| Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi |
៥. សំកិលិដ្ឋត្តិកំ
5. Saṃkiliṭṭhattikaṃ
១. បដិច្ចវារោ
1. Paṭiccavāro
១. បច្ចយានុលោមំ
1. Paccayānulomaṃ
១. វិភង្គវារោ
1. Vibhaṅgavāro
ហេតុបច្ចយោ
Hetupaccayo
១. សំកិលិដ្ឋសំកិលេសិកំ ធម្មំ បដិច្ច សំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា – សំកិលិដ្ឋសំកិលេសិកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (១)
1. Saṃkiliṭṭhasaṃkilesikaṃ dhammaṃ paṭicca saṃkiliṭṭhasaṃkilesiko dhammo uppajjati hetupaccayā – saṃkiliṭṭhasaṃkilesikaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
សំកិលិដ្ឋសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា – សំកិលិដ្ឋសំកិលេសិកេ ខន្ធេ បដិច្ច ចិត្តសមុដ្ឋានំ រូបំ។ (២)
Saṃkiliṭṭhasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – saṃkiliṭṭhasaṃkilesike khandhe paṭicca cittasamuṭṭhānaṃ rūpaṃ. (2)
សំកិលិដ្ឋសំកិលេសិកំ ធម្មំ បដិច្ច សំកិលិដ្ឋសំកិលេសិកោ ច អសំកិលិដ្ឋសំកិលេសិកោ ច ធម្មា ឧប្បជ្ជន្តិ ហេតុបច្ចយា – សំកិលិដ្ឋសំកិលេសិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ។ (៣)
Saṃkiliṭṭhasaṃkilesikaṃ dhammaṃ paṭicca saṃkiliṭṭhasaṃkilesiko ca asaṃkiliṭṭhasaṃkilesiko ca dhammā uppajjanti hetupaccayā – saṃkiliṭṭhasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. (3)
អសំកិលិដ្ឋសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា – អសំកិលិដ្ឋសំកិលេសិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ ; បដិសន្ធិក្ខណេ អសំកិលិដ្ឋសំកិលេសិកំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ.… ទ្វេ ខន្ធេ បដិច្ច ទ្វេ ខន្ធា កដត្តា ច រូបំ; ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច តយោ មហាភូតា…បេ.… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ។ (១)
Asaṃkiliṭṭhasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – asaṃkiliṭṭhasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ ; paṭisandhikkhaṇe asaṃkiliṭṭhasaṃkilesikaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe paṭicca dve khandhā kaṭattā ca rūpaṃ; khandhe paṭicca vatthu, vatthuṃ paṭicca khandhā; ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
២. អសំកិលិដ្ឋអសំកិលេសិកំ ធម្មំ បដិច្ច អសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា – អសំកិលិដ្ឋអសំកិលេសិកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (១)
2. Asaṃkiliṭṭhaasaṃkilesikaṃ dhammaṃ paṭicca asaṃkiliṭṭhaasaṃkilesiko dhammo uppajjati hetupaccayā – asaṃkiliṭṭhaasaṃkilesikaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
អសំកិលិដ្ឋអសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា – អសំកិលិដ្ឋអសំកិលេសិកេ ខន្ធេ បដិច្ច ចិត្តសមុដ្ឋានំ រូបំ។ (២)
Asaṃkiliṭṭhaasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – asaṃkiliṭṭhaasaṃkilesike khandhe paṭicca cittasamuṭṭhānaṃ rūpaṃ. (2)
អសំកិលិដ្ឋអសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ច អសំកិលិដ្ឋអសំកិលេសិកោ ច ធម្មា ឧប្បជ្ជន្តិ ហេតុបច្ចយា – អសំកិលិដ្ឋអសំកិលេសិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ។ (៣)
Asaṃkiliṭṭhaasaṃkilesikaṃ dhammaṃ paṭicca asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā uppajjanti hetupaccayā – asaṃkiliṭṭhaasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. (3)
អសំកិលិដ្ឋសំកិលេសិកញ្ច អសំកិលិដ្ឋអសំកិលេសិកញ្ច ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា – អសំកិលិដ្ឋអសំកិលេសិកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)
Asaṃkiliṭṭhasaṃkilesikañca asaṃkiliṭṭhaasaṃkilesikañca dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – asaṃkiliṭṭhaasaṃkilesike khandhe ca mahābhūte ca paṭicca cittasamuṭṭhānaṃ rūpaṃ. (1)
សំកិលិដ្ឋសំកិលេសិកញ្ច អសំកិលិដ្ឋសំកិលេសិកញ្ច ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា – សំកិលិដ្ឋសំកិលេសិកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ (សំខិត្តំ)។ (១)
Saṃkiliṭṭhasaṃkilesikañca asaṃkiliṭṭhasaṃkilesikañca dhammaṃ paṭicca asaṃkiliṭṭhasaṃkilesiko dhammo uppajjati hetupaccayā – saṃkiliṭṭhasaṃkilesike khandhe ca mahābhūte ca paṭicca cittasamuṭṭhānaṃ rūpaṃ (saṃkhittaṃ). (1)
១. បច្ចយានុលោមំ
1. Paccayānulomaṃ
២. សង្ខ្យាវារោ
2. Saṅkhyāvāro
៣. ហេតុយា នវ, អារម្មណេ តីណិ, អធិបតិយា នវ, អនន្តរេ តីណិ, សមនន្តរេ តីណិ, សហជាតេ នវ, អញ្ញមញ្ញេ តីណិ, និស្សយេ នវ, ឧបនិស្សយេ តីណិ, បុរេជាតេ តីណិ, អាសេវនេ តីណិ, កម្មេ នវ, វិបាកេ បញ្ច, អាហារេ នវ…បេ.… មគ្គេ នវ, សម្បយុត្តេ តីណិ, វិប្បយុត្តេ នវ…បេ.… អវិគតេ នវ (សំខិត្តំ។)
3. Hetuyā nava, ārammaṇe tīṇi, adhipatiyā nava, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane tīṇi, kamme nava, vipāke pañca, āhāre nava…pe… magge nava, sampayutte tīṇi, vippayutte nava…pe… avigate nava (saṃkhittaṃ.)
(យថា កុសលត្តិកេ វិភត្តំ, ឯវំ វិភជិតព្ពំ។)
(Yathā kusalattike vibhattaṃ, evaṃ vibhajitabbaṃ.)
២. បច្ចយបច្ចនីយំ
2. Paccayapaccanīyaṃ
នហេតុបច្ចយោ
Nahetupaccayo
៤. សំកិលិដ្ឋសំកិលេសិកំ ធម្មំ បដិច្ច សំកិលិដ្ឋសំកិលេសិកោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១)
4. Saṃkiliṭṭhasaṃkilesikaṃ dhammaṃ paṭicca saṃkiliṭṭhasaṃkilesiko dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
អសំកិលិដ្ឋសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ នហេតុបច្ចយា – អហេតុកំ អសំកិលិដ្ឋសំកិលេសិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… អហេតុកបដិសន្ធិក្ខណេ…បេ.… អសញ្ញសត្តានំ ឯកំ មហាភូតំ។ (សំខិត្តំ។) (១)
Asaṃkiliṭṭhasaṃkilesikaṃ dhammaṃ paṭicca asaṃkiliṭṭhasaṃkilesiko dhammo uppajjati nahetupaccayā – ahetukaṃ asaṃkiliṭṭhasaṃkilesikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… ahetukapaṭisandhikkhaṇe…pe… asaññasattānaṃ ekaṃ mahābhūtaṃ. (Saṃkhittaṃ.) (1)
(យថា កុសលត្តិកេ វិភត្តំ, ឯវំ វិភជិតព្ពំ។)
(Yathā kusalattike vibhattaṃ, evaṃ vibhajitabbaṃ.)
សុទ្ធំ
Suddhaṃ
៥. នហេតុយា ទ្វេ, នអារម្មណេ បញ្ច, នអធិបតិយា ឆ, នអនន្តរេ បញ្ច…បេ.… នឧបនិស្សយេ បញ្ច, នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ…បេ.… នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច។ (សំខិត្តំ។)
5. Nahetuyā dve, naārammaṇe pañca, naadhipatiyā cha, naanantare pañca…pe… naupanissaye pañca, napurejāte satta, napacchājāte nava, naāsevane nava, nakamme tīṇi, navipāke nava, naāhāre ekaṃ…pe… namagge ekaṃ, nasampayutte pañca, navippayutte tīṇi, nonatthiyā pañca, novigate pañca. (Saṃkhittaṃ.)
៣. បច្ចយានុលោមបច្ចនីយំ
3. Paccayānulomapaccanīyaṃ
ហេតុទុកំ
Hetudukaṃ
៦. ហេតុបច្ចយា នអារម្មណេ បញ្ច, នអធិបតិយា ឆ…បេ.… នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច។ (សំខិត្តំ។)
6. Hetupaccayā naārammaṇe pañca, naadhipatiyā cha…pe… napurejāte satta, napacchājāte nava, naāsevane nava, nakamme tīṇi, navipāke nava, nasampayutte pañca, navippayutte tīṇi, nonatthiyā pañca, novigate pañca. (Saṃkhittaṃ.)
៤. បច្ចយបច្ចនីយានុលោមំ
4. Paccayapaccanīyānulomaṃ
នហេតុទុកំ
Nahetudukaṃ
៧. នហេតុបច្ចយា អារម្មណេ ទ្វេ…បេ.… វិបាកេ ឯកំ…បេ.… មគ្គេ ឯកំ…បេ.… អវិគតេ ទ្វេ។ (សំខិត្តំ។)
7. Nahetupaccayā ārammaṇe dve…pe… vipāke ekaṃ…pe… magge ekaṃ…pe… avigate dve. (Saṃkhittaṃ.)
បដិច្ចវារោ។
Paṭiccavāro.
