Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā)

    9. саммаад̣̇идтисуд̇д̇аван̣н̣анаа

    9. Sammādiṭṭhisuttavaṇṇanā

    89. звам̣ мз суд̇анд̇и саммаад̣̇идтисуд̇д̇ам̣. д̇ад̇т̇а ‘‘саммаад̣̇идти саммаад̣̇идтийд̇и, аавусо, вужжад̇и, гид̇д̇аавад̇аа ну ко, аавусо’’д̇и ваа ‘‘гад̇амам̣ банаавусо , агусала’’нд̇и ваа звам̣ яад̇д̇агаа т̇зрзна бужчаа вуд̇д̇аа, саб̣б̣аа гат̇зд̇угамяад̇аа бужчаа зва.

    89.Evaṃme sutanti sammādiṭṭhisuttaṃ. Tattha ‘‘sammādiṭṭhi sammādiṭṭhīti, āvuso, vuccati, kittāvatā nu kho, āvuso’’ti vā ‘‘katamaṃ panāvuso , akusala’’nti vā evaṃ yattakā therena pucchā vuttā, sabbā kathetukamyatā pucchā eva.

    д̇ад̇т̇а яасмаа ж̇аананд̇ааби саммаад̣̇идтийд̇и вад̣̇анд̇и аж̇аананд̇ааби б̣аахирагааби саасанигааби ануссаваад̣̇ивасзнааби ад̇д̇абажжагкзнааби, д̇асмаа д̇ам̣ б̣ахуунам̣ важанам̣ убаад̣̇ааяа д̣̇вигкад̇д̇ум̣ аамасанд̇о ‘‘саммаад̣̇идти саммаад̣̇идтийд̇и, аавусо, вужжад̇ий’’д̇и ааха. аяан̃хи зд̇т̇а ад̇хиббааяо, абарзхиби саммаад̣̇идтийд̇и вужжад̇и, ат̇аабарзхиби саммаад̣̇идтийд̇и вужжад̇и, свааяам̣ звам̣ вужжамаано ад̇т̇ан̃жа лагкан̣ан̃жа убаад̣̇ааяа гид̇д̇аавад̇аа ну ко, аавусо, арияасааваго саммаад̣̇идти ход̇ийд̇и. д̇ад̇т̇а саммаад̣̇идтийд̇и собханааяа басад̇т̇ааяа жа д̣̇идтияаа саманнааг̇ад̇о. яад̣̇аа бана д̇хаммзязва аяам̣ саммаад̣̇идтисад̣̇д̣̇о вад̇д̇ад̇и, д̇ад̣̇аасса собханаа басад̇т̇аа жа д̣̇идти саммаад̣̇идтийд̇и звамад̇т̇о взд̣̇ид̇аб̣б̣о.

    Tattha yasmā jānantāpi sammādiṭṭhīti vadanti ajānantāpi bāhirakāpi sāsanikāpi anussavādivasenāpi attapaccakkhenāpi, tasmā taṃ bahūnaṃ vacanaṃ upādāya dvikkhattuṃ āmasanto ‘‘sammādiṭṭhi sammādiṭṭhīti, āvuso, vuccatī’’ti āha. Ayañhi ettha adhippāyo, aparehipi sammādiṭṭhīti vuccati, athāparehipi sammādiṭṭhīti vuccati, svāyaṃ evaṃ vuccamāno atthañca lakkhaṇañca upādāya kittāvatā nu kho, āvuso, ariyasāvako sammādiṭṭhi hotīti. Tattha sammādiṭṭhīti sobhanāya pasatthāya ca diṭṭhiyā samannāgato. Yadā pana dhammeyeva ayaṃ sammādiṭṭhisaddo vattati, tadāssa sobhanā pasatthā ca diṭṭhi sammādiṭṭhīti evamattho veditabbo.

    саа жааяам̣ саммаад̣̇идти д̣̇увид̇хаа ход̇и логияаа логуд̇д̇араад̇и. д̇ад̇т̇а гаммассагад̇аан̃аан̣ам̣ сажжаануломиган̃аан̣ан̃жа логияаа саммаад̣̇идти, сан̇кзбад̇о ваа саб̣б̣ааби саасаваа бан̃н̃аа. арияамаг̇г̇апаласамбаяуд̇д̇аа бан̃н̃аа логуд̇д̇араа саммаад̣̇идти. буг̇г̇ало бана д̇ивид̇хо ход̇и бут̇уж̇ж̇ано сзгко асзгко жа. д̇ад̇т̇а бут̇уж̇ж̇ано д̣̇увид̇хо ход̇и б̣аахираго саасаниго жа. д̇ад̇т̇а б̣аахираго гаммаваад̣̇ий гаммассагад̇аад̣̇идтияаа саммаад̣̇идти ход̇и, но сажжаануломигааяа ад̇д̇ад̣̇идтибараамаасагад̇д̇аа. саасаниго д̣̇вийхиби. сзгко нияад̇ааяа саммаад̣̇идтияаа саммаад̣̇идти. асзгко асзгкааяа. ид̇ха бана нияад̇ааяа нияяаанигааяа логуд̇д̇арагусаласаммаад̣̇идтияаа саманнааг̇ад̇о ‘‘саммаад̣̇идтий’’д̇и ад̇хиббзд̇о. д̇знзвааха ‘‘уж̇уг̇ад̇аасса д̣̇идти д̇хаммз авзжжаббасаад̣̇зна саманнааг̇ад̇о ааг̇ад̇о имам̣ сад̣̇д̇хамма’’нд̇и, логуд̇д̇арагусаласаммаад̣̇идтиязва хи анд̇ад̣̇ваяаманубаг̇амма уж̇убхаавзна г̇ад̇ад̇д̇аа , гааяаван̇гаад̣̇ийни жа саб̣б̣аван̇гаани самужчинд̣̇ид̇ваа г̇ад̇ад̇д̇аа уж̇уг̇ад̇аа ход̇и, д̇ааязва жа д̣̇идтияаа саманнааг̇ад̇о наваббагаарзби логуд̇д̇арад̇хаммз авзжжаббасаад̣̇зна ажалаббасаад̣̇зна саманнааг̇ад̇о ход̇и, саб̣б̣ад̣̇идтиг̇аханаани жа виниб̣б̣зтзнд̇о саб̣б̣агилзсз баж̇аханд̇о ж̇аад̇исам̣саараа нигкаманд̇о бадибад̇д̇им̣ баринидтабзнд̇о ариязна маг̇г̇зна ааг̇ад̇о имам̣ самб̣уд̣̇д̇хаббавзд̣̇ид̇ам̣ амад̇ог̇ад̇хам̣ ниб̣б̣аанасан̇каад̇ам̣ сад̣̇д̇хамманд̇и вужжад̇и.

    Sā cāyaṃ sammādiṭṭhi duvidhā hoti lokiyā lokuttarāti. Tattha kammassakatāñāṇaṃ saccānulomikañāṇañca lokiyā sammādiṭṭhi, saṅkhepato vā sabbāpi sāsavā paññā. Ariyamaggaphalasampayuttā paññā lokuttarā sammādiṭṭhi. Puggalo pana tividho hoti puthujjano sekkho asekkho ca. Tattha puthujjano duvidho hoti bāhirako sāsaniko ca. Tattha bāhirako kammavādī kammassakatādiṭṭhiyā sammādiṭṭhi hoti, no saccānulomikāya attadiṭṭhiparāmāsakattā. Sāsaniko dvīhipi. Sekkho niyatāya sammādiṭṭhiyā sammādiṭṭhi. Asekkho asekkhāya. Idha pana niyatāya niyyānikāya lokuttarakusalasammādiṭṭhiyā samannāgato ‘‘sammādiṭṭhī’’ti adhippeto. Tenevāha ‘‘ujugatāssa diṭṭhi dhamme aveccappasādena samannāgato āgato imaṃ saddhamma’’nti, lokuttarakusalasammādiṭṭhiyeva hi antadvayamanupagamma ujubhāvena gatattā , kāyavaṅkādīni ca sabbavaṅkāni samucchinditvā gatattā ujugatā hoti, tāyeva ca diṭṭhiyā samannāgato navappakārepi lokuttaradhamme aveccappasādena acalappasādena samannāgato hoti, sabbadiṭṭhigahanāni ca vinibbeṭhento sabbakilese pajahanto jātisaṃsārā nikkhamanto paṭipattiṃ pariniṭṭhapento ariyena maggena āgato imaṃ sambuddhappaveditaṃ amatogadhaṃ nibbānasaṅkhātaṃ saddhammanti vuccati.

    яад̇о код̇и гаалабарижчзд̣̇аважанамзд̇ам̣, яасмим̣ гаалзд̇и вуд̇д̇ам̣ ход̇и. агусалан̃жа баж̇аанаад̇ийд̇и д̣̇асаагусалагаммабат̇асан̇каад̇ам̣ агусалан̃жа баж̇аанаад̇и, нирод̇хаарамман̣ааяа баж̇аананааяа гижжавасзна ‘‘ид̣̇ам̣ д̣̇угка’’нд̇и бадивиж̇жханд̇о агусалам̣ баж̇аанаад̇и. агусаламуулан̃жа баж̇аанаад̇ийд̇и д̇асса муулабажжаяабхууд̇ам̣ агусаламуулан̃жа баж̇аанаад̇и, д̇знзва багаарзна ‘‘аяам̣ д̣̇угкасамуд̣̇аяо’’д̇и бадивиж̇жханд̇о. зса наяо гусалан̃жа гусаламуулан̃жаад̇и зд̇т̇ааби. яат̇аа жзд̇т̇а, звам̣ ид̇о барзсу саб̣б̣аваарзсу гижжавасзнзва вад̇т̇убаж̇аананаа взд̣̇ид̇аб̣б̣аа. зд̇д̇аавад̇аабийд̇и зд̇д̇агзна иминаа агусалаад̣̇иббаж̇аананзнааби. саммаад̣̇идти ход̇ийд̇и вуд̇д̇аббагаарааяа логуд̇д̇арасаммаад̣̇идтияаа саманнааг̇ад̇о ход̇и. уж̇уг̇ад̇аасса…бз… имам̣ сад̣̇д̇хамманд̇и зд̇д̇аавад̇аа сам̣кид̇д̇ад̣̇зсанаа нидтид̇аа ход̇и. д̣̇зсанааязва жзсаа сам̣кид̇д̇аа, д̇зсам̣ бана бхигкуунам̣ вид̇т̇ааравасзнзва саммааманасигаараббадивзд̇хо взд̣̇ид̇аб̣б̣о.

    Yato khoti kālaparicchedavacanametaṃ, yasmiṃ kāleti vuttaṃ hoti. Akusalañca pajānātīti dasākusalakammapathasaṅkhātaṃ akusalañca pajānāti, nirodhārammaṇāya pajānanāya kiccavasena ‘‘idaṃ dukkha’’nti paṭivijjhanto akusalaṃ pajānāti. Akusalamūlañca pajānātīti tassa mūlapaccayabhūtaṃ akusalamūlañca pajānāti, teneva pakārena ‘‘ayaṃ dukkhasamudayo’’ti paṭivijjhanto. Esa nayo kusalañca kusalamūlañcāti etthāpi. Yathā cettha, evaṃ ito paresu sabbavāresu kiccavaseneva vatthupajānanā veditabbā. Ettāvatāpīti ettakena iminā akusalādippajānanenāpi. Sammādiṭṭhi hotīti vuttappakārāya lokuttarasammādiṭṭhiyā samannāgato hoti. Ujugatāssa…pe… imaṃ saddhammanti ettāvatā saṃkhittadesanā niṭṭhitā hoti. Desanāyeva cesā saṃkhittā, tesaṃ pana bhikkhūnaṃ vitthāravaseneva sammāmanasikārappaṭivedho veditabbo.

    д̣̇уд̇ияаваарз бана д̣̇зсанааби вид̇т̇аарзна манасигаараббадивзд̇хоби вид̇т̇аарзнзва вуд̇д̇од̇и взд̣̇ид̇аб̣б̣о. д̇ад̇т̇а ‘‘сам̣кид̇д̇ад̣̇зсанааяа д̣̇вз хздтимамаг̇г̇аа, вид̇т̇аарад̣̇зсанааяа д̣̇вз убаримамаг̇г̇аа гат̇ид̇аа’’д̇и бхигкуу аахам̣су вид̇т̇аарад̣̇зсанаавасаанз ‘‘саб̣б̣асо рааг̇аанусаяам̣ бахааяаа’’д̇иаад̣̇иважанам̣ самбассамаанаа. т̇зро банааха ‘‘сам̣кид̇д̇ад̣̇зсанааяаби жад̇д̇ааро маг̇г̇аа раасид̇о гат̇ид̇аа, вид̇т̇аарад̣̇зсанааяабий’’д̇и. яаа жааяам̣ ид̇ха сам̣кид̇д̇авид̇т̇аарад̣̇зсанаасу вижааран̣аа аавигад̇аа, саа саб̣б̣аваарзсу ид̇ха вуд̇д̇анаязнзва взд̣̇ид̇аб̣б̣аа. абуб̣б̣аануд̇д̇аанабад̣̇аван̣н̣анаамад̇д̇амзва хи ид̇о барам̣ гариссаама.

    Dutiyavāre pana desanāpi vitthārena manasikārappaṭivedhopi vitthāreneva vuttoti veditabbo. Tattha ‘‘saṃkhittadesanāya dve heṭṭhimamaggā, vitthāradesanāya dve uparimamaggā kathitā’’ti bhikkhū āhaṃsu vitthāradesanāvasāne ‘‘sabbaso rāgānusayaṃ pahāyā’’tiādivacanaṃ sampassamānā. Thero panāha ‘‘saṃkhittadesanāyapi cattāro maggā rāsito kathitā, vitthāradesanāyapī’’ti. Yā cāyaṃ idha saṃkhittavitthāradesanāsu vicāraṇā āvikatā, sā sabbavāresu idha vuttanayeneva veditabbā. Apubbānuttānapadavaṇṇanāmattameva hi ito paraṃ karissāma.

    агусалагаммабат̇аван̣н̣анаа

    Akusalakammapathavaṇṇanā

    д̇ад̇т̇а батамаваарасса д̇аава вид̇т̇аарад̣̇зсанааяа ‘‘баан̣аад̇ибаад̇о ко, аавусо, агусала’’нд̇иаад̣̇ийсу агосаллаббавад̇д̇ияаа агусалам̣ взд̣̇ид̇аб̣б̣ам̣, барад̇о вад̇д̇аб̣б̣агусалаббадибагкад̇о ваа. д̇ам̣ лагкан̣ад̇о сааваж̇ж̇ад̣̇угкавибаагам̣ сам̣гилидтам̣ ваа. аяам̣ д̇аавзд̇т̇а саад̇хааран̣абад̣̇аван̣н̣анаа.

    Tattha paṭhamavārassa tāva vitthāradesanāya ‘‘pāṇātipāto kho, āvuso, akusala’’ntiādīsu akosallappavattiyā akusalaṃ veditabbaṃ, parato vattabbakusalappaṭipakkhato vā. Taṃ lakkhaṇato sāvajjadukkhavipākaṃ saṃkiliṭṭhaṃ vā. Ayaṃ tāvettha sādhāraṇapadavaṇṇanā.

    асаад̇хааран̣зсу бана баан̣асса ад̇ибаад̇о баан̣аад̇ибаад̇о, баан̣авад̇хо баан̣агхаад̇од̇и вуд̇д̇ам̣ ход̇и. баан̣од̇и жзд̇т̇а вохаарад̇о сад̇д̇о, барамад̇т̇ад̇о ж̇ийвид̇инд̣̇рияам̣. д̇асмим̣ бана баан̣з баан̣асан̃н̃ино ж̇ийвид̇инд̣̇рияубажчзд̣̇агаубаггамасамудтаабигаа гааяаважийд̣̇ваараанам̣ ан̃н̃ад̇арад̣̇ваараббавад̇д̇аа вад̇хагажзд̇анаа баан̣аад̇ибаад̇о. со г̇ун̣авирахид̇зсу д̇иражчаанаг̇ад̇аад̣̇ийсу баан̣зсу куд̣̇д̣̇агз баан̣з аббасааваж̇ж̇о, махаасарийрз махаасааваж̇ж̇о. гасмаа? баяог̇амаханд̇ад̇ааяа. баяог̇асамад̇д̇зби вад̇т̇умаханд̇ад̇ааяа. г̇ун̣аванд̇зсу мануссаад̣̇ийсу аббаг̇ун̣з баан̣з аббасааваж̇ж̇о, махааг̇ун̣з махаасааваж̇ж̇о. сарийраг̇ун̣аанам̣ бана самабхаавз сад̇и гилзсаанам̣ убаггамаанан̃жа муд̣̇уд̇ааяа аббасааваж̇ж̇о, д̇иб̣б̣ад̇ааяа махаасааваж̇ж̇од̇и взд̣̇ид̇аб̣б̣о. д̇асса бан̃жа самбхаараа хонд̇и баан̣о, баан̣асан̃н̃ид̇аа, вад̇хагажид̇д̇ам̣, убаггамо, д̇зна маран̣анд̇и. ча баяог̇аа саахад̇т̇иго, аан̣ад̇д̇иго, ниссаг̇г̇ияо, т̇ааваро, виж̇ж̇аамаяо, ид̣̇д̇химаяод̇и. имасмим̣ банзд̇т̇а вид̇т̇аарийяамаанз ад̇ибабан̃жо ход̇и, д̇асмаа нам̣ на вид̇т̇аараяаама, ан̃н̃ан̃жа зваруубам̣. ад̇т̇игзхи бана саманд̇абаасаад̣̇игам̣ винаяадтагат̇ам̣ (баараа. адта. 2.172) ологзд̇ваа г̇ахзд̇аб̣б̣о.

    Asādhāraṇesu pana pāṇassa atipāto pāṇātipāto, pāṇavadho pāṇaghātoti vuttaṃ hoti. Pāṇoti cettha vohārato satto, paramatthato jīvitindriyaṃ. Tasmiṃ pana pāṇe pāṇasaññino jīvitindriyupacchedakaupakkamasamuṭṭhāpikā kāyavacīdvārānaṃ aññataradvārappavattā vadhakacetanā pāṇātipāto. So guṇavirahitesu tiracchānagatādīsu pāṇesu khuddake pāṇe appasāvajjo, mahāsarīre mahāsāvajjo. Kasmā? Payogamahantatāya. Payogasamattepi vatthumahantatāya. Guṇavantesu manussādīsu appaguṇe pāṇe appasāvajjo, mahāguṇe mahāsāvajjo. Sarīraguṇānaṃ pana samabhāve sati kilesānaṃ upakkamānañca mudutāya appasāvajjo, tibbatāya mahāsāvajjoti veditabbo. Tassa pañca sambhārā honti pāṇo, pāṇasaññitā, vadhakacittaṃ, upakkamo, tena maraṇanti. Cha payogā sāhatthiko, āṇattiko, nissaggiyo, thāvaro, vijjāmayo, iddhimayoti. Imasmiṃ panettha vitthārīyamāne atipapañco hoti, tasmā naṃ na vitthārayāma, aññañca evarūpaṃ. Atthikehi pana samantapāsādikaṃ vinayaṭṭhakathaṃ (pārā. aṭṭha. 2.172) oloketvā gahetabbo.

    ад̣̇иннасса аад̣̇аанам̣ ад̣̇иннаад̣̇аанам̣, барасса харан̣ам̣ т̇зяяам̣, жоригаад̇и вуд̇д̇ам̣ ход̇и. д̇ад̇т̇а ад̣̇иннанд̇и барабариг̇г̇ахид̇ам̣, яад̇т̇а баро яат̇аагаамагаарид̇ам̣ аабаж̇ж̇анд̇о ад̣̇ан̣д̣аарахо анубаваж̇ж̇о жа ход̇и. д̇асмим̣ бана барабариг̇г̇ахид̇з барабариг̇г̇ахид̇асан̃н̃ино д̇ад̣̇аад̣̇ааяагаубаггамасамудтаабигаа т̇зяяажзд̇анаа ад̣̇иннаад̣̇аанам̣. д̇ам̣ хийнз барасанд̇агз аббасааваж̇ж̇ам̣ , бан̣ийд̇з махаасааваж̇ж̇ам̣. гасмаа? вад̇т̇убан̣ийд̇ад̇ааяа. вад̇т̇усамад̇д̇з сад̇и г̇ун̣аад̇хигаанам̣ санд̇агз вад̇т̇усмим̣ махаасааваж̇ж̇ам̣. д̇ам̣ д̇ам̣ г̇ун̣аад̇хигам̣ убаад̣̇ааяа д̇ад̇о д̇ад̇о хийнаг̇ун̣асса санд̇агз вад̇т̇усмим̣ аббасааваж̇ж̇ам̣. д̇асса бан̃жа самбхаараа хонд̇и барабариг̇г̇ахид̇ам̣, барабариг̇г̇ахид̇асан̃н̃ид̇аа, т̇зяяажид̇д̇ам̣, убаггамо, д̇зна харан̣анд̇и. ча баяог̇аа саахад̇т̇игаад̣̇аяова. д̇з жа ко яат̇аануруубам̣ т̇зяяаавахааро, басаяхаавахааро, бадижчаннаавахааро, баригаббаавахааро, гусаавахаарод̇и имзсам̣ авахаараанам̣ васзна бавад̇д̇аад̇и аяамзд̇т̇а сан̇кзбо. вид̇т̇ааро бана саманд̇абаасаад̣̇игааяам̣ (баараа. адта. 1.92) вуд̇д̇о.

    Adinnassa ādānaṃ adinnādānaṃ, parassa haraṇaṃ theyyaṃ, corikāti vuttaṃ hoti. Tattha adinnanti parapariggahitaṃ, yattha paro yathākāmakāritaṃ āpajjanto adaṇḍāraho anupavajjo ca hoti. Tasmiṃ pana parapariggahite parapariggahitasaññino tadādāyakaupakkamasamuṭṭhāpikā theyyacetanā adinnādānaṃ. Taṃ hīne parasantake appasāvajjaṃ , paṇīte mahāsāvajjaṃ. Kasmā? Vatthupaṇītatāya. Vatthusamatte sati guṇādhikānaṃ santake vatthusmiṃ mahāsāvajjaṃ. Taṃ taṃ guṇādhikaṃ upādāya tato tato hīnaguṇassa santake vatthusmiṃ appasāvajjaṃ. Tassa pañca sambhārā honti parapariggahitaṃ, parapariggahitasaññitā, theyyacittaṃ, upakkamo, tena haraṇanti. Cha payogā sāhatthikādayova. Te ca kho yathānurūpaṃ theyyāvahāro, pasayhāvahāro, paṭicchannāvahāro, parikappāvahāro, kusāvahāroti imesaṃ avahārānaṃ vasena pavattāti ayamettha saṅkhepo. Vitthāro pana samantapāsādikāyaṃ (pārā. aṭṭha. 1.92) vutto.

    гаамзсумижчаажаарод̇и зд̇т̇а бана гаамзсууд̇и мзт̇унасамаажаарзсу. мижчаажаарод̇и зганд̇анинд̣̇ид̇о лаамагаажааро. лагкан̣ад̇о бана асад̣̇д̇хаммаад̇хиббааязна гааяад̣̇ваараббавад̇д̇аа аг̇аманийяадтаанавийд̇иггамажзд̇анаа гаамзсумижчаажааро.

    Kāmesumicchācāroti ettha pana kāmesūti methunasamācāresu. Micchācāroti ekantanindito lāmakācāro. Lakkhaṇato pana asaddhammādhippāyena kāyadvārappavattā agamanīyaṭṭhānavītikkamacetanā kāmesumicchācāro.

    д̇ад̇т̇а аг̇аманийяадтаанам̣ наама бурисаанам̣ д̇аава маад̇урагкид̇аа, бид̇урагкид̇аа, маад̇аабид̇урагкид̇аа, бхаад̇урагкид̇аа, бхаг̇инирагкид̇аа, н̃аад̇ирагкид̇аа, г̇од̇д̇арагкид̇аа, д̇хаммарагкид̇аа, саарагкаа, сабарид̣̇ан̣д̣аад̇и маад̇урагкид̇аад̣̇аяо д̣̇аса ; д̇ханаггийд̇аа, чанд̣̇аваасиний, бхог̇аваасиний, бадаваасиний, од̣̇абад̇д̇агиний, обхадажумб̣адаа, д̣̇аасий жа бхарияаа жа, гаммагаарий жа бхарияаа жа, д̇хаж̇аахад̇аа, мухуд̇д̇игаад̇и зд̇аа жа д̇ханаггийд̇аад̣̇аяо д̣̇асаад̇и вийсад̇и ид̇т̇ияо. ид̇т̇ийсу бана д̣̇виннам̣ саарагкаасабарид̣̇ан̣д̣аанам̣, д̣̇асаннан̃жа д̇ханаггийд̇аад̣̇ийнанд̇и д̣̇ваад̣̇асаннам̣ ид̇т̇ийнам̣ ан̃н̃з бурисаа, ид̣̇ам̣ аг̇аманийяадтаанам̣ наама. со банзса мижчаажааро сийлаад̣̇иг̇ун̣арахид̇з аг̇аманийяадтаанз аббасааваж̇ж̇о, сийлаад̣̇иг̇ун̣асамбаннз махаасааваж̇ж̇о. д̇асса жад̇д̇ааро самбхаараа аг̇аманийяавад̇т̇у, д̇асмим̣ сзванажид̇д̇ам̣, сзванабаяог̇о, маг̇г̇знамаг̇г̇аббадибад̇д̇иад̇хиваасананд̇и. зго баяог̇о саахад̇т̇иго зва.

    Tattha agamanīyaṭṭhānaṃ nāma purisānaṃ tāva māturakkhitā, piturakkhitā, mātāpiturakkhitā, bhāturakkhitā, bhaginirakkhitā, ñātirakkhitā, gottarakkhitā, dhammarakkhitā, sārakkhā, saparidaṇḍāti māturakkhitādayo dasa ; dhanakkītā, chandavāsinī, bhogavāsinī, paṭavāsinī, odapattakinī, obhaṭacumbaṭā, dāsī ca bhariyā ca, kammakārī ca bhariyā ca, dhajāhatā, muhuttikāti etā ca dhanakkītādayo dasāti vīsati itthiyo. Itthīsu pana dvinnaṃ sārakkhāsaparidaṇḍānaṃ, dasannañca dhanakkītādīnanti dvādasannaṃ itthīnaṃ aññe purisā, idaṃ agamanīyaṭṭhānaṃ nāma. So panesa micchācāro sīlādiguṇarahite agamanīyaṭṭhāne appasāvajjo, sīlādiguṇasampanne mahāsāvajjo. Tassa cattāro sambhārā agamanīyavatthu, tasmiṃ sevanacittaṃ, sevanapayogo, maggenamaggappaṭipattiadhivāsananti. Eko payogo sāhatthiko eva.

