mahāviravaṃ viravantīti dvepi ‘‘roruvā’’ti vuttā. Jālānaṃ vā paccanasattānaṃ vā tesaṃ dukkhassa vā vīci antaraṃ natthi etthāti avīci, mahanto avīci mahāvīci. Tattha hi puratthimādīhi bhittīhi jālā uṭṭhahitvā pacchimādīsu paṭihaññati, tā ca bhittiyo vinivijjhitvā purato yojanasataṃ gaṇhāti. Heṭṭhā uṭṭhitā jālā upari paṭihaññati, upari uṭṭhitā heṭṭhā paṭihaññati. Evaṃ tāvettha jālānaṃ vīci nāma natthi. Tassa pana anto yojanasataṃ ṭhānaṃ khīravallipiṭṭhassa pūritanāḷi viya sattehi nirantaraṃ pūritaṃ catūhi iriyāpathehi paccantānaṃ sattānaṃ pamāṇaṃ natthi, na ca aññamaññaṃ byābādhenti, sakaṭṭhāneyeva paccanti. Evamettha sattānaṃ vīci nāma natthi. Yathā pana jivhagge cha madhubindūni sattamassa tambalohabinduno anudahanabalavatāya abbohārikāni honti, tathā tattha anudahanabalavatāya sesā cha akusalavipākupekkhā abbohārikā honti, dukkhameva nirantaraṃ paññāyati. Evamettha dukkhassa vīci nāma natthi. Svāyaṃ saha bhittīhi vikkhambhato aṭṭhārasādhikatiyojanasato, āvaṭṭato pana catupaṇṇāsādhikanavayojanasato, saha ussadehi dasa yojanasahassāni. Evamassa mahantatā veditabbā.

нижжалз сад̇д̇з д̇абад̇ийд̇и д̇аабано. ад̇ивияа д̇аабзд̇ийд̇и бад̇аабано. д̇ад̇т̇а д̇аабанасмим̣ д̇аава сад̇д̇з д̇аалагканд̇хаббамаан̣з ж̇алид̇ааяасуулз нисийд̣̇аабзнд̇и. д̇ад̇о хздтаа бат̇авий ж̇алад̇и, суулаани ж̇аланд̇и, сад̇д̇аа ж̇аланд̇и. звам̣ со нираяо нижжалз сад̇д̇з д̇абад̇и. ид̇арасмим̣ бана ниб̣б̣ад̇д̇асад̇д̇з ж̇аланд̇зхи аавуд̇хзхи бахарид̇ваа ж̇алид̇ам̣ аяабаб̣б̣ад̇ам̣ ааробзнд̇и. д̇зсам̣ баб̣б̣ад̇амад̇т̇агз тид̇агаалз гаммабажжаяо ваад̇о бахарад̇и. д̇з д̇ад̇т̇а сан̣таад̇ум̣ асаггонд̇аа уд̣̇д̇хам̣баад̣̇аа ад̇хосираа бад̇анд̇и. ат̇а хздтаа аяабат̇авид̇о ж̇алид̇аани аяасуулаани удтаханд̇и. д̇з д̇аани мад̇т̇агзнзва бахарид̇ваа д̇зсу винивид̣̇д̇хасарийраа ж̇аланд̇аа бажжанд̇и. звамзса ад̇ивияа д̇аабзд̇ийд̇и.

Niccale satte tapatīti tāpano. Ativiya tāpetīti patāpano. Tattha tāpanasmiṃ tāva satte tālakkhandhappamāṇe jalitaayasūle nisīdāpenti. Tato heṭṭhā pathavī jalati, sūlāni jalanti, sattā jalanti. Evaṃ so nirayo niccale satte tapati. Itarasmiṃ pana nibbattasatte jalantehi āvudhehi paharitvā jalitaṃ ayapabbataṃ āropenti. Tesaṃ pabbatamatthake ṭhitakāle kammapaccayo vāto paharati. Te tattha saṇṭhātuṃ asakkontā uddhaṃpādā adhosirā patanti. Atha heṭṭhā ayapathavito jalitāni ayasūlāni uṭṭhahanti. Te tāni matthakeneva paharitvā tesu vinividdhasarīrā jalantā paccanti. Evamesa ativiya tāpetīti.

б̣од̇хисад̇д̇о бана зд̇з нираяз д̣̇ассзнд̇о батамам̣ сан̃ж̇ийвам̣ д̣̇ассзд̇ваа д̇ад̇т̇а бажжанд̇з нзраяигасад̇д̇з д̣̇исваа махааж̇анасса махаабхаяз уббаннз д̇ам̣ анд̇арад̇хаабзд̇ваа буна бат̇авим̣ д̣̇вид̇хаа гад̇ваа гаал̣асуд̇д̇ам̣ д̣̇ассзси, д̇ад̇т̇аби бажжамаанз сад̇д̇з д̣̇исваа махааж̇анасса махаабхаяз уббаннз д̇амби анд̇арад̇хаабзсийд̇и звам̣ бадибаадияаа д̣̇ассзси. д̇ад̇о рааж̇аанам̣ ааманд̇зд̇ваа, ‘‘махаарааж̇а, д̇аяаа имзсу адтасу махаанираязсу бажжамаанз сад̇д̇з д̣̇исваа аббамаад̣̇ам̣ гаад̇ум̣ ваддад̇ий’’д̇и вад̇ваа буна д̇зсан̃н̃зва махаанираяаанам̣ гижжам̣ гат̇зд̇ум̣ ‘‘ижжзд̇з’’д̇иаад̣̇имааха. д̇ад̇т̇а агкаад̇аад̇и маяаа жа д̇уяхам̣ гат̇ид̇аа, бораан̣агзхи жа гат̇ид̇ааязва. аагин̣н̣аад̇и барибун̣н̣аа. бажжзгаа сол̣асуссад̣̇аад̇и зд̇зсам̣ нираяаанам̣ згзгасса жад̇уусу д̣̇ваарзсу згзгасмим̣ жад̇д̇ааро жад̇д̇ааро гад̇ваа сол̣аса сол̣аса уссад̣̇анираяаад̇и саб̣б̣зби сад̇ам̣ адтавийсад̇и жа уссад̣̇анираяаа адта жа махаанираяаад̇и чад̇д̇им̣санираяасад̇ам̣. гад̣̇арияад̇аабанаад̇и саб̣б̣зд̇з гад̣̇арияаанам̣ д̇аабанаа. б̣алавад̣̇угкад̇ааяа гхораа. гамманиб̣б̣ад̇д̇аанам̣ ажжийнам̣ ад̇т̇ид̇ааяа ажжиманд̇о. бхаяасса маханд̇ад̇ааяа махаб̣бхаяаа. д̣̇идтамад̇д̇аа ваа суд̇амад̇д̇аа ваа ломаани хам̣санд̇ийд̇и ломахам̣санаруубаа жа. бхийсанад̇ааяа бхзсмаа. бхаяаж̇ананад̇ааяа бадибхаяаа. сукаабхаавзна д̣̇укаа. жад̇угган̣н̣аад̇и саб̣б̣зби жад̇урассаман̃ж̇уусасад̣̇исаа. вибхад̇д̇аад̇и жад̇уд̣̇вааравасзна вибхад̇д̇аа. бхааг̇асо мид̇аад̇и д̣̇вааравийт̇ийнам̣ васзна годтаасз табзд̇ваа мид̇аа. аяасаа бадигуж̇ж̇ид̇аад̇и саб̣б̣зби наваяож̇анигзна аяагабаалзна бадижчаннаа. пудаа д̇идтанд̇ийд̇и саб̣б̣зби зд̇д̇агам̣ таанам̣ анупарид̇ваа д̇идтанд̇и.