២-៦ សហជាត-បច្ចយ-និស្សយ-សំសដ្ឋ-សម្បយុត្តវារោ
2-6 Sahajāta-paccaya-nissaya-saṃsaṭṭha-sampayuttavāro
(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ វិត្ថារេតព្ពោ។)
(Sahajātavāropi paccayavāropi nissayavāropi saṃsaṭṭhavāropi sampayuttavāropi vitthāretabbo.)
៧. បញ្ហាវារោ
7. Pañhāvāro
១. បច្ចយានុលោមំ
1. Paccayānulomaṃ
១. វិភង្គវារោ
1. Vibhaṅgavāro
ហេតុបច្ចយោ
Hetupaccayo
៨. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស ហេតុបច្ចយេន បច្ចយោ – សំកិលិដ្ឋសំកិលេសិកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (១)
8. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa hetupaccayena paccayo – saṃkiliṭṭhasaṃkilesikā hetū sampayuttakānaṃ khandhānaṃ hetupaccayena paccayo. (1)
សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ហេតុបច្ចយេន បច្ចយោ – សំកិលិដ្ឋសំកិលេសិកា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ។ (២)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa hetupaccayena paccayo – saṃkiliṭṭhasaṃkilesikā hetū cittasamuṭṭhānānaṃ rūpānaṃ hetupaccayena paccayo. (2)
សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ច អសំកិលិដ្ឋសំកិលេសិកស្ស ច ធម្មស្ស ហេតុបច្ចយេន បច្ចយោ – សំកិលិដ្ឋសំកិលេសិកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa hetupaccayena paccayo – saṃkiliṭṭhasaṃkilesikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)
អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ហេតុបច្ចយេន បច្ចយោ – អសំកិលិដ្ឋសំកិលេសិកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ អសំកិលិដ្ឋសំកិលេសិកា ហេតូ សម្បយុត្តកានំ ខន្ធានំ កដត្តា ច រូបានំ ហេតុបច្ចយេន បច្ចយោ។ (១)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa hetupaccayena paccayo – asaṃkiliṭṭhasaṃkilesikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe asaṃkiliṭṭhasaṃkilesikā hetū sampayuttakānaṃ khandhānaṃ kaṭattā ca rūpānaṃ hetupaccayena paccayo. (1)
អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស ហេតុបច្ចយេន បច្ចយោ – អសំកិលិដ្ឋអសំកិលេសិកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (១)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa hetupaccayena paccayo – asaṃkiliṭṭhaasaṃkilesikā hetū sampayuttakānaṃ khandhānaṃ hetupaccayena paccayo. (1)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ហេតុបច្ចយេន បច្ចយោ – អសំកិលិដ្ឋអសំកិលេសិកា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ។ (២)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa hetupaccayena paccayo – asaṃkiliṭṭhaasaṃkilesikā hetū cittasamuṭṭhānānaṃ rūpānaṃ hetupaccayena paccayo. (2)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ច អសំកិលិដ្ឋអសំកិលេសិកស្ស ច ធម្មស្ស ហេតុបច្ចយេន បច្ចយោ – អសំកិលិដ្ឋអសំកិលេសិកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa hetupaccayena paccayo – asaṃkiliṭṭhaasaṃkilesikā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)
អារម្មណបច្ចយោ
Ārammaṇapaccayo
៩. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ – រាគំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ, ទោមនស្សំ ឧប្បជ្ជតិ ។ ទិដ្ឋិំ អស្សាទេតិ…បេ.… វិចិកិច្ឆំ អារព្ភ…បេ.… ឧទ្ធច្ចំ អារព្ភ…បេ.… ទោមនស្សំ អារព្ភ…បេ.…។ (១)
9. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo – rāgaṃ assādeti abhinandati, taṃ ārabbha rāgo uppajjati, diṭṭhi uppajjati, vicikicchā uppajjati, uddhaccaṃ uppajjati, domanassaṃ uppajjati . Diṭṭhiṃ assādeti…pe… vicikicchaṃ ārabbha…pe… uddhaccaṃ ārabbha…pe… domanassaṃ ārabbha…pe…. (1)
(យថា កុសលត្តិកេ វិភត្តំ, ឯវំ វិភជិតព្ពំ។)
(Yathā kusalattike vibhattaṃ, evaṃ vibhajitabbaṃ.)
សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ – អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ, សំកិលិដ្ឋសំកិលេសិកេ ខន្ធេ អនិច្ចតោ ទុក្ខតោ អនត្តតោ វិបស្សន្តិ, ចេតោបរិយញាណេន សំកិលិដ្ឋសំកិលេសិកចិត្តសមង្គិស្ស ចិត្តំ ជានន្តិ; សេក្ខា វា បុថុជ្ជនា វា សំកិលិដ្ឋសំកិលេសិកេ ខន្ធេ អនិច្ចតោ ទុក្ខតោ អនត្តតោ វិបស្សន្តិ, កុសលេ និរុទ្ធេ វិបាកោ តទារម្មណតា ឧប្បជ្ជតិ; សំកិលិដ្ឋសំកិលេសិកេ ខន្ធេ អស្សាទេន្តិ អភិនន្ទន្តិ…បេ.… ទោមនស្សំ ឧប្បជ្ជតិ, អកុសលេ និរុទ្ធេ វិបាកោ តទារម្មណតា ឧប្បជ្ជតិ។ សំកិលិដ្ឋសំកិលេសិកា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (២)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo – ariyā pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti, saṃkiliṭṭhasaṃkilesike khandhe aniccato dukkhato anattato vipassanti, cetopariyañāṇena saṃkiliṭṭhasaṃkilesikacittasamaṅgissa cittaṃ jānanti; sekkhā vā puthujjanā vā saṃkiliṭṭhasaṃkilesike khandhe aniccato dukkhato anattato vipassanti, kusale niruddhe vipāko tadārammaṇatā uppajjati; saṃkiliṭṭhasaṃkilesike khandhe assādenti abhinandanti…pe… domanassaṃ uppajjati, akusale niruddhe vipāko tadārammaṇatā uppajjati. Saṃkiliṭṭhasaṃkilesikā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)
១០. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ – ទានំ ទត្វា, សីលំ សមាទិយិត្វា , ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ; ឈានា វុដ្ឋហិត្វា ឈានំ បច្ចវេក្ខតិ, អរិយា គោត្រភុំ បច្ចវេក្ខន្តិ, វោទានំ បច្ចវេក្ខន្តិ, ចក្ខុំ អនិច្ចតោ ទុក្ខតោ អនត្តតោ វិបស្សន្តិ ; សោតំ… ឃានំ… ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ អសំកិលិដ្ឋសំកិលេសិកេ ខន្ធេ អនិច្ចតោ ទុក្ខតោ អនត្តតោ វិបស្សន្តិ; ទិព្ពេន ចក្ខុនា រូបំ បស្សន្តិ, ទិព្ពាយ សោតធាតុយា សទ្ទំ សុណន្តិ, ចេតោបរិយញាណេន អសំកិលិដ្ឋសំកិលេសិកចិត្តសមង្គិស្ស ចិត្តំ ជានន្តិ។ អាកាសានញ្ចាយតនំ វិញ្ញាណញ្ចាយតនស្ស…បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស អារម្មណបច្ចយេន បច្ចយោ។ រូបាយតនំ ចក្ខុវិញ្ញាណស្ស អារម្មណបច្ចយេន បច្ចយោ…បេ.… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ។ អសំកិលិដ្ឋសំកិលេសិកា ខន្ធា ឥទ្ធិវិធញាណស្ស, ចេតោបរិយញាណស្ស , បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)
10. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo – dānaṃ datvā, sīlaṃ samādiyitvā , uposathakammaṃ katvā taṃ paccavekkhati, pubbe suciṇṇāni paccavekkhati; jhānā vuṭṭhahitvā jhānaṃ paccavekkhati, ariyā gotrabhuṃ paccavekkhanti, vodānaṃ paccavekkhanti, cakkhuṃ aniccato dukkhato anattato vipassanti ; sotaṃ… ghānaṃ… jivhaṃ… kāyaṃ… rūpe… sadde… gandhe… rase… phoṭṭhabbe… vatthuṃ asaṃkiliṭṭhasaṃkilesike khandhe aniccato dukkhato anattato vipassanti; dibbena cakkhunā rūpaṃ passanti, dibbāya sotadhātuyā saddaṃ suṇanti, cetopariyañāṇena asaṃkiliṭṭhasaṃkilesikacittasamaṅgissa cittaṃ jānanti. Ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Rūpāyatanaṃ cakkhuviññāṇassa ārammaṇapaccayena paccayo…pe… phoṭṭhabbāyatanaṃ kāyaviññāṇassa ārammaṇapaccayena paccayo. Asaṃkiliṭṭhasaṃkilesikā khandhā iddhividhañāṇassa, cetopariyañāṇassa , pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ – ទានំ ទត្វា, សីលំ សមាទិយិត្វា, ឧបោសថកម្មំ កត្វា តំ អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ…បេ.… ទោមនស្សំ ឧប្បជ្ជតិ; បុព្ពេ សុចិណ្ណានិ អស្សាទេតិ…បេ.… ឈានា វុដ្ឋហិត្វា ឈានំ អស្សាទេតិ…បេ.… ចក្ខុំ អស្សាទេតិ ។ ផោដ្ឋព្ពេ… វត្ថុំ… អសំកិលិដ្ឋសំកិលេសិកេ ខន្ធេ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ… ទោមនស្សំ ឧប្បជ្ជតិ។ (២)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo – dānaṃ datvā, sīlaṃ samādiyitvā, uposathakammaṃ katvā taṃ assādeti abhinandati; taṃ ārabbha rāgo uppajjati, diṭṭhi uppajjati…pe… domanassaṃ uppajjati; pubbe suciṇṇāni assādeti…pe… jhānā vuṭṭhahitvā jhānaṃ assādeti…pe… cakkhuṃ assādeti . Phoṭṭhabbe… vatthuṃ… asaṃkiliṭṭhasaṃkilesike khandhe assādeti abhinandati, taṃ ārabbha rāgo uppajjati… domanassaṃ uppajjati. (2)
អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អារម្មណបច្ចយេន បច្ចយោ – និព្ពានំ មគ្គស្ស, ផលស្ស អារម្មណបច្ចយេន បច្ចយោ។ (១)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa ārammaṇapaccayena paccayo – nibbānaṃ maggassa, phalassa ārammaṇapaccayena paccayo. (1)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ។ និព្ពានំ គោត្រភុស្ស, វោទានស្ស, អាវជ្ជនាយ អារម្មណបច្ចយេន បច្ចយោ។ អរិយា ចេតោបរិយញាណេន អសំកិលិដ្ឋអសំកិលេសិកចិត្តសមង្គិស្ស ចិត្តំ ជានន្តិ។ អសំកិលិដ្ឋអសំកិលេសិកា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (២)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti. Nibbānaṃ gotrabhussa, vodānassa, āvajjanāya ārammaṇapaccayena paccayo. Ariyā cetopariyañāṇena asaṃkiliṭṭhaasaṃkilesikacittasamaṅgissa cittaṃ jānanti. Asaṃkiliṭṭhaasaṃkilesikā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (2)
អធិបតិបច្ចយោ
Adhipatipaccayo
១១. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – រាគំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ; ទិដ្ឋិំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – សំកិលិដ្ឋសំកិលេសិកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)
11. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – rāgaṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati; diṭṭhiṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – saṃkiliṭṭhasaṃkilesikādhipati sampayuttakānaṃ khandhānaṃ adhipatipaccayena paccayo. (1)
សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – សំកិលិដ្ឋសំកិលេសិកាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (២)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa adhipatipaccayena paccayo. Sahajātādhipati – saṃkiliṭṭhasaṃkilesikādhipati cittasamuṭṭhānānaṃ rūpānaṃ adhipatipaccayena paccayo. (2)
សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ច អសំកិលិដ្ឋសំកិលេសិកស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – សំកិលិដ្ឋសំកិលេសិកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa adhipatipaccayena paccayo. Sahajātādhipati – saṃkiliṭṭhasaṃkilesikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)
១២. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ ទត្វា, សីលំ សមាទិយិត្វា, ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ សុចិណ្ណានិ គរុំ កត្វា បច្ចវេក្ខតិ, ឈានា វុដ្ឋហិត្វា ឈានំ គរុំ កត្វា បច្ចវេក្ខតិ, សេក្ខា គោត្រភុំ គរុំ កត្វា បច្ចវេក្ខន្តិ, វោទានំ គរុំ កត្វា បច្ចវេក្ខន្តិ។ សហជាតាធិបតិ – អសំកិលិដ្ឋសំកិលេសិកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)
12. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā, sīlaṃ samādiyitvā, uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati, jhānā vuṭṭhahitvā jhānaṃ garuṃ katvā paccavekkhati, sekkhā gotrabhuṃ garuṃ katvā paccavekkhanti, vodānaṃ garuṃ katvā paccavekkhanti. Sahajātādhipati – asaṃkiliṭṭhasaṃkilesikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – ទានំ ទត្វា, សីលំ សមាទិយិត្វា, ឧបោសថកម្មំ កត្វា តំ គរុំ កត្វា អស្សាទេតិ អភិនន្ទតិ , តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ, បុព្ពេ សុចិណ្ណានិ គរុំ កត្វា អស្សាទេតិ អភិនន្ទតិ…បេ.… ឈានា វុដ្ឋហិត្វា ឈានំ គរុំ កត្វា អស្សាទេតិ អភិនន្ទតិ…បេ.… ចក្ខុំ គរុំ កត្វា អស្សាទេតិ អភិនន្ទតិ…បេ.… ផោដ្ឋព្ពេ…បេ.… វត្ថុំ អសំកិលិដ្ឋសំកិលេសិកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ (២)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa adhipatipaccayena paccayo. Ārammaṇādhipati – dānaṃ datvā, sīlaṃ samādiyitvā, uposathakammaṃ katvā taṃ garuṃ katvā assādeti abhinandati , taṃ garuṃ katvā rāgo uppajjati, diṭṭhi uppajjati, pubbe suciṇṇāni garuṃ katvā assādeti abhinandati…pe… jhānā vuṭṭhahitvā jhānaṃ garuṃ katvā assādeti abhinandati…pe… cakkhuṃ garuṃ katvā assādeti abhinandati…pe… phoṭṭhabbe…pe… vatthuṃ asaṃkiliṭṭhasaṃkilesike khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (2)
អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – និព្ពានំ មគ្គស្ស, ផលស្ស អធិបតិបច្ចយេន បច្ចយោ។ សហជាតាធិបតិ – អសំកិលិដ្ឋអសំកិលេសិកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – nibbānaṃ maggassa, phalassa adhipatipaccayena paccayo. Sahajātādhipati – asaṃkiliṭṭhaasaṃkilesikādhipati sampayuttakānaṃ khandhānaṃ adhipatipaccayena paccayo. (1)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ គរុំ កត្វា បច្ចវេក្ខន្តិ, និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស អធិបតិបច្ចយេន បច្ចយោ។ សហជាតាធិបតិ – អសំកិលិដ្ឋអសំកិលេសិកាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (២)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti, phalaṃ garuṃ katvā paccavekkhanti, nibbānaṃ garuṃ katvā paccavekkhanti, nibbānaṃ gotrabhussa, vodānassa adhipatipaccayena paccayo. Sahajātādhipati – asaṃkiliṭṭhaasaṃkilesikādhipati cittasamuṭṭhānānaṃ rūpānaṃ adhipatipaccayena paccayo. (2)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ច អសំកិលិដ្ឋអសំកិលេសិកស្ស ច ធម្មស្ស អធិបតិបច្ចយេន បច្ចយោ ។ សហជាតាធិបតិ – អសំកិលិដ្ឋអសំកិលេសិកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa adhipatipaccayena paccayo . Sahajātādhipati – asaṃkiliṭṭhaasaṃkilesikādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)
អនន្តរបច្ចយោ
Anantarapaccayo
១៣. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា សំកិលិដ្ឋសំកិលេសិកា ខន្ធា បច្ឆិមានំ បច្ឆិមានំ សំកិលិដ្ឋសំកិលេសិកានំ ខន្ធានំ អនន្តរបច្ចយេន បច្ចយោ។ (១)
13. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa anantarapaccayena paccayo – purimā purimā saṃkiliṭṭhasaṃkilesikā khandhā pacchimānaṃ pacchimānaṃ saṃkiliṭṭhasaṃkilesikānaṃ khandhānaṃ anantarapaccayena paccayo. (1)
សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អនន្តរបច្ចយេន បច្ចយោ – សំកិលិដ្ឋសំកិលេសិកា ខន្ធា វុដ្ឋានស្ស អនន្តរបច្ចយេន បច្ចយោ។ (២)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa anantarapaccayena paccayo – saṃkiliṭṭhasaṃkilesikā khandhā vuṭṭhānassa anantarapaccayena paccayo. (2)
អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា អសំកិលិដ្ឋសំកិលេសិកា ខន្ធា បច្ឆិមានំ បច្ឆិមានំ អសំកិលិដ្ឋសំកិលេសិកានំ ខន្ធានំ អនន្តរបច្ចយេន បច្ចយោ។ អនុលោមំ គោត្រភុស្ស… អនុលោមំ វោទានស្ស… អាវជ្ជនា អសំកិលិដ្ឋសំកិលេសិកានំ ខន្ធានំ អនន្តរបច្ចយេន បច្ចយោ។ (១)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa anantarapaccayena paccayo – purimā purimā asaṃkiliṭṭhasaṃkilesikā khandhā pacchimānaṃ pacchimānaṃ asaṃkiliṭṭhasaṃkilesikānaṃ khandhānaṃ anantarapaccayena paccayo. Anulomaṃ gotrabhussa… anulomaṃ vodānassa… āvajjanā asaṃkiliṭṭhasaṃkilesikānaṃ khandhānaṃ anantarapaccayena paccayo. (1)
អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អនន្តរបច្ចយេន បច្ចយោ – អាវជ្ជនា សំកិលិដ្ឋសំកិលេសិកានំ ខន្ធានំ អនន្តរបច្ចយេន បច្ចយោ។ (២)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa anantarapaccayena paccayo – āvajjanā saṃkiliṭṭhasaṃkilesikānaṃ khandhānaṃ anantarapaccayena paccayo. (2)
អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អនន្តរបច្ចយេន បច្ចយោ – គោត្រភុ មគ្គស្ស… វោទានំ មគ្គស្ស … អនុលោមំ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ។ (៣)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa anantarapaccayena paccayo – gotrabhu maggassa… vodānaṃ maggassa … anulomaṃ phalasamāpattiyā… nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. (3)
អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា អសំកិលិដ្ឋអសំកិលេសិកា ខន្ធា បច្ឆិមានំ បច្ឆិមានំ អសំកិលិដ្ឋអសំកិលេសិកានំ ខន្ធានំ អនន្តរបច្ចយេន បច្ចយោ។ មគ្គោ ផលស្ស… ផលំ ផលស្ស អនន្តរបច្ចយេន បច្ចយោ។ (១)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa anantarapaccayena paccayo – purimā purimā asaṃkiliṭṭhaasaṃkilesikā khandhā pacchimānaṃ pacchimānaṃ asaṃkiliṭṭhaasaṃkilesikānaṃ khandhānaṃ anantarapaccayena paccayo. Maggo phalassa… phalaṃ phalassa anantarapaccayena paccayo. (1)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អនន្តរបច្ចយេន បច្ចយោ – ផលំ វុដ្ឋានស្ស អនន្តរបច្ចយេន បច្ចយោ។ (២)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa anantarapaccayena paccayo – phalaṃ vuṭṭhānassa anantarapaccayena paccayo. (2)
សមនន្តរបច្ចយាទិ
Samanantarapaccayādi
១៤. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស សមនន្តរបច្ចយេន បច្ចយោ…បេ.… សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ… ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ …បេ.…។ បកតូបនិស្សយោ – រាគំ ឧបនិស្សាយ បាណំ ហនតិ…បេ.… សង្ឃំ ភិន្ទតិ…បេ.… ទោសំ ឧបនិស្សាយ បាណំ ហនតិ…បេ.… សង្ឃំ ភិន្ទតិ។ រាគោ…បេ.… បត្ថនា រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ បាណាតិបាតោ បាណាតិបាតស្ស ឧបនិស្សយបច្ចយេន បច្ចយោ…បេ.… និយតមិច្ឆាទិដ្ឋិ និយតមិច្ឆាទិដ្ឋិយា ឧបនិស្សយបច្ចយេន បច្ចយោ…បេ.…។ (១)
14. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa samanantarapaccayena paccayo…pe… sahajātapaccayena paccayo… aññamaññapaccayena paccayo… nissayapaccayena paccayo… upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – rāgaṃ upanissāya pāṇaṃ hanati…pe… saṅghaṃ bhindati…pe… dosaṃ upanissāya pāṇaṃ hanati…pe… saṅghaṃ bhindati. Rāgo…pe… patthanā rāgassa…pe… patthanāya upanissayapaccayena paccayo. Pāṇātipāto pāṇātipātassa upanissayapaccayena paccayo…pe… niyatamicchādiṭṭhi niyatamicchādiṭṭhiyā upanissayapaccayena paccayo…pe…. (1)
សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – រាគំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, ឈានំ… វិបស្សនំ… អភិញ្ញំ ឧប្បាទេតិ, សមាបត្តិំ ឧប្បាទេតិ…បេ.… បត្ថនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ។ រាគោ…បេ.… បត្ថនា សទ្ធាយ…បេ.… កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ។ បាណំ ហន្ត្វា តស្ស បដិឃាតត្ថាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, ឈានំ ឧប្បាទេតិ, វិបស្សនំ ឧប្បាទេតិ, អភិញ្ញំ ឧប្បាទេតិ, សមាបត្តិំ ឧប្បាទេតិ…បេ.… សង្ឃំ ភិន្ទិត្វា តស្ស បដិឃាតត្ថាយ ទានំ ទេតិ, សីលំ សមាទិយតិ, ឧបោសថកម្មំ ករោតិ។ អកុសលំ កម្មំ វិបាកស្ស ឧបនិស្សយបច្ចយេន បច្ចយោ។ (២)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – rāgaṃ upanissāya dānaṃ deti, sīlaṃ samādiyati, uposathakammaṃ karoti, jhānaṃ… vipassanaṃ… abhiññaṃ uppādeti, samāpattiṃ uppādeti…pe… patthanaṃ upanissāya dānaṃ deti…pe… samāpattiṃ uppādeti. Rāgo…pe… patthanā saddhāya…pe… kāyikassa sukhassa, kāyikassa dukkhassa upanissayapaccayena paccayo. Pāṇaṃ hantvā tassa paṭighātatthāya dānaṃ deti, sīlaṃ samādiyati, uposathakammaṃ karoti, jhānaṃ uppādeti, vipassanaṃ uppādeti, abhiññaṃ uppādeti, samāpattiṃ uppādeti…pe… saṅghaṃ bhinditvā tassa paṭighātatthāya dānaṃ deti, sīlaṃ samādiyati, uposathakammaṃ karoti. Akusalaṃ kammaṃ vipākassa upanissayapaccayena paccayo. (2)
សំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស ឧបនិស្សយបច្ចយេន បច្ចយោ។ បកតូបនិស្សយោ – រាគំ ឧបនិស្សាយ មគ្គំ ឧប្បាទេតិ, ផលសមាបត្តិំ សមាបជ្ជតិ។ ទោសំ…បេ.… បត្ថនំ ឧបនិស្សាយ មគ្គំ ឧប្បាទេតិ, ផលសមាបត្តិំ សមាបជ្ជតិ។ រាគោ…បេ.… បត្ថនា មគ្គស្ស… ផលសមាបត្តិយា ឧបនិស្សយបច្ចយេន បច្ចយោ។ (៣)
Saṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo. Pakatūpanissayo – rāgaṃ upanissāya maggaṃ uppādeti, phalasamāpattiṃ samāpajjati. Dosaṃ…pe… patthanaṃ upanissāya maggaṃ uppādeti, phalasamāpattiṃ samāpajjati. Rāgo…pe… patthanā maggassa… phalasamāpattiyā upanissayapaccayena paccayo. (3)
១៥. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ។ សីលំ… សុតំ… ចាគំ… បញ្ញំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ។ សទ្ធា…បេ.… សេនាសនំ សទ្ធាយ…បេ.… កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ។ កុសលំ កម្មំ វិបាកស្ស ឧបនិស្សយបច្ចយេន បច្ចយោ ។ បឋមស្ស ឈានស្ស បរិកម្មំ បឋមស្ស ឈានស្ស…បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ.…។ (១)
15. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti. Sīlaṃ… sutaṃ… cāgaṃ… paññaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti. Saddhā…pe… senāsanaṃ saddhāya…pe… kāyikassa sukhassa, kāyikassa dukkhassa upanissayapaccayena paccayo. Kusalaṃ kammaṃ vipākassa upanissayapaccayena paccayo . Paṭhamassa jhānassa parikammaṃ paṭhamassa jhānassa…pe… ākiñcaññāyatanaṃ nevasaññānāsaññāyatanassa…pe…. (1)
អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ.… សេនាសនំ ឧបនិស្សាយ បាណំ ហនតិ…បេ.… សង្ឃំ ភិន្ទតិ, សទ្ធា…បេ.… សេនាសនំ រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (២)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya pāṇaṃ hanati…pe… saṅghaṃ bhindati, saddhā…pe… senāsanaṃ rāgassa…pe… patthanāya upanissayapaccayena paccayo. (2)
អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បឋមស្ស មគ្គស្ស បរិកម្មំ បឋមស្ស មគ្គស្ស…បេ.… ទុតិយស្ស មគ្គស្ស…បេ.… តតិយស្ស មគ្គស្ស…បេ.… ចតុត្ថស្ស មគ្គស្ស ឧបនិស្សយបច្ចយេន បច្ចយោ។ (៣)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paṭhamassa maggassa parikammaṃ paṭhamassa maggassa…pe… dutiyassa maggassa…pe… tatiyassa maggassa…pe… catutthassa maggassa upanissayapaccayena paccayo. (3)
១៦. អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បឋមោ មគ្គោ ទុតិយស្ស មគ្គស្ស…បេ.… ទុតិយោ មគ្គោ តតិយស្ស មគ្គស្ស…បេ.… តតិយោ មគ្គោ ចតុត្ថស្ស មគ្គស្ស…បេ.… មគ្គោ ផលសមាបត្តិយា ឧបនិស្សយបច្ចយេន បច្ចយោ។ (១)
16. Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paṭhamo maggo dutiyassa maggassa…pe… dutiyo maggo tatiyassa maggassa…pe… tatiyo maggo catutthassa maggassa…pe… maggo phalasamāpattiyā upanissayapaccayena paccayo. (1)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អរិយា មគ្គំ ឧបនិស្សាយ អនុប្បន្នំ សមាបត្តិំ ឧប្បាទេន្តិ, ឧប្បន្នំ សមាបត្តិំ សមាបជ្ជន្តិ, សង្ខារេ អនិច្ចតោ ទុក្ខតោ អនត្តតោ វិបស្សន្តិ។ មគ្គោ អរិយានំ អត្ថប្បដិសម្ភិទាយ…បេ.… ឋានាឋានកោសល្លស្ស ឧបនិស្សយបច្ចយេន បច្ចយោ។ ផលសមាបត្តិ កាយិកស្ស សុខស្ស ឧបនិស្សយបច្ចយេន បច្ចយោ។ (២)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ariyā maggaṃ upanissāya anuppannaṃ samāpattiṃ uppādenti, uppannaṃ samāpattiṃ samāpajjanti, saṅkhāre aniccato dukkhato anattato vipassanti. Maggo ariyānaṃ atthappaṭisambhidāya…pe… ṭhānāṭhānakosallassa upanissayapaccayena paccayo. Phalasamāpatti kāyikassa sukhassa upanissayapaccayena paccayo. (2)
បុរេជាតបច្ចយោ
Purejātapaccayo
១៧. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សតិ; សោតំ… ឃានំ… ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ អនិច្ចតោ ទុក្ខតោ អនត្តតោ វិបស្សតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ។ រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស បុរេជាតបច្ចយេន បច្ចយោ។ វត្ថុ អសំកិលិដ្ឋសំកិលេសិកានំ ខន្ធានំ បុរេជាតបច្ចយេន បច្ចយោ។ (១)
17. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ aniccato dukkhato anattato vipassati; sotaṃ… ghānaṃ… jivhaṃ… kāyaṃ… rūpe… sadde… gandhe… rase… phoṭṭhabbe… vatthuṃ aniccato dukkhato anattato vipassati, dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa purejātapaccayena paccayo. Vatthu asaṃkiliṭṭhasaṃkilesikānaṃ khandhānaṃ purejātapaccayena paccayo. (1)
អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ។ សោតំ…បេ.… ផោដ្ឋព្ពេ… វត្ថុំ អស្សាទេតិ អភិនន្ទតិ ; តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ។ វត្ថុបុរេជាតំ – វត្ថុ សំកិលិដ្ឋសំកិលេសិកានំ ខន្ធានំ បុរេជាតបច្ចយេន បច្ចយោ។ (២)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… phoṭṭhabbe… vatthuṃ assādeti abhinandati ; taṃ ārabbha rāgo uppajjati…pe… domanassaṃ uppajjati. Vatthupurejātaṃ – vatthu saṃkiliṭṭhasaṃkilesikānaṃ khandhānaṃ purejātapaccayena paccayo. (2)
អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស បុរេជាតបច្ចយេន បច្ចយោ – វត្ថុ អសំកិលិដ្ឋអសំកិលេសិកានំ ខន្ធានំ បុរេជាតបច្ចយេន បច្ចយោ។ (៣)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa purejātapaccayena paccayo – vatthu asaṃkiliṭṭhaasaṃkilesikānaṃ khandhānaṃ purejātapaccayena paccayo. (3)
បច្ឆាជាតបច្ចយោ
Pacchājātapaccayo
១៨. សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា សំកិលិដ្ឋសំកិលេសិកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)
18. Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa pacchājātapaccayena paccayo – pacchājātā saṃkiliṭṭhasaṃkilesikā khandhā purejātassa imassa kāyassa pacchājātapaccayena paccayo. (1)
អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អសំកិលិដ្ឋសំកិលេសិកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa pacchājātapaccayena paccayo – pacchājātā asaṃkiliṭṭhasaṃkilesikā khandhā purejātassa imassa kāyassa pacchājātapaccayena paccayo. (1)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អសំកិលិដ្ឋអសំកិលេសិកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa pacchājātapaccayena paccayo – pacchājātā asaṃkiliṭṭhaasaṃkilesikā khandhā purejātassa imassa kāyassa pacchājātapaccayena paccayo. (1)
អាសេវនបច្ចយោ
Āsevanapaccayo
១៩. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អាសេវនបច្ចយេន បច្ចយោ – បុរិមា បុរិមា សំកិលិដ្ឋសំកិលេសិកា ខន្ធា បច្ឆិមានំ បច្ឆិមានំ សំកិលិដ្ឋសំកិលេសិកានំ ខន្ធានំ អាសេវនបច្ចយេន បច្ចយោ។ (១)
19. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa āsevanapaccayena paccayo – purimā purimā saṃkiliṭṭhasaṃkilesikā khandhā pacchimānaṃ pacchimānaṃ saṃkiliṭṭhasaṃkilesikānaṃ khandhānaṃ āsevanapaccayena paccayo. (1)
អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អាសេវនបច្ចយេន បច្ចយោ – បុរិមា បុរិមា…បេ.… អនុលោមំ គោត្រភុស្ស… អនុលោមំ វោទានស្ស អាសេវនបច្ចយេន បច្ចយោ។ (១)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa āsevanapaccayena paccayo – purimā purimā…pe… anulomaṃ gotrabhussa… anulomaṃ vodānassa āsevanapaccayena paccayo. (1)
អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អាសេវនបច្ចយេន បច្ចយោ – គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ។ (២)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa āsevanapaccayena paccayo – gotrabhu maggassa… vodānaṃ maggassa āsevanapaccayena paccayo. (2)
កម្មបច្ចយោ
Kammapaccayo
២០. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស កម្មបច្ចយេន បច្ចយោ – សំកិលិដ្ឋសំកិលេសិកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ (១)
20. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa kammapaccayena paccayo – saṃkiliṭṭhasaṃkilesikā cetanā sampayuttakānaṃ khandhānaṃ kammapaccayena paccayo. (1)
សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – សំកិលិដ្ឋសំកិលេសិកា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ។ នានាក្ខណិកា – សំកិលិដ្ឋសំកិលេសិកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (២)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa kammapaccayena paccayo – sahajātā, nānākkhaṇikā. Sahajātā – saṃkiliṭṭhasaṃkilesikā cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – saṃkiliṭṭhasaṃkilesikā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (2)
សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ច អសំកិលិដ្ឋសំកិលេសិកស្ស ច ធម្មស្ស កម្មបច្ចយេន បច្ចយោ – សំកិលិដ្ឋសំកិលេសិកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa kammapaccayena paccayo – saṃkiliṭṭhasaṃkilesikā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)
អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – អសំកិលិដ្ឋសំកិលេសិកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ បដិសន្ធិក្ខណេ…បេ.…។ នានាក្ខណិកា – អសំកិលិដ្ឋសំកិលេសិកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (១)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa kammapaccayena paccayo – sahajātā, nānākkhaṇikā. Sahajātā – asaṃkiliṭṭhasaṃkilesikā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – asaṃkiliṭṭhasaṃkilesikā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)
អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – អសំកិលិដ្ឋអសំកិលេសិកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ នានាក្ខណិកា – អសំកិលិដ្ឋអសំកិលេសិកា កុសលា ចេតនា វិបាកានំ អសំកិលិដ្ឋអសំកិលេសិកានំ ខន្ធានំ កម្មបច្ចយេន បច្ចយោ។ (១)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa kammapaccayena paccayo – sahajātā, nānākkhaṇikā. Sahajātā – asaṃkiliṭṭhaasaṃkilesikā cetanā sampayuttakānaṃ khandhānaṃ kammapaccayena paccayo. Nānākkhaṇikā – asaṃkiliṭṭhaasaṃkilesikā kusalā cetanā vipākānaṃ asaṃkiliṭṭhaasaṃkilesikānaṃ khandhānaṃ kammapaccayena paccayo. (1)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស កម្មបច្ចយេន បច្ចយោ – សហជាតា អសំកិលិដ្ឋអសំកិលេសិកា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ។ (២)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa kammapaccayena paccayo – sahajātā asaṃkiliṭṭhaasaṃkilesikā cetanā cittasamuṭṭhānānaṃ rūpānaṃ kammapaccayena paccayo. (2)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ច អសំកិលិដ្ឋអសំកិលេសិកស្ស ច ធម្មស្ស កម្មបច្ចយេន បច្ចយោ – សហជាតា អសំកិលិដ្ឋអសំកិលេសិកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa kammapaccayena paccayo – sahajātā asaṃkiliṭṭhaasaṃkilesikā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)
វិបាកបច្ចយោ
Vipākapaccayo
២១. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស វិបាកបច្ចយេន បច្ចយោ – វិបាកោ អសំកិលិដ្ឋសំកិលេសិកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ.… ទ្វេ ខន្ធា ទ្វិន្នំ ខន្ធានំ…បេ.… បដិសន្ធិក្ខណេ អសំកិលិដ្ឋសំកិលេសិកោ ឯកោ ខន្ធោ តិណ្ណន្នំ ខន្ធានំ កដត្តា ច រូបានំ វិបាកបច្ចយេន បច្ចយោ =១៩ …បេ.… ទ្វេ ខន្ធា ទ្វិន្នំ ខន្ធានំ…បេ.… ខន្ធា វត្ថុស្ស វិបាកបច្ចយេន បច្ចយោ។ (១)
21. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa vipākapaccayena paccayo – vipāko asaṃkiliṭṭhasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ vipākapaccayena paccayo…pe… dve khandhā dvinnaṃ khandhānaṃ…pe… paṭisandhikkhaṇe asaṃkiliṭṭhasaṃkilesiko eko khandho tiṇṇannaṃ khandhānaṃ kaṭattā ca rūpānaṃ vipākapaccayena paccayo =19 …pe… dve khandhā dvinnaṃ khandhānaṃ…pe… khandhā vatthussa vipākapaccayena paccayo. (1)
អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស វិបាកបច្ចយេន បច្ចយោ – វិបាកោ អសំកិលិដ្ឋអសំកិលេសិកោ ឯកោ ខន្ធោ តិណ្ណន្នំ ខន្ធានំ វិបាកបច្ចយេន បច្ចយោ…បេ.… ទ្វេ ខន្ធា ទ្វិន្នំ ខន្ធានំ…បេ.…។ (១)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa vipākapaccayena paccayo – vipāko asaṃkiliṭṭhaasaṃkilesiko eko khandho tiṇṇannaṃ khandhānaṃ vipākapaccayena paccayo…pe… dve khandhā dvinnaṃ khandhānaṃ…pe…. (1)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស វិបាកបច្ចយេន បច្ចយោ – វិបាកា អសំកិលិដ្ឋអសំកិលេសិកា ខន្ធា ចិត្តសមុដ្ឋានានំ រូបានំ វិបាកបច្ចយេន បច្ចយោ។ (២) អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ច អសំកិលិដ្ឋអសំកិលេសិកស្ស ច ធម្មស្ស វិបាកបច្ចយេន បច្ចយោ – វិបាកោ អសំកិលិដ្ឋអសំកិលេសិកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ.… ទ្វេ ខន្ធា…បេ.…។ (៣)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa vipākapaccayena paccayo – vipākā asaṃkiliṭṭhaasaṃkilesikā khandhā cittasamuṭṭhānānaṃ rūpānaṃ vipākapaccayena paccayo. (2) Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa vipākapaccayena paccayo – vipāko asaṃkiliṭṭhaasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ vipākapaccayena paccayo…pe… dve khandhā…pe…. (3)
អាហារបច្ចយោ
Āhārapaccayo
២២. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អាហារបច្ចយេន បច្ចយោ… តីណិ។
22. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa āhārapaccayena paccayo… tīṇi.
អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អាហារបច្ចយេន បច្ចយោ – អសំកិលិដ្ឋសំកិលេសិកា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ។ បដិសន្ធិក្ខណេ…បេ.… កពឡីការោ អាហារោ ឥមស្ស កាយស្ស អាហារបច្ចយេន បច្ចយោ។
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa āhārapaccayena paccayo – asaṃkiliṭṭhasaṃkilesikā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo. Paṭisandhikkhaṇe…pe… kabaḷīkāro āhāro imassa kāyassa āhārapaccayena paccayo.
អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អាហារបច្ចយេន បច្ចយោ… តីណិ។
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa āhārapaccayena paccayo… tīṇi.
ឥន្ទ្រិយបច្ចយោ
Indriyapaccayo
២៣. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស ឥន្ទ្រិយបច្ចយេន បច្ចយោ… តីណិ។
23. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa indriyapaccayena paccayo… tīṇi.
អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ឥន្ទ្រិយបច្ចយេន បច្ចយោ – អសំកិលិដ្ឋសំកិលេសិកា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ; បដិសន្ធិក្ខណេ…បេ.… ចក្ខុន្ទ្រិយំ ចក្ខុវិញ្ញាណស្ស…បេ.… កាយិន្ទ្រិយំ កាយវិញ្ញាណស្ស ឥន្ទ្រិយបច្ចយេន បច្ចយោ។ រូបជីវិតិន្ទ្រិយំ កដត្តារូបានំ ឥន្ទ្រិយបច្ចយេន បច្ចយោ។
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa indriyapaccayena paccayo – asaṃkiliṭṭhasaṃkilesikā indriyā sampayuttakānaṃ khandhānaṃ cittasamuṭṭhānānañca rūpānaṃ indriyapaccayena paccayo; paṭisandhikkhaṇe…pe… cakkhundriyaṃ cakkhuviññāṇassa…pe… kāyindriyaṃ kāyaviññāṇassa indriyapaccayena paccayo. Rūpajīvitindriyaṃ kaṭattārūpānaṃ indriyapaccayena paccayo.
អសំកិលិដ្ឋអសំកិលេសិកោ ធម្មោ… តីណិ។
Asaṃkiliṭṭhaasaṃkilesiko dhammo… tīṇi.
ឈានបច្ចយាទិ
Jhānapaccayādi
២៤. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ។
24. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa jhānapaccayena paccayo… maggapaccayena paccayo… sampayuttapaccayena paccayo.
វិប្បយុត្តបច្ចយោ
Vippayuttapaccayo
២៥. សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – សំកិលិដ្ឋសំកិលេសិកា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បច្ឆាជាតា – សំកិលិដ្ឋសំកិលេសិកា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)
25. Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa vippayuttapaccayena paccayo – sahajātaṃ, pacchājātaṃ. Sahajātā – saṃkiliṭṭhasaṃkilesikā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – saṃkiliṭṭhasaṃkilesikā khandhā purejātassa imassa kāyassa vippayuttapaccayena paccayo. (1)
អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ។ សហជាតា – អសំកិលិដ្ឋសំកិលេសិកា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ អសំកិលិដ្ឋសំកិលេសិកា ខន្ធា កដត្តារូបានំ វិប្បយុត្តបច្ចយេន បច្ចយោ។ ខន្ធា វត្ថុស្ស…បេ.… វត្ថុ ខន្ធានំ វិប្បយុត្តបច្ចយេន បច្ចយោ។ បុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស វិប្បយុត្តបច្ចយេន បច្ចយោ។ វត្ថុ អសំកិលិដ្ឋសំកិលេសិកានំ ខន្ធានំ វិប្បយុត្តបច្ចយេន បច្ចយោ។ បច្ឆាជាតា – អសំកិលិដ្ឋសំកិលេសិកា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)
Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa vippayuttapaccayena paccayo – sahajātaṃ, purejātaṃ, pacchājātaṃ. Sahajātā – asaṃkiliṭṭhasaṃkilesikā khandhā cittasamuṭṭhānānaṃ rūpānaṃ vippayuttapaccayena paccayo; paṭisandhikkhaṇe asaṃkiliṭṭhasaṃkilesikā khandhā kaṭattārūpānaṃ vippayuttapaccayena paccayo. Khandhā vatthussa…pe… vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa vippayuttapaccayena paccayo. Vatthu asaṃkiliṭṭhasaṃkilesikānaṃ khandhānaṃ vippayuttapaccayena paccayo. Pacchājātā – asaṃkiliṭṭhasaṃkilesikā khandhā purejātassa imassa kāyassa vippayuttapaccayena paccayo. (1)
អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ សំកិលិដ្ឋសំកិលេសិកានំ ខន្ធានំ វិប្បយុត្តបច្ចយេន បច្ចយោ។ (២)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa vippayuttapaccayena paccayo. Purejātaṃ – vatthu saṃkiliṭṭhasaṃkilesikānaṃ khandhānaṃ vippayuttapaccayena paccayo. (2)
អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ អសំកិលិដ្ឋអសំកិលេសិកានំ ខន្ធានំ វិប្បយុត្តបច្ចយេន បច្ចយោ។ (៣)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa vippayuttapaccayena paccayo. Purejātaṃ – vatthu asaṃkiliṭṭhaasaṃkilesikānaṃ khandhānaṃ vippayuttapaccayena paccayo. (3)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – អសំកិលិដ្ឋអសំកិលេសិកា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បច្ឆាជាតា – អសំកិលិដ្ឋអសំកិលេសិកា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa vippayuttapaccayena paccayo – sahajātaṃ, pacchājātaṃ. Sahajātā – asaṃkiliṭṭhaasaṃkilesikā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – asaṃkiliṭṭhaasaṃkilesikā khandhā purejātassa imassa kāyassa vippayuttapaccayena paccayo. (1)
អត្ថិបច្ចយោ
Atthipaccayo
២៦. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ – សំកិលិដ្ឋសំកិលេសិកោ ឯកោ ខន្ធោ តិណ្ណន្នំ ខន្ធានំ អត្ថិបច្ចយេន បច្ចយោ។ (១)
26. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa atthipaccayena paccayo – saṃkiliṭṭhasaṃkilesiko eko khandho tiṇṇannaṃ khandhānaṃ atthipaccayena paccayo. (1)
សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ។ សហជាតា – សំកិលិដ្ឋសំកិលេសិកា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បច្ឆាជាតា – សំកិលិដ្ឋសំកិលេសិកា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ (២)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa atthipaccayena paccayo – sahajātaṃ, pacchājātaṃ. Sahajātā – saṃkiliṭṭhasaṃkilesikā khandhā cittasamuṭṭhānānaṃ rūpānaṃ atthipaccayena paccayo. Pacchājātā – saṃkiliṭṭhasaṃkilesikā khandhā purejātassa imassa kāyassa atthipaccayena paccayo. (2)
សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ច អសំកិលិដ្ឋសំកិលេសិកស្ស ច ធម្មស្ស អត្ថិបច្ចយេន បច្ចយោ – សំកិលិដ្ឋសំកិលេសិកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា…បេ.…។ (៣)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa atthipaccayena paccayo – saṃkiliṭṭhasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe…. (3)
២៧. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ , ឥន្ទ្រិយំ។ សហជាតោ – អសំកិលិដ្ឋសំកិលេសិកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… បដិសន្ធិក្ខណេ…បេ.… អសញ្ញសត្តានំ ឯកំ មហាភូតំ តិណ្ណន្នំ មហាភូតានំ អត្ថិបច្ចយេន បច្ចយោ…បេ.… បុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សតិ។ សោតំ…បេ.… កាយំ… រូបេ…បេ.… ផោដ្ឋព្ពេ… វត្ថុំ អនិច្ចតោ ទុក្ខតោ អនត្តតោ វិបស្សតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ។ រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស អត្ថិបច្ចយេន បច្ចយោ។ ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ អសំកិលិដ្ឋសំកិលេសិកានំ ខន្ធានំ អត្ថិបច្ចយេន បច្ចយោ។ បច្ឆាជាតា – អសំកិលិដ្ឋសំកិលេសិកា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ កពឡីការោ អាហារោ ឥមស្ស កាយស្ស…បេ.… រូបជីវិតិន្ទ្រិយំ កដត្តារូបានំ អត្ថិបច្ចយេន បច្ចយោ។ (១)
27. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ , indriyaṃ. Sahajāto – asaṃkiliṭṭhasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… paṭisandhikkhaṇe…pe… asaññasattānaṃ ekaṃ mahābhūtaṃ tiṇṇannaṃ mahābhūtānaṃ atthipaccayena paccayo…pe… purejātaṃ – cakkhuṃ aniccato dukkhato anattato vipassati. Sotaṃ…pe… kāyaṃ… rūpe…pe… phoṭṭhabbe… vatthuṃ aniccato dukkhato anattato vipassati, dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa atthipaccayena paccayo. Cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu asaṃkiliṭṭhasaṃkilesikānaṃ khandhānaṃ atthipaccayena paccayo. Pacchājātā – asaṃkiliṭṭhasaṃkilesikā khandhā purejātassa imassa kāyassa atthipaccayena paccayo. Kabaḷīkāro āhāro imassa kāyassa…pe… rūpajīvitindriyaṃ kaṭattārūpānaṃ atthipaccayena paccayo. (1)
អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ។ បុរេជាតំ – ចក្ខុំ អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ; វត្ថុំ អស្សាទេតិ…បេ.… វត្ថុ សំកិលិដ្ឋសំកិលេសិកានំ ខន្ធានំ អត្ថិបច្ចយេន បច្ចយោ។ (២)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa atthipaccayena paccayo. Purejātaṃ – cakkhuṃ assādeti abhinandati; taṃ ārabbha rāgo uppajjati…pe… domanassaṃ uppajjati; vatthuṃ assādeti…pe… vatthu saṃkiliṭṭhasaṃkilesikānaṃ khandhānaṃ atthipaccayena paccayo. (2)
អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អត្ថិបច្ចយេន បច្ចយោ។ បុរេជាតំ – វត្ថុ អសំកិលិដ្ឋអសំកិលេសិកានំ ខន្ធានំ អត្ថិបច្ចយេន បច្ចយោ។ (៣)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa atthipaccayena paccayo. Purejātaṃ – vatthu asaṃkiliṭṭhaasaṃkilesikānaṃ khandhānaṃ atthipaccayena paccayo. (3)
២៨. អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អត្ថិបច្ចយេន បច្ចយោ – អសំកិលិដ្ឋអសំកិលេសិកោ ឯកោ ខន្ធោ តិណ្ណន្នំ ខន្ធានំ អត្ថិបច្ចយេន បច្ចយោ…។ (១)
28. Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa atthipaccayena paccayo – asaṃkiliṭṭhaasaṃkilesiko eko khandho tiṇṇannaṃ khandhānaṃ atthipaccayena paccayo…. (1)
អសំកិលិដ្ឋអសំកិលេសិកោ ធម្មោ អសង្កិលិដ្ឋសំកិលិសិកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ។ សហជាតា – អសំកិលិដ្ឋអសំកិលេសិកា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បច្ឆាជាតា – អសំកិលិដ្ឋអសំកិលេសិកា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ (២)
Asaṃkiliṭṭhaasaṃkilesiko dhammo asaṅkiliṭṭhasaṃkilisikassa dhammassa atthipaccayena paccayo – sahajātaṃ, pacchājātaṃ. Sahajātā – asaṃkiliṭṭhaasaṃkilesikā khandhā cittasamuṭṭhānānaṃ rūpānaṃ atthipaccayena paccayo. Pacchājātā – asaṃkiliṭṭhaasaṃkilesikā khandhā purejātassa imassa kāyassa atthipaccayena paccayo. (2)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ច អសំកិលិដ្ឋអសំកិលេសិកស្ស ច ធម្មស្ស អត្ថិបច្ចយេន បច្ចយោ – អសំកិលិដ្ឋអសំកិលេសិកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…។ (៣)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa atthipaccayena paccayo – asaṃkiliṭṭhaasaṃkilesiko eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…. (3)
២៩. អសំកិលិដ្ឋសំកិលេសិកោ ច អសំកិលិដ្ឋអសំកិលេសិកោ ច ធម្មា អសំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ។ សហជាតា – អសំកិលិដ្ឋអសំកិលេសិកា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បច្ឆាជាតា – អសំកិលិដ្ឋអសំកិលេសិកា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – អសំកិលិដ្ឋសំកិលេសិកា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (១)
29. Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhasaṃkilesikassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – asaṃkiliṭṭhaasaṃkilesikā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – asaṃkiliṭṭhaasaṃkilesikā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – asaṃkiliṭṭhasaṃkilesikā khandhā ca rūpajīvitindriyañca kaṭattārūpānaṃ atthipaccayena paccayo. (1)
អសំកិលិដ្ឋសំកិលេសិកោ ច អសំកិលិដ្ឋអសំកិលេសិកោ ច ធម្មា អសំកិលិដ្ឋអសំកិលេសិកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – អសំកិលិដ្ឋអសំកិលេសិកោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.…។ (២)
Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhaasaṃkilesikassa dhammassa atthipaccayena paccayo – sahajātaṃ, purejātaṃ. Sahajāto – asaṃkiliṭṭhaasaṃkilesiko eko khandho ca vatthu ca tiṇṇannaṃ khandhānaṃ atthipaccayena paccayo…pe…. (2)
សំកិលិដ្ឋសំកិលេសិកោ ច អសំកិលិដ្ឋសំកិលេសិកោ ច ធម្មា សំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – សំកិលិដ្ឋសំកិលេសិកោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ… ទ្វេ ខន្ធា…បេ.…។ (១)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā saṃkiliṭṭhasaṃkilesikassa dhammassa atthipaccayena paccayo – sahajātaṃ, purejātaṃ. Sahajāto – saṃkiliṭṭhasaṃkilesiko eko khandho ca vatthu ca tiṇṇannaṃ khandhānaṃ atthipaccayena paccayo… dve khandhā…pe…. (1)
សំកិលិដ្ឋសំកិលេសិកោ ច អសំកិលិដ្ឋសំកិលេសិកោ ច ធម្មា អសំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ។ សហជាតា – សំកិលិដ្ឋសំកិលេសិកា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បច្ឆាជាតា – សំកិលិដ្ឋសំកិលេសិកា ខន្ធា ច កពឡីការោ អាហារោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – សំកិលិដ្ឋសំកិលេសិកា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (២)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā asaṃkiliṭṭhasaṃkilesikassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – saṃkiliṭṭhasaṃkilesikā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – saṃkiliṭṭhasaṃkilesikā khandhā ca kabaḷīkāro āhāro ca purejātassa imassa kāyassa atthipaccayena paccayo. Pacchājātā – saṃkiliṭṭhasaṃkilesikā khandhā ca rūpajīvitindriyañca kaṭattārūpānaṃ atthipaccayena paccayo. (2)
នត្ថិ-វិគតាវិគតបច្ចយា
Natthi-vigatāvigatapaccayā
៣០. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ។
30. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa natthipaccayena paccayo… vigatapaccayena paccayo… avigatapaccayena paccayo.
១. បច្ចយានុលោមំ
1. Paccayānulomaṃ
២. សង្ខ្យាវារោ
2. Saṅkhyāvāro
សុទ្ធំ
Suddhaṃ
៣១. ហេតុយា សត្ត, អារម្មណេ ឆ, អធិបតិយា អដ្ឋ, អនន្តរេ សត្ត, សមនន្តរេ សត្ត, សហជាតេ នវ, អញ្ញមញ្ញេ តីណិ, និស្សយេ តេរស, ឧបនិស្សយេ អដ្ឋ, បុរេជាតេ តីណិ, បច្ឆាជាតេ តីណិ, អាសេវនេ តីណិ, កម្មេ សត្ត, វិបាកេ ចត្តារិ, អាហារេ សត្ត, ឥន្ទ្រិយេ សត្ត, ឈានេ សត្ត, មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា សត្ត, វិគតេ សត្ត, អវិគតេ តេរស។
31. Hetuyā satta, ārammaṇe cha, adhipatiyā aṭṭha, anantare satta, samanantare satta, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane tīṇi, kamme satta, vipāke cattāri, āhāre satta, indriye satta, jhāne satta, magge satta, sampayutte tīṇi, vippayutte pañca, atthiyā terasa, natthiyā satta, vigate satta, avigate terasa.
ហេតុសភាគំ
Hetusabhāgaṃ
ហេតុបច្ចយា អធិបតិយា ចត្តារិ, សហជាតេ សត្ត, អញ្ញមញ្ញេ តីណិ, និស្សយេ សត្ត, វិបាកេ ចត្តារិ, ឥន្ទ្រិយេ ចត្តារិ, មគ្គេ ចត្តារិ, សម្បយុត្តេ តីណិ, វិប្បយុត្តេ តីណិ, អត្ថិយា សត្ត, អវិគតេ សត្ត។
Hetupaccayā adhipatiyā cattāri, sahajāte satta, aññamaññe tīṇi, nissaye satta, vipāke cattāri, indriye cattāri, magge cattāri, sampayutte tīṇi, vippayutte tīṇi, atthiyā satta, avigate satta.
ហេតុសាមញ្ញឃដនា (៩)
Hetusāmaññaghaṭanā (9)
៣២. ហេតុ-សហជាត-និស្សយ-អត្ថិ-អវិគតន្តិ សត្ត។ ហេតុ-សហជាត-អញ្ញមញ្ញ-និស្សយអត្ថិ-អវិគតន្តិ តីណិ។ ហេតុ-សហជាត-អញ្ញមញ្ញ-និស្សយ-សម្បយុត្ត-អត្ថិ-អវិគតន្តិ តីណិ។ ហេតុ-សហជាត-និស្សយ-វិប្បយុត្ត-អត្ថិ-អវិគតន្តិ តីណិ។ (អវិបាកំ – ៤)
32. Hetu-sahajāta-nissaya-atthi-avigatanti satta. Hetu-sahajāta-aññamañña-nissayaatthi-avigatanti tīṇi. Hetu-sahajāta-aññamañña-nissaya-sampayutta-atthi-avigatanti tīṇi. Hetu-sahajāta-nissaya-vippayutta-atthi-avigatanti tīṇi. (Avipākaṃ – 4)
ហេតុ-សហជាត-និស្សយ-វិបាក-អត្ថិ-អវិគតន្តិ ចត្តារិ។ ហេតុ-សហជាត-អញ្ញមញ្ញនិស្សយ-វិបាក-អត្ថិ-អវិគតន្តិ ទ្វេ។ ហេតុ-សហជាត-អញ្ញមញ្ញ-និស្សយ-វិបាកសម្បយុត្ត-អត្ថិ-អវិគតន្តិ ទ្វេ។ ហេតុ-សហជាត-និស្សយ-វិបាក-វិប្បយុត្ត-អត្ថិ-អវិគតន្តិ ទ្វេ។ ហេតុ-សហជាត-អញ្ញមញ្ញ-និស្សយ-វិបាក-វិប្បយុត្ត-អត្ថិ-អវិគតន្តិ ឯកំ។ (សវិបាកំ – ៥) (សំខិត្តំ។)
Hetu-sahajāta-nissaya-vipāka-atthi-avigatanti cattāri. Hetu-sahajāta-aññamaññanissaya-vipāka-atthi-avigatanti dve. Hetu-sahajāta-aññamañña-nissaya-vipākasampayutta-atthi-avigatanti dve. Hetu-sahajāta-nissaya-vipāka-vippayutta-atthi-avigatanti dve. Hetu-sahajāta-aññamañña-nissaya-vipāka-vippayutta-atthi-avigatanti ekaṃ. (Savipākaṃ – 5) (saṃkhittaṃ.)
(យថា កុសលត្តិកេ, ឯវំ វិត្ថារេតព្ពំ)។
(Yathā kusalattike, evaṃ vitthāretabbaṃ).
អនុលោមំ។
Anulomaṃ.
