| Library / Tipiṭaka / திபிடக • Tipiṭaka / பட்டா²னபாளி • Paṭṭhānapāḷi |
5. ஸங்கிலிட்ட²த்திகங்
5. Saṃkiliṭṭhattikaṃ
1. படிச்சவாரோ
1. Paṭiccavāro
1. பச்சயானுலோமங்
1. Paccayānulomaṃ
1. விப⁴ங்க³வாரோ
1. Vibhaṅgavāro
ஹேதுபச்சயோ
Hetupaccayo
1. ஸங்கிலிட்ட²ஸங்கிலேஸிகங் த⁴ம்மங் படிச்ச ஸங்கிலிட்ட²ஸங்கிலேஸிகோ த⁴ம்மோ உப்பஜ்ஜதி ஹேதுபச்சயா – ஸங்கிலிட்ட²ஸங்கிலேஸிகங் ஏகங் க²ந்த⁴ங் படிச்ச தயோ க²ந்தா⁴…பே॰… த்³வே க²ந்தே⁴ படிச்ச த்³வே க²ந்தா⁴. (1)
1. Saṃkiliṭṭhasaṃkilesikaṃ dhammaṃ paṭicca saṃkiliṭṭhasaṃkilesiko dhammo uppajjati hetupaccayā – saṃkiliṭṭhasaṃkilesikaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
ஸங்கிலிட்ட²ஸங்கிலேஸிகங் த⁴ம்மங் படிச்ச அஸங்கிலிட்ட²ஸங்கிலேஸிகோ த⁴ம்மோ உப்பஜ்ஜதி ஹேதுபச்சயா – ஸங்கிலிட்ட²ஸங்கிலேஸிகே க²ந்தே⁴ படிச்ச சித்தஸமுட்டா²னங் ரூபங். (2)
Saṃkiliṭṭhasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – saṃkiliṭṭhasaṃkilesike khandhe paṭicca cittasamuṭṭhānaṃ rūpaṃ. (2)
ஸங்கிலிட்ட²ஸங்கிலேஸிகங் த⁴ம்மங் படிச்ச ஸங்கிலிட்ட²ஸங்கிலேஸிகோ ச அஸங்கிலிட்ட²ஸங்கிலேஸிகோ ச த⁴ம்மா உப்பஜ்ஜந்தி ஹேதுபச்சயா – ஸங்கிலிட்ட²ஸங்கிலேஸிகங் ஏகங் க²ந்த⁴ங் படிச்ச தயோ க²ந்தா⁴ சித்தஸமுட்டா²னஞ்ச ரூபங்…பே॰… த்³வே க²ந்தே⁴ படிச்ச த்³வே க²ந்தா⁴ சித்தஸமுட்டா²னஞ்ச ரூபங். (3)
Saṃkiliṭṭhasaṃkilesikaṃ dhammaṃ paṭicca saṃkiliṭṭhasaṃkilesiko ca asaṃkiliṭṭhasaṃkilesiko ca dhammā uppajjanti hetupaccayā – saṃkiliṭṭhasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. (3)
அஸங்கிலிட்ட²ஸங்கிலேஸிகங் த⁴ம்மங் படிச்ச அஸங்கிலிட்ட²ஸங்கிலேஸிகோ த⁴ம்மோ உப்பஜ்ஜதி ஹேதுபச்சயா – அஸங்கிலிட்ட²ஸங்கிலேஸிகங் ஏகங் க²ந்த⁴ங் படிச்ச தயோ க²ந்தா⁴ சித்தஸமுட்டா²னஞ்ச ரூபங்…பே॰… த்³வே க²ந்தே⁴ படிச்ச த்³வே க²ந்தா⁴ சித்தஸமுட்டா²னஞ்ச ரூபங் ; படிஸந்தி⁴க்க²ணே அஸங்கிலிட்ட²ஸங்கிலேஸிகங் ஏகங் க²ந்த⁴ங் படிச்ச தயோ க²ந்தா⁴ கடத்தா ச ரூபங்…பே॰… த்³வே க²ந்தே⁴ படிச்ச த்³வே க²ந்தா⁴ கடத்தா ச ரூபங்; க²ந்தே⁴ படிச்ச வத்து², வத்து²ங் படிச்ச க²ந்தா⁴; ஏகங் மஹாபூ⁴தங் படிச்ச தயோ மஹாபூ⁴தா…பே॰… மஹாபூ⁴தே படிச்ச சித்தஸமுட்டா²னங் ரூபங் கடத்தாரூபங் உபாதா³ரூபங். (1)
Asaṃkiliṭṭhasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – asaṃkiliṭṭhasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ ; paṭisandhikkhaṇe asaṃkiliṭṭhasaṃkilesikaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe paṭicca dve khandhā kaṭattā ca rūpaṃ; khandhe paṭicca vatthu, vatthuṃ paṭicca khandhā; ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
2. அஸங்கிலிட்ட²அஸங்கிலேஸிகங் த⁴ம்மங் படிச்ச அஸங்கிலிட்ட²அஸங்கிலேஸிகோ த⁴ம்மோ உப்பஜ்ஜதி ஹேதுபச்சயா – அஸங்கிலிட்ட²அஸங்கிலேஸிகங் ஏகங் க²ந்த⁴ங் படிச்ச தயோ க²ந்தா⁴…பே॰… த்³வே க²ந்தே⁴ படிச்ச த்³வே க²ந்தா⁴. (1)
2. Asaṃkiliṭṭhaasaṃkilesikaṃ dhammaṃ paṭicca asaṃkiliṭṭhaasaṃkilesiko dhammo uppajjati hetupaccayā – asaṃkiliṭṭhaasaṃkilesikaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
அஸங்கிலிட்ட²அஸங்கிலேஸிகங் த⁴ம்மங் படிச்ச அஸங்கிலிட்ட²ஸங்கிலேஸிகோ த⁴ம்மோ உப்பஜ்ஜதி ஹேதுபச்சயா – அஸங்கிலிட்ட²அஸங்கிலேஸிகே க²ந்தே⁴ படிச்ச சித்தஸமுட்டா²னங் ரூபங். (2)
Asaṃkiliṭṭhaasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – asaṃkiliṭṭhaasaṃkilesike khandhe paṭicca cittasamuṭṭhānaṃ rūpaṃ. (2)
அஸங்கிலிட்ட²அஸங்கிலேஸிகங் த⁴ம்மங் படிச்ச அஸங்கிலிட்ட²ஸங்கிலேஸிகோ ச அஸங்கிலிட்ட²அஸங்கிலேஸிகோ ச த⁴ம்மா உப்பஜ்ஜந்தி ஹேதுபச்சயா – அஸங்கிலிட்ட²அஸங்கிலேஸிகங் ஏகங் க²ந்த⁴ங் படிச்ச தயோ க²ந்தா⁴ சித்தஸமுட்டா²னஞ்ச ரூபங்…பே॰… த்³வே க²ந்தே⁴ படிச்ச த்³வே க²ந்தா⁴ சித்தஸமுட்டா²னஞ்ச ரூபங். (3)
Asaṃkiliṭṭhaasaṃkilesikaṃ dhammaṃ paṭicca asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā uppajjanti hetupaccayā – asaṃkiliṭṭhaasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. (3)
அஸங்கிலிட்ட²ஸங்கிலேஸிகஞ்ச அஸங்கிலிட்ட²அஸங்கிலேஸிகஞ்ச த⁴ம்மங் படிச்ச அஸங்கிலிட்ட²ஸங்கிலேஸிகோ த⁴ம்மோ உப்பஜ்ஜதி ஹேதுபச்சயா – அஸங்கிலிட்ட²அஸங்கிலேஸிகே க²ந்தே⁴ ச மஹாபூ⁴தே ச படிச்ச சித்தஸமுட்டா²னங் ரூபங். (1)
Asaṃkiliṭṭhasaṃkilesikañca asaṃkiliṭṭhaasaṃkilesikañca dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – asaṃkiliṭṭhaasaṃkilesike khandhe ca mahābhūte ca paṭicca cittasamuṭṭhānaṃ rūpaṃ. (1)
ஸங்கிலிட்ட²ஸங்கிலேஸிகஞ்ச அஸங்கிலிட்ட²ஸங்கிலேஸிகஞ்ச த⁴ம்மங் படிச்ச அஸங்கிலிட்ட²ஸங்கிலேஸிகோ த⁴ம்மோ உப்பஜ்ஜதி ஹேதுபச்சயா – ஸங்கிலிட்ட²ஸங்கிலேஸிகே க²ந்தே⁴ ச மஹாபூ⁴தே ச படிச்ச சித்தஸமுட்டா²னங் ரூபங் (ஸங்கி²த்தங்). (1)
Saṃkiliṭṭhasaṃkilesikañca asaṃkiliṭṭhasaṃkilesikañca dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – saṃkiliṭṭhasaṃkilesike khandhe ca mahābhūte ca paṭicca cittasamuṭṭhānaṃ rūpaṃ (saṃkhittaṃ). (1)
1. பச்சயானுலோமங்
1. Paccayānulomaṃ
2. ஸங்க்²யாவாரோ
2. Saṅkhyāvāro
3. ஹேதுயா நவ, ஆரம்மணே தீணி, அதி⁴பதியா நவ, அனந்தரே தீணி, ஸமனந்தரே தீணி, ஸஹஜாதே நவ, அஞ்ஞமஞ்ஞே தீணி, நிஸ்ஸயே நவ, உபனிஸ்ஸயே தீணி, புரேஜாதே தீணி, ஆஸேவனே தீணி, கம்மே நவ, விபாகே பஞ்ச, ஆஹாரே நவ…பே॰… மக்³கே³ நவ, ஸம்பயுத்தே தீணி, விப்பயுத்தே நவ…பே॰… அவிக³தே நவ (ஸங்கி²த்தங்.)
3. Hetuyā nava, ārammaṇe tīṇi, adhipatiyā nava, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane tīṇi, kamme nava, vipāke pañca, āhāre nava…pe… magge nava, sampayutte tīṇi, vippayutte nava…pe… avigate nava (saṃkhittaṃ.)
(யதா² குஸலத்திகே விப⁴த்தங், ஏவங் விப⁴ஜிதப்³ப³ங்.)
(Yathā kusalattike vibhattaṃ, evaṃ vibhajitabbaṃ.)
2. பச்சயபச்சனீயங்
2. Paccayapaccanīyaṃ
நஹேதுபச்சயோ
Nahetupaccayo
4. ஸங்கிலிட்ட²ஸங்கிலேஸிகங் த⁴ம்மங் படிச்ச ஸங்கிலிட்ட²ஸங்கிலேஸிகோ த⁴ம்மோ உப்பஜ்ஜதி நஹேதுபச்சயா – விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ படிச்ச விசிகிச்சா²ஸஹக³தோ உத்³த⁴ச்சஸஹக³தோ மோஹோ. (1)
4. Saṃkiliṭṭhasaṃkilesikaṃ dhammaṃ paṭicca saṃkiliṭṭhasaṃkilesiko dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
அஸங்கிலிட்ட²ஸங்கிலேஸிகங் த⁴ம்மங் படிச்ச அஸங்கிலிட்ட²ஸங்கிலேஸிகோ த⁴ம்மோ உப்பஜ்ஜதி நஹேதுபச்சயா – அஹேதுகங் அஸங்கிலிட்ட²ஸங்கிலேஸிகங் ஏகங் க²ந்த⁴ங் படிச்ச தயோ க²ந்தா⁴ சித்தஸமுட்டா²னஞ்ச ரூபங்…பே॰… அஹேதுகபடிஸந்தி⁴க்க²ணே…பே॰… அஸஞ்ஞஸத்தானங் ஏகங் மஹாபூ⁴தங். (ஸங்கி²த்தங்.) (1)
Asaṃkiliṭṭhasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati nahetupaccayā – ahetukaṃ asaṃkiliṭṭhasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… ahetukapaṭisandhikkhaṇe…pe… asaññasattānaṃ ekaṃ mahābhūtaṃ. (Saṃkhittaṃ.) (1)
(யதா² குஸலத்திகே விப⁴த்தங், ஏவங் விப⁴ஜிதப்³ப³ங்.)
(Yathā kusalattike vibhattaṃ, evaṃ vibhajitabbaṃ.)
ஸுத்³த⁴ங்
Suddhaṃ
5. நஹேதுயா த்³வே, நஆரம்மணே பஞ்ச, நஅதி⁴பதியா ச², நஅனந்தரே பஞ்ச…பே॰… நஉபனிஸ்ஸயே பஞ்ச, நபுரேஜாதே ஸத்த, நபச்சா²ஜாதே நவ, நஆஸேவனே நவ, நகம்மே தீணி, நவிபாகே நவ, நஆஹாரே ஏகங்…பே॰… நமக்³கே³ ஏகங், நஸம்பயுத்தே பஞ்ச, நவிப்பயுத்தே தீணி, நோனத்தி²யா பஞ்ச, நோவிக³தே பஞ்ச. (ஸங்கி²த்தங்.)
5. Nahetuyā dve, naārammaṇe pañca, naadhipatiyā cha, naanantare pañca…pe… naupanissaye pañca, napurejāte satta, napacchājāte nava, naāsevane nava, nakamme tīṇi, navipāke nava, naāhāre ekaṃ…pe… namagge ekaṃ, nasampayutte pañca, navippayutte tīṇi, nonatthiyā pañca, novigate pañca. (Saṃkhittaṃ.)
3. பச்சயானுலோமபச்சனீயங்
3. Paccayānulomapaccanīyaṃ
ஹேதுது³கங்
Hetudukaṃ
6. ஹேதுபச்சயா நஆரம்மணே பஞ்ச, நஅதி⁴பதியா ச²…பே॰… நபுரேஜாதே ஸத்த, நபச்சா²ஜாதே நவ, நஆஸேவனே நவ, நகம்மே தீணி, நவிபாகே நவ, நஸம்பயுத்தே பஞ்ச, நவிப்பயுத்தே தீணி, நோனத்தி²யா பஞ்ச, நோவிக³தே பஞ்ச. (ஸங்கி²த்தங்.)
6. Hetupaccayā naārammaṇe pañca, naadhipatiyā cha…pe… napurejāte satta, napacchājāte nava, naāsevane nava, nakamme tīṇi, navipāke nava, nasampayutte pañca, navippayutte tīṇi, nonatthiyā pañca, novigate pañca. (Saṃkhittaṃ.)
4. பச்சயபச்சனீயானுலோமங்
4. Paccayapaccanīyānulomaṃ
நஹேதுது³கங்
Nahetudukaṃ
7. நஹேதுபச்சயா ஆரம்மணே த்³வே…பே॰… விபாகே ஏகங்…பே॰… மக்³கே³ ஏகங்…பே॰… அவிக³தே த்³வே. (ஸங்கி²த்தங்.)
7. Nahetupaccayā ārammaṇe dve…pe… vipāke ekaṃ…pe… magge ekaṃ…pe… avigate dve. (Saṃkhittaṃ.)
படிச்சவாரோ.
Paṭiccavāro.
2-6 ஸஹஜாத-பச்சய-நிஸ்ஸய-ஸங்ஸட்ட²-ஸம்பயுத்தவாரோ
2-6 Sahajāta-paccaya-nissaya-saṃsaṭṭha-sampayuttavāro
(ஸஹஜாதவாரோபி பச்சயவாரோபி நிஸ்ஸயவாரோபி ஸங்ஸட்ட²வாரோபி ஸம்பயுத்தவாரோபி வித்தா²ரேதப்³போ³.)
(Sahajātavāropi paccayavāropi nissayavāropi saṃsaṭṭhavāropi sampayuttavāropi vitthāretabbo.)
7. பஞ்ஹாவாரோ
7. Pañhāvāro
1. பச்சயானுலோமங்
1. Paccayānulomaṃ
1. விப⁴ங்க³வாரோ
1. Vibhaṅgavāro
ஹேதுபச்சயோ
Hetupaccayo
8. ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஹேதுபச்சயேன பச்சயோ – ஸங்கிலிட்ட²ஸங்கிலேஸிகா ஹேதூ ஸம்பயுத்தகானங் க²ந்தா⁴னங் ஹேதுபச்சயேன பச்சயோ. (1)
8. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa hetupaccayena paccayo – saṃkiliṭṭhasaṃkilesikā hetū sampayuttakānaṃ khandhānaṃ hetupaccayena paccayo. (1)
ஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஹேதுபச்சயேன பச்சயோ – ஸங்கிலிட்ட²ஸங்கிலேஸிகா ஹேதூ சித்தஸமுட்டா²னானங் ரூபானங் ஹேதுபச்சயேன பச்சயோ. (2)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa hetupaccayena paccayo – saṃkiliṭṭhasaṃkilesikā hetū cittasamuṭṭhānānaṃ rūpānaṃ hetupaccayena paccayo. (2)
ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ ச அஸங்கிலிட்ட²ஸங்கிலேஸிகஸ்ஸ ச த⁴ம்மஸ்ஸ ஹேதுபச்சயேன பச்சயோ – ஸங்கிலிட்ட²ஸங்கிலேஸிகா ஹேதூ ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் ஹேதுபச்சயேன பச்சயோ. (3)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa hetupaccayena paccayo – saṃkiliṭṭhasaṃkilesikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஹேதுபச்சயேன பச்சயோ – அஸங்கிலிட்ட²ஸங்கிலேஸிகா ஹேதூ ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் ஹேதுபச்சயேன பச்சயோ; படிஸந்தி⁴க்க²ணே அஸங்கிலிட்ட²ஸங்கிலேஸிகா ஹேதூ ஸம்பயுத்தகானங் க²ந்தா⁴னங் கடத்தா ச ரூபானங் ஹேதுபச்சயேன பச்சயோ. (1)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa hetupaccayena paccayo – asaṃkiliṭṭhasaṃkilesikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe asaṃkiliṭṭhasaṃkilesikā hetū sampayuttakānaṃ khandhānaṃ kaṭattā ca rūpānaṃ hetupaccayena paccayo. (1)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ ஹேதுபச்சயேன பச்சயோ – அஸங்கிலிட்ட²அஸங்கிலேஸிகா ஹேதூ ஸம்பயுத்தகானங் க²ந்தா⁴னங் ஹேதுபச்சயேன பச்சயோ. (1)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa hetupaccayena paccayo – asaṃkiliṭṭhaasaṃkilesikā hetū sampayuttakānaṃ khandhānaṃ hetupaccayena paccayo. (1)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஹேதுபச்சயேன பச்சயோ – அஸங்கிலிட்ட²அஸங்கிலேஸிகா ஹேதூ சித்தஸமுட்டா²னானங் ரூபானங் ஹேதுபச்சயேன பச்சயோ. (2)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa hetupaccayena paccayo – asaṃkiliṭṭhaasaṃkilesikā hetū cittasamuṭṭhānānaṃ rūpānaṃ hetupaccayena paccayo. (2)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ ச அஸங்கிலிட்ட²அஸங்கிலேஸிகஸ்ஸ ச த⁴ம்மஸ்ஸ ஹேதுபச்சயேன பச்சயோ – அஸங்கிலிட்ட²அஸங்கிலேஸிகா ஹேதூ ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் ஹேதுபச்சயேன பச்சயோ. (3)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa hetupaccayena paccayo – asaṃkiliṭṭhaasaṃkilesikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)
ஆரம்மணபச்சயோ
Ārammaṇapaccayo
9. ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ – ராக³ங் அஸ்ஸாதே³தி அபி⁴னந்த³தி, தங் ஆரப்³ப⁴ ராகோ³ உப்பஜ்ஜதி, தி³ட்டி² உப்பஜ்ஜதி, விசிகிச்சா² உப்பஜ்ஜதி, உத்³த⁴ச்சங் உப்பஜ்ஜதி, தோ³மனஸ்ஸங் உப்பஜ்ஜதி . தி³ட்டி²ங் அஸ்ஸாதே³தி…பே॰… விசிகிச்ச²ங் ஆரப்³ப⁴…பே॰… உத்³த⁴ச்சங் ஆரப்³ப⁴…பே॰… தோ³மனஸ்ஸங் ஆரப்³ப⁴…பே॰…. (1)
9. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo – rāgaṃ assādeti abhinandati, taṃ ārabbha rāgo uppajjati, diṭṭhi uppajjati, vicikicchā uppajjati, uddhaccaṃ uppajjati, domanassaṃ uppajjati . Diṭṭhiṃ assādeti…pe… vicikicchaṃ ārabbha…pe… uddhaccaṃ ārabbha…pe… domanassaṃ ārabbha…pe…. (1)
(யதா² குஸலத்திகே விப⁴த்தங், ஏவங் விப⁴ஜிதப்³ப³ங்.)
(Yathā kusalattike vibhattaṃ, evaṃ vibhajitabbaṃ.)
ஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ – அரியா பஹீனே கிலேஸே பச்சவெக்க²ந்தி, விக்க²ம்பி⁴தே கிலேஸே பச்சவெக்க²ந்தி, புப்³பே³ ஸமுதா³சிண்ணே கிலேஸே ஜானந்தி, ஸங்கிலிட்ட²ஸங்கிலேஸிகே க²ந்தே⁴ அனிச்சதோ து³க்க²தோ அனத்ததோ விபஸ்ஸந்தி, சேதோபரியஞாணேன ஸங்கிலிட்ட²ஸங்கிலேஸிகசித்தஸமங்கி³ஸ்ஸ சித்தங் ஜானந்தி; ஸெக்கா² வா புது²ஜ்ஜனா வா ஸங்கிலிட்ட²ஸங்கிலேஸிகே க²ந்தே⁴ அனிச்சதோ து³க்க²தோ அனத்ததோ விபஸ்ஸந்தி, குஸலே நிருத்³தே⁴ விபாகோ ததா³ரம்மணதா உப்பஜ்ஜதி; ஸங்கிலிட்ட²ஸங்கிலேஸிகே க²ந்தே⁴ அஸ்ஸாதெ³ந்தி அபி⁴னந்த³ந்தி…பே॰… தோ³மனஸ்ஸங் உப்பஜ்ஜதி, அகுஸலே நிருத்³தே⁴ விபாகோ ததா³ரம்மணதா உப்பஜ்ஜதி. ஸங்கிலிட்ட²ஸங்கிலேஸிகா க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தங்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (2)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo – ariyā pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti, saṃkiliṭṭhasaṃkilesike khandhe aniccato dukkhato anattato vipassanti, cetopariyañāṇena saṃkiliṭṭhasaṃkilesikacittasamaṅgissa cittaṃ jānanti; sekkhā vā puthujjanā vā saṃkiliṭṭhasaṃkilesike khandhe aniccato dukkhato anattato vipassanti, kusale niruddhe vipāko tadārammaṇatā uppajjati; saṃkiliṭṭhasaṃkilesike khandhe assādenti abhinandanti…pe… domanassaṃ uppajjati, akusale niruddhe vipāko tadārammaṇatā uppajjati. Saṃkiliṭṭhasaṃkilesikā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)
10. அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னங் த³த்வா, ஸீலங் ஸமாதி³யித்வா , உபோஸத²கம்மங் கத்வா தங் பச்சவெக்க²தி, புப்³பே³ ஸுசிண்ணானி பச்சவெக்க²தி; ஜா²னா வுட்ட²ஹித்வா ஜா²னங் பச்சவெக்க²தி, அரியா கொ³த்ரபு⁴ங் பச்சவெக்க²ந்தி, வோதா³னங் பச்சவெக்க²ந்தி, சக்கு²ங் அனிச்சதோ து³க்க²தோ அனத்ததோ விபஸ்ஸந்தி ; ஸோதங்… கா⁴னங்… ஜிவ்ஹங்… காயங்… ரூபே… ஸத்³தே³… க³ந்தே⁴… ரஸே… பொ²ட்ட²ப்³பே³… வத்து²ங் அஸங்கிலிட்ட²ஸங்கிலேஸிகே க²ந்தே⁴ அனிச்சதோ து³க்க²தோ அனத்ததோ விபஸ்ஸந்தி; தி³ப்³பே³ன சக்கு²னா ரூபங் பஸ்ஸந்தி, தி³ப்³பா³ய ஸோததா⁴துயா ஸத்³த³ங் ஸுணந்தி, சேதோபரியஞாணேன அஸங்கிலிட்ட²ஸங்கிலேஸிகசித்தஸமங்கி³ஸ்ஸ சித்தங் ஜானந்தி. ஆகாஸானஞ்சாயதனங் விஞ்ஞாணஞ்சாயதனஸ்ஸ…பே॰… ஆகிஞ்சஞ்ஞாயதனங் நேவஸஞ்ஞானாஸஞ்ஞாயதனஸ்ஸ ஆரம்மணபச்சயேன பச்சயோ. ரூபாயதனங் சக்கு²விஞ்ஞாணஸ்ஸ ஆரம்மணபச்சயேன பச்சயோ…பே॰… பொ²ட்ட²ப்³பா³யதனங் காயவிஞ்ஞாணஸ்ஸ ஆரம்மணபச்சயேன பச்சயோ. அஸங்கிலிட்ட²ஸங்கிலேஸிகா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ , புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தங்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)
10. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo – dānaṃ datvā, sīlaṃ samādiyitvā , uposathakammaṃ katvā taṃ paccavekkhati, pubbe suciṇṇāni paccavekkhati; jhānā vuṭṭhahitvā jhānaṃ paccavekkhati, ariyā gotrabhuṃ paccavekkhanti, vodānaṃ paccavekkhanti, cakkhuṃ aniccato dukkhato anattato vipassanti ; sotaṃ… ghānaṃ… jivhaṃ… kāyaṃ… rūpe… sadde… gandhe… rase… phoṭṭhabbe… vatthuṃ asaṃkiliṭṭhasaṃkilesike khandhe aniccato dukkhato anattato vipassanti; dibbena cakkhunā rūpaṃ passanti, dibbāya sotadhātuyā saddaṃ suṇanti, cetopariyañāṇena asaṃkiliṭṭhasaṃkilesikacittasamaṅgissa cittaṃ jānanti. Ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Rūpāyatanaṃ cakkhuviññāṇassa ārammaṇapaccayena paccayo…pe… phoṭṭhabbāyatanaṃ kāyaviññāṇassa ārammaṇapaccayena paccayo. Asaṃkiliṭṭhasaṃkilesikā khandhā iddhividhañāṇassa, cetopariyañāṇassa , pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
அஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னங் த³த்வா, ஸீலங் ஸமாதி³யித்வா, உபோஸத²கம்மங் கத்வா தங் அஸ்ஸாதே³தி அபி⁴னந்த³தி; தங் ஆரப்³ப⁴ ராகோ³ உப்பஜ்ஜதி, தி³ட்டி² உப்பஜ்ஜதி…பே॰… தோ³மனஸ்ஸங் உப்பஜ்ஜதி; புப்³பே³ ஸுசிண்ணானி அஸ்ஸாதே³தி…பே॰… ஜா²னா வுட்ட²ஹித்வா ஜா²னங் அஸ்ஸாதே³தி…பே॰… சக்கு²ங் அஸ்ஸாதே³தி . பொ²ட்ட²ப்³பே³… வத்து²ங்… அஸங்கிலிட்ட²ஸங்கிலேஸிகே க²ந்தே⁴ அஸ்ஸாதே³தி அபி⁴னந்த³தி, தங் ஆரப்³ப⁴ ராகோ³ உப்பஜ்ஜதி… தோ³மனஸ்ஸங் உப்பஜ்ஜதி. (2)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo – dānaṃ datvā, sīlaṃ samādiyitvā, uposathakammaṃ katvā taṃ assādeti abhinandati; taṃ ārabbha rāgo uppajjati, diṭṭhi uppajjati…pe… domanassaṃ uppajjati; pubbe suciṇṇāni assādeti…pe… jhānā vuṭṭhahitvā jhānaṃ assādeti…pe… cakkhuṃ assādeti . Phoṭṭhabbe… vatthuṃ… asaṃkiliṭṭhasaṃkilesike khandhe assādeti abhinandati, taṃ ārabbha rāgo uppajjati… domanassaṃ uppajjati. (2)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ – நிப்³பா³னங் மக்³க³ஸ்ஸ, ப²லஸ்ஸ ஆரம்மணபச்சயேன பச்சயோ. (1)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa ārammaṇapaccayena paccayo – nibbānaṃ maggassa, phalassa ārammaṇapaccayena paccayo. (1)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ – அரியா மக்³கா³ வுட்ட²ஹித்வா மக்³க³ங் பச்சவெக்க²ந்தி, ப²லங் பச்சவெக்க²ந்தி, நிப்³பா³னங் பச்சவெக்க²ந்தி. நிப்³பா³னங் கொ³த்ரபு⁴ஸ்ஸ, வோதா³னஸ்ஸ, ஆவஜ்ஜனாய ஆரம்மணபச்சயேன பச்சயோ. அரியா சேதோபரியஞாணேன அஸங்கிலிட்ட²அஸங்கிலேஸிகசித்தஸமங்கி³ஸ்ஸ சித்தங் ஜானந்தி. அஸங்கிலிட்ட²அஸங்கிலேஸிகா க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தங்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (2)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti. Nibbānaṃ gotrabhussa, vodānassa, āvajjanāya ārammaṇapaccayena paccayo. Ariyā cetopariyañāṇena asaṃkiliṭṭhaasaṃkilesikacittasamaṅgissa cittaṃ jānanti. Asaṃkiliṭṭhaasaṃkilesikā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (2)
அதி⁴பதிபச்சயோ
Adhipatipaccayo
11. ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – ராக³ங் க³ருங் கத்வா அஸ்ஸாதே³தி அபி⁴னந்த³தி, தங் க³ருங் கத்வா ராகோ³ உப்பஜ்ஜதி, தி³ட்டி² உப்பஜ்ஜதி; தி³ட்டி²ங் க³ருங் கத்வா அஸ்ஸாதே³தி அபி⁴னந்த³தி, தங் க³ருங் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – ஸங்கிலிட்ட²ஸங்கிலேஸிகாதி⁴பதி ஸம்பயுத்தகானங் க²ந்தா⁴னங் அதி⁴பதிபச்சயேன பச்சயோ. (1)
11. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – rāgaṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati; diṭṭhiṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – saṃkiliṭṭhasaṃkilesikādhipati sampayuttakānaṃ khandhānaṃ adhipatipaccayena paccayo. (1)
ஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ஸங்கிலிட்ட²ஸங்கிலேஸிகாதி⁴பதி சித்தஸமுட்டா²னானங் ரூபானங் அதி⁴பதிபச்சயேன பச்சயோ. (2)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa adhipatipaccayena paccayo. Sahajātādhipati – saṃkiliṭṭhasaṃkilesikādhipati cittasamuṭṭhānānaṃ rūpānaṃ adhipatipaccayena paccayo. (2)
ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ ச அஸங்கிலிட்ட²ஸங்கிலேஸிகஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ஸங்கிலிட்ட²ஸங்கிலேஸிகாதி⁴பதி ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் அதி⁴பதிபச்சயேன பச்சயோ. (3)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa adhipatipaccayena paccayo. Sahajātādhipati – saṃkiliṭṭhasaṃkilesikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)
12. அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னங் த³த்வா, ஸீலங் ஸமாதி³யித்வா, உபோஸத²கம்மங் கத்வா தங் க³ருங் கத்வா பச்சவெக்க²தி, புப்³பே³ ஸுசிண்ணானி க³ருங் கத்வா பச்சவெக்க²தி, ஜா²னா வுட்ட²ஹித்வா ஜா²னங் க³ருங் கத்வா பச்சவெக்க²தி, ஸெக்கா² கொ³த்ரபு⁴ங் க³ருங் கத்வா பச்சவெக்க²ந்தி, வோதா³னங் க³ருங் கத்வா பச்சவெக்க²ந்தி. ஸஹஜாதாதி⁴பதி – அஸங்கிலிட்ட²ஸங்கிலேஸிகாதி⁴பதி ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் அதி⁴பதிபச்சயேன பச்சயோ. (1)
12. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā, sīlaṃ samādiyitvā, uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati, jhānā vuṭṭhahitvā jhānaṃ garuṃ katvā paccavekkhati, sekkhā gotrabhuṃ garuṃ katvā paccavekkhanti, vodānaṃ garuṃ katvā paccavekkhanti. Sahajātādhipati – asaṃkiliṭṭhasaṃkilesikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
அஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – தா³னங் த³த்வா, ஸீலங் ஸமாதி³யித்வா, உபோஸத²கம்மங் கத்வா தங் க³ருங் கத்வா அஸ்ஸாதே³தி அபி⁴னந்த³தி , தங் க³ருங் கத்வா ராகோ³ உப்பஜ்ஜதி, தி³ட்டி² உப்பஜ்ஜதி, புப்³பே³ ஸுசிண்ணானி க³ருங் கத்வா அஸ்ஸாதே³தி அபி⁴னந்த³தி…பே॰… ஜா²னா வுட்ட²ஹித்வா ஜா²னங் க³ருங் கத்வா அஸ்ஸாதே³தி அபி⁴னந்த³தி…பே॰… சக்கு²ங் க³ருங் கத்வா அஸ்ஸாதே³தி அபி⁴னந்த³தி…பே॰… பொ²ட்ட²ப்³பே³…பே॰… வத்து²ங் அஸங்கிலிட்ட²ஸங்கிலேஸிகே க²ந்தே⁴ க³ருங் கத்வா அஸ்ஸாதே³தி அபி⁴னந்த³தி, தங் க³ருங் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. (2)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa adhipatipaccayena paccayo. Ārammaṇādhipati – dānaṃ datvā, sīlaṃ samādiyitvā, uposathakammaṃ katvā taṃ garuṃ katvā assādeti abhinandati , taṃ garuṃ katvā rāgo uppajjati, diṭṭhi uppajjati, pubbe suciṇṇāni garuṃ katvā assādeti abhinandati…pe… jhānā vuṭṭhahitvā jhānaṃ garuṃ katvā assādeti abhinandati…pe… cakkhuṃ garuṃ katvā assādeti abhinandati…pe… phoṭṭhabbe…pe… vatthuṃ asaṃkiliṭṭhasaṃkilesike khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (2)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – நிப்³பா³னங் மக்³க³ஸ்ஸ, ப²லஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – அஸங்கிலிட்ட²அஸங்கிலேஸிகாதி⁴பதி ஸம்பயுத்தகானங் க²ந்தா⁴னங் அதி⁴பதிபச்சயேன பச்சயோ. (1)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – nibbānaṃ maggassa, phalassa adhipatipaccayena paccayo. Sahajātādhipati – asaṃkiliṭṭhaasaṃkilesikādhipati sampayuttakānaṃ khandhānaṃ adhipatipaccayena paccayo. (1)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அரியா மக்³கா³ வுட்ட²ஹித்வா மக்³க³ங் க³ருங் கத்வா பச்சவெக்க²ந்தி, ப²லங் க³ருங் கத்வா பச்சவெக்க²ந்தி, நிப்³பா³னங் க³ருங் கத்வா பச்சவெக்க²ந்தி, நிப்³பா³னங் கொ³த்ரபு⁴ஸ்ஸ, வோதா³னஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – அஸங்கிலிட்ட²அஸங்கிலேஸிகாதி⁴பதி சித்தஸமுட்டா²னானங் ரூபானங் அதி⁴பதிபச்சயேன பச்சயோ. (2)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti, phalaṃ garuṃ katvā paccavekkhanti, nibbānaṃ garuṃ katvā paccavekkhanti, nibbānaṃ gotrabhussa, vodānassa adhipatipaccayena paccayo. Sahajātādhipati – asaṃkiliṭṭhaasaṃkilesikādhipati cittasamuṭṭhānānaṃ rūpānaṃ adhipatipaccayena paccayo. (2)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ ச அஸங்கிலிட்ட²அஸங்கிலேஸிகஸ்ஸ ச த⁴ம்மஸ்ஸ அதி⁴பதிபச்சயேன பச்சயோ . ஸஹஜாதாதி⁴பதி – அஸங்கிலிட்ட²அஸங்கிலேஸிகாதி⁴பதி ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் அதி⁴பதிபச்சயேன பச்சயோ. (3)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa adhipatipaccayena paccayo . Sahajātādhipati – asaṃkiliṭṭhaasaṃkilesikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)
அனந்தரபச்சயோ
Anantarapaccayo
13. ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா ஸங்கிலிட்ட²ஸங்கிலேஸிகா க²ந்தா⁴ பச்சி²மானங் பச்சி²மானங் ஸங்கிலிட்ட²ஸங்கிலேஸிகானங் க²ந்தா⁴னங் அனந்தரபச்சயேன பச்சயோ. (1)
13. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa anantarapaccayena paccayo – purimā purimā saṃkiliṭṭhasaṃkilesikā khandhā pacchimānaṃ pacchimānaṃ saṃkiliṭṭhasaṃkilesikānaṃ khandhānaṃ anantarapaccayena paccayo. (1)
ஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அனந்தரபச்சயேன பச்சயோ – ஸங்கிலிட்ட²ஸங்கிலேஸிகா க²ந்தா⁴ வுட்டா²னஸ்ஸ அனந்தரபச்சயேன பச்சயோ. (2)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa anantarapaccayena paccayo – saṃkiliṭṭhasaṃkilesikā khandhā vuṭṭhānassa anantarapaccayena paccayo. (2)
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா அஸங்கிலிட்ட²ஸங்கிலேஸிகா க²ந்தா⁴ பச்சி²மானங் பச்சி²மானங் அஸங்கிலிட்ட²ஸங்கிலேஸிகானங் க²ந்தா⁴னங் அனந்தரபச்சயேன பச்சயோ. அனுலோமங் கொ³த்ரபு⁴ஸ்ஸ… அனுலோமங் வோதா³னஸ்ஸ… ஆவஜ்ஜனா அஸங்கிலிட்ட²ஸங்கிலேஸிகானங் க²ந்தா⁴னங் அனந்தரபச்சயேன பச்சயோ. (1)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa anantarapaccayena paccayo – purimā purimā asaṃkiliṭṭhasaṃkilesikā khandhā pacchimānaṃ pacchimānaṃ asaṃkiliṭṭhasaṃkilesikānaṃ khandhānaṃ anantarapaccayena paccayo. Anulomaṃ gotrabhussa… anulomaṃ vodānassa… āvajjanā asaṃkiliṭṭhasaṃkilesikānaṃ khandhānaṃ anantarapaccayena paccayo. (1)
அஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அனந்தரபச்சயேன பச்சயோ – ஆவஜ்ஜனா ஸங்கிலிட்ட²ஸங்கிலேஸிகானங் க²ந்தா⁴னங் அனந்தரபச்சயேன பச்சயோ. (2)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa anantarapaccayena paccayo – āvajjanā saṃkiliṭṭhasaṃkilesikānaṃ khandhānaṃ anantarapaccayena paccayo. (2)
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ அனந்தரபச்சயேன பச்சயோ – கொ³த்ரபு⁴ மக்³க³ஸ்ஸ… வோதா³னங் மக்³க³ஸ்ஸ … அனுலோமங் ப²லஸமாபத்தியா… நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனங் ப²லஸமாபத்தியா அனந்தரபச்சயேன பச்சயோ. (3)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa anantarapaccayena paccayo – gotrabhu maggassa… vodānaṃ maggassa … anulomaṃ phalasamāpattiyā… nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. (3)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா அஸங்கிலிட்ட²அஸங்கிலேஸிகா க²ந்தா⁴ பச்சி²மானங் பச்சி²மானங் அஸங்கிலிட்ட²அஸங்கிலேஸிகானங் க²ந்தா⁴னங் அனந்தரபச்சயேன பச்சயோ. மக்³கோ³ ப²லஸ்ஸ… ப²லங் ப²லஸ்ஸ அனந்தரபச்சயேன பச்சயோ. (1)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa anantarapaccayena paccayo – purimā purimā asaṃkiliṭṭhaasaṃkilesikā khandhā pacchimānaṃ pacchimānaṃ asaṃkiliṭṭhaasaṃkilesikānaṃ khandhānaṃ anantarapaccayena paccayo. Maggo phalassa… phalaṃ phalassa anantarapaccayena paccayo. (1)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அனந்தரபச்சயேன பச்சயோ – ப²லங் வுட்டா²னஸ்ஸ அனந்தரபச்சயேன பச்சயோ. (2)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa anantarapaccayena paccayo – phalaṃ vuṭṭhānassa anantarapaccayena paccayo. (2)
ஸமனந்தரபச்சயாதி³
Samanantarapaccayādi
14. ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஸமனந்தரபச்சயேன பச்சயோ…பே॰… ஸஹஜாதபச்சயேன பச்சயோ… அஞ்ஞமஞ்ஞபச்சயேன பச்சயோ… நிஸ்ஸயபச்சயேன பச்சயோ… உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ …பே॰…. பகதூபனிஸ்ஸயோ – ராக³ங் உபனிஸ்ஸாய பாணங் ஹனதி…பே॰… ஸங்க⁴ங் பி⁴ந்த³தி…பே॰… தோ³ஸங் உபனிஸ்ஸாய பாணங் ஹனதி…பே॰… ஸங்க⁴ங் பி⁴ந்த³தி. ராகோ³…பே॰… பத்த²னா ராக³ஸ்ஸ…பே॰… பத்த²னாய உபனிஸ்ஸயபச்சயேன பச்சயோ. பாணாதிபாதோ பாணாதிபாதஸ்ஸ உபனிஸ்ஸயபச்சயேன பச்சயோ…பே॰… நியதமிச்சா²தி³ட்டி² நியதமிச்சா²தி³ட்டி²யா உபனிஸ்ஸயபச்சயேன பச்சயோ…பே॰…. (1)
14. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa samanantarapaccayena paccayo…pe… sahajātapaccayena paccayo… aññamaññapaccayena paccayo… nissayapaccayena paccayo… upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – rāgaṃ upanissāya pāṇaṃ hanati…pe… saṅghaṃ bhindati…pe… dosaṃ upanissāya pāṇaṃ hanati…pe… saṅghaṃ bhindati. Rāgo…pe… patthanā rāgassa…pe… patthanāya upanissayapaccayena paccayo. Pāṇātipāto pāṇātipātassa upanissayapaccayena paccayo…pe… niyatamicchādiṭṭhi niyatamicchādiṭṭhiyā upanissayapaccayena paccayo…pe…. (1)
ஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே॰…. பகதூபனிஸ்ஸயோ – ராக³ங் உபனிஸ்ஸாய தா³னங் தே³தி, ஸீலங் ஸமாதி³யதி, உபோஸத²கம்மங் கரோதி, ஜா²னங்… விபஸ்ஸனங்… அபி⁴ஞ்ஞங் உப்பாதே³தி, ஸமாபத்திங் உப்பாதே³தி…பே॰… பத்த²னங் உபனிஸ்ஸாய தா³னங் தே³தி…பே॰… ஸமாபத்திங் உப்பாதே³தி. ராகோ³…பே॰… பத்த²னா ஸத்³தா⁴ய…பே॰… காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ உபனிஸ்ஸயபச்சயேன பச்சயோ. பாணங் ஹந்த்வா தஸ்ஸ படிகா⁴தத்தா²ய தா³னங் தே³தி, ஸீலங் ஸமாதி³யதி, உபோஸத²கம்மங் கரோதி, ஜா²னங் உப்பாதே³தி, விபஸ்ஸனங் உப்பாதே³தி, அபி⁴ஞ்ஞங் உப்பாதே³தி, ஸமாபத்திங் உப்பாதே³தி…பே॰… ஸங்க⁴ங் பி⁴ந்தி³த்வா தஸ்ஸ படிகா⁴தத்தா²ய தா³னங் தே³தி, ஸீலங் ஸமாதி³யதி, உபோஸத²கம்மங் கரோதி. அகுஸலங் கம்மங் விபாகஸ்ஸ உபனிஸ்ஸயபச்சயேன பச்சயோ. (2)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – rāgaṃ upanissāya dānaṃ deti, sīlaṃ samādiyati, uposathakammaṃ karoti, jhānaṃ… vipassanaṃ… abhiññaṃ uppādeti, samāpattiṃ uppādeti…pe… patthanaṃ upanissāya dānaṃ deti…pe… samāpattiṃ uppādeti. Rāgo…pe… patthanā saddhāya…pe… kāyikassa sukhassa, kāyikassa dukkhassa upanissayapaccayena paccayo. Pāṇaṃ hantvā tassa paṭighātatthāya dānaṃ deti, sīlaṃ samādiyati, uposathakammaṃ karoti, jhānaṃ uppādeti, vipassanaṃ uppādeti, abhiññaṃ uppādeti, samāpattiṃ uppādeti…pe… saṅghaṃ bhinditvā tassa paṭighātatthāya dānaṃ deti, sīlaṃ samādiyati, uposathakammaṃ karoti. Akusalaṃ kammaṃ vipākassa upanissayapaccayena paccayo. (2)
ஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ. பகதூபனிஸ்ஸயோ – ராக³ங் உபனிஸ்ஸாய மக்³க³ங் உப்பாதே³தி, ப²லஸமாபத்திங் ஸமாபஜ்ஜதி. தோ³ஸங்…பே॰… பத்த²னங் உபனிஸ்ஸாய மக்³க³ங் உப்பாதே³தி, ப²லஸமாபத்திங் ஸமாபஜ்ஜதி. ராகோ³…பே॰… பத்த²னா மக்³க³ஸ்ஸ… ப²லஸமாபத்தியா உபனிஸ்ஸயபச்சயேன பச்சயோ. (3)
Saṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo. Pakatūpanissayo – rāgaṃ upanissāya maggaṃ uppādeti, phalasamāpattiṃ samāpajjati. Dosaṃ…pe… patthanaṃ upanissāya maggaṃ uppādeti, phalasamāpattiṃ samāpajjati. Rāgo…pe… patthanā maggassa… phalasamāpattiyā upanissayapaccayena paccayo. (3)
15. அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே॰…. பகதூபனிஸ்ஸயோ – ஸத்³த⁴ங் உபனிஸ்ஸாய தா³னங் தே³தி…பே॰… ஸமாபத்திங் உப்பாதே³தி. ஸீலங்… ஸுதங்… சாக³ங்… பஞ்ஞங்… காயிகங் ஸுக²ங்… காயிகங் து³க்க²ங்… உதுங்… போ⁴ஜனங்… ஸேனாஸனங் உபனிஸ்ஸாய தா³னங் தே³தி…பே॰… ஸமாபத்திங் உப்பாதே³தி. ஸத்³தா⁴…பே॰… ஸேனாஸனங் ஸத்³தா⁴ய…பே॰… காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ உபனிஸ்ஸயபச்சயேன பச்சயோ. குஸலங் கம்மங் விபாகஸ்ஸ உபனிஸ்ஸயபச்சயேன பச்சயோ . பட²மஸ்ஸ ஜா²னஸ்ஸ பரிகம்மங் பட²மஸ்ஸ ஜா²னஸ்ஸ…பே॰… ஆகிஞ்சஞ்ஞாயதனங் நேவஸஞ்ஞானாஸஞ்ஞாயதனஸ்ஸ…பே॰…. (1)
15. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti. Sīlaṃ… sutaṃ… cāgaṃ… paññaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti. Saddhā…pe… senāsanaṃ saddhāya…pe… kāyikassa sukhassa, kāyikassa dukkhassa upanissayapaccayena paccayo. Kusalaṃ kammaṃ vipākassa upanissayapaccayena paccayo . Paṭhamassa jhānassa parikammaṃ paṭhamassa jhānassa…pe… ākiñcaññāyatanaṃ nevasaññānāsaññāyatanassa…pe…. (1)
அஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே॰…. பகதூபனிஸ்ஸயோ – ஸத்³த⁴ங் உபனிஸ்ஸாய மானங் ஜப்பேதி, தி³ட்டி²ங் க³ண்ஹாதி; ஸீலங்…பே॰… ஸேனாஸனங் உபனிஸ்ஸாய பாணங் ஹனதி…பே॰… ஸங்க⁴ங் பி⁴ந்த³தி, ஸத்³தா⁴…பே॰… ஸேனாஸனங் ராக³ஸ்ஸ…பே॰… பத்த²னாய உபனிஸ்ஸயபச்சயேன பச்சயோ. (2)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya pāṇaṃ hanati…pe… saṅghaṃ bhindati, saddhā…pe… senāsanaṃ rāgassa…pe… patthanāya upanissayapaccayena paccayo. (2)
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே॰…. பகதூபனிஸ்ஸயோ – பட²மஸ்ஸ மக்³க³ஸ்ஸ பரிகம்மங் பட²மஸ்ஸ மக்³க³ஸ்ஸ…பே॰… து³தியஸ்ஸ மக்³க³ஸ்ஸ…பே॰… ததியஸ்ஸ மக்³க³ஸ்ஸ…பே॰… சதுத்த²ஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. (3)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paṭhamassa maggassa parikammaṃ paṭhamassa maggassa…pe… dutiyassa maggassa…pe… tatiyassa maggassa…pe… catutthassa maggassa upanissayapaccayena paccayo. (3)
16. அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே॰…. பகதூபனிஸ்ஸயோ – பட²மோ மக்³கோ³ து³தியஸ்ஸ மக்³க³ஸ்ஸ…பே॰… து³தியோ மக்³கோ³ ததியஸ்ஸ மக்³க³ஸ்ஸ…பே॰… ததியோ மக்³கோ³ சதுத்த²ஸ்ஸ மக்³க³ஸ்ஸ…பே॰… மக்³கோ³ ப²லஸமாபத்தியா உபனிஸ்ஸயபச்சயேன பச்சயோ. (1)
16. Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paṭhamo maggo dutiyassa maggassa…pe… dutiyo maggo tatiyassa maggassa…pe… tatiyo maggo catutthassa maggassa…pe… maggo phalasamāpattiyā upanissayapaccayena paccayo. (1)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே॰…. பகதூபனிஸ்ஸயோ – அரியா மக்³க³ங் உபனிஸ்ஸாய அனுப்பன்னங் ஸமாபத்திங் உப்பாதெ³ந்தி, உப்பன்னங் ஸமாபத்திங் ஸமாபஜ்ஜந்தி, ஸங்கா²ரே அனிச்சதோ து³க்க²தோ அனத்ததோ விபஸ்ஸந்தி. மக்³கோ³ அரியானங் அத்த²ப்படிஸம்பி⁴தா³ய…பே॰… டா²னாடா²னகோஸல்லஸ்ஸ உபனிஸ்ஸயபச்சயேன பச்சயோ. ப²லஸமாபத்தி காயிகஸ்ஸ ஸுக²ஸ்ஸ உபனிஸ்ஸயபச்சயேன பச்சயோ. (2)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ariyā maggaṃ upanissāya anuppannaṃ samāpattiṃ uppādenti, uppannaṃ samāpattiṃ samāpajjanti, saṅkhāre aniccato dukkhato anattato vipassanti. Maggo ariyānaṃ atthappaṭisambhidāya…pe… ṭhānāṭhānakosallassa upanissayapaccayena paccayo. Phalasamāpatti kāyikassa sukhassa upanissayapaccayena paccayo. (2)
புரேஜாதபச்சயோ
Purejātapaccayo
17. அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதங், வத்து²புரேஜாதங். ஆரம்மணபுரேஜாதங் – சக்கு²ங் அனிச்சதோ து³க்க²தோ அனத்ததோ விபஸ்ஸதி; ஸோதங்… கா⁴னங்… ஜிவ்ஹங்… காயங்… ரூபே… ஸத்³தே³… க³ந்தே⁴… ரஸே… பொ²ட்ட²ப்³பே³… வத்து²ங் அனிச்சதோ து³க்க²தோ அனத்ததோ விபஸ்ஸதி, தி³ப்³பே³ன சக்கு²னா ரூபங் பஸ்ஸதி, தி³ப்³பா³ய ஸோததா⁴துயா ஸத்³த³ங் ஸுணாதி. ரூபாயதனங் சக்கு²விஞ்ஞாணஸ்ஸ…பே॰… பொ²ட்ட²ப்³பா³யதனங் காயவிஞ்ஞாணஸ்ஸ புரேஜாதபச்சயேன பச்சயோ. வத்து²புரேஜாதங் – சக்கா²யதனங் சக்கு²விஞ்ஞாணஸ்ஸ…பே॰… காயாயதனங் காயவிஞ்ஞாணஸ்ஸ புரேஜாதபச்சயேன பச்சயோ. வத்து² அஸங்கிலிட்ட²ஸங்கிலேஸிகானங் க²ந்தா⁴னங் புரேஜாதபச்சயேன பச்சயோ. (1)
17. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ aniccato dukkhato anattato vipassati; sotaṃ… ghānaṃ… jivhaṃ… kāyaṃ… rūpe… sadde… gandhe… rase… phoṭṭhabbe… vatthuṃ aniccato dukkhato anattato vipassati, dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa purejātapaccayena paccayo. Vatthu asaṃkiliṭṭhasaṃkilesikānaṃ khandhānaṃ purejātapaccayena paccayo. (1)
அஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதங், வத்து²புரேஜாதங். ஆரம்மணபுரேஜாதங் – சக்கு²ங் அஸ்ஸாதே³தி அபி⁴னந்த³தி; தங் ஆரப்³ப⁴ ராகோ³ உப்பஜ்ஜதி…பே॰… தோ³மனஸ்ஸங் உப்பஜ்ஜதி. ஸோதங்…பே॰… பொ²ட்ட²ப்³பே³… வத்து²ங் அஸ்ஸாதே³தி அபி⁴னந்த³தி ; தங் ஆரப்³ப⁴ ராகோ³ உப்பஜ்ஜதி…பே॰… தோ³மனஸ்ஸங் உப்பஜ்ஜதி. வத்து²புரேஜாதங் – வத்து² ஸங்கிலிட்ட²ஸங்கிலேஸிகானங் க²ந்தா⁴னங் புரேஜாதபச்சயேன பச்சயோ. (2)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… phoṭṭhabbe… vatthuṃ assādeti abhinandati ; taṃ ārabbha rāgo uppajjati…pe… domanassaṃ uppajjati. Vatthupurejātaṃ – vatthu saṃkiliṭṭhasaṃkilesikānaṃ khandhānaṃ purejātapaccayena paccayo. (2)
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ புரேஜாதபச்சயேன பச்சயோ – வத்து² அஸங்கிலிட்ட²அஸங்கிலேஸிகானங் க²ந்தா⁴னங் புரேஜாதபச்சயேன பச்சயோ. (3)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa purejātapaccayena paccayo – vatthu asaṃkiliṭṭhaasaṃkilesikānaṃ khandhānaṃ purejātapaccayena paccayo. (3)
பச்சா²ஜாதபச்சயோ
Pacchājātapaccayo
18. ஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா ஸங்கிலிட்ட²ஸங்கிலேஸிகா க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)
18. Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa pacchājātapaccayena paccayo – pacchājātā saṃkiliṭṭhasaṃkilesikā khandhā purejātassa imassa kāyassa pacchājātapaccayena paccayo. (1)
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா அஸங்கிலிட்ட²ஸங்கிலேஸிகா க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa pacchājātapaccayena paccayo – pacchājātā asaṃkiliṭṭhasaṃkilesikā khandhā purejātassa imassa kāyassa pacchājātapaccayena paccayo. (1)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா அஸங்கிலிட்ட²அஸங்கிலேஸிகா க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa pacchājātapaccayena paccayo – pacchājātā asaṃkiliṭṭhaasaṃkilesikā khandhā purejātassa imassa kāyassa pacchājātapaccayena paccayo. (1)
ஆஸேவனபச்சயோ
Āsevanapaccayo
19. ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆஸேவனபச்சயேன பச்சயோ – புரிமா புரிமா ஸங்கிலிட்ட²ஸங்கிலேஸிகா க²ந்தா⁴ பச்சி²மானங் பச்சி²மானங் ஸங்கிலிட்ட²ஸங்கிலேஸிகானங் க²ந்தா⁴னங் ஆஸேவனபச்சயேன பச்சயோ. (1)
19. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa āsevanapaccayena paccayo – purimā purimā saṃkiliṭṭhasaṃkilesikā khandhā pacchimānaṃ pacchimānaṃ saṃkiliṭṭhasaṃkilesikānaṃ khandhānaṃ āsevanapaccayena paccayo. (1)
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆஸேவனபச்சயேன பச்சயோ – புரிமா புரிமா…பே॰… அனுலோமங் கொ³த்ரபு⁴ஸ்ஸ… அனுலோமங் வோதா³னஸ்ஸ ஆஸேவனபச்சயேன பச்சயோ. (1)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa āsevanapaccayena paccayo – purimā purimā…pe… anulomaṃ gotrabhussa… anulomaṃ vodānassa āsevanapaccayena paccayo. (1)
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ ஆஸேவனபச்சயேன பச்சயோ – கொ³த்ரபு⁴ மக்³க³ஸ்ஸ… வோதா³னங் மக்³க³ஸ்ஸ ஆஸேவனபச்சயேன பச்சயோ. (2)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa āsevanapaccayena paccayo – gotrabhu maggassa… vodānaṃ maggassa āsevanapaccayena paccayo. (2)
கம்மபச்சயோ
Kammapaccayo
20. ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ கம்மபச்சயேன பச்சயோ – ஸங்கிலிட்ட²ஸங்கிலேஸிகா சேதனா ஸம்பயுத்தகானங் க²ந்தா⁴னங் கம்மபச்சயேன பச்சயோ. (1)
20. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa kammapaccayena paccayo – saṃkiliṭṭhasaṃkilesikā cetanā sampayuttakānaṃ khandhānaṃ kammapaccayena paccayo. (1)
ஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – ஸங்கிலிட்ட²ஸங்கிலேஸிகா சேதனா சித்தஸமுட்டா²னானங் ரூபானங் கம்மபச்சயேன பச்சயோ. நானாக்க²ணிகா – ஸங்கிலிட்ட²ஸங்கிலேஸிகா சேதனா விபாகானங் க²ந்தா⁴னங் கடத்தா ச ரூபானங் கம்மபச்சயேன பச்சயோ. (2)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa kammapaccayena paccayo – sahajātā, nānākkhaṇikā. Sahajātā – saṃkiliṭṭhasaṃkilesikā cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – saṃkiliṭṭhasaṃkilesikā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (2)
ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ ச அஸங்கிலிட்ட²ஸங்கிலேஸிகஸ்ஸ ச த⁴ம்மஸ்ஸ கம்மபச்சயேன பச்சயோ – ஸங்கிலிட்ட²ஸங்கிலேஸிகா சேதனா ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் கம்மபச்சயேன பச்சயோ. (3)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa kammapaccayena paccayo – saṃkiliṭṭhasaṃkilesikā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – அஸங்கிலிட்ட²ஸங்கிலேஸிகா சேதனா ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் கம்மபச்சயேன பச்சயோ. படிஸந்தி⁴க்க²ணே…பே॰…. நானாக்க²ணிகா – அஸங்கிலிட்ட²ஸங்கிலேஸிகா சேதனா விபாகானங் க²ந்தா⁴னங் கடத்தா ச ரூபானங் கம்மபச்சயேன பச்சயோ. (1)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa kammapaccayena paccayo – sahajātā, nānākkhaṇikā. Sahajātā – asaṃkiliṭṭhasaṃkilesikā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – asaṃkiliṭṭhasaṃkilesikā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – அஸங்கிலிட்ட²அஸங்கிலேஸிகா சேதனா ஸம்பயுத்தகானங் க²ந்தா⁴னங் கம்மபச்சயேன பச்சயோ. நானாக்க²ணிகா – அஸங்கிலிட்ட²அஸங்கிலேஸிகா குஸலா சேதனா விபாகானங் அஸங்கிலிட்ட²அஸங்கிலேஸிகானங் க²ந்தா⁴னங் கம்மபச்சயேன பச்சயோ. (1)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa kammapaccayena paccayo – sahajātā, nānākkhaṇikā. Sahajātā – asaṃkiliṭṭhaasaṃkilesikā cetanā sampayuttakānaṃ khandhānaṃ kammapaccayena paccayo. Nānākkhaṇikā – asaṃkiliṭṭhaasaṃkilesikā kusalā cetanā vipākānaṃ asaṃkiliṭṭhaasaṃkilesikānaṃ khandhānaṃ kammapaccayena paccayo. (1)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா அஸங்கிலிட்ட²அஸங்கிலேஸிகா சேதனா சித்தஸமுட்டா²னானங் ரூபானங் கம்மபச்சயேன பச்சயோ. (2)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa kammapaccayena paccayo – sahajātā asaṃkiliṭṭhaasaṃkilesikā cetanā cittasamuṭṭhānānaṃ rūpānaṃ kammapaccayena paccayo. (2)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ ச அஸங்கிலிட்ட²அஸங்கிலேஸிகஸ்ஸ ச த⁴ம்மஸ்ஸ கம்மபச்சயேன பச்சயோ – ஸஹஜாதா அஸங்கிலிட்ட²அஸங்கிலேஸிகா சேதனா ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் கம்மபச்சயேன பச்சயோ. (3)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa kammapaccayena paccayo – sahajātā asaṃkiliṭṭhaasaṃkilesikā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)
விபாகபச்சயோ
Vipākapaccayo
21. அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ விபாகபச்சயேன பச்சயோ – விபாகோ அஸங்கிலிட்ட²ஸங்கிலேஸிகோ ஏகோ க²ந்தோ⁴ திண்ணன்னங் க²ந்தா⁴னங் சித்தஸமுட்டா²னானஞ்ச ரூபானங் விபாகபச்சயேன பச்சயோ…பே॰… த்³வே க²ந்தா⁴ த்³வின்னங் க²ந்தா⁴னங்…பே॰… படிஸந்தி⁴க்க²ணே அஸங்கிலிட்ட²ஸங்கிலேஸிகோ ஏகோ க²ந்தோ⁴ திண்ணன்னங் க²ந்தா⁴னங் கடத்தா ச ரூபானங் விபாகபச்சயேன பச்சயோ =19 …பே॰… த்³வே க²ந்தா⁴ த்³வின்னங் க²ந்தா⁴னங்…பே॰… க²ந்தா⁴ வத்து²ஸ்ஸ விபாகபச்சயேன பச்சயோ. (1)
21. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa vipākapaccayena paccayo – vipāko asaṃkiliṭṭhasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ vipākapaccayena paccayo…pe… dve khandhā dvinnaṃ khandhānaṃ…pe… paṭisandhikkhaṇe asaṃkiliṭṭhasaṃkilesiko eko khandho tiṇṇannaṃ khandhānaṃ kaṭattā ca rūpānaṃ vipākapaccayena paccayo =19 …pe… dve khandhā dvinnaṃ khandhānaṃ…pe… khandhā vatthussa vipākapaccayena paccayo. (1)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ விபாகபச்சயேன பச்சயோ – விபாகோ அஸங்கிலிட்ட²அஸங்கிலேஸிகோ ஏகோ க²ந்தோ⁴ திண்ணன்னங் க²ந்தா⁴னங் விபாகபச்சயேன பச்சயோ…பே॰… த்³வே க²ந்தா⁴ த்³வின்னங் க²ந்தா⁴னங்…பே॰…. (1)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa vipākapaccayena paccayo – vipāko asaṃkiliṭṭhaasaṃkilesiko eko khandho tiṇṇannaṃ khandhānaṃ vipākapaccayena paccayo…pe… dve khandhā dvinnaṃ khandhānaṃ…pe…. (1)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ விபாகபச்சயேன பச்சயோ – விபாகா அஸங்கிலிட்ட²அஸங்கிலேஸிகா க²ந்தா⁴ சித்தஸமுட்டா²னானங் ரூபானங் விபாகபச்சயேன பச்சயோ. (2) அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ ச அஸங்கிலிட்ட²அஸங்கிலேஸிகஸ்ஸ ச த⁴ம்மஸ்ஸ விபாகபச்சயேன பச்சயோ – விபாகோ அஸங்கிலிட்ட²அஸங்கிலேஸிகோ ஏகோ க²ந்தோ⁴ திண்ணன்னங் க²ந்தா⁴னங் சித்தஸமுட்டா²னானஞ்ச ரூபானங் விபாகபச்சயேன பச்சயோ…பே॰… த்³வே க²ந்தா⁴…பே॰…. (3)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa vipākapaccayena paccayo – vipākā asaṃkiliṭṭhaasaṃkilesikā khandhā cittasamuṭṭhānānaṃ rūpānaṃ vipākapaccayena paccayo. (2) Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa vipākapaccayena paccayo – vipāko asaṃkiliṭṭhaasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ vipākapaccayena paccayo…pe… dve khandhā…pe…. (3)
ஆஹாரபச்சயோ
Āhārapaccayo
22. ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆஹாரபச்சயேன பச்சயோ… தீணி.
22. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa āhārapaccayena paccayo… tīṇi.
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆஹாரபச்சயேன பச்சயோ – அஸங்கிலிட்ட²ஸங்கிலேஸிகா ஆஹாரா ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் ஆஹாரபச்சயேன பச்சயோ. படிஸந்தி⁴க்க²ணே…பே॰… கப³ளீகாரோ ஆஹாரோ இமஸ்ஸ காயஸ்ஸ ஆஹாரபச்சயேன பச்சயோ.
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa āhārapaccayena paccayo – asaṃkiliṭṭhasaṃkilesikā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo. Paṭisandhikkhaṇe…pe… kabaḷīkāro āhāro imassa kāyassa āhārapaccayena paccayo.
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ ஆஹாரபச்சயேன பச்சயோ… தீணி.
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa āhārapaccayena paccayo… tīṇi.
இந்த்³ரியபச்சயோ
Indriyapaccayo
23. ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ இந்த்³ரியபச்சயேன பச்சயோ… தீணி.
23. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa indriyapaccayena paccayo… tīṇi.
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ இந்த்³ரியபச்சயேன பச்சயோ – அஸங்கிலிட்ட²ஸங்கிலேஸிகா இந்த்³ரியா ஸம்பயுத்தகானங் க²ந்தா⁴னங் சித்தஸமுட்டா²னானஞ்ச ரூபானங் இந்த்³ரியபச்சயேன பச்சயோ; படிஸந்தி⁴க்க²ணே…பே॰… சக்கு²ந்த்³ரியங் சக்கு²விஞ்ஞாணஸ்ஸ…பே॰… காயிந்த்³ரியங் காயவிஞ்ஞாணஸ்ஸ இந்த்³ரியபச்சயேன பச்சயோ. ரூபஜீவிதிந்த்³ரியங் கடத்தாரூபானங் இந்த்³ரியபச்சயேன பச்சயோ.
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa indriyapaccayena paccayo – asaṃkiliṭṭhasaṃkilesikā indriyā sampayuttakānaṃ khandhānaṃ cittasamuṭṭhānānañca rūpānaṃ indriyapaccayena paccayo; paṭisandhikkhaṇe…pe… cakkhundriyaṃ cakkhuviññāṇassa…pe… kāyindriyaṃ kāyaviññāṇassa indriyapaccayena paccayo. Rūpajīvitindriyaṃ kaṭattārūpānaṃ indriyapaccayena paccayo.
அஸங்கிலிட்ட²அஸங்கிலேஸிகோ த⁴ம்மோ… தீணி.
Asaṃkiliṭṭhaasaṃkilesiko dhammo… tīṇi.
ஜா²னபச்சயாதி³
Jhānapaccayādi
24. ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஜா²னபச்சயேன பச்சயோ… மக்³க³பச்சயேன பச்சயோ… ஸம்பயுத்தபச்சயேன பச்சயோ.
24. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa jhānapaccayena paccayo… maggapaccayena paccayo… sampayuttapaccayena paccayo.
விப்பயுத்தபச்சயோ
Vippayuttapaccayo
25. ஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதங், பச்சா²ஜாதங். ஸஹஜாதா – ஸங்கிலிட்ட²ஸங்கிலேஸிகா க²ந்தா⁴ சித்தஸமுட்டா²னானங் ரூபானங் விப்பயுத்தபச்சயேன பச்சயோ. பச்சா²ஜாதா – ஸங்கிலிட்ட²ஸங்கிலேஸிகா க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)
25. Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa vippayuttapaccayena paccayo – sahajātaṃ, pacchājātaṃ. Sahajātā – saṃkiliṭṭhasaṃkilesikā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – saṃkiliṭṭhasaṃkilesikā khandhā purejātassa imassa kāyassa vippayuttapaccayena paccayo. (1)
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதங், புரேஜாதங், பச்சா²ஜாதங். ஸஹஜாதா – அஸங்கிலிட்ட²ஸங்கிலேஸிகா க²ந்தா⁴ சித்தஸமுட்டா²னானங் ரூபானங் விப்பயுத்தபச்சயேன பச்சயோ; படிஸந்தி⁴க்க²ணே அஸங்கிலிட்ட²ஸங்கிலேஸிகா க²ந்தா⁴ கடத்தாரூபானங் விப்பயுத்தபச்சயேன பச்சயோ. க²ந்தா⁴ வத்து²ஸ்ஸ…பே॰… வத்து² க²ந்தா⁴னங் விப்பயுத்தபச்சயேன பச்சயோ. புரேஜாதங் – சக்கா²யதனங் சக்கு²விஞ்ஞாணஸ்ஸ…பே॰… காயாயதனங் காயவிஞ்ஞாணஸ்ஸ விப்பயுத்தபச்சயேன பச்சயோ. வத்து² அஸங்கிலிட்ட²ஸங்கிலேஸிகானங் க²ந்தா⁴னங் விப்பயுத்தபச்சயேன பச்சயோ. பச்சா²ஜாதா – அஸங்கிலிட்ட²ஸங்கிலேஸிகா க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa vippayuttapaccayena paccayo – sahajātaṃ, purejātaṃ, pacchājātaṃ. Sahajātā – asaṃkiliṭṭhasaṃkilesikā khandhā cittasamuṭṭhānānaṃ rūpānaṃ vippayuttapaccayena paccayo; paṭisandhikkhaṇe asaṃkiliṭṭhasaṃkilesikā khandhā kaṭattārūpānaṃ vippayuttapaccayena paccayo. Khandhā vatthussa…pe… vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa vippayuttapaccayena paccayo. Vatthu asaṃkiliṭṭhasaṃkilesikānaṃ khandhānaṃ vippayuttapaccayena paccayo. Pacchājātā – asaṃkiliṭṭhasaṃkilesikā khandhā purejātassa imassa kāyassa vippayuttapaccayena paccayo. (1)
அஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதங் – வத்து² ஸங்கிலிட்ட²ஸங்கிலேஸிகானங் க²ந்தா⁴னங் விப்பயுத்தபச்சயேன பச்சயோ. (2)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa vippayuttapaccayena paccayo. Purejātaṃ – vatthu saṃkiliṭṭhasaṃkilesikānaṃ khandhānaṃ vippayuttapaccayena paccayo. (2)
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதங் – வத்து² அஸங்கிலிட்ட²அஸங்கிலேஸிகானங் க²ந்தா⁴னங் விப்பயுத்தபச்சயேன பச்சயோ. (3)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa vippayuttapaccayena paccayo. Purejātaṃ – vatthu asaṃkiliṭṭhaasaṃkilesikānaṃ khandhānaṃ vippayuttapaccayena paccayo. (3)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதங், பச்சா²ஜாதங். ஸஹஜாதா – அஸங்கிலிட்ட²அஸங்கிலேஸிகா க²ந்தா⁴ சித்தஸமுட்டா²னானங் ரூபானங் விப்பயுத்தபச்சயேன பச்சயோ. பச்சா²ஜாதா – அஸங்கிலிட்ட²அஸங்கிலேஸிகா க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa vippayuttapaccayena paccayo – sahajātaṃ, pacchājātaṃ. Sahajātā – asaṃkiliṭṭhaasaṃkilesikā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – asaṃkiliṭṭhaasaṃkilesikā khandhā purejātassa imassa kāyassa vippayuttapaccayena paccayo. (1)
அத்தி²பச்சயோ
Atthipaccayo
26. ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அத்தி²பச்சயேன பச்சயோ – ஸங்கிலிட்ட²ஸங்கிலேஸிகோ ஏகோ க²ந்தோ⁴ திண்ணன்னங் க²ந்தா⁴னங் அத்தி²பச்சயேன பச்சயோ. (1)
26. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa atthipaccayena paccayo – saṃkiliṭṭhasaṃkilesiko eko khandho tiṇṇannaṃ khandhānaṃ atthipaccayena paccayo. (1)
ஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதங், பச்சா²ஜாதங். ஸஹஜாதா – ஸங்கிலிட்ட²ஸங்கிலேஸிகா க²ந்தா⁴ சித்தஸமுட்டா²னானங் ரூபானங் அத்தி²பச்சயேன பச்சயோ. பச்சா²ஜாதா – ஸங்கிலிட்ட²ஸங்கிலேஸிகா க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. (2)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa atthipaccayena paccayo – sahajātaṃ, pacchājātaṃ. Sahajātā – saṃkiliṭṭhasaṃkilesikā khandhā cittasamuṭṭhānānaṃ rūpānaṃ atthipaccayena paccayo. Pacchājātā – saṃkiliṭṭhasaṃkilesikā khandhā purejātassa imassa kāyassa atthipaccayena paccayo. (2)
ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ ச அஸங்கிலிட்ட²ஸங்கிலேஸிகஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸங்கிலிட்ட²ஸங்கிலேஸிகோ ஏகோ க²ந்தோ⁴ திண்ணன்னங் க²ந்தா⁴னங் சித்தஸமுட்டா²னானஞ்ச ரூபானங் அத்தி²பச்சயேன பச்சயோ…பே॰… த்³வே க²ந்தா⁴…பே॰…. (3)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa atthipaccayena paccayo – saṃkiliṭṭhasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe…. (3)
27. அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதங், புரேஜாதங், பச்சா²ஜாதங், ஆஹாரங் , இந்த்³ரியங். ஸஹஜாதோ – அஸங்கிலிட்ட²ஸங்கிலேஸிகோ ஏகோ க²ந்தோ⁴ திண்ணன்னங் க²ந்தா⁴னங் சித்தஸமுட்டா²னானஞ்ச ரூபானங் அத்தி²பச்சயேன பச்சயோ…பே॰… படிஸந்தி⁴க்க²ணே…பே॰… அஸஞ்ஞஸத்தானங் ஏகங் மஹாபூ⁴தங் திண்ணன்னங் மஹாபூ⁴தானங் அத்தி²பச்சயேன பச்சயோ…பே॰… புரேஜாதங் – சக்கு²ங் அனிச்சதோ து³க்க²தோ அனத்ததோ விபஸ்ஸதி. ஸோதங்…பே॰… காயங்… ரூபே…பே॰… பொ²ட்ட²ப்³பே³… வத்து²ங் அனிச்சதோ து³க்க²தோ அனத்ததோ விபஸ்ஸதி, தி³ப்³பே³ன சக்கு²னா ரூபங் பஸ்ஸதி, தி³ப்³பா³ய ஸோததா⁴துயா ஸத்³த³ங் ஸுணாதி. ரூபாயதனங் சக்கு²விஞ்ஞாணஸ்ஸ…பே॰… பொ²ட்ட²ப்³பா³யதனங் காயவிஞ்ஞாணஸ்ஸ அத்தி²பச்சயேன பச்சயோ. சக்கா²யதனங் சக்கு²விஞ்ஞாணஸ்ஸ…பே॰… காயாயதனங் காயவிஞ்ஞாணஸ்ஸ…பே॰… வத்து² அஸங்கிலிட்ட²ஸங்கிலேஸிகானங் க²ந்தா⁴னங் அத்தி²பச்சயேன பச்சயோ. பச்சா²ஜாதா – அஸங்கிலிட்ட²ஸங்கிலேஸிகா க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. கப³ளீகாரோ ஆஹாரோ இமஸ்ஸ காயஸ்ஸ…பே॰… ரூபஜீவிதிந்த்³ரியங் கடத்தாரூபானங் அத்தி²பச்சயேன பச்சயோ. (1)
27. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ , indriyaṃ. Sahajāto – asaṃkiliṭṭhasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… paṭisandhikkhaṇe…pe… asaññasattānaṃ ekaṃ mahābhūtaṃ tiṇṇannaṃ mahābhūtānaṃ atthipaccayena paccayo…pe… purejātaṃ – cakkhuṃ aniccato dukkhato anattato vipassati. Sotaṃ…pe… kāyaṃ… rūpe…pe… phoṭṭhabbe… vatthuṃ aniccato dukkhato anattato vipassati, dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa atthipaccayena paccayo. Cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu asaṃkiliṭṭhasaṃkilesikānaṃ khandhānaṃ atthipaccayena paccayo. Pacchājātā – asaṃkiliṭṭhasaṃkilesikā khandhā purejātassa imassa kāyassa atthipaccayena paccayo. Kabaḷīkāro āhāro imassa kāyassa…pe… rūpajīvitindriyaṃ kaṭattārūpānaṃ atthipaccayena paccayo. (1)
அஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அத்தி²பச்சயேன பச்சயோ. புரேஜாதங் – சக்கு²ங் அஸ்ஸாதே³தி அபி⁴னந்த³தி; தங் ஆரப்³ப⁴ ராகோ³ உப்பஜ்ஜதி…பே॰… தோ³மனஸ்ஸங் உப்பஜ்ஜதி; வத்து²ங் அஸ்ஸாதே³தி…பே॰… வத்து² ஸங்கிலிட்ட²ஸங்கிலேஸிகானங் க²ந்தா⁴னங் அத்தி²பச்சயேன பச்சயோ. (2)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa atthipaccayena paccayo. Purejātaṃ – cakkhuṃ assādeti abhinandati; taṃ ārabbha rāgo uppajjati…pe… domanassaṃ uppajjati; vatthuṃ assādeti…pe… vatthu saṃkiliṭṭhasaṃkilesikānaṃ khandhānaṃ atthipaccayena paccayo. (2)
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ அத்தி²பச்சயேன பச்சயோ. புரேஜாதங் – வத்து² அஸங்கிலிட்ட²அஸங்கிலேஸிகானங் க²ந்தா⁴னங் அத்தி²பச்சயேன பச்சயோ. (3)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa atthipaccayena paccayo. Purejātaṃ – vatthu asaṃkiliṭṭhaasaṃkilesikānaṃ khandhānaṃ atthipaccayena paccayo. (3)
28. அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ அத்தி²பச்சயேன பச்சயோ – அஸங்கிலிட்ட²அஸங்கிலேஸிகோ ஏகோ க²ந்தோ⁴ திண்ணன்னங் க²ந்தா⁴னங் அத்தி²பச்சயேன பச்சயோ…. (1)
28. Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa atthipaccayena paccayo – asaṃkiliṭṭhaasaṃkilesiko eko khandho tiṇṇannaṃ khandhānaṃ atthipaccayena paccayo…. (1)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலிஸிகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதங், பச்சா²ஜாதங். ஸஹஜாதா – அஸங்கிலிட்ட²அஸங்கிலேஸிகா க²ந்தா⁴ சித்தஸமுட்டா²னானங் ரூபானங் அத்தி²பச்சயேன பச்சயோ. பச்சா²ஜாதா – அஸங்கிலிட்ட²அஸங்கிலேஸிகா க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. (2)
Asaṃkiliṭṭhaasaṃkilesiko dhammo asaṅkiliṭṭhasaṃkilisikassa dhammassa atthipaccayena paccayo – sahajātaṃ, pacchājātaṃ. Sahajātā – asaṃkiliṭṭhaasaṃkilesikā khandhā cittasamuṭṭhānānaṃ rūpānaṃ atthipaccayena paccayo. Pacchājātā – asaṃkiliṭṭhaasaṃkilesikā khandhā purejātassa imassa kāyassa atthipaccayena paccayo. (2)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ ச அஸங்கிலிட்ட²அஸங்கிலேஸிகஸ்ஸ ச த⁴ம்மஸ்ஸ அத்தி²பச்சயேன பச்சயோ – அஸங்கிலிட்ட²அஸங்கிலேஸிகோ ஏகோ க²ந்தோ⁴ திண்ணன்னங் க²ந்தா⁴னங் சித்தஸமுட்டா²னானஞ்ச ரூபானங் அத்தி²பச்சயேன பச்சயோ…. (3)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa atthipaccayena paccayo – asaṃkiliṭṭhaasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…. (3)
29. அஸங்கிலிட்ட²ஸங்கிலேஸிகோ ச அஸங்கிலிட்ட²அஸங்கிலேஸிகோ ச த⁴ம்மா அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதங், பச்சா²ஜாதங், ஆஹாரங், இந்த்³ரியங். ஸஹஜாதா – அஸங்கிலிட்ட²அஸங்கிலேஸிகா க²ந்தா⁴ ச மஹாபூ⁴தா ச சித்தஸமுட்டா²னானங் ரூபானங் அத்தி²பச்சயேன பச்சயோ. பச்சா²ஜாதா – அஸங்கிலிட்ட²அஸங்கிலேஸிகா க²ந்தா⁴ ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – அஸங்கிலிட்ட²ஸங்கிலேஸிகா க²ந்தா⁴ ச ரூபஜீவிதிந்த்³ரியஞ்ச கடத்தாரூபானங் அத்தி²பச்சயேன பச்சயோ. (1)
29. Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhasaṃkilesikassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – asaṃkiliṭṭhaasaṃkilesikā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – asaṃkiliṭṭhaasaṃkilesikā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – asaṃkiliṭṭhasaṃkilesikā khandhā ca rūpajīvitindriyañca kaṭattārūpānaṃ atthipaccayena paccayo. (1)
அஸங்கிலிட்ட²ஸங்கிலேஸிகோ ச அஸங்கிலிட்ட²அஸங்கிலேஸிகோ ச த⁴ம்மா அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதங், புரேஜாதங். ஸஹஜாதோ – அஸங்கிலிட்ட²அஸங்கிலேஸிகோ ஏகோ க²ந்தோ⁴ ச வத்து² ச திண்ணன்னங் க²ந்தா⁴னங் அத்தி²பச்சயேன பச்சயோ…பே॰…. (2)
Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhaasaṃkilesikassa dhammassa atthipaccayena paccayo – sahajātaṃ, purejātaṃ. Sahajāto – asaṃkiliṭṭhaasaṃkilesiko eko khandho ca vatthu ca tiṇṇannaṃ khandhānaṃ atthipaccayena paccayo…pe…. (2)
ஸங்கிலிட்ட²ஸங்கிலேஸிகோ ச அஸங்கிலிட்ட²ஸங்கிலேஸிகோ ச த⁴ம்மா ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதங், புரேஜாதங். ஸஹஜாதோ – ஸங்கிலிட்ட²ஸங்கிலேஸிகோ ஏகோ க²ந்தோ⁴ ச வத்து² ச திண்ணன்னங் க²ந்தா⁴னங் அத்தி²பச்சயேன பச்சயோ… த்³வே க²ந்தா⁴…பே॰…. (1)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā saṃkiliṭṭhasaṃkilesikassa dhammassa atthipaccayena paccayo – sahajātaṃ, purejātaṃ. Sahajāto – saṃkiliṭṭhasaṃkilesiko eko khandho ca vatthu ca tiṇṇannaṃ khandhānaṃ atthipaccayena paccayo… dve khandhā…pe…. (1)
ஸங்கிலிட்ட²ஸங்கிலேஸிகோ ச அஸங்கிலிட்ட²ஸங்கிலேஸிகோ ச த⁴ம்மா அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதங், பச்சா²ஜாதங், ஆஹாரங், இந்த்³ரியங். ஸஹஜாதா – ஸங்கிலிட்ட²ஸங்கிலேஸிகா க²ந்தா⁴ ச மஹாபூ⁴தா ச சித்தஸமுட்டா²னானங் ரூபானங் அத்தி²பச்சயேன பச்சயோ. பச்சா²ஜாதா – ஸங்கிலிட்ட²ஸங்கிலேஸிகா க²ந்தா⁴ ச கப³ளீகாரோ ஆஹாரோ ச புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – ஸங்கிலிட்ட²ஸங்கிலேஸிகா க²ந்தா⁴ ச ரூபஜீவிதிந்த்³ரியஞ்ச கடத்தாரூபானங் அத்தி²பச்சயேன பச்சயோ. (2)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā asaṃkiliṭṭhasaṃkilesikassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – saṃkiliṭṭhasaṃkilesikā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – saṃkiliṭṭhasaṃkilesikā khandhā ca kabaḷīkāro āhāro ca purejātassa imassa kāyassa atthipaccayena paccayo. Pacchājātā – saṃkiliṭṭhasaṃkilesikā khandhā ca rūpajīvitindriyañca kaṭattārūpānaṃ atthipaccayena paccayo. (2)
நத்தி²-விக³தாவிக³தபச்சயா
Natthi-vigatāvigatapaccayā
30. ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ நத்தி²பச்சயேன பச்சயோ… விக³தபச்சயேன பச்சயோ… அவிக³தபச்சயேன பச்சயோ.
30. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa natthipaccayena paccayo… vigatapaccayena paccayo… avigatapaccayena paccayo.
1. பச்சயானுலோமங்
1. Paccayānulomaṃ
2. ஸங்க்²யாவாரோ
2. Saṅkhyāvāro
ஸுத்³த⁴ங்
Suddhaṃ
31. ஹேதுயா ஸத்த, ஆரம்மணே ச², அதி⁴பதியா அட்ட², அனந்தரே ஸத்த, ஸமனந்தரே ஸத்த, ஸஹஜாதே நவ, அஞ்ஞமஞ்ஞே தீணி, நிஸ்ஸயே தேரஸ, உபனிஸ்ஸயே அட்ட², புரேஜாதே தீணி, பச்சா²ஜாதே தீணி, ஆஸேவனே தீணி, கம்மே ஸத்த, விபாகே சத்தாரி, ஆஹாரே ஸத்த, இந்த்³ரியே ஸத்த, ஜா²னே ஸத்த, மக்³கே³ ஸத்த, ஸம்பயுத்தே தீணி, விப்பயுத்தே பஞ்ச, அத்தி²யா தேரஸ, நத்தி²யா ஸத்த, விக³தே ஸத்த, அவிக³தே தேரஸ.
31. Hetuyā satta, ārammaṇe cha, adhipatiyā aṭṭha, anantare satta, samanantare satta, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane tīṇi, kamme satta, vipāke cattāri, āhāre satta, indriye satta, jhāne satta, magge satta, sampayutte tīṇi, vippayutte pañca, atthiyā terasa, natthiyā satta, vigate satta, avigate terasa.
ஹேதுஸபா⁴க³ங்
Hetusabhāgaṃ
ஹேதுபச்சயா அதி⁴பதியா சத்தாரி, ஸஹஜாதே ஸத்த, அஞ்ஞமஞ்ஞே தீணி, நிஸ்ஸயே ஸத்த, விபாகே சத்தாரி, இந்த்³ரியே சத்தாரி, மக்³கே³ சத்தாரி, ஸம்பயுத்தே தீணி, விப்பயுத்தே தீணி, அத்தி²யா ஸத்த, அவிக³தே ஸத்த.
Hetupaccayā adhipatiyā cattāri, sahajāte satta, aññamaññe tīṇi, nissaye satta, vipāke cattāri, indriye cattāri, magge cattāri, sampayutte tīṇi, vippayutte tīṇi, atthiyā satta, avigate satta.
ஹேதுஸாமஞ்ஞக⁴டனா (9)
Hetusāmaññaghaṭanā (9)
32. ஹேது-ஸஹஜாத-நிஸ்ஸய-அத்தி²-அவிக³தந்தி ஸத்த. ஹேது-ஸஹஜாத-அஞ்ஞமஞ்ஞ-நிஸ்ஸயஅத்தி²-அவிக³தந்தி தீணி. ஹேது-ஸஹஜாத-அஞ்ஞமஞ்ஞ-நிஸ்ஸய-ஸம்பயுத்த-அத்தி²-அவிக³தந்தி தீணி. ஹேது-ஸஹஜாத-நிஸ்ஸய-விப்பயுத்த-அத்தி²-அவிக³தந்தி தீணி. (அவிபாகங் – 4)
32. Hetu-sahajāta-nissaya-atthi-avigatanti satta. Hetu-sahajāta-aññamañña-nissayaatthi-avigatanti tīṇi. Hetu-sahajāta-aññamañña-nissaya-sampayutta-atthi-avigatanti tīṇi. Hetu-sahajāta-nissaya-vippayutta-atthi-avigatanti tīṇi. (Avipākaṃ – 4)
ஹேது-ஸஹஜாத-நிஸ்ஸய-விபாக-அத்தி²-அவிக³தந்தி சத்தாரி. ஹேது-ஸஹஜாத-அஞ்ஞமஞ்ஞனிஸ்ஸய-விபாக-அத்தி²-அவிக³தந்தி த்³வே. ஹேது-ஸஹஜாத-அஞ்ஞமஞ்ஞ-நிஸ்ஸய-விபாகஸம்பயுத்த-அத்தி²-அவிக³தந்தி த்³வே. ஹேது-ஸஹஜாத-நிஸ்ஸய-விபாக-விப்பயுத்த-அத்தி²-அவிக³தந்தி த்³வே. ஹேது-ஸஹஜாத-அஞ்ஞமஞ்ஞ-நிஸ்ஸய-விபாக-விப்பயுத்த-அத்தி²-அவிக³தந்தி ஏகங். (ஸவிபாகங் – 5) (ஸங்கி²த்தங்.)
Hetu-sahajāta-nissaya-vipāka-atthi-avigatanti cattāri. Hetu-sahajāta-aññamaññanissaya-vipāka-atthi-avigatanti dve. Hetu-sahajāta-aññamañña-nissaya-vipākasampayutta-atthi-avigatanti dve. Hetu-sahajāta-nissaya-vipāka-vippayutta-atthi-avigatanti dve. Hetu-sahajāta-aññamañña-nissaya-vipāka-vippayutta-atthi-avigatanti ekaṃ. (Savipākaṃ – 5) (saṃkhittaṃ.)
(யதா² குஸலத்திகே, ஏவங் வித்தா²ரேதப்³ப³ங்).
(Yathā kusalattike, evaṃ vitthāretabbaṃ).
அனுலோமங்.
Anulomaṃ.
பச்சனீயுத்³தா⁴ரோ
Paccanīyuddhāro
33. ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ. (1)
33. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
ஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… பச்சா²ஜாதபச்சயேன பச்சயோ… கம்மபச்சயேன பச்சயோ. (2)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)
ஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ. (3)
Saṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo. (3)
ஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ ச அஸங்கிலிட்ட²ஸங்கிலேஸிகஸ்ஸ ச த⁴ம்மஸ்ஸ ஸஹஜாதபச்சயேன பச்சயோ. (4)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa sahajātapaccayena paccayo. (4)
34. அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… புரேஜாதபச்சயேன பச்சயோ… பச்சா²ஜாதபச்சயேன பச்சயோ… கம்மபச்சயேன பச்சயோ… ஆஹாரபச்சயேன பச்சயோ… இந்த்³ரியபச்சயேன பச்சயோ. (1)
34. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)
அஸங்கிலிட்ட²ஸங்கிலேஸிகோ த⁴ம்மோ ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ… புரேஜாதபச்சயேன பச்சயோ. (2)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (2)
அஸங்கிலிட்ட²ஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ… புரேஜாதபச்சயேன பச்சயோ. (3)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo… purejātapaccayena paccayo. (3)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ. (1)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa sahajātapaccayena paccayo… upanissayapaccayena paccayo. (1)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… பச்சா²ஜாதபச்சயேன பச்சயோ. (2)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)
அஸங்கிலிட்ட²அஸங்கிலேஸிகோ த⁴ம்மோ அஸங்கிலிட்ட²ஸங்கிலேஸிகஸ்ஸ ச அஸங்கிலிட்ட²அஸங்கிலேஸிகஸ்ஸ ச த⁴ம்மஸ்ஸ ஸஹஜாதபச்சயேன பச்சயோ. (3)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa sahajātapaccayena paccayo. (3)
அஸங்கிலிட்ட²ஸங்கிலேஸிகோ ச அஸங்கிலிட்ட²அஸங்கிலேஸிகோ ச த⁴ம்மா அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஸஹஜாதங், பச்சா²ஜாதங், ஆஹாரங், இந்த்³ரியங். (1)
Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhasaṃkilesikassa dhammassa sahajātaṃ, pacchājātaṃ, āhāraṃ, indriyaṃ. (1)
அஸங்கிலிட்ட²ஸங்கிலேஸிகோ ச அஸங்கிலிட்ட²அஸங்கிலேஸிகோ ச த⁴ம்மா அஸங்கிலிட்ட²அஸங்கிலேஸிகஸ்ஸ த⁴ம்மஸ்ஸ ஸஹஜாதங், புரேஜாதங். (2)
Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhaasaṃkilesikassa dhammassa sahajātaṃ, purejātaṃ. (2)
ஸங்கிலிட்ட²ஸங்கிலேஸிகோ ச அஸங்கிலிட்ட²ஸங்கிலேஸிகோ ச த⁴ம்மா ஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஸஹஜாதங், புரேஜாதங். (1)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā saṃkiliṭṭhasaṃkilesikassa dhammassa sahajātaṃ, purejātaṃ. (1)
ஸங்கிலிட்ட²ஸங்கிலேஸிகோ ச அஸங்கிலிட்ட²ஸங்கிலேஸிகோ ச த⁴ம்மா அஸங்கிலிட்ட²ஸங்கிலேஸிகஸ்ஸ த⁴ம்மஸ்ஸ ஸஹஜாதங், பச்சா²ஜாதங், ஆஹாரங், இந்த்³ரியங். (2)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā asaṃkiliṭṭhasaṃkilesikassa dhammassa sahajātaṃ, pacchājātaṃ, āhāraṃ, indriyaṃ. (2)
2. பச்சயபச்சனீயங்
2. Paccayapaccanīyaṃ
ஸுத்³த⁴ங்
Suddhaṃ
35. நஹேதுயா சுத்³த³ஸ, நஆரம்மணே சுத்³த³ஸ, நஅதி⁴பதியா சுத்³த³ஸ, நஅனந்தரே சுத்³த³ஸ, நஸமனந்தரே சுத்³த³ஸ, நஸஹஜாதே த³ஸ, நஅஞ்ஞமஞ்ஞே த³ஸ, நனிஸ்ஸயே த³ஸ, நஉபனிஸ்ஸயே தேரஸ, நபுரேஜாதே த்³வாத³ஸ, நபச்சா²ஜாதே சுத்³த³ஸ, நஆஸேவனே சுத்³த³ஸ, நகம்மே சுத்³த³ஸ, நவிபாகே சுத்³த³ஸ , நஆஹாரே சுத்³த³ஸ, நஇந்த்³ரியே சுத்³த³ஸ, நஜா²னே சுத்³த³ஸ, நமக்³கே³ சுத்³த³ஸ, நஸம்பயுத்தே த³ஸ, நவிப்பயுத்தே அட்ட², நோஅத்தி²யா அட்ட², நோனத்தி²யா சுத்³த³ஸ, நோவிக³தே சுத்³த³ஸ, நோஅவிக³தே அட்ட².
35. Nahetuyā cuddasa, naārammaṇe cuddasa, naadhipatiyā cuddasa, naanantare cuddasa, nasamanantare cuddasa, nasahajāte dasa, naaññamaññe dasa, nanissaye dasa, naupanissaye terasa, napurejāte dvādasa, napacchājāte cuddasa, naāsevane cuddasa, nakamme cuddasa, navipāke cuddasa , naāhāre cuddasa, naindriye cuddasa, najhāne cuddasa, namagge cuddasa, nasampayutte dasa, navippayutte aṭṭha, noatthiyā aṭṭha, nonatthiyā cuddasa, novigate cuddasa, noavigate aṭṭha.
து³கங்
Dukaṃ
நஹேதுபச்சயா நஆரம்மணே சுத்³த³ஸ (ஸங்கி²த்தங்.)
Nahetupaccayā naārammaṇe cuddasa (saṃkhittaṃ.)
(யதா² குஸலத்திகே பச்சனீயக³ணனா, ஏவங் க³ணேதப்³ப³ங்.)
(Yathā kusalattike paccanīyagaṇanā, evaṃ gaṇetabbaṃ.)
பச்சனீயங்.
Paccanīyaṃ.
3. பச்சயானுலோமபச்சனீயங்
3. Paccayānulomapaccanīyaṃ
ஹேதுது³கங்
Hetudukaṃ
36. ஹேதுபச்சயா நஆரம்மணே ஸத்த, நஅதி⁴பதியா ஸத்த, நஅனந்தரே ஸத்த, நஸமனந்தரே ஸத்த, நஅஞ்ஞமஞ்ஞே தீணி, நஉபனிஸ்ஸயே ஸத்த, நபுரேஜாதே ஸத்த, நபச்சா²ஜாதே ஸத்த, நஆஸேவனே ஸத்த, நகம்மே ஸத்த, நவிபாகே ஸத்த, நஆஹாரே ஸத்த, நஇந்த்³ரியே ஸத்த, நஜா²னே ஸத்த, நமக்³கே³ ஸத்த, நஸம்பயுத்தே தீணி, நவிப்பயுத்தே தீணி, நோனத்தி²யா ஸத்த, நோவிக³தே ஸத்த.
36. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe tīṇi, naupanissaye satta, napurejāte satta, napacchājāte satta, naāsevane satta, nakamme satta, navipāke satta, naāhāre satta, naindriye satta, najhāne satta, namagge satta, nasampayutte tīṇi, navippayutte tīṇi, nonatthiyā satta, novigate satta.
க⁴டனா
Ghaṭanā
ஹேது-ஸஹஜாத-நிஸ்ஸய-அத்தி²-அவிக³தந்தி நஆரம்மணே ஸத்த…பே॰… நஅஞ்ஞமஞ்ஞே தீணி…பே॰… நஸம்பயுத்தே தீணி, நவிப்பயுத்தே தீணி…பே॰… நோவிக³தே ஸத்த (ஸங்கி²த்தங்.)
Hetu-sahajāta-nissaya-atthi-avigatanti naārammaṇe satta…pe… naaññamaññe tīṇi…pe… nasampayutte tīṇi, navippayutte tīṇi…pe… novigate satta (saṃkhittaṃ.)
(யதா² குஸலத்திகே அனுலோமபச்சனீயக³ணனா விப⁴த்தா, ஏவங் விப⁴ஜிதப்³ப³ங்.)
(Yathā kusalattike anulomapaccanīyagaṇanā vibhattā, evaṃ vibhajitabbaṃ.)
அனுலோமபச்சனீயங்.
Anulomapaccanīyaṃ.
4. பச்சயபச்சனீயானுலோமங்
4. Paccayapaccanīyānulomaṃ
நஹேதுது³கங்
Nahetudukaṃ
37. நஹேதுபச்சயா ஆரம்மணே ச², அதி⁴பதியா அட்ட², அனந்தரே ஸத்த, ஸமனந்தரே ஸத்த, ஸஹஜாதே நவ, அஞ்ஞமஞ்ஞே தீணி, நிஸ்ஸயே தேரஸ, உபனிஸ்ஸயே அட்ட², புரேஜாதே தீணி, பச்சா²ஜாதே தீணி, ஆஸேவனே தீணி , கம்மே ஸத்த, விபாகே சத்தாரி, ஆஹாரே ஸத்த, இந்த்³ரியே ஸத்த, ஜா²னே ஸத்த, மக்³கே³ ஸத்த, ஸம்பயுத்தே தீணி, விப்பயுத்தே பஞ்ச, அத்தி²யா தேரஸ, நத்தி²யா ஸத்த, விக³தே ஸத்த, அவிக³தே தேரஸ.
37. Nahetupaccayā ārammaṇe cha, adhipatiyā aṭṭha, anantare satta, samanantare satta, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane tīṇi , kamme satta, vipāke cattāri, āhāre satta, indriye satta, jhāne satta, magge satta, sampayutte tīṇi, vippayutte pañca, atthiyā terasa, natthiyā satta, vigate satta, avigate terasa.
திகங்
Tikaṃ
நஹேதுபச்சயா நஆரம்மணபச்சயா அதி⁴பதியா ஸத்த (ஸங்கி²த்தங்.)
Nahetupaccayā naārammaṇapaccayā adhipatiyā satta (saṃkhittaṃ.)
(யதா² குஸலத்திகே பச்சனீயானுலோமக³ணனா விப⁴த்தா, ஏவங் விப⁴ஜிதப்³ப³ங்.)
(Yathā kusalattike paccanīyānulomagaṇanā vibhattā, evaṃ vibhajitabbaṃ.)
பச்சனீயானுலோமங்.
Paccanīyānulomaṃ.
ஸங்கிலிட்ட²த்திகங் நிட்டி²தங்.
Saṃkiliṭṭhattikaṃ niṭṭhitaṃ.
பட்டா²னபாளி பட²மோ பா⁴கோ³ நிட்டி²தோ.
Paṭṭhānapāḷi paṭhamo bhāgo niṭṭhito.
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 5-22. ஸங்கிலிட்ட²த்திகாதி³வண்ணனா • 5-22. Saṅkiliṭṭhattikādivaṇṇanā