    мусаад̇и висам̣ваад̣̇анабурзгкаарасса ад̇т̇абхан̃ж̇аго важийбаяог̇о гааяабаяог̇о ваа. висам̣ваад̣̇анаад̇хиббааязна банасса барависам̣ваад̣̇анагагааяаважийбаяог̇асамудтаабигаа жзд̇анаа мусааваад̣̇о. абаро наяо мусаад̇и абхууд̇ам̣ ад̇ажчам̣ вад̇т̇у. ваад̣̇од̇и д̇асса бхууд̇ад̇о д̇ажчад̇о вин̃н̃аабанам̣. лагкан̣ад̇о бана ад̇ат̇ам̣ вад̇т̇ум̣ д̇ат̇ад̇о барам̣ вин̃н̃аабзд̇угаамасса д̇ат̇аавин̃н̃ад̇д̇исамудтаабигаа жзд̇анаа мусааваад̣̇о. со яамад̇т̇ам̣ бхан̃ж̇ад̇и, д̇асса аббад̇ааяа аббасааваж̇ж̇о, маханд̇ад̇ааяа махаасааваж̇ж̇о. абижа г̇ахадтаанам̣ ад̇д̇ано санд̇агам̣ ад̣̇аад̇угаамад̇ааяа над̇т̇ийд̇иаад̣̇инаяаббавад̇д̇о аббасааваж̇ж̇о, сагкинаа худ̇ваа ад̇т̇абхан̃ж̇анад̇т̇ам̣ вуд̇д̇о махаасааваж̇ж̇о. баб̣б̣аж̇ид̇аанам̣ аббагамби д̇злам̣ ваа саббим̣ ваа лабхид̇ваа хасаад̇хиббааязна ‘‘аж̇ж̇а г̇аамз д̇злам̣ над̣̇ийман̃н̃з санд̣̇ад̇ий’’д̇и бураан̣агат̇аанаязна бавад̇д̇о аббасааваж̇ж̇о, ад̣̇идтам̣язва бана д̣̇идтанд̇иаад̣̇инаа наязна вад̣̇анд̇аанам̣ махаасааваж̇ж̇о. д̇асса жад̇д̇ааро самбхаараа хонд̇и ад̇ат̇ам̣ вад̇т̇у, висам̣ваад̣̇анажид̇д̇ам̣, д̇аж̇ж̇о вааяаамо, барасса д̇ад̣̇ад̇т̇авиж̇аанананд̇и. зго баяог̇о саахад̇т̇игова. со гааязна ваа гааяаббадиб̣ад̣̇д̇хзна ваа ваажааяа ваа висам̣ваад̣̇агагирияаагаран̣з д̣̇адтаб̣б̣о. д̇ааяа жз гирияааяа баро д̇амад̇т̇ам̣ ж̇аанаад̇и, аяам̣ гирияаасамудтаабигажзд̇анаагкан̣зязва мусааваад̣̇агаммунаа б̣аж̇жхад̇и.

    Musāti visaṃvādanapurekkhārassa atthabhañjako vacīpayogo kāyapayogo vā. Visaṃvādanādhippāyena panassa paravisaṃvādanakakāyavacīpayogasamuṭṭhāpikā cetanā musāvādo. Aparo nayo musāti abhūtaṃ atacchaṃ vatthu. Vādoti tassa bhūtato tacchato viññāpanaṃ. Lakkhaṇato pana atathaṃ vatthuṃ tathato paraṃ viññāpetukāmassa tathāviññattisamuṭṭhāpikā cetanā musāvādo. So yamatthaṃ bhañjati, tassa appatāya appasāvajjo, mahantatāya mahāsāvajjo. Apica gahaṭṭhānaṃ attano santakaṃ adātukāmatāya natthītiādinayappavatto appasāvajjo, sakkhinā hutvā atthabhañjanatthaṃ vutto mahāsāvajjo. Pabbajitānaṃ appakampi telaṃ vā sappiṃ vā labhitvā hasādhippāyena ‘‘ajja gāme telaṃ nadīmaññe sandatī’’ti purāṇakathānayena pavatto appasāvajjo, adiṭṭhaṃyeva pana diṭṭhantiādinā nayena vadantānaṃ mahāsāvajjo. Tassa cattāro sambhārā honti atathaṃ vatthu, visaṃvādanacittaṃ, tajjo vāyāmo, parassa tadatthavijānananti. Eko payogo sāhatthikova. So kāyena vā kāyappaṭibaddhena vā vācāya vā visaṃvādakakiriyākaraṇe daṭṭhabbo. Tāya ce kiriyāya paro tamatthaṃ jānāti, ayaṃ kiriyāsamuṭṭhāpikacetanākkhaṇeyeva musāvādakammunā bajjhati.

    бисун̣аа ваажаад̇иаад̣̇ийсу яааяа ваажааяа яасса д̇ам̣ ваажам̣ бхаасад̇и, д̇асса хад̣̇аяз ад̇д̇ано бияабхаавам̣ барасса жа сун̃н̃абхаавам̣ гарод̇и, саа бисун̣аа ваажаа. яааяа бана ад̇д̇аанамби барамби парусамби гарод̇и, саа ваажаа саяамби парусаа нзва ган̣н̣асукаа на хад̣̇аяасукаа ваа, аяам̣ парусаа ваажаа. язна сампам̣ балабад̇и нирад̇т̇агам̣, со сампаббалаабо. д̇зсам̣ муулабхууд̇аа жзд̇анааби бисун̣ааваажаад̣̇инаамамзва лабхад̇и, саа зва жа ид̇ха ад̇хиббзд̇аад̇и. д̇ад̇т̇а сам̣гилидтажид̇д̇асса барзсам̣ ваа бхзд̣̇ааяа ад̇д̇ано бияагамяад̇ааяа ваа гааяаважийбаяог̇асамудтаабигаа жзд̇анаа бисун̣аа ваажаа. саа яасса бхзд̣̇ам̣ гарод̇и, д̇асса аббаг̇ун̣ад̇ааяа аббасааваж̇ж̇аа, махааг̇ун̣ад̇ааяа махаасааваж̇ж̇аа. д̇ассаа жад̇д̇ааро самбхаараа бхинд̣̇ид̇аб̣б̣о баро, ‘‘ид̇и имз наанаа бхависсанд̇и винаа бхависсанд̇ий’’д̇и бхзд̣̇абурзгкаарад̇аа ваа, ‘‘ахам̣ бияо бхависсаами виссаасиго’’д̇и бияагамяад̇аа ваа, д̇аж̇ж̇о вааяаамо, д̇асса д̇ад̣̇ад̇т̇авиж̇аанананд̇и.

    Pisuṇā vācātiādīsu yāya vācāya yassa taṃ vācaṃ bhāsati, tassa hadaye attano piyabhāvaṃ parassa ca suññabhāvaṃ karoti, sā pisuṇā vācā. Yāya pana attānampi parampi pharusampi karoti, sā vācā sayampi pharusā neva kaṇṇasukhā na hadayasukhā vā, ayaṃ pharusā vācā. Yena samphaṃ palapati niratthakaṃ, so samphappalāpo. Tesaṃ mūlabhūtā cetanāpi pisuṇāvācādināmameva labhati, sā eva ca idha adhippetāti. Tattha saṃkiliṭṭhacittassa paresaṃ vā bhedāya attano piyakamyatāya vā kāyavacīpayogasamuṭṭhāpikā cetanā pisuṇā vācā. Sā yassa bhedaṃ karoti, tassa appaguṇatāya appasāvajjā, mahāguṇatāya mahāsāvajjā. Tassā cattāro sambhārā bhinditabbo paro, ‘‘iti ime nānā bhavissanti vinā bhavissantī’’ti bhedapurekkhāratā vā, ‘‘ahaṃ piyo bhavissāmi vissāsiko’’ti piyakamyatā vā, tajjo vāyāmo, tassa tadatthavijānananti.

    барасса маммажчзд̣̇агагааяаважийбаяог̇асамудтаабигаа зганд̇апарусаа жзд̇анаа парусаа ваажаа. д̇асса аавибхаавад̇т̇амид̣̇ам̣ вад̇т̇у – зго гира д̣̇аараго маад̇уважанам̣ анаад̣̇ияид̇ваа аран̃н̃ам̣ г̇ажчад̇и, д̇ам̣ маад̇аа нивад̇д̇зд̇ум̣ асаггонд̇ий ‘‘жан̣д̣аа д̇ам̣ махим̣сий ануб̣анд̇хад̇уу’’д̇и аггоси. ат̇асса д̇ад̇т̇зва аран̃н̃з махим̣сий удтааси. д̣̇аараго ‘‘яам̣ мама маад̇аа мукзна гат̇зси д̇ам̣ маа ход̇у, яам̣ жид̇д̇зна жинд̇зси д̇ам̣ ход̇уу’’д̇и сажжагирияамагааси. махим̣сий д̇ад̇т̇зва б̣ад̣̇д̇хаа вияа адтааси. звам̣ маммажчзд̣̇агоби баяог̇о жид̇д̇асан̣хад̇ааяа парусаа ваажаа на ход̇и. маад̇аабид̇аро хи гад̣̇аажи буд̇д̇агз звамби вад̣̇анд̇и ‘‘жораа во кан̣д̣аакан̣д̣игам̣ гаронд̇уу’’д̇и, уббалабад̇д̇амби жа нзсам̣ убари бад̇анд̇ам̣ на ижчанд̇и. аажарияубаж̇жхааяаа жа гад̣̇аажи ниссид̇агз звам̣ вад̣̇анд̇и ‘‘гим̣ имз ахиригаа анод̇д̇аббино жаранд̇и нид̣̇д̇хамат̇а нз’’д̇и. ат̇а ко нзсам̣ ааг̇амаад̇хиг̇амасамбад̇д̇им̣ ижчанд̇и. яат̇аа жа жид̇д̇асан̣хад̇ааяа парусаа ваажаа на ход̇и, звам̣ важанасан̣хад̇ааяа апарусаа ваажааби на ход̇и. на хи маараабзд̇угаамасса ‘‘имам̣ сукам̣ саяаабзт̇аа’’д̇и важанам̣ апарусаа ваажаа ход̇и. жид̇д̇апарусад̇ааяа банзсаа парусаа ваажаава. саа яам̣ санд̇хааяа бавад̇д̇ид̇аа, д̇асса аббаг̇ун̣ад̇ааяа аббасааваж̇ж̇аа, махааг̇ун̣ад̇ааяа махаасааваж̇ж̇аа. д̇ассаа д̇аяо самбхаараа аггосид̇аб̣б̣о баро, губид̇ажид̇д̇ам̣, аггосанаад̇и.

    Parassa mammacchedakakāyavacīpayogasamuṭṭhāpikā ekantapharusā cetanā pharusā vācā. Tassa āvibhāvatthamidaṃ vatthu – eko kira dārako mātuvacanaṃ anādiyitvā araññaṃ gacchati, taṃ mātā nivattetuṃ asakkontī ‘‘caṇḍā taṃ mahiṃsī anubandhatū’’ti akkosi. Athassa tattheva araññe mahiṃsī uṭṭhāsi. Dārako ‘‘yaṃ mama mātā mukhena kathesi taṃ mā hotu, yaṃ cittena cintesi taṃ hotū’’ti saccakiriyamakāsi. Mahiṃsī tattheva baddhā viya aṭṭhāsi. Evaṃ mammacchedakopi payogo cittasaṇhatāya pharusā vācā na hoti. Mātāpitaro hi kadāci puttake evampi vadanti ‘‘corā vo khaṇḍākhaṇḍikaṃ karontū’’ti, uppalapattampi ca nesaṃ upari patantaṃ na icchanti. Ācariyupajjhāyā ca kadāci nissitake evaṃ vadanti ‘‘kiṃ ime ahirikā anottappino caranti niddhamatha ne’’ti. Atha kho nesaṃ āgamādhigamasampattiṃ icchanti. Yathā ca cittasaṇhatāya pharusā vācā na hoti, evaṃ vacanasaṇhatāya apharusā vācāpi na hoti. Na hi mārāpetukāmassa ‘‘imaṃ sukhaṃ sayāpethā’’ti vacanaṃ apharusā vācā hoti. Cittapharusatāya panesā pharusā vācāva. Sā yaṃ sandhāya pavattitā, tassa appaguṇatāya appasāvajjā, mahāguṇatāya mahāsāvajjā. Tassā tayo sambhārā akkositabbo paro, kupitacittaṃ, akkosanāti.

    анад̇т̇авин̃н̃аабагагааяаважийбаяог̇асамудтаабигаа агусалажзд̇анаа сампаббалаабо. со аасзванаманд̣̇ад̇ааяа аббасааваж̇ж̇о, аасзванамаханд̇ад̇ааяа махаасааваж̇ж̇о. д̇асса д̣̇вз самбхаараа бхаарад̇аяуд̣̇д̇хасийд̇аахаран̣аад̣̇инирад̇т̇агагат̇аабурзгкаарад̇аа, д̇ат̇ааруубийгат̇аагат̇ананд̇и.

    Anatthaviññāpakakāyavacīpayogasamuṭṭhāpikā akusalacetanā samphappalāpo. So āsevanamandatāya appasāvajjo, āsevanamahantatāya mahāsāvajjo. Tassa dve sambhārā bhāratayuddhasītāharaṇādiniratthakakathāpurekkhāratā, tathārūpīkathākathananti.

    абхиж̇жхааяад̇ийд̇и абхиж̇жхаа, барабхан̣д̣аабхимукий худ̇ваа д̇анниннад̇ааяа бавад̇д̇ад̇ийд̇и ад̇т̇о. саа ‘‘ахо вад̇а ид̣̇ам̣ мамассаа’’д̇и звам̣ барабхан̣д̣аабхиж̇жхааяаналагкан̣аа. ад̣̇иннаад̣̇аанам̣ вияа аббасааваж̇ж̇аа жа махаасааваж̇ж̇аа жа. д̇ассаа д̣̇вз самбхаараа барабхан̣д̣ам̣, ад̇д̇ано барин̣ааманан̃жа. барабхан̣д̣авад̇т̇угз хи лобхз уббаннзби на д̇аава гаммабат̇абхзд̣̇о ход̇и, яаава ‘‘ахо вад̇ийд̣̇ам̣ мамассаа’’д̇и ад̇д̇ано на барин̣аамзд̇и.

    Abhijjhāyatīti abhijjhā, parabhaṇḍābhimukhī hutvā tanninnatāya pavattatīti attho. Sā ‘‘aho vata idaṃ mamassā’’ti evaṃ parabhaṇḍābhijjhāyanalakkhaṇā. Adinnādānaṃ viya appasāvajjā ca mahāsāvajjā ca. Tassā dve sambhārā parabhaṇḍaṃ, attano pariṇāmanañca. Parabhaṇḍavatthuke hi lobhe uppannepi na tāva kammapathabhedo hoti, yāva ‘‘aho vatīdaṃ mamassā’’ti attano na pariṇāmeti.

    хид̇асукам̣ б̣яаабаад̣̇аяад̇ийд̇и б̣яаабаад̣̇о. со баравинаасааяа манобад̣̇осалагкан̣о , парусаа ваажаа вияа аббасааваж̇ж̇о махаасааваж̇ж̇о жа. д̇асса д̣̇вз самбхаараа барасад̇д̇о жа, д̇асса жа винаасажинд̇аа. барасад̇д̇авад̇т̇угз хи год̇хз уббаннзби на д̇аава гаммабат̇абхзд̣̇о ход̇и, яаава ‘‘ахо вад̇ааяам̣ ужчиж̇ж̇зяяа винассзяяаа’’д̇и д̇асса винаасам̣ на жинд̇зд̇и.

    Hitasukhaṃ byāpādayatīti byāpādo. So paravināsāya manopadosalakkhaṇo , pharusā vācā viya appasāvajjo mahāsāvajjo ca. Tassa dve sambhārā parasatto ca, tassa ca vināsacintā. Parasattavatthuke hi kodhe uppannepi na tāva kammapathabhedo hoti, yāva ‘‘aho vatāyaṃ ucchijjeyya vinasseyyā’’ti tassa vināsaṃ na cinteti.

    яат̇аабхужжаг̇ахан̣аабхаавзна мижчаа бассад̇ийд̇и мижчаад̣̇идти. саа ‘‘над̇т̇и д̣̇инна’’нд̇иаад̣̇инаа наязна вибарийд̇ад̣̇ассаналагкан̣аа. сампаббалаабо вияа аббасааваж̇ж̇аа махаасааваж̇ж̇аа жа. абижа анияад̇аа аббасааваж̇ж̇аа, нияад̇аа махаасааваж̇ж̇аа. д̇ассаа д̣̇вз самбхаараа вад̇т̇уно жа г̇ахид̇аагааравибарийд̇ад̇аа, яат̇аа жа д̇ам̣ г̇ан̣хаад̇и, д̇ат̇аабхаавзна д̇ассубадтаананд̇и.

    Yathābhuccagahaṇābhāvena micchā passatīti micchādiṭṭhi. Sā ‘‘natthi dinna’’ntiādinā nayena viparītadassanalakkhaṇā. Samphappalāpo viya appasāvajjā mahāsāvajjā ca. Apica aniyatā appasāvajjā, niyatā mahāsāvajjā. Tassā dve sambhārā vatthuno ca gahitākāraviparītatā, yathā ca taṃ gaṇhāti, tathābhāvena tassupaṭṭhānanti.

    имзсам̣ бана д̣̇асаннам̣ агусалагаммабат̇аанам̣ д̇хаммад̇о годтаасад̇о аарамман̣ад̇о взд̣̇анаад̇о муулад̇од̇и бан̃жахаагаарзхи винижчаяо взд̣̇ид̇аб̣б̣о.

    Imesaṃ pana dasannaṃ akusalakammapathānaṃ dhammato koṭṭhāsato ārammaṇato vedanāto mūlatoti pañcahākārehi vinicchayo veditabbo.

    д̇ад̇т̇а д̇хаммад̇од̇и зд̇зсу хи бадибаадияаа сад̇д̇а, жзд̇анаад̇хаммаава хонд̇и, абхиж̇жхаад̣̇аяо д̇аяо жзд̇анаасамбаяуд̇д̇аа.

    Tattha dhammatoti etesu hi paṭipāṭiyā satta, cetanādhammāva honti, abhijjhādayo tayo cetanāsampayuttā.

    годтаасад̇од̇и бадибаадияаа сад̇д̇а, мижчаад̣̇идти жаад̇и имз адта гаммабат̇аа зва хонд̇и, но муулаани. абхиж̇жхааб̣яаабаад̣̇аа гаммабат̇аа жзва муулаани жа. абхиж̇жхаа хи муулам̣ бад̇ваа лобхо агусаламуулам̣ ход̇и. б̣яаабаад̣̇о д̣̇осо агусаламуулам̣.

    Koṭṭhāsatoti paṭipāṭiyā satta, micchādiṭṭhi cāti ime aṭṭha kammapathā eva honti, no mūlāni. Abhijjhābyāpādā kammapathā ceva mūlāni ca. Abhijjhā hi mūlaṃ patvā lobho akusalamūlaṃ hoti. Byāpādo doso akusalamūlaṃ.

    аарамман̣ад̇од̇и баан̣аад̇ибаад̇о ж̇ийвид̇инд̣̇рияаарамман̣ад̇о сан̇каараарамман̣о ход̇и. ад̣̇иннаад̣̇аанам̣ сад̇д̇аарамман̣ам̣ ваа сан̇каараарамман̣ам̣ ваа. мижчаажааро подтаб̣б̣авасзна сан̇каараарамман̣о. сад̇д̇аарамман̣од̇иби згз. мусааваад̣̇о сад̇д̇аарамман̣о ваа сан̇каараарамман̣о ваа. д̇ат̇аа бисун̣аа ваажаа. парусаа ваажаа сад̇д̇аарамман̣аава. сампаббалаабо д̣̇идтасуд̇амуд̇авин̃н̃аад̇авасзна сад̇д̇аарамман̣о ваа сан̇каараарамман̣о ваа, д̇ат̇аа абхиж̇жхаа. б̣яаабаад̣̇о сад̇д̇аарамман̣ова. мижчаад̣̇идти д̇збхуумагад̇хаммавасзна сан̇каараарамман̣аа.

    Ārammaṇatoti pāṇātipāto jīvitindriyārammaṇato saṅkhārārammaṇo hoti. Adinnādānaṃ sattārammaṇaṃ vā saṅkhārārammaṇaṃ vā. Micchācāro phoṭṭhabbavasena saṅkhārārammaṇo. Sattārammaṇotipi eke. Musāvādo sattārammaṇo vā saṅkhārārammaṇo vā. Tathā pisuṇā vācā. Pharusā vācā sattārammaṇāva. Samphappalāpo diṭṭhasutamutaviññātavasena sattārammaṇo vā saṅkhārārammaṇo vā, tathā abhijjhā. Byāpādo sattārammaṇova. Micchādiṭṭhi tebhūmakadhammavasena saṅkhārārammaṇā.

    взд̣̇анаад̇од̇и баан̣аад̇ибаад̇о д̣̇угкавзд̣̇ано ход̇и. гин̃жааби хи рааж̇аано жорам̣ д̣̇исваа хасамаанааби ‘‘г̇ажчат̇а нам̣ гхаад̇зт̇аа’’д̇и вад̣̇анд̇и, саннидтаабагажзд̇анаа бана нзсам̣ д̣̇угкасамбаяуд̇д̇аава ход̇и. ад̣̇иннаад̣̇аанам̣ д̇ивзд̣̇анам̣. мижчаажааро сукамаж̇жхад̇д̇авасзна д̣̇вивзд̣̇ано, саннидтаабагажид̇д̇з бана маж̇жхад̇д̇авзд̣̇ано на ход̇и. мусааваад̣̇о д̇ивзд̣̇ано, д̇ат̇аа бисун̣аа ваажаа. парусаа ваажаа д̣̇угкавзд̣̇анаава. сампаббалаабо д̇ивзд̣̇ано . абхиж̇жхаа сукамаж̇жхад̇д̇авасзна д̣̇вивзд̣̇анаа, д̇ат̇аа мижчаад̣̇идти. б̣яаабаад̣̇о д̣̇угкавзд̣̇ано.

    Vedanātoti pāṇātipāto dukkhavedano hoti. Kiñcāpi hi rājāno coraṃ disvā hasamānāpi ‘‘gacchatha naṃ ghātethā’’ti vadanti, sanniṭṭhāpakacetanā pana nesaṃ dukkhasampayuttāva hoti. Adinnādānaṃ tivedanaṃ. Micchācāro sukhamajjhattavasena dvivedano, sanniṭṭhāpakacitte pana majjhattavedano na hoti. Musāvādo tivedano, tathā pisuṇā vācā. Pharusā vācā dukkhavedanāva. Samphappalāpo tivedano . Abhijjhā sukhamajjhattavasena dvivedanā, tathā micchādiṭṭhi. Byāpādo dukkhavedano.

    муулад̇од̇и баан̣аад̇ибаад̇о д̣̇осамохавасзна д̣̇вимуулаго ход̇и. ад̣̇иннаад̣̇аанам̣ д̣̇осамохавасзна ваа лобхамохавасзна ваа. мижчаажааро лобхамохавасзна. мусааваад̣̇о д̣̇осамохавасзна ваа лобхамохавасзна ваа, д̇ат̇аа бисун̣аа ваажаа сампаббалаабо жа. парусаа ваажаа д̣̇осамохавасзна. абхиж̇жхаа мохавасзна згамуулаа, д̇ат̇аа б̣яаабаад̣̇о. мижчаад̣̇идти лобхамохавасзна д̣̇вимуулаад̇и.

    Mūlatoti pāṇātipāto dosamohavasena dvimūlako hoti. Adinnādānaṃ dosamohavasena vā lobhamohavasena vā. Micchācāro lobhamohavasena. Musāvādo dosamohavasena vā lobhamohavasena vā, tathā pisuṇā vācā samphappalāpo ca. Pharusā vācā dosamohavasena. Abhijjhā mohavasena ekamūlā, tathā byāpādo. Micchādiṭṭhi lobhamohavasena dvimūlāti.

    лобхо агусаламууланд̇иаад̣̇ийсу луб̣бхад̇ийд̇и лобхо. д̣̇уссад̇ийд̇и д̣̇осо. муяхад̇ийд̇и мохо. д̇зсу лобхо саяан̃жа агусало сааваж̇ж̇ад̣̇угкавибаагадтзна, имзсан̃жа баан̣аад̇ибаад̇аад̣̇ийнам̣ агусалаанам̣ гзсан̃жи самбаяуд̇д̇аббабхаавагадтзна гзсан̃жи убаниссаяабажжаяадтзна мууланд̇и агусаламуулам̣. вуд̇д̇амби жзд̇ам̣ ‘‘рад̇д̇о ко аавусо рааг̇зна абхибхууд̇о барияаад̣̇иннажид̇д̇о баан̣амби ханад̇ий’’д̇иаад̣̇и. д̣̇осамохаанам̣ агусаламуулабхаавзби зсзва наяо.

    Lobho akusalamūlantiādīsu lubbhatīti lobho. Dussatīti doso. Muyhatīti moho. Tesu lobho sayañca akusalo sāvajjadukkhavipākaṭṭhena, imesañca pāṇātipātādīnaṃ akusalānaṃ kesañci sampayuttappabhāvakaṭṭhena kesañci upanissayapaccayaṭṭhena mūlanti akusalamūlaṃ. Vuttampi cetaṃ ‘‘ratto kho āvuso rāgena abhibhūto pariyādinnacitto pāṇampi hanatī’’tiādi. Dosamohānaṃ akusalamūlabhāvepi eseva nayo.

    агусалагаммабат̇аван̣н̣анаа нидтид̇аа.

    Akusalakammapathavaṇṇanā niṭṭhitā.

    гусалагаммабат̇аван̣н̣анаа

    Kusalakammapathavaṇṇanā

    баан̣аад̇ибаад̇аа взраман̣ий гусаланд̇иаад̣̇ийсу баан̣аад̇ибаад̇аад̣̇аяо вуд̇д̇ад̇т̇аа зва. взрам̣ ман̣ад̇ийд̇и взраман̣ий, взрам̣ баж̇ахад̇ийд̇и ад̇т̇о. вирамад̇и ваа зд̇ааяа гаран̣абхууд̇ааяа, вигаарасса взгаарам̣ гад̇вааби взраман̣ий. аяам̣ д̇аавзд̇т̇а б̣яан̃ж̇анад̇о ван̣н̣анаа. ад̇т̇ад̇о бана взраман̣ийд̇и гусалажид̇д̇асамбаяуд̇д̇аа вирад̇и. яаа ‘‘баан̣аад̇ибаад̇аа вираманд̇асса, яаа д̇асмим̣ самаяз баан̣аад̇ибаад̇аа аарад̇и вирад̇ий’’д̇и звам̣ вуд̇д̇аа гусалажид̇д̇асамбаяуд̇д̇аа вирад̇и, саа бхзд̣̇ад̇о д̇ивид̇хо ход̇и самбад̇д̇авирад̇и самаад̣̇аанавирад̇и самужчзд̣̇авирад̇ийд̇и. д̇ад̇т̇а асамаад̣̇иннасигкаабад̣̇аанам̣ ад̇д̇ано ж̇аад̇иваяаб̣аахусажжаад̣̇ийни бажжавзгкид̇ваа ‘‘аяуд̇д̇ам̣ амхаагам̣ зваруубам̣ гаад̇у’’нд̇и самбад̇д̇авад̇т̇ум̣ авийд̇иггаманд̇аанам̣ уббаж̇ж̇амаанаа вирад̇и самбад̇д̇авирад̇ийд̇и взд̣̇ид̇аб̣б̣аа сийхал̣ад̣̇ийбз жагганаубаасагасса вияа.