បច្ចនីយុទ្ធារោ
Paccanīyuddhāro
៣៣. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)
33. Saṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ (២)
Saṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)
សំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស ឧបនិស្សយបច្ចយេន បច្ចយោ។ (៣)
Saṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo. (3)
សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ច អសំកិលិដ្ឋសំកិលេសិកស្ស ច ធម្មស្ស សហជាតបច្ចយេន បច្ចយោ។ (៤)
Saṃkiliṭṭhasaṃkilesiko dhammo saṃkiliṭṭhasaṃkilesikassa ca asaṃkiliṭṭhasaṃkilesikassa ca dhammassa sahajātapaccayena paccayo. (4)
៣៤. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (១)
34. Asaṃkiliṭṭhasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)
អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)
Asaṃkiliṭṭhasaṃkilesiko dhammo saṃkiliṭṭhasaṃkilesikassa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (2)
អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៣)
Asaṃkiliṭṭhasaṃkilesiko dhammo asaṃkiliṭṭhaasaṃkilesikassa dhammassa upanissayapaccayena paccayo… purejātapaccayena paccayo. (3)
អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)
Asaṃkiliṭṭhaasaṃkilesiko dhammo asaṃkiliṭṭhaasaṃkilesikassa dhammassa sahajātapaccayena paccayo… upanissayapaccayena paccayo. (1)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ (២)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)
អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ច អសំកិលិដ្ឋអសំកិលេសិកស្ស ច ធម្មស្ស សហជាតបច្ចយេន បច្ចយោ។ (៣)
Asaṃkiliṭṭhaasaṃkilesiko dhammo asaṃkiliṭṭhasaṃkilesikassa ca asaṃkiliṭṭhaasaṃkilesikassa ca dhammassa sahajātapaccayena paccayo. (3)
អសំកិលិដ្ឋសំកិលេសិកោ ច អសំកិលិដ្ឋអសំកិលេសិកោ ច ធម្មា អសំកិលិដ្ឋសំកិលេសិកស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ។ (១)
Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhasaṃkilesikassa dhammassa sahajātaṃ, pacchājātaṃ, āhāraṃ, indriyaṃ. (1)
អសំកិលិដ្ឋសំកិលេសិកោ ច អសំកិលិដ្ឋអសំកិលេសិកោ ច ធម្មា អសំកិលិដ្ឋអសំកិលេសិកស្ស ធម្មស្ស សហជាតំ, បុរេជាតំ។ (២)
Asaṃkiliṭṭhasaṃkilesiko ca asaṃkiliṭṭhaasaṃkilesiko ca dhammā asaṃkiliṭṭhaasaṃkilesikassa dhammassa sahajātaṃ, purejātaṃ. (2)
សំកិលិដ្ឋសំកិលេសិកោ ច អសំកិលិដ្ឋសំកិលេសិកោ ច ធម្មា សំកិលិដ្ឋសំកិលេសិកស្ស ធម្មស្ស សហជាតំ, បុរេជាតំ។ (១)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā saṃkiliṭṭhasaṃkilesikassa dhammassa sahajātaṃ, purejātaṃ. (1)
សំកិលិដ្ឋសំកិលេសិកោ ច អសំកិលិដ្ឋសំកិលេសិកោ ច ធម្មា អសំកិលិដ្ឋសំកិលេសិកស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ។ (២)
Saṃkiliṭṭhasaṃkilesiko ca asaṃkiliṭṭhasaṃkilesiko ca dhammā asaṃkiliṭṭhasaṃkilesikassa dhammassa sahajātaṃ, pacchājātaṃ, āhāraṃ, indriyaṃ. (2)
២. បច្ចយបច្ចនីយំ
2. Paccayapaccanīyaṃ
សុទ្ធំ
Suddhaṃ
៣៥. នហេតុយា ចុទ្ទស, នអារម្មណេ ចុទ្ទស, នអធិបតិយា ចុទ្ទស, នអនន្តរេ ចុទ្ទស, នសមនន្តរេ ចុទ្ទស, នសហជាតេ ទស, នអញ្ញមញ្ញេ ទស, ននិស្សយេ ទស, នឧបនិស្សយេ តេរស, នបុរេជាតេ ទ្វាទស, នបច្ឆាជាតេ ចុទ្ទស, នអាសេវនេ ចុទ្ទស, នកម្មេ ចុទ្ទស, នវិបាកេ ចុទ្ទស , នអាហារេ ចុទ្ទស, នឥន្ទ្រិយេ ចុទ្ទស, នឈានេ ចុទ្ទស, នមគ្គេ ចុទ្ទស, នសម្បយុត្តេ ទស, នវិប្បយុត្តេ អដ្ឋ, នោអត្ថិយា អដ្ឋ, នោនត្ថិយា ចុទ្ទស, នោវិគតេ ចុទ្ទស, នោអវិគតេ អដ្ឋ។
35. Nahetuyā cuddasa, naārammaṇe cuddasa, naadhipatiyā cuddasa, naanantare cuddasa, nasamanantare cuddasa, nasahajāte dasa, naaññamaññe dasa, nanissaye dasa, naupanissaye terasa, napurejāte dvādasa, napacchājāte cuddasa, naāsevane cuddasa, nakamme cuddasa, navipāke cuddasa , naāhāre cuddasa, naindriye cuddasa, najhāne cuddasa, namagge cuddasa, nasampayutte dasa, navippayutte aṭṭha, noatthiyā aṭṭha, nonatthiyā cuddasa, novigate cuddasa, noavigate aṭṭha.
ទុកំ
Dukaṃ
នហេតុបច្ចយា នអារម្មណេ ចុទ្ទស (សំខិត្តំ។)
Nahetupaccayā naārammaṇe cuddasa (saṃkhittaṃ.)
(យថា កុសលត្តិកេ បច្ចនីយគណនា, ឯវំ គណេតព្ពំ។)
(Yathā kusalattike paccanīyagaṇanā, evaṃ gaṇetabbaṃ.)
បច្ចនីយំ។
Paccanīyaṃ.
៣. បច្ចយានុលោមបច្ចនីយំ
3. Paccayānulomapaccanīyaṃ
ហេតុទុកំ
Hetudukaṃ
៣៦. ហេតុបច្ចយា នអារម្មណេ សត្ត, នអធិបតិយា សត្ត, នអនន្តរេ សត្ត, នសមនន្តរេ សត្ត, នអញ្ញមញ្ញេ តីណិ, នឧបនិស្សយេ សត្ត, នបុរេជាតេ សត្ត, នបច្ឆាជាតេ សត្ត, នអាសេវនេ សត្ត, នកម្មេ សត្ត, នវិបាកេ សត្ត, នអាហារេ សត្ត, នឥន្ទ្រិយេ សត្ត, នឈានេ សត្ត, នមគ្គេ សត្ត, នសម្បយុត្តេ តីណិ, នវិប្បយុត្តេ តីណិ, នោនត្ថិយា សត្ត, នោវិគតេ សត្ត។
36. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe tīṇi, naupanissaye satta, napurejāte satta, napacchājāte satta, naāsevane satta, nakamme satta, navipāke satta, naāhāre satta, naindriye satta, najhāne satta, namagge satta, nasampayutte tīṇi, navippayutte tīṇi, nonatthiyā satta, novigate satta.
ឃដនា
Ghaṭanā
ហេតុ-សហជាត-និស្សយ-អត្ថិ-អវិគតន្តិ នអារម្មណេ សត្ត…បេ.… នអញ្ញមញ្ញេ តីណិ…បេ.… នសម្បយុត្តេ តីណិ, នវិប្បយុត្តេ តីណិ…បេ.… នោវិគតេ សត្ត (សំខិត្តំ។)
Hetu-sahajāta-nissaya-atthi-avigatanti naārammaṇe satta…pe… naaññamaññe tīṇi…pe… nasampayutte tīṇi, navippayutte tīṇi…pe… novigate satta (saṃkhittaṃ.)
(យថា កុសលត្តិកេ អនុលោមបច្ចនីយគណនា វិភត្តា, ឯវំ វិភជិតព្ពំ។)
(Yathā kusalattike anulomapaccanīyagaṇanā vibhattā, evaṃ vibhajitabbaṃ.)
អនុលោមបច្ចនីយំ។
Anulomapaccanīyaṃ.
៤. បច្ចយបច្ចនីយានុលោមំ
4. Paccayapaccanīyānulomaṃ
នហេតុទុកំ
Nahetudukaṃ
៣៧. នហេតុបច្ចយា អារម្មណេ ឆ, អធិបតិយា អដ្ឋ, អនន្តរេ សត្ត, សមនន្តរេ សត្ត, សហជាតេ នវ, អញ្ញមញ្ញេ តីណិ, និស្សយេ តេរស, ឧបនិស្សយេ អដ្ឋ, បុរេជាតេ តីណិ, បច្ឆាជាតេ តីណិ, អាសេវនេ តីណិ , កម្មេ សត្ត, វិបាកេ ចត្តារិ, អាហារេ សត្ត, ឥន្ទ្រិយេ សត្ត, ឈានេ សត្ត, មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា សត្ត, វិគតេ សត្ត, អវិគតេ តេរស។
37. Nahetupaccayā ārammaṇe cha, adhipatiyā aṭṭha, anantare satta, samanantare satta, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane tīṇi , kamme satta, vipāke cattāri, āhāre satta, indriye satta, jhāne satta, magge satta, sampayutte tīṇi, vippayutte pañca, atthiyā terasa, natthiyā satta, vigate satta, avigate terasa.
តិកំ
Tikaṃ
នហេតុបច្ចយា នអារម្មណបច្ចយា អធិបតិយា សត្ត (សំខិត្តំ។)
Nahetupaccayā naārammaṇapaccayā adhipatiyā satta (saṃkhittaṃ.)
(យថា កុសលត្តិកេ បច្ចនីយានុលោមគណនា វិភត្តា, ឯវំ វិភជិតព្ពំ។)
(Yathā kusalattike paccanīyānulomagaṇanā vibhattā, evaṃ vibhajitabbaṃ.)
បច្ចនីយានុលោមំ។
Paccanīyānulomaṃ.
សំកិលិដ្ឋត្តិកំ និដ្ឋិតំ។
Saṃkiliṭṭhattikaṃ niṭṭhitaṃ.
បដ្ឋានបាឡិ បឋមោ ភាគោ និដ្ឋិតោ។
Paṭṭhānapāḷi paṭhamo bhāgo niṭṭhito.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៥-២២. សង្កិលិដ្ឋត្តិកាទិវណ្ណនា • 5-22. Saṅkiliṭṭhattikādivaṇṇanā
