| Library / Tipiṭaka / ติปิฎก • Tipiṭaka / ปฎฺฐานปาฬิ • Paṭṭhānapāḷi |
๕. สํกิลิฎฺฐตฺติกํ
5. Saṃkiliṭṭhattikaṃ
๑. ปฎิจฺจวาโร
1. Paṭiccavāro
๑. ปจฺจยานุโลมํ
1. Paccayānulomaṃ
๑. วิภงฺควาโร
1. Vibhaṅgavāro
เหตุปจฺจโย
Hetupaccayo
๑. สํกิลิฎฺฐสํกิเลสิกํ ธมฺมํ ปฎิจฺจ สํกิลิฎฺฐสํกิเลสิโก ธโมฺม อุปฺปชฺชติ เหตุปจฺจยา – สํกิลิฎฺฐสํกิเลสิกํ เอกํ ขนฺธํ ปฎิจฺจ ตโย ขนฺธา…เป.… เทฺว ขเนฺธ ปฎิจฺจ เทฺว ขนฺธาฯ (๑)
1. Saṃkiliṭṭhasaṃkilesikaṃ dhammaṃ paṭicca saṃkiliṭṭhasaṃkilesiko dhammo uppajjati hetupaccayā – saṃkiliṭṭhasaṃkilesikaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
สํกิลิฎฺฐสํกิเลสิกํ ธมฺมํ ปฎิจฺจ อสํกิลิฎฺฐสํกิเลสิโก ธโมฺม อุปฺปชฺชติ เหตุปจฺจยา – สํกิลิฎฺฐสํกิเลสิเก ขเนฺธ ปฎิจฺจ จิตฺตสมุฎฺฐานํ รูปํฯ (๒)
Saṃkiliṭṭhasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – saṃkiliṭṭhasaṃkilesike khandhe paṭicca cittasamuṭṭhānaṃ rūpaṃ. (2)
สํกิลิฎฺฐสํกิเลสิกํ ธมฺมํ ปฎิจฺจ สํกิลิฎฺฐสํกิเลสิโก จ อสํกิลิฎฺฐสํกิเลสิโก จ ธมฺมา อุปฺปชฺชนฺติ เหตุปจฺจยา – สํกิลิฎฺฐสํกิเลสิกํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ ปฎิจฺจ เทฺว ขนฺธา จิตฺตสมุฎฺฐานญฺจ รูปํฯ (๓)
Saṃkiliṭṭhasaṃkilesikaṃ dhammaṃ paṭicca saṃkiliṭṭhasaṃkilesiko ca asaṃkiliṭṭhasaṃkilesiko ca dhammā uppajjanti hetupaccayā – saṃkiliṭṭhasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. (3)
อสํกิลิฎฺฐสํกิเลสิกํ ธมฺมํ ปฎิจฺจ อสํกิลิฎฺฐสํกิเลสิโก ธโมฺม อุปฺปชฺชติ เหตุปจฺจยา – อสํกิลิฎฺฐสํกิเลสิกํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ ปฎิจฺจ เทฺว ขนฺธา จิตฺตสมุฎฺฐานญฺจ รูปํ ; ปฎิสนฺธิกฺขเณ อสํกิลิฎฺฐสํกิเลสิกํ เอกํ ขนฺธํ ปฎิจฺจ ตโย ขนฺธา กฎตฺตา จ รูปํ…เป.… เทฺว ขเนฺธ ปฎิจฺจ เทฺว ขนฺธา กฎตฺตา จ รูปํ; ขเนฺธ ปฎิจฺจ วตฺถุ, วตฺถุํ ปฎิจฺจ ขนฺธา; เอกํ มหาภูตํ ปฎิจฺจ ตโย มหาภูตา…เป.… มหาภูเต ปฎิจฺจ จิตฺตสมุฎฺฐานํ รูปํ กฎตฺตารูปํ อุปาทารูปํฯ (๑)
Asaṃkiliṭṭhasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – asaṃkiliṭṭhasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ ; paṭisandhikkhaṇe asaṃkiliṭṭhasaṃkilesikaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe paṭicca dve khandhā kaṭattā ca rūpaṃ; khandhe paṭicca vatthu, vatthuṃ paṭicca khandhā; ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
๒. อสํกิลิฎฺฐอสํกิเลสิกํ ธมฺมํ ปฎิจฺจ อสํกิลิฎฺฐอสํกิเลสิโก ธโมฺม อุปฺปชฺชติ เหตุปจฺจยา – อสํกิลิฎฺฐอสํกิเลสิกํ เอกํ ขนฺธํ ปฎิจฺจ ตโย ขนฺธา…เป.… เทฺว ขเนฺธ ปฎิจฺจ เทฺว ขนฺธาฯ (๑)
2. Asaṃkiliṭṭhaasaṃkilesikaṃ dhammaṃ paṭicca asaṃkiliṭṭhaasaṃkilesiko dhammo uppajjati hetupaccayā – asaṃkiliṭṭhaasaṃkilesikaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
อสํกิลิฎฺฐอสํกิเลสิกํ ธมฺมํ ปฎิจฺจ อสํกิลิฎฺฐสํกิเลสิโก ธโมฺม อุปฺปชฺชติ เหตุปจฺจยา – อสํกิลิฎฺฐอสํกิเลสิเก ขเนฺธ ปฎิจฺจ จิตฺตสมุฎฺฐานํ รูปํฯ (๒)
Asaṃkiliṭṭhaasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – asaṃkiliṭṭhaasaṃkilesike khandhe paṭicca cittasamuṭṭhānaṃ rūpaṃ. (2)
อสํกิลิฎฺฐอสํกิเลสิกํ ธมฺมํ ปฎิจฺจ อสํกิลิฎฺฐสํกิเลสิโก จ อสํกิลิฎฺฐอสํกิเลสิโก จ ธมฺมา อุปฺปชฺชนฺติ เหตุปจฺจยา – อสํกิลิฎฺฐอสํกิเลสิกํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ ปฎิจฺจ เทฺว ขนฺธา จิตฺตสมุฎฺฐานญฺจ รูปํฯ (๓)
Asaṃkiliṭṭhaasaṃkilesikaṃ dhammaṃ paṭicca asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā uppajjanti hetupaccayā – asaṃkiliṭṭhaasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. (3)
อสํกิลิฎฺฐสํกิเลสิกญฺจ อสํกิลิฎฺฐอสํกิเลสิกญฺจ ธมฺมํ ปฎิจฺจ อสํกิลิฎฺฐสํกิเลสิโก ธโมฺม อุปฺปชฺชติ เหตุปจฺจยา – อสํกิลิฎฺฐอสํกิเลสิเก ขเนฺธ จ มหาภูเต จ ปฎิจฺจ จิตฺตสมุฎฺฐานํ รูปํฯ (๑)
Asaṃkiliṭṭhasaṃkilesikañca asaṃkiliṭṭhaasaṃkilesikañca dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – asaṃkiliṭṭhaasaṃkilesike khandhe ca mahābhūte ca paṭicca cittasamuṭṭhānaṃ rūpaṃ. (1)
สํกิลิฎฺฐสํกิเลสิกญฺจ อสํกิลิฎฺฐสํกิเลสิกญฺจ ธมฺมํ ปฎิจฺจ อสํกิลิฎฺฐสํกิเลสิโก ธโมฺม อุปฺปชฺชติ เหตุปจฺจยา – สํกิลิฎฺฐสํกิเลสิเก ขเนฺธ จ มหาภูเต จ ปฎิจฺจ จิตฺตสมุฎฺฐานํ รูปํ (สํขิตฺตํ)ฯ (๑)
Saṃkiliṭṭhasaṃkilesikañca asaṃkiliṭṭhasaṃkilesikañca dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – saṃkiliṭṭhasaṃkilesike khandhe ca mahābhūte ca paṭicca cittasamuṭṭhānaṃ rūpaṃ (saṃkhittaṃ). (1)
๑. ปจฺจยานุโลมํ
1. Paccayānulomaṃ
๒. สงฺขฺยาวาโร
2. Saṅkhyāvāro
๓. เหตุยา นว, อารมฺมเณ ตีณิ, อธิปติยา นว, อนนฺตเร ตีณิ, สมนนฺตเร ตีณิ, สหชาเต นว, อญฺญมเญฺญ ตีณิ, นิสฺสเย นว, อุปนิสฺสเย ตีณิ, ปุเรชาเต ตีณิ, อาเสวเน ตีณิ, กเมฺม นว, วิปาเก ปญฺจ, อาหาเร นว…เป.… มเคฺค นว, สมฺปยุเตฺต ตีณิ, วิปฺปยุเตฺต นว…เป.… อวิคเต นว (สํขิตฺตํฯ)
3. Hetuyā nava, ārammaṇe tīṇi, adhipatiyā nava, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane tīṇi, kamme nava, vipāke pañca, āhāre nava…pe… magge nava, sampayutte tīṇi, vippayutte nava…pe… avigate nava (saṃkhittaṃ.)
(ยถา กุสลตฺติเก วิภตฺตํ, เอวํ วิภชิตพฺพํฯ)
(Yathā kusalattike vibhattaṃ, evaṃ vibhajitabbaṃ.)
๒. ปจฺจยปจฺจนียํ
2. Paccayapaccanīyaṃ
นเหตุปจฺจโย
Nahetupaccayo
๔. สํกิลิฎฺฐสํกิเลสิกํ ธมฺมํ ปฎิจฺจ สํกิลิฎฺฐสํกิเลสิโก ธโมฺม อุปฺปชฺชติ นเหตุปจฺจยา – วิจิกิจฺฉาสหคเต อุทฺธจฺจสหคเต ขเนฺธ ปฎิจฺจ วิจิกิจฺฉาสหคโต อุทฺธจฺจสหคโต โมโหฯ (๑)
4. Saṃkiliṭṭhasaṃkilesikaṃ dhammaṃ paṭicca saṃkiliṭṭhasaṃkilesiko dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
อสํกิลิฎฺฐสํกิเลสิกํ ธมฺมํ ปฎิจฺจ อสํกิลิฎฺฐสํกิเลสิโก ธโมฺม อุปฺปชฺชติ นเหตุปจฺจยา – อเหตุกํ อสํกิลิฎฺฐสํกิเลสิกํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… อเหตุกปฎิสนฺธิกฺขเณ…เป.… อสญฺญสตฺตานํ เอกํ มหาภูตํฯ (สํขิตฺตํฯ) (๑)
Asaṃkiliṭṭhasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati nahetupaccayā – ahetukaṃ asaṃkiliṭṭhasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… ahetukapaṭisandhikkhaṇe…pe… asaññasattānaṃ ekaṃ mahābhūtaṃ. (Saṃkhittaṃ.) (1)
(ยถา กุสลตฺติเก วิภตฺตํ, เอวํ วิภชิตพฺพํฯ)
(Yathā kusalattike vibhattaṃ, evaṃ vibhajitabbaṃ.)
สุทฺธํ
Suddhaṃ
๕. นเหตุยา เทฺว, นอารมฺมเณ ปญฺจ, นอธิปติยา ฉ, นอนนฺตเร ปญฺจ…เป.… นอุปนิสฺสเย ปญฺจ, นปุเรชาเต สตฺต, นปจฺฉาชาเต นว, นอาเสวเน นว, นกเมฺม ตีณิ, นวิปาเก นว, นอาหาเร เอกํ…เป.… นมเคฺค เอกํ, นสมฺปยุเตฺต ปญฺจ, นวิปฺปยุเตฺต ตีณิ, โนนตฺถิยา ปญฺจ, โนวิคเต ปญฺจฯ (สํขิตฺตํฯ)
5. Nahetuyā dve, naārammaṇe pañca, naadhipatiyā cha, naanantare pañca…pe… naupanissaye pañca, napurejāte satta, napacchājāte nava, naāsevane nava, nakamme tīṇi, navipāke nava, naāhāre ekaṃ…pe… namagge ekaṃ, nasampayutte pañca, navippayutte tīṇi, nonatthiyā pañca, novigate pañca. (Saṃkhittaṃ.)
๓. ปจฺจยานุโลมปจฺจนียํ
3. Paccayānulomapaccanīyaṃ
เหตุทุกํ
Hetudukaṃ
๖. เหตุปจฺจยา นอารมฺมเณ ปญฺจ, นอธิปติยา ฉ…เป.… นปุเรชาเต สตฺต, นปจฺฉาชาเต นว, นอาเสวเน นว, นกเมฺม ตีณิ, นวิปาเก นว, นสมฺปยุเตฺต ปญฺจ, นวิปฺปยุเตฺต ตีณิ, โนนตฺถิยา ปญฺจ, โนวิคเต ปญฺจฯ (สํขิตฺตํฯ)
6. Hetupaccayā naārammaṇe pañca, naadhipatiyā cha…pe… napurejāte satta, napacchājāte nava, naāsevane nava, nakamme tīṇi, navipāke nava, nasampayutte pañca, navippayutte tīṇi, nonatthiyā pañca, novigate pañca. (Saṃkhittaṃ.)
๔. ปจฺจยปจฺจนียานุโลมํ
4. Paccayapaccanīyānulomaṃ
นเหตุทุกํ
Nahetudukaṃ
๗. นเหตุปจฺจยา อารมฺมเณ เทฺว…เป.… วิปาเก เอกํ…เป.… มเคฺค เอกํ…เป.… อวิคเต เทฺวฯ (สํขิตฺตํฯ)
7. Nahetupaccayā ārammaṇe dve…pe… vipāke ekaṃ…pe… magge ekaṃ…pe… avigate dve. (Saṃkhittaṃ.)
ปฎิจฺจวาโรฯ
Paṭiccavāro.
๒-๖ สหชาต-ปจฺจย-นิสฺสย-สํสฎฺฐ-สมฺปยุตฺตวาโร
2-6 Sahajāta-paccaya-nissaya-saṃsaṭṭha-sampayuttavāro
(สหชาตวาโรปิ ปจฺจยวาโรปิ นิสฺสยวาโรปิ สํสฎฺฐวาโรปิ สมฺปยุตฺตวาโรปิ วิตฺถาเรตโพฺพฯ)
(Sahajātavāropi paccayavāropi nissayavāropi saṃsaṭṭhavāropi sampayuttavāropi vitthāretabbo.)
๗. ปญฺหาวาโร
7. Pañhāvāro
๑. ปจฺจยานุโลมํ
1. Paccayānulomaṃ
๑. วิภงฺควาโร
1. Vibhaṅgavāro
เหตุปจฺจโย
Hetupaccayo
๘. สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส เหตุปจฺจเยน ปจฺจโย – สํกิลิฎฺฐสํกิเลสิกา เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (๑)
8. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa hetupaccayena paccayo – saṃkiliṭṭhasaṃkilesikā hetū sampayuttakānaṃ khandhānaṃ hetupaccayena paccayo. (1)
สํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส เหตุปจฺจเยน ปจฺจโย – สํกิลิฎฺฐสํกิเลสิกา เหตู จิตฺตสมุฎฺฐานานํ รูปานํ เหตุปจฺจเยน ปจฺจโยฯ (๒)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa hetupaccayena paccayo – saṃkiliṭṭhasaṃkilesikā hetū cittasamuṭṭhānānaṃ rūpānaṃ hetupaccayena paccayo. (2)
สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส จ อสํกิลิฎฺฐสํกิเลสิกสฺส จ ธมฺมสฺส เหตุปจฺจเยน ปจฺจโย – สํกิลิฎฺฐสํกิเลสิกา เหตู สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโยฯ (๓)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa hetupaccayena paccayo – saṃkiliṭṭhasaṃkilesikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)
อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส เหตุปจฺจเยน ปจฺจโย – อสํกิลิฎฺฐสํกิเลสิกา เหตู สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโย; ปฎิสนฺธิกฺขเณ อสํกิลิฎฺฐสํกิเลสิกา เหตู สมฺปยุตฺตกานํ ขนฺธานํ กฎตฺตา จ รูปานํ เหตุปจฺจเยน ปจฺจโยฯ (๑)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa hetupaccayena paccayo – asaṃkiliṭṭhasaṃkilesikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe asaṃkiliṭṭhasaṃkilesikā hetū sampayuttakānaṃ khandhānaṃ kaṭattā ca rūpānaṃ hetupaccayena paccayo. (1)
อสํกิลิฎฺฐอสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส เหตุปจฺจเยน ปจฺจโย – อสํกิลิฎฺฐอสํกิเลสิกา เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (๑)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa hetupaccayena paccayo – asaṃkiliṭṭhaasaṃkilesikā hetū sampayuttakānaṃ khandhānaṃ hetupaccayena paccayo. (1)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส เหตุปจฺจเยน ปจฺจโย – อสํกิลิฎฺฐอสํกิเลสิกา เหตู จิตฺตสมุฎฺฐานานํ รูปานํ เหตุปจฺจเยน ปจฺจโยฯ (๒)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa hetupaccayena paccayo – asaṃkiliṭṭhaasaṃkilesikā hetū cittasamuṭṭhānānaṃ rūpānaṃ hetupaccayena paccayo. (2)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส จ อสํกิลิฎฺฐอสํกิเลสิกสฺส จ ธมฺมสฺส เหตุปจฺจเยน ปจฺจโย – อสํกิลิฎฺฐอสํกิเลสิกา เหตู สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโยฯ (๓)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa hetupaccayena paccayo – asaṃkiliṭṭhaasaṃkilesikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)
อารมฺมณปจฺจโย
Ārammaṇapaccayo
๙. สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย – ราคํ อสฺสาเทติ อภินนฺทติ, ตํ อารพฺภ ราโค อุปฺปชฺชติ, ทิฎฺฐิ อุปฺปชฺชติ, วิจิกิจฺฉา อุปฺปชฺชติ, อุทฺธจฺจํ อุปฺปชฺชติ, โทมนสฺสํ อุปฺปชฺชติ ฯ ทิฎฺฐิํ อสฺสาเทติ…เป.… วิจิกิจฺฉํ อารพฺภ…เป.… อุทฺธจฺจํ อารพฺภ…เป.… โทมนสฺสํ อารพฺภ…เป.…ฯ (๑)
9. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo – rāgaṃ assādeti abhinandati, taṃ ārabbha rāgo uppajjati, diṭṭhi uppajjati, vicikicchā uppajjati, uddhaccaṃ uppajjati, domanassaṃ uppajjati . Diṭṭhiṃ assādeti…pe… vicikicchaṃ ārabbha…pe… uddhaccaṃ ārabbha…pe… domanassaṃ ārabbha…pe…. (1)
(ยถา กุสลตฺติเก วิภตฺตํ, เอวํ วิภชิตพฺพํฯ)
(Yathā kusalattike vibhattaṃ, evaṃ vibhajitabbaṃ.)
สํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย – อริยา ปหีเน กิเลเส ปจฺจเวกฺขนฺติ, วิกฺขมฺภิเต กิเลเส ปจฺจเวกฺขนฺติ, ปุเพฺพ สมุทาจิเณฺณ กิเลเส ชานนฺติ, สํกิลิฎฺฐสํกิเลสิเก ขเนฺธ อนิจฺจโต ทุกฺขโต อนตฺตโต วิปสฺสนฺติ, เจโตปริยญาเณน สํกิลิฎฺฐสํกิเลสิกจิตฺตสมงฺคิสฺส จิตฺตํ ชานนฺติ; เสกฺขา วา ปุถุชฺชนา วา สํกิลิฎฺฐสํกิเลสิเก ขเนฺธ อนิจฺจโต ทุกฺขโต อนตฺตโต วิปสฺสนฺติ, กุสเล นิรุเทฺธ วิปาโก ตทารมฺมณตา อุปฺปชฺชติ; สํกิลิฎฺฐสํกิเลสิเก ขเนฺธ อสฺสาเทนฺติ อภินนฺทนฺติ…เป.… โทมนสฺสํ อุปฺปชฺชติ, อกุสเล นิรุเทฺธ วิปาโก ตทารมฺมณตา อุปฺปชฺชติฯ สํกิลิฎฺฐสํกิเลสิกา ขนฺธา เจโตปริยญาณสฺส, ปุเพฺพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๒)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo – ariyā pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti, saṃkiliṭṭhasaṃkilesike khandhe aniccato dukkhato anattato vipassanti, cetopariyañāṇena saṃkiliṭṭhasaṃkilesikacittasamaṅgissa cittaṃ jānanti; sekkhā vā puthujjanā vā saṃkiliṭṭhasaṃkilesike khandhe aniccato dukkhato anattato vipassanti, kusale niruddhe vipāko tadārammaṇatā uppajjati; saṃkiliṭṭhasaṃkilesike khandhe assādenti abhinandanti…pe… domanassaṃ uppajjati, akusale niruddhe vipāko tadārammaṇatā uppajjati. Saṃkiliṭṭhasaṃkilesikā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)
๑๐. อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย – ทานํ ทตฺวา, สีลํ สมาทิยิตฺวา , อุโปสถกมฺมํ กตฺวา ตํ ปจฺจเวกฺขติ, ปุเพฺพ สุจิณฺณานิ ปจฺจเวกฺขติ; ฌานา วุฎฺฐหิตฺวา ฌานํ ปจฺจเวกฺขติ, อริยา โคตฺรภุํ ปจฺจเวกฺขนฺติ, โวทานํ ปจฺจเวกฺขนฺติ, จกฺขุํ อนิจฺจโต ทุกฺขโต อนตฺตโต วิปสฺสนฺติ ; โสตํ… ฆานํ… ชิวฺหํ… กายํ… รูเป… สเทฺท… คเนฺธ… รเส… โผฎฺฐเพฺพ… วตฺถุํ อสํกิลิฎฺฐสํกิเลสิเก ขเนฺธ อนิจฺจโต ทุกฺขโต อนตฺตโต วิปสฺสนฺติ; ทิเพฺพน จกฺขุนา รูปํ ปสฺสนฺติ, ทิพฺพาย โสตธาตุยา สทฺทํ สุณนฺติ, เจโตปริยญาเณน อสํกิลิฎฺฐสํกิเลสิกจิตฺตสมงฺคิสฺส จิตฺตํ ชานนฺติฯ อากาสานญฺจายตนํ วิญฺญาณญฺจายตนสฺส…เป.… อากิญฺจญฺญายตนํ เนวสญฺญานาสญฺญายตนสฺส อารมฺมณปจฺจเยน ปจฺจโยฯ รูปายตนํ จกฺขุวิญฺญาณสฺส อารมฺมณปจฺจเยน ปจฺจโย…เป.… โผฎฺฐพฺพายตนํ กายวิญฺญาณสฺส อารมฺมณปจฺจเยน ปจฺจโยฯ อสํกิลิฎฺฐสํกิเลสิกา ขนฺธา อิทฺธิวิธญาณสฺส, เจโตปริยญาณสฺส , ปุเพฺพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๑)
10. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo – dānaṃ datvā, sīlaṃ samādiyitvā , uposathakammaṃ katvā taṃ paccavekkhati, pubbe suciṇṇāni paccavekkhati; jhānā vuṭṭhahitvā jhānaṃ paccavekkhati, ariyā gotrabhuṃ paccavekkhanti, vodānaṃ paccavekkhanti, cakkhuṃ aniccato dukkhato anattato vipassanti ; sotaṃ… ghānaṃ… jivhaṃ… kāyaṃ… rūpe… sadde… gandhe… rase… phoṭṭhabbe… vatthuṃ asaṃkiliṭṭhasaṃkilesike khandhe aniccato dukkhato anattato vipassanti; dibbena cakkhunā rūpaṃ passanti, dibbāya sotadhātuyā saddaṃ suṇanti, cetopariyañāṇena asaṃkiliṭṭhasaṃkilesikacittasamaṅgissa cittaṃ jānanti. Ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Rūpāyatanaṃ cakkhuviññāṇassa ārammaṇapaccayena paccayo…pe… phoṭṭhabbāyatanaṃ kāyaviññāṇassa ārammaṇapaccayena paccayo. Asaṃkiliṭṭhasaṃkilesikā khandhā iddhividhañāṇassa, cetopariyañāṇassa , pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
อสํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย – ทานํ ทตฺวา, สีลํ สมาทิยิตฺวา, อุโปสถกมฺมํ กตฺวา ตํ อสฺสาเทติ อภินนฺทติ; ตํ อารพฺภ ราโค อุปฺปชฺชติ, ทิฎฺฐิ อุปฺปชฺชติ…เป.… โทมนสฺสํ อุปฺปชฺชติ; ปุเพฺพ สุจิณฺณานิ อสฺสาเทติ…เป.… ฌานา วุฎฺฐหิตฺวา ฌานํ อสฺสาเทติ…เป.… จกฺขุํ อสฺสาเทติ ฯ โผฎฺฐเพฺพ… วตฺถุํ… อสํกิลิฎฺฐสํกิเลสิเก ขเนฺธ อสฺสาเทติ อภินนฺทติ, ตํ อารพฺภ ราโค อุปฺปชฺชติ… โทมนสฺสํ อุปฺปชฺชติฯ (๒)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo – dānaṃ datvā, sīlaṃ samādiyitvā, uposathakammaṃ katvā taṃ assādeti abhinandati; taṃ ārabbha rāgo uppajjati, diṭṭhi uppajjati…pe… domanassaṃ uppajjati; pubbe suciṇṇāni assādeti…pe… jhānā vuṭṭhahitvā jhānaṃ assādeti…pe… cakkhuṃ assādeti . Phoṭṭhabbe… vatthuṃ… asaṃkiliṭṭhasaṃkilesike khandhe assādeti abhinandati, taṃ ārabbha rāgo uppajjati… domanassaṃ uppajjati. (2)
อสํกิลิฎฺฐอสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส อารมฺมณปจฺจเยน ปจฺจโย – นิพฺพานํ มคฺคสฺส, ผลสฺส อารมฺมณปจฺจเยน ปจฺจโยฯ (๑)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa ārammaṇapaccayena paccayo – nibbānaṃ maggassa, phalassa ārammaṇapaccayena paccayo. (1)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย – อริยา มคฺคา วุฎฺฐหิตฺวา มคฺคํ ปจฺจเวกฺขนฺติ, ผลํ ปจฺจเวกฺขนฺติ, นิพฺพานํ ปจฺจเวกฺขนฺติฯ นิพฺพานํ โคตฺรภุสฺส, โวทานสฺส, อาวชฺชนาย อารมฺมณปจฺจเยน ปจฺจโยฯ อริยา เจโตปริยญาเณน อสํกิลิฎฺฐอสํกิเลสิกจิตฺตสมงฺคิสฺส จิตฺตํ ชานนฺติฯ อสํกิลิฎฺฐอสํกิเลสิกา ขนฺธา เจโตปริยญาณสฺส, ปุเพฺพนิวาสานุสฺสติญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๒)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti. Nibbānaṃ gotrabhussa, vodānassa, āvajjanāya ārammaṇapaccayena paccayo. Ariyā cetopariyañāṇena asaṃkiliṭṭhaasaṃkilesikacittasamaṅgissa cittaṃ jānanti. Asaṃkiliṭṭhaasaṃkilesikā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (2)
อธิปติปจฺจโย
Adhipatipaccayo
๑๑. สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – ราคํ ครุํ กตฺวา อสฺสาเทติ อภินนฺทติ, ตํ ครุํ กตฺวา ราโค อุปฺปชฺชติ, ทิฎฺฐิ อุปฺปชฺชติ; ทิฎฺฐิํ ครุํ กตฺวา อสฺสาเทติ อภินนฺทติ, ตํ ครุํ กตฺวา ราโค อุปฺปชฺชติ, ทิฎฺฐิ อุปฺปชฺชติฯ สหชาตาธิปติ – สํกิลิฎฺฐสํกิเลสิกาธิปติ สมฺปยุตฺตกานํ ขนฺธานํ อธิปติปจฺจเยน ปจฺจโยฯ (๑)
11. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – rāgaṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati; diṭṭhiṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – saṃkiliṭṭhasaṃkilesikādhipati sampayuttakānaṃ khandhānaṃ adhipatipaccayena paccayo. (1)
สํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อธิปติปจฺจเยน ปจฺจโยฯ สหชาตาธิปติ – สํกิลิฎฺฐสํกิเลสิกาธิปติ จิตฺตสมุฎฺฐานานํ รูปานํ อธิปติปจฺจเยน ปจฺจโยฯ (๒)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa adhipatipaccayena paccayo. Sahajātādhipati – saṃkiliṭṭhasaṃkilesikādhipati cittasamuṭṭhānānaṃ rūpānaṃ adhipatipaccayena paccayo. (2)
สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส จ อสํกิลิฎฺฐสํกิเลสิกสฺส จ ธมฺมสฺส อธิปติปจฺจเยน ปจฺจโยฯ สหชาตาธิปติ – สํกิลิฎฺฐสํกิเลสิกาธิปติ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ อธิปติปจฺจเยน ปจฺจโยฯ (๓)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa adhipatipaccayena paccayo. Sahajātādhipati – saṃkiliṭṭhasaṃkilesikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)
๑๒. อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – ทานํ ทตฺวา, สีลํ สมาทิยิตฺวา, อุโปสถกมฺมํ กตฺวา ตํ ครุํ กตฺวา ปจฺจเวกฺขติ, ปุเพฺพ สุจิณฺณานิ ครุํ กตฺวา ปจฺจเวกฺขติ, ฌานา วุฎฺฐหิตฺวา ฌานํ ครุํ กตฺวา ปจฺจเวกฺขติ, เสกฺขา โคตฺรภุํ ครุํ กตฺวา ปจฺจเวกฺขนฺติ, โวทานํ ครุํ กตฺวา ปจฺจเวกฺขนฺติฯ สหชาตาธิปติ – อสํกิลิฎฺฐสํกิเลสิกาธิปติ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ อธิปติปจฺจเยน ปจฺจโยฯ (๑)
12. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā, sīlaṃ samādiyitvā, uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati, jhānā vuṭṭhahitvā jhānaṃ garuṃ katvā paccavekkhati, sekkhā gotrabhuṃ garuṃ katvā paccavekkhanti, vodānaṃ garuṃ katvā paccavekkhanti. Sahajātādhipati – asaṃkiliṭṭhasaṃkilesikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
อสํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อธิปติปจฺจเยน ปจฺจโยฯ อารมฺมณาธิปติ – ทานํ ทตฺวา, สีลํ สมาทิยิตฺวา, อุโปสถกมฺมํ กตฺวา ตํ ครุํ กตฺวา อสฺสาเทติ อภินนฺทติ , ตํ ครุํ กตฺวา ราโค อุปฺปชฺชติ, ทิฎฺฐิ อุปฺปชฺชติ, ปุเพฺพ สุจิณฺณานิ ครุํ กตฺวา อสฺสาเทติ อภินนฺทติ…เป.… ฌานา วุฎฺฐหิตฺวา ฌานํ ครุํ กตฺวา อสฺสาเทติ อภินนฺทติ…เป.… จกฺขุํ ครุํ กตฺวา อสฺสาเทติ อภินนฺทติ…เป.… โผฎฺฐเพฺพ…เป.… วตฺถุํ อสํกิลิฎฺฐสํกิเลสิเก ขเนฺธ ครุํ กตฺวา อสฺสาเทติ อภินนฺทติ, ตํ ครุํ กตฺวา ราโค อุปฺปชฺชติ, ทิฎฺฐิ อุปฺปชฺชติฯ (๒)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa adhipatipaccayena paccayo. Ārammaṇādhipati – dānaṃ datvā, sīlaṃ samādiyitvā, uposathakammaṃ katvā taṃ garuṃ katvā assādeti abhinandati , taṃ garuṃ katvā rāgo uppajjati, diṭṭhi uppajjati, pubbe suciṇṇāni garuṃ katvā assādeti abhinandati…pe… jhānā vuṭṭhahitvā jhānaṃ garuṃ katvā assādeti abhinandati…pe… cakkhuṃ garuṃ katvā assādeti abhinandati…pe… phoṭṭhabbe…pe… vatthuṃ asaṃkiliṭṭhasaṃkilesike khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (2)
อสํกิลิฎฺฐอสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – นิพฺพานํ มคฺคสฺส, ผลสฺส อธิปติปจฺจเยน ปจฺจโยฯ สหชาตาธิปติ – อสํกิลิฎฺฐอสํกิเลสิกาธิปติ สมฺปยุตฺตกานํ ขนฺธานํ อธิปติปจฺจเยน ปจฺจโยฯ (๑)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – nibbānaṃ maggassa, phalassa adhipatipaccayena paccayo. Sahajātādhipati – asaṃkiliṭṭhaasaṃkilesikādhipati sampayuttakānaṃ khandhānaṃ adhipatipaccayena paccayo. (1)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – อริยา มคฺคา วุฎฺฐหิตฺวา มคฺคํ ครุํ กตฺวา ปจฺจเวกฺขนฺติ, ผลํ ครุํ กตฺวา ปจฺจเวกฺขนฺติ, นิพฺพานํ ครุํ กตฺวา ปจฺจเวกฺขนฺติ, นิพฺพานํ โคตฺรภุสฺส, โวทานสฺส อธิปติปจฺจเยน ปจฺจโยฯ สหชาตาธิปติ – อสํกิลิฎฺฐอสํกิเลสิกาธิปติ จิตฺตสมุฎฺฐานานํ รูปานํ อธิปติปจฺจเยน ปจฺจโยฯ (๒)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti, phalaṃ garuṃ katvā paccavekkhanti, nibbānaṃ garuṃ katvā paccavekkhanti, nibbānaṃ gotrabhussa, vodānassa adhipatipaccayena paccayo. Sahajātādhipati – asaṃkiliṭṭhaasaṃkilesikādhipati cittasamuṭṭhānānaṃ rūpānaṃ adhipatipaccayena paccayo. (2)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส จ อสํกิลิฎฺฐอสํกิเลสิกสฺส จ ธมฺมสฺส อธิปติปจฺจเยน ปจฺจโย ฯ สหชาตาธิปติ – อสํกิลิฎฺฐอสํกิเลสิกาธิปติ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ อธิปติปจฺจเยน ปจฺจโยฯ (๓)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa adhipatipaccayena paccayo . Sahajātādhipati – asaṃkiliṭṭhaasaṃkilesikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)
อนนฺตรปจฺจโย
Anantarapaccayo
๑๓. สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา สํกิลิฎฺฐสํกิเลสิกา ขนฺธา ปจฺฉิมานํ ปจฺฉิมานํ สํกิลิฎฺฐสํกิเลสิกานํ ขนฺธานํ อนนฺตรปจฺจเยน ปจฺจโยฯ (๑)
13. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa anantarapaccayena paccayo – purimā purimā saṃkiliṭṭhasaṃkilesikā khandhā pacchimānaṃ pacchimānaṃ saṃkiliṭṭhasaṃkilesikānaṃ khandhānaṃ anantarapaccayena paccayo. (1)
สํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อนนฺตรปจฺจเยน ปจฺจโย – สํกิลิฎฺฐสํกิเลสิกา ขนฺธา วุฎฺฐานสฺส อนนฺตรปจฺจเยน ปจฺจโยฯ (๒)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa anantarapaccayena paccayo – saṃkiliṭṭhasaṃkilesikā khandhā vuṭṭhānassa anantarapaccayena paccayo. (2)
อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา อสํกิลิฎฺฐสํกิเลสิกา ขนฺธา ปจฺฉิมานํ ปจฺฉิมานํ อสํกิลิฎฺฐสํกิเลสิกานํ ขนฺธานํ อนนฺตรปจฺจเยน ปจฺจโยฯ อนุโลมํ โคตฺรภุสฺส… อนุโลมํ โวทานสฺส… อาวชฺชนา อสํกิลิฎฺฐสํกิเลสิกานํ ขนฺธานํ อนนฺตรปจฺจเยน ปจฺจโยฯ (๑)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa anantarapaccayena paccayo – purimā purimā asaṃkiliṭṭhasaṃkilesikā khandhā pacchimānaṃ pacchimānaṃ asaṃkiliṭṭhasaṃkilesikānaṃ khandhānaṃ anantarapaccayena paccayo. Anulomaṃ gotrabhussa… anulomaṃ vodānassa… āvajjanā asaṃkiliṭṭhasaṃkilesikānaṃ khandhānaṃ anantarapaccayena paccayo. (1)
อสํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อนนฺตรปจฺจเยน ปจฺจโย – อาวชฺชนา สํกิลิฎฺฐสํกิเลสิกานํ ขนฺธานํ อนนฺตรปจฺจเยน ปจฺจโยฯ (๒)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa anantarapaccayena paccayo – āvajjanā saṃkiliṭṭhasaṃkilesikānaṃ khandhānaṃ anantarapaccayena paccayo. (2)
อสํกิลิฎฺฐสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส อนนฺตรปจฺจเยน ปจฺจโย – โคตฺรภุ มคฺคสฺส… โวทานํ มคฺคสฺส … อนุโลมํ ผลสมาปตฺติยา… นิโรธา วุฎฺฐหนฺตสฺส เนวสญฺญานาสญฺญายตนํ ผลสมาปตฺติยา อนนฺตรปจฺจเยน ปจฺจโยฯ (๓)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa anantarapaccayena paccayo – gotrabhu maggassa… vodānaṃ maggassa … anulomaṃ phalasamāpattiyā… nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. (3)
อสํกิลิฎฺฐอสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา อสํกิลิฎฺฐอสํกิเลสิกา ขนฺธา ปจฺฉิมานํ ปจฺฉิมานํ อสํกิลิฎฺฐอสํกิเลสิกานํ ขนฺธานํ อนนฺตรปจฺจเยน ปจฺจโยฯ มโคฺค ผลสฺส… ผลํ ผลสฺส อนนฺตรปจฺจเยน ปจฺจโยฯ (๑)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa anantarapaccayena paccayo – purimā purimā asaṃkiliṭṭhaasaṃkilesikā khandhā pacchimānaṃ pacchimānaṃ asaṃkiliṭṭhaasaṃkilesikānaṃ khandhānaṃ anantarapaccayena paccayo. Maggo phalassa… phalaṃ phalassa anantarapaccayena paccayo. (1)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อนนฺตรปจฺจเยน ปจฺจโย – ผลํ วุฎฺฐานสฺส อนนฺตรปจฺจเยน ปจฺจโยฯ (๒)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa anantarapaccayena paccayo – phalaṃ vuṭṭhānassa anantarapaccayena paccayo. (2)
สมนนฺตรปจฺจยาทิ
Samanantarapaccayādi
๑๔. สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส สมนนฺตรปจฺจเยน ปจฺจโย…เป.… สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโย… อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย …เป.…ฯ ปกตูปนิสฺสโย – ราคํ อุปนิสฺสาย ปาณํ หนติ…เป.… สงฺฆํ ภินฺทติ…เป.… โทสํ อุปนิสฺสาย ปาณํ หนติ…เป.… สงฺฆํ ภินฺทติฯ ราโค…เป.… ปตฺถนา ราคสฺส…เป.… ปตฺถนาย อุปนิสฺสยปจฺจเยน ปจฺจโยฯ ปาณาติปาโต ปาณาติปาตสฺส อุปนิสฺสยปจฺจเยน ปจฺจโย…เป.… นิยตมิจฺฉาทิฎฺฐิ นิยตมิจฺฉาทิฎฺฐิยา อุปนิสฺสยปจฺจเยน ปจฺจโย…เป.…ฯ (๑)
14. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa samanantarapaccayena paccayo…pe… sahajātapaccayena paccayo… aññamaññapaccayena paccayo… nissayapaccayena paccayo… upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – rāgaṃ upanissāya pāṇaṃ hanati…pe… saṅghaṃ bhindati…pe… dosaṃ upanissāya pāṇaṃ hanati…pe… saṅghaṃ bhindati. Rāgo…pe… patthanā rāgassa…pe… patthanāya upanissayapaccayena paccayo. Pāṇātipāto pāṇātipātassa upanissayapaccayena paccayo…pe… niyatamicchādiṭṭhi niyatamicchādiṭṭhiyā upanissayapaccayena paccayo…pe…. (1)
สํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ราคํ อุปนิสฺสาย ทานํ เทติ, สีลํ สมาทิยติ, อุโปสถกมฺมํ กโรติ, ฌานํ… วิปสฺสนํ… อภิญฺญํ อุปฺปาเทติ, สมาปตฺติํ อุปฺปาเทติ…เป.… ปตฺถนํ อุปนิสฺสาย ทานํ เทติ…เป.… สมาปตฺติํ อุปฺปาเทติฯ ราโค…เป.… ปตฺถนา สทฺธาย…เป.… กายิกสฺส สุขสฺส, กายิกสฺส ทุกฺขสฺส อุปนิสฺสยปจฺจเยน ปจฺจโยฯ ปาณํ หนฺตฺวา ตสฺส ปฎิฆาตตฺถาย ทานํ เทติ, สีลํ สมาทิยติ, อุโปสถกมฺมํ กโรติ, ฌานํ อุปฺปาเทติ, วิปสฺสนํ อุปฺปาเทติ, อภิญฺญํ อุปฺปาเทติ, สมาปตฺติํ อุปฺปาเทติ…เป.… สงฺฆํ ภินฺทิตฺวา ตสฺส ปฎิฆาตตฺถาย ทานํ เทติ, สีลํ สมาทิยติ, อุโปสถกมฺมํ กโรติฯ อกุสลํ กมฺมํ วิปากสฺส อุปนิสฺสยปจฺจเยน ปจฺจโยฯ (๒)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – rāgaṃ upanissāya dānaṃ deti, sīlaṃ samādiyati, uposathakammaṃ karoti, jhānaṃ… vipassanaṃ… abhiññaṃ uppādeti, samāpattiṃ uppādeti…pe… patthanaṃ upanissāya dānaṃ deti…pe… samāpattiṃ uppādeti. Rāgo…pe… patthanā saddhāya…pe… kāyikassa sukhassa, kāyikassa dukkhassa upanissayapaccayena paccayo. Pāṇaṃ hantvā tassa paṭighātatthāya dānaṃ deti, sīlaṃ samādiyati, uposathakammaṃ karoti, jhānaṃ uppādeti, vipassanaṃ uppādeti, abhiññaṃ uppādeti, samāpattiṃ uppādeti…pe… saṅghaṃ bhinditvā tassa paṭighātatthāya dānaṃ deti, sīlaṃ samādiyati, uposathakammaṃ karoti. Akusalaṃ kammaṃ vipākassa upanissayapaccayena paccayo. (2)
สํกิลิฎฺฐสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส อุปนิสฺสยปจฺจเยน ปจฺจโยฯ ปกตูปนิสฺสโย – ราคํ อุปนิสฺสาย มคฺคํ อุปฺปาเทติ, ผลสมาปตฺติํ สมาปชฺชติฯ โทสํ…เป.… ปตฺถนํ อุปนิสฺสาย มคฺคํ อุปฺปาเทติ, ผลสมาปตฺติํ สมาปชฺชติฯ ราโค…เป.… ปตฺถนา มคฺคสฺส… ผลสมาปตฺติยา อุปนิสฺสยปจฺจเยน ปจฺจโยฯ (๓)
Saṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo. Pakatūpanissayo – rāgaṃ upanissāya maggaṃ uppādeti, phalasamāpattiṃ samāpajjati. Dosaṃ…pe… patthanaṃ upanissāya maggaṃ uppādeti, phalasamāpattiṃ samāpajjati. Rāgo…pe… patthanā maggassa… phalasamāpattiyā upanissayapaccayena paccayo. (3)
๑๕. อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – สทฺธํ อุปนิสฺสาย ทานํ เทติ…เป.… สมาปตฺติํ อุปฺปาเทติฯ สีลํ… สุตํ… จาคํ… ปญฺญํ… กายิกํ สุขํ… กายิกํ ทุกฺขํ… อุตุํ… โภชนํ… เสนาสนํ อุปนิสฺสาย ทานํ เทติ…เป.… สมาปตฺติํ อุปฺปาเทติฯ สทฺธา…เป.… เสนาสนํ สทฺธาย…เป.… กายิกสฺส สุขสฺส, กายิกสฺส ทุกฺขสฺส อุปนิสฺสยปจฺจเยน ปจฺจโยฯ กุสลํ กมฺมํ วิปากสฺส อุปนิสฺสยปจฺจเยน ปจฺจโย ฯ ปฐมสฺส ฌานสฺส ปริกมฺมํ ปฐมสฺส ฌานสฺส…เป.… อากิญฺจญฺญายตนํ เนวสญฺญานาสญฺญายตนสฺส…เป.…ฯ (๑)
15. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti. Sīlaṃ… sutaṃ… cāgaṃ… paññaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti. Saddhā…pe… senāsanaṃ saddhāya…pe… kāyikassa sukhassa, kāyikassa dukkhassa upanissayapaccayena paccayo. Kusalaṃ kammaṃ vipākassa upanissayapaccayena paccayo . Paṭhamassa jhānassa parikammaṃ paṭhamassa jhānassa…pe… ākiñcaññāyatanaṃ nevasaññānāsaññāyatanassa…pe…. (1)
อสํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – สทฺธํ อุปนิสฺสาย มานํ ชเปฺปติ, ทิฎฺฐิํ คณฺหาติ; สีลํ…เป.… เสนาสนํ อุปนิสฺสาย ปาณํ หนติ…เป.… สงฺฆํ ภินฺทติ, สทฺธา…เป.… เสนาสนํ ราคสฺส…เป.… ปตฺถนาย อุปนิสฺสยปจฺจเยน ปจฺจโยฯ (๒)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya pāṇaṃ hanati…pe… saṅghaṃ bhindati, saddhā…pe… senāsanaṃ rāgassa…pe… patthanāya upanissayapaccayena paccayo. (2)
อสํกิลิฎฺฐสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปฐมสฺส มคฺคสฺส ปริกมฺมํ ปฐมสฺส มคฺคสฺส…เป.… ทุติยสฺส มคฺคสฺส…เป.… ตติยสฺส มคฺคสฺส…เป.… จตุตฺถสฺส มคฺคสฺส อุปนิสฺสยปจฺจเยน ปจฺจโยฯ (๓)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paṭhamassa maggassa parikammaṃ paṭhamassa maggassa…pe… dutiyassa maggassa…pe… tatiyassa maggassa…pe… catutthassa maggassa upanissayapaccayena paccayo. (3)
๑๖. อสํกิลิฎฺฐอสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปฐโม มโคฺค ทุติยสฺส มคฺคสฺส…เป.… ทุติโย มโคฺค ตติยสฺส มคฺคสฺส…เป.… ตติโย มโคฺค จตุตฺถสฺส มคฺคสฺส…เป.… มโคฺค ผลสมาปตฺติยา อุปนิสฺสยปจฺจเยน ปจฺจโยฯ (๑)
16. Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paṭhamo maggo dutiyassa maggassa…pe… dutiyo maggo tatiyassa maggassa…pe… tatiyo maggo catutthassa maggassa…pe… maggo phalasamāpattiyā upanissayapaccayena paccayo. (1)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อริยา มคฺคํ อุปนิสฺสาย อนุปฺปนฺนํ สมาปตฺติํ อุปฺปาเทนฺติ, อุปฺปนฺนํ สมาปตฺติํ สมาปชฺชนฺติ, สงฺขาเร อนิจฺจโต ทุกฺขโต อนตฺตโต วิปสฺสนฺติฯ มโคฺค อริยานํ อตฺถปฺปฎิสมฺภิทาย…เป.… ฐานาฐานโกสลฺลสฺส อุปนิสฺสยปจฺจเยน ปจฺจโยฯ ผลสมาปตฺติ กายิกสฺส สุขสฺส อุปนิสฺสยปจฺจเยน ปจฺจโยฯ (๒)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ariyā maggaṃ upanissāya anuppannaṃ samāpattiṃ uppādenti, uppannaṃ samāpattiṃ samāpajjanti, saṅkhāre aniccato dukkhato anattato vipassanti. Maggo ariyānaṃ atthappaṭisambhidāya…pe… ṭhānāṭhānakosallassa upanissayapaccayena paccayo. Phalasamāpatti kāyikassa sukhassa upanissayapaccayena paccayo. (2)
ปุเรชาตปจฺจโย
Purejātapaccayo
๑๗. อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํฯ อารมฺมณปุเรชาตํ – จกฺขุํ อนิจฺจโต ทุกฺขโต อนตฺตโต วิปสฺสติ; โสตํ… ฆานํ… ชิวฺหํ… กายํ… รูเป… สเทฺท… คเนฺธ… รเส… โผฎฺฐเพฺพ… วตฺถุํ อนิจฺจโต ทุกฺขโต อนตฺตโต วิปสฺสติ, ทิเพฺพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติฯ รูปายตนํ จกฺขุวิญฺญาณสฺส…เป.… โผฎฺฐพฺพายตนํ กายวิญฺญาณสฺส ปุเรชาตปจฺจเยน ปจฺจโยฯ วตฺถุปุเรชาตํ – จกฺขายตนํ จกฺขุวิญฺญาณสฺส…เป.… กายายตนํ กายวิญฺญาณสฺส ปุเรชาตปจฺจเยน ปจฺจโยฯ วตฺถุ อสํกิลิฎฺฐสํกิเลสิกานํ ขนฺธานํ ปุเรชาตปจฺจเยน ปจฺจโยฯ (๑)
17. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ aniccato dukkhato anattato vipassati; sotaṃ… ghānaṃ… jivhaṃ… kāyaṃ… rūpe… sadde… gandhe… rase… phoṭṭhabbe… vatthuṃ aniccato dukkhato anattato vipassati, dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa purejātapaccayena paccayo. Vatthu asaṃkiliṭṭhasaṃkilesikānaṃ khandhānaṃ purejātapaccayena paccayo. (1)
อสํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํฯ อารมฺมณปุเรชาตํ – จกฺขุํ อสฺสาเทติ อภินนฺทติ; ตํ อารพฺภ ราโค อุปฺปชฺชติ…เป.… โทมนสฺสํ อุปฺปชฺชติฯ โสตํ…เป.… โผฎฺฐเพฺพ… วตฺถุํ อสฺสาเทติ อภินนฺทติ ; ตํ อารพฺภ ราโค อุปฺปชฺชติ…เป.… โทมนสฺสํ อุปฺปชฺชติฯ วตฺถุปุเรชาตํ – วตฺถุ สํกิลิฎฺฐสํกิเลสิกานํ ขนฺธานํ ปุเรชาตปจฺจเยน ปจฺจโยฯ (๒)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… phoṭṭhabbe… vatthuṃ assādeti abhinandati ; taṃ ārabbha rāgo uppajjati…pe… domanassaṃ uppajjati. Vatthupurejātaṃ – vatthu saṃkiliṭṭhasaṃkilesikānaṃ khandhānaṃ purejātapaccayena paccayo. (2)
อสํกิลิฎฺฐสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส ปุเรชาตปจฺจเยน ปจฺจโย – วตฺถุ อสํกิลิฎฺฐอสํกิเลสิกานํ ขนฺธานํ ปุเรชาตปจฺจเยน ปจฺจโยฯ (๓)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa purejātapaccayena paccayo – vatthu asaṃkiliṭṭhaasaṃkilesikānaṃ khandhānaṃ purejātapaccayena paccayo. (3)
ปจฺฉาชาตปจฺจโย
Pacchājātapaccayo
๑๘. สํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา สํกิลิฎฺฐสํกิเลสิกา ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโยฯ (๑)
18. Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa pacchājātapaccayena paccayo – pacchājātā saṃkiliṭṭhasaṃkilesikā khandhā purejātassa imassa kāyassa pacchājātapaccayena paccayo. (1)
อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา อสํกิลิฎฺฐสํกิเลสิกา ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโยฯ (๑)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa pacchājātapaccayena paccayo – pacchājātā asaṃkiliṭṭhasaṃkilesikā khandhā purejātassa imassa kāyassa pacchājātapaccayena paccayo. (1)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา อสํกิลิฎฺฐอสํกิเลสิกา ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโยฯ (๑)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa pacchājātapaccayena paccayo – pacchājātā asaṃkiliṭṭhaasaṃkilesikā khandhā purejātassa imassa kāyassa pacchājātapaccayena paccayo. (1)
อาเสวนปจฺจโย
Āsevanapaccayo
๑๙. สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อาเสวนปจฺจเยน ปจฺจโย – ปุริมา ปุริมา สํกิลิฎฺฐสํกิเลสิกา ขนฺธา ปจฺฉิมานํ ปจฺฉิมานํ สํกิลิฎฺฐสํกิเลสิกานํ ขนฺธานํ อาเสวนปจฺจเยน ปจฺจโยฯ (๑)
19. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa āsevanapaccayena paccayo – purimā purimā saṃkiliṭṭhasaṃkilesikā khandhā pacchimānaṃ pacchimānaṃ saṃkiliṭṭhasaṃkilesikānaṃ khandhānaṃ āsevanapaccayena paccayo. (1)
อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อาเสวนปจฺจเยน ปจฺจโย – ปุริมา ปุริมา…เป.… อนุโลมํ โคตฺรภุสฺส… อนุโลมํ โวทานสฺส อาเสวนปจฺจเยน ปจฺจโยฯ (๑)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa āsevanapaccayena paccayo – purimā purimā…pe… anulomaṃ gotrabhussa… anulomaṃ vodānassa āsevanapaccayena paccayo. (1)
อสํกิลิฎฺฐสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส อาเสวนปจฺจเยน ปจฺจโย – โคตฺรภุ มคฺคสฺส… โวทานํ มคฺคสฺส อาเสวนปจฺจเยน ปจฺจโยฯ (๒)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa āsevanapaccayena paccayo – gotrabhu maggassa… vodānaṃ maggassa āsevanapaccayena paccayo. (2)
กมฺมปจฺจโย
Kammapaccayo
๒๐. สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส กมฺมปจฺจเยน ปจฺจโย – สํกิลิฎฺฐสํกิเลสิกา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโยฯ (๑)
20. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa kammapaccayena paccayo – saṃkiliṭṭhasaṃkilesikā cetanā sampayuttakānaṃ khandhānaṃ kammapaccayena paccayo. (1)
สํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – สํกิลิฎฺฐสํกิเลสิกา เจตนา จิตฺตสมุฎฺฐานานํ รูปานํ กมฺมปจฺจเยน ปจฺจโยฯ นานากฺขณิกา – สํกิลิฎฺฐสํกิเลสิกา เจตนา วิปากานํ ขนฺธานํ กฎตฺตา จ รูปานํ กมฺมปจฺจเยน ปจฺจโยฯ (๒)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa kammapaccayena paccayo – sahajātā, nānākkhaṇikā. Sahajātā – saṃkiliṭṭhasaṃkilesikā cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – saṃkiliṭṭhasaṃkilesikā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (2)
สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส จ อสํกิลิฎฺฐสํกิเลสิกสฺส จ ธมฺมสฺส กมฺมปจฺจเยน ปจฺจโย – สํกิลิฎฺฐสํกิเลสิกา เจตนา สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ กมฺมปจฺจเยน ปจฺจโยฯ (๓)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa kammapaccayena paccayo – saṃkiliṭṭhasaṃkilesikā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)
อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – อสํกิลิฎฺฐสํกิเลสิกา เจตนา สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ กมฺมปจฺจเยน ปจฺจโยฯ ปฎิสนฺธิกฺขเณ…เป.…ฯ นานากฺขณิกา – อสํกิลิฎฺฐสํกิเลสิกา เจตนา วิปากานํ ขนฺธานํ กฎตฺตา จ รูปานํ กมฺมปจฺจเยน ปจฺจโยฯ (๑)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa kammapaccayena paccayo – sahajātā, nānākkhaṇikā. Sahajātā – asaṃkiliṭṭhasaṃkilesikā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – asaṃkiliṭṭhasaṃkilesikā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)
อสํกิลิฎฺฐอสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – อสํกิลิฎฺฐอสํกิเลสิกา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโยฯ นานากฺขณิกา – อสํกิลิฎฺฐอสํกิเลสิกา กุสลา เจตนา วิปากานํ อสํกิลิฎฺฐอสํกิเลสิกานํ ขนฺธานํ กมฺมปจฺจเยน ปจฺจโยฯ (๑)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa kammapaccayena paccayo – sahajātā, nānākkhaṇikā. Sahajātā – asaṃkiliṭṭhaasaṃkilesikā cetanā sampayuttakānaṃ khandhānaṃ kammapaccayena paccayo. Nānākkhaṇikā – asaṃkiliṭṭhaasaṃkilesikā kusalā cetanā vipākānaṃ asaṃkiliṭṭhaasaṃkilesikānaṃ khandhānaṃ kammapaccayena paccayo. (1)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส กมฺมปจฺจเยน ปจฺจโย – สหชาตา อสํกิลิฎฺฐอสํกิเลสิกา เจตนา จิตฺตสมุฎฺฐานานํ รูปานํ กมฺมปจฺจเยน ปจฺจโยฯ (๒)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa kammapaccayena paccayo – sahajātā asaṃkiliṭṭhaasaṃkilesikā cetanā cittasamuṭṭhānānaṃ rūpānaṃ kammapaccayena paccayo. (2)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส จ อสํกิลิฎฺฐอสํกิเลสิกสฺส จ ธมฺมสฺส กมฺมปจฺจเยน ปจฺจโย – สหชาตา อสํกิลิฎฺฐอสํกิเลสิกา เจตนา สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ กมฺมปจฺจเยน ปจฺจโยฯ (๓)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa kammapaccayena paccayo – sahajātā asaṃkiliṭṭhaasaṃkilesikā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)
วิปากปจฺจโย
Vipākapaccayo
๒๑. อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส วิปากปจฺจเยน ปจฺจโย – วิปาโก อสํกิลิฎฺฐสํกิเลสิโก เอโก ขโนฺธ ติณฺณนฺนํ ขนฺธานํ จิตฺตสมุฎฺฐานานญฺจ รูปานํ วิปากปจฺจเยน ปจฺจโย…เป.… เทฺว ขนฺธา ทฺวินฺนํ ขนฺธานํ…เป.… ปฎิสนฺธิกฺขเณ อสํกิลิฎฺฐสํกิเลสิโก เอโก ขโนฺธ ติณฺณนฺนํ ขนฺธานํ กฎตฺตา จ รูปานํ วิปากปจฺจเยน ปจฺจโย =๑๙ …เป.… เทฺว ขนฺธา ทฺวินฺนํ ขนฺธานํ…เป.… ขนฺธา วตฺถุสฺส วิปากปจฺจเยน ปจฺจโยฯ (๑)
21. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa vipākapaccayena paccayo – vipāko asaṃkiliṭṭhasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ vipākapaccayena paccayo…pe… dve khandhā dvinnaṃ khandhānaṃ…pe… paṭisandhikkhaṇe asaṃkiliṭṭhasaṃkilesiko eko khandho tiṇṇannaṃ khandhānaṃ kaṭattā ca rūpānaṃ vipākapaccayena paccayo =19 …pe… dve khandhā dvinnaṃ khandhānaṃ…pe… khandhā vatthussa vipākapaccayena paccayo. (1)
อสํกิลิฎฺฐอสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส วิปากปจฺจเยน ปจฺจโย – วิปาโก อสํกิลิฎฺฐอสํกิเลสิโก เอโก ขโนฺธ ติณฺณนฺนํ ขนฺธานํ วิปากปจฺจเยน ปจฺจโย…เป.… เทฺว ขนฺธา ทฺวินฺนํ ขนฺธานํ…เป.…ฯ (๑)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa vipākapaccayena paccayo – vipāko asaṃkiliṭṭhaasaṃkilesiko eko khandho tiṇṇannaṃ khandhānaṃ vipākapaccayena paccayo…pe… dve khandhā dvinnaṃ khandhānaṃ…pe…. (1)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส วิปากปจฺจเยน ปจฺจโย – วิปากา อสํกิลิฎฺฐอสํกิเลสิกา ขนฺธา จิตฺตสมุฎฺฐานานํ รูปานํ วิปากปจฺจเยน ปจฺจโยฯ (๒) อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส จ อสํกิลิฎฺฐอสํกิเลสิกสฺส จ ธมฺมสฺส วิปากปจฺจเยน ปจฺจโย – วิปาโก อสํกิลิฎฺฐอสํกิเลสิโก เอโก ขโนฺธ ติณฺณนฺนํ ขนฺธานํ จิตฺตสมุฎฺฐานานญฺจ รูปานํ วิปากปจฺจเยน ปจฺจโย…เป.… เทฺว ขนฺธา…เป.…ฯ (๓)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa vipākapaccayena paccayo – vipākā asaṃkiliṭṭhaasaṃkilesikā khandhā cittasamuṭṭhānānaṃ rūpānaṃ vipākapaccayena paccayo. (2) Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa vipākapaccayena paccayo – vipāko asaṃkiliṭṭhaasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ vipākapaccayena paccayo…pe… dve khandhā…pe…. (3)
อาหารปจฺจโย
Āhārapaccayo
๒๒. สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อาหารปจฺจเยน ปจฺจโย… ตีณิฯ
22. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa āhārapaccayena paccayo… tīṇi.
อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อาหารปจฺจเยน ปจฺจโย – อสํกิลิฎฺฐสํกิเลสิกา อาหารา สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ อาหารปจฺจเยน ปจฺจโยฯ ปฎิสนฺธิกฺขเณ…เป.… กพฬีกาโร อาหาโร อิมสฺส กายสฺส อาหารปจฺจเยน ปจฺจโยฯ
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa āhārapaccayena paccayo – asaṃkiliṭṭhasaṃkilesikā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo. Paṭisandhikkhaṇe…pe… kabaḷīkāro āhāro imassa kāyassa āhārapaccayena paccayo.
อสํกิลิฎฺฐอสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส อาหารปจฺจเยน ปจฺจโย… ตีณิฯ
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa āhārapaccayena paccayo… tīṇi.
อินฺทฺริยปจฺจโย
Indriyapaccayo
๒๓. สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อินฺทฺริยปจฺจเยน ปจฺจโย… ตีณิฯ
23. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa indriyapaccayena paccayo… tīṇi.
อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อินฺทฺริยปจฺจเยน ปจฺจโย – อสํกิลิฎฺฐสํกิเลสิกา อินฺทฺริยา สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ อินฺทฺริยปจฺจเยน ปจฺจโย; ปฎิสนฺธิกฺขเณ…เป.… จกฺขุนฺทฺริยํ จกฺขุวิญฺญาณสฺส…เป.… กายินฺทฺริยํ กายวิญฺญาณสฺส อินฺทฺริยปจฺจเยน ปจฺจโยฯ รูปชีวิตินฺทฺริยํ กฎตฺตารูปานํ อินฺทฺริยปจฺจเยน ปจฺจโยฯ
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa indriyapaccayena paccayo – asaṃkiliṭṭhasaṃkilesikā indriyā sampayuttakānaṃ khandhānaṃ cittasamuṭṭhānānañca rūpānaṃ indriyapaccayena paccayo; paṭisandhikkhaṇe…pe… cakkhundriyaṃ cakkhuviññāṇassa…pe… kāyindriyaṃ kāyaviññāṇassa indriyapaccayena paccayo. Rūpajīvitindriyaṃ kaṭattārūpānaṃ indriyapaccayena paccayo.
อสํกิลิฎฺฐอสํกิเลสิโก ธโมฺม… ตีณิฯ
Asaṃkiliṭṭhaasaṃkilesiko dhammo… tīṇi.
ฌานปจฺจยาทิ
Jhānapaccayādi
๒๔. สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส ฌานปจฺจเยน ปจฺจโย… มคฺคปจฺจเยน ปจฺจโย… สมฺปยุตฺตปจฺจเยน ปจฺจโยฯ
24. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa jhānapaccayena paccayo… maggapaccayena paccayo… sampayuttapaccayena paccayo.
วิปฺปยุตฺตปจฺจโย
Vippayuttapaccayo
๒๕. สํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํฯ สหชาตา – สํกิลิฎฺฐสํกิเลสิกา ขนฺธา จิตฺตสมุฎฺฐานานํ รูปานํ วิปฺปยุตฺตปจฺจเยน ปจฺจโยฯ ปจฺฉาชาตา – สํกิลิฎฺฐสํกิเลสิกา ขนฺธา ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโยฯ (๑)
25. Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa vippayuttapaccayena paccayo – sahajātaṃ, pacchājātaṃ. Sahajātā – saṃkiliṭṭhasaṃkilesikā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – saṃkiliṭṭhasaṃkilesikā khandhā purejātassa imassa kāyassa vippayuttapaccayena paccayo. (1)
อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปุเรชาตํ, ปจฺฉาชาตํฯ สหชาตา – อสํกิลิฎฺฐสํกิเลสิกา ขนฺธา จิตฺตสมุฎฺฐานานํ รูปานํ วิปฺปยุตฺตปจฺจเยน ปจฺจโย; ปฎิสนฺธิกฺขเณ อสํกิลิฎฺฐสํกิเลสิกา ขนฺธา กฎตฺตารูปานํ วิปฺปยุตฺตปจฺจเยน ปจฺจโยฯ ขนฺธา วตฺถุสฺส…เป.… วตฺถุ ขนฺธานํ วิปฺปยุตฺตปจฺจเยน ปจฺจโยฯ ปุเรชาตํ – จกฺขายตนํ จกฺขุวิญฺญาณสฺส…เป.… กายายตนํ กายวิญฺญาณสฺส วิปฺปยุตฺตปจฺจเยน ปจฺจโยฯ วตฺถุ อสํกิลิฎฺฐสํกิเลสิกานํ ขนฺธานํ วิปฺปยุตฺตปจฺจเยน ปจฺจโยฯ ปจฺฉาชาตา – อสํกิลิฎฺฐสํกิเลสิกา ขนฺธา ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโยฯ (๑)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa vippayuttapaccayena paccayo – sahajātaṃ, purejātaṃ, pacchājātaṃ. Sahajātā – asaṃkiliṭṭhasaṃkilesikā khandhā cittasamuṭṭhānānaṃ rūpānaṃ vippayuttapaccayena paccayo; paṭisandhikkhaṇe asaṃkiliṭṭhasaṃkilesikā khandhā kaṭattārūpānaṃ vippayuttapaccayena paccayo. Khandhā vatthussa…pe… vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa vippayuttapaccayena paccayo. Vatthu asaṃkiliṭṭhasaṃkilesikānaṃ khandhānaṃ vippayuttapaccayena paccayo. Pacchājātā – asaṃkiliṭṭhasaṃkilesikā khandhā purejātassa imassa kāyassa vippayuttapaccayena paccayo. (1)
อสํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส วิปฺปยุตฺตปจฺจเยน ปจฺจโยฯ ปุเรชาตํ – วตฺถุ สํกิลิฎฺฐสํกิเลสิกานํ ขนฺธานํ วิปฺปยุตฺตปจฺจเยน ปจฺจโยฯ (๒)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa vippayuttapaccayena paccayo. Purejātaṃ – vatthu saṃkiliṭṭhasaṃkilesikānaṃ khandhānaṃ vippayuttapaccayena paccayo. (2)
อสํกิลิฎฺฐสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส วิปฺปยุตฺตปจฺจเยน ปจฺจโยฯ ปุเรชาตํ – วตฺถุ อสํกิลิฎฺฐอสํกิเลสิกานํ ขนฺธานํ วิปฺปยุตฺตปจฺจเยน ปจฺจโยฯ (๓)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa vippayuttapaccayena paccayo. Purejātaṃ – vatthu asaṃkiliṭṭhaasaṃkilesikānaṃ khandhānaṃ vippayuttapaccayena paccayo. (3)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํฯ สหชาตา – อสํกิลิฎฺฐอสํกิเลสิกา ขนฺธา จิตฺตสมุฎฺฐานานํ รูปานํ วิปฺปยุตฺตปจฺจเยน ปจฺจโยฯ ปจฺฉาชาตา – อสํกิลิฎฺฐอสํกิเลสิกา ขนฺธา ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโยฯ (๑)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa vippayuttapaccayena paccayo – sahajātaṃ, pacchājātaṃ. Sahajātā – asaṃkiliṭṭhaasaṃkilesikā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – asaṃkiliṭṭhaasaṃkilesikā khandhā purejātassa imassa kāyassa vippayuttapaccayena paccayo. (1)
อตฺถิปจฺจโย
Atthipaccayo
๒๖. สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อตฺถิปจฺจเยน ปจฺจโย – สํกิลิฎฺฐสํกิเลสิโก เอโก ขโนฺธ ติณฺณนฺนํ ขนฺธานํ อตฺถิปจฺจเยน ปจฺจโยฯ (๑)
26. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa atthipaccayena paccayo – saṃkiliṭṭhasaṃkilesiko eko khandho tiṇṇannaṃ khandhānaṃ atthipaccayena paccayo. (1)
สํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํฯ สหชาตา – สํกิลิฎฺฐสํกิเลสิกา ขนฺธา จิตฺตสมุฎฺฐานานํ รูปานํ อตฺถิปจฺจเยน ปจฺจโยฯ ปจฺฉาชาตา – สํกิลิฎฺฐสํกิเลสิกา ขนฺธา ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ (๒)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa atthipaccayena paccayo – sahajātaṃ, pacchājātaṃ. Sahajātā – saṃkiliṭṭhasaṃkilesikā khandhā cittasamuṭṭhānānaṃ rūpānaṃ atthipaccayena paccayo. Pacchājātā – saṃkiliṭṭhasaṃkilesikā khandhā purejātassa imassa kāyassa atthipaccayena paccayo. (2)
สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส จ อสํกิลิฎฺฐสํกิเลสิกสฺส จ ธมฺมสฺส อตฺถิปจฺจเยน ปจฺจโย – สํกิลิฎฺฐสํกิเลสิโก เอโก ขโนฺธ ติณฺณนฺนํ ขนฺธานํ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโย…เป.… เทฺว ขนฺธา…เป.…ฯ (๓)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa atthipaccayena paccayo – saṃkiliṭṭhasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe…. (3)
๒๗. อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ, ปจฺฉาชาตํ, อาหารํ , อินฺทฺริยํฯ สหชาโต – อสํกิลิฎฺฐสํกิเลสิโก เอโก ขโนฺธ ติณฺณนฺนํ ขนฺธานํ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโย…เป.… ปฎิสนฺธิกฺขเณ…เป.… อสญฺญสตฺตานํ เอกํ มหาภูตํ ติณฺณนฺนํ มหาภูตานํ อตฺถิปจฺจเยน ปจฺจโย…เป.… ปุเรชาตํ – จกฺขุํ อนิจฺจโต ทุกฺขโต อนตฺตโต วิปสฺสติฯ โสตํ…เป.… กายํ… รูเป…เป.… โผฎฺฐเพฺพ… วตฺถุํ อนิจฺจโต ทุกฺขโต อนตฺตโต วิปสฺสติ, ทิเพฺพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติฯ รูปายตนํ จกฺขุวิญฺญาณสฺส…เป.… โผฎฺฐพฺพายตนํ กายวิญฺญาณสฺส อตฺถิปจฺจเยน ปจฺจโยฯ จกฺขายตนํ จกฺขุวิญฺญาณสฺส…เป.… กายายตนํ กายวิญฺญาณสฺส…เป.… วตฺถุ อสํกิลิฎฺฐสํกิเลสิกานํ ขนฺธานํ อตฺถิปจฺจเยน ปจฺจโยฯ ปจฺฉาชาตา – อสํกิลิฎฺฐสํกิเลสิกา ขนฺธา ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ กพฬีกาโร อาหาโร อิมสฺส กายสฺส…เป.… รูปชีวิตินฺทฺริยํ กฎตฺตารูปานํ อตฺถิปจฺจเยน ปจฺจโยฯ (๑)
27. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ , indriyaṃ. Sahajāto – asaṃkiliṭṭhasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… paṭisandhikkhaṇe…pe… asaññasattānaṃ ekaṃ mahābhūtaṃ tiṇṇannaṃ mahābhūtānaṃ atthipaccayena paccayo…pe… purejātaṃ – cakkhuṃ aniccato dukkhato anattato vipassati. Sotaṃ…pe… kāyaṃ… rūpe…pe… phoṭṭhabbe… vatthuṃ aniccato dukkhato anattato vipassati, dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa atthipaccayena paccayo. Cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu asaṃkiliṭṭhasaṃkilesikānaṃ khandhānaṃ atthipaccayena paccayo. Pacchājātā – asaṃkiliṭṭhasaṃkilesikā khandhā purejātassa imassa kāyassa atthipaccayena paccayo. Kabaḷīkāro āhāro imassa kāyassa…pe… rūpajīvitindriyaṃ kaṭattārūpānaṃ atthipaccayena paccayo. (1)
อสํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อตฺถิปจฺจเยน ปจฺจโยฯ ปุเรชาตํ – จกฺขุํ อสฺสาเทติ อภินนฺทติ; ตํ อารพฺภ ราโค อุปฺปชฺชติ…เป.… โทมนสฺสํ อุปฺปชฺชติ; วตฺถุํ อสฺสาเทติ…เป.… วตฺถุ สํกิลิฎฺฐสํกิเลสิกานํ ขนฺธานํ อตฺถิปจฺจเยน ปจฺจโยฯ (๒)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa atthipaccayena paccayo. Purejātaṃ – cakkhuṃ assādeti abhinandati; taṃ ārabbha rāgo uppajjati…pe… domanassaṃ uppajjati; vatthuṃ assādeti…pe… vatthu saṃkiliṭṭhasaṃkilesikānaṃ khandhānaṃ atthipaccayena paccayo. (2)
อสํกิลิฎฺฐสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส อตฺถิปจฺจเยน ปจฺจโยฯ ปุเรชาตํ – วตฺถุ อสํกิลิฎฺฐอสํกิเลสิกานํ ขนฺธานํ อตฺถิปจฺจเยน ปจฺจโยฯ (๓)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa atthipaccayena paccayo. Purejātaṃ – vatthu asaṃkiliṭṭhaasaṃkilesikānaṃ khandhānaṃ atthipaccayena paccayo. (3)
๒๘. อสํกิลิฎฺฐอสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส อตฺถิปจฺจเยน ปจฺจโย – อสํกิลิฎฺฐอสํกิเลสิโก เอโก ขโนฺธ ติณฺณนฺนํ ขนฺธานํ อตฺถิปจฺจเยน ปจฺจโย…ฯ (๑)
28. Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa atthipaccayena paccayo – asaṃkiliṭṭhaasaṃkilesiko eko khandho tiṇṇannaṃ khandhānaṃ atthipaccayena paccayo…. (1)
อสํกิลิฎฺฐอสํกิเลสิโก ธโมฺม อสงฺกิลิฎฺฐสํกิลิสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํฯ สหชาตา – อสํกิลิฎฺฐอสํกิเลสิกา ขนฺธา จิตฺตสมุฎฺฐานานํ รูปานํ อตฺถิปจฺจเยน ปจฺจโยฯ ปจฺฉาชาตา – อสํกิลิฎฺฐอสํกิเลสิกา ขนฺธา ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ (๒)
Asaṃkiliṭṭhaasaṃkilesiko dhammo asaṅkiliṭṭhasaṃkilisikassa dhammassa atthipaccayena paccayo – sahajātaṃ, pacchājātaṃ. Sahajātā – asaṃkiliṭṭhaasaṃkilesikā khandhā cittasamuṭṭhānānaṃ rūpānaṃ atthipaccayena paccayo. Pacchājātā – asaṃkiliṭṭhaasaṃkilesikā khandhā purejātassa imassa kāyassa atthipaccayena paccayo. (2)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส จ อสํกิลิฎฺฐอสํกิเลสิกสฺส จ ธมฺมสฺส อตฺถิปจฺจเยน ปจฺจโย – อสํกิลิฎฺฐอสํกิเลสิโก เอโก ขโนฺธ ติณฺณนฺนํ ขนฺธานํ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโย…ฯ (๓)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa atthipaccayena paccayo – asaṃkiliṭṭhaasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…. (3)
๒๙. อสํกิลิฎฺฐสํกิเลสิโก จ อสํกิลิฎฺฐอสํกิเลสิโก จ ธมฺมา อสํกิลิฎฺฐสํกิเลสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ, อาหารํ, อินฺทฺริยํฯ สหชาตา – อสํกิลิฎฺฐอสํกิเลสิกา ขนฺธา จ มหาภูตา จ จิตฺตสมุฎฺฐานานํ รูปานํ อตฺถิปจฺจเยน ปจฺจโยฯ ปจฺฉาชาตา – อสํกิลิฎฺฐอสํกิเลสิกา ขนฺธา จ กพฬีกาโร อาหาโร จ อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา – อสํกิลิฎฺฐสํกิเลสิกา ขนฺธา จ รูปชีวิตินฺทฺริยญฺจ กฎตฺตารูปานํ อตฺถิปจฺจเยน ปจฺจโยฯ (๑)
29. Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhasaṃkilesikassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – asaṃkiliṭṭhaasaṃkilesikā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – asaṃkiliṭṭhaasaṃkilesikā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – asaṃkiliṭṭhasaṃkilesikā khandhā ca rūpajīvitindriyañca kaṭattārūpānaṃ atthipaccayena paccayo. (1)
อสํกิลิฎฺฐสํกิเลสิโก จ อสํกิลิฎฺฐอสํกิเลสิโก จ ธมฺมา อสํกิลิฎฺฐอสํกิเลสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – อสํกิลิฎฺฐอสํกิเลสิโก เอโก ขโนฺธ จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย…เป.…ฯ (๒)
Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhaasaṃkilesikassa dhammassa atthipaccayena paccayo – sahajātaṃ, purejātaṃ. Sahajāto – asaṃkiliṭṭhaasaṃkilesiko eko khandho ca vatthu ca tiṇṇannaṃ khandhānaṃ atthipaccayena paccayo…pe…. (2)
สํกิลิฎฺฐสํกิเลสิโก จ อสํกิลิฎฺฐสํกิเลสิโก จ ธมฺมา สํกิลิฎฺฐสํกิเลสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – สํกิลิฎฺฐสํกิเลสิโก เอโก ขโนฺธ จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย… เทฺว ขนฺธา…เป.…ฯ (๑)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā saṃkiliṭṭhasaṃkilesikassa dhammassa atthipaccayena paccayo – sahajātaṃ, purejātaṃ. Sahajāto – saṃkiliṭṭhasaṃkilesiko eko khandho ca vatthu ca tiṇṇannaṃ khandhānaṃ atthipaccayena paccayo… dve khandhā…pe…. (1)
สํกิลิฎฺฐสํกิเลสิโก จ อสํกิลิฎฺฐสํกิเลสิโก จ ธมฺมา อสํกิลิฎฺฐสํกิเลสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ, อาหารํ, อินฺทฺริยํฯ สหชาตา – สํกิลิฎฺฐสํกิเลสิกา ขนฺธา จ มหาภูตา จ จิตฺตสมุฎฺฐานานํ รูปานํ อตฺถิปจฺจเยน ปจฺจโยฯ ปจฺฉาชาตา – สํกิลิฎฺฐสํกิเลสิกา ขนฺธา จ กพฬีกาโร อาหาโร จ ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา – สํกิลิฎฺฐสํกิเลสิกา ขนฺธา จ รูปชีวิตินฺทฺริยญฺจ กฎตฺตารูปานํ อตฺถิปจฺจเยน ปจฺจโยฯ (๒)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā asaṃkiliṭṭhasaṃkilesikassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – saṃkiliṭṭhasaṃkilesikā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – saṃkiliṭṭhasaṃkilesikā khandhā ca kabaḷīkāro āhāro ca purejātassa imassa kāyassa atthipaccayena paccayo. Pacchājātā – saṃkiliṭṭhasaṃkilesikā khandhā ca rūpajīvitindriyañca kaṭattārūpānaṃ atthipaccayena paccayo. (2)
นตฺถิ-วิคตาวิคตปจฺจยา
Natthi-vigatāvigatapaccayā
๓๐. สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส นตฺถิปจฺจเยน ปจฺจโย… วิคตปจฺจเยน ปจฺจโย… อวิคตปจฺจเยน ปจฺจโยฯ
30. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa natthipaccayena paccayo… vigatapaccayena paccayo… avigatapaccayena paccayo.
๑. ปจฺจยานุโลมํ
1. Paccayānulomaṃ
๒. สงฺขฺยาวาโร
2. Saṅkhyāvāro
สุทฺธํ
Suddhaṃ
๓๑. เหตุยา สตฺต, อารมฺมเณ ฉ, อธิปติยา อฎฺฐ, อนนฺตเร สตฺต, สมนนฺตเร สตฺต, สหชาเต นว, อญฺญมเญฺญ ตีณิ, นิสฺสเย เตรส, อุปนิสฺสเย อฎฺฐ, ปุเรชาเต ตีณิ, ปจฺฉาชาเต ตีณิ, อาเสวเน ตีณิ, กเมฺม สตฺต, วิปาเก จตฺตาริ, อาหาเร สตฺต, อินฺทฺริเย สตฺต, ฌาเน สตฺต, มเคฺค สตฺต, สมฺปยุเตฺต ตีณิ, วิปฺปยุเตฺต ปญฺจ, อตฺถิยา เตรส, นตฺถิยา สตฺต, วิคเต สตฺต, อวิคเต เตรสฯ
31. Hetuyā satta, ārammaṇe cha, adhipatiyā aṭṭha, anantare satta, samanantare satta, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane tīṇi, kamme satta, vipāke cattāri, āhāre satta, indriye satta, jhāne satta, magge satta, sampayutte tīṇi, vippayutte pañca, atthiyā terasa, natthiyā satta, vigate satta, avigate terasa.
เหตุสภาคํ
Hetusabhāgaṃ
เหตุปจฺจยา อธิปติยา จตฺตาริ, สหชาเต สตฺต, อญฺญมเญฺญ ตีณิ, นิสฺสเย สตฺต, วิปาเก จตฺตาริ, อินฺทฺริเย จตฺตาริ, มเคฺค จตฺตาริ, สมฺปยุเตฺต ตีณิ, วิปฺปยุเตฺต ตีณิ, อตฺถิยา สตฺต, อวิคเต สตฺตฯ
Hetupaccayā adhipatiyā cattāri, sahajāte satta, aññamaññe tīṇi, nissaye satta, vipāke cattāri, indriye cattāri, magge cattāri, sampayutte tīṇi, vippayutte tīṇi, atthiyā satta, avigate satta.
เหตุสามญฺญฆฎนา (๙)
Hetusāmaññaghaṭanā (9)
๓๒. เหตุ-สหชาต-นิสฺสย-อตฺถิ-อวิคตนฺติ สตฺตฯ เหตุ-สหชาต-อญฺญมญฺญ-นิสฺสยอตฺถิ-อวิคตนฺติ ตีณิฯ เหตุ-สหชาต-อญฺญมญฺญ-นิสฺสย-สมฺปยุตฺต-อตฺถิ-อวิคตนฺติ ตีณิฯ เหตุ-สหชาต-นิสฺสย-วิปฺปยุตฺต-อตฺถิ-อวิคตนฺติ ตีณิฯ (อวิปากํ – ๔)
32. Hetu-sahajāta-nissaya-atthi-avigatanti satta. Hetu-sahajāta-aññamañña-nissayaatthi-avigatanti tīṇi. Hetu-sahajāta-aññamañña-nissaya-sampayutta-atthi-avigatanti tīṇi. Hetu-sahajāta-nissaya-vippayutta-atthi-avigatanti tīṇi. (Avipākaṃ – 4)
เหตุ-สหชาต-นิสฺสย-วิปาก-อตฺถิ-อวิคตนฺติ จตฺตาริฯ เหตุ-สหชาต-อญฺญมญฺญนิสฺสย-วิปาก-อตฺถิ-อวิคตนฺติ เทฺวฯ เหตุ-สหชาต-อญฺญมญฺญ-นิสฺสย-วิปากสมฺปยุตฺต-อตฺถิ-อวิคตนฺติ เทฺวฯ เหตุ-สหชาต-นิสฺสย-วิปาก-วิปฺปยุตฺต-อตฺถิ-อวิคตนฺติ เทฺวฯ เหตุ-สหชาต-อญฺญมญฺญ-นิสฺสย-วิปาก-วิปฺปยุตฺต-อตฺถิ-อวิคตนฺติ เอกํฯ (สวิปากํ – ๕) (สํขิตฺตํฯ)
Hetu-sahajāta-nissaya-vipāka-atthi-avigatanti cattāri. Hetu-sahajāta-aññamaññanissaya-vipāka-atthi-avigatanti dve. Hetu-sahajāta-aññamañña-nissaya-vipākasampayutta-atthi-avigatanti dve. Hetu-sahajāta-nissaya-vipāka-vippayutta-atthi-avigatanti dve. Hetu-sahajāta-aññamañña-nissaya-vipāka-vippayutta-atthi-avigatanti ekaṃ. (Savipākaṃ – 5) (saṃkhittaṃ.)
(ยถา กุสลตฺติเก, เอวํ วิตฺถาเรตพฺพํ)ฯ
(Yathā kusalattike, evaṃ vitthāretabbaṃ).
อนุโลมํฯ
Anulomaṃ.
ปจฺจนียุทฺธาโร
Paccanīyuddhāro
๓๓. สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๑)
33. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
สํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปจฺฉาชาตปจฺจเยน ปจฺจโย… กมฺมปจฺจเยน ปจฺจโยฯ (๒)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)
สํกิลิฎฺฐสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส อุปนิสฺสยปจฺจเยน ปจฺจโยฯ (๓)
Saṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo. (3)
สํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส จ อสํกิลิฎฺฐสํกิเลสิกสฺส จ ธมฺมสฺส สหชาตปจฺจเยน ปจฺจโยฯ (๔)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa sahajātapaccayena paccayo. (4)
๓๔. อสํกิลิฎฺฐสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโย… ปจฺฉาชาตปจฺจเยน ปจฺจโย… กมฺมปจฺจเยน ปจฺจโย… อาหารปจฺจเยน ปจฺจโย… อินฺทฺริยปจฺจเยน ปจฺจโยฯ (๑)
34. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)
อสํกิลิฎฺฐสํกิเลสิโก ธโมฺม สํกิลิฎฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโยฯ (๒)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (2)
อสํกิลิฎฺฐสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโยฯ (๓)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo… purejātapaccayena paccayo. (3)
อสํกิลิฎฺฐอสํกิเลสิโก ธโมฺม อสํกิลิฎฺฐอสํกิเลสิกสฺส ธมฺมสฺส สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๑)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa sahajātapaccayena paccayo… upanissayapaccayena paccayo. (1)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปจฺฉาชาตปจฺจเยน ปจฺจโยฯ (๒)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)
อสํกิลิฎฺฐอสํกิเลสิโก ธโมฺม อสํกิลิฎฺฐสํกิเลสิกสฺส จ อสํกิลิฎฺฐอสํกิเลสิกสฺส จ ธมฺมสฺส สหชาตปจฺจเยน ปจฺจโยฯ (๓)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa sahajātapaccayena paccayo. (3)
อสํกิลิฎฺฐสํกิเลสิโก จ อสํกิลิฎฺฐอสํกิเลสิโก จ ธมฺมา อสํกิลิฎฺฐสํกิเลสิกสฺส ธมฺมสฺส สหชาตํ, ปจฺฉาชาตํ, อาหารํ, อินฺทฺริยํฯ (๑)
Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhasaṃkilesikassa dhammassa sahajātaṃ, pacchājātaṃ, āhāraṃ, indriyaṃ. (1)
อสํกิลิฎฺฐสํกิเลสิโก จ อสํกิลิฎฺฐอสํกิเลสิโก จ ธมฺมา อสํกิลิฎฺฐอสํกิเลสิกสฺส ธมฺมสฺส สหชาตํ, ปุเรชาตํฯ (๒)
Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhaasaṃkilesikassa dhammassa sahajātaṃ, purejātaṃ. (2)
สํกิลิฎฺฐสํกิเลสิโก จ อสํกิลิฎฺฐสํกิเลสิโก จ ธมฺมา สํกิลิฎฺฐสํกิเลสิกสฺส ธมฺมสฺส สหชาตํ, ปุเรชาตํฯ (๑)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā saṃkiliṭṭhasaṃkilesikassa dhammassa sahajātaṃ, purejātaṃ. (1)
สํกิลิฎฺฐสํกิเลสิโก จ อสํกิลิฎฺฐสํกิเลสิโก จ ธมฺมา อสํกิลิฎฺฐสํกิเลสิกสฺส ธมฺมสฺส สหชาตํ, ปจฺฉาชาตํ, อาหารํ, อินฺทฺริยํฯ (๒)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā asaṃkiliṭṭhasaṃkilesikassa dhammassa sahajātaṃ, pacchājātaṃ, āhāraṃ, indriyaṃ. (2)
๒. ปจฺจยปจฺจนียํ
2. Paccayapaccanīyaṃ
สุทฺธํ
Suddhaṃ
๓๕. นเหตุยา จุทฺทส, นอารมฺมเณ จุทฺทส, นอธิปติยา จุทฺทส, นอนนฺตเร จุทฺทส, นสมนนฺตเร จุทฺทส, นสหชาเต ทส, นอญฺญมเญฺญ ทส, นนิสฺสเย ทส, นอุปนิสฺสเย เตรส, นปุเรชาเต ทฺวาทส, นปจฺฉาชาเต จุทฺทส, นอาเสวเน จุทฺทส, นกเมฺม จุทฺทส, นวิปาเก จุทฺทส , นอาหาเร จุทฺทส, นอินฺทฺริเย จุทฺทส, นฌาเน จุทฺทส, นมเคฺค จุทฺทส, นสมฺปยุเตฺต ทส, นวิปฺปยุเตฺต อฎฺฐ, โนอตฺถิยา อฎฺฐ, โนนตฺถิยา จุทฺทส, โนวิคเต จุทฺทส, โนอวิคเต อฎฺฐฯ
35. Nahetuyā cuddasa, naārammaṇe cuddasa, naadhipatiyā cuddasa, naanantare cuddasa, nasamanantare cuddasa, nasahajāte dasa, naaññamaññe dasa, nanissaye dasa, naupanissaye terasa, napurejāte dvādasa, napacchājāte cuddasa, naāsevane cuddasa, nakamme cuddasa, navipāke cuddasa , naāhāre cuddasa, naindriye cuddasa, najhāne cuddasa, namagge cuddasa, nasampayutte dasa, navippayutte aṭṭha, noatthiyā aṭṭha, nonatthiyā cuddasa, novigate cuddasa, noavigate aṭṭha.
ทุกํ
Dukaṃ
นเหตุปจฺจยา นอารมฺมเณ จุทฺทส (สํขิตฺตํฯ)
Nahetupaccayā naārammaṇe cuddasa (saṃkhittaṃ.)
(ยถา กุสลตฺติเก ปจฺจนียคณนา, เอวํ คเณตพฺพํฯ)
(Yathā kusalattike paccanīyagaṇanā, evaṃ gaṇetabbaṃ.)
ปจฺจนียํฯ
Paccanīyaṃ.
๓. ปจฺจยานุโลมปจฺจนียํ
3. Paccayānulomapaccanīyaṃ
เหตุทุกํ
Hetudukaṃ
๓๖. เหตุปจฺจยา นอารมฺมเณ สตฺต, นอธิปติยา สตฺต, นอนนฺตเร สตฺต, นสมนนฺตเร สตฺต, นอญฺญมเญฺญ ตีณิ, นอุปนิสฺสเย สตฺต, นปุเรชาเต สตฺต, นปจฺฉาชาเต สตฺต, นอาเสวเน สตฺต, นกเมฺม สตฺต, นวิปาเก สตฺต, นอาหาเร สตฺต, นอินฺทฺริเย สตฺต, นฌาเน สตฺต, นมเคฺค สตฺต, นสมฺปยุเตฺต ตีณิ, นวิปฺปยุเตฺต ตีณิ, โนนตฺถิยา สตฺต, โนวิคเต สตฺตฯ
36. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe tīṇi, naupanissaye satta, napurejāte satta, napacchājāte satta, naāsevane satta, nakamme satta, navipāke satta, naāhāre satta, naindriye satta, najhāne satta, namagge satta, nasampayutte tīṇi, navippayutte tīṇi, nonatthiyā satta, novigate satta.
ฆฎนา
Ghaṭanā
เหตุ-สหชาต-นิสฺสย-อตฺถิ-อวิคตนฺติ นอารมฺมเณ สตฺต…เป.… นอญฺญมเญฺญ ตีณิ…เป.… นสมฺปยุเตฺต ตีณิ, นวิปฺปยุเตฺต ตีณิ…เป.… โนวิคเต สตฺต (สํขิตฺตํฯ)
Hetu-sahajāta-nissaya-atthi-avigatanti naārammaṇe satta…pe… naaññamaññe tīṇi…pe… nasampayutte tīṇi, navippayutte tīṇi…pe… novigate satta (saṃkhittaṃ.)
(ยถา กุสลตฺติเก อนุโลมปจฺจนียคณนา วิภตฺตา, เอวํ วิภชิตพฺพํฯ)
(Yathā kusalattike anulomapaccanīyagaṇanā vibhattā, evaṃ vibhajitabbaṃ.)
อนุโลมปจฺจนียํฯ
Anulomapaccanīyaṃ.
๔. ปจฺจยปจฺจนียานุโลมํ
4. Paccayapaccanīyānulomaṃ
นเหตุทุกํ
Nahetudukaṃ
๓๗. นเหตุปจฺจยา อารมฺมเณ ฉ, อธิปติยา อฎฺฐ, อนนฺตเร สตฺต, สมนนฺตเร สตฺต, สหชาเต นว, อญฺญมเญฺญ ตีณิ, นิสฺสเย เตรส, อุปนิสฺสเย อฎฺฐ, ปุเรชาเต ตีณิ, ปจฺฉาชาเต ตีณิ, อาเสวเน ตีณิ , กเมฺม สตฺต, วิปาเก จตฺตาริ, อาหาเร สตฺต, อินฺทฺริเย สตฺต, ฌาเน สตฺต, มเคฺค สตฺต, สมฺปยุเตฺต ตีณิ, วิปฺปยุเตฺต ปญฺจ, อตฺถิยา เตรส, นตฺถิยา สตฺต, วิคเต สตฺต, อวิคเต เตรสฯ
37. Nahetupaccayā ārammaṇe cha, adhipatiyā aṭṭha, anantare satta, samanantare satta, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane tīṇi , kamme satta, vipāke cattāri, āhāre satta, indriye satta, jhāne satta, magge satta, sampayutte tīṇi, vippayutte pañca, atthiyā terasa, natthiyā satta, vigate satta, avigate terasa.
ติกํ
Tikaṃ
นเหตุปจฺจยา นอารมฺมณปจฺจยา อธิปติยา สตฺต (สํขิตฺตํฯ)
Nahetupaccayā naārammaṇapaccayā adhipatiyā satta (saṃkhittaṃ.)
(ยถา กุสลตฺติเก ปจฺจนียานุโลมคณนา วิภตฺตา, เอวํ วิภชิตพฺพํฯ)
(Yathā kusalattike paccanīyānulomagaṇanā vibhattā, evaṃ vibhajitabbaṃ.)
ปจฺจนียานุโลมํฯ
Paccanīyānulomaṃ.
สํกิลิฎฺฐตฺติกํ นิฎฺฐิตํฯ
Saṃkiliṭṭhattikaṃ niṭṭhitaṃ.
ปฎฺฐานปาฬิ ปฐโม ภาโค นิฎฺฐิโตฯ
Paṭṭhānapāḷi paṭhamo bhāgo niṭṭhito.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๕-๒๒. สงฺกิลิฎฺฐตฺติกาทิวณฺณนา • 5-22. Saṅkiliṭṭhattikādivaṇṇanā