Bodhisatto pana ete niraye dassento paṭhamaṃ sañjīvaṃ dassetvā tattha paccante nerayikasatte disvā mahājanassa mahābhaye uppanne taṃ antaradhāpetvā puna pathaviṃ dvidhā katvā kāḷasuttaṃ dassesi, tatthapi paccamāne satte disvā mahājanassa mahābhaye uppanne tampi antaradhāpesīti evaṃ paṭipāṭiyā dassesi. Tato rājānaṃ āmantetvā, ‘‘mahārāja, tayā imesu aṭṭhasu mahānirayesu paccamāne satte disvā appamādaṃ kātuṃ vaṭṭatī’’ti vatvā puna tesaññeva mahānirayānaṃ kiccaṃ kathetuṃ ‘‘iccete’’tiādimāha. Tattha akkhātāti mayā ca tuyhaṃ kathitā, porāṇakehi ca kathitāyeva. Ākiṇṇāti paripuṇṇā. Paccekā soḷasussadāti etesaṃ nirayānaṃ ekekassa catūsu dvāresu ekekasmiṃ cattāro cattāro katvā soḷasa soḷasa ussadanirayāti sabbepi sataṃ aṭṭhavīsati ca ussadanirayā aṭṭha ca mahānirayāti chattiṃsanirayasataṃ. Kadariyatāpanāti sabbete kadariyānaṃ tāpanā. Balavadukkhatāya ghorā. Kammanibbattānaṃ accīnaṃ atthitāya accimanto. Bhayassa mahantatāya mahabbhayā. Diṭṭhamattā vā sutamattā vā lomāni haṃsantīti lomahaṃsanarūpā ca. Bhīsanatāya bhesmā. Bhayajananatāya paṭibhayā. Sukhābhāvena dukhā. Catukkaṇṇāti sabbepi caturassamañjūsasadisā. Vibhattāti catudvāravasena vibhattā. Bhāgaso mitāti dvāravīthīnaṃ vasena koṭṭhāse ṭhapetvā mitā. Ayasā paṭikujjitāti sabbepi navayojanikena ayakapālena paṭicchannā. Phuṭā tiṭṭhantīti sabbepi ettakaṃ ṭhānaṃ anupharitvā tiṭṭhanti.

уд̣̇д̇хам̣баад̣̇аа авам̣сираад̇и звам̣ д̇зсу д̇зсу нираязсу самбаривад̇д̇ид̇ваа бунаббунам̣ бад̇амаанз санд̇хааяааха. ад̇ивад̇д̇аарод̇и парусаваажаахи ад̇иггамид̇ваа вад̇д̇ааро. махаанираязсу гира язбхуяязна д̇хаммигасаман̣аб̣раахман̣зсу гад̇аабараад̇хаава бажжанд̇и, д̇асмаа звамааха. д̇з бхуунахунод̇и д̇з исийнам̣ ад̇ивад̇д̇ааро ад̇д̇ано вуд̣дхияаа хад̇ад̇д̇аа бхуунахуно годтаасагад̇аа мажчаа вияа бажжанд̇и. асан̇кзяязд̇и г̇ан̣зд̇ум̣ асаггун̣зяяз. гиб̣б̣исагааринод̇и д̣̇аарун̣агаммагаарино. нигкаманзсинод̇и нираяаа нигкаманам̣ зсанд̇ааби г̇авзсанд̇ааби нигкаманад̣̇ваарам̣ наад̇хиг̇ажчанд̇и. бурад̇т̇имзнаад̇и яад̣̇аа д̇ам̣ д̣̇ваарам̣ абааруд̇ам̣ ход̇и, ат̇а д̇ад̣̇абхимукаа д̇хааванд̇и, д̇зсам̣ д̇ад̇т̇а чавиаад̣̇ийни жхааяанд̇и. д̣̇ваарасамийбам̣ бад̇д̇аанан̃жа д̇зсам̣ д̇ам̣ бид̇хийяад̇и, бажчимад̣̇ваарам̣ абааруд̇ам̣ вияа кааяад̇и. зса наяо саб̣б̣ад̇т̇а. на саад̇хуруубзд̇и вуд̇д̇аббагаарам̣ саббам̣ вияа саад̇хуруубз исаяо на аасийд̣̇з, на парусаважанзна гааяагаммзна ваа гхаддзнд̇о убаг̇ажчзяяа. гим̣гааран̣аа? сан̃н̃ад̇аанам̣ д̇абассийнам̣ аасаад̣̇ид̇ад̇д̇аа адтасу махаанираязсу махаад̣̇угкасса анубхавид̇аб̣б̣ад̇д̇аа.

Uddhaṃpādā avaṃsirāti evaṃ tesu tesu nirayesu samparivattitvā punappunaṃ patamāne sandhāyāha. Ativattāroti pharusavācāhi atikkamitvā vattāro. Mahānirayesu kira yebhuyyena dhammikasamaṇabrāhmaṇesu katāparādhāva paccanti, tasmā evamāha. Te bhūnahunoti te isīnaṃ ativattāro attano vuḍḍhiyā hatattā bhūnahuno koṭṭhāsakatā macchā viya paccanti. Asaṅkheyyeti gaṇetuṃ asakkuṇeyye. Kibbisakārinoti dāruṇakammakārino. Nikkhamanesinoti nirayā nikkhamanaṃ esantāpi gavesantāpi nikkhamanadvāraṃ nādhigacchanti. Puratthimenāti yadā taṃ dvāraṃ apārutaṃ hoti, atha tadabhimukhā dhāvanti, tesaṃ tattha chaviādīni jhāyanti. Dvārasamīpaṃ pattānañca tesaṃ taṃ pidhīyati, pacchimadvāraṃ apārutaṃ viya khāyati. Esa nayo sabbattha. Na sādhurūpeti vuttappakāraṃ sappaṃ viya sādhurūpe isayo na āsīde, na pharusavacanena kāyakammena vā ghaṭṭento upagaccheyya. Kiṃkāraṇā? Saññatānaṃ tapassīnaṃ āsāditattā aṭṭhasu mahānirayesu mahādukkhassa anubhavitabbattā.