    Pāṇātipātā veramaṇī kusalantiādīsu pāṇātipātādayo vuttatthā eva. Veraṃ maṇatīti veramaṇī, veraṃ pajahatīti attho. Viramati vā etāya karaṇabhūtāya, vikārassa vekāraṃ katvāpi veramaṇī. Ayaṃ tāvettha byañjanato vaṇṇanā. Atthato pana veramaṇīti kusalacittasampayuttā virati. Yā ‘‘pāṇātipātā viramantassa, yā tasmiṃ samaye pāṇātipātā ārati viratī’’ti evaṃ vuttā kusalacittasampayuttā virati, sā bhedato tividho hoti sampattavirati samādānavirati samucchedaviratīti. Tattha asamādinnasikkhāpadānaṃ attano jātivayabāhusaccādīni paccavekkhitvā ‘‘ayuttaṃ amhākaṃ evarūpaṃ kātu’’nti sampattavatthuṃ avītikkamantānaṃ uppajjamānā virati sampattaviratīti veditabbā sīhaḷadīpe cakkanaupāsakassa viya.

    д̇асса гира д̣̇ахарагаалзязва маад̇уяаа рог̇о уббаж̇ж̇и. взж̇ж̇зна жа ‘‘алласасамам̣сам̣ лад̣̇д̇хум̣ ваддад̇ий’’д̇и вуд̇д̇ам̣. д̇ад̇о жагганасса бхаад̇аа ‘‘г̇ажча д̇аад̇а кзд̇д̇ам̣ аахин̣д̣аахий’’д̇и жагганам̣ бзсзси. со д̇ад̇т̇а г̇ад̇о. д̇асмин̃жа самаяз зго сасо д̇арун̣асассам̣ каад̣̇ид̇ум̣ ааг̇ад̇о ход̇и, со д̇ам̣ д̣̇исваа взг̇зна д̇хаавзнд̇о валлияаа б̣ад̣̇д̇хо ‘‘гири гирий’’д̇и сад̣̇д̣̇амагааси. жаггано д̇зна сад̣̇д̣̇зна г̇анд̇ваа д̇ам̣ г̇ахзд̇ваа жинд̇зси ‘‘маад̇у бхзсаж̇ж̇ам̣ гаромий’’д̇и. буна жинд̇зси ‘‘на мзд̇ам̣ бад̇ируубам̣, яваахам̣ маад̇у ж̇ийвид̇агааран̣аа барам̣ ж̇ийвид̇аа воробзяяа’’нд̇и. ат̇а нам̣ ‘‘г̇ажча аран̃н̃з сасзхи сад̣̇д̇хим̣ д̇ин̣од̣̇агам̣ барибхун̃ж̇аа’’д̇и мун̃жи. бхаад̇араа жа ‘‘гим̣ д̇аад̇а сасо лад̣̇д̇хо’’д̇и бужчид̇о д̇ам̣ бавад̇д̇им̣ аажигки. д̇ад̇о нам̣ бхаад̇аа барибхааси. со маад̇усанд̇игам̣ г̇анд̇ваа ‘‘яад̇охам̣ ж̇аад̇о, наабхиж̇аанаами сан̃жижжа баан̣ам̣ ж̇ийвид̇аа воробзд̇аа’’д̇и сажжам̣ вад̇ваа ад̇хидтааси. д̇аавад̣̇звасса маад̇аа арог̇аа ахоси.

    Tassa kira daharakāleyeva mātuyā rogo uppajji. Vejjena ca ‘‘allasasamaṃsaṃ laddhuṃ vaṭṭatī’’ti vuttaṃ. Tato cakkanassa bhātā ‘‘gaccha tāta khettaṃ āhiṇḍāhī’’ti cakkanaṃ pesesi. So tattha gato. Tasmiñca samaye eko saso taruṇasassaṃ khādituṃ āgato hoti, so taṃ disvā vegena dhāvento valliyā baddho ‘‘kiri kirī’’ti saddamakāsi. Cakkano tena saddena gantvā taṃ gahetvā cintesi ‘‘mātu bhesajjaṃ karomī’’ti. Puna cintesi ‘‘na metaṃ patirūpaṃ, yvāhaṃ mātu jīvitakāraṇā paraṃ jīvitā voropeyya’’nti. Atha naṃ ‘‘gaccha araññe sasehi saddhiṃ tiṇodakaṃ paribhuñjā’’ti muñci. Bhātarā ca ‘‘kiṃ tāta saso laddho’’ti pucchito taṃ pavattiṃ ācikkhi. Tato naṃ bhātā paribhāsi. So mātusantikaṃ gantvā ‘‘yatohaṃ jāto, nābhijānāmi sañcicca pāṇaṃ jīvitā voropetā’’ti saccaṃ vatvā adhiṭṭhāsi. Tāvadevassa mātā arogā ahosi.

    самаад̣̇иннасигкаабад̣̇аанам̣ бана сигкаабад̣̇асамаад̣̇аанз жа д̇ад̇уд̇д̇ари жа ад̇д̇ано ж̇ийвид̇амби барижжаж̇ид̇ваа вад̇т̇ум̣ авийд̇иггаманд̇аанам̣ уббаж̇ж̇амаанаа вирад̇и самаад̣̇аанавирад̇ийд̇и взд̣̇ид̇аб̣б̣аа уд̇д̇аравад̣дхамаанабаб̣б̣ад̇аваасийубаасагасса вияа.

    Samādinnasikkhāpadānaṃ pana sikkhāpadasamādāne ca tatuttari ca attano jīvitampi pariccajitvā vatthuṃ avītikkamantānaṃ uppajjamānā virati samādānaviratīti veditabbā uttaravaḍḍhamānapabbatavāsīupāsakassa viya.

    со гира амб̣арияавихаараваасийбин̇г̇алаб̣уд̣̇д̇харагкид̇ад̇т̇зрасса санд̇игз сигкаабад̣̇аани г̇ахзд̇ваа кзд̇д̇ам̣ гассад̇и. ат̇асса г̇он̣о надто, со д̇ам̣ г̇авзсанд̇о уд̇д̇аравад̣дхамаанабаб̣б̣ад̇ам̣ аарухи, д̇ад̇ра нам̣ махаасаббо аг̇г̇ахзси. со жинд̇зси ‘‘имааяасса д̇икин̣аваасияаа сийсам̣ чинд̣̇аамий’’д̇и. буна жинд̇зси ‘‘на мзд̇ам̣ бад̇ируубам̣, яваахам̣ бхааванийяасса г̇аруно санд̇игз сигкаабад̣̇ам̣ г̇ахзд̇ваа бхинд̣̇зяяа’’нд̇и. звам̣ яаавад̇ад̇ияам̣ жинд̇зд̇ваа ‘‘ж̇ийвид̇ам̣ барижжаж̇аами, на сигкаабад̣̇а’’нд̇и ам̣сз табид̇ам̣ д̇икин̣ад̣̇ан̣д̣аваасим̣ аран̃н̃з чад̣д̣зси. д̇аавад̣̇зва нам̣ махааваал̣о мун̃жид̇ваа аг̇амаасийд̇и.

    So kira ambariyavihāravāsīpiṅgalabuddharakkhitattherassa santike sikkhāpadāni gahetvā khettaṃ kassati. Athassa goṇo naṭṭho, so taṃ gavesanto uttaravaḍḍhamānapabbataṃ āruhi, tatra naṃ mahāsappo aggahesi. So cintesi ‘‘imāyassa tikhiṇavāsiyā sīsaṃ chindāmī’’ti. Puna cintesi ‘‘na metaṃ patirūpaṃ, yvāhaṃ bhāvanīyassa garuno santike sikkhāpadaṃ gahetvā bhindeyya’’nti. Evaṃ yāvatatiyaṃ cintetvā ‘‘jīvitaṃ pariccajāmi, na sikkhāpada’’nti aṃse ṭhapitaṃ tikhiṇadaṇḍavāsiṃ araññe chaḍḍesi. Tāvadeva naṃ mahāvāḷo muñcitvā agamāsīti.

    арияамаг̇г̇асамбаяуд̇д̇аа бана вирад̇и самужчзд̣̇авирад̇ийд̇и взд̣̇ид̇аб̣б̣аа. яассаа уббад̇д̇ид̇о бабхуд̇и ‘‘баан̣ам̣ гхаад̇зссаамий’’д̇и арияабуг̇г̇алаанам̣ жид̇д̇амби на уббаж̇ж̇ад̇ийд̇и. саа банааяам̣ вирад̇и госаллаббавад̇д̇ияаа гусаланд̇и вуд̇д̇аа. гужчид̇асаяанад̇о ваа гусанд̇и лад̣̇д̇хавохаарам̣ д̣̇уссийляам̣ лунаад̇ийд̇иби гусалам̣. гад̇аман̃жаавусо гусаланд̇и имасса бана бан̃хасса анануруубад̇д̇аа гусалаад̇и на вуд̇д̇аа.

    Ariyamaggasampayuttā pana virati samucchedaviratīti veditabbā. Yassā uppattito pabhuti ‘‘pāṇaṃ ghātessāmī’’ti ariyapuggalānaṃ cittampi na uppajjatīti. Sā panāyaṃ virati kosallappavattiyā kusalanti vuttā. Kucchitasayanato vā kusanti laddhavohāraṃ dussīlyaṃ lunātītipi kusalaṃ. Katamañcāvuso kusalanti imassa pana pañhassa ananurūpattā kusalāti na vuttā.

    яат̇аа жа агусалаанам̣, звам̣ имзсамби гусалагаммабат̇аанам̣ д̇хаммад̇о годтаасад̇о аарамман̣ад̇о взд̣̇анаад̇о муулад̇од̇и бан̃жахаагаарзхи винижчаяо взд̣̇ид̇аб̣б̣о.

    Yathā ca akusalānaṃ, evaṃ imesampi kusalakammapathānaṃ dhammato koṭṭhāsato ārammaṇato vedanāto mūlatoti pañcahākārehi vinicchayo veditabbo.

    д̇ад̇т̇а д̇хаммад̇од̇и зд̇зсу хи бадибаадияаа сад̇д̇а жзд̇анааби вадданд̇и, вирад̇ияоби. анд̇з д̇аяо жзд̇анаасамбаяуд̇д̇аава.

    Tattha dhammatoti etesu hi paṭipāṭiyā satta cetanāpi vaṭṭanti, viratiyopi. Ante tayo cetanāsampayuttāva.

    годтаасад̇од̇и бадибаадияаа сад̇д̇а гаммабат̇аа зва, но муулаани. анд̇з д̇аяо гаммабат̇аа жзва муулаани жа. анабхиж̇жхаа хи муулам̣ бад̇ваа алобхо гусаламуулам̣ ход̇и. аб̣яаабаад̣̇о ад̣̇осо гусаламуулам̣. саммаад̣̇идти амохо гусаламуулам̣.

    Koṭṭhāsatoti paṭipāṭiyā satta kammapathā eva, no mūlāni. Ante tayo kammapathā ceva mūlāni ca. Anabhijjhā hi mūlaṃ patvā alobho kusalamūlaṃ hoti. Abyāpādo adoso kusalamūlaṃ. Sammādiṭṭhi amoho kusalamūlaṃ.

    аарамман̣ад̇од̇и баан̣аад̇ибаад̇аад̣̇ийнам̣ аарамман̣аанзва зд̇зсам̣ аарамман̣аани, вийд̇иггамид̇аб̣б̣ад̇оязва хи взраман̣ий наама ход̇и. яат̇аа бана ниб̣б̣аанаарамман̣о арияамаг̇г̇о гилзсз баж̇ахад̇и, звам̣ ж̇ийвид̇инд̣̇рияаад̣̇иаарамман̣аабзд̇з гаммабат̇аа баан̣аад̇ибаад̇аад̣̇ийни д̣̇уссийляаани баж̇аханд̇ийд̇и взд̣̇ид̇аб̣б̣аа.

    Ārammaṇatoti pāṇātipātādīnaṃ ārammaṇāneva etesaṃ ārammaṇāni, vītikkamitabbatoyeva hi veramaṇī nāma hoti. Yathā pana nibbānārammaṇo ariyamaggo kilese pajahati, evaṃ jīvitindriyādiārammaṇāpete kammapathā pāṇātipātādīni dussīlyāni pajahantīti veditabbā.

    взд̣̇анаад̇од̇и саб̣б̣з сукавзд̣̇анаа ваа хонд̇и, маж̇жхад̇д̇авзд̣̇анаа ваа. гусалам̣ бад̇ваа хи д̣̇угкавзд̣̇анаа наама над̇т̇и.

    Vedanātoti sabbe sukhavedanā vā honti, majjhattavedanā vā. Kusalaṃ patvā hi dukkhavedanā nāma natthi.

    муулад̇од̇и бадибаадияаа сад̇д̇а гаммабат̇аа н̃аан̣асамбаяуд̇д̇ажид̇д̇зна вираманд̇асса алобхаад̣̇осаамохавасзна д̇имуулаа хонд̇и. н̃аан̣авиббаяуд̇д̇ажид̇д̇зна вираманд̇асса д̣̇вимуулаа. анабхиж̇жхаа н̃аан̣асамбаяуд̇д̇ажид̇д̇зна вираманд̇асса д̣̇вимуулаа. н̃аан̣авиббаяуд̇д̇ажид̇д̇зна згамуулаа. алобхо бана ад̇д̇анаава ад̇д̇ано муулам̣ на ход̇и, аб̣яаабаад̣̇зби зсзва наяо. саммаад̣̇идти алобхаад̣̇осавасзна д̣̇вимуулааваад̇и.

    Mūlatoti paṭipāṭiyā satta kammapathā ñāṇasampayuttacittena viramantassa alobhaadosaamohavasena timūlā honti. Ñāṇavippayuttacittena viramantassa dvimūlā. Anabhijjhā ñāṇasampayuttacittena viramantassa dvimūlā. Ñāṇavippayuttacittena ekamūlā. Alobho pana attanāva attano mūlaṃ na hoti, abyāpādepi eseva nayo. Sammādiṭṭhi alobhādosavasena dvimūlāvāti.

    алобхо гусаламууланд̇иаад̣̇ийсу на лобход̇и алобхо, лобхабадибагкасса д̇хаммассзд̇ам̣ ад̇хиважанам̣. ад̣̇осаамохзсуби зсзва наяо. д̇зсу алобхо саяан̃жа гусалам̣, имзсан̃жа баан̣аад̇ибаад̇аа взраман̣ийаад̣̇ийнам̣ гусалаанам̣ гзсан̃жи самбаяуд̇д̇аббабхаавагадтзна гзсан̃жи убаниссаяабажжаяадтзна мууланд̇и гусаламуулам̣. ад̣̇осаамохаанамби гусаламуулабхаавз зсзва наяо.

    Alobho kusalamūlantiādīsu na lobhoti alobho, lobhapaṭipakkhassa dhammassetaṃ adhivacanaṃ. Adosāmohesupi eseva nayo. Tesu alobho sayañca kusalaṃ, imesañca pāṇātipātā veramaṇīādīnaṃ kusalānaṃ kesañci sampayuttappabhāvakaṭṭhena kesañci upanissayapaccayaṭṭhena mūlanti kusalamūlaṃ. Adosāmohānampi kusalamūlabhāve eseva nayo.

    ид̣̇аани саб̣б̣амби д̇ам̣ сан̇кзбзна жа вид̇т̇аарзна жа д̣̇зсид̇амад̇т̇ам̣ ниг̇амзнд̇о яад̇о ко аавусод̇иаад̣̇иаббанааваарамааха. д̇ад̇т̇а звам̣ агусалам̣ баж̇аанаад̇ийд̇и звам̣ яат̇аанид̣̇д̣̇идтад̣̇асаагусалагаммабат̇авасзна агусалам̣ баж̇аанаад̇и. звам̣ агусаламууланд̇иаад̣̇ийсуби зсзва наяо. зд̇д̇аавад̇аа згзна наязна жад̇усажжагаммадтаанигасса яаава арахад̇д̇аа нияяаанам̣ гат̇ид̇ам̣ ход̇и. гат̇ам̣? зд̇т̇а хи табзд̇ваа абхиж̇жхам̣ д̣̇аса агусалагаммабат̇аа жа гусалагаммабат̇аа жа д̣̇угкасажжам̣. абхиж̇жхаа жа лобхо агусаламуулан̃жаад̇и имз д̣̇вз д̇хаммаа ниббарияааязна самуд̣̇аяасажжам̣. барияааязна бана саб̣б̣зби гаммабат̇аа д̣̇угкасажжам̣. саб̣б̣аани гусалаагусаламуулаани самуд̣̇аяасажжам̣. убхиннам̣ аббавад̇д̇и нирод̇хасажжам̣ . д̣̇угкам̣ бариж̇аананд̇о самуд̣̇аяам̣ баж̇ахамаано нирод̇хам̣ баж̇аананд̇о арияамаг̇г̇о маг̇г̇асажжанд̇и ид̇и д̣̇вз сажжаани саруубзна вуд̇д̇аани, д̣̇вз аавад̇д̇ахааравасзна взд̣̇ид̇аб̣б̣аани.

    Idāni sabbampi taṃ saṅkhepena ca vitthārena ca desitamatthaṃ nigamento yato kho āvusotiādiappanāvāramāha. Tattha evaṃ akusalaṃ pajānātīti evaṃ yathāniddiṭṭhadasākusalakammapathavasena akusalaṃ pajānāti. Evaṃ akusalamūlantiādīsupi eseva nayo. Ettāvatā ekena nayena catusaccakammaṭṭhānikassa yāva arahattā niyyānaṃ kathitaṃ hoti. Kathaṃ? Ettha hi ṭhapetvā abhijjhaṃ dasa akusalakammapathā ca kusalakammapathā ca dukkhasaccaṃ. Abhijjhā ca lobho akusalamūlañcāti ime dve dhammā nippariyāyena samudayasaccaṃ. Pariyāyena pana sabbepi kammapathā dukkhasaccaṃ. Sabbāni kusalākusalamūlāni samudayasaccaṃ. Ubhinnaṃ appavatti nirodhasaccaṃ . Dukkhaṃ parijānanto samudayaṃ pajahamāno nirodhaṃ pajānanto ariyamaggo maggasaccanti iti dve saccāni sarūpena vuttāni, dve āvattahāravasena veditabbāni.

    со саб̣б̣асо рааг̇аанусаяам̣ бахааяаад̇и со звам̣ агусалаад̣̇ийни баж̇аананд̇о саб̣б̣аагаарзна рааг̇аанусаяам̣ баж̇ахид̇ваа. бадигхаанусаяам̣ бадивинод̣̇зд̇ваад̇и бадигхаанусаяан̃жа саб̣б̣аагаарзнзва нийхарид̇ваад̇и вуд̇д̇ам̣ ход̇и. зд̇д̇аавад̇аа анааг̇аамимаг̇г̇о гат̇ид̇о. асмийд̇и д̣̇идтимаанаанусаяам̣ самууханид̇ваад̇и бан̃жасу канд̇хзсу ган̃жи д̇хаммам̣ анавагаарийгарид̇ваа ‘‘асмий’’д̇и иминаа самуухаг̇г̇ахан̣аагаарзна бавад̇д̇ам̣ д̣̇идтимаанаанусаяам̣ самуг̇гхаадзд̇ваа.

    So sabbaso rāgānusayaṃ pahāyāti so evaṃ akusalādīni pajānanto sabbākārena rāgānusayaṃ pajahitvā. Paṭighānusayaṃ paṭivinodetvāti paṭighānusayañca sabbākāreneva nīharitvāti vuttaṃ hoti. Ettāvatā anāgāmimaggo kathito. Asmīti diṭṭhimānānusayaṃ samūhanitvāti pañcasu khandhesu kañci dhammaṃ anavakārīkaritvā ‘‘asmī’’ti iminā samūhaggahaṇākārena pavattaṃ diṭṭhimānānusayaṃ samugghāṭetvā.

    д̇ад̇т̇а д̣̇идтимаанаанусаяанд̇и д̣̇идтисад̣̇исам̣ маанаанусаяанд̇и вуд̇д̇ам̣ ход̇и. аяан̃хи маанаанусаяо асмийд̇и бавад̇д̇ад̇д̇аа д̣̇идтисад̣̇исо ход̇и, д̇асмаа звам̣ вуд̇д̇о . иман̃жа асмимаанам̣ вид̇т̇аарад̇о вин̃н̃аад̇угаамзна канд̇хияаваг̇г̇з кзмагасуд̇д̇ам̣ (сам̣. ни. 3.89) ологзд̇аб̣б̣анд̇и.

    Tattha diṭṭhimānānusayanti diṭṭhisadisaṃ mānānusayanti vuttaṃ hoti. Ayañhi mānānusayo asmīti pavattattā diṭṭhisadiso hoti, tasmā evaṃ vutto . Imañca asmimānaṃ vitthārato viññātukāmena khandhiyavagge khemakasuttaṃ (saṃ. ni. 3.89) oloketabbanti.

    авиж̇ж̇ам̣ бахааяаад̇и ваддамуулам̣ авиж̇ж̇ам̣ баж̇ахид̇ваа. виж̇ж̇ам̣ уббаад̣̇зд̇ваад̇и д̇ассаа авиж̇ж̇ааяа самуг̇гхаадигам̣ арахад̇д̇амаг̇г̇авиж̇ж̇ам̣ уббаад̣̇зд̇ваа. зд̇д̇аавад̇аа арахад̇д̇амаг̇г̇о гат̇ид̇о. д̣̇идтзва д̇хаммз д̣̇угкассанд̇агаро ход̇ийд̇и асмим̣язва ад̇д̇абхаавз ваддад̣̇угкасса барижчзд̣̇агаро ход̇и. зд̇д̇аавад̇ааби ко, аавусод̇и д̣̇зсанам̣ нияяаад̇зд̇и, имааяа гаммабат̇ад̣̇зсанааяа вуд̇д̇аманасигаараббадивзд̇хавасзнабийд̇и вуд̇д̇ам̣ ход̇и. сзсам̣ вуд̇д̇анаяамзва. звам̣ анааг̇аамимаг̇г̇аарахад̇д̇амаг̇г̇зхи д̣̇зсанам̣ нидтабзсийд̇и.

    Avijjaṃ pahāyāti vaṭṭamūlaṃ avijjaṃ pajahitvā. Vijjaṃ uppādetvāti tassā avijjāya samugghāṭikaṃ arahattamaggavijjaṃ uppādetvā. Ettāvatā arahattamaggo kathito. Diṭṭheva dhamme dukkhassantakaro hotīti asmiṃyeva attabhāve vaṭṭadukkhassa paricchedakaro hoti. Ettāvatāpi kho, āvusoti desanaṃ niyyāteti, imāya kammapathadesanāya vuttamanasikārappaṭivedhavasenapīti vuttaṃ hoti. Sesaṃ vuttanayameva. Evaṃ anāgāmimaggaarahattamaggehi desanaṃ niṭṭhapesīti.

    гусалагаммабат̇аван̣н̣анаа нидтид̇аа.

    Kusalakammapathavaṇṇanā niṭṭhitā.

    аахаараваараван̣н̣анаа

    Āhāravāravaṇṇanā

    90. саад̇хаавусод̇и ко…бз… ааг̇ад̇о имам̣ сад̣̇д̇хамманд̇и звам̣ ааяасмад̇о саарибуд̇д̇асса гусалаагусаламукзна жад̇усажжад̣̇зсанам̣ суд̇ваа д̇ам̣ ааяасмад̇о саарибуд̇д̇асса бхаасид̇ам̣ ‘‘саад̇хаавусо’’д̇и иминаа важанзна д̇з бхигкуу абхинанд̣̇ид̇ваа имассзва важанасса самудтаабагзна жид̇д̇зна анумод̣̇ид̇ваа важасаа самбадижчид̇ваа жзд̇асаа самбияааяид̇ваад̇и вуд̇д̇ам̣ ход̇и. ид̣̇аани яасмаа т̇зро наанаббагаарзна жад̇усажжад̣̇зсанам̣ д̣̇зсзд̇ум̣ бадиб̣ало, яат̇ааха ‘‘саарибуд̇д̇о, бхигкавз, баход̇и жад̇д̇аари арияасажжаани вид̇т̇аарзна аажигкид̇ум̣ д̣̇зсзд̇у’’нд̇и яасмаа ваа уд̇д̇аримби д̣̇зсзд̇угаамова худ̇ваа ‘‘зд̇д̇аавад̇ааби ко’’д̇и аважа, д̇асмаа абарзнаби наязна сажжад̣̇зсанам̣ сод̇угаамаа д̇з бхигкуу ааяасманд̇ам̣ саарибуд̇д̇ам̣ уд̇д̇арим̣ бан̃хам̣ абужчим̣су. д̇зна саяамзва бужчид̇ваа виссаж̇ж̇ид̇абан̃хад̇о уд̇д̇арим̣ сияаа ко банаавусо, ан̃н̃оби барияааяо бхавзяяа ан̃н̃амби гааран̣анд̇и иминаа наязна ан̃н̃ам̣ ад̇ирзгам̣ бан̃хам̣ бужчим̣су, буримабан̃хасса ваа убарибхааг̇з бужчим̣сууд̇и вуд̇д̇ам̣ ход̇и. ат̇а нзсам̣ б̣яаагарамаано т̇зро сияаа, аавусод̇иаад̣̇имааха. д̇ад̇т̇ааяам̣ ануд̇д̇аанабад̣̇аван̣н̣анаа, аахааранд̇и бажжаяам̣. бажжаяо хи аахарад̇и ад̇д̇ано палам̣, д̇асмаа ‘‘аахааро’’д̇и вужжад̇и.

    90.Sādhāvusoti kho…pe… āgato imaṃ saddhammanti evaṃ āyasmato sāriputtassa kusalākusalamukhena catusaccadesanaṃ sutvā taṃ āyasmato sāriputtassa bhāsitaṃ ‘‘sādhāvuso’’ti iminā vacanena te bhikkhū abhinanditvā imasseva vacanassa samuṭṭhāpakena cittena anumoditvā vacasā sampaṭicchitvā cetasā sampiyāyitvāti vuttaṃ hoti. Idāni yasmā thero nānappakārena catusaccadesanaṃ desetuṃ paṭibalo, yathāha ‘‘sāriputto, bhikkhave, pahoti cattāri ariyasaccāni vitthārena ācikkhituṃ desetu’’nti yasmā vā uttarimpi desetukāmova hutvā ‘‘ettāvatāpi kho’’ti avaca, tasmā aparenapi nayena saccadesanaṃ sotukāmā te bhikkhū āyasmantaṃ sāriputtaṃ uttariṃ pañhaṃ apucchiṃsu. Tena sayameva pucchitvā vissajjitapañhato uttariṃ siyā kho panāvuso, aññopi pariyāyo bhaveyya aññampi kāraṇanti iminā nayena aññaṃ atirekaṃ pañhaṃ pucchiṃsu, purimapañhassa vā uparibhāge pucchiṃsūti vuttaṃ hoti. Atha nesaṃ byākaramāno thero siyā, āvusotiādimāha. Tatthāyaṃ anuttānapadavaṇṇanā, āhāranti paccayaṃ. Paccayo hi āharati attano phalaṃ, tasmā ‘‘āhāro’’ti vuccati.

    бхууд̇аанам̣ ваа сад̇д̇аананд̇иаад̣̇ийсу бхууд̇аад̇и сан̃ж̇аад̇аа, ниб̣б̣ад̇д̇аа. самбхавзсийнанд̇и яз самбхавам̣ ж̇аад̇им̣ ниб̣б̣ад̇д̇им̣ зсанд̇и г̇авзсанд̇и. д̇ад̇т̇а жад̇уусу яонийсу ан̣д̣аж̇аж̇алааб̣уж̇аа сад̇д̇аа яаава ан̣д̣агосам̣ вад̇т̇игосан̃жа на бхинд̣̇анд̇и, д̇аава самбхавзсино наама. ан̣д̣агосам̣ вад̇т̇игосан̃жа бхинд̣̇ид̇ваа б̣ахи нигканд̇аа бхууд̇аа наама. сам̣сзд̣̇аж̇аа обабаад̇игаа жа батамажид̇д̇агкан̣з самбхавзсино наама. д̣̇уд̇ияажид̇д̇агкан̣ад̇о бабхуд̇и бхууд̇аа наама. язна язна ваа ирияаабат̇зна ж̇ааяанд̇и, яаава д̇з д̇ад̇о ан̃н̃ам̣ на баабун̣анд̇и, д̇аава самбхавзсино наама. д̇ад̇о барам̣ бхууд̇аа наама.

    Bhūtānaṃvā sattānantiādīsu bhūtāti sañjātā, nibbattā. Sambhavesīnanti ye sambhavaṃ jātiṃ nibbattiṃ esanti gavesanti. Tattha catūsu yonīsu aṇḍajajalābujā sattā yāva aṇḍakosaṃ vatthikosañca na bhindanti, tāva sambhavesino nāma. Aṇḍakosaṃ vatthikosañca bhinditvā bahi nikkhantā bhūtā nāma. Saṃsedajā opapātikā ca paṭhamacittakkhaṇe sambhavesino nāma. Dutiyacittakkhaṇato pabhuti bhūtā nāma. Yena yena vā iriyāpathena jāyanti, yāva te tato aññaṃ na pāpuṇanti, tāva sambhavesino nāma. Tato paraṃ bhūtā nāma.

    ат̇а ваа бхууд̇аад̇и ж̇аад̇аа абхиниб̣б̣ад̇д̇аа, яз бхууд̇ааязва на буна бхависсанд̇ийд̇и сан̇кяам̣ г̇ажчанд̇и, д̇зсам̣ кийн̣аасаваанамзд̇ам̣ ад̇хиважанам̣. самбхавамзсанд̇ийд̇и самбхавзсино. аббахийнабхавасам̣яож̇анад̇д̇аа ааяад̇имби самбхавам̣ зсанд̇аанам̣ сзгкабут̇уж̇ж̇анаанамзд̇ам̣ ад̇хиважанам̣. звам̣ саб̣б̣ат̇ааби имзхи д̣̇вийхи бад̣̇зхи саб̣б̣асад̇д̇з барияаад̣̇ияад̇и. ваасад̣̇д̣̇о жзд̇т̇а самбин̣д̣анад̇т̇о, д̇асмаа бхууд̇аанан̃жа самбхавзсийнан̃жаад̇и аяамад̇т̇о взд̣̇ид̇аб̣б̣о.

    Atha vā bhūtāti jātā abhinibbattā, ye bhūtāyeva na puna bhavissantīti saṅkhyaṃ gacchanti, tesaṃ khīṇāsavānametaṃ adhivacanaṃ. Sambhavamesantīti sambhavesino. Appahīnabhavasaṃyojanattā āyatimpi sambhavaṃ esantānaṃ sekkhaputhujjanānametaṃ adhivacanaṃ. Evaṃ sabbathāpi imehi dvīhi padehi sabbasatte pariyādiyati. Vāsaddo cettha sampiṇḍanattho, tasmā bhūtānañca sambhavesīnañcāti ayamattho veditabbo.

    тид̇ияаад̇и тид̇ад̇т̇ам̣. ануг̇г̇ахааяаад̇и ануг̇г̇ахад̇т̇ам̣ убагаарад̇т̇ам̣. важанабхзд̣̇о жзса, ад̇т̇о бана д̣̇виннамби бад̣̇аанам̣ згоязва. ат̇а ваа тид̇ияаад̇и д̇асса д̇асса сад̇д̇асса уббаннад̇хаммаанам̣ ануббаб̣анд̇хавасзна авижчзд̣̇ааяа. ануг̇г̇ахааяаад̇и ануббаннаанам̣ уббаад̣̇ааяа. убхоби жзд̇аани бхууд̇аанам̣ тид̇ияаа жзва ануг̇г̇ахааяа жа. самбхавзсийнам̣ ваа тид̇ияаа жзва ануг̇г̇ахааяа жаад̇и звам̣ убхаяад̇т̇а д̣̇адтаб̣б̣аани. габ̣ал̣ийгааро аахаарод̇и габ̣ал̣ам̣ гад̇ваа аж̇жхохарид̇аб̣б̣ад̇о габ̣ал̣ийгааро аахааро, од̣̇анагуммаасаад̣̇ивад̇т̇угааяа ож̇ааязд̇ам̣ ад̇хиважанам̣. ол̣аариго ваа сукумо ваад̇и вад̇т̇уол̣ааригад̇ааяа ол̣аариго, вад̇т̇усукумад̇ааяа сукумо. сабхаавзна бана сукумаруубабарияаабаннад̇д̇аа габ̣ал̣ийгааро аахааро сукумова ход̇и. сааби жасса вад̇т̇уд̇о ол̣ааригад̇аа сукумад̇аа жа убаад̣̇ааяубаад̣̇ааяа взд̣̇ид̇аб̣б̣аа.

    Ṭhitiyāti ṭhitatthaṃ. Anuggahāyāti anuggahatthaṃ upakāratthaṃ. Vacanabhedo cesa, attho pana dvinnampi padānaṃ ekoyeva. Atha vā ṭhitiyāti tassa tassa sattassa uppannadhammānaṃ anuppabandhavasena avicchedāya. Anuggahāyāti anuppannānaṃ uppādāya. Ubhopi cetāni bhūtānaṃ ṭhitiyā ceva anuggahāya ca. Sambhavesīnaṃ vā ṭhitiyā ceva anuggahāya cāti evaṃ ubhayattha daṭṭhabbāni. Kabaḷīkāro āhāroti kabaḷaṃ katvā ajjhoharitabbato kabaḷīkāro āhāro, odanakummāsādivatthukāya ojāyetaṃ adhivacanaṃ. Oḷāriko vā sukhumo vāti vatthuoḷārikatāya oḷāriko, vatthusukhumatāya sukhumo. Sabhāvena pana sukhumarūpapariyāpannattā kabaḷīkāro āhāro sukhumova hoti. Sāpi cassa vatthuto oḷārikatā sukhumatā ca upādāyupādāya veditabbā.

    гумбхийлаанан̃хи аахаарам̣ убаад̣̇ааяа мораанам̣ аахааро сукумо. гумбхийлаа гира баасаан̣з г̇иланд̇и. д̇з жа нзсам̣ гужчиббад̇д̇аава вилийяанд̇и. мораа саббавижчигаад̣̇ибаан̣з каад̣̇анд̇и. мораанам̣ бана аахаарам̣ убаад̣̇ааяа д̇аражчаанам̣ аахааро сукумо. д̇з гира д̇ивассачад̣д̣ид̇аани висаан̣аани жзва адтийни жа каад̣̇анд̇и. д̇аани жа нзсам̣ кзл̣зна д̇змид̇амад̇д̇знзва ганд̣̇амуулам̣ вияа муд̣̇угаани хонд̇и. д̇аражчаанамби аахаарам̣ убаад̣̇ааяа хад̇т̇ийнам̣ аахааро сукумо. д̇зби наанааругкасаакааяо каад̣̇анд̇и. хад̇т̇ийнам̣ аахаарад̇о г̇аваяаг̇оган̣н̣амиг̇аад̣̇ийнам̣ аахааро сукумо. д̇з гира ниссаараани наанааругкабан̣н̣аад̣̇ийни каад̣̇анд̇и. д̇зсамби аахаарад̇о г̇уннам̣ аахааро сукумо. д̇з алласугкад̇ин̣аани каад̣̇анд̇и. д̇зсам̣ аахаарад̇о сасаанам̣ аахааро сукумо. сасаанам̣ аахаарад̇о сагун̣аанам̣ аахааро сукумо. сагун̣аанам̣ аахаарад̇о бажжанд̇аваасийнам̣ аахааро сукумо. бажжанд̇аваасийнам̣ аахаарад̇о г̇аамабхож̇агаанам̣ аахааро сукумо. г̇аамабхож̇агаанам̣ аахаарад̇о рааж̇арааж̇амахаамад̇д̇аанам̣ аахааро сукумо. д̇зсамби аахаарад̇о жаггавад̇д̇ино аахааро сукумо. жаггавад̇д̇ино аахаарад̇о бхуммад̣̇зваанам̣ аахааро сукумо. бхуммад̣̇зваанам̣ аахаарад̇о жаад̇умахаарааж̇игаанам̣ аахааро сукумо. звам̣ яаава бараниммид̇авасавад̇д̇ийнам̣ аахааро вид̇т̇аарзд̇аб̣б̣о, д̇зсам̣ аахааро сукумод̇взва нидтам̣ бад̇д̇о.

    Kumbhīlānañhi āhāraṃ upādāya morānaṃ āhāro sukhumo. Kumbhīlā kira pāsāṇe gilanti. Te ca nesaṃ kucchippattāva vilīyanti. Morā sappavicchikādipāṇe khādanti. Morānaṃ pana āhāraṃ upādāya taracchānaṃ āhāro sukhumo. Te kira tivassachaḍḍitāni visāṇāni ceva aṭṭhīni ca khādanti. Tāni ca nesaṃ kheḷena temitamatteneva kandamūlaṃ viya mudukāni honti. Taracchānampi āhāraṃ upādāya hatthīnaṃ āhāro sukhumo. Tepi nānārukkhasākhāyo khādanti. Hatthīnaṃ āhārato gavayagokaṇṇamigādīnaṃ āhāro sukhumo. Te kira nissārāni nānārukkhapaṇṇādīni khādanti. Tesampi āhārato gunnaṃ āhāro sukhumo. Te allasukkhatiṇāni khādanti. Tesaṃ āhārato sasānaṃ āhāro sukhumo. Sasānaṃ āhārato sakuṇānaṃ āhāro sukhumo. Sakuṇānaṃ āhārato paccantavāsīnaṃ āhāro sukhumo. Paccantavāsīnaṃ āhārato gāmabhojakānaṃ āhāro sukhumo. Gāmabhojakānaṃ āhārato rājarājamahāmattānaṃ āhāro sukhumo. Tesampi āhārato cakkavattino āhāro sukhumo. Cakkavattino āhārato bhummadevānaṃ āhāro sukhumo. Bhummadevānaṃ āhārato cātumahārājikānaṃ āhāro sukhumo. Evaṃ yāva paranimmitavasavattīnaṃ āhāro vitthāretabbo, tesaṃ āhāro sukhumotveva niṭṭhaṃ patto.

    зд̇т̇а жа ол̣ааригз вад̇т̇усмим̣ ож̇аа барид̇д̇аа ход̇и д̣̇уб̣б̣алаа, сукумз б̣алавад̇ий. д̇ат̇аа хи згабад̇д̇абуурамби яааг̇ум̣ бийвад̇о мухуд̇д̇знзва ж̇игхажчид̇о ход̇и, яам̣ган̃жид̣̇зва каад̣̇ид̇угаамо. саббим̣ бана басадамад̇д̇ам̣ бивид̇ваа д̣̇ивасам̣ абход̇д̇угаамо ход̇и. д̇ад̇т̇а вад̇т̇у бариссамам̣ винод̣̇зд̇и, на бана саггод̇и баалзд̇ум̣. ож̇аа баалзд̇и, на саггод̇и бариссамам̣ винод̣̇зд̇ум̣. д̣̇вз бана згад̇о худ̇ваа бариссаман̃жзва винод̣̇знд̇и баалзнд̇и жаад̇и.

    Ettha ca oḷārike vatthusmiṃ ojā parittā hoti dubbalā, sukhume balavatī. Tathā hi ekapattapūrampi yāguṃ pīvato muhutteneva jighacchito hoti, yaṃkañcideva khāditukāmo. Sappiṃ pana pasaṭamattaṃ pivitvā divasaṃ abhottukāmo hoti. Tattha vatthu parissamaṃ vinodeti, na pana sakkoti pāletuṃ. Ojā pāleti, na sakkoti parissamaṃ vinodetuṃ. Dve pana ekato hutvā parissamañceva vinodenti pālenti cāti.

    пассо д̣̇уд̇ияод̇и жагкусампассаад̣̇и чаб̣б̣ид̇хоби пассо. зд̇зсу жад̇уусу аахаарзсу д̣̇уд̇ияо аахаарод̇и взд̣̇ид̇аб̣б̣о. д̣̇зсанаанаяо зва жзса. д̇асмаа иминаа наама гааран̣зна д̣̇уд̇ияо ваа д̇ад̇ияо ваад̇и ид̣̇амзд̇т̇а на г̇авзсид̇аб̣б̣ам̣. маносан̃жзд̇анаад̇и жзд̇анаа зва вужжад̇и. вин̃н̃аан̣анд̇и яам̣гин̃жи жид̇д̇ам̣.

    Phassodutiyoti cakkhusamphassādi chabbidhopi phasso. Etesu catūsu āhāresu dutiyo āhāroti veditabbo. Desanānayo eva cesa. Tasmā iminā nāma kāraṇena dutiyo vā tatiyo vāti idamettha na gavesitabbaṃ. Manosañcetanāti cetanā eva vuccati. Viññāṇanti yaṃkiñci cittaṃ.

    зд̇т̇ааха, яад̣̇и бажжаяадто аахаарадто, ат̇а гасмаа ан̃н̃зсуби сад̇д̇аанам̣ бажжаязсу виж̇ж̇амаанзсу имзязва жад̇д̇ааро вуд̇д̇аад̇и? вужжад̇з, аж̇жхад̇д̇игасанд̇ад̇ияаа висзсабажжаяад̇д̇аа. висзсабажжаяо хи габ̣ал̣ийгаараахаарабхагкаанам̣ сад̇д̇аанам̣ руубагааяасса габ̣ал̣ийгааро аахааро. наамагааяз взд̣̇анааяа пассо, вин̃н̃аан̣асса маносан̃жзд̇анаа, наамаруубасса вин̃н̃аан̣ам̣. яат̇ааха –

    Etthāha, yadi paccayaṭṭho āhāraṭṭho, atha kasmā aññesupi sattānaṃ paccayesu vijjamānesu imeyeva cattāro vuttāti? Vuccate, ajjhattikasantatiyā visesapaccayattā. Visesapaccayo hi kabaḷīkārāhārabhakkhānaṃ sattānaṃ rūpakāyassa kabaḷīkāro āhāro. Nāmakāye vedanāya phasso, viññāṇassa manosañcetanā, nāmarūpassa viññāṇaṃ. Yathāha –

    ‘‘сзяяат̇ааби, бхигкавз, аяам̣ гааяо аахаарадтид̇иго, аахаарам̣ бадижжа д̇идтад̇и, анаахааро но д̇идтад̇и. д̇ат̇аа пассабажжаяаа взд̣̇анаа, сан̇каарабажжаяаа вин̃н̃аан̣ам̣, вин̃н̃аан̣абажжаяаа наамарууба’’нд̇и.

    ‘‘Seyyathāpi, bhikkhave, ayaṃ kāyo āhāraṭṭhitiko, āhāraṃ paṭicca tiṭṭhati, anāhāro no tiṭṭhati. Tathā phassapaccayā vedanā, saṅkhārapaccayā viññāṇaṃ, viññāṇapaccayā nāmarūpa’’nti.

    го банзд̇т̇а аахааро, гим̣ аахарад̇ийд̇и? габ̣ал̣ийгаараахааро ож̇адтамагаруубаани аахарад̇и. пассаахааро д̇иссо взд̣̇анаа, маносан̃жзд̇анаахааро д̇аяо бхавз, вин̃н̃аан̣аахааро бадисанд̇хинаамаруубанд̇и.

    Ko panettha āhāro, kiṃ āharatīti? Kabaḷīkārāhāro ojaṭṭhamakarūpāni āharati. Phassāhāro tisso vedanā, manosañcetanāhāro tayo bhave, viññāṇāhāro paṭisandhināmarūpanti.

    гат̇ам̣? габ̣ал̣ийгаараахааро д̇аава мукз табид̇амад̇д̇оязва адта руубаани самудтаабзд̇и. д̣̇анд̇авижун̣н̣ид̇ам̣ бана аж̇жхохарияамаанам̣ згзгам̣ сид̇т̇ам̣ адтадта руубаани самудтаабзд̇иязва. звам̣ ож̇адтамагаруубаани аахарад̇и.

    Kathaṃ? Kabaḷīkārāhāro tāva mukhe ṭhapitamattoyeva aṭṭha rūpāni samuṭṭhāpeti. Dantavicuṇṇitaṃ pana ajjhohariyamānaṃ ekekaṃ sitthaṃ aṭṭhaṭṭha rūpāni samuṭṭhāpetiyeva. Evaṃ ojaṭṭhamakarūpāni āharati.

    пассаахааро бана сукавзд̣̇анияо пассо уббаж̇ж̇амаано сукавзд̣̇анам̣ аахарад̇и, д̇ат̇аа д̣̇угкавзд̣̇анияо д̣̇угкам̣, ад̣̇угкамасукавзд̣̇анияо ад̣̇угкамасуканд̇и звам̣ саб̣б̣ат̇ааби пассаахааро д̇иссо взд̣̇анаа аахарад̇и.

    Phassāhāro pana sukhavedaniyo phasso uppajjamāno sukhavedanaṃ āharati, tathā dukkhavedaniyo dukkhaṃ, adukkhamasukhavedaniyo adukkhamasukhanti evaṃ sabbathāpi phassāhāro tisso vedanā āharati.

    маносан̃жзд̇анаахааро гаамабхавуубаг̇ам̣ гаммам̣ гаамабхавам̣ аахарад̇и, руубааруубабхавуубаг̇аани д̇ам̣ д̇ам̣ бхавам̣. звам̣ саб̣б̣ат̇ааби маносан̃жзд̇анаахааро д̇аяо бхавз аахарад̇и.

    Manosañcetanāhāro kāmabhavūpagaṃ kammaṃ kāmabhavaṃ āharati, rūpārūpabhavūpagāni taṃ taṃ bhavaṃ. Evaṃ sabbathāpi manosañcetanāhāro tayo bhave āharati.

    вин̃н̃аан̣аахааро бана яз жа бадисанд̇хигкан̣з д̇ам̣самбаяуд̇д̇агаа д̇аяо канд̇хаа, яаани жа д̇исанд̇ад̇ивасзна д̇им̣саруубаани уббаж̇ж̇анд̇и, сахаж̇аад̇аад̣̇ибажжаяанаязна д̇аани аахарад̇ийд̇и вужжад̇и. звам̣ вин̃н̃аан̣аахааро бадисанд̇хинаамаруубам̣ аахарад̇ийд̇и.

    Viññāṇāhāro pana ye ca paṭisandhikkhaṇe taṃsampayuttakā tayo khandhā, yāni ca tisantativasena tiṃsarūpāni uppajjanti, sahajātādipaccayanayena tāni āharatīti vuccati. Evaṃ viññāṇāhāro paṭisandhināmarūpaṃ āharatīti.

    зд̇т̇а жа маносан̃жзд̇анаахааро д̇аяо бхавз аахарад̇ийд̇и саасаваа гусалаагусалажзд̇анаава вуд̇д̇аа. вин̃н̃аан̣ам̣ бадисанд̇хинаамаруубам̣ аахарад̇ийд̇и бадисанд̇хивин̃н̃аан̣амзва вуд̇д̇ам̣ . ависзсзна бана д̇ам̣самбаяуд̇д̇ад̇ам̣самудтаанад̇хаммаанам̣ аахаран̣ад̇о бзд̇з аахаараад̇и взд̣̇ид̇аб̣б̣аа.

    Ettha ca manosañcetanāhāro tayo bhave āharatīti sāsavā kusalākusalacetanāva vuttā. Viññāṇaṃ paṭisandhināmarūpaṃ āharatīti paṭisandhiviññāṇameva vuttaṃ . Avisesena pana taṃsampayuttataṃsamuṭṭhānadhammānaṃ āharaṇato pete āhārāti veditabbā.

    зд̇зсу жад̇уусу аахаарзсу габ̣ал̣ийгаараахааро убад̇т̇амбхзнд̇о аахаарагижжам̣ саад̇хзд̇и. пассо пусанд̇оязва, маносан̃жзд̇анаа ааяуухамаанаава. вин̃н̃аан̣ам̣ виж̇аананд̇амзва.

    Etesu catūsu āhāresu kabaḷīkārāhāro upatthambhento āhārakiccaṃ sādheti. Phasso phusantoyeva, manosañcetanā āyūhamānāva. Viññāṇaṃ vijānantameva.

    гат̇ам̣? габ̣ал̣ийгаараахааро хи убад̇т̇амбхзнд̇оязва гааяадтабанзна сад̇д̇аанам̣ тид̇ияаа ход̇и. гаммаж̇анид̇оби хи аяам̣ гааяо габ̣ал̣ийгаараахаарзна убад̇т̇амбхид̇о д̣̇асаби вассаани вассасад̇амби яаава ааяубаримаан̣ам̣ д̇идтад̇и. яат̇аа гим̣? яат̇аа маад̇уяаа ж̇анид̇оби д̣̇аараго д̇хаад̇ияаа т̇ан̃н̃аад̣̇ийни бааязд̇ваа босияамаанова жирам̣ д̇идтад̇и, яат̇аа жубад̇т̇амбхзна убад̇т̇амбхид̇аг̇зхам̣. вуд̇д̇амби жзд̇ам̣ –

    Kathaṃ? Kabaḷīkārāhāro hi upatthambhentoyeva kāyaṭṭhapanena sattānaṃ ṭhitiyā hoti. Kammajanitopi hi ayaṃ kāyo kabaḷīkārāhārena upatthambhito dasapi vassāni vassasatampi yāva āyuparimāṇaṃ tiṭṭhati. Yathā kiṃ? Yathā mātuyā janitopi dārako dhātiyā thaññādīni pāyetvā posiyamānova ciraṃ tiṭṭhati, yathā cupatthambhena upatthambhitagehaṃ. Vuttampi cetaṃ –

    ‘‘яат̇аа махаарааж̇а г̇зхз бад̇анд̇з ан̃н̃зна д̣̇аарунаа убад̇т̇амбхзнд̇и, ан̃н̃зна д̣̇аарунаа убад̇т̇амбхид̇ам̣ санд̇ам̣ звам̣ д̇ам̣ г̇зхам̣ на бад̇ад̇и, звамзва ко махаарааж̇а аяам̣ гааяо аахаарадтид̇иго, аахаарам̣ бадижжа д̇идтад̇ий’’д̇и.

    ‘‘Yathā mahārāja gehe patante aññena dārunā upatthambhenti, aññena dārunā upatthambhitaṃ santaṃ evaṃ taṃ gehaṃ na patati, evameva kho mahārāja ayaṃ kāyo āhāraṭṭhitiko, āhāraṃ paṭicca tiṭṭhatī’’ti.

    звам̣ габ̣ал̣ийгааро аахааро убад̇т̇амбхзнд̇о аахаарагижжам̣ саад̇хзд̇и. звам̣ саад̇хзнд̇оби жа габ̣ал̣ийгааро аахааро д̣̇виннам̣ руубасанд̇ад̇ийнам̣ бажжаяо ход̇и аахаарасамудтаанасса жа убаад̣̇иннасса жа. гаммаж̇аанам̣ анубаалаго худ̇ваа бажжаяо ход̇и. аахаарасамудтаанаанам̣ ж̇анаго худ̇ваа бажжаяо ход̇и.

    Evaṃ kabaḷīkāro āhāro upatthambhento āhārakiccaṃ sādheti. Evaṃ sādhentopi ca kabaḷīkāro āhāro dvinnaṃ rūpasantatīnaṃ paccayo hoti āhārasamuṭṭhānassa ca upādinnassa ca. Kammajānaṃ anupālako hutvā paccayo hoti. Āhārasamuṭṭhānānaṃ janako hutvā paccayo hoti.

    пассо бана сукаад̣̇ивад̇т̇убхууд̇ам̣ аарамман̣ам̣ пусанд̇оязва сукаад̣̇ивзд̣̇анаабавад̇д̇анзна сад̇д̇аанам̣ тид̇ияаа ход̇и. маносан̃жзд̇анаа гусалаагусалагаммавасзна ааяуухамаанааязва бхавамууланибпаад̣̇анад̇о сад̇д̇аанам̣ тид̇ияаа ход̇и. вин̃н̃аан̣ам̣ виж̇аананд̇амзва наамаруубаббавад̇д̇анзна сад̇д̇аанам̣ тид̇ияаа ход̇и.

    Phasso pana sukhādivatthubhūtaṃ ārammaṇaṃ phusantoyeva sukhādivedanāpavattanena sattānaṃ ṭhitiyā hoti. Manosañcetanā kusalākusalakammavasena āyūhamānāyeva bhavamūlanipphādanato sattānaṃ ṭhitiyā hoti. Viññāṇaṃ vijānantameva nāmarūpappavattanena sattānaṃ ṭhitiyā hoti.

    звам̣ убад̇т̇амбханаад̣̇ивасзна аахаарагижжам̣ саад̇хаяамаанзсу банзд̇зсу жад̇д̇аари бхаяаани д̣̇адтаб̣б̣аани. сзяяат̇ид̣̇ам̣, габ̣ал̣ийгаараахаарз ниганд̇иязва бхаяам̣, пассз убаг̇аманамзва, маносан̃жзд̇анааяа ааяууханамзва, вин̃н̃аан̣з абхинибаад̇оязва бхаяанд̇и. гим̣ гааран̣аа? габ̣ал̣ийгаараахаарз хи ниганд̇им̣ гад̇ваа сийд̇аад̣̇ийнам̣ бурзгкад̇аа сад̇д̇аа аахаарад̇т̇ааяа муд̣̇д̣̇ааг̇ан̣анаад̣̇игаммаани гаронд̇аа анаббагам̣ д̣̇угкам̣ ниг̇ажчанд̇и. згажжз жа имасмим̣ саасанз баб̣б̣аж̇ид̇вааби взж̇ж̇агаммаад̣̇игааяа анзсанааяа аахаарам̣ бариязсанд̇аа д̣̇идтзби д̇хаммз г̇аараяхаа хонд̇и. самбарааязби д̇асса сан̇гхаадиби аад̣̇ид̇д̇аа самбаж̇ж̇алид̇аад̇иаад̣̇инаа лагкан̣асам̣яуд̇д̇з вуд̇д̇анаязна саман̣абзд̇аа хонд̇и. иминаава д̇аава гааран̣зна габ̣ал̣ийгаараахаарз ниганд̇иязва бхаяанд̇и взд̣̇ид̇аб̣б̣аа.

    Evaṃ upatthambhanādivasena āhārakiccaṃ sādhayamānesu panetesu cattāri bhayāni daṭṭhabbāni. Seyyathidaṃ, kabaḷīkārāhāre nikantiyeva bhayaṃ, phasse upagamanameva, manosañcetanāya āyūhanameva, viññāṇe abhinipātoyeva bhayanti. Kiṃ kāraṇā? Kabaḷīkārāhāre hi nikantiṃ katvā sītādīnaṃ purekkhatā sattā āhāratthāya muddāgaṇanādikammāni karontā anappakaṃ dukkhaṃ nigacchanti. Ekacce ca imasmiṃ sāsane pabbajitvāpi vejjakammādikāya anesanāya āhāraṃ pariyesantā diṭṭhepi dhamme gārayhā honti. Samparāyepi tassa saṅghāṭipi ādittā sampajjalitātiādinā lakkhaṇasaṃyutte vuttanayena samaṇapetā honti. Imināva tāva kāraṇena kabaḷīkārāhāre nikantiyeva bhayanti veditabbā.

    пассам̣ убаг̇ажчанд̇ааби пассассаад̣̇ино барзсам̣ рагкид̇аг̇обид̇зсу д̣̇аараад̣̇ийсу бхан̣д̣зсу абараж̇жханд̇и. д̇з саха бхан̣д̣зна бхан̣д̣асаамигаа г̇ахзд̇ваа кан̣д̣аакан̣д̣игам̣ ваа чинд̣̇ид̇ваа сан̇гаарагуудзсу чад̣д̣знд̇и. ран̃н̃о ваа нияяаад̇знд̇и. д̇ад̇о нз рааж̇аа вивид̇хаа гаммагааран̣аа гаараабзд̇и. гааяасса жа бхзд̣̇аа д̣̇уг̇г̇ад̇и нзсам̣ баадиган̇каа ход̇и. ид̇и пассассаад̣̇амуулагам̣ д̣̇идтад̇хаммигамби самбарааяигамби бхаяам̣ саб̣б̣амааг̇ад̇амзва ход̇и. иминаа гааран̣зна пассаахаарз убаг̇аманамзва бхаяанд̇и взд̣̇ид̇аб̣б̣ам̣.

    Phassaṃ upagacchantāpi phassassādino paresaṃ rakkhitagopitesu dārādīsu bhaṇḍesu aparajjhanti. Te saha bhaṇḍena bhaṇḍasāmikā gahetvā khaṇḍākhaṇḍikaṃ vā chinditvā saṅkārakūṭesu chaḍḍenti. Rañño vā niyyātenti. Tato ne rājā vividhā kammakāraṇā kārāpeti. Kāyassa ca bhedā duggati nesaṃ pāṭikaṅkhā hoti. Iti phassassādamūlakaṃ diṭṭhadhammikampi samparāyikampi bhayaṃ sabbamāgatameva hoti. Iminā kāraṇena phassāhāre upagamanameva bhayanti veditabbaṃ.

    гусалаагусалагаммааяууханзнзва бана д̇аммуулагам̣ д̇ийсу бхавзсу бхаяам̣ саб̣б̣амааг̇ад̇ам̣язва ход̇и. иминаа гааран̣зна маносан̃жзд̇анаахаарз ааяууханамзва бхаяанд̇и взд̣̇ид̇аб̣б̣ам̣.

    Kusalākusalakammāyūhaneneva pana tammūlakaṃ tīsu bhavesu bhayaṃ sabbamāgataṃyeva hoti. Iminā kāraṇena manosañcetanāhāre āyūhanameva bhayanti veditabbaṃ.

    бадисанд̇хивин̃н̃аан̣ан̃жа яасмим̣ яасмим̣ таанз абхинибад̇ад̇и, д̇асмим̣ д̇асмим̣ таанз бадисанд̇хинаамаруубам̣ г̇ахзд̇ваава ниб̣б̣ад̇д̇ад̇и, д̇асмин̃жа ниб̣б̣ад̇д̇з саб̣б̣абхаяаани ниб̣б̣ад̇д̇ааниязва хонд̇и, д̇аммуулагад̇д̇аад̇и, иминаа гааран̣зна вин̃н̃аан̣аахаарз абхинибаад̇оязва бхаяанд̇и взд̣̇ид̇аб̣б̣о.

    Paṭisandhiviññāṇañca yasmiṃ yasmiṃ ṭhāne abhinipatati, tasmiṃ tasmiṃ ṭhāne paṭisandhināmarūpaṃ gahetvāva nibbattati, tasmiñca nibbatte sabbabhayāni nibbattāniyeva honti, tammūlakattāti, iminā kāraṇena viññāṇāhāre abhinipātoyeva bhayanti veditabbo.

    звам̣ сабхаязсу бана имзсу аахаарзсу саммаасамб̣уд̣̇д̇хо габ̣ал̣ийгаараахаарз ниганд̇ибарияаад̣̇аанад̇т̇ам̣ ‘‘сзяяат̇ааби, бхигкавз, д̣̇вз ж̇ааяамбад̇игаа’’д̇иаад̣̇инаа (сам̣. ни. 2.63) наязна буд̇д̇амам̣суубамам̣ д̣̇зсзси. пассаахаарз ниганд̇ибарияаад̣̇аанад̇т̇ам̣ ‘‘сзяяат̇ааби, бхигкавз, г̇аавий нижжаммаа’’д̇иаад̣̇инаа наязна нижжаммаг̇аавуубамам̣ д̣̇зсзси. маносан̃жзд̇анаахаарз ниганд̇ибарияаад̣̇аанад̇т̇ам̣ ‘‘сзяяат̇ааби, бхигкавз, ан̇г̇аарагаасуу’’д̇иаад̣̇инаа наязна ан̇г̇аарагаасуубамам̣ д̣̇зсзси. вин̃н̃аан̣аахаарз ниганд̇ибарияаад̣̇аанад̇т̇ам̣ ‘‘сзяяат̇ааби, бхигкавз, жорам̣ ааг̇ужаари’’нд̇иаад̣̇инаа наязна сад̇д̇исад̇аахад̇уубамам̣ д̣̇зсзси.

    Evaṃ sabhayesu pana imesu āhāresu sammāsambuddho kabaḷīkārāhāre nikantipariyādānatthaṃ ‘‘seyyathāpi, bhikkhave, dve jāyampatikā’’tiādinā (saṃ. ni. 2.63) nayena puttamaṃsūpamaṃ desesi. Phassāhāre nikantipariyādānatthaṃ ‘‘seyyathāpi, bhikkhave, gāvī niccammā’’tiādinā nayena niccammagāvūpamaṃ desesi. Manosañcetanāhāre nikantipariyādānatthaṃ ‘‘seyyathāpi, bhikkhave, aṅgārakāsū’’tiādinā nayena aṅgārakāsūpamaṃ desesi. Viññāṇāhāre nikantipariyādānatthaṃ ‘‘seyyathāpi, bhikkhave, coraṃ āgucāri’’ntiādinā nayena sattisatāhatūpamaṃ desesi.

    д̇ад̇рааяам̣ бхууд̇амад̇т̇ам̣ гад̇ваа сан̇кзбад̇о ад̇т̇аяож̇анаа, д̣̇вз гира ж̇ааяамбад̇игаа буд̇д̇ам̣ г̇ахзд̇ваа барид̇д̇зна баат̇зяязна яож̇анасад̇игам̣ ганд̇аарамаг̇г̇ам̣ бадибаж̇ж̇им̣су. д̇зсам̣ бан̃н̃ааса яож̇анаани г̇анд̇ваа баат̇зяяам̣ нидтааси. д̇з куббибаасаад̇ураа вирал̣ажчааяааяам̣ нисийд̣̇им̣су. д̇ад̇о бурисо бхарияам̣ ааха ‘‘бхад̣̇д̣̇з ид̇о саманд̇аа бан̃н̃ааса яож̇анаани г̇аамо ваа ниг̇амо ваа над̇т̇и, д̇асмаа яам̣ д̇ам̣ бурисзна гаад̇аб̣б̣ам̣ б̣ахумби гасиг̇орагкаад̣̇игаммам̣, на д̣̇аани саггаа д̇ам̣ маяаа гаад̇ум̣, зхи мам̣ маарзд̇ваа убад̣дхамам̣сам̣ каад̣̇ид̇ваа убад̣дхам̣ баат̇зяяам̣ гад̇ваа буд̇д̇зна сад̣̇д̇хим̣ ганд̇аарам̣ нид̇т̇араахий’’д̇и. сааби ааха ‘‘саами маяаа д̣̇аани яам̣ д̇ам̣ ид̇т̇ияаа гаад̇аб̣б̣ам̣ б̣ахумби суд̇д̇аганд̇анаад̣̇игаммам̣, д̇ам̣ гаад̇ум̣ на саггаа, зхи мам̣ маарзд̇ваа убад̣дхамам̣сам̣ каад̣̇ид̇ваа убад̣дхам̣ баат̇зяяам̣ гад̇ваа буд̇д̇зна сад̣̇д̇хим̣ ганд̇аарам̣ нид̇т̇араахий’’д̇и. д̇ад̇о со д̇ам̣ ааха ‘‘бхад̣̇д̣̇з маад̇уг̇аамамаран̣зна д̣̇виннам̣ маран̣ам̣ бан̃н̃ааяад̇и. на хи манд̣̇о гумааро маад̇арам̣ винаа ж̇ийвид̇ум̣ саггод̇и. яад̣̇и бана маяам̣ ж̇ийваама, буна д̣̇аарагам̣ лабхзяяаама, ханд̣̇а д̣̇аани буд̇д̇агам̣ маарзд̇ваа мам̣сам̣ г̇ахзд̇ваа ганд̇аарам̣ нид̇т̇араамаа’’д̇и.

    Tatrāyaṃ bhūtamatthaṃ katvā saṅkhepato atthayojanā, dve kira jāyampatikā puttaṃ gahetvā parittena pātheyyena yojanasatikaṃ kantāramaggaṃ paṭipajjiṃsu. Tesaṃ paññāsa yojanāni gantvā pātheyyaṃ niṭṭhāsi. Te khuppipāsāturā viraḷacchāyāyaṃ nisīdiṃsu. Tato puriso bhariyaṃ āha ‘‘bhadde ito samantā paññāsa yojanāni gāmo vā nigamo vā natthi, tasmā yaṃ taṃ purisena kātabbaṃ bahumpi kasigorakkhādikammaṃ, na dāni sakkā taṃ mayā kātuṃ, ehi maṃ māretvā upaḍḍhamaṃsaṃ khāditvā upaḍḍhaṃ pātheyyaṃ katvā puttena saddhiṃ kantāraṃ nittharāhī’’ti. Sāpi āha ‘‘sāmi mayā dāni yaṃ taṃ itthiyā kātabbaṃ bahumpi suttakantanādikammaṃ, taṃ kātuṃ na sakkā, ehi maṃ māretvā upaḍḍhamaṃsaṃ khāditvā upaḍḍhaṃ pātheyyaṃ katvā puttena saddhiṃ kantāraṃ nittharāhī’’ti. Tato so taṃ āha ‘‘bhadde mātugāmamaraṇena dvinnaṃ maraṇaṃ paññāyati. Na hi mando kumāro mātaraṃ vinā jīvituṃ sakkoti. Yadi pana mayaṃ jīvāma, puna dārakaṃ labheyyāma, handa dāni puttakaṃ māretvā maṃsaṃ gahetvā kantāraṃ nittharāmā’’ti.

    д̇ад̇о маад̇аа буд̇д̇амааха ‘‘д̇аад̇а бид̇у санд̇игам̣ г̇ажчаахий’’д̇и. со аг̇амааси. ат̇асса бид̇аа ‘‘маяаа буд̇д̇агам̣ босзссаамийд̇и гасиг̇орагкаад̣̇ийхи анаббагам̣ д̣̇угкаманубхууд̇ам̣, на саггоми буд̇д̇ам̣ маарзд̇ум̣, д̇вам̣язва д̇ава буд̇д̇агам̣ маарзхий’’д̇и вад̇ваа ‘‘д̇аад̇а маад̇усанд̇игамзва г̇ажчаахий’’д̇и ааха. со аг̇амааси. ат̇асса маад̇ааби ‘‘маяаа буд̇д̇ам̣ бад̇т̇знд̇ияаа г̇овад̇агуггуравад̇ад̣̇звад̇ааяаажанаад̣̇ийхиби д̇аава анаббагам̣ д̣̇угкам̣ анубхууд̇ам̣, го бана ваад̣̇о гужчинаа барихаранд̇ияаа? на саггаахам̣ буд̇д̇ам̣ маарзд̇у’’нд̇и вад̇ваа ‘‘д̇аад̇а бид̇усанд̇игам̣язва г̇ажчаахий’’д̇и ааха. звам̣ со д̣̇виннам̣ анд̇араа г̇ажчанд̇оязва мад̇о. д̇з д̇ам̣ д̣̇исваа барид̣̇звид̇ваа буб̣б̣з вуд̇д̇анаязнзва мам̣саани г̇ахзд̇ваа каад̣̇анд̇аа баггамим̣су. д̇зсам̣ со буд̇д̇амам̣саахааро навахи гааран̣зхи бадигулад̇д̇аа нзва д̣̇авааяа ход̇и, на мад̣̇ааяа на ман̣д̣анааяа на вибхуусанааяа, гзвалам̣ ганд̇ааранид̇т̇аран̣ад̇т̇ааязва ход̇и.

    Tato mātā puttamāha ‘‘tāta pitu santikaṃ gacchāhī’’ti. So agamāsi. Athassa pitā ‘‘mayā puttakaṃ posessāmīti kasigorakkhādīhi anappakaṃ dukkhamanubhūtaṃ, na sakkomi puttaṃ māretuṃ, tvaṃyeva tava puttakaṃ mārehī’’ti vatvā ‘‘tāta mātusantikameva gacchāhī’’ti āha. So agamāsi. Athassa mātāpi ‘‘mayā puttaṃ patthentiyā govatakukkuravatadevatāyācanādīhipi tāva anappakaṃ dukkhaṃ anubhūtaṃ, ko pana vādo kucchinā pariharantiyā? Na sakkāhaṃ puttaṃ māretu’’nti vatvā ‘‘tāta pitusantikaṃyeva gacchāhī’’ti āha. Evaṃ so dvinnaṃ antarā gacchantoyeva mato. Te taṃ disvā paridevitvā pubbe vuttanayeneva maṃsāni gahetvā khādantā pakkamiṃsu. Tesaṃ so puttamaṃsāhāro navahi kāraṇehi paṭikulattā neva davāya hoti, na madāya na maṇḍanāya na vibhūsanāya, kevalaṃ kantāranittharaṇatthāyeva hoti.

    гад̇амзхи навахи гааран̣зхи бадигуулод̇и жз? саж̇аад̇имам̣сад̇ааяа н̃аад̇имам̣сад̇ааяа буд̇д̇амам̣сад̇ааяа бияабуд̇д̇амам̣сад̇ааяа д̇арун̣амам̣сад̇ааяа аамагамам̣сад̇ааяа аг̇орасамам̣сад̇ааяа алон̣ад̇ааяа ад̇хуубид̇ад̇ааяаад̇и. д̇асмаа яо бхигку габ̣ал̣ийгаараахаарам̣ звам̣ буд̇д̇амам̣сасад̣̇исам̣ бассад̇и , со д̇ад̇т̇а ниганд̇им̣ барияаад̣̇ияад̇и. аяам̣ д̇аава буд̇д̇амам̣суубамааяам̣ ад̇т̇аяож̇анаа.

    Katamehi navahi kāraṇehi paṭikūloti ce? Sajātimaṃsatāya ñātimaṃsatāya puttamaṃsatāya piyaputtamaṃsatāya taruṇamaṃsatāya āmakamaṃsatāya agorasamaṃsatāya aloṇatāya adhūpitatāyāti. Tasmā yo bhikkhu kabaḷīkārāhāraṃ evaṃ puttamaṃsasadisaṃ passati , so tattha nikantiṃ pariyādiyati. Ayaṃ tāva puttamaṃsūpamāyaṃ atthayojanā.

    нижжаммаг̇аавуубамааяам̣ бана яат̇аа саа г̇аавий г̇ийвад̇о яаава кураа, д̇аава жаммам̣ уд̣̇д̣̇аалзд̇ваа муд̇д̇аа яам̣ яад̣̇зва ниссааяа д̇идтад̇и, д̇ад̇т̇а баан̣агзхи каж̇ж̇амаанаа д̣̇угкассзваад̇хигаран̣ам̣ ход̇и, звам̣ пассоби яам̣ яад̣̇зва вад̇т̇ум̣ аарамман̣ам̣ ваа ниссааяа д̇идтад̇и, д̇ам̣д̇ам̣вад̇т̇аарамман̣асамбхавасса взд̣̇аяид̇ад̣̇угкасса ад̇хигаран̣амзва ход̇и. д̇асмаа яо бхигку пассаахаарам̣ звам̣ нижжаммаг̇аависад̣̇исам̣ бассад̇и , со д̇ад̇т̇а ниганд̇им̣ барияаад̣̇ияад̇и, аяам̣ нижжаммаг̇аавуубамааяам̣ ад̇т̇аяож̇анаа.

    Niccammagāvūpamāyaṃ pana yathā sā gāvī gīvato yāva khurā, tāva cammaṃ uddāletvā muttā yaṃ yadeva nissāya tiṭṭhati, tattha pāṇakehi khajjamānā dukkhassevādhikaraṇaṃ hoti, evaṃ phassopi yaṃ yadeva vatthuṃ ārammaṇaṃ vā nissāya tiṭṭhati, taṃtaṃvatthārammaṇasambhavassa vedayitadukkhassa adhikaraṇameva hoti. Tasmā yo bhikkhu phassāhāraṃ evaṃ niccammagāvisadisaṃ passati , so tattha nikantiṃ pariyādiyati, ayaṃ niccammagāvūpamāyaṃ atthayojanā.

    ан̇г̇аарагаасуубамааяам̣ бана яат̇аа саа ан̇г̇аарагаасу, звам̣ махаабарил̣аахадтзна д̇аяо бхаваа. яат̇аа наанааб̣аахаасу г̇ахзд̇ваа д̇ад̇т̇а убагад̣дхагаа д̣̇вз бурисаа, звам̣ бхавзсу убагад̣дханадтзна маносан̃жзд̇анаа. д̇асмаа яо бхигку маносан̃жзд̇анаахаарам̣ звам̣ ан̇г̇аарагаасуубагад̣дхагабурисасад̣̇исам̣ бассад̇и, со д̇ад̇т̇а ниганд̇им̣ барияаад̣̇ияад̇и, аяам̣ ан̇г̇аарагаасуубамааяам̣ ад̇т̇аяож̇анаа.

    Aṅgārakāsūpamāyaṃ pana yathā sā aṅgārakāsu, evaṃ mahāpariḷāhaṭṭhena tayo bhavā. Yathā nānābāhāsu gahetvā tattha upakaḍḍhakā dve purisā, evaṃ bhavesu upakaḍḍhanaṭṭhena manosañcetanā. Tasmā yo bhikkhu manosañcetanāhāraṃ evaṃ aṅgārakāsūpakaḍḍhakapurisasadisaṃ passati, so tattha nikantiṃ pariyādiyati, ayaṃ aṅgārakāsūpamāyaṃ atthayojanā.

    сад̇д̇исад̇аахад̇уубамааяам̣ бана язна со бурисо буб̣б̣ан̣хасамаяз сад̇д̇исад̇зна хан̃н̃ад̇и, д̇амасса сарийрз ван̣амукасад̇ам̣ гад̇ваа анд̇араа адтад̇ваа винивиж̇жхид̇ваа абарабхааг̇зязва бад̇ад̇и, звам̣ ид̇араани д̣̇вз сад̇д̇исад̇аани, звамасса бад̇ид̇огаасз абад̇ид̇ваа абад̇ид̇ваа г̇ад̇аахи сад̇д̇ийхи саб̣б̣асарийрам̣ чид̣̇д̣̇аавачид̣̇д̣̇амзва ход̇и, д̇асса згаван̣амукзби уббаннасса д̣̇угкасса бамаан̣ам̣ над̇т̇и, го бана ваад̣̇о д̇ийсу ван̣амукасад̇зсу? д̇ад̇т̇а сад̇д̇инибаад̇агаало вияа бадисанд̇хивин̃н̃аан̣аниб̣б̣ад̇д̇агаало. ван̣амукаж̇ананам̣ вияа канд̇хаж̇ананам̣. ван̣амукзсу д̣̇угкавзд̣̇ануббаад̣̇о вияа ж̇аад̇зсу канд̇хзсу ваддамуулаганаанаавид̇хад̣̇угкуббаад̣̇о. абаро наяо, ааг̇ужаарий бурисо вияа бадисанд̇хивин̃н̃аан̣ам̣. д̇асса сад̇д̇игхаад̇зхи уббаннаван̣амукаани вияа вин̃н̃аан̣абажжаяаа наамаруубам̣. ван̣амукабажжаяаа д̇асса бурисасса гагкал̣ад̣̇угкуббаад̣̇о вияа наамаруубабажжаяаа вин̃н̃аан̣асса д̣̇вад̇д̇им̣сагаммагааран̣аадтанавуд̇ирог̇аад̣̇ивасзна наанаббагаарагад̣̇угкуббаад̣̇о д̣̇адтаб̣б̣о. д̇асмаа яо бхигку вин̃н̃аан̣аахаарам̣ звам̣ сад̇д̇исад̇аахад̇асад̣̇исам̣ бассад̇и. со д̇ад̇т̇а ниганд̇им̣ барияаад̣̇ияад̇и, аяам̣ сад̇д̇исад̇аахад̇уубамааяам̣ ад̇т̇аяож̇анаа.

    Sattisatāhatūpamāyaṃ pana yena so puriso pubbaṇhasamaye sattisatena haññati, tamassa sarīre vaṇamukhasataṃ katvā antarā aṭṭhatvā vinivijjhitvā aparabhāgeyeva patati, evaṃ itarāni dve sattisatāni, evamassa patitokāse apatitvā apatitvā gatāhi sattīhi sabbasarīraṃ chiddāvachiddameva hoti, tassa ekavaṇamukhepi uppannassa dukkhassa pamāṇaṃ natthi, ko pana vādo tīsu vaṇamukhasatesu? Tattha sattinipātakālo viya paṭisandhiviññāṇanibbattakālo. Vaṇamukhajananaṃ viya khandhajananaṃ. Vaṇamukhesu dukkhavedanuppādo viya jātesu khandhesu vaṭṭamūlakanānāvidhadukkhuppādo. Aparo nayo, āgucārī puriso viya paṭisandhiviññāṇaṃ. Tassa sattighātehi uppannavaṇamukhāni viya viññāṇapaccayā nāmarūpaṃ. Vaṇamukhapaccayā tassa purisassa kakkhaḷadukkhuppādo viya nāmarūpapaccayā viññāṇassa dvattiṃsakammakāraṇaaṭṭhanavutirogādivasena nānappakārakadukkhuppādo daṭṭhabbo. Tasmā yo bhikkhu viññāṇāhāraṃ evaṃ sattisatāhatasadisaṃ passati. So tattha nikantiṃ pariyādiyati, ayaṃ sattisatāhatūpamāyaṃ atthayojanā.

    со звам̣ имзсу аахаарзсу ниганд̇им̣ барияаад̣̇ияанд̇о жад̇д̇аароби аахаарз бариж̇аанаад̇и, язсу барин̃н̃аад̇зсу саб̣б̣амби барин̃н̃аад̇ам̣ вад̇т̇у барин̃н̃аад̇амзва ход̇и. вуд̇д̇ан̃хзд̇ам̣ бхаг̇авад̇аа –

    So evaṃ imesu āhāresu nikantiṃ pariyādiyanto cattāropi āhāre parijānāti, yesu pariññātesu sabbampi pariññātaṃ vatthu pariññātameva hoti. Vuttañhetaṃ bhagavatā –

    ‘‘габ̣ал̣ийгаарз, бхигкавз, аахаарз барин̃н̃аад̇з бан̃жагаамаг̇ун̣иго рааг̇о барин̃н̃аад̇о ход̇и. бан̃жагаамаг̇ун̣игз рааг̇з барин̃н̃аад̇з над̇т̇и д̇ам̣ сам̣яож̇анам̣, язна сам̣яож̇анзна сам̣яуд̇д̇о арияасааваго буна имам̣ логам̣ ааг̇ажчзяяа. пассз, бхигкавз, аахаарз барин̃н̃аад̇з д̇иссо взд̣̇анаа барин̃н̃аад̇аа хонд̇и. д̇ийсу взд̣̇анаасу барин̃н̃аад̇аасу арияасаавагасса над̇т̇и гин̃жи уд̇д̇аригаран̣ийяанд̇и вад̣̇аами. маносан̃жзд̇анааяа, бхигкавз, аахаарз барин̃н̃аад̇з д̇иссо д̇ан̣хаа барин̃н̃аад̇аа хонд̇и. д̇ийсу д̇ан̣хаасу барин̃н̃аад̇аасу арияасаавагасса над̇т̇и гин̃жи уд̇д̇аригаран̣ийяанд̇и вад̣̇аами. вин̃н̃аан̣з, бхигкавз, аахаарз барин̃н̃аад̇з наамаруубам̣ барин̃н̃аад̇ам̣ ход̇и. наамаруубз барин̃н̃аад̇з арияасаавагасса над̇т̇и гин̃жи уд̇д̇аригаран̣ийяанд̇и вад̣̇аамий’’д̇и (сам̣. ни. 2.63).

    ‘‘Kabaḷīkāre, bhikkhave, āhāre pariññāte pañcakāmaguṇiko rāgo pariññāto hoti. Pañcakāmaguṇike rāge pariññāte natthi taṃ saṃyojanaṃ, yena saṃyojanena saṃyutto ariyasāvako puna imaṃ lokaṃ āgaccheyya. Phasse, bhikkhave, āhāre pariññāte tisso vedanā pariññātā honti. Tīsu vedanāsu pariññātāsu ariyasāvakassa natthi kiñci uttarikaraṇīyanti vadāmi. Manosañcetanāya, bhikkhave, āhāre pariññāte tisso taṇhā pariññātā honti. Tīsu taṇhāsu pariññātāsu ariyasāvakassa natthi kiñci uttarikaraṇīyanti vadāmi. Viññāṇe, bhikkhave, āhāre pariññāte nāmarūpaṃ pariññātaṃ hoti. Nāmarūpe pariññāte ariyasāvakassa natthi kiñci uttarikaraṇīyanti vadāmī’’ti (saṃ. ni. 2.63).

    д̇ан̣хаасамуд̣̇аяаа аахаарасамуд̣̇аяод̇и буримад̇ан̣хаасамуд̣̇аяаа бадисанд̇хигаанам̣ аахаараанам̣ самуд̣̇аяо ниб̣б̣ад̇д̇о ход̇ийд̇и ад̇т̇о. гат̇ам̣? бадисанд̇хигкан̣з хи д̇исанд̇ад̇ивасзна уббаннасамад̇им̣саруубаб̣бханд̇арз ж̇аад̇аа ож̇аа ад̇т̇и. аяам̣ д̇ан̣хаабажжаяаа ниб̣б̣ад̇д̇о убаад̣̇иннагагаб̣ал̣ийгаараахааро. бадисанд̇хижид̇д̇асамбаяуд̇д̇аа бана пассажзд̇анаа саяан̃жа жид̇д̇ам̣ вин̃н̃аан̣анд̇и имз д̇ан̣хаабажжаяаа ниб̣б̣ад̇д̇аа убаад̣̇иннагапассаманосан̃жзд̇анаа вин̃н̃аан̣аахаараад̇и. звам̣ д̇аава буримад̇ан̣хаасамуд̣̇аяаа бадисанд̇хигаанам̣ аахаараанам̣ самуд̣̇аяо взд̣̇ид̇аб̣б̣о. яасмаа банид̇ха убаад̣̇иннагааби анубаад̣̇иннагааби аахаараа миссзд̇ваа гат̇ид̇аа, д̇асмаа анубаад̣̇иннагаанамби звам̣ д̇ан̣хаасамуд̣̇аяаа аахаарасамуд̣̇аяо взд̣̇ид̇аб̣б̣о . адталобхасахаг̇ад̇ажид̇д̇асамудтид̇зсу хи руубзсу ож̇аа ад̇т̇и, аяам̣ сахаж̇аад̇ад̇ан̣хаабажжаяаа ниб̣б̣ад̇д̇о анубаад̣̇иннагагаб̣ал̣ийгаараахааро. лобхасахаг̇ад̇ажид̇д̇асамбаяуд̇д̇аа бана пассажзд̇анаа саяан̃жа жид̇д̇ам̣ вин̃н̃аан̣анд̇и имз д̇ан̣хаабажжаяаа ниб̣б̣ад̇д̇аа анубаад̣̇иннагапассаманосан̃жзд̇анаа вин̃н̃аан̣аахаараад̇и.

    Taṇhāsamudayā āhārasamudayoti purimataṇhāsamudayā paṭisandhikānaṃ āhārānaṃ samudayo nibbatto hotīti attho. Kathaṃ? Paṭisandhikkhaṇe hi tisantativasena uppannasamatiṃsarūpabbhantare jātā ojā atthi. Ayaṃ taṇhāpaccayā nibbatto upādinnakakabaḷīkārāhāro. Paṭisandhicittasampayuttā pana phassacetanā sayañca cittaṃ viññāṇanti ime taṇhāpaccayā nibbattā upādinnakaphassamanosañcetanā viññāṇāhārāti. Evaṃ tāva purimataṇhāsamudayā paṭisandhikānaṃ āhārānaṃ samudayo veditabbo. Yasmā panidha upādinnakāpi anupādinnakāpi āhārā missetvā kathitā, tasmā anupādinnakānampi evaṃ taṇhāsamudayā āhārasamudayo veditabbo . Aṭṭhalobhasahagatacittasamuṭṭhitesu hi rūpesu ojā atthi, ayaṃ sahajātataṇhāpaccayā nibbatto anupādinnakakabaḷīkārāhāro. Lobhasahagatacittasampayuttā pana phassacetanā sayañca cittaṃ viññāṇanti ime taṇhāpaccayā nibbattā anupādinnakaphassamanosañcetanā viññāṇāhārāti.

    д̇ан̣хаанирод̇хаа аахааранирод̇ход̇и имиссаа убаад̣̇иннагаанан̃жа анубаад̣̇иннагаанан̃жа аахаараанам̣ бажжаяабхууд̇ааяа д̇ан̣хааяа нирод̇хзна аахааранирод̇хо бан̃н̃ааяад̇и. сзсам̣ вуд̇д̇анаяамзва. аяам̣ бана висзсо, ид̇ха жад̇д̇аариби сажжаани саруубзнзва вуд̇д̇аани. яат̇аа жа ид̇ха, звам̣ ид̇о уд̇д̇аримби саб̣б̣аваарзсууд̇и. д̇асмаа саб̣б̣ад̇т̇а асаммуяханд̇зна сажжаани уд̣̇д̇харид̇аб̣б̣аани. саб̣б̣аваарзсу жа ‘‘зд̇д̇аавад̇ааби ко аавусо’’д̇и ид̣̇ам̣ д̣̇зсанаанияяаад̇анам̣ д̇ад̇т̇а д̇ад̇т̇а д̣̇зсид̇ад̇хаммавасзна яож̇зд̇аб̣б̣ам̣. д̇асса ид̇ха д̇аава аяам̣ яож̇анаа зд̇д̇аавад̇аабийд̇и имааяа аахаарад̣̇зсанааяа вуд̇д̇аманасигаараббадивзд̇хавасзнаабийд̇и вуд̇д̇ам̣ ход̇и. зса наяо саб̣б̣ад̇т̇ааби.

    Taṇhānirodhāāhāranirodhoti imissā upādinnakānañca anupādinnakānañca āhārānaṃ paccayabhūtāya taṇhāya nirodhena āhāranirodho paññāyati. Sesaṃ vuttanayameva. Ayaṃ pana viseso, idha cattāripi saccāni sarūpeneva vuttāni. Yathā ca idha, evaṃ ito uttarimpi sabbavāresūti. Tasmā sabbattha asammuyhantena saccāni uddharitabbāni. Sabbavāresu ca ‘‘ettāvatāpi kho āvuso’’ti idaṃ desanāniyyātanaṃ tattha tattha desitadhammavasena yojetabbaṃ. Tassa idha tāva ayaṃ yojanā ettāvatāpīti imāya āhāradesanāya vuttamanasikārappaṭivedhavasenāpīti vuttaṃ hoti. Esa nayo sabbatthāpi.

    аахаараваараван̣н̣анаа нидтид̇аа.

    Āhāravāravaṇṇanā niṭṭhitā.

    сажжаваараван̣н̣анаа

    Saccavāravaṇṇanā

    91. ид̣̇аани ‘‘саад̇хаавусо’’д̇и буриманаязнзва т̇зрасса бхаасид̇ам̣ абхинанд̣̇ид̇ваа анумод̣̇ид̇ваа д̇з бхигкуу уд̇д̇аримби бан̃хам̣ бужчим̣су. т̇зро жа нзсам̣ ан̃н̃знаби барияааязна б̣яаагааси. зса наяо ид̇о барзсуби саб̣б̣аваарзсу. д̇асмаа ид̇о барам̣ зваруубаани важанаани анаамасид̇ваа язна язна барияааязна б̣яаагарод̇и, д̇асса д̇ассзва ад̇т̇ам̣ ван̣н̣аяиссаама. имасса бана ваарасса сан̇кзбад̣̇зсанааяам̣ д̣̇угкан̃жа баж̇аанаад̇ийд̇и зд̇т̇а д̣̇угканд̇и д̣̇угкасажжам̣. вид̇т̇аарад̣̇зсанааяам̣ бана яам̣ вад̇д̇аб̣б̣ам̣ сияаа, д̇ам̣ саб̣б̣ам̣ висуд̣̇д̇химаг̇г̇з сажжанид̣̇д̣̇зсз вуд̇д̇амзваад̇и.

    91. Idāni ‘‘sādhāvuso’’ti purimanayeneva therassa bhāsitaṃ abhinanditvā anumoditvā te bhikkhū uttarimpi pañhaṃ pucchiṃsu. Thero ca nesaṃ aññenapi pariyāyena byākāsi. Esa nayo ito paresupi sabbavāresu. Tasmā ito paraṃ evarūpāni vacanāni anāmasitvā yena yena pariyāyena byākaroti, tassa tasseva atthaṃ vaṇṇayissāma. Imassa pana vārassa saṅkhepadesanāyaṃ dukkhañca pajānātīti ettha dukkhanti dukkhasaccaṃ. Vitthāradesanāyaṃ pana yaṃ vattabbaṃ siyā, taṃ sabbaṃ visuddhimagge saccaniddese vuttamevāti.

    сажжаваараван̣н̣анаа нидтид̇аа.

    Saccavāravaṇṇanā niṭṭhitā.

    ж̇араамаран̣аваараван̣н̣анаа

    Jarāmaraṇavāravaṇṇanā

    92. ид̇о барам̣ бадижжасамуббаад̣̇авасзна д̣̇зсанаа ход̇и. д̇ад̇т̇а ж̇араамаран̣аваарз д̇аава д̇зсам̣ д̇зсанд̇и аяам̣ сан̇кзбад̇о анзгзсам̣ сад̇д̇аанам̣ саад̇хааран̣анид̣̇д̣̇зсод̇и н̃аад̇аб̣б̣о. яаа д̣̇звад̣̇ад̇д̇асса ж̇араа, яаа сомад̣̇ад̇д̇асса ж̇араад̇и зван̃хи д̣̇ивасамби гат̇знд̇асса нзва сад̇д̇аа барияаад̣̇аанам̣ г̇ажчанд̇и. имзхи бана д̣̇вийхи бад̣̇зхи на гожи сад̇д̇о абарияаад̣̇инно ход̇и. д̇асмаа вуд̇д̇ам̣ ‘‘аяам̣ сан̇кзбад̇о анзгзсам̣ сад̇д̇аанам̣ саад̇хааран̣анид̣̇д̣̇зсо’’д̇и.

    92. Ito paraṃ paṭiccasamuppādavasena desanā hoti. Tattha jarāmaraṇavāre tāva tesaṃ tesanti ayaṃ saṅkhepato anekesaṃ sattānaṃ sādhāraṇaniddesoti ñātabbo. Yā devadattassa jarā, yā somadattassa jarāti evañhi divasampi kathentassa neva sattā pariyādānaṃ gacchanti. Imehi pana dvīhi padehi na koci satto apariyādinno hoti. Tasmā vuttaṃ ‘‘ayaṃ saṅkhepato anekesaṃ sattānaṃ sādhāraṇaniddeso’’ti.

    д̇амхи д̇амхийд̇и аяам̣ г̇ад̇иж̇аад̇ивасзна анзгзсам̣ нигааяаанам̣ саад̇хааран̣анид̣̇д̣̇зсо. сад̇д̇анигааязд̇и саад̇хааран̣анид̣̇д̣̇зсзна нид̣̇д̣̇идтасса саруубанид̣̇ассанам̣. ж̇араа ж̇ийран̣ад̇аад̇иаад̣̇ийсу бана ж̇араад̇и сабхааванид̣̇д̣̇зсо. ж̇ийран̣ад̇аад̇и аагааранид̣̇д̣̇зсо. кан̣д̣ижжанд̇иаад̣̇аяо гаалаад̇иггамз гижжанид̣̇д̣̇зсаа. бажчимаа д̣̇вз багад̇инид̣̇д̣̇зсаа. аяан̃хи ж̇араад̇и иминаа бад̣̇зна сабхаавад̇о д̣̇ийбид̇аа, д̇знассааяам̣ сабхааванид̣̇д̣̇зсо. ж̇ийран̣ад̇аад̇и иминаа аагаарад̇о. д̇знассааяам̣ аагааранид̣̇д̣̇зсо. кан̣д̣ижжанд̇и иминаа гаалаад̇иггамз д̣̇анд̇анакаанам̣ кан̣д̣ид̇абхаавагаран̣агижжад̇о. баалижжанд̇и иминаа гзсаломаанам̣ балид̇абхаавагаран̣агижжад̇о. валид̇д̇ажад̇аад̇и иминаа мам̣сам̣ милаабзд̇ваа д̇ажз валид̇д̇абхаавагаран̣агижжад̇о д̣̇ийбид̇аа. д̇знассаа имз кан̣д̣ижжанд̇иаад̣̇аяо д̇аяо гаалаад̇иггамз гижжанид̣̇д̣̇зсаа. д̇зхи имзсам̣ вигаараанам̣ д̣̇ассанавасзна баагадийбхууд̇аа баагадаж̇араа д̣̇ассид̇аа. яат̇зва хи уд̣̇агасса ваа аг̇г̇ино ваа ваад̇асса ваа д̇ин̣аругкаад̣̇ийнам̣ самбхаг̇г̇абалибхаг̇г̇ад̇ааяа ваа жхаамад̇ааяа ваа г̇ад̇амаг̇г̇о баагадо ход̇и, на жа со г̇ад̇амаг̇г̇о д̇аанзва уд̣̇агаад̣̇ийни, звамзва ж̇арааяа д̣̇анд̇аад̣̇ийсу кан̣д̣ижжаад̣̇ивасзна г̇ад̇амаг̇г̇о баагадо, жагкум̣ уммийлзд̇вааби г̇аяхад̇и. на жа кан̣д̣ижжаад̣̇ийнзва ж̇араа, на хи ж̇араа жагкувин̃н̃зяяаа ход̇и.

    Tamhi tamhīti ayaṃ gatijātivasena anekesaṃ nikāyānaṃ sādhāraṇaniddeso. Sattanikāyeti sādhāraṇaniddesena niddiṭṭhassa sarūpanidassanaṃ. Jarā jīraṇatātiādīsu pana jarāti sabhāvaniddeso. Jīraṇatāti ākāraniddeso. Khaṇḍiccantiādayo kālātikkame kiccaniddesā. Pacchimā dve pakatiniddesā. Ayañhi jarāti iminā padena sabhāvato dīpitā, tenassāyaṃ sabhāvaniddeso. Jīraṇatāti iminā ākārato. Tenassāyaṃ ākāraniddeso. Khaṇḍiccanti iminā kālātikkame dantanakhānaṃ khaṇḍitabhāvakaraṇakiccato. Pāliccanti iminā kesalomānaṃ palitabhāvakaraṇakiccato. Valittacatāti iminā maṃsaṃ milāpetvā tace valittabhāvakaraṇakiccato dīpitā. Tenassā ime khaṇḍiccantiādayo tayo kālātikkame kiccaniddesā. Tehi imesaṃ vikārānaṃ dassanavasena pākaṭībhūtā pākaṭajarā dassitā. Yatheva hi udakassa vā aggino vā vātassa vā tiṇarukkhādīnaṃ sambhaggapalibhaggatāya vā jhāmatāya vā gatamaggo pākaṭo hoti, na ca so gatamaggo tāneva udakādīni, evameva jarāya dantādīsu khaṇḍiccādivasena gatamaggo pākaṭo, cakkhuṃ ummīletvāpi gayhati. Na ca khaṇḍiccādīneva jarā, na hi jarā cakkhuviññeyyā hoti.

    ааяуно сам̣хаани инд̣̇рияаанам̣ барибаагод̇и имзхи бана бад̣̇зхи гаалаад̇иггамзязва абхиб̣яад̇д̇ад̇ааяа ааяугкаяажагкаад̣̇иинд̣̇рияабарибаагасан̃н̃ид̇ааяа багад̇ияаа д̣̇ийбид̇аа. д̇знассимз бажчимаа д̣̇вз багад̇инид̣̇д̣̇зсаад̇и взд̣̇ид̇аб̣б̣аа.

    Āyuno saṃhāni indriyānaṃ paripākoti imehi pana padehi kālātikkameyeva abhibyattatāya āyukkhayacakkhādiindriyaparipākasaññitāya pakatiyā dīpitā. Tenassime pacchimā dve pakatiniddesāti veditabbā.

    д̇ад̇т̇а яасмаа ж̇арам̣ бад̇д̇асса ааяу хааяад̇и, д̇асмаа ж̇араа ‘‘ааяуно сам̣хааний’’д̇и палуубажаарзна вуд̇д̇аа . яасмаа жа д̣̇ахарагаалз суббасаннаани сукумамби ад̇д̇ано висаяам̣ сукзнзва г̇ан̣ханасамад̇т̇аани жагкаад̣̇ийни инд̣̇рияаани ж̇арам̣ бад̇д̇асса барибаггаани аалул̣ид̇аани ависад̣̇аани ол̣ааригамби ад̇д̇ано висаяам̣ г̇ахзд̇ум̣ асамад̇т̇аани хонд̇и, д̇асмаа ‘‘инд̣̇рияаанам̣ барибааго’’д̇иби палуубажаарзнзва вуд̇д̇аа. саа банааяам̣ звам̣ нид̣̇д̣̇идтаа саб̣б̣ааби ж̇араа баагадаа бадижчаннаад̇и д̣̇увид̇хаа ход̇и.

    Tattha yasmā jaraṃ pattassa āyu hāyati, tasmā jarā ‘‘āyuno saṃhānī’’ti phalūpacārena vuttā . Yasmā ca daharakāle suppasannāni sukhumampi attano visayaṃ sukheneva gaṇhanasamatthāni cakkhādīni indriyāni jaraṃ pattassa paripakkāni āluḷitāni avisadāni oḷārikampi attano visayaṃ gahetuṃ asamatthāni honti, tasmā ‘‘indriyānaṃ paripāko’’tipi phalūpacāreneva vuttā. Sā panāyaṃ evaṃ niddiṭṭhā sabbāpi jarā pākaṭā paṭicchannāti duvidhā hoti.

    д̇ад̇т̇а д̣̇анд̇аад̣̇ийсу кан̣д̣абхааваад̣̇ид̣̇ассанад̇о руубад̇хаммзсу ж̇араа баагадаж̇араа наама. аруубад̇хаммзсу бана д̇аад̣̇исасса вигаарасса ад̣̇ассанад̇о бадижчаннаж̇араа наама. д̇ад̇т̇а явааяам̣ кан̣д̣аад̣̇ибхааво д̣̇иссад̇и, со д̇аад̣̇исаанам̣ д̣̇анд̇аад̣̇ийнам̣ сувин̃н̃зяяад̇д̇аа ван̣н̣оязва, д̇ам̣ жагкунаа д̣̇исваа манод̣̇ваарзна жинд̇зд̇ваа ‘‘имз д̣̇анд̇аа ж̇арааяа бахадаа’’д̇и ж̇арам̣ ж̇аанаад̇и уд̣̇агадтаанз б̣ад̣̇д̇хаани г̇осийсаад̣̇ийни ологзд̇ваа хздтаа уд̣̇агасса ад̇т̇ибхаавам̣ ж̇аананам̣ вияа. буна авийжи савийжийд̇и звамби д̣̇увид̇хаа ход̇и. д̇ад̇т̇а ман̣иганагараж̇ад̇абаваал̣асуурияаад̣̇ийнам̣ манд̣̇ад̣̇асагаад̣̇ийсу баан̣ийнам̣ вияа бубпапалабаллаваад̣̇ийсу жа абаан̣ийнам̣ вияа анд̇аранд̇араа ван̣н̣ависзсаад̣̇ийнам̣ д̣̇увин̃н̃зяяад̇д̇аа ж̇араа авийжиж̇араа наама, ниранд̇араж̇араад̇и ад̇т̇о. д̇ад̇о ан̃н̃зсу бана яат̇аавуд̇д̇зсу анд̇аранд̇араа ван̣н̣ависзсаад̣̇ийнам̣ сувин̃н̃зяяад̇д̇аа ж̇араа савийжиж̇араа наамаад̇и взд̣̇ид̇аб̣б̣аа.

    Tattha dantādīsu khaṇḍabhāvādidassanato rūpadhammesu jarā pākaṭajarā nāma. Arūpadhammesu pana tādisassa vikārassa adassanato paṭicchannajarā nāma. Tattha yvāyaṃ khaṇḍādibhāvo dissati, so tādisānaṃ dantādīnaṃ suviññeyyattā vaṇṇoyeva, taṃ cakkhunā disvā manodvārena cintetvā ‘‘ime dantā jarāya pahaṭā’’ti jaraṃ jānāti udakaṭṭhāne baddhāni gosīsādīni oloketvā heṭṭhā udakassa atthibhāvaṃ jānanaṃ viya. Puna avīci savīcīti evampi duvidhā hoti. Tattha maṇikanakarajatapavāḷasūriyādīnaṃ mandadasakādīsu pāṇīnaṃ viya pupphaphalapallavādīsu ca apāṇīnaṃ viya antarantarā vaṇṇavisesādīnaṃ duviññeyyattā jarā avīcijarā nāma, nirantarajarāti attho. Tato aññesu pana yathāvuttesu antarantarā vaṇṇavisesādīnaṃ suviññeyyattā jarā savīcijarā nāmāti veditabbā.

    ид̇о барам̣, д̇зсам̣ д̇зсанд̇иаад̣̇и вуд̇д̇анаязнзва взд̣̇ид̇аб̣б̣ам̣. жуд̇и жаванад̇аад̇иаад̣̇ийсу бана жуд̇ийд̇и жаванагавасзна вужжад̇и, згажад̇убан̃жагканд̇хаанам̣ сааман̃н̃аважанамзд̇ам̣. жаванад̇аад̇и бхаававажанзна лагкан̣анид̣̇ассанам̣. бхзд̣̇од̇и жуд̇игканд̇хаанам̣ бхан̇г̇уббад̇д̇ибарид̣̇ийбанам̣. анд̇арад̇хаананд̇и гхадассзва бхиннасса бхиннаанам̣ жуд̇игканд̇хаанам̣ язна гзнажи барияааязна таанаабхаавабарид̣̇ийбанам̣. мажжу маран̣анд̇и мажжусан̇каад̇ам̣ маран̣ам̣. д̇зна самужчзд̣̇амаран̣аад̣̇ийни нисзд̇хзд̇и. гаало наама анд̇аго, д̇асса гирияаад̇и гаалагирияаа. зд̇зна логасаммуд̇ияаа маран̣ам̣ д̣̇ийбзд̇и.

    Ito paraṃ, tesaṃ tesantiādi vuttanayeneva veditabbaṃ. Cuti cavanatātiādīsu pana cutīti cavanakavasena vuccati, ekacatupañcakkhandhānaṃ sāmaññavacanametaṃ. Cavanatāti bhāvavacanena lakkhaṇanidassanaṃ. Bhedoti cutikkhandhānaṃ bhaṅguppattiparidīpanaṃ. Antaradhānanti ghaṭasseva bhinnassa bhinnānaṃ cutikkhandhānaṃ yena kenaci pariyāyena ṭhānābhāvaparidīpanaṃ. Maccu maraṇanti maccusaṅkhātaṃ maraṇaṃ. Tena samucchedamaraṇādīni nisedheti. Kālo nāma antako, tassa kiriyāti kālakiriyā. Etena lokasammutiyā maraṇaṃ dīpeti.

    ид̣̇аани барамад̇т̇зна д̣̇ийбзд̇ум̣, канд̇хаанам̣ бхзд̣̇од̇иаад̣̇имааха. барамад̇т̇зна хи канд̇хааязва бхиж̇ж̇анд̇и, на сад̇д̇о наама гожи марад̇и. канд̇хзсу бана бхиж̇ж̇амаанзсу сад̇д̇о марад̇и, бхиннзсу мад̇од̇и вохааро ход̇и.

    Idāni paramatthena dīpetuṃ, khandhānaṃ bhedotiādimāha. Paramatthena hi khandhāyeva bhijjanti, na satto nāma koci marati. Khandhesu pana bhijjamānesu satto marati, bhinnesu matoti vohāro hoti.

    зд̇т̇а жа жад̇увогааравасзна канд̇хаанам̣ бхзд̣̇о, згавогааравасзна гал̣зварасса нигкзбо. жад̇увогааравасзна ваа канд̇хаанам̣ бхзд̣̇о, сзсад̣̇ваяавасзна гал̣зварасса нигкзбо взд̣̇ид̇аб̣б̣о. гасмаа? бхавад̣̇ваязби руубагааяасан̇каад̇асса гал̣зварасса самбхавад̇о. ат̇а ваа яасмаа жа жаад̇умахаарааж̇игаад̣̇ийсу канд̇хаа бхиж̇ж̇анд̇зва, на гин̃жи нигкибанд̇и, д̇асмаа д̇зсам̣ васзна канд̇хаанам̣ бхзд̣̇о, мануссаад̣̇ийсу гал̣зварасса нигкзбо. зд̇т̇а жа гал̣зварасса нигкзбагааран̣ад̇о маран̣ам̣ гал̣зварасса нигкзбод̇и вуд̇д̇анд̇и звамад̇т̇о д̣̇адтаб̣б̣о.

    Ettha ca catuvokāravasena khandhānaṃ bhedo, ekavokāravasena kaḷevarassa nikkhepo. Catuvokāravasena vā khandhānaṃ bhedo, sesadvayavasena kaḷevarassa nikkhepo veditabbo. Kasmā? Bhavadvayepi rūpakāyasaṅkhātassa kaḷevarassa sambhavato. Atha vā yasmā ca cātumahārājikādīsu khandhā bhijjanteva, na kiñci nikkhipanti, tasmā tesaṃ vasena khandhānaṃ bhedo, manussādīsu kaḷevarassa nikkhepo. Ettha ca kaḷevarassa nikkhepakāraṇato maraṇaṃ kaḷevarassa nikkhepoti vuttanti evamattho daṭṭhabbo.

    ид̇и аяан̃жа ж̇араа ид̣̇ан̃жа маран̣ам̣. ид̣̇ам̣ вужжад̇аавусод̇и ид̣̇ам̣ убхаяамби згад̇о гад̇ваа ж̇араамаран̣анд̇и гат̇ийяад̇и. сзсам̣ вуд̇д̇анаяамзваад̇и.

    Iti ayañca jarā idañca maraṇaṃ. Idaṃ vuccatāvusoti idaṃ ubhayampi ekato katvā jarāmaraṇanti kathīyati. Sesaṃ vuttanayamevāti.

    ж̇араамаран̣аваараван̣н̣анаа нидтид̇аа.

    Jarāmaraṇavāravaṇṇanā niṭṭhitā.

    ж̇аад̇иваараван̣н̣анаа

    Jātivāravaṇṇanā

    93. ж̇аад̇иваарз ж̇аад̇и сан̃ж̇аад̇ийд̇иаад̣̇ийсу ж̇ааяанадтзна ж̇аад̇и, саа абарибун̣н̣ааяад̇анавасзна яуд̇д̇аа. сан̃ж̇ааяанадтзна сан̃ж̇аад̇и, саа барибун̣н̣ааяад̇анавасзна яуд̇д̇аа. оггаманадтзна огганд̇и, саа ан̣д̣аж̇аж̇алааб̣уж̇авасзна яуд̇д̇аа. д̇з хи ан̣д̣агосан̃жа вад̇т̇игосан̃жа оггаманд̇аа бависанд̇аа вияа бадисанд̇хим̣ г̇ан̣ханд̇и. абхиниб̣б̣ад̇д̇анадтзна абхиниб̣б̣ад̇д̇и, саа сам̣сзд̣̇аж̇аобабаад̇игавасзна яуд̇д̇аа, д̇з хи баагадааязва худ̇ваа ниб̣б̣ад̇д̇анд̇и. аяам̣ д̇аава вохаарад̣̇зсанаа.

    93. Jātivāre jāti sañjātītiādīsu jāyanaṭṭhena jāti, sā aparipuṇṇāyatanavasena yuttā. Sañjāyanaṭṭhena sañjāti, sā paripuṇṇāyatanavasena yuttā. Okkamanaṭṭhena okkanti, sā aṇḍajajalābujavasena yuttā. Te hi aṇḍakosañca vatthikosañca okkamantā pavisantā viya paṭisandhiṃ gaṇhanti. Abhinibbattanaṭṭhena abhinibbatti, sā saṃsedajaopapātikavasena yuttā, te hi pākaṭāyeva hutvā nibbattanti. Ayaṃ tāva vohāradesanā.

    ид̣̇аани барамад̇т̇ад̣̇зсанаа ход̇и. канд̇хааязва хи барамад̇т̇ад̇о баад̇убхаванд̇и, на сад̇д̇о. д̇ад̇т̇а жа канд̇хаананд̇и згавогаарабхавз згасса жад̇увогаарабхавз жад̇уннам̣ бан̃жавогаарабхавз бан̃жаннамби г̇ахан̣ам̣ взд̣̇ид̇аб̣б̣ам̣. баад̇убхаавод̇и уббад̇д̇и. ааяад̇анаананд̇и зд̇т̇а д̇ад̇ра д̇ад̇ра уббаж̇ж̇амаанааяад̇анавасзнзва сан̇г̇ахо взд̣̇ид̇аб̣б̣о. бадилаабход̇и санд̇ад̇ияам̣ баад̇убхаавоязва. баад̇убхаванд̇аанзва хи д̇аани бадилад̣̇д̇хаани наама хонд̇и. аяам̣ вужжад̇аавусо ж̇аад̇ийд̇и иминаа бад̣̇зна вохаарад̇о барамад̇т̇ад̇о жа д̣̇зсид̇ааяа ж̇аад̇ияаа ниг̇аманам̣ гарод̇ийд̇и. бхавасамуд̣̇аяаад̇и зд̇т̇а бана ж̇аад̇ияаа бажжаяабхууд̇о гаммабхаво взд̣̇ид̇аб̣б̣о. сзсам̣ вуд̇д̇анаяамзваад̇и.

    Idāni paramatthadesanā hoti. Khandhāyeva hi paramatthato pātubhavanti, na satto. Tattha ca khandhānanti ekavokārabhave ekassa catuvokārabhave catunnaṃ pañcavokārabhave pañcannampi gahaṇaṃ veditabbaṃ. Pātubhāvoti uppatti. Āyatanānanti ettha tatra tatra uppajjamānāyatanavaseneva saṅgaho veditabbo. Paṭilābhoti santatiyaṃ pātubhāvoyeva. Pātubhavantāneva hi tāni paṭiladdhāni nāma honti. Ayaṃ vuccatāvuso jātīti iminā padena vohārato paramatthato ca desitāya jātiyā nigamanaṃ karotīti. Bhavasamudayāti ettha pana jātiyā paccayabhūto kammabhavo veditabbo. Sesaṃ vuttanayamevāti.

    ж̇аад̇иваараван̣н̣анаа нидтид̇аа.

    Jātivāravaṇṇanā niṭṭhitā.

    бхававаараван̣н̣анаа

    Bhavavāravaṇṇanā

    94. бхававаарз гаамабхавод̇и гаммабхаво жа убабад̇д̇ибхаво жа. д̇ад̇т̇а гаммабхаво наама гаамабхавуубаг̇ам̣ гаммамзва. д̇ан̃хи убабад̇д̇ибхавасса гааран̣ад̇д̇аа ‘‘суко б̣уд̣̇д̇хаанамуббаад̣̇о (д̇ха. ба. 194) д̣̇угко баабасса ужжаяо’’д̇иаад̣̇ийни (д̇ха. ба. 117) вияа палавохаарзна бхавод̇и вуд̇д̇ам̣. убабад̇д̇ибхаво наама д̇зна гаммзна ниб̣б̣ад̇д̇ам̣ убаад̣̇иннаканд̇хабан̃жагам̣. д̇ан̃хи д̇ад̇т̇а бхавад̇ийд̇и гад̇ваа бхавод̇и вуд̇д̇ам̣. звам̣ саб̣б̣ат̇ааби ид̣̇ам̣ гамман̃жа убабад̇д̇и жа убхаяамбзд̇амид̇ха ‘‘гаамабхаво’’д̇и вуд̇д̇ам̣. зса наяо руубааруубабхавзсу. убаад̣̇аанасамуд̣̇аяаад̇и зд̇т̇а бана убаад̣̇аанам̣ гусалагаммабхавасса убаниссаяавасзнзва бажжаяо ход̇и. агусалагаммабхавасса убаниссаяавасзнаби сахаж̇аад̇аад̣̇ивасзнаби. убабад̇д̇ибхавасса бана саб̣б̣ассааби убаниссаяавасзнзва. сзсам̣ вуд̇д̇анаяамзваад̇и.

    94. Bhavavāre kāmabhavoti kammabhavo ca upapattibhavo ca. Tattha kammabhavo nāma kāmabhavūpagaṃ kammameva. Tañhi upapattibhavassa kāraṇattā ‘‘sukho buddhānamuppādo (dha. pa. 194) dukkho pāpassa uccayo’’tiādīni (dha. pa. 117) viya phalavohārena bhavoti vuttaṃ. Upapattibhavo nāma tena kammena nibbattaṃ upādinnakhandhapañcakaṃ. Tañhi tattha bhavatīti katvā bhavoti vuttaṃ. Evaṃ sabbathāpi idaṃ kammañca upapatti ca ubhayampetamidha ‘‘kāmabhavo’’ti vuttaṃ. Esa nayo rūpārūpabhavesu. Upādānasamudayāti ettha pana upādānaṃ kusalakammabhavassa upanissayavaseneva paccayo hoti. Akusalakammabhavassa upanissayavasenapi sahajātādivasenapi. Upapattibhavassa pana sabbassāpi upanissayavaseneva. Sesaṃ vuttanayamevāti.

    бхававаараван̣н̣анаа нидтид̇аа.

    Bhavavāravaṇṇanā niṭṭhitā.

    убаад̣̇аанаваараван̣н̣анаа

    Upādānavāravaṇṇanā

    95. убаад̣̇аанаваарз гаамубаад̣̇аананд̇иаад̣̇ийсу вад̇т̇угаамам̣ убаад̣̇ияад̇и зд̇зна, саяам̣ ваа д̇ам̣ убаад̣̇ияад̇ийд̇и гаамубаад̣̇аанам̣. гаамо жа со убаад̣̇аанан̃жаад̇и ваа гаамубаад̣̇аанам̣. убаад̣̇аананд̇и д̣̇ал̣хаг̇г̇ахан̣ам̣ вужжад̇и. д̣̇ал̣хад̇т̇о хи зд̇т̇а убасад̣̇д̣̇о, ‘‘убааяааса убагадтаа’’д̇иаад̣̇ийсу вияа бан̃жагаамаг̇ун̣игарааг̇ассзд̇ам̣ ад̇хиважанам̣. аяамзд̇т̇а сан̇кзбо. вид̇т̇аарад̇о банзд̇ам̣ ‘‘д̇ад̇т̇а гад̇амам̣ гаамубаад̣̇аанам̣, яо гаамзсу гаамажчанд̣̇о’’д̇и (д̇ха. са. 1220; вибха. 938) вуд̇д̇анаязна взд̣̇ид̇аб̣б̣ам̣.

    95. Upādānavāre kāmupādānantiādīsu vatthukāmaṃ upādiyati etena, sayaṃ vā taṃ upādiyatīti kāmupādānaṃ. Kāmo ca so upādānañcāti vā kāmupādānaṃ. Upādānanti daḷhaggahaṇaṃ vuccati. Daḷhattho hi ettha upasaddo, ‘‘upāyāsa upakaṭṭhā’’tiādīsu viya pañcakāmaguṇikarāgassetaṃ adhivacanaṃ. Ayamettha saṅkhepo. Vitthārato panetaṃ ‘‘tattha katamaṃ kāmupādānaṃ, yo kāmesu kāmacchando’’ti (dha. sa. 1220; vibha. 938) vuttanayena veditabbaṃ.

    д̇ат̇аа д̣̇идти жа саа убаад̣̇аанан̃жаад̇и д̣̇идтубаад̣̇аанам̣. ат̇а ваа д̣̇идтим̣ убаад̣̇ияад̇и, убаад̣̇ияанд̇и ваа зд̇зна д̣̇идтинд̇и д̣̇идтубаад̣̇аанам̣. убаад̣̇ияад̇и хи буримад̣̇идтим̣ уд̇д̇арад̣̇идти. убаад̣̇ияанд̇и жа д̇ааяа д̣̇идтим̣. яат̇ааха ‘‘сассад̇о ад̇д̇аа жа лого жа, ид̣̇амзва сажжам̣ могхаман̃н̃а’’нд̇иаад̣̇и (ма. ни. 3.27), сийлаб̣б̣ад̇убаад̣̇аанаад̇д̇аваад̣̇убаад̣̇аанаваж̇ж̇асса саб̣б̣ад̣̇идтиг̇ад̇ассзд̇ам̣ ад̇хиважанам̣. аяамзд̇т̇а сан̇кзбо. вид̇т̇аарад̇о банзд̇ам̣ ‘‘д̇ад̇т̇а гад̇амам̣ д̣̇идтубаад̣̇аанам̣ над̇т̇и д̣̇инна’’нд̇и (д̇ха. са. 1220; вибха. 938) вуд̇д̇анаязна взд̣̇ид̇аб̣б̣ам̣.

    Tathā diṭṭhi ca sā upādānañcāti diṭṭhupādānaṃ. Atha vā diṭṭhiṃ upādiyati, upādiyanti vā etena diṭṭhinti diṭṭhupādānaṃ. Upādiyati hi purimadiṭṭhiṃ uttaradiṭṭhi. Upādiyanti ca tāya diṭṭhiṃ. Yathāha ‘‘sassato attā ca loko ca, idameva saccaṃ moghamañña’’ntiādi (ma. ni. 3.27), sīlabbatupādānaattavādupādānavajjassa sabbadiṭṭhigatassetaṃ adhivacanaṃ. Ayamettha saṅkhepo. Vitthārato panetaṃ ‘‘tattha katamaṃ diṭṭhupādānaṃ natthi dinna’’nti (dha. sa. 1220; vibha. 938) vuttanayena veditabbaṃ.

    д̇ат̇аа сийлаб̣б̣ад̇ам̣ убаад̣̇ияанд̇и зд̇зна, саяам̣ ваа д̇ам̣ убаад̣̇ияад̇и, сийлаб̣б̣ад̇ан̃жа д̇ам̣ убаад̣̇аанан̃жаад̇и ваа сийлаб̣б̣ад̇убаад̣̇аанам̣. г̇осийлаг̇овад̇аад̣̇ийни хи звам̣ суд̣̇д̇хийд̇и абхинивзсад̇о саяамзва убаад̣̇аанаани аяамзд̇т̇а сан̇кзбо. вид̇т̇аарад̇о банзд̇ам̣ ‘‘д̇ад̇т̇а гад̇амам̣ сийлаб̣б̣ад̇убаад̣̇аанам̣, ид̇о б̣ахид̣̇д̇хаа саман̣аб̣раахман̣аанам̣ сийлзна суд̣̇д̇хий’’д̇и вуд̇д̇анаязна взд̣̇ид̇аб̣б̣ам̣.

    Tathā sīlabbataṃ upādiyanti etena, sayaṃ vā taṃ upādiyati, sīlabbatañca taṃ upādānañcāti vā sīlabbatupādānaṃ. Gosīlagovatādīni hi evaṃ suddhīti abhinivesato sayameva upādānāni ayamettha saṅkhepo. Vitthārato panetaṃ ‘‘tattha katamaṃ sīlabbatupādānaṃ, ito bahiddhā samaṇabrāhmaṇānaṃ sīlena suddhī’’ti vuttanayena veditabbaṃ.

    ид̣̇аани вад̣̇анд̇и зд̇знаад̇и ваад̣̇о. убаад̣̇ияанд̇и зд̇знаад̇и убаад̣̇аанам̣. гим̣ вад̣̇анд̇и, убаад̣̇ияанд̇и ваа? ад̇д̇аанам̣. ад̇д̇ано ваад̣̇убаад̣̇аанам̣ ад̇д̇аваад̣̇убаад̣̇аанам̣. ад̇д̇аваад̣̇амад̇д̇амзва ваа ад̇д̇аад̇и убаад̣̇ияад̇и зд̇знаад̇и ад̇д̇аваад̣̇убаад̣̇аанам̣, вийсад̇ивад̇т̇угааяа саггааяад̣̇идтияаа зд̇ам̣ ад̇хиважанам̣. аяамзд̇т̇а сан̇кзбо. вид̇т̇аарад̇о банзд̇ам̣ ‘‘д̇ад̇т̇а гад̇амам̣ ад̇д̇аваад̣̇убаад̣̇аанам̣, ид̇ха ассуд̇аваа бут̇уж̇ж̇ано арияаанам̣ ад̣̇ассаавий’’д̇и (д̇ха. са. 1223) вуд̇д̇анаязна взд̣̇ид̇аб̣б̣ам̣.

    Idāni vadanti etenāti vādo. Upādiyanti etenāti upādānaṃ. Kiṃ vadanti, upādiyanti vā? Attānaṃ. Attano vādupādānaṃ attavādupādānaṃ. Attavādamattameva vā attāti upādiyati etenāti attavādupādānaṃ, vīsativatthukāya sakkāyadiṭṭhiyā etaṃ adhivacanaṃ. Ayamettha saṅkhepo. Vitthārato panetaṃ ‘‘tattha katamaṃ attavādupādānaṃ, idha assutavā puthujjano ariyānaṃ adassāvī’’ti (dha. sa. 1223) vuttanayena veditabbaṃ.

    д̇ан̣хаасамуд̣̇аяаад̇и зд̇т̇а д̇ан̣хаа гаамубаад̣̇аанасса убаниссаяавасзна ананд̇арасамананд̇аранад̇т̇ивиг̇ад̇аасзванавасзна ваа бажжаяо. авасзсаанам̣ бана сахаж̇аад̇аад̣̇ивасзнааби. сзсам̣ вуд̇д̇анаяамзваад̇и.

    Taṇhāsamudayāti ettha taṇhā kāmupādānassa upanissayavasena anantarasamanantaranatthivigatāsevanavasena vā paccayo. Avasesānaṃ pana sahajātādivasenāpi. Sesaṃ vuttanayamevāti.

    убаад̣̇аанаваараван̣н̣анаа нидтид̇аа.

    Upādānavāravaṇṇanā niṭṭhitā.

    д̇ан̣хааваараван̣н̣анаа

    Taṇhāvāravaṇṇanā

    96. д̇ан̣хааваарз руубад̇ан̣хаа…бз… д̇хаммад̇ан̣хаад̇и звам̣ жагкуд̣̇ваараад̣̇ийсу ж̇аванавийт̇ияам̣ бавад̇д̇ааяа д̇ан̣хааяа ‘‘сздтибуд̇д̇о б̣раахман̣абуд̇д̇о’’д̇и звамаад̣̇ийсу бид̇ид̇о наамам̣ вияа бид̇исад̣̇исаарамман̣ад̇о наамам̣. зд̇т̇а жа руубаарамман̣аа д̇ан̣хаа, руубз д̇ан̣хаад̇и руубад̇ан̣хаа. саа гаамарааг̇абхаавзна руубам̣ ассаад̣̇знд̇ий бавад̇д̇амаанаа гаамад̇ан̣хаа. сассад̇ад̣̇идтисахаг̇ад̇арааг̇абхаавзна руубам̣ нижжам̣ д̇хувам̣ сассад̇анд̇и звам̣ ассаад̣̇знд̇ий бавад̇д̇амаанаа бхавад̇ан̣хаа. ужчзд̣̇ад̣̇идтисахаг̇ад̇арааг̇абхаавзна руубам̣ ужчиж̇ж̇ад̇и винассад̇и бзжжа на бхависсад̇ийд̇и звам̣ ассаад̣̇знд̇ий бавад̇д̇амаанаа вибхавад̇ан̣хаад̇и звам̣ д̇ивид̇хаа ход̇и. яат̇аа жа руубад̇ан̣хаа, д̇ат̇аа сад̣̇д̣̇ад̇ан̣хаад̣̇аяобийд̇и зд̇аани адтаараса д̇ан̣хаавижарид̇аани хонд̇и. д̇аани аж̇жхад̇д̇аруубаад̣̇ийсу адтаараса, б̣ахид̣̇д̇хааруубаад̣̇ийсу адтаарасаад̇и чад̇д̇им̣са. ид̇и ад̇ийд̇аани чад̇д̇им̣са, анааг̇ад̇аани чад̇д̇им̣са, бажжуббаннаани чад̇д̇им̣саад̇и адтасад̇ам̣. ‘‘аж̇жхад̇д̇игассубаад̣̇ааяа ‘асмий’д̇и ход̇и , ‘ид̇т̇асмий’д̇и ход̇ий’’д̇и (вибха. 973-974) ваа звамаад̣̇ийнаа аж̇жхад̇д̇игаруубаад̣̇иниссид̇аани адтаараса, ‘‘б̣аахирассубаад̣̇ааяа ‘иминаа асмий’д̇и ход̇и, ‘иминаа ид̇т̇асмий’д̇и ход̇ий’’д̇и ваа (вибха. 975) звамаад̣̇инаа б̣аахираруубаад̣̇иниссид̇аани адтаарасаад̇и чад̇д̇им̣са. ид̇и ад̇ийд̇аани чад̇д̇им̣са, анааг̇ад̇аани чад̇д̇им̣са, бажжуббаннаани чад̇д̇им̣саад̇и звамби адтасад̇ад̇ан̣хаавижарид̇аани хонд̇и. буна сан̇г̇ахз гарийяамаанз руубаад̣̇ийсу аарамман̣зсу чал̣зва д̇ан̣хаагааяаа д̇иссоязва гаамад̇ан̣хаад̣̇аяо хонд̇ийд̇и звам̣ –

    96. Taṇhāvāre rūpataṇhā…pe… dhammataṇhāti evaṃ cakkhudvārādīsu javanavīthiyaṃ pavattāya taṇhāya ‘‘seṭṭhiputto brāhmaṇaputto’’ti evamādīsu pitito nāmaṃ viya pitisadisārammaṇato nāmaṃ. Ettha ca rūpārammaṇā taṇhā, rūpe taṇhāti rūpataṇhā. Sā kāmarāgabhāvena rūpaṃ assādentī pavattamānā kāmataṇhā. Sassatadiṭṭhisahagatarāgabhāvena rūpaṃ niccaṃ dhuvaṃ sassatanti evaṃ assādentī pavattamānā bhavataṇhā. Ucchedadiṭṭhisahagatarāgabhāvena rūpaṃ ucchijjati vinassati pecca na bhavissatīti evaṃ assādentī pavattamānā vibhavataṇhāti evaṃ tividhā hoti. Yathā ca rūpataṇhā, tathā saddataṇhādayopīti etāni aṭṭhārasa taṇhāvicaritāni honti. Tāni ajjhattarūpādīsu aṭṭhārasa, bahiddhārūpādīsu aṭṭhārasāti chattiṃsa. Iti atītāni chattiṃsa, anāgatāni chattiṃsa, paccuppannāni chattiṃsāti aṭṭhasataṃ. ‘‘Ajjhattikassupādāya ‘asmī’ti hoti , ‘itthasmī’ti hotī’’ti (vibha. 973-974) vā evamādīnā ajjhattikarūpādinissitāni aṭṭhārasa, ‘‘bāhirassupādāya ‘iminā asmī’ti hoti, ‘iminā itthasmī’ti hotī’’ti vā (vibha. 975) evamādinā bāhirarūpādinissitāni aṭṭhārasāti chattiṃsa. Iti atītāni chattiṃsa, anāgatāni chattiṃsa, paccuppannāni chattiṃsāti evampi aṭṭhasatataṇhāvicaritāni honti. Puna saṅgahe karīyamāne rūpādīsu ārammaṇesu chaḷeva taṇhākāyā tissoyeva kāmataṇhādayo hontīti evaṃ –

    нид̣̇д̣̇зсад̇т̇зна нид̣̇д̣̇зса-вид̇т̇аараа вид̇т̇аарасса жа;

    Niddesatthena niddesa-vitthārā vitthārassa ca;

    буна сан̇г̇ахад̇о д̇ан̣хаа, вин̃н̃аад̇аб̣б̣аа вибхаавинаад̇и.

    Puna saṅgahato taṇhā, viññātabbā vibhāvināti.

    взд̣̇анаасамуд̣̇аяаад̇и зд̇т̇а бана взд̣̇анаад̇и вибаагавзд̣̇анаа ад̇хиббзд̇аа. саа гат̇ам̣ часу д̣̇ваарзсу д̇ан̣хааяа бажжаяо ход̇ийд̇и жз? ассаад̣̇анийяад̇о. сукааяа хи взд̣̇анааяа ассаад̣̇анзна сад̇д̇аа взд̣̇анам̣ мамааяанд̇аа взд̣̇анааяа д̇ан̣хам̣ уббаад̣̇зд̇ваа взд̣̇анаарааг̇арад̇д̇аа худ̇ваа жагкуд̣̇ваарз идтамзва руубам̣ бад̇т̇знд̇и, лад̣̇д̇хаа жа нам̣ ассаад̣̇знд̇и, аарамман̣ад̣̇ааяагаанан̃жа жид̇д̇агаараад̣̇ийнам̣ саггаарам̣ гаронд̇и. д̇ат̇аа сод̇ад̣̇ваараад̣̇ийсу идтз жа сад̣̇д̣̇аад̣̇аяо бад̇т̇знд̇и, лад̣̇д̇хаа жа нз ассаад̣̇знд̇и, аарамман̣ад̣̇ааяагаанан̃жа вийн̣ааваад̣̇ага-г̇анд̇хигасууд̣̇а-д̇анд̇авааяа-наанаавид̇хасиббасанд̣̇ассагаад̣̇ийнам̣ саггаарам̣ гаронд̇и. яат̇аа гим̣? яат̇аа буд̇д̇асинзхзна буд̇д̇ам̣ мамааяанд̇аа д̇хаад̇ияаа саггаарам̣ гаронд̇и, саббааяасаббикийраад̣̇ийниязва нам̣ бааязнд̇и жзва бхож̇знд̇и жа. сзсам̣ вуд̇д̇анаяамзва.

    Vedanāsamudayāti ettha pana vedanāti vipākavedanā adhippetā. Sā kathaṃ chasu dvāresu taṇhāya paccayo hotīti ce? Assādanīyato. Sukhāya hi vedanāya assādanena sattā vedanaṃ mamāyantā vedanāya taṇhaṃ uppādetvā vedanārāgarattā hutvā cakkhudvāre iṭṭhameva rūpaṃ patthenti, laddhā ca naṃ assādenti, ārammaṇadāyakānañca cittakārādīnaṃ sakkāraṃ karonti. Tathā sotadvārādīsu iṭṭhe ca saddādayo patthenti, laddhā ca ne assādenti, ārammaṇadāyakānañca vīṇāvādaka-gandhikasūda-tantavāya-nānāvidhasippasandassakādīnaṃ sakkāraṃ karonti. Yathā kiṃ? Yathā puttasinehena puttaṃ mamāyantā dhātiyā sakkāraṃ karonti, sappāyasappikhīrādīniyeva naṃ pāyenti ceva bhojenti ca. Sesaṃ vuttanayameva.

    д̇ан̣хааваараван̣н̣анаа нидтид̇аа.

    Taṇhāvāravaṇṇanā niṭṭhitā.

    взд̣̇анааваараван̣н̣анаа

    Vedanāvāravaṇṇanā

    97. взд̣̇анааваарз взд̣̇анаагааяаад̇и взд̣̇анаасамуухаа. жагкусампассаж̇аа взд̣̇анаа…бз… маносампассаж̇аа взд̣̇анаад̇и зд̇ам̣ ‘‘жагкусампассаж̇аа взд̣̇анаа ад̇т̇и гусалаа, ад̇т̇и агусалаа, ад̇т̇и аб̣яаагад̇аа’’д̇и (вибха. 34) звам̣ вибхан̇г̇з ааг̇ад̇ад̇д̇аа жагкуд̣̇ваараад̣̇ийсу бавад̇д̇аанам̣ гусалаагусалааб̣яаагад̇авзд̣̇анаанам̣ ‘‘саарибуд̇д̇о, манд̇аан̣ибуд̇д̇о’’д̇и звамаад̣̇ийсу маад̇ид̇о наамам̣ вияа маад̇исад̣̇исавад̇т̇уд̇о наамам̣. важанад̇т̇о банзд̇т̇а жагкусампассахзд̇у ж̇аад̇аа взд̣̇анаа жагкусампассаж̇аа взд̣̇анаад̇и. зса наяо саб̣б̣ад̇т̇а. аяам̣ д̇аавзд̇т̇а саб̣б̣асан̇г̇аахигагат̇аа . вибаагавасзна бана жагкуд̣̇ваарз д̣̇вз жагкувин̃н̃аан̣аани, д̣̇вз манод̇хаад̇уяо, д̇иссо мановин̃н̃аан̣ад̇хаад̇уяод̇и зд̇аахи самбаяуд̇д̇авасзна взд̣̇анаа взд̣̇ид̇аб̣б̣аа. зса наяо сод̇ад̣̇ваараад̣̇ийсу. манод̣̇ваарз мановин̃н̃аан̣ад̇хаад̇усамбаяуд̇д̇аава.

    97. Vedanāvāre vedanākāyāti vedanāsamūhā. Cakkhusamphassajā vedanā…pe… manosamphassajā vedanāti etaṃ ‘‘cakkhusamphassajā vedanā atthi kusalā, atthi akusalā, atthi abyākatā’’ti (vibha. 34) evaṃ vibhaṅge āgatattā cakkhudvārādīsu pavattānaṃ kusalākusalābyākatavedanānaṃ ‘‘sāriputto, mantāṇiputto’’ti evamādīsu mātito nāmaṃ viya mātisadisavatthuto nāmaṃ. Vacanattho panettha cakkhusamphassahetu jātā vedanā cakkhusamphassajā vedanāti. Esa nayo sabbattha. Ayaṃ tāvettha sabbasaṅgāhikakathā . Vipākavasena pana cakkhudvāre dve cakkhuviññāṇāni, dve manodhātuyo, tisso manoviññāṇadhātuyoti etāhi sampayuttavasena vedanā veditabbā. Esa nayo sotadvārādīsu. Manodvāre manoviññāṇadhātusampayuttāva.

    пассасамуд̣̇аяаад̇и зд̇т̇а бана бан̃жад̣̇ваарз бан̃жавад̇т̇угавзд̣̇анаанам̣ сахаж̇аад̇ажагкусампассаад̣̇исамуд̣̇аяаа самуд̣̇аяо ход̇и. авасзсаанам̣ жагкусампассаад̣̇аяо убаниссаяаад̣̇ивасзна бажжаяаа. манод̣̇ваарз д̇ад̣̇аарамман̣авзд̣̇анаанам̣ ад̣̇вааригаанан̃жа бадисанд̇хибхаван̇г̇ажуд̇ивзд̣̇анаанам̣ сахаж̇аад̇аманосампассасамуд̣̇аяаа самуд̣̇аяо ход̇ийд̇и взд̣̇ид̇аб̣б̣о. сзсам̣ вуд̇д̇анаяамзва.

    Phassasamudayāti ettha pana pañcadvāre pañcavatthukavedanānaṃ sahajātacakkhusamphassādisamudayā samudayo hoti. Avasesānaṃ cakkhusamphassādayo upanissayādivasena paccayā. Manodvāre tadārammaṇavedanānaṃ advārikānañca paṭisandhibhavaṅgacutivedanānaṃ sahajātamanosamphassasamudayā samudayo hotīti veditabbo. Sesaṃ vuttanayameva.

    взд̣̇анааваараван̣н̣анаа нидтид̇аа.

    Vedanāvāravaṇṇanā niṭṭhitā.

    пассаваараван̣н̣анаа

    Phassavāravaṇṇanā

    98. пассаваарз жагкусампассод̇и жагкумхи сампассо. зса наяо саб̣б̣ад̇т̇а. жагкусампассо…бз… гааяасампассод̇и зд̇д̇аавад̇аа жа гусалаагусалавибаагаа бан̃жавад̇т̇угаа д̣̇аса сампассаа вуд̇д̇аа хонд̇и. маносампассод̇и иминаа сзсаа б̣аавийсад̇и логияавибаагаманасамбаяуд̇д̇апассаа. сал̣ааяад̇анасамуд̣̇аяаад̇и чаннам̣ жагкаад̣̇ийнам̣ ааяад̇анаанам̣ самуд̣̇аязна имасса чаб̣б̣ид̇хассааби сампассасса самуд̣̇аяо ход̇ийд̇и взд̣̇ид̇аб̣б̣о. сзсам̣ вуд̇д̇анаяамзваад̇и.

    98. Phassavāre cakkhusamphassoti cakkhumhi samphasso. Esa nayo sabbattha. Cakkhusamphasso…pe… kāyasamphassoti ettāvatā ca kusalākusalavipākā pañcavatthukā dasa samphassā vuttā honti. Manosamphassoti iminā sesā bāvīsati lokiyavipākamanasampayuttaphassā. Saḷāyatanasamudayāti channaṃ cakkhādīnaṃ āyatanānaṃ samudayena imassa chabbidhassāpi samphassassa samudayo hotīti veditabbo. Sesaṃ vuttanayamevāti.

    пассаваараван̣н̣анаа нидтид̇аа.

    Phassavāravaṇṇanā niṭṭhitā.

    сал̣ааяад̇анаваараван̣н̣анаа

    Saḷāyatanavāravaṇṇanā

    99. сал̣ааяад̇анаваарз жагкааяад̇ананд̇иаад̣̇ийсу яам̣ вад̇д̇аб̣б̣ам̣, д̇ам̣ саб̣б̣ам̣ висуд̣̇д̇химаг̇г̇з канд̇ханид̣̇д̣̇зсз жзва ааяад̇ананид̣̇д̣̇зсз жа вуд̇д̇анаяамзва. наамаруубасамуд̣̇аяаад̇и зд̇т̇а бана яам̣ наамам̣ яан̃жа руубам̣, яан̃жа наамаруубам̣ яасса ааяад̇анасса бажжаяо ход̇и, д̇асса васзна висуд̣̇д̇химаг̇г̇з бадижжасамуббаад̣̇анид̣̇д̣̇зсз вуд̇д̇анаязна наамаруубасамуд̣̇аяаа сал̣ааяад̇анасамуд̣̇аяо взд̣̇ид̇аб̣б̣о. сзсам̣ вуд̇д̇аббагаарамзваад̇и.

    99. Saḷāyatanavāre cakkhāyatanantiādīsu yaṃ vattabbaṃ, taṃ sabbaṃ visuddhimagge khandhaniddese ceva āyatananiddese ca vuttanayameva. Nāmarūpasamudayāti ettha pana yaṃ nāmaṃ yañca rūpaṃ, yañca nāmarūpaṃ yassa āyatanassa paccayo hoti, tassa vasena visuddhimagge paṭiccasamuppādaniddese vuttanayena nāmarūpasamudayā saḷāyatanasamudayo veditabbo. Sesaṃ vuttappakāramevāti.

    сал̣ааяад̇анаваараван̣н̣анаа нидтид̇аа.

    Saḷāyatanavāravaṇṇanā niṭṭhitā.

    наамаруубаваараван̣н̣анаа

    Nāmarūpavāravaṇṇanā

    100. наамаруубаваарз наманалагкан̣ам̣ наамам̣. руббаналагкан̣ам̣ руубам̣. вид̇т̇аараваарз банасса взд̣̇анаад̇и взд̣̇анаагканд̇хо. сан̃н̃аад̇и сан̃н̃аагканд̇хо. жзд̇анаа пассо манасигаарод̇и сан̇каарагканд̇хо взд̣̇ид̇аб̣б̣о. гааман̃жа ан̃н̃зби сан̇каарагканд̇хасан̇г̇ахид̇аа д̇хаммаа санд̇и, имз бана д̇аяо саб̣б̣ад̣̇уб̣б̣алзсуби жид̇д̇зсу санд̇и. д̇асмаа зд̇зсам̣язва васзнзд̇т̇а сан̇каарагканд̇хоби д̣̇ассид̇о. жад̇д̇аари жа махаабхууд̇аанийд̇и зд̇т̇а жад̇д̇аарийд̇и г̇ан̣анабарижчзд̣̇о. махаабхууд̇аанийд̇и бат̇авийаабад̇зж̇авааяаанамзд̇ам̣ ад̇хиважанам̣. язна бана гааран̣зна д̇аани махаабхууд̇аанийд̇и вужжанд̇и, яо жзд̇т̇а ан̃н̃о винижчаяанаяо, со саб̣б̣о висуд̣̇д̇химаг̇г̇з руубагканд̇ханид̣̇д̣̇зсз вуд̇д̇о.

    100. Nāmarūpavāre namanalakkhaṇaṃ nāmaṃ. Ruppanalakkhaṇaṃ rūpaṃ. Vitthāravāre panassa vedanāti vedanākkhandho. Saññāti saññākkhandho. Cetanā phasso manasikāroti saṅkhārakkhandho veditabbo. Kāmañca aññepi saṅkhārakkhandhasaṅgahitā dhammā santi, ime pana tayo sabbadubbalesupi cittesu santi. Tasmā etesaṃyeva vasenettha saṅkhārakkhandhopi dassito. Cattāri ca mahābhūtānīti ettha cattārīti gaṇanaparicchedo. Mahābhūtānīti pathavīāpatejavāyānametaṃ adhivacanaṃ. Yena pana kāraṇena tāni mahābhūtānīti vuccanti, yo cettha añño vinicchayanayo, so sabbo visuddhimagge rūpakkhandhaniddese vutto.

    жад̇уннан̃жа махаабхууд̇аанам̣ убаад̣̇ааяаад̇и зд̇т̇а бана жад̇уннанд̇и убаяог̇ад̇т̇з саамиважанам̣, жад̇д̇аари жа махаабхууд̇аанийд̇и вуд̇д̇ам̣ ход̇и. убаад̣̇ааяаад̇и убаад̣̇ияид̇ваа, г̇ахзд̇ваад̇и ад̇т̇о. ниссааяаад̇иби згз. вад̇д̇амаананд̇и аяан̃жзд̇т̇а баатасзсо. самуухад̇т̇з ваа зд̇ам̣ саамиважанам̣. д̇зна жад̇уннан̃жа махаабхууд̇аанам̣ самуухам̣ убаад̣̇ааяа бавад̇д̇амаанам̣ руубанд̇и аяамад̇т̇о взд̣̇ид̇аб̣б̣о. звам̣ саб̣б̣ад̇т̇ааби яаани жад̇д̇аари бат̇авийаад̣̇ийни махаабхууд̇аани, яан̃жа жад̇уннам̣ махаабхууд̇аанам̣ убаад̣̇ааяа вад̇д̇амаанам̣ жагкааяад̇анаад̣̇ибхзд̣̇зна абхид̇хаммабаал̣ияамзва вуд̇д̇ам̣ д̇звийсад̇ивид̇хам̣ руубам̣, д̇ам̣ саб̣б̣амби ‘‘рууба’’нд̇и взд̣̇ид̇аб̣б̣ам̣. вин̃н̃аан̣асамуд̣̇аяаад̇и зд̇т̇а бана яам̣ вин̃н̃аан̣ам̣ яасса наамасса яасса жа руубасса яасса жа наамаруубасса бажжаяо ход̇и, д̇асса васзна висуд̣̇д̇химаг̇г̇з бадижжасамуббаад̣̇анид̣̇д̣̇зсз вуд̇д̇анаязнзва вин̃н̃аан̣асамуд̣̇аяаа наамаруубасамуд̣̇аяо взд̣̇ид̇аб̣б̣о. сзсам̣ вуд̇д̇анаяамзваад̇и.

    Catunnañca mahābhūtānaṃ upādāyāti ettha pana catunnanti upayogatthe sāmivacanaṃ, cattāri ca mahābhūtānīti vuttaṃ hoti. Upādāyāti upādiyitvā, gahetvāti attho. Nissāyātipi eke. Vattamānanti ayañcettha pāṭhaseso. Samūhatthe vā etaṃ sāmivacanaṃ. Tena catunnañca mahābhūtānaṃ samūhaṃ upādāya pavattamānaṃ rūpanti ayamattho veditabbo. Evaṃ sabbatthāpi yāni cattāri pathavīādīni mahābhūtāni, yañca catunnaṃ mahābhūtānaṃ upādāya vattamānaṃ cakkhāyatanādibhedena abhidhammapāḷiyameva vuttaṃ tevīsatividhaṃ rūpaṃ, taṃ sabbampi ‘‘rūpa’’nti veditabbaṃ. Viññāṇasamudayāti ettha pana yaṃ viññāṇaṃ yassa nāmassa yassa ca rūpassa yassa ca nāmarūpassa paccayo hoti, tassa vasena visuddhimagge paṭiccasamuppādaniddese vuttanayeneva viññāṇasamudayā nāmarūpasamudayo veditabbo. Sesaṃ vuttanayamevāti.

    наамаруубаваараван̣н̣анаа нидтид̇аа.

    Nāmarūpavāravaṇṇanā niṭṭhitā.

    вин̃н̃аан̣аваараван̣н̣анаа

    Viññāṇavāravaṇṇanā

    101. вин̃н̃аан̣аваарз жагкувин̃н̃аан̣анд̇и жагкумхи вин̃н̃аан̣ам̣, жагкуд̇о ваа ж̇аад̇ам̣ вин̃н̃аан̣анд̇и жагкувин̃н̃аан̣ам̣. звам̣ сод̇агхаанаж̇ивхаагааяавин̃н̃аан̣аани. ид̇арам̣ бана маноязва вин̃н̃аан̣анд̇и мановин̃н̃аан̣ам̣. д̣̇вибан̃жавин̃н̃аан̣аваж̇ж̇асса д̇збхуумагавибаагажид̇д̇ассзд̇ам̣ ад̇хиважанам̣. сан̇каарасамуд̣̇аяаад̇и зд̇т̇а бана яо сан̇кааро яасса вин̃н̃аан̣асса бажжаяо ход̇и, д̇асса васзна сан̇каарасамуд̣̇аяаа вин̃н̃аан̣асамуд̣̇аяо взд̣̇ид̇аб̣б̣о. сзсам̣ вуд̇д̇анаяамзваад̇и.

    101. Viññāṇavāre cakkhuviññāṇanti cakkhumhi viññāṇaṃ, cakkhuto vā jātaṃ viññāṇanti cakkhuviññāṇaṃ. Evaṃ sotaghānajivhākāyaviññāṇāni. Itaraṃ pana manoyeva viññāṇanti manoviññāṇaṃ. Dvipañcaviññāṇavajjassa tebhūmakavipākacittassetaṃ adhivacanaṃ. Saṅkhārasamudayāti ettha pana yo saṅkhāro yassa viññāṇassa paccayo hoti, tassa vasena saṅkhārasamudayā viññāṇasamudayo veditabbo. Sesaṃ vuttanayamevāti.

    вин̃н̃аан̣аваараван̣н̣анаа нидтид̇аа.

    Viññāṇavāravaṇṇanā niṭṭhitā.

    сан̇каараваараван̣н̣анаа

    Saṅkhāravāravaṇṇanā

    102. сан̇каараваарз абхисан̇каран̣алагкан̣о сан̇кааро. вид̇т̇аараваарз банасса гааяасан̇каарод̇и гааяад̇о бавад̇д̇асан̇кааро, гааяад̣̇ваарз жобанавасзна бавад̇д̇аанам̣ гаамааважарагусалад̇о адтаннам̣, агусалад̇о д̣̇ваад̣̇асаннанд̇и вийсад̇ияаа гааяасан̃жзд̇анаанамзд̇ам̣ ад̇хиважанам̣. важийсан̇каарод̇и важид̇о бавад̇д̇асан̇кааро, важийд̣̇ваарз важанабхзд̣̇авасзна бавад̇д̇аанам̣ вийсад̇ияаа зва важийсан̃жзд̇анаанамзд̇ам̣ ад̇хиважанам̣. жид̇д̇асан̇каарод̇и жид̇д̇ад̇о бавад̇д̇асан̇кааро, гааяаважийд̣̇ваарз жобанам̣ агад̇ваа рахо нисийд̣̇ид̇ваа жинд̇аяанд̇асса бавад̇д̇аанам̣ логияагусалаагусалавасзна згуунад̇им̣саманосан̃жзд̇анаанамзд̇ам̣ ад̇хиважанам̣. авиж̇ж̇аасамуд̣̇аяаад̇и зд̇т̇а бана гусалаанам̣ убаниссаяавасзна агусалаанам̣ сахаж̇аад̇аад̣̇ивасзнааби авиж̇ж̇аабажжаяо ход̇ийд̇и взд̣̇ид̇аб̣б̣аа. сзсам̣ вуд̇д̇анаяамзваад̇и.

    102. Saṅkhāravāre abhisaṅkharaṇalakkhaṇo saṅkhāro. Vitthāravāre panassa kāyasaṅkhāroti kāyato pavattasaṅkhāro, kāyadvāre copanavasena pavattānaṃ kāmāvacarakusalato aṭṭhannaṃ, akusalato dvādasannanti vīsatiyā kāyasañcetanānametaṃ adhivacanaṃ. Vacīsaṅkhāroti vacito pavattasaṅkhāro, vacīdvāre vacanabhedavasena pavattānaṃ vīsatiyā eva vacīsañcetanānametaṃ adhivacanaṃ. Cittasaṅkhāroti cittato pavattasaṅkhāro, kāyavacīdvāre copanaṃ akatvā raho nisīditvā cintayantassa pavattānaṃ lokiyakusalākusalavasena ekūnatiṃsamanosañcetanānametaṃ adhivacanaṃ. Avijjāsamudayāti ettha pana kusalānaṃ upanissayavasena akusalānaṃ sahajātādivasenāpi avijjāpaccayo hotīti veditabbā. Sesaṃ vuttanayamevāti.

    сан̇каараваараван̣н̣анаа нидтид̇аа.

    Saṅkhāravāravaṇṇanā niṭṭhitā.

    авиж̇ж̇ааваараван̣н̣анаа

    Avijjāvāravaṇṇanā

    103. авиж̇ж̇ааваарз д̣̇угкз ан̃н̃аан̣анд̇и д̣̇угкасажжз ан̃н̃аан̣ам̣, мохассзд̇ам̣ ад̇хиважанам̣. зса наяо самуд̣̇аяз ан̃н̃аан̣анд̇иаад̣̇ийсу. д̇ад̇т̇а жад̇уухи гааран̣зхи д̣̇угкз ан̃н̃аан̣ам̣ взд̣̇ид̇аб̣б̣ам̣ анд̇ог̇ад̇хад̇о вад̇т̇уд̇о аарамман̣ад̇о бадижчаад̣̇анад̇о жа. д̇ат̇аа хи д̇ам̣ д̣̇угкасажжабарияаабаннад̇д̇аа д̣̇угкз анд̇ог̇ад̇хам̣, д̣̇угкасажжан̃жасса ниссаяабажжаяабхаавзна вад̇т̇у, аарамман̣абажжаяабхаавзна аарамман̣ам̣, д̣̇угкасажжан̃жа зд̇ам̣ бадижчаад̣̇зд̇и, д̇асса яаат̇аавалагкан̣аббадивзд̇ханивааран̣зна, н̃аан̣аббавад̇д̇ияаа жзд̇т̇а аббад̣̇аанзна.

    103. Avijjāvāre dukkhe aññāṇanti dukkhasacce aññāṇaṃ, mohassetaṃ adhivacanaṃ. Esa nayo samudaye aññāṇantiādīsu. Tattha catūhi kāraṇehi dukkhe aññāṇaṃ veditabbaṃ antogadhato vatthuto ārammaṇato paṭicchādanato ca. Tathā hi taṃ dukkhasaccapariyāpannattā dukkhe antogadhaṃ, dukkhasaccañcassa nissayapaccayabhāvena vatthu, ārammaṇapaccayabhāvena ārammaṇaṃ, dukkhasaccañca etaṃ paṭicchādeti, tassa yāthāvalakkhaṇappaṭivedhanivāraṇena, ñāṇappavattiyā cettha appadānena.

    самуд̣̇аяз ан̃н̃аан̣ам̣ д̇ийхи гааран̣зхи взд̣̇ид̇аб̣б̣ам̣ вад̇т̇уд̇о аарамман̣ад̇о бадижчаад̣̇анад̇о жа. нирод̇хз бадибад̣̇ааяан̃жа ан̃н̃аан̣ам̣ згзнзва гааран̣зна взд̣̇ид̇аб̣б̣ам̣ бадижчаад̣̇анад̇о. нирод̇хабадибад̣̇ааяа хи бадижчаад̣̇агамзва ан̃н̃аан̣ам̣ д̇зсам̣ яаат̇аавалагкан̣аббадивзд̇ханивааран̣зна, д̇зсу жа н̃аан̣аббавад̇д̇ияаа аббад̣̇аанзна. на бана д̇ад̇т̇а анд̇ог̇ад̇хам̣, д̇асмим̣ сажжад̣̇ваяз абарияаабаннад̇д̇аа. на д̇асса д̇ам̣ сажжад̣̇ваяам̣ вад̇т̇у, асахаж̇аад̇ад̇д̇аа. наарамман̣ам̣, д̇ад̣̇аараб̣бха аббавад̇д̇анад̇о. бажчиман̃хи сажжад̣̇ваяам̣ г̇амбхийрад̇д̇аа д̣̇уд̣̇д̣̇асам̣, на жзд̇т̇а анд̇хабхууд̇ам̣ ан̃н̃аан̣ам̣ бавад̇д̇ад̇и. буримам̣ бана ван̃жанияадтзна сабхаавалагкан̣асса д̣̇уд̣̇д̣̇асад̇д̇аа г̇амбхийрам̣, д̇ад̇т̇а вибаллаасаг̇г̇аахавасзна бавад̇д̇ад̇и.

    Samudaye aññāṇaṃ tīhi kāraṇehi veditabbaṃ vatthuto ārammaṇato paṭicchādanato ca. Nirodhe paṭipadāyañca aññāṇaṃ ekeneva kāraṇena veditabbaṃ paṭicchādanato. Nirodhapaṭipadāya hi paṭicchādakameva aññāṇaṃ tesaṃ yāthāvalakkhaṇappaṭivedhanivāraṇena, tesu ca ñāṇappavattiyā appadānena. Na pana tattha antogadhaṃ, tasmiṃ saccadvaye apariyāpannattā. Na tassa taṃ saccadvayaṃ vatthu, asahajātattā. Nārammaṇaṃ, tadārabbha appavattanato. Pacchimañhi saccadvayaṃ gambhīrattā duddasaṃ, na cettha andhabhūtaṃ aññāṇaṃ pavattati. Purimaṃ pana vañcaniyaṭṭhena sabhāvalakkhaṇassa duddasattā gambhīraṃ, tattha vipallāsaggāhavasena pavattati.

    абижа д̣̇угкзд̇и зд̇д̇аавад̇аа сан̇г̇ахад̇о вад̇т̇уд̇о аарамман̣ад̇о гижжад̇о жа авиж̇ж̇аа д̣̇ийбид̇аа. д̣̇угкасамуд̣̇аязд̇и зд̇д̇аавад̇аа вад̇т̇уд̇о аарамман̣ад̇о гижжад̇о жа. д̣̇угканирод̇хз д̣̇угканирод̇хаг̇ааминияаа бадибад̣̇ааяаад̇и зд̇д̇аавад̇аа гижжад̇о. ависзсад̇о бана ан̃н̃аан̣анд̇и зд̇зна сабхаавад̇о нид̣̇д̣̇идтаад̇и н̃аад̇аб̣б̣аа. аасавасамуд̣̇аяаад̇и зд̇т̇а бана гаамаасавабхаваасаваа сахаж̇аад̇аад̣̇ивасзна авиж̇ж̇ааяа бажжаяаа хонд̇и. авиж̇ж̇аасаво убаниссаяавасзнзва. буб̣б̣уббаннаа жзд̇т̇а авиж̇ж̇аа авиж̇ж̇аасавод̇и взд̣̇ид̇аб̣б̣аа. саа абараабаруббаннааяа авиж̇ж̇ааяа убаниссаяабажжаяо ход̇и. сзсам̣ вуд̇д̇анаяамзваад̇и.

    Apica dukkheti ettāvatā saṅgahato vatthuto ārammaṇato kiccato ca avijjā dīpitā. Dukkhasamudayeti ettāvatā vatthuto ārammaṇato kiccato ca. Dukkhanirodhe dukkhanirodhagāminiyā paṭipadāyāti ettāvatā kiccato. Avisesato pana aññāṇanti etena sabhāvato niddiṭṭhāti ñātabbā. Āsavasamudayāti ettha pana kāmāsavabhavāsavā sahajātādivasena avijjāya paccayā honti. Avijjāsavo upanissayavaseneva. Pubbuppannā cettha avijjā avijjāsavoti veditabbā. Sā aparāparuppannāya avijjāya upanissayapaccayo hoti. Sesaṃ vuttanayamevāti.

    авиж̇ж̇ааваараван̣н̣анаа нидтид̇аа.

    Avijjāvāravaṇṇanā niṭṭhitā.

    аасававаараван̣н̣анаа

    Āsavavāravaṇṇanā

    104. аасававаарз авиж̇ж̇аасамуд̣̇аяаад̇и зд̇т̇а авиж̇ж̇аа гаамаасавабхаваасаваанам̣ сахаж̇аад̇аад̣̇ивасзна бажжаяо ход̇и. авиж̇ж̇аасавасса убаниссаяавасзнзва. абараабаруббаннаа жзд̇т̇а авиж̇ж̇аа авиж̇ж̇аасавод̇и взд̣̇ид̇аб̣б̣аа. буб̣б̣уббаннаа авиж̇ж̇ааязвасса абараабаруббаннасса авиж̇ж̇аасавасса убаниссаяабажжаяо ход̇и. сзсам̣ вуд̇д̇анаяамзваад̇и. аяам̣ вааро яаа зсаа бадижжасамуббаад̣̇абад̣̇зсу ж̇здтигаа авиж̇ж̇аа, д̇ассааби бажжаяад̣̇ассанавасзна вуд̇д̇о. звам̣ вуд̇д̇зна ваарзна сам̣саарасса анамад̇аг̇г̇ад̇аа саад̇хид̇аа ход̇и. гат̇ам̣? аасавасамуд̣̇аязна хи авиж̇ж̇аасамуд̣̇аяо. авиж̇ж̇аасамуд̣̇аязнааби аасавасамуд̣̇аяо. звам̣ аасаваа авиж̇ж̇ааяа авиж̇ж̇ааби аасаваанам̣ бажжаяод̇и гад̇ваа буб̣б̣агоди на бан̃н̃ааяад̇и авиж̇ж̇ааяа, д̇ассаа абан̃н̃ааяанад̇о сам̣саарасса анамад̇аг̇г̇ад̇аа сид̣̇д̇хаа ход̇ийд̇и.

    104. Āsavavāre avijjāsamudayāti ettha avijjā kāmāsavabhavāsavānaṃ sahajātādivasena paccayo hoti. Avijjāsavassa upanissayavaseneva. Aparāparuppannā cettha avijjā avijjāsavoti veditabbā. Pubbuppannā avijjāyevassa aparāparuppannassa avijjāsavassa upanissayapaccayo hoti. Sesaṃ vuttanayamevāti. Ayaṃ vāro yā esā paṭiccasamuppādapadesu jeṭṭhikā avijjā, tassāpi paccayadassanavasena vutto. Evaṃ vuttena vārena saṃsārassa anamataggatā sādhitā hoti. Kathaṃ? Āsavasamudayena hi avijjāsamudayo. Avijjāsamudayenāpi āsavasamudayo. Evaṃ āsavā avijjāya avijjāpi āsavānaṃ paccayoti katvā pubbakoṭi na paññāyati avijjāya, tassā apaññāyanato saṃsārassa anamataggatā siddhā hotīti.

    звам̣ саб̣б̣збимз имасмим̣ суд̇д̇з гаммабат̇авааро аахааравааро д̣̇угкавааро ж̇араа-маран̣а-ж̇аад̇и-бхава-убаад̣̇аана-д̇ан̣хаа-взд̣̇анаа-пасса-сал̣ааяад̇ана-наамарууба- вин̃н̃аан̣а-сан̇каара-авиж̇ж̇аа-аасававаарод̇и сол̣асаваараа вуд̇д̇аа.

    Evaṃ sabbepime imasmiṃ sutte kammapathavāro āhāravāro dukkhavāro jarā-maraṇa-jāti-bhava-upādāna-taṇhā-vedanā-phassa-saḷāyatana-nāmarūpa- viññāṇa-saṅkhāra-avijjā-āsavavāroti soḷasavārā vuttā.

    д̇зсу згзгасса ваарасса сан̇кзбавид̇т̇ааравасзна д̣̇вид̇хаа вибхад̇д̇аа д̣̇вад̇д̇им̣садтаанаани хонд̇и. ид̇и имасмим̣ суд̇д̇з имзсу д̣̇вад̇д̇им̣садтаанзсу жад̇д̇аари сажжаани гат̇ид̇аани. зд̇зсам̣язва вид̇т̇ааравасзна вуд̇д̇зсу сол̣асасу таанзсу арахад̇д̇ам̣ гат̇ид̇ам̣. т̇зрасса бана мад̇зна д̣̇вад̇д̇им̣сааяаби таанзсу жад̇д̇аари сажжаани жад̇д̇ааро жа маг̇г̇аа гат̇ид̇аад̇и. ид̇и сагалзби бан̃жамахаанигааяасан̇г̇ахид̇з б̣уд̣̇д̇хаважанз над̇т̇и д̇ам̣ суд̇д̇ам̣, яад̇т̇а д̣̇вад̇д̇им̣сагкад̇д̇ум̣ жад̇д̇аари сажжаани д̣̇вад̇д̇им̣сагкад̇д̇ун̃жа арахад̇д̇ам̣ багаасид̇ам̣ ан̃н̃ад̇ра имамхаа саммаад̣̇идтисуд̇д̇аад̇и.

    Tesu ekekassa vārassa saṅkhepavitthāravasena dvidhā vibhattā dvattiṃsaṭṭhānāni honti. Iti imasmiṃ sutte imesu dvattiṃsaṭṭhānesu cattāri saccāni kathitāni. Etesaṃyeva vitthāravasena vuttesu soḷasasu ṭhānesu arahattaṃ kathitaṃ. Therassa pana matena dvattiṃsāyapi ṭhānesu cattāri saccāni cattāro ca maggā kathitāti. Iti sakalepi pañcamahānikāyasaṅgahite buddhavacane natthi taṃ suttaṃ, yattha dvattiṃsakkhattuṃ cattāri saccāni dvattiṃsakkhattuñca arahattaṃ pakāsitaṃ aññatra imamhā sammādiṭṭhisuttāti.

    ид̣̇амавожааяасмаа саарибуд̇д̇од̇и ид̣̇ам̣ д̣̇вад̇д̇им̣сааяа жад̇усажжабарияааязхи д̣̇вад̇д̇им̣сааяа арахад̇д̇абарияааязхийд̇и жад̇усадтияаа гааран̣зхи алан̇гарид̇ваа саммаад̣̇идтисуд̇д̇ам̣ ааяасмаа саарибуд̇д̇о авожа, ад̇д̇аманаа д̇з бхигкуу ааяасмад̇о саарибуд̇д̇асса бхаасид̇ам̣ абхинанд̣̇унд̇и.

    Idamavocāyasmāsāriputtoti idaṃ dvattiṃsāya catusaccapariyāyehi dvattiṃsāya arahattapariyāyehīti catusaṭṭhiyā kāraṇehi alaṅkaritvā sammādiṭṭhisuttaṃ āyasmā sāriputto avoca, attamanā te bhikkhū āyasmato sāriputtassa bhāsitaṃ abhinandunti.

    аасававаараван̣н̣анаа нидтид̇аа.

    Āsavavāravaṇṇanā niṭṭhitā.

    бабан̃жасууд̣̇анияаа маж̇жхиманигааяадтагат̇ааяа

    Papañcasūdaniyā majjhimanikāyaṭṭhakathāya

    саммаад̣̇идтисуд̇д̇аван̣н̣анаа нидтид̇аа.

    Sammādiṭṭhisuttavaṇṇanā niṭṭhitā.




    Next: 10. сад̇ибадтаанасуд̇д̇аван̣н̣анаа • 10. Satipaṭṭhānasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. саммаад̣̇идтисуд̇д̇ам̣ • 9. Sammādiṭṭhisuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. саммаад̣̇идтисуд̇д̇аван̣н̣анаа • 9. Sammādiṭṭhisuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact