| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
11. згаад̣̇асанибаад̇о
11. Ekādasanipāto
1. сам̣гижжад̇т̇зраг̇аат̇ааван̣н̣анаа
1. Saṃkiccattheragāthāvaṇṇanā
згаад̣̇асанибаад̇з гим̣ д̇авад̇т̇о ванз д̇аад̇аад̇иаад̣̇игаа ааяасмад̇о сам̣гижжад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣амахаасаалагулз бадисанд̇хим̣ г̇ан̣хи. д̇асмим̣ гужчиг̇ад̇зязва маад̇аа б̣яаад̇хид̇аа худ̇ваа гааламагааси. д̇ассаа сусаанам̣ нзд̇ваа жхаабияамаанааяа г̇аб̣бхаасаяо на жхааяи. мануссаа суулзхи гужчим̣ виж̇жханд̇аа д̣̇аарагасса агкигодим̣ бахарим̣су. д̇з д̇ам̣ виж̇жхид̇ваа ан̇г̇аарзхи бадижчаад̣̇зд̇ваа баггамим̣су. гужчибад̣̇зсоби жхааяи, ан̇г̇аарамад̇т̇агз бана суван̣н̣аб̣имб̣асад̣̇исо д̣̇аараго бад̣̇умаг̇аб̣бхз нибанно вияа ахоси. бажчимабхавигасад̇д̇асса хи синзрунаа од̇т̇арияамаанассаби арахад̇д̇ам̣ аббад̇ваа ж̇ийвид̇агкаяо наама над̇т̇и.
Ekādasanipāte kiṃ tavattho vane tātātiādikā āyasmato saṃkiccattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinitvā imasmiṃ buddhuppāde sāvatthiyaṃ brāhmaṇamahāsālakule paṭisandhiṃ gaṇhi. Tasmiṃ kucchigateyeva mātā byādhitā hutvā kālamakāsi. Tassā susānaṃ netvā jhāpiyamānāya gabbhāsayo na jhāyi. Manussā sūlehi kucchiṃ vijjhantā dārakassa akkhikoṭiṃ pahariṃsu. Te taṃ vijjhitvā aṅgārehi paṭicchādetvā pakkamiṃsu. Kucchipadesopi jhāyi, aṅgāramatthake pana suvaṇṇabimbasadiso dārako padumagabbhe nipanno viya ahosi. Pacchimabhavikasattassa hi sinerunā otthariyamānassapi arahattaṃ appatvā jīvitakkhayo nāma natthi.
бунад̣̇ивасз аал̣ааханадтаанам̣ г̇ад̇аа мануссаа д̇ат̇аанибаннам̣ д̣̇аарагам̣ д̣̇исваа ажчарияаб̣бхуд̇ажид̇д̇аж̇аад̇аа д̣̇аарагам̣ аад̣̇ааяа г̇аамам̣ бависид̇ваа нзмид̇д̇агз бужчим̣су. нзмид̇д̇агаа ‘‘сажз аяам̣ д̣̇аараго аг̇аарам̣ аж̇жхаавасиссад̇и, яаава сад̇д̇амаа гулабариваддаа д̣̇уг̇г̇ад̇аа бхависсанд̇и. сажз баб̣б̣аж̇иссад̇и, бан̃жахи саман̣асад̇зхи баривуд̇о вижариссад̇ий’’д̇и аахам̣су. н̃аад̇агаа ‘‘ход̇у, вад̣дхид̇агаалз амхаагам̣ аяяасса саарибуд̇д̇ад̇т̇зрасса санд̇игз д̇ам̣ баб̣б̣ааж̇зссаамаа’’д̇и вад̇ваа сан̇гунаа чиннагкигодид̇ааяа сам̣гижжод̇и вад̣̇анд̇аа абарабхааг̇з сам̣гижжод̇и вохарим̣су. со сад̇д̇авассигагаалз ад̇д̇ано г̇аб̣бхаг̇ад̇ассзва маад̇у маран̣ам̣, г̇аб̣бхз жа ад̇д̇ано бавад̇д̇им̣ суд̇ваа сам̣взг̇аж̇аад̇о ‘‘баб̣б̣аж̇иссаамий’’д̇и ааха. н̃аад̇агаа ‘‘саад̇ху, д̇аад̇аа’’д̇и д̇хаммасзнаабад̇исса санд̇игам̣ нзд̇ваа, ‘‘бханд̇з, имам̣ баб̣б̣ааж̇зт̇аа’’д̇и ад̣̇ам̣су. т̇зро д̇ам̣ д̇ажабан̃жагагаммадтаанам̣ д̣̇ад̇ваа баб̣б̣ааж̇зси. со кураг̇г̇зязва саха бадисамбхид̣̇аахи арахад̇д̇ам̣ бад̇ваа д̇им̣самад̇д̇зхи бхигкуухи сад̣̇д̇хим̣ аран̃н̃з вихаранд̇о жз жорахад̇т̇ад̇о можзд̇ваа саяамби д̇з жорз д̣̇амзд̇ваа баб̣б̣ааж̇зд̇ваа ан̃н̃ад̇арасмим̣ вихаарз б̣ахуухи бхигкуухи сад̣̇д̇хим̣ вихаранд̇о д̇з виваад̣̇абасуд̇з д̣̇исваа ‘‘ан̃н̃ад̇т̇а г̇ажчаамий’’д̇и бхигкуу аабужчи. аяамзд̇т̇а сан̇кзбо, вид̇т̇ааро бана д̇хаммабад̣̇авад̇т̇умхи (д̇ха. ба. адта. 1.сан̇гижжасааман̣зравад̇т̇у) ааг̇ад̇анаязнзва взд̣̇ид̇аб̣б̣о. ат̇а нам̣ ан̃н̃ад̇аро убаасаго убадтаад̇угаамо аасаннадтаанз ваасам̣ яаажанд̇о –
Punadivase āḷāhanaṭṭhānaṃ gatā manussā tathānipannaṃ dārakaṃ disvā acchariyabbhutacittajātā dārakaṃ ādāya gāmaṃ pavisitvā nemittake pucchiṃsu. Nemittakā ‘‘sace ayaṃ dārako agāraṃ ajjhāvasissati, yāva sattamā kulaparivaṭṭā duggatā bhavissanti. Sace pabbajissati, pañcahi samaṇasatehi parivuto vicarissatī’’ti āhaṃsu. Ñātakā ‘‘hotu, vaḍḍhitakāle amhākaṃ ayyassa sāriputtattherassa santike taṃ pabbājessāmā’’ti vatvā saṅkunā chinnakkhikoṭitāya saṃkiccoti vadantā aparabhāge saṃkiccoti vohariṃsu. So sattavassikakāle attano gabbhagatasseva mātu maraṇaṃ, gabbhe ca attano pavattiṃ sutvā saṃvegajāto ‘‘pabbajissāmī’’ti āha. Ñātakā ‘‘sādhu, tātā’’ti dhammasenāpatissa santikaṃ netvā, ‘‘bhante, imaṃ pabbājethā’’ti adaṃsu. Thero taṃ tacapañcakakammaṭṭhānaṃ datvā pabbājesi. So khuraggeyeva saha paṭisambhidāhi arahattaṃ patvā tiṃsamattehi bhikkhūhi saddhiṃ araññe viharanto ce corahatthato mocetvā sayampi te core dametvā pabbājetvā aññatarasmiṃ vihāre bahūhi bhikkhūhi saddhiṃ viharanto te vivādapasute disvā ‘‘aññattha gacchāmī’’ti bhikkhū āpucchi. Ayamettha saṅkhepo, vitthāro pana dhammapadavatthumhi (dha. pa. aṭṭha. 1.saṅkiccasāmaṇeravatthu) āgatanayeneva veditabbo. Atha naṃ aññataro upāsako upaṭṭhātukāmo āsannaṭṭhāne vāsaṃ yācanto –
597.
597.
‘‘гим̣ д̇авад̇т̇о ванз д̇аад̇а, уж̇ж̇ухаанова баавусз;
‘‘Kiṃ tavattho vane tāta, ujjuhānova pāvuse;
взрамбхаа раман̣ийяаа д̇з, бавивзго хи жхааяина’’нд̇и. –
Verambhā ramaṇīyā te, paviveko hi jhāyina’’nti. –
батамам̣ г̇аат̇амааха. д̇ам̣ суд̇ваа т̇зро –
Paṭhamaṃ gāthamāha. Taṃ sutvā thero –
598.
598.
‘‘яат̇аа аб̣бхаани взрамбхо, ваад̇о нуд̣̇ад̇и баавусз;
‘‘Yathā abbhāni verambho, vāto nudati pāvuse;
сан̃н̃аа мз абхигиранд̇и, вивзгабадисан̃н̃уд̇аа.
Saññā me abhikiranti, vivekapaṭisaññutā.
599.
599.
‘‘абан̣д̣аро ан̣д̣асамбхаво, сийват̇игааяа нигзд̇ажаариго;
‘‘Apaṇḍaro aṇḍasambhavo, sīvathikāya niketacāriko;
уббаад̣̇аяад̇зва мз сад̇им̣, санд̣̇зхасмим̣ вирааг̇аниссид̇ам̣.
Uppādayateva me satiṃ, sandehasmiṃ virāganissitaṃ.
600.
600.
‘‘яан̃жа ан̃н̃з на рагканд̇и, яо жа ан̃н̃з на рагкад̇и;
‘‘Yañca aññe na rakkhanti, yo ca aññe na rakkhati;
са вз бхигку сукам̣ сзд̇и, гаамзсу анабзгкаваа.
Sa ve bhikkhu sukhaṃ seti, kāmesu anapekkhavā.
601.
601.
‘‘ажчод̣̇игаа бут̇усилаа, г̇онан̇г̇аламиг̇ааяуд̇аа;
‘‘Acchodikā puthusilā, gonaṅgalamigāyutā;
амб̣усзвааласан̃чаннаа, д̇з сзлаа рамаяанд̇и мам̣.
Ambusevālasañchannā, te selā ramayanti maṃ.
602.
602.
‘‘васид̇ам̣ мз аран̃н̃зсу, ганд̣̇араасу г̇ухаасу жа;
‘‘Vasitaṃ me araññesu, kandarāsu guhāsu ca;
сзнаасанзсу банд̇зсу, ваал̣амиг̇анисзвид̇з.
Senāsanesu pantesu, vāḷamiganisevite.
603.
603.
‘‘‘имз хан̃н̃анд̇у важ̇жханд̇у, д̣̇угкам̣ баббонд̇у баан̣ино’;
‘‘‘Ime haññantu vajjhantu, dukkhaṃ pappontu pāṇino’;
сан̇габбам̣ наабхиж̇аанаами, анарияам̣ д̣̇осасам̣хид̇ам̣.
Saṅkappaṃ nābhijānāmi, anariyaṃ dosasaṃhitaṃ.
604.
604.
‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;
‘‘Pariciṇṇo mayā satthā, kataṃ buddhassa sāsanaṃ;
охид̇о г̇аруго бхааро, бхаванзд̇д̇и самуухад̇аа.
Ohito garuko bhāro, bhavanetti samūhatā.
605.
605.
‘‘яасса жад̇т̇ааяа баб̣б̣аж̇ид̇о, аг̇аарасмаанаг̇аарияам̣;
‘‘Yassa catthāya pabbajito, agārasmānagāriyaṃ;
со мз ад̇т̇о ануббад̇д̇о, саб̣б̣асам̣яож̇анагкаяо.
So me attho anuppatto, sabbasaṃyojanakkhayo.
606.
606.
‘‘наабхинанд̣̇аами маран̣ам̣, наабхинанд̣̇аами ж̇ийвид̇ам̣;
‘‘Nābhinandāmi maraṇaṃ, nābhinandāmi jīvitaṃ;
гаалан̃жа бадиган̇каами, ниб̣б̣исам̣ бхад̇аго яат̇аа.
Kālañca paṭikaṅkhāmi, nibbisaṃ bhatako yathā.
607.
607.
‘‘наабхинанд̣̇аами маран̣ам̣, наабхинанд̣̇аами ж̇ийвид̇ам̣.
‘‘Nābhinandāmi maraṇaṃ, nābhinandāmi jīvitaṃ.
гаалан̃жа бадиган̇каами, самбаж̇аано бад̇иссад̇о’’д̇и. – имаа г̇аат̇аа абхааси;
Kālañca paṭikaṅkhāmi, sampajāno patissato’’ti. – imā gāthā abhāsi;
д̇ад̇т̇а гим̣ д̇авад̇т̇о ванзд̇и гинд̇и лин̇г̇авибаллаасзна вуд̇д̇ам̣. ванз го д̇авад̇т̇о, гим̣ баяож̇ананд̇и ад̇т̇о. д̇аад̇аад̇и д̣̇ахарасааман̣зрад̇ааяа нам̣ ад̇д̇ано буд̇д̇адтаанз табзд̇ваа аалабад̇и. уж̇ж̇ухаанова баавусзд̇и уж̇ж̇ухаано гира наама зго баб̣б̣ад̇о, со бана г̇аханасан̃чанно б̣ахусон̣д̣иганд̣̇аро, д̇ахам̣ д̇ахам̣ санд̣̇амаанасалило , вассагаалз асаббааяо, д̇асмаа уж̇ж̇ухаано ваа баб̣б̣ад̇о зд̇арахи баавусагаалз д̇ава гимад̇т̇ияод̇и ад̇т̇о. гзжи банзд̇т̇а ‘‘уж̇ж̇ухаано наама зго сагун̣о сийд̇ам̣ на сахад̇и, вассагаалз ванаг̇умб̣з нилийно ажчад̇ий’’д̇и вад̣̇анд̇и. д̇зсам̣ мад̇зна уж̇ж̇ухаанасса вияа сагун̣асса баавусагаалз го д̇ава ад̇т̇о ванзд̇и? взрамбхаа раман̣ийяаа д̇зд̇и взрамбхаваад̇аа вааяанд̇аа гим̣ д̇з раман̣ийяаад̇и яож̇анаа. гзжи ‘‘взрамбхаа наама згаа баб̣б̣ад̇аг̇ухаа, баб̣бхааро’’д̇и жа вад̣̇анд̇и. д̇ан̃жа таанам̣ г̇аманааг̇аманаяуд̇д̇ам̣ ж̇анасамб̣аад̇харахид̇ам̣ чааяууд̣̇агасамбаннан̃жа, д̇асмаа взрамбхаа раман̣ийяаа, ванз васид̇ум̣ яуд̇д̇аруубаа. гасмаа? бавивзго хи жхааяинам̣ яасмаа д̇аад̣̇исаанам̣ жхааяийнам̣ яад̇т̇а гад̇т̇ажи бавивзгоязва ижчид̇аб̣б̣о, д̇асмаа ‘‘д̣̇уурам̣ аран̃н̃адтаанам̣ аг̇анд̇ваа взрамбхааяам̣ васа, д̇аад̇аа’’д̇и вад̣̇ад̇и. аяан̃хзд̇т̇а ад̇хиббааяо – яасмаа жхааяийнам̣ бавивзгагкамз ниваасапаасугз сзнаасанз лад̣̇д̇хзязва жхаанаад̣̇аяо самбаж̇ж̇анд̇и, на алад̣̇д̇хз, д̇асмаа на зваруубз сийд̇агаалз яад̇т̇а гад̇т̇ажи ванз васид̇ум̣ саггаа, г̇ухаабаб̣бхаараад̣̇ийсу бана саггаад̇и.
Tattha kiṃ tavattho vaneti kinti liṅgavipallāsena vuttaṃ. Vane ko tavattho, kiṃ payojananti attho. Tātāti daharasāmaṇeratāya naṃ attano puttaṭṭhāne ṭhapetvā ālapati. Ujjuhānova pāvuseti ujjuhāno kira nāma eko pabbato, so pana gahanasañchanno bahusoṇḍikandaro, tahaṃ tahaṃ sandamānasalilo , vassakāle asappāyo, tasmā ujjuhāno vā pabbato etarahi pāvusakāle tava kimatthiyoti attho. Keci panettha ‘‘ujjuhāno nāma eko sakuṇo sītaṃ na sahati, vassakāle vanagumbe nilīno acchatī’’ti vadanti. Tesaṃ matena ujjuhānassa viya sakuṇassa pāvusakāle ko tava attho vaneti? Verambhā ramaṇīyā teti verambhavātā vāyantā kiṃ te ramaṇīyāti yojanā. Keci ‘‘verambhā nāma ekā pabbataguhā, pabbhāro’’ti ca vadanti. Tañca ṭhānaṃ gamanāgamanayuttaṃ janasambādharahitaṃ chāyūdakasampannañca, tasmā verambhā ramaṇīyā, vane vasituṃ yuttarūpā. Kasmā? Paviveko hi jhāyinaṃ yasmā tādisānaṃ jhāyīnaṃ yattha katthaci pavivekoyeva icchitabbo, tasmā ‘‘dūraṃ araññaṭṭhānaṃ agantvā verambhāyaṃ vasa, tātā’’ti vadati. Ayañhettha adhippāyo – yasmā jhāyīnaṃ pavivekakkhame nivāsaphāsuke senāsane laddheyeva jhānādayo sampajjanti, na aladdhe, tasmā na evarūpe sītakāle yattha katthaci vane vasituṃ sakkā, guhāpabbhārādīsu pana sakkāti.
звам̣ убаасагзна вуд̇д̇з т̇зро ванаад̣̇аяо зва мам̣ рамзнд̇ийд̇и д̣̇ассзнд̇о ‘‘яат̇аа аб̣бхааний’’д̇иаад̣̇имааха. д̇ассад̇т̇о – яат̇аа баавусз гаалз аб̣бхаани валаахагаани взрамбхаваад̇о нуд̣̇ад̇и кибад̇и нийхарад̇и, звамзва мз жид̇д̇ам̣ вивзгабадисан̃н̃уд̇аа сан̃н̃аа абхигиранд̇и вивзгадтаанам̣язва аагад̣дханд̇и.
Evaṃ upāsakena vutte thero vanādayo eva maṃ ramentīti dassento ‘‘yathā abbhānī’’tiādimāha. Tassattho – yathā pāvuse kāle abbhāni valāhakāni verambhavāto nudati khipati nīharati, evameva me cittaṃ vivekapaṭisaññutā saññā abhikiranti vivekaṭṭhānaṃyeva ākaḍḍhanti.
гин̃жа ? абан̣д̣аро гаал̣аван̣н̣о, ан̣д̣асамбхаво ан̣д̣аж̇о гааго, сийват̇игааяа сусаанадтаанз, нигзд̇ажаариго д̇амзва ниваасанадтаанам̣ гад̇ваа вижаран̣аго уббаад̣̇аяад̇зва мз сад̇им̣, санд̣̇зхасмим̣ вирааг̇аниссид̇анд̇и, гааяасмим̣ вирааг̇уубасам̣хид̇ам̣ гааяаг̇ад̇аасад̇игаммадтаанам̣ маяхам̣ уббаад̣̇аяад̇иязва. згад̣̇ивасам̣ гира т̇зро гаагзна каж̇ж̇амаанам̣ мануссагун̣абам̣ бассид̇ваа асубхасан̃н̃ам̣ бадилабхи, д̇ам̣ санд̇хааяа звамааха. д̇зна гааяз саб̣б̣асо чанд̣̇арааг̇асса над̇т̇ид̇ааяа ванзязва васид̇угаамомхийд̇и д̣̇ассзд̇и. яан̃жаад̇и жа-сад̣̇д̣̇о самужжаяад̇т̇о, д̇зна ан̃н̃амби мама аран̃н̃аваасагааран̣ам̣ сун̣аахийд̇и д̣̇ассзд̇и. яам̣ баб̣б̣аж̇ид̇ам̣ мзд̇д̇аавихаарид̇ааяа алобханияабаригкаарад̇ааяа жа рагкид̇аб̣б̣асса абхаавад̇о ан̃н̃з сзвагаад̣̇аяо на рагканд̇и. яо жа баб̣б̣аж̇ид̇о ан̃н̃з гзнажи гин̃жанабалиб̣од̇хабхууд̇з на рагкад̇и д̇аад̣̇исаанам̣язва абхаавад̇о. са вз бхигку сукам̣ сзд̇ийд̇и, со бхигку самужчиннагилзсагаамад̇ааяа саб̣б̣асо вад̇т̇угаамзсу анабзгкаваа абзгкаарахид̇о яад̇т̇а гад̇т̇ажи сукам̣ сзд̇и. д̇асса анусан̇гид̇абарисан̇гид̇аабхаавад̇о аран̃н̃амхи г̇аамамхи сад̣̇исамзваад̇и ад̇т̇о.
Kiñca ? Apaṇḍaro kāḷavaṇṇo, aṇḍasambhavo aṇḍajo kāko, sīvathikāya susānaṭṭhāne, niketacāriko tameva nivāsanaṭṭhānaṃ katvā vicaraṇako uppādayateva me satiṃ, sandehasmiṃ virāganissitanti, kāyasmiṃ virāgūpasaṃhitaṃ kāyagatāsatikammaṭṭhānaṃ mayhaṃ uppādayatiyeva. Ekadivasaṃ kira thero kākena khajjamānaṃ manussakuṇapaṃ passitvā asubhasaññaṃ paṭilabhi, taṃ sandhāya evamāha. Tena kāye sabbaso chandarāgassa natthitāya vaneyeva vasitukāmomhīti dasseti. Yañcāti ca-saddo samuccayattho, tena aññampi mama araññavāsakāraṇaṃ suṇāhīti dasseti. Yaṃ pabbajitaṃ mettāvihāritāya alobhaniyaparikkhāratāya ca rakkhitabbassa abhāvato aññe sevakādayo na rakkhanti. Yo ca pabbajito aññe kenaci kiñcanapalibodhabhūte na rakkhati tādisānaṃyeva abhāvato. Sa ve bhikkhu sukhaṃ setīti, so bhikkhu samucchinnakilesakāmatāya sabbaso vatthukāmesu anapekkhavā apekkhārahito yattha katthaci sukhaṃ seti. Tassa anusaṅkitaparisaṅkitābhāvato araññamhi gāmamhi sadisamevāti attho.
ид̣̇аани баб̣б̣ад̇аванаад̣̇ийнам̣ раман̣ийяад̇ам̣ васид̇абуб̣б̣ад̇ан̃жа д̣̇ассзд̇ум̣ ‘‘ажчод̣̇игаа’’д̇иаад̣̇и вуд̇д̇ам̣. д̇ад̇т̇а васид̇ам̣ мзд̇и, вудтабуб̣б̣ам̣ маяаа. ваал̣амиг̇анисзвид̇зд̇и, сийхаб̣яаг̇гхаад̣̇ийхи ваал̣амиг̇зхи убасзвид̇з ванз.
Idāni pabbatavanādīnaṃ ramaṇīyataṃ vasitapubbatañca dassetuṃ ‘‘acchodikā’’tiādi vuttaṃ. Tattha vasitaṃ meti, vuṭṭhapubbaṃ mayā. Vāḷamiganiseviteti, sīhabyagghādīhi vāḷamigehi upasevite vane.
сан̇габбам̣ наабхиж̇аанаамийд̇и, имз яз гзжи баан̣ино сад̇д̇аа усусад̇д̇иаад̣̇ийхи бахаран̣зхи хан̃н̃анд̇у маарияанд̇у мудтиббахаараад̣̇ийхи важ̇жханд̇у б̣аад̇хийяанд̇у, ан̃н̃зна ваа язна гзнажи аагаарзна д̣̇угкам̣ баббонд̇у баабун̣анд̇ууд̇и; звам̣ д̣̇осасам̣хид̇ам̣ бадигхасам̣яуд̇д̇ам̣ д̇ад̇о зва анарияам̣ б̣яаабаад̣̇авихим̣саад̣̇иббабхзд̣̇ам̣ баабасан̇габбам̣ уббаад̣̇ид̇ам̣ наабхиж̇аанаами, мижчаавид̇агго на уббаннабуб̣б̣од̇и мзд̇д̇аавихаарид̇ам̣ д̣̇ассзд̇и.
Saṅkappaṃ nābhijānāmīti, ime ye keci pāṇino sattā ususattiādīhi paharaṇehi haññantu māriyantu muṭṭhippahārādīhi vajjhantu bādhīyantu, aññena vā yena kenaci ākārena dukkhaṃ pappontu pāpuṇantūti; evaṃ dosasaṃhitaṃ paṭighasaṃyuttaṃ tato eva anariyaṃ byāpādavihiṃsādippabhedaṃ pāpasaṅkappaṃ uppāditaṃ nābhijānāmi, micchāvitakko na uppannapubboti mettāvihāritaṃ dasseti.
ид̣̇аани ‘‘барижин̣н̣о’’д̇иаад̣̇инаа ад̇д̇ано гад̇агижжад̇ам̣ д̣̇ассзд̇и. д̇ад̇т̇а барижин̣н̣од̇и убаасид̇о оваад̣̇аанусаасанийгаран̣авасзна. охид̇од̇и орохид̇о. г̇аруго бхаарод̇и г̇аруд̇аро канд̇хабхааро.
Idāni ‘‘pariciṇṇo’’tiādinā attano katakiccataṃ dasseti. Tattha pariciṇṇoti upāsito ovādānusāsanīkaraṇavasena. Ohitoti orohito. Garuko bhāroti garutaro khandhabhāro.
наабхинанд̣̇аами маран̣анд̇и ‘‘гат̇ам̣ ну ко мз маран̣ам̣ сияаа’’д̇и маран̣ам̣ на ижчаами. наабхинанд̣̇аами ж̇ийвид̇анд̇и ‘‘гат̇ам̣ ну ко ахам̣ жирам̣ ж̇ийвзяяа’’нд̇и ж̇ийвид̇амби на ижчаами. зд̇зна маран̣з ж̇ийвид̇з жа самаанажид̇д̇ад̇ам̣ д̣̇ассзд̇и. гаалан̃жа бадиган̇каамийд̇и бариниб̣б̣аанагаалам̣ва ааг̇амзми. ниб̣б̣исанд̇и ниб̣б̣исанд̇о, бхад̇ияаа гаммам̣ гаронд̇о. бхад̇аго яат̇аад̇и яат̇аа бхад̇аго барасса гаммам̣ гаронд̇о гаммасид̣̇д̇хим̣ анабхинанд̣̇анд̇оби гаммам̣ гаронд̇ова д̣̇ивасагкаяам̣ уд̣̇игкад̇и, звам̣ ахамби ж̇ийвид̇ам̣ анабхинанд̣̇анд̇оби ад̇д̇абхаавасса яаабанзна маран̣ам̣ анабхинанд̣̇анд̇оби барияосаанагаалам̣ бадиган̇каамийд̇и. сзсам̣ вуд̇д̇анаяамзва.
Nābhinandāmimaraṇanti ‘‘kathaṃ nu kho me maraṇaṃ siyā’’ti maraṇaṃ na icchāmi. Nābhinandāmi jīvitanti ‘‘kathaṃ nu kho ahaṃ ciraṃ jīveyya’’nti jīvitampi na icchāmi. Etena maraṇe jīvite ca samānacittataṃ dasseti. Kālañca paṭikaṅkhāmīti parinibbānakālaṃva āgamemi. Nibbisanti nibbisanto, bhatiyā kammaṃ karonto. Bhatako yathāti yathā bhatako parassa kammaṃ karonto kammasiddhiṃ anabhinandantopi kammaṃ karontova divasakkhayaṃ udikkhati, evaṃ ahampi jīvitaṃ anabhinandantopi attabhāvassa yāpanena maraṇaṃ anabhinandantopi pariyosānakālaṃ paṭikaṅkhāmīti. Sesaṃ vuttanayameva.
сам̣гижжад̇т̇зраг̇аат̇ааван̣н̣анаа нидтид̇аа.
Saṃkiccattheragāthāvaṇṇanā niṭṭhitā.
згаад̣̇асанибаад̇аван̣н̣анаа нидтид̇аа.
Ekādasanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. сам̣гижжад̇т̇зраг̇аат̇аа • 1. Saṃkiccattheragāthā