ид̣̇аани яз рааж̇аано д̇ат̇ааруубз аасаад̣̇зд̇ваа д̇ам̣ д̣̇угкам̣ бад̇д̇аа, д̇з д̣̇ассзд̇ум̣ ‘‘ад̇игааяо’’д̇иаад̣̇имааха. д̇ад̇т̇а ад̇игааяод̇и б̣аласамбанно махаагааяо. махиссаасод̇и махаад̇хануг̇г̇ахо. гзгагаад̇хибод̇и гзгагарадтаад̇хибад̇и. сахассаб̣аахууд̇и бан̃жахи д̇хануг̇г̇ахасад̇зхи б̣аахусахассзна ааробзд̇аб̣б̣ам̣ д̇ханум̣ ааробанасамад̇т̇ад̇ааяа сахассаб̣ааху. вибхаван̇г̇ад̇од̇и винаасам̣ бад̇д̇о. вад̇т̇ууни бана сарабхан̇г̇аж̇аад̇агз (ж̇аа. 2.17.50 аад̣̇аяо) вид̇т̇аарид̇аани. убахажжа мананд̇и ад̇д̇ано жид̇д̇ам̣ бад̣̇уусзд̇ваа. маад̇ан̇г̇асминд̇и маад̇ан̇г̇абан̣д̣ид̇з. вад̇т̇у маад̇ан̇г̇аж̇аад̇агз (ж̇аа. 1.15.1 аад̣̇аяо) ван̣н̣ид̇ам̣. ган̣хад̣̇ийбааяанаасаж̇ж̇аад̇и ган̣хад̣̇ийбааяанам̣ аасаж̇ж̇а. яамасаад̇хананд̇и нираяабаалагаран̃н̃о аан̣аабавад̇д̇адтаанам̣. вад̇т̇у гхадабан̣д̣ид̇аж̇аад̇агз (ж̇аа. 1.10.165 аад̣̇аяо) вид̇т̇аарид̇ам̣ . исинаад̇и габилад̇аабасзна. баавзгкийд̇и бавидто. жзжжод̇и жзд̇ияарааж̇аа. хийнад̇д̇од̇и барихийнад̇д̇абхааво анд̇арахид̇аид̣̇д̇хи. бад̇д̇абарияааяанд̇и барияааяам̣ маран̣агаалам̣ бад̇ваа. вад̇т̇у жзд̇ияаж̇аад̇агз (ж̇аа. 1.8.45 аад̣̇аяо) гат̇ид̇ам̣.

Idāni ye rājāno tathārūpe āsādetvā taṃ dukkhaṃ pattā, te dassetuṃ ‘‘atikāyo’’tiādimāha. Tattha atikāyoti balasampanno mahākāyo. Mahissāsoti mahādhanuggaho. Kekakādhipoti kekakaraṭṭhādhipati. Sahassabāhūti pañcahi dhanuggahasatehi bāhusahassena āropetabbaṃ dhanuṃ āropanasamatthatāya sahassabāhu. Vibhavaṅgatoti vināsaṃ patto. Vatthūni pana sarabhaṅgajātake (jā. 2.17.50 ādayo) vitthāritāni. Upahacca mananti attano cittaṃ padūsetvā. Mātaṅgasminti mātaṅgapaṇḍite. Vatthu mātaṅgajātake (jā. 1.15.1 ādayo) vaṇṇitaṃ. Kaṇhadīpāyanāsajjāti kaṇhadīpāyanaṃ āsajja. Yamasādhananti nirayapālakarañño āṇāpavattaṭṭhānaṃ. Vatthu ghaṭapaṇḍitajātake (jā. 1.10.165 ādayo) vitthāritaṃ . Isināti kapilatāpasena. Pāvekkhīti paviṭṭho. Ceccoti cetiyarājā. Hīnattoti parihīnattabhāvo antarahitaiddhi. Pattapariyāyanti pariyāyaṃ maraṇakālaṃ patvā. Vatthu cetiyajātake (jā. 1.8.45 ādayo) kathitaṃ.

д̇асмаа хийд̇и яасмаа жид̇д̇авасиго худ̇ваа исийсу абараж̇жхид̇ваа адтасу махаанираязсу бажжад̇и, д̇асмаа хи. чанд̣̇ааг̇амананд̇и чанд̣̇аад̣̇ижад̇уб̣б̣ид̇хамби аг̇ад̇иг̇аманам̣. бад̣̇удтзнаад̇и гуд̣̇д̇хзна. г̇анд̇аа со нираяам̣ ад̇ход̇и со д̇зна ад̇хог̇аманиязна гаммзна ад̇хонираяамзва г̇ажчад̇и. баал̣ияам̣ бана ‘‘нираяуссад̣̇а’’нд̇и ликид̇ам̣, д̇асса уссад̣̇анираяам̣ г̇ажчад̇ийд̇и ад̇т̇о. вуд̣дхзд̇и ваяовуд̣дхз жа г̇ун̣авуд̣дхз жа. анабажжаад̇и бхаванд̇арзби абажжам̣ ваа д̣̇ааяаад̣̇ам̣ ваа на лабханд̇ийд̇и ад̇т̇о. д̇аалавад̇т̇ууд̇и д̣̇идтад̇хаммзби чиннамуулад̇аало вияа махаавинаасам̣ бад̇ваа нираяз ниб̣б̣ад̇д̇анд̇и. яо жа баб̣б̣аж̇ид̇ам̣ ханд̇ийд̇и яо б̣аалаж̇ано саман̣ам̣ ханад̇и. жирарад̇д̇ааяаад̇и жирам̣ гаалам̣.

Tasmāhīti yasmā cittavasiko hutvā isīsu aparajjhitvā aṭṭhasu mahānirayesu paccati, tasmā hi. Chandāgamananti chandādicatubbidhampi agatigamanaṃ. Paduṭṭhenāti kuddhena. Gantā so nirayaṃ adhoti so tena adhogamaniyena kammena adhonirayameva gacchati. Pāḷiyaṃ pana ‘‘nirayussada’’nti likhitaṃ, tassa ussadanirayaṃ gacchatīti attho. Vuḍḍheti vayovuḍḍhe ca guṇavuḍḍhe ca. Anapaccāti bhavantarepi apaccaṃ vā dāyādaṃ vā na labhantīti attho. Tālavatthūti diṭṭhadhammepi chinnamūlatālo viya mahāvināsaṃ patvā niraye nibbattanti. Yo ca pabbajitaṃ hantīti yo bālajano samaṇaṃ hanati. Cirarattāyāti ciraṃ kālaṃ.

звам̣ махаасад̇д̇о исивихзтагаанам̣ бажжананираяз д̣̇ассзд̇ваа убари ад̇хаммигарааж̇уунам̣ бажжананираяз д̣̇ассзнд̇о ‘‘яо жаа’’д̇иаад̣̇имааха. д̇ад̇т̇а радтавид̣̇д̇хам̣санод̇и чанд̣̇аад̣̇ивасзна г̇анд̇ваа радтасса вид̣̇д̇хам̣сано. ажжисан̇гхабарзд̇од̇и ажжисамуухабаригкид̇д̇о. д̇зж̇обхагкассаад̇и аг̇г̇имзва каад̣̇анд̇асса. г̇ад̇д̇аанийд̇и д̇иг̇аавуд̇з сарийрз саб̣б̣ан̇г̇абажжан̇г̇аани. ломзхи жа накзхи жаад̇и зд̇зхи сад̣̇д̇хим̣ саб̣б̣аани згаж̇аалаани хонд̇и. д̇уд̇д̇аддийд̇од̇и аанзн̃ж̇агааран̣ам̣ гаарияамаано д̇уд̇д̇зхи вид̣̇д̇хо нааг̇о яат̇аа над̣̇ад̇и.

Evaṃ mahāsatto isiviheṭhakānaṃ paccananiraye dassetvā upari adhammikarājūnaṃ paccananiraye dassento ‘‘yo cā’’tiādimāha. Tattha raṭṭhaviddhaṃsanoti chandādivasena gantvā raṭṭhassa viddhaṃsano. Accisaṅghaparetoti accisamūhaparikkhitto. Tejobhakkhassāti aggimeva khādantassa. Gattānīti tigāvute sarīre sabbaṅgapaccaṅgāni. Lomehi ca nakhehi cāti etehi saddhiṃ sabbāni ekajālāni honti. Tuttaṭṭītoti āneñjakāraṇaṃ kāriyamāno tuttehi viddho nāgo yathā nadati.

звам̣ махаасад̇д̇о ад̇хаммигарааж̇уунам̣ бажжананираяз д̣̇ассзд̇ваа ид̣̇аани бид̇угхаад̇агаад̣̇ийнам̣ бажжананираяз д̣̇ассзд̇ум̣ ‘‘яо лобхаа’’д̇иаад̣̇имааха. д̇ад̇т̇а лобхаад̇и яасад̇ханалобхзна. д̣̇осаа ваад̇и д̣̇удтажид̇д̇ад̇ааяа ваа. нид̇д̇ажанд̇и лохагумбхияам̣ б̣ахууни васасахассаани баггам̣ нийхарид̇ваа д̇иг̇аавуд̇амасса сарийрам̣ нид̇д̇ажам̣ гад̇ваа ж̇алид̇ааяа лохабат̇авияам̣ баад̇зд̇ваа д̇ин̣хзхи аяасуулзхи годдзд̇ваа жун̣авижун̣н̣ам̣ гаронд̇и. анд̇хам̣ гарид̇ваад̇и, махаарааж̇а, д̇ам̣ бид̇угхаад̇агам̣ нираяабаалаа ж̇алид̇алохабат̇авияам̣ уд̇д̇аанам̣ баад̇зд̇ваа ж̇алид̇зхи аяасуулзхи агкийни бхинд̣̇ид̇ваа анд̇хам̣ гарид̇ваа мукз ун̣хам̣ муд̇д̇агарийсам̣ багкибид̇ваа балаалабийтам̣ вияа нам̣ баривад̇д̇зд̇ваа габбзна сан̣тид̇з каарз лохауд̣̇агз нимуж̇ж̇аабзнд̇и. д̇ад̇д̇ам̣ баггут̇ид̇амаяог̇ул̣ан̃жаад̇и буна баггут̇ид̇ам̣ г̇уут̇агалалан̃жзва ж̇алид̇ааяог̇ул̣ан̃жа каад̣̇аабзнд̇и. со бана д̇ам̣ аахарияамаанам̣ д̣̇исваа мукам̣ бид̇хзд̇и. ат̇асса д̣̇ийгхз жирад̇аабид̇з ж̇аламаанз паалз аад̣̇ааяа мукам̣ вигкамбхзд̇ваа виварид̇ваа раж̇ж̇уб̣ад̣̇д̇хам̣ аяаб̣алисам̣ кибид̇ваа ж̇ивхам̣ нийхарид̇ваа д̇асмим̣ вивадз мукз д̇ам̣ аяог̇ул̣ам̣ самбависанд̇и багкибанд̇и. рагкасаад̇и нираяабаалаа.

Evaṃ mahāsatto adhammikarājūnaṃ paccananiraye dassetvā idāni pitughātakādīnaṃ paccananiraye dassetuṃ ‘‘yo lobhā’’tiādimāha. Tattha lobhāti yasadhanalobhena. Dosā vāti duṭṭhacittatāya vā. Nittacanti lohakumbhiyaṃ bahūni vasasahassāni pakkaṃ nīharitvā tigāvutamassa sarīraṃ nittacaṃ katvā jalitāya lohapathaviyaṃ pātetvā tiṇhehi ayasūlehi koṭṭetvā cuṇavicuṇṇaṃ karonti. Andhaṃ karitvāti, mahārāja, taṃ pitughātakaṃ nirayapālā jalitalohapathaviyaṃ uttānaṃ pātetvā jalitehi ayasūlehi akkhīni bhinditvā andhaṃ karitvā mukhe uṇhaṃ muttakarīsaṃ pakkhipitvā palālapīṭhaṃ viya naṃ parivattetvā kappena saṇṭhite khāre lohaudake nimujjāpenti. Tattaṃ pakkuthitamayoguḷañcāti puna pakkuthitaṃ gūthakalalañceva jalitaayoguḷañca khādāpenti. So pana taṃ āhariyamānaṃ disvā mukhaṃ pidheti. Athassa dīghe ciratāpite jalamāne phāle ādāya mukhaṃ vikkhambhetvā vivaritvā rajjubaddhaṃ ayabalisaṃ khipitvā jivhaṃ nīharitvā tasmiṃ vivaṭe mukhe taṃ ayoguḷaṃ sampavisanti pakkhipanti. Rakkhasāti nirayapālā.

саамаа жаад̇и, махаарааж̇а, д̇асса бид̇угхаад̇агасса ж̇ивхам̣ б̣алисзна ниггад̣дхид̇ваа аяасан̇гуухи бат̇авияам̣ нийхад̇ам̣ ж̇ивхам̣ саамаа сон̣аа саб̣алаван̣н̣аа сунакаа жа лохад̇ун̣д̣аа г̇иж̇жхаа жа гааголасан̇гхаа жа ан̃н̃з жа наанаббагаараа сагун̣аа самааг̇анд̇ваа аавуд̇хзхи чинд̣̇анд̇аа вияа вибхаж̇ж̇а гаагабад̣̇аагаарзна годтаасз гад̇ваа вибпанд̣̇амаанам̣ салохид̇ам̣ вигхаасам̣ каад̣̇анд̇аа вияа сад̇д̇з бхагкаяанд̇ийд̇и ад̇т̇о. д̇ам̣ д̣̇ад̣дхад̇ааланд̇и д̇ам̣ бид̇угхаад̇агам̣ жхааяамаанад̇аалам̣ вияа ж̇алид̇асарийрам̣. барибхиннаг̇ад̇д̇анд̇и д̇ад̇т̇а д̇ад̇т̇а барибхиннаг̇ад̇д̇ам̣. ниббот̇аяанд̇аад̇и ж̇алид̇зхи аяамуг̇г̇арзхи бахаранд̇аа. рад̇ий хи д̇зсанд̇и д̇зсам̣ нираяабаалаанам̣ саа рад̇и гийл̣аа ход̇и. д̣̇укино банийд̇арзд̇и ид̇арз бана нзраяигасад̇д̇аа д̣̇угкид̇аа хонд̇и. бзд̇д̇игхаад̇инод̇и бид̇угхаад̇агаа. ид̇и имам̣ бид̇угхаад̇агаанам̣ бажжананираяам̣ д̣̇исваа рааж̇аа бхийд̇ад̇асид̇о ахоси.

Sāmā cāti, mahārāja, tassa pitughātakassa jivhaṃ balisena nikkaḍḍhitvā ayasaṅkūhi pathaviyaṃ nīhataṃ jivhaṃ sāmā soṇā sabalavaṇṇā sunakhā ca lohatuṇḍā gijjhā ca kākolasaṅghā ca aññe ca nānappakārā sakuṇā samāgantvā āvudhehi chindantā viya vibhajja kākapadākārena koṭṭhāse katvā vipphandamānaṃ salohitaṃ vighāsaṃ khādantā viya satte bhakkhayantīti attho. Taṃ daḍḍhatālanti taṃ pitughātakaṃ jhāyamānatālaṃ viya jalitasarīraṃ. Paribhinnagattanti tattha tattha paribhinnagattaṃ. Nippothayantāti jalitehi ayamuggarehi paharantā. Ratī hi tesanti tesaṃ nirayapālānaṃ sā rati kīḷā hoti. Dukhino panītareti itare pana nerayikasattā dukkhitā honti. Pettighātinoti pitughātakā. Iti imaṃ pitughātakānaṃ paccananirayaṃ disvā rājā bhītatasito ahosi.

ат̇а нам̣ махаасад̇д̇о самассаасзд̇ваа маад̇угхаад̇агаанам̣ бажжананираяам̣ д̣̇ассзси. яамагкаяанд̇и яаманивзсанам̣, нираяанд̇и ад̇т̇о. ад̇д̇агаммапалуубаг̇од̇и ад̇д̇ано гаммапалзна убаг̇ад̇о. амануссаад̇и нираяабаалаа. ханд̇аарам̣ ж̇анаяанд̇ияаад̇и маад̇угхаад̇агам̣. ваалзхийд̇и аяамагаживаалзхи взтзд̇ваа аяаяанд̇зна бийл̣аяанд̇и. д̇анд̇и д̇ам̣ маад̇угхаад̇агам̣. бааязнд̇ийд̇и д̇асса бийл̣ияамаанасса рухирам̣ г̇ал̣ид̇ваа аяагабаллам̣ буурзд̇и. ат̇а нам̣ яанд̇ад̇о нийхаранд̇и, д̇аавад̣̇звасса сарийрам̣ баагад̇игам̣ ход̇и. д̇ам̣ бат̇авияам̣ уд̇д̇аанам̣ нибаж̇ж̇аабзд̇ваа вилийнам̣ д̇амб̣алохам̣ вияа баггут̇ид̇ам̣ лохид̇ам̣ бааязнд̇и. ог̇аяха д̇идтад̇ийд̇и д̇ам̣ б̣ахууни вассасахассаани аяаяанд̇зхи бийл̣зд̇ваа ж̇зг̇ужчз д̣̇уг̇г̇анд̇хз бадигуулз маханд̇з г̇уут̇агалалаааваадз кибанд̇и, со д̇ам̣ рахад̣̇ам̣ ог̇аяха ог̇аахид̇ваа д̇идтад̇и. ад̇игааяаад̇и згад̣̇он̣иганааваббамаан̣асарийраа. аяомукаад̇и аяасуужимукаа. чавим̣ бхзд̇ваанаад̇и чавимаад̣̇им̣ гад̇ваа яаава адтимби бхзд̇ваа адтимин̃ж̇амби каад̣̇анд̇и. сам̣г̇ид̣̇д̇хаад̇и г̇ад̇хид̇аа мужчид̇аа. на гзвалан̃жа каад̣̇анд̇зва, ад̇хомаг̇г̇аад̣̇ийхи бана бависид̇ваа мукаад̣̇ийхи нигкаманд̇и, ваамабассаад̣̇ийхи бависид̇ваа д̣̇агкин̣абассаад̣̇ийхи нигкаманд̇и, сагаламби сарийрам̣ чид̣̇д̣̇аавачид̣̇д̣̇ам̣ гаронд̇и, со д̇ад̇т̇а ад̇ид̣̇угкабарзд̇о вираванд̇о бажжад̇и. со жаад̇и со маад̇угхаад̇аго жа д̇ам̣ сад̇аборисам̣ нираяам̣ бад̇д̇о сасийсаго нимуг̇г̇ова ход̇и, д̇ан̃жа гун̣абам̣ саманд̇аа яож̇анасад̇ам̣ бууд̇игам̣ худ̇ваа вааяад̇и. маад̇угход̇и маад̇угхаад̇аго.

Atha naṃ mahāsatto samassāsetvā mātughātakānaṃ paccananirayaṃ dassesi. Yamakkhayanti yamanivesanaṃ, nirayanti attho. Attakammaphalūpagoti attano kammaphalena upagato. Amanussāti nirayapālā. Hantāraṃ janayantiyāti mātughātakaṃ. Vālehīti ayamakacivālehi veṭhetvā ayayantena pīḷayanti. Tanti taṃ mātughātakaṃ. Pāyentīti tassa pīḷiyamānassa ruhiraṃ gaḷitvā ayakapallaṃ pūreti. Atha naṃ yantato nīharanti, tāvadevassa sarīraṃ pākatikaṃ hoti. Taṃ pathaviyaṃ uttānaṃ nipajjāpetvā vilīnaṃ tambalohaṃ viya pakkuthitaṃ lohitaṃ pāyenti. Ogayha tiṭṭhatīti taṃ bahūni vassasahassāni ayayantehi pīḷetvā jegucche duggandhe paṭikūle mahante gūthakalalaāvāṭe khipanti, so taṃ rahadaṃ ogayha ogāhitvā tiṭṭhati. Atikāyāti ekadoṇikanāvappamāṇasarīrā. Ayomukhāti ayasūcimukhā. Chaviṃ bhetvānāti chavimādiṃ katvā yāva aṭṭhimpi bhetvā aṭṭhimiñjampi khādanti. Saṃgiddhāti gadhitā mucchitā. Na kevalañca khādanteva, adhomaggādīhi pana pavisitvā mukhādīhi nikkhamanti, vāmapassādīhi pavisitvā dakkhiṇapassādīhi nikkhamanti, sakalampi sarīraṃ chiddāvachiddaṃ karonti, so tattha atidukkhapareto viravanto paccati. So cāti so mātughātako ca taṃ sataporisaṃ nirayaṃ patto sasīsako nimuggova hoti, tañca kuṇapaṃ samantā yojanasataṃ pūtikaṃ hutvā vāyati. Mātughoti mātughātako.

звам̣ махаасад̇д̇о маад̇угхаад̇агаанам̣ бажжананираяам̣ д̣̇ассзд̇ваа буна г̇аб̣бхабаад̇агаанам̣ бажжананираяам̣ д̣̇ассзнд̇о г̇аат̇амааха. курад̇хаарамануггаммаад̇и курад̇хааранираяам̣ ад̇иггамид̇ваа. д̇ад̇т̇а гира нираяабаалаа маханд̇амаханд̇з курз убари д̇хаарз гад̇ваа сант̇аранд̇и, д̇ад̇о яаахи г̇аб̣бхабаад̇анакарабхзсаж̇ж̇аани бивид̇ваа г̇аб̣бхаа баад̇ид̇аа, д̇аа г̇аб̣бхабаад̇инияо ид̇т̇ияо ж̇алид̇зхи аавуд̇хзхи бот̇знд̇аа ануб̣анд̇ханд̇и, д̇аа д̇икин̣акурад̇хаараасу кан̣д̣аакан̣д̣игаа худ̇ваа бунаббунам̣ удтааяа д̇ам̣ д̣̇урабхисамбхавам̣ курад̇хааранираяам̣ аггаманд̇ияо ад̇иггамид̇ваа нираяабаалзхи ануб̣ад̣̇д̇хаа д̣̇уг̇г̇ам̣ д̣̇урад̇иггамам̣ висамам̣ взд̇аран̣им̣ над̣̇им̣ бад̇анд̇и. д̇ад̇т̇а гаммагааран̣ам̣ нимиж̇аад̇агз (ж̇аа. 2.22.421 аад̣̇аяо) аави бхависсад̇и.

Evaṃ mahāsatto mātughātakānaṃ paccananirayaṃ dassetvā puna gabbhapātakānaṃ paccananirayaṃ dassento gāthamāha. Khuradhāramanukkammāti khuradhāranirayaṃ atikkamitvā. Tattha kira nirayapālā mahantamahante khure upari dhāre katvā santharanti, tato yāhi gabbhapātanakharabhesajjāni pivitvā gabbhā pātitā, tā gabbhapātiniyo itthiyo jalitehi āvudhehi pothentā anubandhanti, tā tikhiṇakhuradhārāsu khaṇḍākhaṇḍikā hutvā punappunaṃ uṭṭhāya taṃ durabhisambhavaṃ khuradhāranirayaṃ akkamantiyo atikkamitvā nirayapālehi anubaddhā duggaṃ duratikkamaṃ visamaṃ vetaraṇiṃ nadiṃ patanti. Tattha kammakāraṇaṃ nimijātake (jā. 2.22.421 ādayo) āvi bhavissati.

звам̣ г̇аб̣бхабаад̇инийнам̣ нираяам̣ д̣̇ассзд̇ваа махаасад̇д̇о яад̇т̇а барад̣̇ааригаа жа ад̇ижааринияо жа бад̇анд̇аа бажжанд̇и, д̇ам̣ ган̣дагасимб̣алинираяам̣ д̣̇ассзнд̇о ‘‘аяомаяаа’’д̇иаад̣̇имааха. д̇ад̇т̇а убхад̇о абхиламб̣анд̇ийд̇и взд̇аран̣ияаа убхосу д̇ийрзсу д̇аасам̣ симб̣алийнам̣ саакаа оламб̣анд̇и. д̇з ажжиманд̇од̇и д̇з баж̇ж̇алид̇асарийраа сад̇д̇аа ажжиманд̇о худ̇ваа д̇идтанд̇и. яож̇ананд̇и д̇иг̇аавуд̇ам̣ д̇зсам̣ сарийрам̣, д̇ад̇о удтид̇аж̇аалааяа бана сад̣̇д̇хим̣ яож̇анауб̣б̣зд̇хаа хонд̇и. зд̇з важ̇анд̇ийд̇и д̇з барад̣̇ааригаа сад̇д̇аа наанаавид̇хзхи аавуд̇хзхи годдияамаанаа зд̇з симб̣алинираяз абхируханд̇и. д̇з бад̇анд̇ийд̇и д̇з б̣ахууни вассасахассаани ругкавидабзсу лаг̇г̇аа жхааяид̇ваа буна нираяабаалзхи аавуд̇хзхи вихад̇аа вивад̇д̇аа худ̇ваа баривад̇д̇ид̇ваа ад̇хосийсагаа бад̇анд̇и. бут̇ууд̇и б̣ахуу. винивид̣̇д̇хан̇г̇аад̇и д̇зсам̣ д̇ад̇о бад̇анагаалз хздтаа аяабат̇авид̇о суулаани удтахид̇ваа д̇зсам̣ мад̇т̇агам̣ бадижчанд̇и, д̇аани д̇зсам̣ ад̇хомаг̇г̇зна нигкаманд̇и, д̇з звам̣ суулзсу вид̣̇д̇хасарийраа жирарад̇д̇аа саяанд̇и. д̣̇ийгханд̇и субинзби нид̣̇д̣̇ам̣ алабханд̇аа д̣̇ийгхарад̇д̇ам̣ ж̇аг̇г̇анд̇ийд̇и ад̇т̇о. рад̇яаа вивасаанзд̇и рад̇д̇ийнам̣ ажжаязна, жирагаалаад̇иггамзнаад̇и ад̇т̇о . баваж̇ж̇анд̇ийд̇и садтияож̇анигам̣ ж̇алид̇ам̣ лохагумбхим̣ габбзна сан̣тид̇ам̣ ж̇алид̇ад̇амб̣алохарасабун̣н̣ам̣ лохагумбхим̣ нираяабаалзхи кид̇д̇аа бажжанд̇и. д̣̇уссийлаад̇и барад̣̇ааригаа.

Evaṃ gabbhapātinīnaṃ nirayaṃ dassetvā mahāsatto yattha paradārikā ca aticāriniyo ca patantā paccanti, taṃ kaṇṭakasimbalinirayaṃ dassento ‘‘ayomayā’’tiādimāha. Tattha ubhato abhilambantīti vetaraṇiyā ubhosu tīresu tāsaṃ simbalīnaṃ sākhā olambanti. Te accimantoti te pajjalitasarīrā sattā accimanto hutvā tiṭṭhanti. Yojananti tigāvutaṃ tesaṃ sarīraṃ, tato uṭṭhitajālāya pana saddhiṃ yojanaubbedhā honti. Ete vajantīti te paradārikā sattā nānāvidhehi āvudhehi koṭṭiyamānā ete simbaliniraye abhiruhanti. Te patantīti te bahūni vassasahassāni rukkhaviṭapesu laggā jhāyitvā puna nirayapālehi āvudhehi vihatā vivattā hutvā parivattitvā adhosīsakā patanti. Puthūti bahū. Vinividdhaṅgāti tesaṃ tato patanakāle heṭṭhā ayapathavito sūlāni uṭṭhahitvā tesaṃ matthakaṃ paṭicchanti, tāni tesaṃ adhomaggena nikkhamanti, te evaṃ sūlesu viddhasarīrā cirarattā sayanti. Dīghanti supinepi niddaṃ alabhantā dīgharattaṃ jaggantīti attho. Ratyā vivasāneti rattīnaṃ accayena, cirakālātikkamenāti attho . Pavajjantīti saṭṭhiyojanikaṃ jalitaṃ lohakumbhiṃ kappena saṇṭhitaṃ jalitatambaloharasapuṇṇaṃ lohakumbhiṃ nirayapālehi khittā paccanti. Dussīlāti paradārikā.

звам̣ махаасад̇д̇о барад̣̇ааригаад̇ижааригаанам̣ бажжанасимб̣алинираяам̣ д̣̇ассзд̇ваа ид̇о барам̣ саамигавад̇д̇асассусасуравад̇д̇аад̣̇ийни абуурзнд̇ийнам̣ бажжанадтаанам̣ багаасзнд̇о ‘‘яаа жаа’’д̇иаад̣̇имааха. д̇ад̇т̇а ад̇иман̃н̃ад̇ийд̇и бхисаж̇аад̇агз (ж̇аа. 1.14.78 аад̣̇аяо) вуд̇д̇ам̣ саамигавад̇д̇ам̣ агаронд̇ий ад̇иггамид̇ваа ман̃н̃ад̇и. ж̇здтам̣ ваад̇и саамигасса ж̇здтабхаад̇арам̣. нананд̣̇аранд̇и саамигасса бхаг̇иним̣. зд̇зсамби хи ан̃н̃ад̇арасса хад̇т̇абаад̣̇абидтибаригамманхаабанабхож̇анаад̣̇ибхзд̣̇ам̣ вад̇д̇ам̣ абуурзнд̇ий д̇зсу хирод̇д̇аббам̣ анубадтабзнд̇ий д̇з ад̇иман̃н̃ад̇и наама, сааби нираяз ниб̣б̣ад̇д̇и. ван̇гзнаад̇и д̇ассаа саамигавад̇д̇аад̣̇ийнам̣ абарибууригааяа саамигаад̣̇аяо аггосид̇ваа барибхаасид̇ваа нираяз ниб̣б̣ад̇д̇ааяа лохабат̇авияам̣ нибаж̇ж̇аабзд̇ваа аяасан̇гунаа мукам̣ виварид̇ваа б̣алисзна ж̇ивхаг̇г̇ам̣ ниб̣б̣аханд̇и, раж̇ж̇уб̣анд̇ханзна саб̣анд̇ханам̣ гад̣дханд̇и. гиминанд̇и гимибхарид̇ам̣. ид̣̇ам̣ вуд̇д̇ам̣ ход̇и – махаарааж̇а, со нзраяигасад̇д̇о звам̣ ниггад̣дхид̇ам̣ ад̇д̇ано б̣яаамзна б̣яаамамад̇д̇ам̣ ж̇ивхам̣ аавуд̇хзхи годдид̇агоддид̇адтаанз сан̃ж̇аад̇зхи махаад̣̇он̣иббамаан̣зхи гимийхи бхарид̇ам̣ бассад̇и. вин̃н̃аабзд̇ум̣ на саггод̇ийд̇и нираяабаалз яаажид̇угаамоби гин̃жи вад̇д̇ум̣ на саггод̇и. д̇аабанзд̇и звам̣ саа д̇ад̇т̇а б̣ахууни вассасахассаани бажжид̇ваа буна д̇аабанамахаанираяз бажжад̇и.

Evaṃ mahāsatto paradārikaaticārikānaṃ paccanasimbalinirayaṃ dassetvā ito paraṃ sāmikavattasassusasuravattādīni apūrentīnaṃ paccanaṭṭhānaṃ pakāsento ‘‘yā cā’’tiādimāha. Tattha atimaññatīti bhisajātake (jā. 1.14.78 ādayo) vuttaṃ sāmikavattaṃ akarontī atikkamitvā maññati. Jeṭṭhaṃ vāti sāmikassa jeṭṭhabhātaraṃ. Nanandaranti sāmikassa bhaginiṃ. Etesampi hi aññatarassa hatthapādapiṭṭhiparikammanhāpanabhojanādibhedaṃ vattaṃ apūrentī tesu hirottappaṃ anupaṭṭhapentī te atimaññati nāma, sāpi niraye nibbatti. Vaṅkenāti tassā sāmikavattādīnaṃ aparipūrikāya sāmikādayo akkositvā paribhāsitvā niraye nibbattāya lohapathaviyaṃ nipajjāpetvā ayasaṅkunā mukhaṃ vivaritvā balisena jivhaggaṃ nibbahanti, rajjubandhanena sabandhanaṃ kaḍḍhanti. Kiminanti kimibharitaṃ. Idaṃ vuttaṃ hoti – mahārāja, so nerayikasatto evaṃ nikkaḍḍhitaṃ attano byāmena byāmamattaṃ jivhaṃ āvudhehi koṭṭitakoṭṭitaṭṭhāne sañjātehi mahādoṇippamāṇehi kimīhi bharitaṃ passati. Viññāpetuṃ na sakkotīti nirayapāle yācitukāmopi kiñci vattuṃ na sakkoti. Tāpaneti evaṃ sā tattha bahūni vassasahassāni paccitvā puna tāpanamahāniraye paccati.

звам̣ махаасад̇д̇о саамигавад̇д̇асассусасуравад̇д̇аад̣̇ийни абуурзнд̇ийнам̣ бажжананираяам̣ д̣̇ассзд̇ваа ид̣̇аани суугаригаад̣̇ийнам̣ бажжананираяз д̣̇ассзнд̇о ‘‘ораб̣бхигаа’’д̇иаад̣̇имааха . д̇ад̇т̇а аван̣н̣з ван̣н̣агаарагаад̇и бзсун̃н̃агаарагаа. кааранад̣̇инд̇и зд̇з ораб̣бхигаад̣̇аяо зд̇зхи сад̇д̇иаад̣̇ийхи хан̃н̃амаанаа взд̇аран̣им̣ над̣̇им̣ бад̇анд̇ийд̇и ад̇т̇о. сзсаани ораб̣бхигаад̣̇ийнам̣ бажжанадтаанаани нимиж̇аад̇агз аави бхависсанд̇и. гудагаарийд̇и гуудавинижчаяасса жзва д̇улаагуудаад̣̇ийнан̃жа гаарагз санд̇хааязд̇ам̣ вуд̇д̇ам̣. д̇ад̇т̇а гуудавинижчаяагуудаддагаарагагуудааг̇гхаабанигаанам̣ бажжананираяаа нимиж̇аад̇агз аави бхависсанд̇и. ванд̇анд̇и вамид̇агам̣. д̣̇урад̇д̇аананд̇и д̣̇уг̇г̇ад̇ад̇д̇абхааваанам̣. ид̣̇ам̣ вуд̇д̇ам̣ ход̇и – махаарааж̇а, д̇з д̣̇урад̇д̇абхааваа сад̇д̇аа аяагуудзхи мад̇т̇агз бхиж̇ж̇амаанз ваманд̇и, д̇ад̇о д̇ам̣ ванд̇ам̣ ж̇алид̇ааяагабаллзхи д̇зсу згажжаанам̣ мукз кибанд̇и , ид̇и д̇з барзсам̣ ванд̇ам̣ бхун̃ж̇анд̇и наама. бхзран̣д̣агаад̇и син̇г̇аалаа. вибпанд̣̇амаананд̇и ад̇хомукам̣ нибаж̇ж̇аабид̇ам̣ ниггад̣дхид̇аж̇ивхам̣ ид̇о жид̇о жа вибпанд̣̇амаанам̣. миг̇знаад̇и огажаарагамиг̇зна. багкинаад̇и д̇ат̇ааруубзнзва. г̇анд̇аа д̇зд̇и г̇анд̇ааро д̇з. нираяуссад̣̇анд̇и уссад̣̇анираяам̣. баал̣ияам̣ бана ‘‘нираяам̣ ад̇хо’’д̇и ликид̇ам̣. аяам̣ бана нираяо нимиж̇аад̇агз аави бхависсад̇ийд̇и.

Evaṃ mahāsatto sāmikavattasassusasuravattādīni apūrentīnaṃ paccananirayaṃ dassetvā idāni sūkarikādīnaṃ paccananiraye dassento ‘‘orabbhikā’’tiādimāha . Tattha avaṇṇe vaṇṇakārakāti pesuññakārakā. Khāranadinti ete orabbhikādayo etehi sattiādīhi haññamānā vetaraṇiṃ nadiṃ patantīti attho. Sesāni orabbhikādīnaṃ paccanaṭṭhānāni nimijātake āvi bhavissanti. Kuṭakārīti kūṭavinicchayassa ceva tulākūṭādīnañca kārake sandhāyetaṃ vuttaṃ. Tattha kūṭavinicchayakūṭaṭṭakārakakūṭaagghāpanikānaṃ paccananirayā nimijātake āvi bhavissanti. Vantanti vamitakaṃ. Durattānanti duggatattabhāvānaṃ. Idaṃ vuttaṃ hoti – mahārāja, te durattabhāvā sattā ayakūṭehi matthake bhijjamāne vamanti, tato taṃ vantaṃ jalitaayakapallehi tesu ekaccānaṃ mukhe khipanti , iti te paresaṃ vantaṃ bhuñjanti nāma. Bheraṇḍakāti siṅgālā. Vipphandamānanti adhomukhaṃ nipajjāpitaṃ nikkaḍḍhitajivhaṃ ito cito ca vipphandamānaṃ. Migenāti okacārakamigena. Pakkhināti tathārūpeneva. Gantā teti gantāro te. Nirayussadanti ussadanirayaṃ. Pāḷiyaṃ pana ‘‘nirayaṃ adho’’ti likhitaṃ. Ayaṃ pana nirayo nimijātake āvi bhavissatīti.

ид̇и махаасад̇д̇о зд̇д̇агз нираяз д̣̇ассзд̇ваа ид̣̇аани д̣̇звалогавиваран̣ам̣ гад̇ваа ран̃н̃о д̣̇звалогз д̣̇ассзнд̇о ааха –

Iti mahāsatto ettake niraye dassetvā idāni devalokavivaraṇaṃ katvā rañño devaloke dassento āha –

133.

‘‘санд̇о жа уд̣̇д̇хам̣ г̇ажчанд̇и, сужин̣н̣знид̇ха гаммунаа;

‘‘Santo ca uddhaṃ gacchanti, suciṇṇenidha kammunā;

сужин̣н̣асса палам̣ басса, саинд̣̇аа д̣̇зваа саб̣рахмагаа.

Suciṇṇassa phalaṃ passa, saindā devā sabrahmakā.

134.

‘‘д̇ам̣ д̇ам̣ б̣рууми махаарааж̇а, д̇хаммам̣ радтабад̇ий жара;

‘‘Taṃ taṃ brūmi mahārāja, dhammaṃ raṭṭhapatī cara;

д̇ат̇аа рааж̇а жараахи д̇хаммам̣, яат̇аа д̇ам̣ сужин̣н̣ам̣ наануд̇аббзяяа бажчаа’’д̇и.

Tathā rāja carāhi dhammaṃ, yathā taṃ suciṇṇaṃ nānutappeyya pacchā’’ti.

д̇ад̇т̇а санд̇од̇и гааяаад̣̇ийхи убасанд̇аа. уд̣̇д̇ханд̇и д̣̇звалогам̣. саинд̣̇аад̇и д̇ад̇т̇а д̇ад̇т̇а инд̣̇зхи сад̣̇д̇хим̣. махаасад̇д̇о хисса жаад̇умахаарааж̇аад̣̇игз д̣̇звз д̣̇ассзнд̇о, ‘‘махаарааж̇а, жаад̇умахаарааж̇игз д̣̇звз басса, жад̇д̇ааро махаарааж̇аано басса, д̇аавад̇им̣сз басса, саггам̣ бассаа’’д̇и звам̣ саб̣б̣зби саинд̣̇агз саб̣рахмагз жа д̣̇звз д̣̇ассзнд̇о ‘‘ид̣̇амби сужин̣н̣асса палам̣ ид̣̇амби пала’’нд̇и д̣̇ассзси. д̇ам̣ д̇ам̣ б̣руумийд̇и д̇асмаа д̇ам̣ бхан̣аами. д̇хамманд̇и ид̇о бадтааяа баан̣аад̇ибаад̇аад̣̇ийни бан̃жа взраани бахааяа д̣̇аанаад̣̇ийни бун̃н̃аани гарохийд̇и. яат̇аа д̇ам̣ сужин̣н̣ам̣ наануд̇аббзяяаад̇и яат̇аа д̇ам̣ д̣̇аанаад̣̇ибун̃н̃агаммам̣ сужин̣н̣ам̣ бид̇угхаад̇агаммабажжаяам̣ виббадисаарам̣ бадижчаад̣̇зд̇ум̣ самад̇т̇ад̇ааяа д̇ам̣ наануд̇аббзяяа, д̇ат̇аа д̇ам̣ сужин̣н̣ам̣ жара, б̣ахум̣ бун̃н̃ам̣ гарохийд̇и ад̇т̇о.

Tattha santoti kāyādīhi upasantā. Uddhanti devalokaṃ. Saindāti tattha tattha indehi saddhiṃ. Mahāsatto hissa cātumahārājādike deve dassento, ‘‘mahārāja, cātumahārājike deve passa, cattāro mahārājāno passa, tāvatiṃse passa, sakkaṃ passā’’ti evaṃ sabbepi saindake sabrahmake ca deve dassento ‘‘idampi suciṇṇassa phalaṃ idampi phala’’nti dassesi. Taṃ taṃ brūmīti tasmā taṃ bhaṇāmi. Dhammanti ito paṭṭhāya pāṇātipātādīni pañca verāni pahāya dānādīni puññāni karohīti. Yathā taṃ suciṇṇaṃ nānutappeyyāti yathā taṃ dānādipuññakammaṃ suciṇṇaṃ pitughātakammapaccayaṃ vippaṭisāraṃ paṭicchādetuṃ samatthatāya taṃ nānutappeyya, tathā taṃ suciṇṇaṃ cara, bahuṃ puññaṃ karohīti attho.

со махаасад̇д̇асса д̇хаммагат̇ам̣ суд̇ваа д̇ад̇о бадтааяа ассаасам̣ бадилабхи. б̣од̇хисад̇д̇о бана гин̃жи гаалам̣ д̇ад̇т̇а васид̇ваа ад̇д̇ано васанадтаанан̃н̃зва г̇ад̇о.

So mahāsattassa dhammakathaṃ sutvā tato paṭṭhāya assāsaṃ paṭilabhi. Bodhisatto pana kiñci kālaṃ tattha vasitvā attano vasanaṭṭhānaññeva gato.

сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣збзса маяаа ассаасид̇оязваа’’д̇и вад̇ваа ж̇аад̇агам̣ самод̇хаанзси ‘‘д̇ад̣̇аа рааж̇аа аж̇аад̇асад̇д̇у ахоси, исиг̇ан̣о б̣уд̣̇д̇хабарисаа, сам̣гижжабан̣д̣ид̇о бана ахамзва ахоси’’нд̇и.

Satthā imaṃ dhammadesanaṃ āharitvā ‘‘na, bhikkhave, idāneva, pubbepesa mayā assāsitoyevā’’ti vatvā jātakaṃ samodhānesi ‘‘tadā rājā ajātasattu ahosi, isigaṇo buddhaparisā, saṃkiccapaṇḍito pana ahameva ahosi’’nti.

сам̣гижжаж̇аад̇агаван̣н̣анаа д̣̇уд̇ияаа.

Saṃkiccajātakavaṇṇanā dutiyā.

ж̇аад̇агуд̣̇д̣̇аанам̣ –

Jātakuddānaṃ –

ат̇а садтинибаад̇амхи, сун̣аат̇а мама бхаасид̇ам̣;

Atha saṭṭhinipātamhi, suṇātha mama bhāsitaṃ;

ж̇аад̇агасавхаяано баваро, сон̣агааринд̣̇амасавхаяано;

Jātakasavhayano pavaro, soṇakaarindamasavhayano;

д̇ат̇аа вуд̇д̇арат̇зсабхагижжаварод̇и.

Tathā vuttarathesabhakiccavaroti.

садтинибаад̇аван̣н̣анаа нидтид̇аа.

Saṭṭhinipātavaṇṇanā niṭṭhitā.

Next: 20. сад̇д̇ад̇инибаад̇о • 20. Sattatinipāto

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 530. сам̣гижжаж̇аад̇агам̣ • 530. Saṃkiccajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact