Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā)

    9. саммаад̣̇идтисуд̇д̇аван̣н̣анаа

    9. Sammādiṭṭhisuttavaṇṇanā

    89. гат̇зд̇угамяад̇аабужчаа зваад̇и авад̇хааран̣зна ид̇араа жад̇ассо бужчаа нивад̇д̇зд̇и ид̇араасам̣ асамбхавад̇о, д̇ад̇т̇а яат̇аабужчид̇асса ад̇т̇асса виссаж̇ж̇анад̇о жа ‘‘аяам̣ саммаад̣̇идтий’’д̇и яаат̇аавад̇о аж̇аананд̇ааби бут̇уж̇ж̇анаа б̣аахирагад̇аабасаад̣̇аяо ад̇д̇ано самаанасийлз тид̇ам̣ саммаад̣̇идтийд̇и вад̣̇анд̇и. ануссаваад̣̇ивасзнаабийд̇и ануссаваагаарабаривид̇аггад̣̇идтиниж̇жхаанагканд̇ивасзнаби. яат̇аасаман̇г̇ид̇аагаарасса ад̇т̇асса звамзд̇анд̇и ниж̇жхаанагкамаабанад̇о зганд̇ад̇о яаат̇ааваг̇г̇аахо ход̇ийд̇и ааха ‘‘ад̇д̇абажжагкзнабий’’д̇и, яаат̇аавад̇о лагкан̣асса бадивид̣̇д̇хад̇д̇аа ад̇д̇ано бажжагкабхаавзнаад̇и ад̇т̇о. б̣ахуннам̣ важанам̣ убаад̣̇ааяаад̇и иминаа саасанз логз жа нирул̣хад̇ааяа аяам̣ аамзд̣ид̇абаяог̇од̇и саасанасса нирул̣хад̇ааяа жа самбасаад̣̇ам̣ убаад̣̇ааяаби д̇ад̣̇убхаяиго аамзд̣ид̇абаяог̇о д̣̇адтаб̣б̣о. ад̇т̇анд̇и важанад̇т̇ам̣. лагкан̣анд̇и сабхаавам̣. убаад̣̇ааяаад̇и г̇ахзд̇ваа. собханааяаад̇и сунд̣̇арааяа. басад̇т̇ааяаад̇и басам̣сааяа. д̇зсу буримзна д̇хаммаанам̣ яат̇аасабхаавааваб̣од̇хасан̇каад̇ам̣ саммаад̣̇идтисабхаавам̣ д̣̇ассзд̇и. д̇зна хи саа саб̣б̣ад̇хаммз абхибхавид̇ваа собхад̇и. д̣̇уд̇иязна самбаяуд̇д̇ад̇хаммзсу барин̣ааяигабхаавам̣. д̇зна хи саа самбаяуд̇д̇ад̇хаммз н̃аан̣амаяз вияа д̇ам̣саман̇г̇инан̃жа буг̇г̇алам̣ н̃аан̣абин̣д̣ам̣ вияа гарод̇и, д̇асса ‘‘бан̣д̣ид̇о нибун̣о чзго вин̃н̃уу вибхаавий’’д̇иаад̣̇инаа д̣̇исаасу басам̣саа бад̇т̇арад̇и.

    89.Kathetukamyatāpucchāevāti avadhāraṇena itarā catasso pucchā nivatteti itarāsaṃ asambhavato, tattha yathāpucchitassa atthassa vissajjanato ca ‘‘ayaṃ sammādiṭṭhī’’ti yāthāvato ajānantāpi puthujjanā bāhirakatāpasādayo attano samānasīle ṭhitaṃ sammādiṭṭhīti vadanti. Anussavādivasenāpīti anussavākāraparivitakkadiṭṭhinijjhānakkhantivasenapi. Yathāsamaṅgitākārassa atthassa evametanti nijjhānakkhamāpanato ekantato yāthāvaggāho hotīti āha ‘‘attapaccakkhenapī’’ti, yāthāvato lakkhaṇassa paṭividdhattā attano paccakkhabhāvenāti attho. Bahunnaṃ vacanaṃ upādāyāti iminā sāsane loke ca niruḷhatāya ayaṃ āmeḍitapayogoti sāsanassa niruḷhatāya ca sampasādaṃ upādāyapi tadubhayiko āmeḍitapayogo daṭṭhabbo. Atthanti vacanatthaṃ. Lakkhaṇanti sabhāvaṃ. Upādāyāti gahetvā. Sobhanāyāti sundarāya. Pasatthāyāti pasaṃsāya. Tesu purimena dhammānaṃ yathāsabhāvāvabodhasaṅkhātaṃ sammādiṭṭhisabhāvaṃ dasseti. Tena hi sā sabbadhamme abhibhavitvā sobhati. Dutiyena sampayuttadhammesu pariṇāyikabhāvaṃ. Tena hi sā sampayuttadhamme ñāṇamaye viya taṃsamaṅginañca puggalaṃ ñāṇapiṇḍaṃ viya karoti, tassa ‘‘paṇḍito nipuṇo cheko viññū vibhāvī’’tiādinā disāsu pasaṃsā pattharati.

    гаммассагад̇аан̃аан̣анд̇и гаммам̣ саго зд̇ассаад̇и гаммассаго, д̇асса бхааво гаммассагад̇аа, д̇ад̇т̇а н̃аан̣ам̣ ‘‘ид̣̇ам̣ гаммам̣ сад̇д̇аанам̣ сагам̣, ид̣̇ам̣ но сага’’нд̇и звам̣ ж̇аананан̃аан̣ам̣. сажжаануломиган̃аан̣анд̇и арияасажжаанам̣ бадивзд̇хасса ануломад̇о сажжаануломигам̣ н̃аан̣ам̣, вибассанаан̃аан̣ам̣. но сажжаануломигааяаад̇и б̣аахираго сажжаануломигааяа саммаад̣̇идтияаа но саммаад̣̇идти саб̣б̣зна саб̣б̣ам̣ д̇асса абхаавад̇о. д̇ад̇т̇а гааран̣амааха ‘‘ад̇д̇ад̣̇идтибараамаасагад̇д̇аа’’д̇и. гаммасса гад̇аад̣̇идти бана б̣аахирагасса ад̇д̇ад̣̇идтим̣ ануруж̇жханд̇ий бавад̇д̇ад̇и ‘‘ад̇т̇и д̣̇инна’’нд̇иаад̣̇инаяаббавад̇д̇ид̇о. саасаниго д̣̇вийхибийд̇и саасаниго бут̇уж̇ж̇ано гаммассагад̇аан̃аан̣аад̣̇ийхи д̣̇вийхиби саммаад̣̇идти. огганд̇асаммад̇д̇анияаамад̇д̇аа ‘‘сзгко нияад̇ааяаа’’д̇и вуд̇д̇ам̣. асзгкааяа саммаад̣̇идтияаа саммаад̣̇идтийд̇и аанзд̇ваа самб̣анд̇хид̇аб̣б̣ам̣. д̇ийсуби буг̇г̇алзсу сзгко ид̇ха саммаад̣̇идтийд̇и ад̇хиббзд̇од̇и д̣̇ассзнд̇о ‘‘нияад̇ааяа нияяаанигааяаа’’д̇иаад̣̇имааха.

    Kammassakatāñāṇanti kammaṃ sako etassāti kammassako, tassa bhāvo kammassakatā, tattha ñāṇaṃ ‘‘idaṃ kammaṃ sattānaṃ sakaṃ, idaṃ no saka’’nti evaṃ jānanañāṇaṃ. Saccānulomikañāṇanti ariyasaccānaṃ paṭivedhassa anulomato saccānulomikaṃ ñāṇaṃ, vipassanāñāṇaṃ. No saccānulomikāyāti bāhirako saccānulomikāya sammādiṭṭhiyā no sammādiṭṭhi sabbena sabbaṃ tassa abhāvato. Tattha kāraṇamāha ‘‘attadiṭṭhiparāmāsakattā’’ti. Kammassa katādiṭṭhi pana bāhirakassa attadiṭṭhiṃ anurujjhantī pavattati ‘‘atthi dinna’’ntiādinayappavattito. Sāsaniko dvīhipīti sāsaniko puthujjano kammassakatāñāṇādīhi dvīhipi sammādiṭṭhi. Okkantasammattaniyāmattā ‘‘sekkho niyatāyā’’ti vuttaṃ. Asekkhāya sammādiṭṭhiyā sammādiṭṭhīti ānetvā sambandhitabbaṃ. Tīsupi puggalesu sekkho idha sammādiṭṭhīti adhippetoti dassento ‘‘niyatāya niyyānikāyā’’tiādimāha.

    ид̣̇аани яат̇аавуд̇д̇амад̇т̇ам̣ баал̣ияаа вибхаавзд̇ум̣ ‘‘д̇знзваахаа’’д̇иаад̣̇и вуд̇д̇ам̣. анд̇ад̣̇ваяанд̇и ‘‘сассад̇ам̣, ужчзд̣̇ам̣, гаамасукам̣, ад̇д̇агиламат̇а’’нд̇и зд̇ам̣ анд̇ад̣̇ваяам̣. лийнуд̣̇д̇хажжабад̇идтаанааяуухананд̇ад̣̇ваяасса анубаг̇аманам̣ ад̇т̇асид̣̇д̇хамзва. уж̇убхаавзнаад̇и уж̇усабхаавзна маг̇г̇зна, маж̇жхимааяа бадибад̇д̇ияаад̇и ад̇т̇о. д̇хаммз басаад̣̇аг̇г̇ахан̣зна сад̇т̇ари сан̇гхз жа басаад̣̇оби г̇ахид̇оязва ход̇ийд̇и ‘‘д̇хаммз’’ижжзва вуд̇д̇о д̇ад̣̇авинаабхаавад̇о. яасмаа зса нияад̇ааяа саммаад̣̇идтияаа саманнааг̇ад̇о саммаад̣̇идтийд̇и ад̇хиббзд̇о, д̇ан̃жа ваддад̇о нияяаанам̣ виваддаад̇хиг̇амзна ход̇ийд̇и ааха ‘‘ааг̇ад̇о имам̣ сад̣̇д̇хамма’’нд̇и. ниб̣б̣аанан̃хи санд̇о сад̣̇аа виж̇ж̇амаано д̇хаммод̇и гад̇ваа сад̣̇д̇хаммод̇и имам̣ палзхи асаад̇хааран̣зна барияааязна вад̇д̇аб̣б̣ад̇ам̣ лабхад̇и. д̇аяид̣̇амасса ааг̇амам̣ сажчигирияаабхисамаяо, со жа бахаанаабхисамаяаад̣̇ийхи сахзва ид̇ха иж̇жхад̇ийд̇и д̣̇ассзнд̇о ‘‘саб̣б̣ад̣̇идтиг̇аханааний’’д̇иаад̣̇имааха. д̇ад̇т̇а саб̣б̣ад̣̇идтиг̇аханаани виниб̣б̣зтзнд̇о саб̣б̣агилзсз баж̇аханд̇од̇и бад̣̇ад̣̇ваязна бана бахаанаабхисамаяамааха, ж̇аад̇исам̣саараа нигкаманд̇од̇и иминаа барин̃н̃аабхисамаяам̣. самад̇иггамад̇т̇о хи барин̃н̃ад̇т̇о. бадибад̇д̇им̣ баринидтабзнд̇од̇и иминаа бхааванаабхисамаяанд̇и д̣̇адтаб̣б̣ам̣.

    Idāni yathāvuttamatthaṃ pāḷiyā vibhāvetuṃ ‘‘tenevāhā’’tiādi vuttaṃ. Antadvayanti ‘‘sassataṃ, ucchedaṃ, kāmasukhaṃ, attakilamatha’’nti etaṃ antadvayaṃ. Līnuddhaccapatiṭṭhānāyūhanantadvayassa anupagamanaṃ atthasiddhameva. Ujubhāvenāti ujusabhāvena maggena, majjhimāya paṭipattiyāti attho. Dhamme pasādaggahaṇena satthari saṅghe ca pasādopi gahitoyeva hotīti ‘‘dhamme’’icceva vutto tadavinābhāvato. Yasmā esa niyatāya sammādiṭṭhiyā samannāgato sammādiṭṭhīti adhippeto, tañca vaṭṭato niyyānaṃ vivaṭṭādhigamena hotīti āha ‘‘āgato imaṃ saddhamma’’nti. Nibbānañhi santo sadā vijjamāno dhammoti katvā saddhammoti imaṃ phalehi asādhāraṇena pariyāyena vattabbataṃ labhati. Tayidamassa āgamaṃ sacchikiriyābhisamayo, so ca pahānābhisamayādīhi saheva idha ijjhatīti dassento ‘‘sabbadiṭṭhigahanānī’’tiādimāha. Tattha sabbadiṭṭhigahanāni vinibbeṭhento sabbakilese pajahantoti padadvayena pana pahānābhisamayamāha, jātisaṃsārā nikkhamantoti iminā pariññābhisamayaṃ. Samatikkamattho hi pariññattho. Paṭipattiṃ pariniṭṭhapentoti iminā bhāvanābhisamayanti daṭṭhabbaṃ.

    гаалабарижчзд̣̇аважананд̇и барижчиж̇ж̇ад̇ийд̇и барижчзд̣̇о, гаало зва барижчзд̣̇о гаалабарижчзд̣̇о, яо со агусалабаж̇аананаад̣̇инаа барижчинно маг̇г̇авудтаанагаало маг̇г̇агкан̣о, д̇асса важананд̇и ад̇т̇о. д̇знааха ‘‘яасмим̣ гаалз’’д̇и. агусалан̃жаад̇и жа-сад̣̇д̣̇о самужжаяад̇т̇о. д̇зна вагкамаанам̣ агусаламуулаад̣̇им̣ самужжинод̇и. д̣̇асаагусалагаммабат̇анд̇и гуд̇ояам̣ висзсо, яаавад̇аа анид̣̇д̇хаарид̇ависзсам̣ агусалам̣ г̇ахид̇анд̇и? на сааман̃н̃аж̇од̇анааяа висзсз авадтаанад̇о. гим̣ ваа имааяа яуд̇д̇ижинд̇ааяа, яасмаа батамаваарзна уд̣̇д̣̇зсавасзна д̣̇зсид̇асса ад̇т̇асса вид̇т̇аарад̣̇зсанаа д̣̇уд̇ияавааро. д̇знзвааха ‘‘гад̇амам̣ банаавусо’’д̇иаад̣̇и. яасмаа логуд̇д̇араа саммаад̣̇идти ид̇ха ад̇хиббзд̇аа, д̇асмаа нирод̇хаарамман̣ааяа баж̇аананааяа маг̇г̇абан̃н̃ааяа гижжавасзна саммохад̇о ‘‘ид̣̇ам̣ д̣̇угка’’нд̇и д̣̇асаагусалагаммабат̇ам̣ бадивиж̇жханд̇о ‘‘агусалам̣ баж̇аанаад̇ий’’д̇и вужжад̇ийд̇и ад̇т̇о. д̇ассаад̇и агусалагаммабат̇асан̇каад̇асса д̣̇угкасса. д̇знзва багаарзнаад̇и ‘‘нирод̇хаарамман̣ааяа баж̇аананааяа гижжавасзнаа’’д̇и вуд̇д̇аббагаарзна.

    Kālaparicchedavacananti paricchijjatīti paricchedo, kālo eva paricchedo kālaparicchedo, yo so akusalapajānanādinā paricchinno maggavuṭṭhānakālo maggakkhaṇo, tassa vacananti attho. Tenāha ‘‘yasmiṃ kāle’’ti. Akusalañcāti ca-saddo samuccayattho. Tena vakkhamānaṃ akusalamūlādiṃ samuccinoti. Dasākusalakammapathanti kutoyaṃ viseso, yāvatā aniddhāritavisesaṃ akusalaṃ gahitanti? Na sāmaññajotanāya visese avaṭṭhānato. Kiṃ vā imāya yutticintāya, yasmā paṭhamavārena uddesavasena desitassa atthassa vitthāradesanā dutiyavāro. Tenevāha ‘‘katamaṃ panāvuso’’tiādi. Yasmā lokuttarā sammādiṭṭhi idha adhippetā, tasmā nirodhārammaṇāya pajānanāya maggapaññāya kiccavasena sammohato ‘‘idaṃ dukkha’’nti dasaakusalakammapathaṃ paṭivijjhanto ‘‘akusalaṃ pajānātī’’ti vuccatīti attho. Tassāti akusalakammapathasaṅkhātassa dukkhassa. Teneva pakārenāti ‘‘nirodhārammaṇāya pajānanāya kiccavasenā’’ti vuttappakārena.

    гусаланд̇и зд̇т̇ааяам̣ важанад̇т̇о – гужчид̇з баабад̇хаммз салаяад̇и жалаяад̇и гамбзд̇ийд̇и гусалам̣, гужчид̇зна ваа аагаарзна саяанд̇ийд̇и гусаа, баабагаа д̇хаммаа. д̇з гусз лунаад̇и чинд̣̇ад̇ийд̇и гусалам̣. гужчид̇аанам̣ ваа саанад̇о д̇анугаран̣ад̇о н̃аан̣ам̣ гусам̣ наама, д̇зна лаад̇аб̣б̣ам̣ г̇ахзд̇аб̣б̣ам̣ бавад̇д̇зд̇аб̣б̣анд̇и гусалам̣. яат̇аа ваа гусо убхаяабхааг̇аг̇ад̇ам̣ хад̇т̇абад̣̇зсам̣ лунаад̇и, звамид̣̇ам̣ уббаннаануббаннавасзна убхаяабхааг̇аг̇ад̇ам̣ сам̣гилзсабагкам̣ лунаад̇и чинд̣̇ад̇и, д̇асмаа гусо вияа лунаад̇ийд̇и гусалам̣. гужчид̇аанам̣ ваа сааваж̇ж̇ад̇хаммаанам̣ саланад̇о сам̣варан̣ад̇о гусалам̣. гусалад̇хаммавасзна хи агусалаа манажчадтзсу д̣̇ваарзсу аббавад̇д̇ияаа сам̣вуд̇аа хонд̇и. гужчид̇з ваа баабад̇хаммз салаяад̇и г̇амзд̇и абанзд̇ийд̇и гусалам̣. гужчид̇аанам̣ ваа баан̣аад̇ибаад̇аад̣̇ийнам̣ саанад̇о нисаанад̇о д̇зж̇анад̇о гусаа, д̣̇осалобхаад̣̇аяо. саад̣̇ийнававасзна жзд̇анааяа д̇игкабхааваббад̇д̇ияаа баан̣аад̇ибаад̇аад̣̇ийнам̣ махаасааваж̇ж̇ад̇аа. д̇з гусз лунаад̇и чинд̣̇ад̇ийд̇и гусалам̣. гужчид̇аанам̣ ваа саанад̇о анд̇агаран̣ад̇о винаасанад̇о гусаани, бун̃н̃агирияавасзна бавад̇д̇аани сад̣̇д̇хаад̣̇ийни инд̣̇рияаани. д̇зхи лаад̇аб̣б̣ам̣ бавад̇д̇зд̇аб̣б̣анд̇и гусалам̣. ‘‘гу’’ид̇и ваа бхууми вужжад̇и, ад̇хидтаанабхаавзна д̇ам̣сад̣̇исасса ад̇д̇ано ниссаяабхууд̇асса руубааруубабаб̣анд̇хасса самбад̇и ааяад̇ин̃жа ануд̣̇ахзна винаасанад̇о гум̣ сасанд̇ийд̇и гусаа, рааг̇аад̣̇аяо. д̇з вияа ад̇д̇ано ниссаяасса лаванад̇о чинд̣̇анад̇о гусалам̣. баяог̇асамбаад̣̇ид̇аа хи гусалад̇хаммаа ажжанд̇амзва руубааруубад̇хаммз аббавад̇д̇игаран̣зна самужчинд̣̇анд̇и. гусаласса мууланд̇и гусаламуулам̣, суббад̇идтид̇абхаавасаад̇ханзна гусаласса бад̇идтаа нид̣̇аананд̇и ад̇т̇о. агусаламууланд̇и зд̇т̇ааби зсзва наяо.

    Kusalanti etthāyaṃ vacanattho – kucchite pāpadhamme salayati calayati kampetīti kusalaṃ, kucchitena vā ākārena sayantīti kusā, pāpakā dhammā. Te kuse lunāti chindatīti kusalaṃ. Kucchitānaṃ vā sānato tanukaraṇato ñāṇaṃ kusaṃ nāma, tena lātabbaṃ gahetabbaṃ pavattetabbanti kusalaṃ. Yathā vā kuso ubhayabhāgagataṃ hatthapadesaṃ lunāti, evamidaṃ uppannānuppannavasena ubhayabhāgagataṃ saṃkilesapakkhaṃ lunāti chindati, tasmā kuso viya lunātīti kusalaṃ. Kucchitānaṃ vā sāvajjadhammānaṃ salanato saṃvaraṇato kusalaṃ. Kusaladhammavasena hi akusalā manacchaṭṭhesu dvāresu appavattiyā saṃvutā honti. Kucchite vā pāpadhamme salayati gameti apanetīti kusalaṃ. Kucchitānaṃ vā pāṇātipātādīnaṃ sānato nisānato tejanato kusā, dosalobhādayo. Sādīnavavasena cetanāya tikkhabhāvappattiyā pāṇātipātādīnaṃ mahāsāvajjatā. Te kuse lunāti chindatīti kusalaṃ. Kucchitānaṃ vā sānato antakaraṇato vināsanato kusāni, puññakiriyavasena pavattāni saddhādīni indriyāni. Tehi lātabbaṃ pavattetabbanti kusalaṃ. ‘‘Ku’’iti vā bhūmi vuccati, adhiṭṭhānabhāvena taṃsadisassa attano nissayabhūtassa rūpārūpapabandhassa sampati āyatiñca anudahena vināsanato kuṃ sasantīti kusā, rāgādayo. Te viya attano nissayassa lavanato chindanato kusalaṃ. Payogasampāditā hi kusaladhammā accantameva rūpārūpadhamme appavattikaraṇena samucchindanti. Kusalassa mūlanti kusalamūlaṃ, suppatiṭṭhitabhāvasādhanena kusalassa patiṭṭhā nidānanti attho. Akusalamūlanti etthāpi eseva nayo.

    агусаланд̇и бана на гусалам̣ агусалам̣, гусалад̇хаммаанам̣ бадибагкавасзна агусаланд̇и бад̣̇асса ад̇т̇о взд̣̇ид̇аб̣б̣о. зван̃хи аарог̇яаанаваж̇ж̇асукавибаагагосалласамбхууд̇адтзна гусалам̣ вужжад̇ийд̇и. яат̇аа яам̣ д̇хаммаж̇аад̇ам̣ на арог̇ам̣ на аваж̇ж̇ам̣ на сукавибаагам̣ на жа госалласамбхууд̇ам̣, д̇ам̣ агусаланд̇и аяамад̇т̇о д̣̇ассид̇о ход̇и. звам̣ яам̣ на гужчид̇аанам̣ саланасабхаавам̣, на гусзна, гусзхи ваа бавад̇д̇зд̇аб̣б̣ам̣, на жа гусо вияа лаванагам̣, д̇ам̣ агусалам̣ наамаад̇и аяамби ад̇т̇о д̣̇ассид̇од̇и взд̣̇ид̇аб̣б̣о. вад̇т̇убаж̇аананаад̇и д̣̇угкаад̣̇ивад̇т̇уно баж̇аананаа бадивзд̇хо. д̇ат̇аа б̣уж̇жханагабуг̇г̇алаанам̣ аж̇жхаасаяавасзна д̣̇зсанаа бавад̇д̇аад̇и ааха ‘‘агусалаад̣̇ибаж̇аананзнаабий’’д̇и. д̇знзва жа сам̣кид̇д̇зна д̣̇зсанаа бавад̇д̇аа. бхааванааманасигааро бана ‘‘саб̣б̣ам̣ бхигкавз абхин̃н̃зяяа’’нд̇и (сам̣. ни. 4.46; бади. ма. 1.3) важанад̇о анавасзсад̇о руубааруубад̇хаммаанам̣ бариг̇г̇ахавасзнзва бавад̇д̇ад̇и. д̇знааха ‘‘д̣̇зсанааязваа’’д̇иаад̣̇и. д̇ад̇т̇а манасигаарабадивзд̇ход̇и буб̣б̣абхааг̇з бавад̇д̇авибассанааманасигааро арияамаг̇г̇абадивзд̇хо жа. гассажи агобанад̇о вид̇т̇ааравасзнзва вуд̇д̇ам̣ вибассанам̣ ануяун̃ж̇анд̇аа маг̇г̇ам̣ бадивиж̇жханд̇ааби вид̇т̇ааранаязнзва бадивиж̇жханд̇ийд̇и ад̇т̇о висуд̣̇д̇хиггамасса абхаавад̇о.

    Akusalanti pana na kusalaṃ akusalaṃ, kusaladhammānaṃ paṭipakkhavasena akusalanti padassa attho veditabbo. Evañhi ārogyānavajjasukhavipākakosallasambhūtaṭṭhena kusalaṃ vuccatīti. Yathā yaṃ dhammajātaṃ na arogaṃ na avajjaṃ na sukhavipākaṃ na ca kosallasambhūtaṃ, taṃ akusalanti ayamattho dassito hoti. Evaṃ yaṃ na kucchitānaṃ salanasabhāvaṃ, na kusena, kusehi vā pavattetabbaṃ, na ca kuso viya lavanakaṃ, taṃ akusalaṃ nāmāti ayampi attho dassitoti veditabbo. Vatthupajānanāti dukkhādivatthuno pajānanā paṭivedho. Tathā bujjhanakapuggalānaṃ ajjhāsayavasena desanā pavattāti āha ‘‘akusalādipajānanenāpī’’ti. Teneva ca saṃkhittena desanā pavattā. Bhāvanāmanasikāro pana ‘‘sabbaṃ bhikkhave abhiññeyya’’nti (saṃ. ni. 4.46; paṭi. ma. 1.3) vacanato anavasesato rūpārūpadhammānaṃ pariggahavaseneva pavattati. Tenāha ‘‘desanāyevā’’tiādi. Tattha manasikārapaṭivedhoti pubbabhāge pavattavipassanāmanasikāro ariyamaggapaṭivedho ca. Kassaci akopanato vitthāravaseneva vuttaṃ vipassanaṃ anuyuñjantā maggaṃ paṭivijjhantāpi vitthāranayeneva paṭivijjhantīti attho visuddhikkamassa abhāvato.

    бхигкууд̇и махаавихаарз д̇хаммасан̇г̇ийд̇ивасзна бан̃жанигааяаман̣д̣алз нисиннабхигкуу. т̇зрод̇и д̇ад̇т̇а сан̇гхад̇т̇зрод̇и вад̣̇анд̇и. вад̇т̇асуд̇д̇аван̣н̣анааяам̣ вуд̇д̇анаязна бана махаасан̇гхарагкид̇ад̇т̇зрасса анд̇зваасигабхигкуу санд̇хааяа ‘‘аахам̣суу’’д̇и вуд̇д̇ам̣. т̇зрод̇и бана махаасан̇гхарагкид̇ад̇т̇зро. со хи имасмим̣ маж̇жхиманигааяз д̇ам̣ д̇ам̣ винижчаяам̣ гат̇зси. раасид̇од̇и бин̣д̣ад̇о, згаж̇жханд̇и ад̇т̇о.

    Bhikkhūti mahāvihāre dhammasaṅgītivasena pañcanikāyamaṇḍale nisinnabhikkhū. Theroti tattha saṅghattheroti vadanti. Vatthasuttavaṇṇanāyaṃ vuttanayena pana mahāsaṅgharakkhitattherassa antevāsikabhikkhū sandhāya ‘‘āhaṃsū’’ti vuttaṃ. Theroti pana mahāsaṅgharakkhitatthero. So hi imasmiṃ majjhimanikāye taṃ taṃ vinicchayaṃ kathesi. Rāsitoti piṇḍato, ekajjhanti attho.

    агусалагаммабат̇аван̣н̣анаа

    Akusalakammapathavaṇṇanā

    агосаллаббавад̇д̇ияаад̇и госаллабадибагкад̇о агосаллам̣ вужжад̇и ан̃н̃аан̣ам̣, д̇ад̇о бавад̇д̇анад̇о, агосалласамбхууд̇ад̇д̇аад̇и ад̇т̇о. н̃аан̣абадибагко ан̃н̃аан̣ам̣ мид̇д̇абадибагко амид̇д̇о вияа гусалабадибагко агусалам̣ гусалзна бахаад̇аб̣б̣ад̇д̇аа, на бана гусалаанам̣ бахааяад̇ад̇д̇аа. гусаламзва хи баяог̇асамбаад̣̇ид̇ам̣ агусалам̣ баж̇ахад̇и. саха аваж̇ж̇зхи лобхаад̣̇ийхи вад̇д̇ад̇ийд̇и сааваж̇ж̇ам̣. д̣̇угко анидто жад̇угканд̇ха-сан̇каад̇о вибааго зд̇ассаад̇и д̣̇угкавибаагам̣. д̇ад̇т̇а сааваж̇ж̇аважанзна агусалаанам̣ бавад̇д̇ид̣̇угкад̇ам̣ д̣̇ассзд̇и, д̣̇угкавибаагаважанзна вибаагад̣̇угкад̇ам̣. буриман̃хи бавад̇д̇исамбхававасзна агусаласса лагкан̣аважанам̣, бажчимам̣ д̇ааланд̇арз вибаагуббаад̣̇анасамад̇т̇ад̇аавасзна. д̇ат̇аа буримзна агусаласса ависуд̣̇д̇хасабхаавад̇ам̣ д̣̇ассзд̇и, бажчимзна ависуд̣̇д̇хавибаагад̇ам̣. буримзна агусалам̣ гусаласабхаавад̇о нивад̇д̇зд̇и, бажчимзна аб̣яаагад̇асабхаавад̇о савибаагад̇д̇ад̣̇ийбагад̇д̇аа бажчимасса. буримзна ваа аваж̇ж̇аванд̇ад̇аад̣̇ассанад̇о гижжадтзна расзна анад̇т̇аж̇ананарасад̇ам̣ д̣̇ассзд̇и, бажчимзна самбад̇д̇иад̇т̇зна анидтавибаагарасад̇ам̣. буримзна жа убадтаанаагаарадтзна бажжубадтаанзна сам̣гилзсабажжубадтаанад̇ам̣, бажчимзна паладтзна д̣̇угкавибаагабажжубадтаанад̇ам̣. буримзна жа аяонисоманасигаарам̣ агусаласса бад̣̇адтаанам̣ багаасзд̇и. д̇ад̇о хи д̇ам̣ сааваж̇ж̇ам̣ ж̇аад̇ам̣, бажчимзна агусаласса ан̃н̃зсам̣ бад̣̇адтаанабхаавам̣ вибхаавзд̇и. д̇ан̃хи д̣̇угкавибаагасса гааран̣анд̇и. сам̣гилидтанд̇и сам̣гилзсзхи саманнааг̇ад̇ам̣, д̣̇асахи гилзсавад̇т̇уухи виб̣аад̇хид̇ам̣, убад̇аабид̇ам̣ ваа д̇зхи вид̣̇уусид̇ам̣ малийнагад̇ан̃жаад̇и ад̇т̇о. ид̣̇ан̃жасса д̣̇угкавибаагад̇ан̃жаад̇и ад̇т̇з ид̣̇ан̃жа д̣̇угкавибаагад̇ам̣ абажжагкад̇ааяа асад̣̇д̣̇аханд̇аанам̣ бажжагкад̇о аад̣̇ийнавад̣̇ассанзна сам̣взж̇анад̇т̇ам̣ вуд̇д̇ам̣. саад̇хааран̣аа саб̣б̣ассаби агусаласса.

    Akosallappavattiyāti kosallapaṭipakkhato akosallaṃ vuccati aññāṇaṃ, tato pavattanato, akosallasambhūtattāti attho. Ñāṇapaṭipakkho aññāṇaṃ mittapaṭipakkho amitto viya kusalapaṭipakkho akusalaṃ kusalena pahātabbattā, na pana kusalānaṃ pahāyatattā. Kusalameva hi payogasampāditaṃ akusalaṃ pajahati. Saha avajjehi lobhādīhi vattatīti sāvajjaṃ. Dukkho aniṭṭho catukkhandha-saṅkhāto vipāko etassāti dukkhavipākaṃ. Tattha sāvajjavacanena akusalānaṃ pavattidukkhataṃ dasseti, dukkhavipākavacanena vipākadukkhataṃ. Purimañhi pavattisambhavavasena akusalassa lakkhaṇavacanaṃ, pacchimaṃ tālantare vipākuppādanasamatthatāvasena. Tathā purimena akusalassa avisuddhasabhāvataṃ dasseti, pacchimena avisuddhavipākataṃ. Purimena akusalaṃ kusalasabhāvato nivatteti, pacchimena abyākatasabhāvato savipākattadīpakattā pacchimassa. Purimena vā avajjavantatādassanato kiccaṭṭhena rasena anatthajananarasataṃ dasseti, pacchimena sampattiatthena aniṭṭhavipākarasataṃ. Purimena ca upaṭṭhānākāraṭṭhena paccupaṭṭhānena saṃkilesapaccupaṭṭhānataṃ, pacchimena phalaṭṭhena dukkhavipākapaccupaṭṭhānataṃ. Purimena ca ayonisomanasikāraṃ akusalassa padaṭṭhānaṃ pakāseti. Tato hi taṃ sāvajjaṃ jātaṃ, pacchimena akusalassa aññesaṃ padaṭṭhānabhāvaṃ vibhāveti. Tañhi dukkhavipākassa kāraṇanti. Saṃkiliṭṭhanti saṃkilesehi samannāgataṃ, dasahi kilesavatthūhi vibādhitaṃ, upatāpitaṃ vā tehi vidūsitaṃ malīnakatañcāti attho. Idañcassa dukkhavipākatañcāti atthe idañca dukkhavipākataṃ apaccakkhatāya asaddahantānaṃ paccakkhato ādīnavadassanena saṃvejanatthaṃ vuttaṃ. Sādhāraṇā sabbassapi akusalassa.

    сарасзнзва (д̇ха. са. мууладий. 1) бад̇анасабхаавасса анд̇араа зва ад̇ийва баад̇анам̣ ад̇ибаад̇о, сан̣игам̣ бад̇ид̇ум̣ ад̣̇ад̇ваа сийгхам̣ баад̇ананд̇и ад̇т̇о. ад̇иггаммаваа сад̇т̇аад̣̇ийхи абхибхавид̇ваа баад̇анам̣ ад̇ибаад̇о. баяог̇авад̇т̇умаханд̇ад̇аад̣̇ийхи махаасааваж̇ж̇ад̇аа д̇зхи бажжаязхи уббаж̇ж̇амаанааяа жзд̇анааяа б̣алавабхаавад̇о. згасса хи баяог̇асса сахасаа нибпаад̣̇анавасзна сагижжасаад̇хигааяа б̣ахугкад̇д̇ум̣ бавад̇д̇аж̇аванзхи лад̣̇д̇хаасзванааяа жа саннидтаабагажзд̇анааяа васзна баяог̇асса маханд̇абхааво. сад̇иби гад̣̇аажи куд̣̇д̣̇агз жзва маханд̇з жа баан̣з баяог̇асса самабхаавз маханд̇ам̣ хананд̇асса жзд̇анаа д̇иб̣б̣аагаараа уббаж̇ж̇ад̇ийд̇и вад̇т̇усса маханд̇абхааво. ид̇и убхаяамбзд̇ам̣ жзд̇анааяа б̣алавабхаавзнзва ход̇ийд̇и. яат̇аавуд̇д̇абажжаяабарияааязби д̇ам̣д̇ам̣бажжаязхи жзд̇анааяа б̣алавад̇ааяа зва махаасааваж̇ж̇абхааво взд̣̇ид̇аб̣б̣о. баяог̇авад̇т̇уаад̣̇ибажжаяаанан̃хи амахад̇д̇зби ханд̇аб̣б̣асса г̇ун̣аванд̇ад̇ааяа махаасааваж̇ж̇ад̇аа, д̇аб̣б̣ибарияааязна аббасааваж̇ж̇ад̇аа жа вад̇т̇усса махад̇д̇аамахад̇д̇зсу вияа д̣̇адтаб̣б̣аа. гилзсаанам̣ убаггамаанам̣ д̣̇виннан̃жа муд̣̇уд̇ааяа д̇иб̣б̣ад̇ааяа жа аббасааваж̇ж̇ад̇аа махаасааваж̇ж̇ад̇ааби яож̇зд̇аб̣б̣аа. баан̣о баан̣асан̃н̃ид̇аа вад̇хагажид̇д̇ан̃жа буб̣б̣абхааг̇ияааби хонд̇и, убаггамо вад̇хагажзд̇анаасамудтаабид̇о. бан̃жа самбхаараа хи баан̣аад̇ибаад̇ажзд̇анаад̇и саа бан̃жасамбхааравинимуд̇д̇аа д̣̇адтаб̣б̣аа. аяан̃жа вижааро ад̣̇иннаад̣̇аанаад̣̇ийсуби яат̇аарахам̣ вад̇д̇аб̣б̣о. виж̇жханабахаран̣аад̣̇ивасзна сахад̇т̇знаниб̣б̣ад̇д̇о саахад̇т̇иго, аан̣аабанавасзна бавад̇д̇о аан̣ад̇д̇иго, усусад̇д̇ияанд̇абаасаан̣аад̣̇иниссаж̇ж̇анавасзна бавад̇д̇о ниссаг̇г̇ияо, ад̣̇ухаласаж̇ж̇анаад̣̇ивасзна бавад̇д̇о т̇ааваро, аат̇аб̣б̣ан̣игаад̣̇ийнам̣ вияа манд̇абариж̇аббанавасзна бавад̇д̇о виж̇ж̇аамаяо, гаммавибаагаж̇ид̣̇д̇химаяо ид̣̇д̇химаяо д̣̇аатаагоданаад̣̇ийни вияа.

    Saraseneva (dha. sa. mūlaṭī. 1) patanasabhāvassa antarā eva atīva pātanaṃ atipāto, saṇikaṃ patituṃ adatvā sīghaṃ pātananti attho. Atikkammavā satthādīhi abhibhavitvā pātanaṃ atipāto. Payogavatthumahantatādīhi mahāsāvajjatā tehi paccayehi uppajjamānāya cetanāya balavabhāvato. Ekassa hi payogassa sahasā nipphādanavasena sakiccasādhikāya bahukkhattuṃ pavattajavanehi laddhāsevanāya ca sanniṭṭhāpakacetanāya vasena payogassa mahantabhāvo. Satipi kadāci khuddake ceva mahante ca pāṇe payogassa samabhāve mahantaṃ hanantassa cetanā tibbākārā uppajjatīti vatthussa mahantabhāvo. Iti ubhayampetaṃ cetanāya balavabhāveneva hotīti. Yathāvuttapaccayapariyāyepi taṃtaṃpaccayehi cetanāya balavatāya eva mahāsāvajjabhāvo veditabbo. Payogavatthuādipaccayānañhi amahattepi hantabbassa guṇavantatāya mahāsāvajjatā, tabbipariyāyena appasāvajjatā ca vatthussa mahattāmahattesu viya daṭṭhabbā. Kilesānaṃ upakkamānaṃ dvinnañca mudutāya tibbatāya ca appasāvajjatā mahāsāvajjatāpi yojetabbā. Pāṇo pāṇasaññitā vadhakacittañca pubbabhāgiyāpi honti, upakkamo vadhakacetanāsamuṭṭhāpito. Pañca sambhārā hi pāṇātipātacetanāti sā pañcasambhāravinimuttā daṭṭhabbā. Ayañca vicāro adinnādānādīsupi yathārahaṃ vattabbo. Vijjhanapaharaṇādivasena sahatthenanibbatto sāhatthiko, āṇāpanavasena pavatto āṇattiko, ususattiyantapāsāṇādinissajjanavasena pavatto nissaggiyo, aduhalasajjanādivasena pavatto thāvaro, āthabbaṇikādīnaṃ viya mantaparijappanavasena pavatto vijjāmayo, kammavipākajiddhimayo iddhimayo dāṭhākoṭanādīni viya.

    яад̣̇и ‘‘мама ид̣̇а’’нд̇и барзна бариг̇г̇ахид̇ам̣ ад̣̇иннам̣, уд̇д̇аанасзяяагад̣̇аарагасанд̇агз гат̇ам̣ д̇асса бариг̇г̇ахасан̃н̃ааяа зва абхаавад̇од̇и ааха ‘‘яад̇т̇а баро’’д̇иаад̣̇и. баро наама вин̃н̃уу ваа авин̃н̃уу ваа ад̇т̇и д̇асса вад̇т̇усса саамиго. авин̃н̃ууби хи вин̃н̃угаалз яат̇аагаамам̣ гаронд̇о ад̣̇ан̣д̣аараход̇и. манд̇абариж̇аббанзна барасанд̇агахаран̣ам̣ виж̇ж̇аамаяо, винаа манд̇зна барасанд̇агасса гааяаважийбаяог̇зхи баригад̣дханам̣ д̇аад̣̇исзнид̣̇д̇хивасзна ид̣̇д̇химаяо баяог̇од̇и ад̣̇иннаад̣̇аанз ча баяог̇аа саахад̇т̇игаад̣̇аяо вуд̇д̇аа. яат̇аануруубанд̇и зд̇т̇а саахад̇т̇иго д̇аава бан̃жаннамби авахаараанам̣ васзна бавад̇д̇ад̇и, д̇ат̇аа аан̣ад̇д̇ияо ниссаг̇г̇ияо жа. т̇ааваро т̇зяяаавахаарабасаяхаавахаарабадижчаннаавахааравасзна. д̇ат̇аа сзсаабийд̇и д̣̇адтаб̣б̣ам̣.

    Yadi ‘‘mama ida’’nti parena pariggahitaṃ adinnaṃ, uttānaseyyakadārakasantake kathaṃ tassa pariggahasaññāya eva abhāvatoti āha ‘‘yattha paro’’tiādi. Paro nāma viññū vā aviññū vā atthi tassa vatthussa sāmiko. Aviññūpi hi viññukāle yathākāmaṃ karonto adaṇḍārahoti. Mantaparijappanena parasantakaharaṇaṃ vijjāmayo, vinā mantena parasantakassa kāyavacīpayogehi parikaḍḍhanaṃ tādiseniddhivasena iddhimayo payogoti adinnādāne cha payogāsāhatthikādayo vuttā. Yathānurūpanti ettha sāhatthiko tāva pañcannampi avahārānaṃ vasena pavattati, tathā āṇattiyo nissaggiyo ca. Thāvaro theyyāvahārapasayhāvahārapaṭicchannāvahāravasena. Tathā sesāpīti daṭṭhabbaṃ.

    мзт̇унасамаажаарзсууд̇и сад̣̇аараасанд̇оса-барад̣̇аараг̇аманавасзна д̣̇увид̇хзсу мзт̇унасамаажаарзсу. аяамзвахи бхзд̣̇о ид̇хаад̇хиббзд̇о. г̇од̇д̇арагкид̇аа саг̇од̇д̇зхи рагкид̇аа. д̇хаммарагкид̇аа сахад̇хаммигзхи рагкид̇аа. саарагкаа сасаамигаа. яассаа г̇аманз ран̃н̃аа д̣̇ан̣д̣о табид̇о, саа сабарид̣̇ан̣д̣аа. бхарияабхаавад̇т̇ам̣ д̇ханзна гийд̇аа д̇ханаггийд̇аа. чанд̣̇зна васанд̇ий чанд̣̇аваасиний. бхог̇ад̇т̇ам̣ васанд̇ий бхог̇аваасиний. бадад̇т̇ам̣ васанд̇ий бадаваасиний. уд̣̇агабад̇д̇ам̣ аамасид̇ваа г̇ахид̇аа од̣̇абад̇д̇агиний. жумб̣адагам̣ абанзд̇ваа г̇ахид̇аа обхадажумб̣адаа. гарамараанийд̇аа д̇хаж̇аахад̇аа. д̇ан̇кан̣игаа мухуд̇д̇игаа. абхибхавид̇ваа вийд̇иггамз мижчаажааро махаасааваж̇ж̇о, на д̇ат̇аа д̣̇виннам̣ самааначанд̣̇ад̇ааяа. абхибхавид̇ваа вийд̇иггаманз сад̇иби маг̇г̇знамаг̇г̇абадибад̇д̇иад̇хиваасанз буримуббаннасзванаабхисанд̇хибаяог̇аабхаавад̇о мижчаажааро на ход̇и абхибхуяяамаанассаад̇и вад̣̇анд̇и. сзванаажид̇д̇з сад̇и баяог̇аабхааво аббамаан̣ам̣ язбхуяязна ид̇т̇ияаа сзванаабаяог̇асса абхаавад̇о. д̇ат̇аа сад̇и бурзд̇арам̣ сзванаажид̇д̇асса убадтаанзби д̇ассаа мижчаажааро на сияаа, д̇ат̇аа бурисассаби сзванаабаяог̇аабхаавзд̇и, д̇асмаа ад̇д̇ано ружияаа бавад̇д̇ид̇асса васзна д̇аяо, б̣алаггаарзна бавад̇д̇ид̇асса васзна д̇аяод̇и саб̣б̣зби аг̇г̇ахид̇аг̇г̇ахан̣зна жад̇д̇ааро самбхаараад̇и вуд̇д̇анд̇и взд̣̇ид̇аб̣б̣ам̣.

    Methunasamācāresūti sadārāsantosa-paradāragamanavasena duvidhesu methunasamācāresu. Ayamevahi bhedo idhādhippeto. Gottarakkhitā sagottehi rakkhitā. Dhammarakkhitā sahadhammikehi rakkhitā. Sārakkhā sasāmikā. Yassā gamane raññā daṇḍo ṭhapito, sā saparidaṇḍā. Bhariyabhāvatthaṃ dhanena kītā dhanakkītā. Chandena vasantī chandavāsinī. Bhogatthaṃ vasantī bhogavāsinī. Paṭatthaṃ vasantī paṭavāsinī. Udakapattaṃ āmasitvā gahitā odapattakinī. Cumbaṭakaṃ apanetvā gahitā obhaṭacumbaṭā. Karamarānītā dhajāhatā. Taṅkhaṇikā muhuttikā. Abhibhavitvā vītikkame micchācāro mahāsāvajjo, na tathā dvinnaṃ samānachandatāya. Abhibhavitvā vītikkamane satipi maggenamaggapaṭipattiadhivāsane purimuppannasevanābhisandhipayogābhāvato micchācāro na hoti abhibhuyyamānassāti vadanti. Sevanācitte sati payogābhāvo appamāṇaṃ yebhuyyena itthiyā sevanāpayogassa abhāvato. Tathā sati puretaraṃ sevanācittassa upaṭṭhānepi tassā micchācāro na siyā, tathā purisassapi sevanāpayogābhāveti, tasmā attano ruciyā pavattitassa vasena tayo, balakkārena pavattitassa vasena tayoti sabbepi aggahitaggahaṇena cattāro sambhārāti vuttanti veditabbaṃ.

    ад̇т̇абхан̃ж̇агод̇и гаммабат̇авасзна вуд̇д̇ам̣. гаммабат̇агат̇аа хзсаад̇и. ассаад̇и висам̣ваад̣̇агасса. мусаа вад̣̇ад̇и зд̇знаад̇и жзд̇анаа мусааваад̣̇о, имасмим̣ багкз ад̇ат̇аагаарзна вад̇т̇уно вин̃н̃аабанабаяог̇о мусаа, д̇ам̣самудтаабигаа жзд̇анаамусааваад̣̇од̇и вуд̇д̇ад̇д̇аа д̇ад̇о ан̃н̃ат̇аа вад̇д̇ум̣ ‘‘абаро наяо’’д̇иаад̣̇и вуд̇д̇ам̣. ад̇д̇ано санд̇агам̣ ад̣̇аад̇угаамад̇ааяаад̇иаад̣̇и мусааваад̣̇асааман̃н̃зна вуд̇д̇ам̣. хасаад̇хиббааязнаби висам̣ваад̣̇анабурагкаарасса мусааваад̣̇о. барассаад̇и висам̣ваад̣̇анавасзна вин̃н̃аабзд̇аб̣б̣асса. сод̇и мусааваад̣̇абаяог̇о.

    Atthabhañjakoti kammapathavasena vuttaṃ. Kammapathakathā hesāti. Assāti visaṃvādakassa. Musā vadati etenāti cetanā musāvādo, imasmiṃ pakkhe atathākārena vatthuno viññāpanapayogo musā, taṃsamuṭṭhāpikā cetanāmusāvādoti vuttattā tato aññathā vattuṃ ‘‘aparo nayo’’tiādi vuttaṃ. Attano santakaṃ adātukāmatāyātiādi musāvādasāmaññena vuttaṃ. Hasādhippāyenapi visaṃvādanapurakkhārassa musāvādo. Parassāti visaṃvādanavasena viññāpetabbassa. Soti musāvādapayogo.

    сун̃н̃абхааванд̇и бийд̇ивирахид̇ад̇ааяа рид̇д̇абхаавам̣. парусасад̣̇д̣̇ад̇ааяа нзва ган̣н̣асукаа. ад̇т̇авибаннад̇ааяа на хад̣̇аяасукаа. сам̣гилидтажид̇д̇ассаад̇и д̣̇осзна, лобхзна ваа д̣̇уусид̇ажид̇д̇асса.

    Suññabhāvanti pītivirahitatāya rittabhāvaṃ. Pharusasaddatāya neva kaṇṇasukhā. Atthavipannatāya na hadayasukhā. Saṃkiliṭṭhacittassāti dosena, lobhena vā dūsitacittassa.

    зганд̇апарусаа жзд̇анаад̇и зд̇зна д̣̇удтажид̇д̇ад̇ам̣язва вибхаавзд̇и, д̣̇удтажид̇д̇ад̇аа жасса амаран̣аад̇хиббааяавасзна д̣̇адтаб̣б̣аа. сад̇и хи маран̣аад̇хиббааяз ад̇т̇асид̣̇д̇хи, д̇ад̣̇абхаавз баан̣аад̇ибаад̇аб̣яаабаад̣̇аа сияунд̇и. яам̣ бадижжа парусаваажаа баяуж̇ж̇ад̇и, д̇асса саммукаава сийсам̣ зд̇и. бараммукааби сийсам̣ зд̇и зваад̇и абарз. д̇ад̇т̇ааяам̣ ад̇хиббааяо яуд̇д̇о сияаа – саммукаа баяог̇з аг̇аараваад̣̇ийнам̣ б̣алавабхаавад̇о сияаа жзд̇анаа б̣алавад̇ий, барасса жа д̇ад̣̇ад̇т̇авин̃н̃аабанам̣, на д̇ат̇аа асаммукаад̇и. яат̇аа жа аггосид̇з мад̇з аал̣аханз гад̇аа камаабанаа убаваад̣̇анд̇арааяам̣ нивад̇д̇зд̇и, звам̣ бараммукаа баяуд̇д̇аа парусаваажаа ход̇иязваад̇и саггаа вин̃н̃аад̇ум̣. д̇ассаад̇и зганд̇апарусажзд̇анааяа зва парусаваажаабхаавасса аавибхаавад̇т̇ам̣. маммажчзд̣̇аго саванапарусад̇ааяаад̇и ад̇хиббааяо. жид̇д̇асан̣хаад̇ааяа парусаваажаа на ход̇и гаммабат̇аа’ббад̇д̇ад̇д̇аа, гаммабхаавам̣ бана на саггаа ваарзд̇ум̣. звам̣ анваяавасзна жзд̇анаапарусад̇ааяа парусаваажам̣ саад̇хзд̇ваа ид̣̇аани д̇амзва б̣яад̇ирзгавасзна саад̇хзд̇ум̣ ‘‘важанасан̣хад̇ааяаа’’д̇иаад̣̇и вуд̇д̇ам̣. зсаад̇и парусаваажаа. гаммабат̇абхаавам̣ аббад̇д̇аа аббасааваж̇ж̇аа, ид̇араа махаасааваж̇ж̇аа. д̇ат̇аа гилзсаанам̣ муд̣̇уд̇иб̣б̣ад̇аабхзд̣̇зхи саб̣б̣ам̣ буримасад̣̇исам̣.

    Ekantapharusā cetanāti etena duṭṭhacittataṃyeva vibhāveti, duṭṭhacittatā cassa amaraṇādhippāyavasena daṭṭhabbā. Sati hi maraṇādhippāye atthasiddhi, tadabhāve pāṇātipātabyāpādā siyunti. Yaṃ paṭicca pharusavācā payujjati, tassa sammukhāva sīsaṃ eti. Parammukhāpi sīsaṃ eti evāti apare. Tatthāyaṃ adhippāyo yutto siyā – sammukhā payoge agāravādīnaṃ balavabhāvato siyā cetanā balavatī, parassa ca tadatthaviññāpanaṃ, na tathā asammukhāti. Yathā ca akkosite mate āḷahane katā khamāpanā upavādantarāyaṃ nivatteti, evaṃ parammukhā payuttā pharusavācā hotiyevāti sakkā viññātuṃ. Tassāti ekantapharusacetanāya eva pharusavācābhāvassa āvibhāvatthaṃ. Mammacchedako savanapharusatāyāti adhippāyo. Cittasaṇhātāya pharusavācā na hoti kammapathā’ppattattā, kammabhāvaṃ pana na sakkā vāretuṃ. Evaṃ anvayavasena cetanāpharusatāya pharusavācaṃ sādhetvā idāni tameva byatirekavasena sādhetuṃ ‘‘vacanasaṇhatāyā’’tiādi vuttaṃ. Esāti pharusavācā. Kammapathabhāvaṃ appattā appasāvajjā, itarā mahāsāvajjā. Tathā kilesānaṃ mudutibbatābhedehi sabbaṃ purimasadisaṃ.

    аасзванам̣ б̣ахулийгаран̣ам̣. яам̣ уд̣̇д̣̇исса бавад̇д̇ид̇о, д̇зна аг̇г̇ахид̇з аббасааваж̇ж̇о, г̇ахид̇з махаасааваж̇ж̇о гаммабат̇аббад̇д̇ид̇о. яо гожи бана сампаббалаабо д̣̇вийхи самбхаарзхи сиж̇жхад̇и. гилзсаанам̣ муд̣̇уд̇иб̣б̣ад̇аавасзнаби аббасааваж̇ж̇амахаасааваж̇ж̇ад̇аа взд̣̇ид̇аб̣б̣аа.

    Āsevanaṃ bahulīkaraṇaṃ. Yaṃ uddissa pavattito, tena aggahite appasāvajjo, gahite mahāsāvajjo kammapathappattito. Yo koci pana samphappalāpo dvīhi sambhārehi sijjhati. Kilesānaṃ mudutibbatāvasenapi appasāvajjamahāsāvajjatā veditabbā.

    ад̇д̇ано барин̣ааманам̣ жид̇д̇знзваад̇и взд̣̇ид̇аб̣б̣ам̣. хид̇асукам̣ б̣яаабаад̣̇аяад̇ийд̇и яо д̇ам̣ уббаад̣̇зд̇и, д̇асса хид̇асукам̣ винаасзд̇и. ахо вад̇аад̇и иминаа ажжанд̇авинаасажинд̇анам̣ д̣̇ийбзд̇и. звам̣ хисса д̣̇аарун̣абавад̇д̇ияаа гаммабат̇аббад̇д̇и. яат̇аабхужжаг̇ахан̣аабхаавзнаад̇и яаат̇ааваг̇г̇аахасса абхаавзна анижжаад̣̇исабхаавасса нижжаад̣̇ид̇о г̇ахан̣зна. мижчаа бассад̇ийд̇и вид̇ат̇ам̣ бассад̇и. сампаббалаабо вияаад̇и иминаа аасзванасса манд̣̇ад̇ааяа аббасааваж̇ж̇ад̇ам̣, маханд̇ад̇ааяа махаасааваж̇ж̇ад̇ам̣ д̣̇ассзд̇и. г̇ахид̇аагааравибарийд̇ад̇аад̇и мижчаад̣̇идтияаа г̇ахид̇аагаарасса вибарийд̇абхааво. вад̇т̇унод̇и д̇ассаа аяат̇аабхууд̇асабхаавамааха. д̇ат̇аабхаавзнаад̇и г̇ахид̇аагаарзнзва д̇асса д̣̇идтиг̇ад̇игасса, д̇асса ваа вад̇т̇уно убадтаанам̣ звамзд̇ам̣, на ид̇о ан̃н̃ат̇аад̇и.

    Attano pariṇāmanaṃ cittenevāti veditabbaṃ. Hitasukhaṃ byāpādayatīti yo taṃ uppādeti, tassa hitasukhaṃ vināseti. Aho vatāti iminā accantavināsacintanaṃ dīpeti. Evaṃ hissa dāruṇapavattiyā kammapathappatti. Yathābhuccagahaṇābhāvenāti yāthāvaggāhassa abhāvena aniccādisabhāvassa niccādito gahaṇena. Micchā passatīti vitathaṃ passati. Samphappalāpo viyāti iminā āsevanassa mandatāya appasāvajjataṃ, mahantatāya mahāsāvajjataṃ dasseti. Gahitākāraviparītatāti micchādiṭṭhiyā gahitākārassa viparītabhāvo. Vatthunoti tassā ayathābhūtasabhāvamāha. Tathābhāvenāti gahitākāreneva tassa diṭṭhigatikassa, tassa vā vatthuno upaṭṭhānaṃ evametaṃ, na ito aññathāti.

    д̇хаммад̇од̇и сабхаавад̇о. годтаасад̇од̇и пассабан̃жамагаад̣̇ийсу жид̇д̇ан̇г̇агодтаасзсу яам̣ годтаасаа хонд̇и, д̇ад̇од̇и ад̇т̇о. жзд̇анаад̇хаммаад̇и жзд̇анаасабхааваа.

    Dhammatoti sabhāvato. Koṭṭhāsatoti phassapañcamakādīsu cittaṅgakoṭṭhāsesu yaṃ koṭṭhāsā honti, tatoti attho. Cetanādhammāti cetanāsabhāvā.

    бадибаадияаа сад̇д̇аад̇и зд̇т̇а нану жзд̇анаа абхид̇хаммз гаммабат̇зсу на вуд̇д̇аад̇и бадибаадияаа сад̇д̇аннам̣ гаммабат̇абхааво на яуд̇д̇од̇и? на, аважанасса ан̃н̃ахзд̇угад̇д̇аа. на хи д̇ад̇т̇а жзд̇анааяа агаммабат̇ад̇д̇аа гаммабат̇араасимхи аважанам̣, гад̣̇аажи бана гаммабат̇о ход̇и, на саб̣б̣ад̣̇аад̇и гаммабат̇абхаавасса анияад̇ад̇д̇аа аважанам̣. яад̣̇аа бана гаммабат̇о ход̇и, д̇ад̣̇аа гаммабат̇араасисан̇г̇ахо на ниваарид̇о. зд̇т̇ааха – яад̣̇и жзд̇анааяа саб̣б̣ад̣̇аа гаммабат̇абхааваабхаавад̇о анияад̇о гаммабат̇абхаавод̇и гаммабат̇араасимхи аважанам̣, нану абхиж̇жхаад̣̇ийнам̣ гаммабат̇абхаавам̣ аббад̇д̇аанам̣ ад̇т̇ид̇ааяа анияад̇о гаммабат̇абхаавод̇и д̇зсамби гаммабат̇араасимхи аважанам̣ аабаж̇ж̇ад̇ийд̇и? наабаж̇ж̇ад̇и гаммабат̇ад̇аад̇ам̣сабхааг̇ад̇аахи д̇зсам̣ д̇ад̇т̇а вуд̇д̇ад̇д̇аа. яад̣̇и звам̣ жзд̇анааби д̇ад̇т̇а вад̇д̇аб̣б̣аа сияаа? сажжамзд̇ам̣, саа бана баан̣аад̇ибаад̇аад̣̇игаад̇и баагадо, д̇ассаа гаммабат̇абхаавод̇и на вуд̇д̇аа сияаа. жзд̇анааяа хи – ‘‘жзд̇анаахам̣, бхигкавз, гаммам̣ вад̣̇аами (а. ни. 6.63; гат̇аа. 539), д̇ивид̇хаа, бхигкавз, гааяасан̃жзд̇анаа агусалам̣ гааяагамма’’нд̇иаад̣̇иважанад̇о (гат̇аа. 539) гаммабхааво баагадо, гаммам̣язва жа суг̇ад̇ид̣̇уг̇г̇ад̇ийнам̣ д̇ад̇т̇а уббаж̇ж̇анагасукад̣̇угкаанан̃жа бат̇абхаавзна бавад̇д̇ам̣ гаммабат̇од̇и вужжад̇ийд̇и баагадо д̇ассаа гаммабат̇абхааво, абхиж̇жхаад̣̇ийнам̣ бана жзд̇анаасамийханабхаавзна сужарид̇ад̣̇ужжарид̇абхааво жзд̇анааж̇анид̇абидтиваддагабхаавзна суг̇ад̇ид̣̇уг̇г̇ад̇ид̇ад̣̇уббаж̇ж̇анагасукад̣̇угкаанам̣ бат̇абхааво жаад̇и на д̇ат̇аа баагадо гаммабат̇абхаавод̇и д̇зязва д̇зна сабхаавзна д̣̇ассзд̇ум̣ абхид̇хаммз жзд̇анаа гаммабат̇араасибхаавзна на вуд̇д̇аа , ад̇ат̇ааж̇аад̇ияагад̇д̇аа ваа жзд̇анаа д̇зхи сад̣̇д̇хим̣ на вуд̇д̇аад̇и д̣̇адтаб̣б̣ам̣. муулам̣ бад̇ваад̇и муулад̣̇зсанам̣ бад̇ваа, мууласабхаавзсу д̇хаммзсу вужжамаанзсууд̇и ад̇т̇о.

    Paṭipāṭiyā sattāti ettha nanu cetanā abhidhamme kammapathesu na vuttāti paṭipāṭiyā sattannaṃ kammapathabhāvo na yuttoti? Na, avacanassa aññahetukattā. Na hi tattha cetanāya akammapathattā kammapatharāsimhi avacanaṃ, kadāci pana kammapatho hoti, na sabbadāti kammapathabhāvassa aniyatattā avacanaṃ. Yadā pana kammapatho hoti, tadā kammapatharāsisaṅgaho na nivārito. Etthāha – yadi cetanāya sabbadā kammapathabhāvābhāvato aniyato kammapathabhāvoti kammapatharāsimhi avacanaṃ, nanu abhijjhādīnaṃ kammapathabhāvaṃ appattānaṃ atthitāya aniyato kammapathabhāvoti tesampi kammapatharāsimhi avacanaṃ āpajjatīti? Nāpajjati kammapathatātaṃsabhāgatāhi tesaṃ tattha vuttattā. Yadi evaṃ cetanāpi tattha vattabbā siyā? Saccametaṃ, sā pana pāṇātipātādikāti pākaṭo, tassā kammapathabhāvoti na vuttā siyā. Cetanāya hi – ‘‘cetanāhaṃ, bhikkhave, kammaṃ vadāmi (a. ni. 6.63; kathā. 539), tividhā, bhikkhave, kāyasañcetanā akusalaṃ kāyakamma’’ntiādivacanato (kathā. 539) kammabhāvo pākaṭo, kammaṃyeva ca sugatiduggatīnaṃ tattha uppajjanakasukhadukkhānañca pathabhāvena pavattaṃ kammapathoti vuccatīti pākaṭo tassā kammapathabhāvo, abhijjhādīnaṃ pana cetanāsamīhanabhāvena sucaritaduccaritabhāvo cetanājanitapiṭṭhivaṭṭakabhāvena sugatiduggatitaduppajjanakasukhadukkhānaṃ pathabhāvo cāti na tathā pākaṭo kammapathabhāvoti teyeva tena sabhāvena dassetuṃ abhidhamme cetanā kammapatharāsibhāvena na vuttā , atathājātiyakattā vā cetanā tehi saddhiṃ na vuttāti daṭṭhabbaṃ. Mūlaṃ patvāti mūladesanaṃ patvā, mūlasabhāvesu dhammesu vuccamānesūti attho.

    ад̣̇иннаад̣̇аанам̣ сад̇д̇аарамман̣анд̇и ид̣̇ам̣ ‘‘бан̃жа сигкаабад̣̇аа барид̇д̇аарамман̣аа зва ваа’’д̇и имааяа бан̃хабужчагабаал̣ияаа вируж̇жхад̇и. яан̃хи баан̣аад̇ибаад̇аад̣̇ид̣̇уссийляасса аарамман̣ам̣, д̇ад̣̇зва д̇ам̣ взраман̣ияаа аарамман̣ам̣. вийд̇иггамид̇аб̣б̣авад̇т̇уд̇о зва хи вирад̇ийд̇и. сад̇д̇аарамман̣анд̇и ваа сад̇д̇асан̇каад̇ам̣ сан̇каараарамман̣амзва убаад̣̇ааяа вуд̇д̇анд̇и нааяам̣ вирод̇хо. д̇ат̇аа хи вуд̇д̇ам̣ саммохавинод̣̇анияам̣ (вибха. адта. 714) ‘‘яаани сигкаабад̣̇аани зд̇т̇а сад̇д̇аарамман̣аанийд̇и вуд̇д̇аани, д̇аани яасмаа сад̇д̇од̇и сан̇кяам̣ г̇ад̇ам̣ сан̇каарамзва аарамман̣ам̣ гаронд̇ий’’д̇и. висабхааг̇авад̇т̇уно ‘‘ид̇т̇ий, бурисо’’д̇и г̇ахзд̇аб̣б̣ад̇о сад̇д̇аарамман̣од̇и згз. ‘‘зго д̣̇идто, д̣̇вз суд̇аа’’д̇иаад̣̇инаа сампаббалабанз д̣̇идтасуд̇амуд̇авин̃н̃аад̇авасзна. д̇ат̇аа абхиж̇жхаад̇и зд̇т̇а д̇ат̇аа-сад̣̇д̣̇о ‘‘д̣̇идтасуд̇амуд̇авин̃н̃аад̇авасзнаа’’д̇и ид̣̇амби убасам̣харад̇и, на сад̇д̇асан̇каараарамман̣ад̇ам̣ зва д̣̇ассанаад̣̇ивасзна абхиж̇жхааяанад̇о. ‘‘над̇т̇и сад̇д̇аа обабаад̇игаа’’д̇и бавад̇д̇амаанааби мижчаад̣̇идти д̇збхуумагад̇хаммависаяааваад̇и ад̇хиббааязнассаа сан̇каараарамман̣ад̇аа вуд̇д̇аа. гат̇ам̣ бана мижчаад̣̇идтияаа саб̣б̣з д̇збхуумагад̇хаммаа аарамман̣ам̣ хонд̇ийд̇и? саад̇хааран̣ад̇о. ‘‘над̇т̇и сугад̇ад̣̇уггадаанам̣ гаммаанам̣ палам̣ вибааго’’д̇и хи бавад̇д̇амаанааяа ад̇т̇ад̇о руубаарубааважарад̇хаммааби г̇ахид̇аа зва хонд̇ийд̇и.

    Adinnādānaṃ sattārammaṇanti idaṃ ‘‘pañca sikkhāpadā parittārammaṇā eva vā’’ti imāya pañhapucchakapāḷiyā virujjhati. Yañhi pāṇātipātādidussīlyassa ārammaṇaṃ, tadeva taṃ veramaṇiyā ārammaṇaṃ. Vītikkamitabbavatthuto eva hi viratīti. Sattārammaṇanti vā sattasaṅkhātaṃ saṅkhārārammaṇameva upādāya vuttanti nāyaṃ virodho. Tathā hi vuttaṃ sammohavinodaniyaṃ (vibha. aṭṭha. 714) ‘‘yāni sikkhāpadāni ettha sattārammaṇānīti vuttāni, tāni yasmā sattoti saṅkhyaṃ gataṃ saṅkhārameva ārammaṇaṃ karontī’’ti. Visabhāgavatthuno ‘‘itthī, puriso’’ti gahetabbato sattārammaṇoti eke. ‘‘Eko diṭṭho, dve sutā’’tiādinā samphappalapane diṭṭhasutamutaviññātavasena. Tathā abhijjhāti ettha tathā-saddo ‘‘diṭṭhasutamutaviññātavasenā’’ti idampi upasaṃharati, na sattasaṅkhārārammaṇataṃ eva dassanādivasena abhijjhāyanato. ‘‘Natthi sattā opapātikā’’ti pavattamānāpi micchādiṭṭhi tebhūmakadhammavisayāvāti adhippāyenassā saṅkhārārammaṇatā vuttā. Kathaṃ pana micchādiṭṭhiyā sabbe tebhūmakadhammā ārammaṇaṃ hontīti? Sādhāraṇato. ‘‘Natthi sukatadukkaṭānaṃ kammānaṃ phalaṃ vipāko’’ti hi pavattamānāya atthato rūpārupāvacaradhammāpi gahitā eva hontīti.

    сукаб̣ахулад̇ааяа рааж̇аано хасамаанааби ‘‘жорам̣ гхаад̇зт̇аа’’д̇и вад̣̇анд̇и, хаасо бана д̇зсам̣ ан̃н̃ависаяод̇и ааха ‘‘саннидтаабага…бз… ход̇ий’’д̇и.

    Sukhabahulatāya rājāno hasamānāpi ‘‘coraṃ ghātethā’’ti vadanti, hāso pana tesaṃ aññavisayoti āha ‘‘sanniṭṭhāpaka…pe… hotī’’ti.

    гзсан̃жийд̇и сахаж̇аад̇аанам̣ ад̣̇иннаад̣̇аанаад̣̇ийнам̣. самбаяуд̇д̇абабхаавагадтзнаад̇и самбаяуд̇д̇о худ̇ваа уббаад̣̇агадтзна. гзсан̃жийд̇и асахаж̇аад̇аанам̣. убаниссаяабажжаяадтзнаад̇и зд̇зна мууладтзна лобхасса убагаарад̇ам̣ нивад̇д̇зд̇и. суббад̇идтид̇абхаавасаад̇ханадто хи мууладто, со жа хзд̇убажжаяад̇ааавинаабхаавий, д̇зна жзд̇т̇а мууламива мууланд̇и г̇ахзд̇аб̣б̣ам̣, ниббарияааяад̇о бана буб̣б̣з ‘‘гзсан̃жий’’д̇и вуд̇д̇аанам̣ сахаж̇аад̇аанам̣ муулабхааво взд̣̇ид̇аб̣б̣о. рад̇д̇о код̇иаад̣̇инаа суд̇д̇абад̣̇знаби баан̣аад̇ибаад̇аад̣̇ийнам̣ агусалаанам̣ лобхасса муулагааран̣ад̇ам̣ вибхаавзд̇и, на мууладтзнубагаарад̇т̇ам̣ ависзсад̇о д̇зсам̣ хзд̇убажжаяад̇д̇аабхаавад̇о.

    Kesañcīti sahajātānaṃ adinnādānādīnaṃ. Sampayuttapabhāvakaṭṭhenāti sampayutto hutvā uppādakaṭṭhena. Kesañcīti asahajātānaṃ. Upanissayapaccayaṭṭhenāti etena mūlaṭṭhena lobhassa upakārataṃ nivatteti. Suppatiṭṭhitabhāvasādhanaṭṭho hi mūlaṭṭho, so ca hetupaccayatāavinābhāvī, tena cettha mūlamiva mūlanti gahetabbaṃ, nippariyāyato pana pubbe ‘‘kesañcī’’ti vuttānaṃ sahajātānaṃ mūlabhāvo veditabbo. Ratto khotiādinā suttapadenapi pāṇātipātādīnaṃ akusalānaṃ lobhassa mūlakāraṇataṃ vibhāveti, na mūlaṭṭhenupakāratthaṃ avisesato tesaṃ hetupaccayattābhāvato.

    агусалагаммабат̇аван̣н̣анаа нидтид̇аа.

    Akusalakammapathavaṇṇanā niṭṭhitā.

    гусалагаммабат̇аван̣н̣анаа

    Kusalakammapathavaṇṇanā

    взранд̇и баан̣аад̇ибаад̇аад̣̇ибаабад̇хаммам̣. со хи взрахзд̇уд̇ааяа ‘‘взра’’нд̇и вужжад̇и, д̇ам̣ ман̣ад̇и ‘‘маяи ид̇ха тид̇ааяа гат̇амааг̇ажчасий’’д̇и д̇аж̇ж̇знд̇ий вияа ниваарзд̇ийд̇и взраман̣ий. д̇знааха ‘‘баж̇ахад̇ий’’д̇и. ‘‘вираман̣ий’’д̇и вад̇д̇аб̣б̣з нируд̇д̇инаязна зва-гаарам̣ гад̇ваа звам̣ вуд̇д̇ам̣. вибхан̇г̇з (вибха. 703, 704) зва нид̣̇д̣̇исанавасзна звам̣ вуд̇д̇аа. асамаад̣̇иннасийласса самбад̇д̇ад̇о яат̇ааубадтид̇авийд̇иггамид̇аб̣б̣авад̇т̇уд̇о вирад̇и самбад̇д̇авирад̇и, самаад̣̇аанавасзна уббаннаа вирад̇и самаад̣̇аанавирад̇и, самаад̣̇аанавасзна уббаннаа вирад̇и самаад̣̇аанавирад̇и, гилзсаанам̣ самужчинд̣̇анавасзна бавад̇д̇аавирад̇и самужчзд̣̇авирад̇и.

    Veranti pāṇātipātādipāpadhammaṃ. So hi verahetutāya ‘‘vera’’nti vuccati, taṃ maṇati ‘‘mayi idha ṭhitāya kathamāgacchasī’’ti tajjentī viya nivāretīti veramaṇī. Tenāha ‘‘pajahatī’’ti. ‘‘Viramaṇī’’ti vattabbe niruttinayena eva-kāraṃ katvā evaṃ vuttaṃ. Vibhaṅge (vibha. 703, 704) eva niddisanavasena evaṃ vuttā. Asamādinnasīlassa sampattato yathāupaṭṭhitavītikkamitabbavatthuto virati sampattavirati, samādānavasena uppannā virati samādānavirati, samādānavasena uppannā virati samādānavirati, kilesānaṃ samucchindanavasena pavattāvirati samucchedavirati.

    ж̇ийвамаанасасасса мам̣саруд̇хирасаммиссад̇ааяа алласасамам̣сам̣. мун̃жи саб̣б̣ад̇т̇а самагарун̣ад̇ааяа. сажжам̣ вад̇ваа ‘‘зд̇зна сажжаваж̇ж̇зна маяхам̣ маад̇у рог̇о саммад̇уу’’д̇и ад̇хидтааси.

    Jīvamānasasassa maṃsarudhirasammissatāya allasasamaṃsaṃ. Muñci sabbattha samakaruṇatāya. Saccaṃ vatvā ‘‘etena saccavajjena mayhaṃ mātu rogo sammatū’’ti adhiṭṭhāsi.

    махаасаббод̇и аж̇аг̇аро. мун̃жид̇ваа аг̇амааси сийлад̇зж̇зна.

    Mahāsappoti ajagaro. Muñcitvā agamāsi sīlatejena.

    госаллам̣ вужжад̇и н̃аан̣ам̣, госаллзна, госаллад̇о ваа бавад̇д̇ияаа убаг̇аманад̇о. гужчид̇асаяанад̇од̇и гужчид̇знаагаарзна саяанад̇о анусаяанад̇о, бавад̇д̇анад̇о ваа. ‘‘взраман̣игусалаа’’д̇и вад̇д̇аб̣б̣ааби бужчаануруубам̣ виссаж̇ж̇ананд̇и ‘‘гусалаа’’д̇и на вуд̇д̇аа, ‘‘гусала’’нд̇взва вуд̇д̇аа.

    Kosallaṃ vuccati ñāṇaṃ, kosallena, kosallato vā pavattiyā upagamanato. Kucchitasayanatoti kucchitenākārena sayanato anusayanato, pavattanato vā. ‘‘Veramaṇikusalā’’ti vattabbāpi pucchānurūpaṃ vissajjananti ‘‘kusalā’’ti na vuttā, ‘‘kusala’’ntveva vuttā.

    гааман̃жзд̇т̇а баал̣ияам̣ вирад̇ияова ааг̇ад̇аа, сигкаабад̣̇авибхан̇г̇з (вибха. 704) бана жзд̇анааби аахарид̇ваа д̣̇ийбид̇аад̇и д̇ад̣̇убхаяамби г̇ан̣ханд̇о ‘‘жзд̇анааби вадданд̇и вирад̇ияобий’’д̇и ааха.

    Kāmañcettha pāḷiyaṃ viratiyova āgatā, sikkhāpadavibhaṅge (vibha. 704) pana cetanāpi āharitvā dīpitāti tadubhayampi gaṇhanto ‘‘cetanāpi vaṭṭanti viratiyopī’’ti āha.

    анабхиж̇жхаа хи муулам̣ бад̇ваа гаммабат̇агодтаасам̣ бад̇ваа анабхиж̇жхаад̇и вуд̇д̇ад̇хаммо муулад̇о алобхо гусаламуулам̣ ход̇ийд̇и звамад̇т̇о д̣̇адтаб̣б̣о. сзсабад̣̇ад̣̇ваязби зсзва наяо.

    Anabhijjhā hi mūlaṃ patvā kammapathakoṭṭhāsaṃ patvā anabhijjhāti vuttadhammo mūlato alobho kusalamūlaṃ hotīti evamattho daṭṭhabbo. Sesapadadvayepi eseva nayo.

    д̣̇уссийляаарамман̣аа д̇ад̣̇аарамман̣аа ж̇ийвид̇инд̣̇рияаад̣̇иаарамман̣аа гат̇ам̣ д̣̇уссийляаани баж̇аханд̇ийд̇и д̇ам̣ д̣̇ассзд̇ум̣ ‘‘яат̇аа банаа’’д̇иаад̣̇и вуд̇д̇ам̣.

    Dussīlyārammaṇā tadārammaṇā jīvitindriyādiārammaṇā kathaṃ dussīlyāni pajahantīti taṃ dassetuṃ ‘‘yathā panā’’tiādi vuttaṃ.

    анабхиж̇жхаа …бз… вираманд̇ассаад̇и абхиж̇жхам̣ баж̇аханд̇ассаад̇и ад̇т̇о. на хи манод̣̇ужжарид̇ад̇о вирад̇и ад̇т̇и анабхиж̇жхаад̣̇ийхзва д̇аббахаанасид̣̇д̇хид̇о. д̇зсу алобход̇иаад̣̇ийсу яам̣ вад̇д̇аб̣б̣ам̣, д̇ам̣ агусаламуулзсу вуд̇д̇анаязнзва взд̣̇ид̇аб̣б̣ам̣.

    Anabhijjhā…pe… viramantassāti abhijjhaṃ pajahantassāti attho. Na hi manoduccaritato virati atthi anabhijjhādīheva tappahānasiddhito. Tesu alobhotiādīsu yaṃ vattabbaṃ, taṃ akusalamūlesu vuttanayeneva veditabbaṃ.

    аббанаавааранд̇и ниг̇аманаваарам̣. згзна наязнаад̇и взд̣̇анаад̣̇ивасзна аруубамукзнзва анзгавид̇хзсу вибассанаагаммадтаанзсу згзна гаммадтаананаязна. ‘‘табзд̇ваа абхиж̇жхам̣ нава агусалагаммабат̇аа’’д̇и вад̇д̇аб̣б̣ам̣. д̣̇асаад̇и ваа ид̣̇ам̣ ‘‘гусалагаммабат̇аа’’д̇и иминаа самб̣анд̇хид̇аб̣б̣ам̣ ‘‘агусалагаммабат̇аа жа д̣̇аса гусалагаммабат̇аа жаа’’д̇и. ‘‘табзд̇ваа абхиж̇жха’’нд̇и хи иминаава агусалагаммабат̇аанам̣ навабхааво вуд̇д̇о ход̇и. ат̇а ваа д̣̇асаад̇и ид̣̇ам̣ убхаяат̇ааби самб̣анд̇хид̇аб̣б̣ам̣. абхиж̇жхаа хи бахаад̇аб̣б̣ааби сад̇и барин̃н̃зяяад̇ам̣ наад̇ивад̇д̇ад̇ийд̇и. д̇ат̇аа хи вуд̇д̇ам̣ ‘‘руубад̇ан̣хаа бияаруубам̣ саад̇арууба’’нд̇иаад̣̇и, д̇асмаа саа д̇ааяа барин̃н̃зяяад̇ааяа д̣̇угкасажжзби сан̇г̇ахам̣ лабхад̇зва, бахаад̇аб̣б̣ам̣ бана убаад̣̇ааяа ‘‘табзд̇ваа абхиж̇жха’’нд̇и вуд̇д̇ам̣. д̇знзвааха ‘‘барияааязна бана саб̣б̣зби гаммабат̇аа д̣̇угкасажжа’’нд̇и. абхиж̇жхаалобхаанам̣ бавад̇д̇иаагаарасид̣̇д̇хабхзд̣̇ам̣ убаад̣̇ааяа ‘‘имз д̣̇вз д̇хаммаа’’д̇и вуд̇д̇ам̣. суд̇д̇анд̇анаязна д̇ан̣хаа ‘‘самуд̣̇аяасажжа’’нд̇и вуд̇д̇аад̇и ааха ‘‘ниббарияааязна самуд̣̇аяасажжа’’нд̇и. аббавад̇д̇ийд̇и аббавад̇д̇инимид̇д̇амааха яат̇аа ‘‘рааг̇агкаяо д̣̇осагкаяо’’д̇и (сам̣. ни. 4.314). саббажжаяад̇ааяа сан̇кад̇асабхаавз д̣̇угкасажжз г̇ахид̇з аббажжаяад̇ааяа асан̇кад̇ам̣ нирод̇хасажжам̣ бадибагкад̇о аавад̇д̇ад̇и, зганд̇асааваж̇ж̇з аажаяаг̇аамилагкан̣з самуд̣̇аяасажжз г̇ахид̇з сааваж̇ж̇аа виг̇аманам̣ абажаяаг̇аамилагкан̣ам̣ маг̇г̇асажжам̣бадибагкад̇о аавад̇д̇ад̇ийд̇и д̣̇вз аавад̇д̇ахааравасзна взд̣̇ид̇аб̣б̣аанийд̇и вуд̇д̇ам̣. д̇знзвааха нзд̇д̇ияам̣ (нзд̇д̇и. 4.нид̣̇д̣̇зсаваара) –

    Appanāvāranti nigamanavāraṃ. Ekena nayenāti vedanādivasena arūpamukheneva anekavidhesu vipassanākammaṭṭhānesu ekena kammaṭṭhānanayena. ‘‘Ṭhapetvā abhijjhaṃ nava akusalakammapathā’’ti vattabbaṃ. Dasāti vā idaṃ ‘‘kusalakammapathā’’ti iminā sambandhitabbaṃ ‘‘akusalakammapathā ca dasa kusalakammapathā cā’’ti. ‘‘Ṭhapetvā abhijjha’’nti hi imināva akusalakammapathānaṃ navabhāvo vutto hoti. Atha vā dasāti idaṃ ubhayathāpi sambandhitabbaṃ. Abhijjhā hi pahātabbāpi sati pariññeyyataṃ nātivattatīti. Tathā hi vuttaṃ ‘‘rūpataṇhā piyarūpaṃ sātarūpa’’ntiādi, tasmā sā tāya pariññeyyatāya dukkhasaccepi saṅgahaṃ labhateva, pahātabbaṃ pana upādāya ‘‘ṭhapetvā abhijjha’’nti vuttaṃ. Tenevāha ‘‘pariyāyena pana sabbepi kammapathā dukkhasacca’’nti. Abhijjhālobhānaṃ pavattiākārasiddhabhedaṃ upādāya ‘‘ime dve dhammā’’ti vuttaṃ. Suttantanayena taṇhā ‘‘samudayasacca’’nti vuttāti āha ‘‘nippariyāyena samudayasacca’’nti. Appavattīti appavattinimittamāha yathā ‘‘rāgakkhayo dosakkhayo’’ti (saṃ. ni. 4.314). Sappaccayatāya saṅkhatasabhāve dukkhasacce gahite appaccayatāya asaṅkhataṃ nirodhasaccaṃ paṭipakkhato āvattati, ekantasāvajje ācayagāmilakkhaṇe samudayasacce gahite sāvajjā vigamanaṃ apacayagāmilakkhaṇaṃ maggasaccaṃpaṭipakkhato āvattatīti dve āvattahāravasena veditabbānīti vuttaṃ. Tenevāha nettiyaṃ (netti. 4.niddesavāra) –

    ‘‘згамхи бад̣̇адтаанз, бариязсад̇и сзсагам̣ бад̣̇адтаанам̣;

    ‘‘Ekamhi padaṭṭhāne, pariyesati sesakaṃ padaṭṭhānaṃ;

    аавад̇д̇ад̇и бадибагкз, аавад̇д̇о наама со хааро’’д̇и.

    Āvattati paṭipakkhe, āvatto nāma so hāro’’ti.

    саб̣б̣аагаарзнаад̇и гаамарааг̇аруубарааг̇аад̣̇исаб̣б̣аббагаарзхи, саб̣б̣ад̇о ваа абааяаг̇аманийяаад̣̇иаагаарад̇о, д̇ад̇т̇а гин̃жиби анавасзсзд̇ваа ваа. саб̣б̣аагаарзнзваад̇и саб̣б̣аагаарад̇о. нийхарид̇ваад̇и абанзд̇ваа, самужчинд̣̇ид̇вааижжзва ад̇т̇о. ган̃жи д̇хаммам̣ анавагаарийгарид̇ваад̇и руубавзд̣̇анаад̣̇ийсу ган̃жи згад̇хаммамби авиниб̣бхог̇ам̣ гад̇ваа, згзгад̇о аг̇г̇ахзд̇ваа самуухад̇ова г̇ахзд̇ваад̇и ад̇т̇о. асмийд̇и ахамасмийд̇и маанаг̇г̇аахавасзна. со бана яасмаа бан̃жагканд̇хз ниравасзсад̇о г̇ан̣хаад̇и, д̇асмаа вуд̇д̇ам̣ ‘‘самуухаг̇г̇ахан̣аагаарзнаа’’д̇и. яасмаа жзд̇т̇а аг̇г̇амаг̇г̇ажид̇д̇ам̣ вужжад̇и, д̇асмаа ааха ‘‘д̣̇идтисад̣̇исам̣ маанаанусаяа’’нд̇и. ‘‘яам̣ руубам̣ д̇ам̣ аха’’нд̇иаад̣̇инаа яат̇аа д̣̇идти руубаад̣̇им̣ ‘‘ахамасмий’’д̇и г̇ан̣ханд̇ий бавад̇д̇ад̇и, звам̣ мааноби ‘‘сзяяохамасмий’’д̇иаад̣̇инаад̇и ааха ‘‘маанаанусаяо асмийд̇и бавад̇д̇ад̇д̇аа д̣̇идтисад̣̇исо’’д̇и. барижчзд̣̇агарод̇и осаанабарижчзд̣̇агаро ид̇о барам̣ д̣̇угкассаабхаавагаран̣ад̇о. гаммабат̇ад̣̇зсанааяаад̇и гаммабат̇амукзна бавад̇д̇ажад̇усажжад̣̇зсанааяа. манасигаараббадивзд̇хавасзнаад̇и вибассанааманасигаарамаг̇г̇аббадивзд̇хавасзна.

    Sabbākārenāti kāmarāgarūparāgādisabbappakārehi, sabbato vā apāyagamanīyādiākārato, tattha kiñcipi anavasesetvā vā. Sabbākārenevāti sabbākārato. Nīharitvāti apanetvā, samucchinditvāicceva attho. Kañci dhammaṃ anavakārīkaritvāti rūpavedanādīsu kañci ekadhammampi avinibbhogaṃ katvā, ekekato aggahetvā samūhatova gahetvāti attho. Asmīti ahamasmīti mānaggāhavasena. So pana yasmā pañcakkhandhe niravasesato gaṇhāti, tasmā vuttaṃ ‘‘samūhaggahaṇākārenā’’ti. Yasmā cettha aggamaggacittaṃ vuccati, tasmā āha ‘‘diṭṭhisadisaṃ mānānusaya’’nti. ‘‘Yaṃ rūpaṃ taṃ aha’’ntiādinā yathā diṭṭhi rūpādiṃ ‘‘ahamasmī’’ti gaṇhantī pavattati, evaṃ mānopi ‘‘seyyohamasmī’’tiādināti āha ‘‘mānānusayo asmīti pavattattā diṭṭhisadiso’’ti. Paricchedakaroti osānaparicchedakaro ito paraṃ dukkhassābhāvakaraṇato. Kammapathadesanāyāti kammapathamukhena pavattacatusaccadesanāya. Manasikārappaṭivedhavasenāti vipassanāmanasikāramaggappaṭivedhavasena.

    гусалагаммабат̇аваараван̣н̣анаа нидтид̇аа.

    Kusalakammapathavāravaṇṇanā niṭṭhitā.

    аахаараваараван̣н̣анаа

    Āhāravāravaṇṇanā

    90. аахарад̇ийд̇и (сам̣. ни. дий. 2.2.11) аанзд̇и, уббаад̣̇зд̇и убад̇т̇амбхзд̇и жаад̇и ад̇т̇о. ниб̣б̣ад̇д̇аад̇и басуд̇аа. д̇ад̇о бадтааяа хи логз ж̇аад̇авохааро. бадисанд̇хиг̇г̇ахан̣ад̇о бана бадтааяа яаава маад̇угужчид̇о нигкаманам̣, д̇аава самбхавзсино. зса д̇аава г̇аб̣бхасзяяагзсу бхууд̇асамбхавзсивибхааг̇о, ид̇арзсу бана батамажид̇д̇аад̣̇ивасзна вуд̇д̇о. самбхава-сад̣̇д̣̇о жзд̇т̇а г̇аб̣бхасзяяагаанам̣ васзна басууд̇ибарияааяо, ид̇арзсам̣ васзна уббад̇д̇ибарияааяо. батамажид̇д̇абатамаирияаабат̇агкан̣зсу хи д̇з самбхавам̣ уббад̇д̇им̣ зсанд̇и убаг̇ажчанд̇и наама, на д̇аава бхууд̇аа уббад̇д̇ияаа на суббад̇идтид̇ад̇д̇аа. бхууд̇ааязва саб̣б̣асо бхавзсанааяа самужчиннад̇д̇аа. на буна бхависсанд̇ийд̇и авад̇хааран̣зна нивад̇д̇ид̇амад̇т̇ам̣ д̣̇ассзд̇и, ‘‘яо жа гаалагхасо бхууд̇о’’д̇иаад̣̇ийсу (ж̇аа. 1.2.190) бхууд̇а-сад̣̇д̣̇асса кийн̣аасававаажид̇аа д̣̇адтаб̣б̣аа. ваа-сад̣̇д̣̇о жзд̇т̇а самбин̣д̣анад̇т̇о ‘‘аг̇г̇инаа ваа уд̣̇агзна ваа’’д̇иаад̣̇ийсу (уд̣̇аа. 76) вияа.

    90.Āharatīti (saṃ. ni. ṭī. 2.2.11) āneti, uppādeti upatthambheti cāti attho. Nibbattāti pasutā. Tato paṭṭhāya hi loke jātavohāro. Paṭisandhiggahaṇato pana paṭṭhāya yāva mātukucchito nikkhamanaṃ, tāva sambhavesino. Esa tāva gabbhaseyyakesu bhūtasambhavesivibhāgo, itaresu pana paṭhamacittādivasena vutto. Sambhava-saddo cettha gabbhaseyyakānaṃ vasena pasūtipariyāyo, itaresaṃ vasena uppattipariyāyo. Paṭhamacittapaṭhamairiyāpathakkhaṇesu hi te sambhavaṃ uppattiṃ esanti upagacchanti nāma, na tāva bhūtā uppattiyā na suppatiṭṭhitattā. Bhūtāyeva sabbaso bhavesanāya samucchinnattā. Na puna bhavissantīti avadhāraṇena nivattitamatthaṃ dasseti, ‘‘yo ca kālaghaso bhūto’’tiādīsu (jā. 1.2.190) bhūta-saddassa khīṇāsavavācitā daṭṭhabbā. Vā-saddo cettha sampiṇḍanattho ‘‘agginā vā udakena vā’’tiādīsu (udā. 76) viya.

    яат̇аасагам̣ бажжаяабхаавзна ад̇д̇абхаавасса бадтабанамзвзд̇т̇ааахаарзхи гаад̇аб̣б̣аануг̇г̇аход̇и ад̇хиббааязнааха ‘‘важанабхзд̣̇о…бз… згоязваа’’д̇и. сад̇д̇асса уббаннад̇хаммаананд̇и сад̇д̇ассасанд̇аанз уббаннад̇хаммаанам̣. яат̇аа ‘‘вассасад̇ам̣ д̇идтад̇ий’’д̇и вуд̇д̇з ануббаб̣анд̇хавасзна бавад̇д̇ад̇ийд̇и вуд̇д̇ам̣ ход̇и, звам̣ тид̇ияаад̇и ануббаб̣анд̇хавасзна бавад̇д̇ияаад̇и ад̇т̇о, саа бана авижчзд̣̇од̇и ааха ‘‘авижчзд̣̇ааяаа’’д̇и. ануббаб̣анд̇хад̇хаммуббад̇д̇ияаа сад̇д̇асанд̇аано ануг̇г̇ахид̇о наама ход̇ийд̇и ааха ‘‘ануббаннаанам̣ уббаад̣̇ааяаа’’д̇и. зд̇аанийд̇и тид̇иануг̇г̇ахабад̣̇аани. убхаяад̇т̇а д̣̇адтаб̣б̣аани, на яат̇аасан̇кяам̣.

    Yathāsakaṃ paccayabhāvena attabhāvassa paṭṭhapanamevetthaāhārehi kātabbaanuggahoti adhippāyenāha ‘‘vacanabhedo…pe… ekoyevā’’ti. Sattassa uppannadhammānanti sattassasantāne uppannadhammānaṃ. Yathā ‘‘vassasataṃ tiṭṭhatī’’ti vutte anuppabandhavasena pavattatīti vuttaṃ hoti, evaṃ ṭhitiyāti anuppabandhavasena pavattiyāti attho, sā pana avicchedoti āha ‘‘avicchedāyā’’ti. Anuppabandhadhammuppattiyā sattasantāno anuggahito nāma hotīti āha ‘‘anuppannānaṃ uppādāyā’’ti. Etānīti ṭhitianuggahapadāni. Ubhayattha daṭṭhabbāni, na yathāsaṅkhyaṃ.

    вад̇т̇уг̇ад̇аа ож̇аа вад̇т̇у вияа д̇зна сад̣̇д̇хим̣ аахарид̇аб̣б̣ад̇ам̣ г̇ажчад̇ийд̇и вуд̇д̇ам̣ ‘‘аж̇жхохарид̇аб̣б̣ад̇о аахааро’’д̇и. ниб̣б̣ад̇д̇ид̇аож̇ам̣ бана санд̇хааяа ‘‘габ̣ал̣ийгаараахааро ож̇адтамагаруубаани аахарад̇ий’’д̇и вагкад̇и. ол̣ааригад̇аа аббож̇ад̇ааяа, на вад̇т̇уно т̇уулад̇ааяа, гат̇инад̇ааяа ваа, д̇асмаа яасмим̣ вад̇т̇усмим̣ барид̇д̇аа ож̇аа ход̇и, д̇ам̣ ол̣ааригам̣. саббаад̣̇аяо д̣̇угкуббаад̣̇агад̇ааяа ол̣ааригаавзд̣̇ид̇аб̣б̣аа. висаан̣аад̣̇ийнам̣ д̇ивассачад̣д̣ид̇аанам̣ бууд̇ибхууд̇д̇ад̇аа муд̣̇угад̇аад̇и вад̣̇анд̇и, д̇аражчакзл̣ад̇змигад̇ааяа бана д̇ат̇аабхууд̇аанам̣ д̇зсам̣ муд̣̇угад̇аа. д̇хаммасабхааво хзса. сасаанам̣ аахааро сукумо д̇арун̣ад̇ин̣асассакаад̣̇анад̇о. сагун̣аанам̣ аахааро сукумо д̇ин̣аб̣ийж̇аад̣̇икаад̣̇анад̇о. бажжанд̇аваасийнам̣ сукумо, д̇зсан̃хи саагабан̣н̣асугкагурабад̣̇умабад̇д̇амби аахаарод̇и. д̇зсам̣ бараниммид̇авасавад̇д̇ийнам̣. сукумод̇взваад̇и на гин̃жи убаад̣̇ааяа, ат̇а ко сукумо ижжзва нидтам̣ бад̇д̇о д̇ад̇о барам̣ сукумасса абхаавад̇о.

    Vatthugatā ojā vatthu viya tena saddhiṃ āharitabbataṃ gacchatīti vuttaṃ ‘‘ajjhoharitabbato āhāro’’ti. Nibbattitaojaṃ pana sandhāya ‘‘kabaḷīkārāhāro ojaṭṭhamakarūpāni āharatī’’ti vakkhati. Oḷārikatā appojatāya, na vatthuno thūlatāya, kathinatāya vā, tasmā yasmiṃ vatthusmiṃ parittā ojā hoti, taṃ oḷārikaṃ. Sappādayo dukkhuppādakatāya oḷārikāveditabbā. Visāṇādīnaṃ tivassachaḍḍitānaṃ pūtibhūttatā mudukatāti vadanti, taracchakheḷatemikatāya pana tathābhūtānaṃ tesaṃ mudukatā. Dhammasabhāvo hesa. Sasānaṃāhāro sukhumo taruṇatiṇasassakhādanato. Sakuṇānaṃ āhāro sukhumo tiṇabījādikhādanato. Paccantavāsīnaṃ sukhumo, tesañhi sākapaṇṇasukkhakurapadumapattampi āhāroti. Tesaṃ paranimmitavasavattīnaṃ. Sukhumotvevāti na kiñci upādāya, atha kho sukhumo icceva niṭṭhaṃ patto tato paraṃ sukhumassa abhāvato.

    вад̇т̇увасзна банзд̇т̇а аахаарасса ол̣ааригасукумад̇аа вуд̇д̇аа, саа жасса аббож̇амахож̇ад̇аахи взд̣̇ид̇аб̣б̣аад̇и д̣̇ассзд̇ум̣ ‘‘зд̇т̇а жаа’’д̇иаад̣̇и вуд̇д̇ам̣. бариссаманд̇и куд̣̇аавасзна уббаннам̣ сарийракзд̣̇ам̣. винод̣̇зд̇ийд̇и вад̇т̇у д̇асса винод̣̇анамад̇д̇ам̣ гарод̇и. на бана саггод̇и баалзд̇унд̇и сарийрам̣ яаабзд̇ум̣ наббаход̇и ниссаарад̇д̇аа. на саггод̇и бариссамам̣ винод̣̇зд̇ум̣ аамаасаяасса абууран̣ад̇о.

    Vatthuvasena panettha āhārassa oḷārikasukhumatā vuttā, sā cassa appojamahojatāhi veditabbāti dassetuṃ ‘‘ettha cā’’tiādi vuttaṃ. Parissamanti khudāvasena uppannaṃ sarīrakhedaṃ. Vinodetīti vatthu tassa vinodanamattaṃ karoti. Na pana sakkoti pāletunti sarīraṃ yāpetuṃ nappahoti nissārattā. Na sakkoti parissamaṃ vinodetuṃ āmāsayassa apūraṇato.

    чаб̣б̣ид̇хобийд̇и иминаа гассажиби пассасса анавасзсид̇аб̣б̣ад̇амааха. аахаарассад̣̇зсанааггамзнзвзд̇т̇а пассаад̣̇ийнам̣ д̣̇уд̇ияаад̣̇ид̇аа, на ан̃н̃зна гааран̣знаад̇и ааха ‘‘д̣̇зсанаанаяо зваа’’д̇иаад̣̇и. манасо сан̃жзд̇анаа, на сад̇д̇ассаад̇и д̣̇ассанад̇т̇ам̣ маног̇ахан̣ам̣ яат̇аа ‘‘жид̇д̇асса тид̇и (д̇ха. са. 11), жзд̇овимуд̇д̇и жаа’’д̇и (ма. ни. 1.69) ааха ‘‘маносан̃жзд̇анаад̇и жзд̇анаа зваа’’д̇и. жид̇д̇анд̇и яам̣ гин̃жи жид̇д̇ам̣, на вибаагавин̃н̃аан̣амзва.

    Chabbidhopīti iminā kassacipi phassassa anavasesitabbatamāha. Āhārassadesanākkamenevettha phassādīnaṃ dutiyāditā, na aññena kāraṇenāti āha ‘‘desanānayo evā’’tiādi. Manaso sañcetanā, na sattassāti dassanatthaṃ manogahaṇaṃ yathā ‘‘cittassa ṭhiti (dha. sa. 11), cetovimutti cā’’ti (ma. ni. 1.69) āha ‘‘manosañcetanāti cetanā evā’’ti. Cittanti yaṃ kiñci cittaṃ, na vipākaviññāṇameva.

    буб̣б̣з ‘‘аахааранд̇и бажжаяа’’нд̇и вуд̇д̇ад̇д̇аа ‘‘яад̣̇и бажжаяадто аахаарадто’’д̇иаад̣̇инаа жод̣̇зд̇и. ат̇а гасмаа имзязва жад̇д̇ааро вуд̇д̇аад̇и ат̇а гасмаа жад̇д̇аарова вуд̇д̇аа, имз зва жа вуд̇д̇аад̇и яож̇анаа. висзсабажжаяад̇д̇аад̇и зд̇зна яат̇аа ан̃н̃з бажжаяад̇хаммаа ад̇д̇ано бажжаяуббаннасса бажжаяаава хонд̇и, имз бана д̇ат̇аа жа хонд̇и ан̃н̃ат̇аа жаад̇и самаанзби бажжаяад̇д̇з ад̇ирзгабажжаяаа хонд̇и, д̇асмаа аахаараад̇и вуд̇д̇аад̇и имамад̇т̇ам̣ д̣̇ассзд̇и. ид̣̇аани д̇ам̣ ад̇ирзгабажжаяад̇ам̣ д̣̇ассзд̇ум̣ ‘‘висзсабажжаяо хий’’д̇иаад̣̇и аарад̣̇д̇хам̣. висзсабажжаяо руубагааяасса габ̣ал̣ийгааро аахааро убад̇т̇амбхагабхаавад̇о. д̇знааха адтагат̇ааяам̣ (висуд̣̇д̇хи. 2.708; бадтаа. адта. бажжаяуд̣̇д̣̇зсаван̣н̣анаа) ‘‘руубааруубаанам̣ убад̇т̇амбхагад̇д̇зна убагаарагаа жад̇д̇ааро аахаараа аахаарабажжаяо’’д̇и. убад̇т̇амбхагад̇д̇ан̃хи сад̇иби ж̇анагад̇д̇з аруубийнам̣ аахаараанам̣ аахаараж̇аруубасамудтаабагаруубаахаарасса жа ход̇и, асад̇и бана убад̇т̇амбхагад̇д̇з аахаараанам̣ ж̇анагад̇д̇ам̣ над̇т̇ийд̇и убад̇т̇амбхагад̇д̇ам̣ бад̇хаанам̣. ж̇анаяамааноби хи аахааро авижчзд̣̇авасзна убад̇т̇амбхаяамаано зва ж̇анзд̇ийд̇и убад̇д̇амбхагабхааво зва аахаарабхааво. взд̣̇анааяа пассо висзсабажжаяо. ‘‘пассабажжаяаа взд̣̇анаа’’д̇и хи вуд̇д̇ам̣. ‘‘сан̇каарабажжаяаа вин̃н̃аан̣а’’нд̇и (уд̣̇аа. 1; ма. ни. 3.126) важанад̇о вин̃н̃аан̣ассаманосан̃жзд̇анаа. ‘‘жзд̇анаа д̇ивид̇хам̣ бхавам̣ ж̇анзд̇ий’’д̇и хи вуд̇д̇ам̣. ‘‘вин̃н̃аан̣абажжаяаа наамарууба’’нд̇и бана важанад̇о наамаруубасса вин̃н̃аан̣ам̣ висзсабажжаяаа. на хи огганд̇ивин̃н̃аан̣аабхаавз наамаруубасса ад̇д̇асамбхаво. яат̇ааха ‘‘вин̃н̃аан̣ан̃жа хи, аананд̣̇а, маад̇угужчисмим̣ на оггамиссат̇а, аби ну ко наамаруубам̣ маад̇угужчисмим̣ самужжиссат̇аа’’д̇иаад̣̇и (д̣̇ий. ни. 2.115). вуд̇д̇амзвад̇т̇ам̣ суд̇д̇зна саад̇хзд̇ум̣ ‘‘яат̇аахаа’’д̇иаад̣̇и вуд̇д̇ам̣.

    Pubbe ‘‘āhāranti paccaya’’nti vuttattā ‘‘yadi paccayaṭṭho āhāraṭṭho’’tiādinā codeti. Atha kasmā imeyeva cattāro vuttāti atha kasmā cattārova vuttā, ime eva ca vuttāti yojanā. Visesapaccayattāti etena yathā aññe paccayadhammā attano paccayuppannassa paccayāva honti, ime pana tathā ca honti aññathā cāti samānepi paccayatte atirekapaccayā honti, tasmā āhārāti vuttāti imamatthaṃ dasseti. Idāni taṃ atirekapaccayataṃ dassetuṃ ‘‘visesapaccayo hī’’tiādi āraddhaṃ. Visesapaccayo rūpakāyassa kabaḷīkāro āhāro upatthambhakabhāvato. Tenāha aṭṭhakathāyaṃ (visuddhi. 2.708; paṭṭhā. aṭṭha. paccayuddesavaṇṇanā) ‘‘rūpārūpānaṃ upatthambhakattena upakārakā cattāro āhārā āhārapaccayo’’ti. Upatthambhakattañhi satipi janakatte arūpīnaṃ āhārānaṃ āhārajarūpasamuṭṭhāpakarūpāhārassa ca hoti, asati pana upatthambhakatte āhārānaṃ janakattaṃ natthīti upatthambhakattaṃ padhānaṃ. Janayamānopi hi āhāro avicchedavasena upatthambhayamāno eva janetīti upattambhakabhāvo eva āhārabhāvo. Vedanāya phasso visesapaccayo. ‘‘Phassapaccayā vedanā’’ti hi vuttaṃ. ‘‘Saṅkhārapaccayā viññāṇa’’nti (udā. 1; ma. ni. 3.126) vacanato viññāṇassamanosañcetanā. ‘‘Cetanā tividhaṃ bhavaṃ janetī’’ti hi vuttaṃ. ‘‘Viññāṇapaccayā nāmarūpa’’nti pana vacanato nāmarūpassa viññāṇaṃ visesapaccayā. Na hi okkantiviññāṇābhāve nāmarūpassa attasambhavo. Yathāha ‘‘viññāṇañca hi, ānanda, mātukucchismiṃ na okkamissatha, api nu kho nāmarūpaṃ mātukucchismiṃ samuccissathā’’tiādi (dī. ni. 2.115). Vuttamevatthaṃ suttena sādhetuṃ ‘‘yathāhā’’tiādi vuttaṃ.

    звам̣ яад̣̇иби бажжаяадто аахаарадто, висзсабажжаяад̇ааяа бана имз зва аахаараад̇и вуд̇д̇аад̇и д̇ам̣ нзсам̣ висзсабажжаяад̇ам̣ авибхааг̇ад̇о д̣̇ассзд̇ваа ид̣̇аани вибхааг̇ад̇о д̣̇ассзд̇ум̣ ‘‘го банзд̇т̇аа’’д̇иаад̣̇и аарад̣̇д̇хам̣. мукз табид̇амад̇д̇оязва асан̇каад̣̇ид̇о, д̇ад̇д̇агзнаби аб̣бханд̇арасса аахаарасса бажжаяо ход̇и зва. д̇знааха ‘‘адта руубаани самудтаабзд̇ий’’д̇и. сукавзд̣̇анааяа хид̇о сукавзд̣̇анияо. саб̣б̣ат̇аабийд̇и жагкусампассаад̣̇ивасзна. яад̇д̇агаа пассасса багаарабхзд̣̇аа, д̇зсам̣ васзна саб̣б̣аббагаароби пассаахааро. яат̇аарахам̣ д̇иссо взд̣̇анаа аахарад̇и, анаахаараго над̇т̇и.

    Evaṃ yadipi paccayaṭṭho āhāraṭṭho, visesapaccayatāya pana ime eva āhārāti vuttāti taṃ nesaṃ visesapaccayataṃ avibhāgato dassetvā idāni vibhāgato dassetuṃ ‘‘ko panetthā’’tiādi āraddhaṃ. Mukhe ṭhapitamattoyeva asaṅkhādito, tattakenapi abbhantarassa āhārassa paccayo hoti eva. Tenāha ‘‘aṭṭha rūpāni samuṭṭhāpetī’’ti. Sukhavedanāya hito sukhavedaniyo. Sabbathāpīti cakkhusamphassādivasena. Yattakā phassassa pakārabhedā, tesaṃ vasena sabbappakāropi phassāhāro. Yathārahaṃ tisso vedanā āharati, anāhārako natthi.

    саб̣б̣ат̇аабийд̇и ид̇хааби пассаахаарз вуд̇д̇анаяаанусаарзна ад̇т̇о взд̣̇ид̇аб̣б̣о. д̇исанд̇ад̇ивасзнаад̇и гааяад̣̇асагам̣ бхаавад̣̇асагам̣ вад̇т̇уд̣̇асаганд̇и д̇ивид̇хасанд̇ад̇ивасзна. сахаж̇аад̇аад̣̇ибажжаяанаязнаад̇и сахаж̇аад̇аад̣̇ибажжаяавид̇хинаа. бадисанд̇хивин̃н̃аан̣ан̃хи ад̇д̇анаа сахаж̇аад̇анаамасса сахаж̇аад̇аан̃н̃аман̃н̃аниссаяавибаагинд̣̇рияасамбаяуд̇д̇аад̇т̇иавиг̇ад̇абажжаязхи бажжаяо хонд̇оязва аахаарабажжаяад̇ааяа д̇ам̣ аахаарзд̇ий вуд̇д̇ам̣, сахаж̇аад̇аруубзсу бана вад̇т̇уно самбаяуд̇д̇абажжаяам̣ табзд̇ваа виббаяуд̇д̇абажжаязна, сзсаруубасса ан̃н̃аман̃н̃абажжаяан̃жа табзд̇ваа вуд̇д̇анаязнзваяож̇анаа гаад̇аб̣б̣аа. д̇аанийд̇и набум̣саганид̣̇д̣̇зсо анабум̣сагаанамби набум̣сагзхи саха важанад̇о.

    Sabbathāpīti idhāpi phassāhāre vuttanayānusārena attho veditabbo. Tisantativasenāti kāyadasakaṃ bhāvadasakaṃ vatthudasakanti tividhasantativasena. Sahajātādipaccayanayenāti sahajātādipaccayavidhinā. Paṭisandhiviññāṇañhi attanā sahajātanāmassa sahajātaaññamaññanissayavipākindriyasampayuttaatthiavigatapaccayehi paccayo hontoyeva āhārapaccayatāya taṃ āhāretī vuttaṃ, sahajātarūpesu pana vatthuno sampayuttapaccayaṃ ṭhapetvā vippayuttapaccayena, sesarūpassa aññamaññapaccayañca ṭhapetvā vuttanayenevayojanā kātabbā. Tānīti napuṃsakaniddeso anapuṃsakānampi napuṃsakehi saha vacanato.

    саасаваа гусалаагусалажзд̇анаава вуд̇д̇аа. висзсабажжаяабхаавад̣̇ассанам̣ хзд̇анд̇и. д̇знааха ‘‘ависзсзна банаа’’д̇иаад̣̇и. бадисанд̇хивин̃н̃аан̣амзва вуд̇д̇анд̇и зд̇т̇ааби зсзва наяо. яат̇аа д̇асса д̇асса паласса висзсад̇о бажжаяад̇ааяа зд̇зсам̣ аахаарадто, звам̣ ависзсад̇обийд̇и д̣̇ассанд̇зна ‘‘ависзсзна банаа’’д̇иаад̣̇и вуд̇д̇ам̣. д̇ад̇т̇а д̇ам̣самбаяуд̇д̇ад̇ам̣самудтаанад̇хаммаананд̇и д̇зхи пассаад̣̇ийхи самбаяуд̇д̇ад̇хаммаанан̃жзва д̇ам̣самудтаанаруубад̇хаммаанан̃жа. д̇ад̇т̇а самбаяуд̇д̇аг̇г̇ахан̣ам̣ яат̇аарахад̇о д̣̇адтаб̣б̣ам̣, самудтаанаг̇г̇ахан̣ам̣ бана ависзсад̇о.

    Sāsavākusalākusalacetanāva vuttā. Visesapaccayabhāvadassanaṃ hetanti. Tenāha ‘‘avisesena panā’’tiādi. Paṭisandhiviññāṇameva vuttanti etthāpi eseva nayo. Yathā tassa tassa phalassa visesato paccayatāya etesaṃ āhāraṭṭho, evaṃ avisesatopīti dassantena ‘‘avisesena panā’’tiādi vuttaṃ. Tattha taṃsampayuttataṃsamuṭṭhānadhammānanti tehi phassādīhi sampayuttadhammānañceva taṃsamuṭṭhānarūpadhammānañca. Tattha sampayuttaggahaṇaṃ yathārahato daṭṭhabbaṃ, samuṭṭhānaggahaṇaṃ pana avisesato.

    убад̇т̇амбхзнд̇о аахаарагижжам̣ саад̇хзд̇ийд̇и убад̇т̇амбхзнд̇оязва руубам̣ самудтаабзд̇и, ож̇адтамагаруубасамудтаабанзнзва банасса убад̇т̇амбханагижжасид̣̇д̇хи. пусанд̇оязваад̇и пусанагижжам̣ гаронд̇о зва. ааяуухамаанааваад̇и жзд̇аяамаанаа зва абхисанд̣̇аханд̇ий зва. виж̇аананд̇амзваад̇и убабад̇д̇ибаригаббанавасзна виж̇аананд̇амзва аахаарагижжам̣ саад̇хзд̇ийд̇и яож̇анаа. сзсабад̣̇ад̣̇ваязби зсзва наяо. аахаарагижжасаад̇ханан̃жа д̇зсам̣ взд̣̇анаад̣̇иуббад̇д̇ихзд̇уд̇ааяа ад̇д̇абхаавасса бавад̇д̇анамзва.

    Upatthambhento āhārakiccaṃ sādhetīti upatthambhentoyeva rūpaṃ samuṭṭhāpeti, ojaṭṭhamakarūpasamuṭṭhāpaneneva panassa upatthambhanakiccasiddhi. Phusantoyevāti phusanakiccaṃ karonto eva. Āyūhamānāvāti cetayamānā eva abhisandahantī eva. Vijānantamevāti upapattiparikappanavasena vijānantameva āhārakiccaṃ sādhetīti yojanā. Sesapadadvayepi eseva nayo. Āhārakiccasādhanañca tesaṃ vedanādiuppattihetutāya attabhāvassa pavattanameva.

    гааяадтабанзнаад̇и гасмаа вуд̇д̇ам̣? нану гаммаж̇аад̣̇ируубам̣ гаммаад̣̇инаава бавад̇д̇ад̇ийд̇и жод̣̇анам̣ санд̇хааяааха ‘‘гаммаж̇анид̇обий’’д̇иаад̣̇и. убаад̣̇иннаруубасанд̇ад̇ияаа убад̇т̇амбханзнзва уд̇ужид̇д̇аж̇аруубасанд̇ад̇ийнамби убад̇т̇амбханасид̣̇д̇хи ход̇ийд̇и ‘‘д̣̇виннам̣ руубасанд̇ад̇ийна’’нд̇и вуд̇д̇ам̣. убад̇т̇амбханамзва санд̇хааяа ‘‘анубаалаго худ̇ваа’’д̇и жа вуд̇д̇ам̣. руубагааяасса тид̇ихзд̇уд̇аа хи яаабанаа анубааланаа.

    Kāyaṭṭhapanenāti kasmā vuttaṃ? Nanu kammajādirūpaṃ kammādināva pavattatīti codanaṃ sandhāyāha ‘‘kammajanitopī’’tiādi. Upādinnarūpasantatiyā upatthambhaneneva utucittajarūpasantatīnampi upatthambhanasiddhi hotīti ‘‘dvinnaṃ rūpasantatīna’’nti vuttaṃ. Upatthambhanameva sandhāya ‘‘anupālako hutvā’’ti ca vuttaṃ. Rūpakāyassa ṭhitihetutā hi yāpanā anupālanā.

    сукаад̣̇ивад̇т̇убхууд̇анд̇и сукаад̣̇ийнам̣ бавад̇д̇идтаанабхууд̇ам̣. аарамман̣амби хи васад̇и зд̇т̇а аарамман̣агаран̣авасзна д̇ад̣̇аарамман̣аа д̇хаммаад̇и вад̇т̇ууд̇и вужжад̇и. пусанд̇оязваад̇и ид̣̇ам̣ пассасса пусанасабхаавад̇д̇аа вуд̇д̇ам̣. на хи д̇хаммаанам̣ сабхаавзна винаа бавад̇д̇и ад̇т̇и. взд̣̇анаабавад̇д̇ияаа винаа сад̇д̇аанам̣ санд̇хааванад̇аа над̇т̇ийд̇и ааха ‘‘сукаад̣̇и…бз… ход̇ий’’д̇и, на жзд̇т̇а сан̃н̃ийбхавагат̇ааяам̣ асан̃н̃ийбхаво д̣̇ассзд̇аб̣б̣о, д̇ассааби ваа гааран̣абхууд̇авзд̣̇анаабавад̇д̇ивасзнзва тид̇ияаа хзд̇уно аб̣яаабид̇аа. д̇ат̇аа хи ‘‘маносан̃жзд̇анаа…бз… бхавамууланибпаад̣̇анад̇о сад̇д̇аанам̣ тид̇ияаа ход̇ий’’д̇и вуд̇д̇аа, д̇ад̇о зва ‘‘вин̃н̃аан̣ам̣ виж̇аананд̇амзваад̇и убабад̇д̇ибаригаббанавасзна виж̇аананд̇амзваа’’д̇и вуд̇д̇овааяамад̇т̇од̇и.

    Sukhādivatthubhūtanti sukhādīnaṃ pavattiṭṭhānabhūtaṃ. Ārammaṇampi hi vasati ettha ārammaṇakaraṇavasena tadārammaṇā dhammāti vatthūti vuccati. Phusantoyevāti idaṃ phassassa phusanasabhāvattā vuttaṃ. Na hi dhammānaṃ sabhāvena vinā pavatti atthi. Vedanāpavattiyā vinā sattānaṃ sandhāvanatā natthīti āha ‘‘sukhādi…pe… hotī’’ti, na cettha saññībhavakathāyaṃ asaññībhavo dassetabbo, tassāpi vā kāraṇabhūtavedanāpavattivaseneva ṭhitiyā hetuno abyāpitā. Tathā hi ‘‘manosañcetanā…pe… bhavamūlanipphādanato sattānaṃ ṭhitiyā hotī’’ti vuttā, tato eva ‘‘viññāṇaṃ vijānantamevāti upapattiparikappanavasena vijānantamevā’’ti vuttovāyamatthoti.

    жад̇д̇аари бхаяаани д̣̇адтаб̣б̣аани аад̣̇ийнававибхааванад̇о. ниганд̇ийд̇и нигааманаа. расад̇ан̣хам̣ санд̇хааяа вад̣̇ад̇и. саа хи габ̣ал̣ийгаарз аахаарз б̣алавад̇ий. д̇знзва д̇ад̇т̇а авад̇хааран̣ам̣ гад̇ам̣. бхааяад̇и зд̇асмаад̇и бхаяам̣, ниганд̇иязвабхаяам̣ махаанад̇т̇ахзд̇уд̇о. убаг̇аманам̣ висаяинд̣̇рияавин̃н̃аан̣зсу висаяавин̃н̃аан̣зсу зва жа сан̇г̇ад̇ивасзна бавад̇д̇и, д̇ам̣ взд̣̇анаад̣̇иуббад̇д̇ихзд̇уд̇ааяа ‘‘бхаяа’’нд̇и вуд̇д̇ам̣. авад̇хааран̣з баяож̇анам̣ вуд̇д̇анаяамзва. сзсад̣̇ваязби зсзванаяо. ааяууханам̣ абхисанд̣̇аханам̣, сам̣вид̇хаананд̇иби вад̣̇анд̇и. д̇ам̣ бхавуубабад̇д̇ихзд̇уд̇ааяа ‘‘бхаяа’’нд̇и вуд̇д̇ам̣. абхинибаад̇о д̇ад̇т̇а д̇ад̇т̇а бхавз бадисанд̇хиг̇г̇ахан̣авасзна ниб̣б̣ад̇д̇и. со бхавуубабад̇д̇ихзд̇угаанам̣ саб̣б̣зсам̣ анад̇т̇аанам̣ муулагааран̣ад̇д̇аа ‘‘бхаяа’’нд̇и вуд̇д̇о. ид̣̇аани ниганд̇иаад̣̇ийнам̣ саббадибхаяад̇ам̣ вид̇т̇аарад̇о д̣̇ассзд̇ум̣ ‘‘гим̣гааран̣аа’’д̇иаад̣̇и аарад̣̇д̇хам̣. д̇ад̇т̇а ниганд̇им̣ гад̇ваад̇и аалаяам̣ ж̇анзд̇ваа, д̇ан̣хам̣ уббаад̣̇зд̇ваад̇и ад̇т̇о.

    Cattāribhayāni daṭṭhabbāni ādīnavavibhāvanato. Nikantīti nikāmanā. Rasataṇhaṃ sandhāya vadati. Sā hi kabaḷīkāre āhāre balavatī. Teneva tattha avadhāraṇaṃ kataṃ. Bhāyati etasmāti bhayaṃ, nikantiyevabhayaṃ mahānatthahetuto. Upagamanaṃ visayindriyaviññāṇesu visayaviññāṇesu eva ca saṅgativasena pavatti, taṃ vedanādiuppattihetutāya ‘‘bhaya’’nti vuttaṃ. Avadhāraṇe payojanaṃ vuttanayameva. Sesadvayepi esevanayo. Āyūhanaṃ abhisandahanaṃ, saṃvidhānantipi vadanti. Taṃ bhavūpapattihetutāya ‘‘bhaya’’nti vuttaṃ. Abhinipāto tattha tattha bhave paṭisandhiggahaṇavasena nibbatti. So bhavūpapattihetukānaṃ sabbesaṃ anatthānaṃ mūlakāraṇattā ‘‘bhaya’’nti vutto. Idāni nikantiādīnaṃ sappaṭibhayataṃ vitthārato dassetuṃ ‘‘kiṃkāraṇā’’tiādi āraddhaṃ. Tattha nikantiṃ katvāti ālayaṃ janetvā, taṇhaṃ uppādetvāti attho.

    пасса убаг̇ажчанд̇аад̇и жагкусампассаад̣̇ибхзд̣̇ам̣ пассам̣ бавад̇д̇знд̇аа. пассассаад̣̇инод̇и гааяасампассавасзна поддаб̣б̣асан̇каад̇асса пассасса ассаад̣̇анасийлаа. гааяасампассавасзна хи сад̇д̇аанам̣ подтаб̣б̣ад̇ан̣хаа бавад̇д̇ад̇ийд̇и д̣̇ассзд̇ум̣ пассаахаараад̣̇ийнавад̣̇ассанз подтаб̣б̣аарамман̣ам̣ уд̣̇д̇хадам̣ ‘‘барзсам̣ рагкид̇аг̇обид̇зсуу’’д̇иаад̣̇инаа. пассассаад̣̇инод̇и ваа пассаахаарассаад̣̇инод̇и ад̇т̇о. сад̇и хи пассаахаарз сад̇д̇аанам̣ пассаарамман̣з ассаад̣̇о, наасад̇ийд̇и. д̇знааха ‘‘пассассаад̣̇амуулага’’нд̇иаад̣̇и.

    Phassa upagacchantāti cakkhusamphassādibhedaṃ phassaṃ pavattentā. Phassassādinoti kāyasamphassavasena phoṭṭabbasaṅkhātassa phassassa assādanasīlā. Kāyasamphassavasena hi sattānaṃ phoṭṭhabbataṇhā pavattatīti dassetuṃ phassāhārādīnavadassane phoṭṭhabbārammaṇaṃ uddhaṭaṃ ‘‘paresaṃ rakkhitagopitesū’’tiādinā. Phassassādinoti vā phassāhārassādinoti attho. Sati hi phassāhāre sattānaṃ phassārammaṇe assādo, nāsatīti. Tenāha ‘‘phassassādamūlaka’’ntiādi.

    ж̇аад̇инимид̇д̇асса бхаяасса абхинибаад̇асабхаавзна г̇ахид̇ад̇д̇аа ‘‘д̇аммуулага’’нд̇и вуд̇д̇ам̣, гаммааяуухананимид̇д̇анд̇и ад̇т̇о.

    Jātinimittassa bhayassa abhinipātasabhāvena gahitattā ‘‘tammūlaka’’nti vuttaṃ, kammāyūhananimittanti attho.

    абхинибад̇ад̇ийд̇и абхиниб̣б̣ад̇д̇ад̇и. батамаабхиниб̣б̣ад̇д̇и хи сад̇д̇аанам̣ д̇ад̇т̇а д̇ад̇т̇а ан̇г̇аарагаасусад̣̇исз бхавз абхинибаад̇асад̣̇исийд̇и. д̇аммуулагад̇д̇аад̇и наамаруубаниб̣б̣ад̇д̇имуулагад̇д̇аа.

    Abhinipatatīti abhinibbattati. Paṭhamābhinibbatti hi sattānaṃ tattha tattha aṅgārakāsusadise bhave abhinipātasadisīti. Tammūlakattāti nāmarūpanibbattimūlakattā.

    д̇ад̇раад̇и д̇аасу убамаасу. бхууд̇амад̇т̇ам̣ гад̇ваад̇и на баригаббид̇амад̇т̇ам̣, ат̇а ко бхууд̇ам̣ бхууд̇абуб̣б̣ам̣ ад̇т̇ам̣ гад̇ваа. баат̇зяяахад̇т̇зсу г̇ажчанд̇зсу баат̇зяяам̣, г̇ажчанд̇ам̣ вияа ход̇ийд̇и вуд̇д̇ам̣ ‘‘г̇анд̇ваа баат̇зяяам̣ нидтаасий’’д̇и. г̇анд̇ваад̇и вааг̇аманахзд̇ууд̇и ад̇т̇о. куббибаасаад̇урад̇ааяа гханажчааяам̣ ругкам̣ убаг̇анд̇ум̣ асамад̇т̇аа вирал̣хажчааяааяам̣ нисийд̣̇им̣су. на д̣̇аани саггаа д̇ам̣ маяаа гаад̇ум̣ ад̇ид̣̇уб̣б̣алабхаавад̇о. баригкалид̇аг̇ад̇ид̇арун̣ад̣̇аараго куббибаасаабхибхууд̇о жа, д̇асмаа г̇ажчанд̇оязва мад̇о.

    Tatrāti tāsu upamāsu. Bhūtamatthaṃ katvāti na parikappitamatthaṃ, atha kho bhūtaṃ bhūtapubbaṃ atthaṃ katvā. Pātheyyahatthesu gacchantesu pātheyyaṃ, gacchantaṃ viya hotīti vuttaṃ ‘‘gantvā pātheyyaṃ niṭṭhāsī’’ti. Gantvāti vāgamanahetūti attho. Khuppipāsāturatāya ghanacchāyaṃ rukkhaṃ upagantuṃ asamatthā viraḷhacchāyāyaṃ nisīdiṃsu. Na dāni sakkā taṃ mayā kātuṃ atidubbalabhāvato. Parikkhalitagatitaruṇadārako khuppipāsābhibhūto ca, tasmā gacchantoyeva mato.

    саж̇аад̇имам̣сад̇ааяаад̇и (сам̣. ни. дий. 2.2.63) самаанаж̇аад̇имам̣сад̇ааяа, мануссамам̣сад̇ааяаад̇и ад̇т̇о. яам̣ мануссамам̣сам̣, д̇ан̃хи логз ж̇иг̇ужчанийяад̇д̇аа бадигулам̣. д̇ат̇аа хи д̇ам̣ вин̃н̃уухи важ̇ж̇ид̇ам̣, мануссамам̣сзсуби н̃аад̇имам̣сам̣ аяуд̇д̇абарибхог̇ад̇ааяа бадигуулам̣, д̇ад̇т̇ааби буд̇д̇амам̣сам̣, д̇ад̇т̇ааби бияабуд̇д̇амам̣сам̣, д̇ад̇т̇ааби д̇арун̣амам̣сам̣, д̇ад̇т̇ааби аамагамам̣сам̣, д̇ад̇т̇ааби аг̇орасаабхисан̇кад̇ам̣, д̇ад̇т̇ааби алон̣ам̣, д̇ад̇т̇ааби ад̇хуубид̇анд̇и звам̣ хздтимад̇о уд̇д̇аруд̇д̇арасса бадигуулад̇арабхаавагааран̣ад̇аа д̣̇адтаб̣б̣аа. буд̇д̇амам̣сасад̣̇исанд̇и бадигуулад̇ааубадтаабанзна буд̇д̇амам̣сасад̣̇исам̣ гад̇ваа бассад̇и. д̇ад̇т̇а ниганд̇им̣ барияаад̣̇ияад̇ийд̇и арияамаг̇г̇зна аахаарз саабзгкам̣ кзбзд̇и.

    Sajātimaṃsatāyāti (saṃ. ni. ṭī. 2.2.63) samānajātimaṃsatāya, manussamaṃsatāyāti attho. Yaṃ manussamaṃsaṃ, tañhi loke jigucchanīyattā paṭikulaṃ. Tathā hi taṃ viññūhi vajjitaṃ, manussamaṃsesupi ñātimaṃsaṃ ayuttaparibhogatāya paṭikūlaṃ, tatthāpi puttamaṃsaṃ, tatthāpi piyaputtamaṃsaṃ, tatthāpi taruṇamaṃsaṃ, tatthāpi āmakamaṃsaṃ, tatthāpi agorasābhisaṅkhataṃ, tatthāpi aloṇaṃ, tatthāpi adhūpitanti evaṃ heṭṭhimato uttaruttarassa paṭikūlatarabhāvakāraṇatā daṭṭhabbā. Puttamaṃsasadisanti paṭikūlatāupaṭṭhāpanena puttamaṃsasadisaṃ katvā passati. Tattha nikantiṃ pariyādiyatīti ariyamaggena āhāre sāpekkhaṃ khepeti.

    саа г̇аавийд̇и ‘‘сзяяат̇ааби бхигкавз г̇аавий’’д̇и (сам̣. ни. 2.63) звам̣ суд̇д̇з вуд̇д̇аг̇аавий. уд̣̇д̣̇аалзд̇ваад̇и уббаадзд̇ваа. ниссааяа д̇идтад̇ийд̇и бадижжабажжаяам̣ гад̇ваа бавад̇д̇ад̇и. д̣̇угкад̣̇угкад̇аад̣̇ивасзна д̇ин̣н̣амби взд̣̇аяид̇аанам̣ д̣̇угкабхаавам̣ санд̇хааяааха ‘‘взд̣̇аяид̇ад̣̇угкассаа’’д̇и.

    Sā gāvīti ‘‘seyyathāpi bhikkhave gāvī’’ti (saṃ. ni. 2.63) evaṃ sutte vuttagāvī. Uddāletvāti uppāṭetvā. Nissāya tiṭṭhatīti paṭiccapaccayaṃ katvā pavattati. Dukkhadukkhatādivasena tiṇṇampi vedayitānaṃ dukkhabhāvaṃ sandhāyāha ‘‘vedayitadukkhassā’’ti.

    саад̇хусаммад̇ааби г̇ад̇и вибарин̣аамасан̇каарад̣̇угкад̇аавасзна гилзсад̣̇угкавасзна жа махаабарил̣аахааязваад̇и вуд̇д̇ам̣ ‘‘махаабарил̣аахадтзна д̇аяо бхаваа’’д̇и. яат̇аа убагад̣дхагаа д̣̇вз бурисаа, звам̣ гусалаагусалавасзна д̣̇вз маносан̃жзд̇анаа. яат̇аа маносан̃жзд̇анаа на бавад̇д̇ад̇и, д̇ат̇аа бадибаж̇ж̇анд̇о д̇ад̇т̇а ниганд̇им̣ барияаад̣̇ияад̇ийд̇и взд̣̇ид̇аб̣б̣о.

    Sādhusammatāpi gati vipariṇāmasaṅkhāradukkhatāvasena kilesadukkhavasena ca mahāpariḷāhāyevāti vuttaṃ ‘‘mahāpariḷāhaṭṭhena tayo bhavā’’ti. Yathā upakaḍḍhakā dve purisā, evaṃ kusalākusalavasena dve manosañcetanā. Yathā manosañcetanā na pavattati, tathā paṭipajjanto tattha nikantiṃ pariyādiyatīti veditabbo.

    сад̇д̇исад̇зна хад̇аа зва убамаа сад̇д̇исад̇ахад̇уубамаа, д̇ассам̣ сад̇д̇исад̇ахад̇уубамааяам̣. д̇ам̣ сад̇д̇исад̇ам̣. асса бурисасса. бад̇ид̇огаасзд̇и буримасад̇д̇ийхи бад̇ид̇аббад̣̇зсз. д̣̇угкасса бамаан̣ам̣ над̇т̇и анзгасса абараабарам̣ уббаж̇ж̇анад̇о. канд̇хаж̇анананд̇и канд̇хаанам̣ абараабаруббаад̣̇о, батамаабхиниб̣б̣ад̇д̇и бана бадисанд̇хи зва. ааг̇ужаарий бурисо вияа бадисанд̇хивин̃н̃аан̣ам̣ наанаббагаарад̣̇угкуббаад̣̇асанниссаяад̇о, д̇зхи жа д̣̇угкзхи убаг̇анд̇аб̣б̣ад̇о. самбаяуд̇д̇ад̇хаммаанам̣ бамукабхаавзна бавад̇д̇ияаа ‘‘вин̃н̃аан̣асса д̣̇угкуббаад̣̇од̇и вуд̇д̇аа. д̇ат̇аа хи вуд̇д̇ам̣ ‘‘манобуб̣б̣ан̇г̇амаа д̇хаммаа’’д̇и (д̇ха. ба. 1, 2) яат̇аа вин̃н̃аан̣ам̣ ааяад̇им̣ бадисанд̇хивасзна на бавад̇д̇ад̇и, звам̣ гаран̣ам̣ д̇ад̇т̇а ниганд̇ибарияаад̣̇аанам̣ д̣̇адтаб̣б̣ам̣.

    Sattisatena hatā eva upamā sattisatahatūpamā, tassaṃ sattisatahatūpamāyaṃ. Taṃ sattisataṃ. Assa purisassa. Patitokāseti purimasattīhi patitappadese. Dukkhassa pamāṇaṃ natthi anekassa aparāparaṃ uppajjanato. Khandhajanananti khandhānaṃ aparāparuppādo, paṭhamābhinibbatti pana paṭisandhi eva. Āgucārī puriso viya paṭisandhiviññāṇaṃ nānappakāradukkhuppādasannissayato, tehi ca dukkhehi upagantabbato. Sampayuttadhammānaṃ pamukhabhāvena pavattiyā ‘‘viññāṇassa dukkhuppādoti vuttā. Tathā hi vuttaṃ ‘‘manopubbaṅgamā dhammā’’ti (dha. pa. 1, 2) yathā viññāṇaṃ āyatiṃ paṭisandhivasena na pavattati, evaṃ karaṇaṃ tattha nikantipariyādānaṃ daṭṭhabbaṃ.

    барин̃н̃аад̇ам̣ вад̇т̇ууд̇и д̣̇угкасажжамааха. бан̃жагаамаг̇ун̣иго рааг̇од̇и бан̃жагаамаг̇ун̣аарамман̣о рааг̇о. барин̃н̃аад̇о ход̇ийд̇и барижчиж̇ж̇а ж̇аананзна самад̇игганд̇о ход̇и. расад̇ан̣хааяа хи саммад̣̇зва виг̇ад̇ааяа руубад̇ан̣хаад̣̇аяоби виг̇ад̇ааязва хонд̇и. д̇ат̇аа жа сад̇и гаамарааг̇асам̣яож̇анам̣ самужчиннамзва ход̇и, звам̣ гаран̣ам̣ д̇ад̇т̇а ниганд̇ибарияаад̣̇аанам̣ д̣̇адтаб̣б̣ам̣. барин̃н̃аабхисамаяз хи сид̣̇д̇хз бахаанаабхисамаяо сид̣̇д̇хо зваад̇и. бахийнз жа гаамарааг̇асам̣яож̇анз орамбхааг̇ияасам̣яож̇анаанам̣ лзсоби наавасиссад̇ийд̇и д̣̇ассзнд̇о ааха ‘‘над̇т̇и д̇ам̣ сам̣яож̇ана’’нд̇иаад̣̇и. д̇зна габ̣ал̣ийгаараахаарабарин̃н̃аа анааг̇аамид̇ам̣ баабзд̇ийд̇и д̣̇ассзд̇и. сзсаахаарабарин̃н̃аа бана арахад̇д̇анидтаа зваад̇и д̣̇ассзнд̇о ‘‘пассз бхигкавз’’д̇иаад̣̇имааха. д̇ад̇т̇а д̇иссо д̇ан̣хаад̇и гаамад̇ан̣хаа руубад̇ан̣хаа аруубад̇ан̣хаад̇и имаа д̇иссо д̇ан̣хаа.

    Pariññātaṃvatthūti dukkhasaccamāha. Pañcakāmaguṇiko rāgoti pañcakāmaguṇārammaṇo rāgo. Pariññāto hotīti paricchijja jānanena samatikkanto hoti. Rasataṇhāya hi sammadeva vigatāya rūpataṇhādayopi vigatāyeva honti. Tathā ca sati kāmarāgasaṃyojanaṃ samucchinnameva hoti, evaṃ karaṇaṃ tattha nikantipariyādānaṃ daṭṭhabbaṃ. Pariññābhisamaye hi siddhe pahānābhisamayo siddho evāti. Pahīne ca kāmarāgasaṃyojane orambhāgiyasaṃyojanānaṃ lesopi nāvasissatīti dassento āha ‘‘natthi taṃ saṃyojana’’ntiādi. Tena kabaḷīkārāhārapariññā anāgāmitaṃ pāpetīti dasseti. Sesāhārapariññā pana arahattaniṭṭhā evāti dassento ‘‘phasse bhikkhave’’tiādimāha. Tattha tisso taṇhāti kāmataṇhā rūpataṇhā arūpataṇhāti imā tisso taṇhā.

    ‘‘буримад̇ан̣хаасамуд̣̇аяаа’’д̇и сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзд̇ум̣ ‘‘гат̇а’’нд̇иаад̣̇и аарад̣̇д̇хам̣. д̇ад̇т̇а д̇ан̣хаабажжаяаниб̣б̣ад̇д̇аад̇и д̇ан̣хаабажжаяаа ниб̣б̣ад̇д̇аа. бадисанд̇хигкан̣з буримад̇ан̣хаасамуд̣̇аяаа аахаараанам̣ самуд̣̇аяад̣̇ассанзнзва бавад̇д̇игкан̣зби убаад̣̇иннагааахаарасамуд̣̇аяо д̣̇ассид̇о ход̇ийд̇и д̇ам̣ анаамасид̇ваа анубаад̣̇иннагаанам̣ д̇ан̣хаасамуд̣̇аяам̣ д̣̇ассзд̇ум̣ ‘‘яасмаа банаа’’д̇иаад̣̇и вуд̇д̇ам̣. ид̇хаад̇и имасмим̣ суд̇д̇з миссид̇ваа гат̇ид̇аа ависзсид̇ад̇д̇аа. сахаж̇аад̇ад̇ан̣хаабажжаяаниб̣б̣ад̇д̇од̇и зд̇т̇а сахаж̇аад̇аг̇г̇ахан̣ам̣ асахаж̇аад̇ад̇ан̣хаабажжаяаниб̣б̣ад̇д̇оби анубаад̣̇иннагааахааро лаб̣бхад̇ийд̇и д̣̇ассанад̇т̇ам̣. со бана асахаж̇аад̇ад̇ан̣хаабажжаяаниб̣б̣ад̇д̇ад̇аасааман̃н̃знаби яат̇аавуд̇д̇аубаад̣̇иннагаахаарзна сам̣саяам̣ ж̇анзяяаад̇и на уд̣̇д̇хадо, на жа зд̇ам̣ гааран̣ам̣ ‘‘рааг̇ам̣ убаниссааяа д̣̇оманассам̣ уббаж̇ж̇ад̇ий’’д̇и важанад̇о, д̇ан̣хобаниссаяабадигхажид̇д̇асамудтаанааяа жа ож̇ааяа васзна анубаад̣̇иннагааахаарасса лаб̣бханад̇о. гат̇ам̣ бана д̇ан̣хаа ож̇ааяа убаниссаяабажжаяо; на хи бадтаанз гад̇т̇ажи руубасса убаниссаяабажжаяо вуд̇д̇о ад̇т̇ийд̇и. нааяам̣ вирод̇хо ‘‘яасмим̣ сад̇и яам̣ ход̇и, со д̇асса убаниссаяо’’д̇и суд̇д̇анд̇анаяасса ад̇хиббзд̇ад̇д̇аа яат̇аавуд̇д̇ад̇т̇асамбхавад̇о. д̇знзвааха ‘‘имиссаа…бз… д̇ан̣хааяа нирод̇хзнаа’’д̇и.

    ‘‘Purimataṇhāsamudayā’’ti saṅkhepato vuttamatthaṃ vitthārato dassetuṃ ‘‘katha’’ntiādi āraddhaṃ. Tattha taṇhāpaccayanibbattāti taṇhāpaccayā nibbattā. Paṭisandhikkhaṇe purimataṇhāsamudayā āhārānaṃ samudayadassaneneva pavattikkhaṇepi upādinnakaāhārasamudayo dassito hotīti taṃ anāmasitvā anupādinnakānaṃ taṇhāsamudayaṃ dassetuṃ ‘‘yasmā panā’’tiādi vuttaṃ. Idhāti imasmiṃ sutte missitvā kathitā avisesitattā. Sahajātataṇhāpaccayanibbattoti ettha sahajātaggahaṇaṃ asahajātataṇhāpaccayanibbattopi anupādinnakaāhāro labbhatīti dassanatthaṃ. So pana asahajātataṇhāpaccayanibbattatāsāmaññenapi yathāvuttaupādinnakāhārena saṃsayaṃ janeyyāti na uddhaṭo, na ca etaṃ kāraṇaṃ ‘‘rāgaṃ upanissāya domanassaṃ uppajjatī’’ti vacanato, taṇhopanissayapaṭighacittasamuṭṭhānāya ca ojāya vasena anupādinnakaāhārassa labbhanato. Kathaṃ pana taṇhā ojāya upanissayapaccayo; na hi paṭṭhāne katthaci rūpassa upanissayapaccayo vutto atthīti. Nāyaṃ virodho ‘‘yasmiṃ sati yaṃ hoti, so tassa upanissayo’’ti suttantanayassa adhippetattā yathāvuttatthasambhavato. Tenevāha ‘‘imissā…pe… taṇhāya nirodhenā’’ti.

    гааран̣з саб̣б̣асо нируд̣̇д̇хз паламби саб̣б̣асо нируж̇жхад̇ийд̇и ааха ‘‘аахааранирод̇хо бан̃н̃ааяад̇ий’’д̇и. аахаараанам̣ д̣̇угкасажжзгад̣̇зсад̇д̇аа аахаараг̇г̇ахан̣ам̣ д̣̇угкасажжаг̇г̇ахан̣амзва ход̇ийд̇и ааха ‘‘ид̇ха жад̇д̇аариби сажжаани саруубзнзва вуд̇д̇ааний’’д̇и. сажжад̣̇зсанаа д̣̇угкаад̣̇ийнам̣ яаавад̣̇зва барин̃н̃зяяаад̣̇ибхаавасанд̣̇ассанад̇т̇аа, д̇асмаа ж̇араамаран̣аад̣̇ийсу барин̃н̃зяяаад̣̇ибхааво асаммохад̇о саллагкзд̇аб̣б̣од̇и д̣̇ассзнд̇о ‘‘саб̣б̣ад̇т̇а асаммуяханд̇зна сажжаани уд̣̇д̇харид̇аб̣б̣ааний’’д̇и ааха.

    Kāraṇe sabbaso niruddhe phalampi sabbaso nirujjhatīti āha ‘‘āhāranirodho paññāyatī’’ti. Āhārānaṃ dukkhasaccekadesattā āhāraggahaṇaṃ dukkhasaccaggahaṇameva hotīti āha ‘‘idha cattāripi saccāni sarūpeneva vuttānī’’ti. Saccadesanā dukkhādīnaṃ yāvadeva pariññeyyādibhāvasandassanatthā, tasmā jarāmaraṇādīsu pariññeyyādibhāvo asammohato sallakkhetabboti dassento ‘‘sabbattha asammuyhantena saccāni uddharitabbānī’’ti āha.

    аахаараваараван̣н̣анаа нидтид̇аа.

    Āhāravāravaṇṇanā niṭṭhitā.

    сажжаваараван̣н̣анаа

    Saccavāravaṇṇanā

    91. язна язна барияааязна б̣яаагарод̇ийд̇и язна язна д̣̇угкаад̣̇иж̇араамаран̣аад̣̇ибарияааязна арияасажжаани сан̇кзбад̇о жа вид̇т̇аарад̇о жа гат̇зд̇и. д̣̇угканд̇и д̣̇угкасажжам̣ д̣̇угкам̣, на д̣̇угкамад̇д̇ам̣.

    91.Yena yena pariyāyena byākarotīti yena yena dukkhādijarāmaraṇādipariyāyena ariyasaccāni saṅkhepato ca vitthārato ca katheti. Dukkhanti dukkhasaccaṃ dukkhaṃ, na dukkhamattaṃ.

    сажжаваараван̣н̣анаа нидтид̇аа.

    Saccavāravaṇṇanā niṭṭhitā.

    ж̇араамаран̣аваараван̣н̣анаа

    Jarāmaraṇavāravaṇṇanā

    92. д̇зсам̣ д̇зсанд̇и б̣яаабанижчаавасзнааяам̣ нид̣̇д̣̇зсо гад̇о, д̇асмаа яат̇аа ‘‘г̇аамо г̇аамо раман̣ийяо’’д̇и вуд̇д̇з раман̣ийяад̇ааяа д̇аад̣̇исаа саб̣б̣зби г̇аамаа сан̇г̇ахам̣ г̇ажчанд̇и, звам̣ ‘‘д̇зсам̣ д̇зсам̣ сад̇д̇аанам̣ ж̇аад̇ий’’д̇и вуд̇д̇з ж̇аад̇исан̇каад̇авигааравасзна саб̣б̣зби сад̇д̇аа сан̇г̇ахам̣ г̇ажчанд̇и. д̇знааха ‘‘сан̇кзбад̇о анзгзсам̣ сад̇д̇аанам̣ саад̇хааран̣анид̣̇д̣̇зсо’’д̇и.

    92.Tesaṃtesanti byāpanicchāvasenāyaṃ niddeso kato, tasmā yathā ‘‘gāmo gāmo ramaṇīyo’’ti vutte ramaṇīyatāya tādisā sabbepi gāmā saṅgahaṃ gacchanti, evaṃ ‘‘tesaṃ tesaṃ sattānaṃ jātī’’ti vutte jātisaṅkhātavikāravasena sabbepi sattā saṅgahaṃ gacchanti. Tenāha ‘‘saṅkhepato anekesaṃ sattānaṃ sādhāraṇaniddeso’’ti.

    г̇ад̇иж̇аад̇ивасзнаад̇и (сам̣. ни. дий. 2.1.2) бан̃жаг̇ад̇ивасзна, д̇ад̇т̇ааби згзгааяа г̇ад̇ияаа кад̇д̇ияаад̣̇ибхуммад̣̇зваад̣̇ихад̇т̇иаад̣̇иж̇аад̇ивасзна жа. нигияяанд̇и сад̇д̇аа зд̇т̇а, зд̇зна ваад̇и нигааяо, г̇од̇д̇ажаран̣аад̣̇ивибхааг̇о. ж̇арааяа сабхааво наама ваяохаани, д̇асмаа ж̇араад̇и ваяохаанисан̇каад̇асса сабхаавасса нид̣̇д̣̇зсо, баагадаж̇араавасзна нид̣̇д̣̇зсо кан̣д̣ижжаад̣̇ивасзна г̇ахан̣ад̇о. ж̇ийран̣амзва ж̇ийран̣ад̇аа, ж̇ийранд̇асса ваа аагааро д̇аа-сад̣̇д̣̇зна вуд̇д̇о. д̇знааха ‘‘аяам̣ аагааранид̣̇д̣̇зсо’’д̇и. д̣̇анд̇аад̣̇ийнам̣ васзна кан̣д̣ам̣ ж̇аад̇ам̣ зд̇ассаад̇и кан̣д̣ид̇о, буг̇г̇ало. д̇асса бхааво кан̣д̣ижжам̣. балид̇ам̣ зд̇асса ад̇т̇ийд̇и балид̇о, д̇асса бхааво баалижжам̣. вали д̇ажо зд̇ассаад̇и валид̇д̇ажо, д̇асса бхааво валид̇д̇ажад̇аа. имз кан̣д̣ижжаад̣̇аяо ж̇араа. вигаараанам̣ д̣̇ассанавасзнаад̇и вибад̇д̇ид̣̇ассанавасзна. ваад̇ассаад̇и махад̇о ваад̇агканд̇хасса. кан̣д̣ижжаад̣̇ивасзна г̇ад̇амаг̇г̇о баагадо, д̇асмаа кан̣д̣ижжаад̣̇иг̇г̇ахан̣ам̣ ж̇арааяа гижжанид̣̇д̣̇зсод̇и вуд̇д̇анд̇и д̣̇ассзд̇и. на жа кан̣д̣ижжаад̣̇ийнзва ж̇араад̇и галалагаалад̇о бабхуд̇и буримаруубаанам̣ ж̇араабад̇д̇агкан̣з уббаж̇ж̇амаанаани бажчимаруубаани барибаггаруубаануруубаани барин̣ад̇абарин̣ад̇аани уббаж̇ж̇анд̇ийд̇и ануггамзна субарин̣ад̇аруубаанам̣ барибаагагаалз уббаж̇ж̇амаанаани кан̣д̣ижжаад̣̇исабхааваани уббаж̇ж̇анд̇и, д̇аани уд̣̇агаад̣̇имаг̇г̇зсу д̇ин̣аругкасам̣бхаг̇г̇ад̇аад̣̇аяо вияа барибаагаг̇ад̇амаг̇г̇асан̇каад̇зсу барибаггаруубзсу уббаннаани ‘‘ж̇арааяа г̇ад̇о маг̇г̇о’’ижжзва вуд̇д̇аани, на ж̇араад̇и.

    Gatijātivasenāti (saṃ. ni. ṭī. 2.1.2) pañcagativasena, tatthāpi ekekāya gatiyā khattiyādibhummadevādihatthiādijātivasena ca. Nikiyyanti sattā ettha, etena vāti nikāyo, gottacaraṇādivibhāgo. Jarāya sabhāvo nāma vayohāni, tasmā jarāti vayohānisaṅkhātassa sabhāvassa niddeso, pākaṭajarāvasena niddeso khaṇḍiccādivasena gahaṇato. Jīraṇameva jīraṇatā, jīrantassa vā ākāro tā-saddena vutto. Tenāha ‘‘ayaṃ ākāraniddeso’’ti. Dantādīnaṃ vasena khaṇḍaṃ jātaṃ etassāti khaṇḍito, puggalo. Tassa bhāvo khaṇḍiccaṃ. Palitaṃ etassa atthīti palito, tassa bhāvo pāliccaṃ. Vali taco etassāti valittaco, tassa bhāvo valittacatā. Ime khaṇḍiccādayo jarā. Vikārānaṃ dassanavasenāti vipattidassanavasena. Vātassāti mahato vātakkhandhassa. Khaṇḍiccādivasena gatamaggo pākaṭo, tasmā khaṇḍiccādiggahaṇaṃ jarāya kiccaniddesoti vuttanti dasseti. Na ca khaṇḍiccādīneva jarāti kalalakālato pabhuti purimarūpānaṃ jarāpattakkhaṇe uppajjamānāni pacchimarūpāni paripakkarūpānurūpāni pariṇatapariṇatāni uppajjantīti anukkamena supariṇatarūpānaṃ paripākakāle uppajjamānāni khaṇḍiccādisabhāvāni uppajjanti, tāni udakādimaggesu tiṇarukkhasaṃbhaggatādayo viya paripākagatamaggasaṅkhātesu paripakkarūpesu uppannāni ‘‘jarāya gato maggo’’icceva vuttāni, na jarāti.

    багад̇ияаад̇и палавибажжанабагад̇ияаа, ж̇арааяа ваа баабун̣ид̇аб̣б̣ам̣ паламзвабагад̇и, д̇ааяа ж̇араа д̣̇ийбид̇аа. суббасаннаанийд̇и судту басаннаани. д̇амзва суббасаннад̇ам̣ гижжад̇о д̣̇ассзд̇ум̣ ‘‘сукумамбий’’д̇иаад̣̇и вуд̇д̇ам̣. д̇игкависад̣̇ад̇аа хи д̇зсам̣ инд̣̇рияаанам̣ суббасаннад̇аа. аалул̣ид̇аанийд̇и аагулаани. ависад̣̇аанийд̇и аб̣яад̇д̇аани.

    Pakatiyāti phalavipaccanapakatiyā, jarāya vā pāpuṇitabbaṃ phalamevapakati, tāya jarā dīpitā. Suppasannānīti suṭṭhu pasannāni. Tameva suppasannataṃ kiccato dassetuṃ ‘‘sukhumampī’’tiādi vuttaṃ. Tikkhavisadatā hi tesaṃ indriyānaṃ suppasannatā. Āluḷitānīti ākulāni. Avisadānīti abyattāni.

    гаамам̣ руубад̇хаммзсуби кан̣игаж̇араа д̣̇урубалагкид̇аа бадижчаннаава, саа бана яасмаа санд̇аанавасзна бавад̇д̇ияаа бариб̣яад̇д̇аава ход̇ийд̇и ‘‘баагадаж̇араа’’ижжзва вуд̇д̇аа. авийжи ниранд̇араа ж̇араа авийжиж̇араа сад̇и санд̇аанз сад̇д̇аанам̣ ануббаб̣анд̇хад̇о. д̇ад̇о ан̃н̃зсууд̇и манд̣̇ад̣̇асагаад̣̇ийсу буб̣б̣ад̣̇асагаад̣̇ибарижчзд̣̇ад̇о ан̃н̃зсу яат̇аавуд̇д̇зсу. анд̇аранд̇араад̇и д̇зсу зва вуд̇д̇аббагаарзсу буримад̣̇асагаад̣̇ид̇о бажчимад̣̇асагаад̣̇ийнам̣ анд̇аранд̇араа. ван̣н̣ависзсаад̣̇ийнанд̇и ван̣н̣ависзсасан̣таанависзсасампассависзсаад̣̇ийнам̣.

    Kāmaṃ rūpadhammesupi khaṇikajarā durupalakkhitā paṭicchannāva, sā pana yasmā santānavasena pavattiyā paribyattāva hotīti ‘‘pākaṭajarā’’icceva vuttā. Avīci nirantarā jarā avīcijarā sati santāne sattānaṃ anuppabandhato. Tato aññesūti mandadasakādīsu pubbadasakādiparicchedato aññesu yathāvuttesu. Antarantarāti tesu eva vuttappakāresu purimadasakādito pacchimadasakādīnaṃ antarantarā. Vaṇṇavisesādīnanti vaṇṇavisesasaṇṭhānavisesasamphassavisesādīnaṃ.

    важанагавасзнаад̇и га-гаарзна хи бад̣̇ам̣ вад̣дхзд̇ваа вуд̇д̇ам̣, д̇асмаа жаванам̣ жуд̇ийд̇и вуд̇д̇ам̣ ход̇и. д̇ам̣ бана згажад̇убан̃жавогаарабхавзсу жуд̇ияаа ависзсад̇о г̇ахан̣анд̇и ааха ‘‘згажад̇убан̃жагканд̇хаанам̣ сааман̃н̃аважана’’нд̇и. жаванагавасзнаад̇и ваа жаванагасса буг̇г̇аласса васзнаад̇и ад̇т̇о. жаванамзва жаванад̇аад̇и ааха ‘‘бхаававажанзнаа’’д̇и. лагкан̣анид̣̇ассананд̇и ваяасан̇каад̇асса лагкан̣асса нид̣̇ассанам̣. жаванд̇асса ваа аагааро д̇аа-сад̣̇д̣̇зна вуд̇д̇о ‘‘жаванад̇аа’’д̇и. бхиж̇ж̇анам̣ бхзд̣̇од̇и вуд̇д̇ам̣ ‘‘жуд̇игканд̇хаанам̣ бхан̇г̇уббад̇д̇ибарид̣̇ийбана’’нд̇и. яат̇аа бхиннасса гхадасса гзнажи барияааязна гханагхадабхаавзна таанам̣ над̇т̇и, звам̣ бхиннаанам̣ канд̇хаананд̇и жаванам̣ анд̇арахид̇ам̣ наамаад̇и ааха ‘‘анд̇арад̇хаананд̇и…бз… барид̣̇ийбана’’нд̇и. яо мажжууд̇и вужжад̇и бхзд̣̇о, яан̃жа маран̣ам̣ баан̣ажааг̇о, д̇ад̣̇убхаяам̣ згаж̇жхам̣ гад̇ваа вуд̇д̇ам̣ ‘‘мажжу маран̣а’’нд̇и звам̣ ваа зд̇т̇а ад̇т̇о д̣̇адтаб̣б̣о. гааласса анд̇агасса гирияаад̇и яаа логз вужжад̇и, саа жуд̇и, маран̣анд̇и ад̇т̇о. жаванагаало зва ваа анад̇иггаманийяад̇д̇аа висзсзна гаалод̇и вуд̇д̇од̇и д̇асса гирияаа ад̇т̇ад̇о жуд̇игканд̇хаанам̣ бхзд̣̇аббад̇д̇иязва. ‘‘жуд̇и жаванад̇аа’’д̇иаад̣̇инаа буб̣б̣з вохаарамиссагзна нид̣̇д̣̇идтам̣.

    Vacanakavasenāti ka-kārena hi padaṃ vaḍḍhetvā vuttaṃ, tasmā cavanaṃ cutīti vuttaṃ hoti. Taṃ pana ekacatupañcavokārabhavesu cutiyā avisesato gahaṇanti āha ‘‘ekacatupañcakkhandhānaṃ sāmaññavacana’’nti. Cavanakavasenāti vā cavanakassa puggalassa vasenāti attho. Cavanameva cavanatāti āha ‘‘bhāvavacanenā’’ti. Lakkhaṇanidassananti vayasaṅkhātassa lakkhaṇassa nidassanaṃ. Cavantassa vā ākāro tā-saddena vutto ‘‘cavanatā’’ti. Bhijjanaṃ bhedoti vuttaṃ ‘‘cutikkhandhānaṃ bhaṅguppattiparidīpana’’nti. Yathā bhinnassa ghaṭassa kenaci pariyāyena ghanaghaṭabhāvena ṭhānaṃ natthi, evaṃ bhinnānaṃ khandhānanti cavanaṃ antarahitaṃ nāmāti āha ‘‘antaradhānanti…pe… paridīpana’’nti. Yo maccūti vuccati bhedo, yañca maraṇaṃ pāṇacāgo, tadubhayaṃ ekajjhaṃ katvā vuttaṃ ‘‘maccu maraṇa’’nti evaṃ vā ettha attho daṭṭhabbo. Kālassa antakassa kiriyāti yā loke vuccati, sā cuti, maraṇanti attho. Cavanakālo eva vā anatikkamanīyattā visesena kāloti vuttoti tassa kiriyā atthato cutikkhandhānaṃ bhedappattiyeva. ‘‘Cuti cavanatā’’tiādinā pubbe vohāramissakena niddiṭṭhaṃ.

    ид̣̇аани ниб̣б̣ад̇д̇ид̇абарамад̇т̇анаязнзва нид̣̇д̣̇зсод̇и д̣̇ассзд̇ум̣ ‘‘барамад̇т̇зна д̣̇ийбзд̇у’’нд̇и вуд̇д̇ам̣. ‘‘жаванагавасзнаа’’д̇иаад̣̇инаа хи буг̇г̇алавасзна жа вохаараад̇хидтаанаа сам̣ван̣н̣анаа гад̇аа. на гин̃жи гал̣зварам̣ нигкибаги обабаад̇игаанам̣ жуд̇игканд̇хаанам̣ анд̇арад̇хаанамзваход̇и, д̇ад̇о барам̣ уд̇усамудтаанаруубасанд̇ад̇и на бавад̇д̇ад̇и. ‘‘ж̇аад̇исамуд̣̇аяаа’’д̇иаад̣̇ийсу яам̣ вад̇д̇аб̣б̣ам̣, д̇ам̣ ‘‘д̇ан̣хаасамуд̣̇аяаа’’д̇иаад̣̇ийсу вуд̇д̇анаяанзва саггаа вин̃н̃аад̇унд̇и на вуд̇д̇ам̣.

    Idāni nibbattitaparamatthanayeneva niddesoti dassetuṃ ‘‘paramatthena dīpetu’’nti vuttaṃ. ‘‘Cavanakavasenā’’tiādinā hi puggalavasena ca vohārādhiṭṭhānā saṃvaṇṇanā katā. Na kiñci kaḷevaraṃ nikkhipaki opapātikānaṃ cutikkhandhānaṃ antaradhānamevahoti, tato paraṃ utusamuṭṭhānarūpasantati na pavattati. ‘‘Jātisamudayā’’tiādīsu yaṃ vattabbaṃ, taṃ ‘‘taṇhāsamudayā’’tiādīsu vuttanayaneva sakkā viññātunti na vuttaṃ.

    ж̇араамаран̣аваараван̣н̣анаа нидтид̇аа.

    Jarāmaraṇavāravaṇṇanā niṭṭhitā.

    ж̇аад̇иваараван̣н̣анаа

    Jātivāravaṇṇanā

    93. ж̇ааяанадтзнаад̇иаад̣̇и ааяад̇анавасзна яонивасзна жа д̣̇вийхи д̣̇вийхи бад̣̇зхи саб̣б̣асад̇д̇з барияаад̣̇ияид̇ваа ж̇аад̇им̣ д̣̇ассзд̇ум̣ вуд̇д̇ам̣. саммохавинод̣̇анияам̣ (вибха. адта. 191) бана ‘‘ж̇ааяамаанагавасзна ж̇аад̇и, сан̃ж̇ааяанавасзна сан̃ж̇аад̇ий’’д̇и вуд̇д̇ад̇д̇аа д̇ад̇т̇а згзгзнзва бад̣̇зна саб̣б̣асад̇д̇з барияаад̣̇ияид̇ваа ж̇аад̇им̣ д̣̇ассзд̇ийд̇и д̣̇адтаб̣б̣ам̣. самбун̣н̣аа ж̇аад̇и сан̃ж̇аад̇ийд̇и гад̇ваа ‘‘саа барибун̣н̣ааяад̇анавасзна яуд̇д̇аа’’д̇и вуд̇д̇ам̣. зд̇знзва гзвалам̣ ж̇аад̇исад̣̇д̣̇зна вуд̇д̇ааяа ж̇аад̇ияаа абарибун̣н̣ааяад̇анад̇аа д̣̇адтаб̣б̣аа. абхиб̣яад̇д̇аа ниб̣б̣ад̇д̇и абхиниб̣б̣ад̇д̇и, баагадаа ниб̣б̣ад̇д̇ийд̇и ад̇т̇о. ‘‘д̇зсам̣ д̇зсам̣ сад̇д̇аанам̣…бз… абхиниб̣б̣ад̇д̇ий’’д̇и сад̇д̇авасзна бавад̇д̇ад̇д̇аа вохаарад̣̇зсанаа.

    93.Jāyanaṭṭhenātiādi āyatanavasena yonivasena ca dvīhi dvīhi padehi sabbasatte pariyādiyitvā jātiṃ dassetuṃ vuttaṃ. Sammohavinodaniyaṃ (vibha. aṭṭha. 191) pana ‘‘jāyamānakavasena jāti, sañjāyanavasena sañjātī’’ti vuttattā tattha ekekeneva padena sabbasatte pariyādiyitvā jātiṃ dassetīti daṭṭhabbaṃ. Sampuṇṇā jāti sañjātīti katvā ‘‘sā paripuṇṇāyatanavasena yuttā’’ti vuttaṃ. Eteneva kevalaṃ jātisaddena vuttāya jātiyā aparipuṇṇāyatanatā daṭṭhabbā. Abhibyattā nibbatti abhinibbatti, pākaṭā nibbattīti attho. ‘‘Tesaṃ tesaṃ sattānaṃ…pe… abhinibbattī’’ti sattavasena pavattattā vohāradesanā.

    д̇ад̇ра д̇ад̇раад̇и зд̇т̇а жад̇увогаарабхавз д̣̇виннам̣, згавогаарабхавз д̣̇виннам̣, сзсаруубад̇хаад̇уяам̣ бадисанд̇хигкан̣з уббаж̇ж̇амаанаанам̣ бан̃жаннам̣, гаамад̇хаад̇уяам̣ вигалаавигалинд̣̇рияавасзна сад̇д̇аннам̣ наваннам̣ д̣̇асаннам̣, буна д̣̇асаннам̣, згаад̣̇асаннан̃жа ааяад̇анаанам̣ васзна сан̇г̇ахо взд̣̇ид̇аб̣б̣о. яад̣̇иби жуд̇игканд̇хаа ананд̇араанам̣ бадисанд̇хигад̇хаммаанам̣ ананд̇араад̣̇инаа бажжаяаа хонд̇и, яз бана самуд̣̇аяаа аж̇анагаа, д̇з зд̇т̇а убабад̇д̇ибхавод̇и ад̇хиббзд̇аа. ж̇анаго зва бхавод̇и ад̇хиббзд̇од̇и д̣̇ассзнд̇о ‘‘ж̇аад̇ияаа бажжаяабхууд̇о гаммабхаво взд̣̇ид̇аб̣б̣о’’д̇и ааха.

    Tatratatrāti ettha catuvokārabhave dvinnaṃ, ekavokārabhave dvinnaṃ, sesarūpadhātuyaṃ paṭisandhikkhaṇe uppajjamānānaṃ pañcannaṃ, kāmadhātuyaṃ vikalāvikalindriyavasena sattannaṃ navannaṃ dasannaṃ, puna dasannaṃ, ekādasannañca āyatanānaṃ vasena saṅgaho veditabbo. Yadipi cutikkhandhā anantarānaṃ paṭisandhikadhammānaṃ anantarādinā paccayā honti, ye pana samudayā ajanakā, te ettha upapattibhavoti adhippetā. Janako eva bhavoti adhippetoti dassento ‘‘jātiyā paccayabhūto kammabhavo veditabbo’’ti āha.

    ж̇аад̇иваараван̣н̣анаа нидтид̇аа.

    Jātivāravaṇṇanā niṭṭhitā.

    бхававаараван̣н̣анаа

    Bhavavāravaṇṇanā

    94. бхааванабхаванадтзна бхаво д̣̇увид̇хо. д̇ад̇т̇а гаммабхаво ‘‘бхавад̇и зд̇асмаа убабад̇д̇ибхаво’’д̇и бхааванадтзна бхаво. адтагат̇ааяам̣ бана убабад̇д̇ибхавам̣ ‘‘бхавад̇ийд̇и бхаво’’д̇и вад̇ваа д̇асса гааран̣ад̇д̇аа гаммам̣ палуубажаарзна бхавод̇и аяамад̇т̇о вуд̇д̇о, убхаяад̇т̇ааби убабад̇д̇ибхавахзд̇убхааванзд̇т̇а гаммасса гаммабхавабарияааяод̇и д̣̇ассид̇ам̣ ход̇и. саб̣б̣ат̇аабийд̇и бхааванабхаванагусалаагусалаубабад̇д̇исамбад̇д̇ибхавахийнабан̣ийд̇аад̣̇инаа саб̣б̣аббагаарзнаби. гаамабхавод̇и вуд̇д̇ам̣ гаамад̇ан̣хаахзд̇угад̇о гаамад̇ан̣хааяа аарамман̣абхаавад̇о жа. руубабхавуубаг̇агаммам̣ руубабхаво, д̇ат̇аа аруубабхавуубаг̇агаммам̣ аруубабхаво, д̇ам̣д̇ам̣ниб̣б̣ад̇д̇агканд̇хаа руубааруубубад̇д̇ибхаваа, руубааруубабхавабхааво бана д̇зсам̣ ‘‘гаамабхаво’’д̇и зд̇т̇а вуд̇д̇анаязнзва взд̣̇ид̇аб̣б̣о.

    94. Bhāvanabhavanaṭṭhena bhavo duvidho. Tattha kammabhavo ‘‘bhavati etasmā upapattibhavo’’ti bhāvanaṭṭhena bhavo. Aṭṭhakathāyaṃ pana upapattibhavaṃ ‘‘bhavatīti bhavo’’ti vatvā tassa kāraṇattā kammaṃ phalūpacārena bhavoti ayamattho vutto, ubhayatthāpi upapattibhavahetubhāvanettha kammassa kammabhavapariyāyoti dassitaṃ hoti. Sabbathāpīti bhāvanabhavanakusalākusalaupapattisampattibhavahīnapaṇītādinā sabbappakārenapi. Kāmabhavoti vuttaṃ kāmataṇhāhetukato kāmataṇhāya ārammaṇabhāvato ca. Rūpabhavūpagakammaṃ rūpabhavo, tathā arūpabhavūpagakammaṃ arūpabhavo, taṃtaṃnibbattakkhandhā rūpārūpupattibhavā, rūpārūpabhavabhāvo pana tesaṃ ‘‘kāmabhavo’’ti ettha vuttanayeneva veditabbo.

    бхававаараван̣н̣анаа нидтид̇аа.

    Bhavavāravaṇṇanā niṭṭhitā.

    убаад̣̇аанаваараван̣н̣анаа

    Upādānavāravaṇṇanā

    95. убаад̣̇аананд̇и жад̇уб̣б̣ид̇хамби убаад̣̇аанам̣. яат̇аа хи гаамассаад̣̇авасзна, бхавассаад̣̇авасзна ваа д̇ам̣д̇ам̣суг̇ад̇ибхавуубаг̇ам̣ гаммам̣ гаронд̇асса гаамубаад̣̇аанам̣, звам̣ ужчзд̣̇аад̣̇имижчаабхинивзсавасзнаад̇и жад̇д̇аариби убаад̣̇аанаани яат̇аарахам̣ д̇асса д̇асса гусалагаммабхавасса убаниссаяавасзнзва бажжаяаа хонд̇и, агусалагаммабхавасса асахаж̇аад̇асса ананд̇арасса убаниссаяавасзнаби аарамман̣авасзнаби . сахаж̇аад̇асса гаамубаад̣̇аанам̣ сахаж̇аад̇а-ан̃н̃аман̃н̃а-ниссаяа-самбаяуд̇д̇а-ад̇т̇и-авиг̇ад̇а-хзд̇у-васзна сад̇д̇ад̇хаа, сзсаубаад̣̇аанаани д̇ад̇т̇а хзд̇убажжаяабхаавам̣ бахааяа маг̇г̇абажжаяам̣ багкибид̇ваа сад̇д̇ад̇хаава бажжаяаа хонд̇и. ананд̇арасса бана ананд̇арасамананд̇араананд̇аруубаниссаяанад̇т̇ивиг̇ад̇аасзванавасзна бажжаяаа хонд̇и. д̇ассид̣̇амби сахаж̇аад̇аад̣̇ийд̇и аад̣̇и-сад̣̇д̣̇зна сан̇г̇ахид̇анд̇и д̣̇адтаб̣б̣ам̣. вад̇т̇угаамам̣ убаад̣̇ияад̇и жид̇д̇ам̣, буг̇г̇ало ваа зд̇знаад̇и ад̇т̇о. д̇анд̇и вад̇т̇угаамам̣. гаамзд̇ийд̇и гаамо жа со убаад̣̇ияад̇ийд̇и убаад̣̇аанан̃жаад̇и яож̇анаа. вуд̇д̇анаязнаад̇и абхид̇хаммз вуд̇д̇анаязна.

    95.Upādānanti catubbidhampi upādānaṃ. Yathā hi kāmassādavasena, bhavassādavasena vā taṃtaṃsugatibhavūpagaṃ kammaṃ karontassa kāmupādānaṃ, evaṃ ucchedādimicchābhinivesavasenāti cattāripi upādānāni yathārahaṃ tassa tassa kusalakammabhavassa upanissayavaseneva paccayā honti, akusalakammabhavassa asahajātassa anantarassa upanissayavasenapi ārammaṇavasenapi . Sahajātassa kāmupādānaṃ sahajāta-aññamañña-nissaya-sampayutta-atthi-avigata-hetu-vasena sattadhā, sesaupādānāni tattha hetupaccayabhāvaṃ pahāya maggapaccayaṃ pakkhipitvā sattadhāva paccayā honti. Anantarassa pana anantarasamanantaraanantarūpanissayanatthivigatāsevanavasena paccayā honti. Tassidampi sahajātādīti ādi-saddena saṅgahitanti daṭṭhabbaṃ. Vatthukāmaṃ upādiyati cittaṃ, puggalo vā etenāti attho. Tanti vatthukāmaṃ. Kāmetīti kāmo ca so upādiyatīti upādānañcāti yojanā. Vuttanayenāti abhidhamme vuttanayena.

    сассад̇о ад̇д̇аад̇и ид̣̇ам̣ буримад̣̇идтим̣ убаад̣̇ияамаанам̣ уд̇д̇арад̣̇идтим̣ нид̣̇ассзд̇ум̣ вуд̇д̇ам̣. яат̇аа зсаа д̣̇идти д̣̇ал̣хийгаран̣авасзна буримам̣ буримам̣ уд̇д̇араа уд̇д̇араа убаад̣̇ияад̇и, звам̣ ‘‘над̇т̇и д̣̇инна’’нд̇иаад̣̇игаабийд̇и. ад̇д̇аг̇г̇ахан̣ам̣ бана ад̇д̇аваад̣̇убаад̣̇аананд̇и наяид̣̇ам̣ д̣̇идтубаад̣̇аанад̣̇ассананд̇и д̣̇адтаб̣б̣ам̣. лого жаад̇и ад̇д̇аг̇г̇ахан̣авинимуд̇д̇аг̇ахан̣ам̣ д̣̇идтубаад̣̇аанабхууд̇ам̣ ид̇ха буримад̣̇идтиуд̇д̇арад̣̇идтиважанзхи вуд̇д̇анд̇и взд̣̇ид̇аб̣б̣ам̣. саб̣б̣ад̣̇идтиг̇ад̇асса ‘‘д̣̇идтубаад̣̇аана’’нд̇и зд̇ам̣ ад̇хиважанам̣ ‘‘саб̣б̣ааби д̣̇идти д̣̇идтубаад̣̇аана’’нд̇и важанад̇о.

    Sassato attāti idaṃ purimadiṭṭhiṃ upādiyamānaṃ uttaradiṭṭhiṃ nidassetuṃ vuttaṃ. Yathā esā diṭṭhi daḷhīkaraṇavasena purimaṃ purimaṃ uttarā uttarā upādiyati, evaṃ ‘‘natthi dinna’’ntiādikāpīti. Attaggahaṇaṃ pana attavādupādānanti nayidaṃ diṭṭhupādānadassananti daṭṭhabbaṃ. Loko cāti attaggahaṇavinimuttagahaṇaṃ diṭṭhupādānabhūtaṃ idha purimadiṭṭhiuttaradiṭṭhivacanehi vuttanti veditabbaṃ. Sabbadiṭṭhigatassa ‘‘diṭṭhupādāna’’nti etaṃ adhivacanaṃ ‘‘sabbāpi diṭṭhi diṭṭhupādāna’’nti vacanato.

    сийлаб̣б̣ад̇ам̣ убаад̣̇ияанд̇ийд̇и сийлаб̣б̣ад̇ам̣ ‘‘суд̣̇д̇химаг̇г̇о’’д̇и убаад̣̇ияанд̇и. зд̇зна мижчаабхинивзсзна. саяам̣ ваа д̇ам̣ мижчаабхинивзсасахаг̇ад̇ам̣. сийлаб̣б̣ад̇асахажаран̣ад̇о сийлаб̣б̣ад̇ан̃жа д̇ам̣ д̣̇ал̣хаг̇г̇аахабхаавад̇о убаад̣̇аанан̃жаад̇и сийлаб̣б̣ад̇убаад̣̇аанам̣. звам̣ суд̣̇д̇хийд̇и абхинивзсад̇од̇и звам̣ г̇осийлаг̇овад̇аад̣̇ижаран̣зна сам̣саарасуд̣̇д̇хийд̇и абхинивзсабхаавад̇о. зд̇зна д̇ам̣ сахажаран̣ад̇о абхинивзсасса д̇ам̣сад̣̇д̣̇аарахад̇ам̣ д̣̇ассзд̇и.

    Sīlabbataṃ upādiyantīti sīlabbataṃ ‘‘suddhimaggo’’ti upādiyanti. Etena micchābhinivesena. Sayaṃ vā taṃ micchābhinivesasahagataṃ. Sīlabbatasahacaraṇato sīlabbatañca taṃ daḷhaggāhabhāvato upādānañcāti sīlabbatupādānaṃ. Evaṃ suddhīti abhinivesatoti evaṃ gosīlagovatādicaraṇena saṃsārasuddhīti abhinivesabhāvato. Etena taṃ sahacaraṇato abhinivesassa taṃsaddārahataṃ dasseti.

    вад̣̇анд̇ийд̇и ‘‘ад̇т̇и мз ад̇д̇аа’’д̇иаад̣̇инаа вохаранд̇и. зд̇зна д̣̇идтиг̇ад̇зна. ад̇д̇аваад̣̇амад̇д̇амзваад̇и ад̇д̇аад̇и ваажаамад̇д̇амзва. зд̇зна ваажаавад̇т̇умад̇д̇амзд̇ам̣, яад̣̇ид̣̇ам̣ б̣аахирагабаригаббид̇о ад̇д̇аад̇и д̣̇ассзд̇и.

    Vadantīti ‘‘atthi me attā’’tiādinā voharanti. Etena diṭṭhigatena. Attavādamattamevāti attāti vācāmattameva. Etena vācāvatthumattametaṃ, yadidaṃ bāhirakaparikappito attāti dasseti.

    д̇ан̣хаа гаамубаад̣̇аанассаад̇и зд̇т̇а ‘‘д̇ад̇т̇а гад̇амам̣ гаамубаад̣̇аанам̣? яо гаамзсу гаамажчанд̣̇о гаамарааг̇о гаамананд̣̇ий гаамад̇ан̣хаа гаамаснзхо гаамабарил̣аахо гаамамужчаа гаамаж̇жхосаанам̣. ид̣̇ам̣ вужжад̇и гаамубаад̣̇аана’’нд̇и важанад̇о д̇ан̣хаад̣̇ал̣хад̇д̇ам̣ гаамубаад̣̇аанам̣. д̇ан̣хаад̣̇ал̣хад̇д̇анд̇и жа буримад̇ан̣хааубаниссаяабажжаяад̇о д̣̇ал̣хабхууд̇аа уд̇д̇арад̇ан̣хаа зва. гзжи банааху –

    Taṇhākāmupādānassāti ettha ‘‘tattha katamaṃ kāmupādānaṃ? Yo kāmesu kāmacchando kāmarāgo kāmanandī kāmataṇhā kāmasneho kāmapariḷāho kāmamucchā kāmajjhosānaṃ. Idaṃ vuccati kāmupādāna’’nti vacanato taṇhādaḷhattaṃ kāmupādānaṃ. Taṇhādaḷhattanti ca purimataṇhāupanissayapaccayato daḷhabhūtā uttarataṇhā eva. Keci panāhu –

    ‘‘аббад̇д̇ависаяабад̇т̇анаа д̇ан̣хаа анд̇хагаарз жорассахад̇т̇аббасааран̣ам̣ вияа, самбад̇д̇ависаяаг̇г̇ахан̣ам̣ убаад̣̇аанам̣ д̇ассзва бхан̣д̣аг̇г̇ахан̣ам̣ вияаа’’д̇и. аббижчасанд̇удтибадибагкаа зд̇з д̇хаммаа бариязсанаарагкад̣̇угкамуулаани, д̇асмаа вуд̇д̇алагкан̣аа д̇ан̣хаа вуд̇д̇алагкан̣ассзва убаад̣̇аанасса анаананд̇арасса убаниссаяавасзна бажжаяо, аарамман̣аад̣̇ивасзнаби бажжаяо ход̇иязва, ананд̇араад̣̇ийнам̣ бана ананд̇араад̣̇ивасзна бажжаяо. саб̣б̣ассаби хи лобхасса д̇ан̣хаабарияааяоби гаамубаад̣̇аанабарияааяоби лаб̣бхад̇зваад̇и. авасзсаананд̇и д̣̇идтубаад̣̇аанаад̣̇ийнам̣. сахаж̇аад̇аад̣̇ивасзнаад̇и сахаж̇аад̇аанам̣ сахаж̇аад̇аад̣̇ивасзна, асахаж̇аад̇аанам̣ ананд̇араубаниссаяаад̣̇ивасзнаад̇и саб̣б̣ам̣ хздтаа вуд̇д̇анаязнзва взд̣̇ид̇аб̣б̣ам̣.

    ‘‘Appattavisayapatthanā taṇhā andhakāre corassahatthappasāraṇaṃ viya, sampattavisayaggahaṇaṃ upādānaṃ tasseva bhaṇḍaggahaṇaṃ viyā’’ti. Appicchasantuṭṭhipaṭipakkhā ete dhammā pariyesanārakkhadukkhamūlāni, tasmā vuttalakkhaṇā taṇhā vuttalakkhaṇasseva upādānassa anānantarassa upanissayavasena paccayo, ārammaṇādivasenapi paccayo hotiyeva, anantarādīnaṃ pana anantarādivasena paccayo. Sabbassapi hi lobhassa taṇhāpariyāyopi kāmupādānapariyāyopi labbhatevāti. Avasesānanti diṭṭhupādānādīnaṃ. Sahajātādivasenāti sahajātānaṃ sahajātādivasena, asahajātānaṃ anantaraupanissayādivasenāti sabbaṃ heṭṭhā vuttanayeneva veditabbaṃ.

    убаад̣̇аанаваараван̣н̣анаа нидтид̇аа.

    Upādānavāravaṇṇanā niṭṭhitā.

    д̇ан̣хааваараван̣н̣анаа

    Taṇhāvāravaṇṇanā

    96. ‘‘жагкусампассо’’д̇иаад̣̇и пассасса маад̇ид̇о наамам̣ вияа буд̇д̇асса вад̇т̇уд̇о д̇асса ниссаяабхаавзна уббад̇д̇ихзд̇уд̇д̇аа, аарамман̣ам̣ бана гзвалам̣ уббад̇д̇ихзд̇ууд̇и вуд̇д̇ам̣ ‘‘сздти…бз… наама’’нд̇и. гаамарааг̇абхаавзнаад̇и вад̇т̇угаамасса раж̇ж̇анавасзна. руубам̣ ассаад̣̇знд̇ийд̇и рубаарамман̣ам̣ д̇ан̣хаабхинанд̣̇анаавасзна абхирамамаанаа зва ассаад̣̇знд̇ий. нижжанд̇иаад̣̇инаа д̣̇идтаабхинанд̣̇анаамукзна руубам̣ абхираманд̇ий. бзжжа на бхависсад̇ийд̇и бхиж̇ж̇ид̇ваа на ход̇и буна ануббаж̇ж̇анад̇о. д̇ат̇аа сад̣̇д̣̇аган̣хаад̣̇аяобийд̇и яат̇аа руубад̇ан̣хаа гаамарааг̇абхаавзна сассад̇арааг̇авасзна ужчзд̣̇арааг̇авасзнаад̇и жа бавад̇д̇ияаа д̇иссо д̇ан̣хаа, д̇ат̇аа сад̣̇д̣̇ад̇ан̣хаа г̇анд̇харасаподтаб̣б̣ад̇хаммад̇ан̣хааби. д̇ан̣хаавижарид̇аанийд̇и д̇ан̣хаасамуд̣̇аажаараа, самуд̣̇аажааравасзна бавад̇д̇ад̇ан̣хаад̇и ад̇т̇о.

    96. ‘‘Cakkhusamphasso’’tiādi phassassa mātito nāmaṃ viya puttassa vatthuto tassa nissayabhāvena uppattihetuttā, ārammaṇaṃ pana kevalaṃ uppattihetūti vuttaṃ ‘‘seṭṭhi…pe… nāma’’nti. Kāmarāgabhāvenāti vatthukāmassa rajjanavasena. Rūpaṃ assādentīti rupārammaṇaṃ taṇhābhinandanāvasena abhiramamānā eva assādentī. Niccantiādinā diṭṭhābhinandanāmukhena rūpaṃ abhiramantī. Pecca na bhavissatīti bhijjitvā na hoti puna anuppajjanato. Tathā saddakaṇhādayopīti yathā rūpataṇhā kāmarāgabhāvena sassatarāgavasena ucchedarāgavasenāti ca pavattiyā tisso taṇhā, tathā saddataṇhā gandharasaphoṭṭhabbadhammataṇhāpi. Taṇhāvicaritānīti taṇhāsamudācārā, samudācāravasena pavattataṇhāti attho.

    аж̇жхад̇д̇игассубаад̣̇ааяаад̇и (вибха. адта. 973; сам̣. ни. дий. 2.2.2) аж̇жхад̇д̇игам̣ канд̇хабан̃жагам̣ убаад̣̇ааяа. убаяог̇ад̇т̇з хи ид̣̇ам̣ саамиважанам̣. асмийд̇и ход̇ийд̇и яад̣̇зд̇ам̣ аж̇жхад̇д̇ам̣ канд̇хабан̃жагам̣ убаад̣̇ааяа д̇ан̣хаамаанад̣̇идтивасзна самуухаг̇аахад̇о асмийд̇и звам̣ ход̇и, д̇асмим̣ сад̇ийд̇и ад̇т̇о. ид̇т̇асмийд̇и ход̇ийд̇и кад̇д̇ияаад̣̇ийсу ‘‘ид̣̇ам̣багааро аха’’нд̇и звам̣ д̇ан̣хаамаанад̣̇идтивасзна ход̇ийд̇и ид̣̇амзд̇т̇а анубанид̇хааяа г̇ахан̣ам̣. звамаад̣̇инаад̇и аад̣̇и-сад̣̇д̣̇зна ‘‘звам̣смийд̇и, ан̃н̃ат̇аасмийд̇и, бхависсанд̇и, ид̇т̇ам̣ бхависсанд̇и, звам̣ бхависсанд̇и, ан̃н̃ат̇аа бхависсанд̇и, асасмийд̇и, сад̇асмийд̇и, сияанд̇и, ид̇т̇ам̣ сияанд̇и, звам̣ сияанд̇и, ан̃н̃ат̇аа сияанд̇и, абаахам̣ сияанд̇и, абаахам̣ ид̇т̇ам̣ сияанд̇и, абаахам̣ звам̣ сияанд̇и, абаахам̣ ан̃н̃ат̇аа сияа’’нд̇и (вибха. 973) имзсам̣ д̇ан̣хаавижарид̇аанам̣ г̇ахан̣ам̣. д̇ад̇т̇а звам̣смийд̇и ид̣̇ам̣ самад̇о убанид̇хааяа г̇ахан̣ам̣, яат̇аа аяам̣ кад̇д̇ияо, яат̇аа аяам̣ б̣раахман̣о, звам̣ ахамбийд̇и ад̇т̇о. ан̃н̃ат̇аасмийд̇и ид̣̇ам̣ асаман̣о убанид̇хааяа г̇ахан̣ам̣, яат̇аа аяам̣ кад̇д̇ияо, яат̇аа аяам̣ б̣раахман̣о, д̇ад̇о ан̃н̃ат̇аа ахам̣ хийно ваа ад̇хиго ваад̇и ад̇т̇о. ид̇и имаани буб̣б̣з вуд̇д̇аани д̣̇взд̇и зд̇аани бажжуббаннавасзна жад̇д̇аари д̇ан̣хаавижарид̇аани. бхависсанд̇иаад̣̇ийни бана жад̇д̇аари анааг̇ад̇авасзна вуд̇д̇аани. д̇зсам̣ буримажад̇уггз вуд̇д̇анаязнзва ад̇т̇о взд̣̇ид̇аб̣б̣о. асасмийд̇и асад̇ийд̇и асам̣. нижжассзд̇ам̣ ад̇хиважанам̣, д̇асмаа сассад̇о асмийд̇и ад̇т̇о. сад̇асмийд̇и сийд̣̇ад̇ийд̇и сад̇ам̣. анижжассзд̇ам̣ ад̇хиважанам̣, д̇асмаа асассад̇о асмийд̇и ад̇т̇о. ид̇и имаани д̣̇вз сассад̇ужчзд̣̇авасзна вуд̇д̇аани. ид̇о бараани сияанд̇иаад̣̇ийни жад̇д̇аари сам̣саяабаривид̇аггавасзна вуд̇д̇аани, д̇аани буримажад̇уггз вуд̇д̇анаязна ад̇т̇ад̇о взд̣̇ид̇аб̣б̣аани. абаахам̣ сияанд̇иаад̣̇ийни жад̇д̇аари ‘‘аби наамаахам̣ бхавзяяа’’нд̇и звам̣ бад̇т̇анаагаббанавасзна вуд̇д̇аани, д̇аани буримажад̇уггз вуд̇д̇анаязнзва взд̣̇ид̇аб̣б̣аани.

    Ajjhattikassupādāyāti (vibha. aṭṭha. 973; saṃ. ni. ṭī. 2.2.2) ajjhattikaṃ khandhapañcakaṃ upādāya. Upayogatthe hi idaṃ sāmivacanaṃ. Asmīti hotīti yadetaṃ ajjhattaṃ khandhapañcakaṃ upādāya taṇhāmānadiṭṭhivasena samūhagāhato asmīti evaṃ hoti, tasmiṃ satīti attho. Itthasmīti hotīti khattiyādīsu ‘‘idaṃpakāro aha’’nti evaṃ taṇhāmānadiṭṭhivasena hotīti idamettha anupanidhāya gahaṇaṃ. Evamādināti ādi-saddena ‘‘evaṃsmīti, aññathāsmīti, bhavissanti, itthaṃ bhavissanti, evaṃ bhavissanti, aññathā bhavissanti, asasmīti, satasmīti, siyanti, itthaṃ siyanti, evaṃ siyanti, aññathā siyanti, apāhaṃ siyanti, apāhaṃ itthaṃ siyanti, apāhaṃ evaṃ siyanti, apāhaṃ aññathā siya’’nti (vibha. 973) imesaṃ taṇhāvicaritānaṃ gahaṇaṃ. Tattha evaṃsmīti idaṃ samato upanidhāya gahaṇaṃ, yathā ayaṃ khattiyo, yathā ayaṃ brāhmaṇo, evaṃ ahampīti attho. Aññathāsmīti idaṃ asamaṇo upanidhāya gahaṇaṃ, yathā ayaṃ khattiyo, yathā ayaṃ brāhmaṇo, tato aññathā ahaṃ hīno vā adhiko vāti attho. Iti imāni pubbe vuttāni dveti etāni paccuppannavasena cattāri taṇhāvicaritāni. Bhavissantiādīni pana cattāri anāgatavasena vuttāni. Tesaṃ purimacatukke vuttanayeneva attho veditabbo. Asasmīti asatīti asaṃ. Niccassetaṃ adhivacanaṃ, tasmā sassato asmīti attho. Satasmīti sīdatīti sataṃ. Aniccassetaṃ adhivacanaṃ, tasmā asassato asmīti attho. Iti imāni dve sassatucchedavasena vuttāni. Ito parāni siyantiādīni cattāri saṃsayaparivitakkavasena vuttāni, tāni purimacatukke vuttanayena atthato veditabbāni. Apāhaṃ siyantiādīni cattāri ‘‘api nāmāhaṃ bhaveyya’’nti evaṃ patthanākappanavasena vuttāni, tāni purimacatukke vuttanayeneva veditabbāni.

    зд̇т̇а жа сассад̇ужчзд̣̇авасзна вуд̇д̇аа д̣̇вз д̣̇идтисийсаа наама, асми, бхависсам̣, сияам̣, абаахам̣ сияанд̇и зд̇з бана жад̇д̇ааро суд̣̇д̇хасийсаа зва, ‘‘ид̇т̇асмий’’д̇иаад̣̇аяо д̇аяо д̇аяод̇и д̣̇ваад̣̇аса сийсамуулагаа наама. звамзд̇аани д̣̇вз д̣̇идтисийсаа, жад̇д̇ааро суд̣̇д̇хасийсаа, д̣̇ваад̣̇аса сийсамуулагаад̇и аж̇жхад̇д̇игассубаад̣̇ааяа адтаарасса д̇ан̣хаавижарид̇аани взд̣̇ид̇аб̣б̣аани.

    Ettha ca sassatucchedavasena vuttā dve diṭṭhisīsā nāma, asmi, bhavissaṃ, siyaṃ, apāhaṃ siyanti ete pana cattāro suddhasīsā eva, ‘‘itthasmī’’tiādayo tayo tayoti dvādasa sīsamūlakā nāma. Evametāni dve diṭṭhisīsā, cattāro suddhasīsā, dvādasa sīsamūlakāti ajjhattikassupādāya aṭṭhārassa taṇhāvicaritāni veditabbāni.

    б̣аахирассубаад̣̇ааяаад̇и б̣аахирам̣ канд̇хабан̃жагам̣ убаад̣̇ааяа. ид̣̇амби хи убаяог̇ад̇т̇з саамиважанам̣. иминаад̇и иминаа рубзна ваа…бз… вин̃н̃аан̣зна ваад̇и звам̣ руубаад̣̇ийсу згамзва ‘‘аха’’нд̇и, ид̇арам̣ гин̃жанабалиб̣од̇хабхаавзна г̇ахзд̇ваа д̇ан̣хаад̣̇ивасзна ‘‘асмий’’д̇и абхинивисад̇и, ‘‘иминаа’’д̇и аяамзд̇т̇а висзсо. асмийд̇и иминаа каг̇г̇зна ваа чад̇д̇зна ваа абхисзгзна ваа ‘‘кад̇д̇ияохамасмий’’д̇и абхинивисад̇и. б̣аахираруубаад̣̇иниссид̇аанийд̇и б̣аахираани барасанд̇ад̇ибарияаабаннаани руубавзд̣̇анаад̣̇ийни ниссид̇аани. адтаарасаад̇и иминаа ‘‘асмий’’д̇иаад̣̇инаяаббавад̇д̇аани адтаараса, д̇аани буб̣б̣з вуд̇д̇анаязнзва взд̣̇ид̇аб̣б̣аани. ‘‘иминаа’’д̇и хи аяамзвзд̇т̇а висзсо, д̇асмаа ‘‘д̣̇вз д̣̇идтисийсаа’’д̇иаад̣̇инаа вуд̇д̇анаязнзва нид̣̇д̇хаарзд̇ваа взд̣̇ид̇аб̣б̣аа. убхаяам̣ бана згаж̇жхам̣ гад̇ваа ааха ‘‘чад̇д̇им̣саа’’д̇и.

    Bāhirassupādāyāti bāhiraṃ khandhapañcakaṃ upādāya. Idampi hi upayogatthe sāmivacanaṃ. Imināti iminā rupena vā…pe… viññāṇena vāti evaṃ rūpādīsu ekameva ‘‘aha’’nti, itaraṃ kiñcanapalibodhabhāvena gahetvā taṇhādivasena ‘‘asmī’’ti abhinivisati, ‘‘iminā’’ti ayamettha viseso. Asmīti iminā khaggena vā chattena vā abhisekena vā ‘‘khattiyohamasmī’’ti abhinivisati. Bāhirarūpādinissitānīti bāhirāni parasantatipariyāpannāni rūpavedanādīni nissitāni. Aṭṭhārasāti iminā ‘‘asmī’’tiādinayappavattāni aṭṭhārasa, tāni pubbe vuttanayeneva veditabbāni. ‘‘Iminā’’ti hi ayamevettha viseso, tasmā ‘‘dve diṭṭhisīsā’’tiādinā vuttanayeneva niddhāretvā veditabbā. Ubhayaṃ pana ekajjhaṃ katvā āha ‘‘chattiṃsā’’ti.

    нид̣̇д̣̇зсад̇т̇знаад̇и ‘‘чаяимз аавусо д̇ан̣хаагааяаа’’д̇иаад̣̇инид̣̇д̣̇зсабаал̣ияаа ад̇т̇аважанзна. нид̣̇д̣̇зсавид̇т̇аараад̇и д̇асса жа нид̣̇д̣̇зсасса адтасад̇ад̇ан̣хаавижарид̇авасзна вид̇т̇аарзна. вид̇т̇аарасса жа буна сан̇г̇ахад̇од̇и д̣̇вийхи аагаарзхи вид̇т̇аарид̇асса адтаарасад̇ан̣хаавижарид̇абабхзд̣̇асса чал̣зва д̇иссоязваад̇и жа буна сан̇г̇ахан̣ад̇о жа.

    Niddesatthenāti ‘‘chayime āvuso taṇhākāyā’’tiādiniddesapāḷiyā atthavacanena. Niddesavitthārāti tassa ca niddesassa aṭṭhasatataṇhāvicaritavasena vitthārena. Vitthārassa ca puna saṅgahatoti dvīhi ākārehi vitthāritassa aṭṭhārasataṇhāvicaritapabhedassa chaḷeva tissoyevāti ca puna saṅgahaṇato ca.

    вибаагавзд̣̇анаа ад̇хиббзд̇аа висзсад̇о ад̇д̇аанам̣ ассаад̣̇зд̇аб̣б̣ад̇о. д̇амзва хиссаа ассаад̣̇зд̇аб̣б̣ад̇ам̣ багаасзд̇ум̣ ‘‘гат̇а’’нд̇иаад̣̇и вуд̇д̇ам̣. ассаад̣̇анзнаад̇и абхирад̇ияаа. мамааяанд̇аад̇и д̇ханааяанд̇аа. жид̇д̇агаараад̣̇ийнанд̇и аад̣̇и-сад̣̇д̣̇зна идтаван̣н̣аарамман̣ад̣̇ааяагаанам̣ сан̇г̇ахо. сиббасанд̣̇ассанагаад̣̇ийнанд̇и аад̣̇и-сад̣̇д̣̇зна взж̇ж̇аад̣̇ийнам̣ сан̇г̇ахо. взж̇ж̇аа хи расааяад̇анож̇аавасзна д̇ад̣̇убад̇т̇амбхид̇авасзна жа д̇хаммаарамман̣асса д̣̇ааяагаа. свааяам̣ аад̣̇и-сад̣̇д̣̇о ‘‘вийн̣ааваад̣̇агаад̣̇ий’’д̇иаад̣̇инаа бажжзган̃жа яож̇зд̇аб̣б̣о, буд̇д̇ам̣ мамааяанд̇аад̇и буд̇д̇ам̣ самбияааяанд̇аа. буд̇д̇о вияа жзд̇т̇а взд̣̇анаа д̣̇адтаб̣б̣аа, саббааяасаббикийраад̣̇ийни вияа взд̣̇анааяа бажжаяабхууд̇аани идтаруубаад̣̇иаарамман̣аани, д̇хаад̇и вияа руубаад̣̇ичал̣аарамман̣ад̣̇ааяагаа жид̇д̇агаараад̣̇аяо д̣̇адтаб̣б̣аа.

    Vipākavedanā adhippetā visesato attānaṃ assādetabbato. Tameva hissā assādetabbataṃ pakāsetuṃ ‘‘katha’’ntiādi vuttaṃ. Assādanenāti abhiratiyā. Mamāyantāti dhanāyantā. Cittakārādīnanti ādi-saddena iṭṭhavaṇṇārammaṇadāyakānaṃ saṅgaho. Sippasandassanakādīnanti ādi-saddena vejjādīnaṃ saṅgaho. Vejjā hi rasāyatanojāvasena tadupatthambhitavasena ca dhammārammaṇassa dāyakā. Svāyaṃ ādi-saddo ‘‘vīṇāvādakādī’’tiādinā paccekañca yojetabbo, puttaṃ mamāyantāti puttaṃ sampiyāyantā. Putto viya cettha vedanā daṭṭhabbā, sappāyasappikhīrādīni viya vedanāya paccayabhūtāni iṭṭharūpādiārammaṇāni, dhāti viya rūpādichaḷārammaṇadāyakā cittakārādayo daṭṭhabbā.

    д̇ан̣хааваараван̣н̣анаа нидтид̇аа.

    Taṇhāvāravaṇṇanā niṭṭhitā.

    взд̣̇анааваараван̣н̣анаа

    Vedanāvāravaṇṇanā

    97. жагкусампассаж̇аа зва взд̣̇анаа ад̇ийд̇аад̣̇ибхзд̣̇абхиннаа раасивасзна згаж̇жхам̣ г̇ахзд̇ваа зго взд̣̇анаагааяо яат̇аа взд̣̇анаагканд̇хо, звам̣ сод̇асампассаж̇аад̣̇игаад̇и баал̣ияам̣ ‘‘чаяимз аавусо взд̣̇анаагааяаа’’д̇и вуд̇д̇анд̇и ааха ‘‘взд̣̇анаагааяаад̇и взд̣̇анаасамуухаа’’д̇и. жагкусампассад̇о ж̇аад̇аа жагкусампассаж̇аа взд̣̇анаа. саа бана убаад̣̇иннааби анубаад̣̇иннааби, д̇ад̣̇убхаяассаби сан̇г̇ан̣ханд̇зна ад̇т̇аван̣н̣анааяа гад̇ад̇д̇аа ааха ‘‘аяам̣ д̇аавзд̇т̇а саб̣б̣асан̇г̇аахигагат̇аа’’д̇и. ид̣̇аани ‘‘вибаагавид̇хи аяа’’нд̇и убаад̣̇иннаязва г̇ан̣ханд̇о ‘‘вибаагавасзнаа’’д̇иаад̣̇имааха. манод̣̇ваарз мановин̃н̃аан̣ад̇хаад̇усамбаяуд̇д̇аад̇и д̇ад̣̇аарамман̣амановин̃н̃аан̣ад̇хаад̇усамбаяуд̇д̇аа.

    97. Cakkhusamphassajā eva vedanā atītādibhedabhinnā rāsivasena ekajjhaṃ gahetvā eko vedanākāyo yathā vedanākkhandho, evaṃ sotasamphassajādikāti pāḷiyaṃ ‘‘chayime āvuso vedanākāyā’’ti vuttanti āha ‘‘vedanākāyāti vedanāsamūhā’’ti. Cakkhusamphassato jātā cakkhusamphassajā vedanā. Sā pana upādinnāpi anupādinnāpi, tadubhayassapi saṅgaṇhantena atthavaṇṇanāya katattā āha ‘‘ayaṃ tāvettha sabbasaṅgāhikakathā’’ti. Idāni ‘‘vipākavidhi aya’’nti upādinnayeva gaṇhanto ‘‘vipākavasenā’’tiādimāha. Manodvāre manoviññāṇadhātusampayuttāti tadārammaṇamanoviññāṇadhātusampayuttā.

    авасзсаананд̇и самбадижчанаад̣̇ивзд̣̇анаанам̣. убаниссаяаад̣̇ийд̇и аад̣̇и-сад̣̇д̣̇зна ананд̇араад̣̇ийнам̣ сан̇г̇ахо д̣̇адтаб̣б̣о. ананд̇араанан̃хи ананд̇араад̣̇ивасзна, ид̇арзсам̣ убаниссаяавасзна пассо бажжаяо ход̇и, манод̣̇ваарз бана д̇ад̣̇аарамман̣авзд̣̇анаанам̣ маносампассо убаниссаяавасзна бажжаяо. ад̣̇вааригаананд̇и д̣̇ваарарахид̇аанам̣. на хи бадисанд̇хиаад̣̇ивзд̣̇анаанам̣ гин̃жи д̣̇ваарам̣ ад̇т̇и. сахаж̇аад̇аманосампассасамуд̣̇аяаад̇и зд̇знасса д̇аасам̣ сахаж̇аад̇агодияаа бажжаяабхаавамааха.

    Avasesānanti sampaṭicchanādivedanānaṃ. Upanissayādīti ādi-saddena anantarādīnaṃ saṅgaho daṭṭhabbo. Anantarānañhi anantarādivasena, itaresaṃ upanissayavasena phasso paccayo hoti, manodvāre pana tadārammaṇavedanānaṃ manosamphasso upanissayavasena paccayo. Advārikānanti dvārarahitānaṃ. Na hi paṭisandhiādivedanānaṃ kiñci dvāraṃ atthi. Sahajātamanosamphassasamudayāti etenassa tāsaṃ sahajātakoṭiyā paccayabhāvamāha.

    взд̣̇анааваараван̣н̣анаа нидтид̇аа.

    Vedanāvāravaṇṇanā niṭṭhitā.

    пассаваараван̣н̣анаа

    Phassavāravaṇṇanā

    98. жагкум̣ ниссааяа уббанно сампассо жагкусампассо. бан̃жавад̇т̇угаад̇и жагкаад̣̇ибан̃жавад̇т̇угаа жагкаад̣̇ибан̃жавад̇т̇усанниссаяаа. ‘‘убаад̣̇иннагагат̇аа зсаа’’д̇и б̣аавийсад̇иг̇г̇ахан̣ам̣, бавад̇д̇игат̇аабхаавад̇о логияаг̇г̇ахан̣ам̣. вибаагаманасамбаяуд̇д̇апассаад̇и вибаагамановин̃н̃аан̣асамбаяуд̇д̇аа пассаа. бажжаяуббаннзна вияа бажжаязнаби убаад̣̇иннагзнзва бхавид̇аб̣б̣анд̇и ‘‘чаннам̣ жагкаад̣̇ийнам̣ ааяад̇анаана’’нд̇и вуд̇д̇ам̣.

    98. Cakkhuṃ nissāya uppanno samphasso cakkhusamphasso. Pañcavatthukāti cakkhādipañcavatthukā cakkhādipañcavatthusannissayā. ‘‘Upādinnakakathā esā’’ti bāvīsatiggahaṇaṃ, pavattikathābhāvato lokiyaggahaṇaṃ. Vipākamanasampayuttaphassāti vipākamanoviññāṇasampayuttā phassā. Paccayuppannena viya paccayenapi upādinnakeneva bhavitabbanti ‘‘channaṃ cakkhādīnaṃ āyatanāna’’nti vuttaṃ.

    пассаваараван̣н̣анаа нидтид̇аа.

    Phassavāravaṇṇanā niṭṭhitā.

    сал̣ааяад̇анаваараван̣н̣анаа

    Saḷāyatanavāravaṇṇanā

    99. нид̣̇ассанамад̇д̇ан̃жзд̇ам̣, д̇асмаа яат̇аа зд̇т̇а аруубалогаабзгкааяа чадтааяад̇анан̃жа сал̣ааяад̇анан̃жа сал̣ааяад̇ананд̇и згасзсо ижчид̇аб̣б̣о, звам̣ язсам̣ бажжаяуббанно убаад̣̇инно, бажжаяо бана анубаад̣̇иннод̇иби ижчид̇аб̣б̣о. д̇зсам̣ мад̇зна б̣аахирааяад̇анавасзнаби згасзсо взд̣̇ид̇аб̣б̣о ‘‘чадтааяад̇анан̃жа сал̣ааяад̇анан̃жа сал̣ааяад̇анан̃жа сал̣ааяад̇ана’’нд̇и. висуд̣̇д̇химаг̇г̇оби имасса ааг̇амасса ад̇т̇асам̣ван̣н̣анаад̇и ааха ‘‘висуд̣̇д̇химаг̇г̇з…бз… вуд̇д̇анаяамзваа’’д̇и. зса наяо ан̃н̃ад̇т̇ааби висуд̣̇д̇химаг̇г̇аг̇г̇ахан̣з.

    99. Nidassanamattañcetaṃ, tasmā yathā ettha arūpalokāpekkhāya chaṭṭhāyatanañca saḷāyatanañca saḷāyatananti ekaseso icchitabbo, evaṃ yesaṃ paccayuppanno upādinno, paccayo pana anupādinnotipi icchitabbo. Tesaṃ matena bāhirāyatanavasenapi ekaseso veditabbo ‘‘chaṭṭhāyatanañca saḷāyatanañca saḷāyatanañca saḷāyatana’’nti. Visuddhimaggopi imassa āgamassa atthasaṃvaṇṇanāti āha ‘‘visuddhimagge…pe… vuttanayamevā’’ti. Esa nayo aññatthāpi visuddhimaggaggahaṇe.

    сал̣ааяад̇анаваараван̣н̣анаа нидтид̇аа.

    Saḷāyatanavāravaṇṇanā niṭṭhitā.

    наамаруубаваараван̣н̣анаа

    Nāmarūpavāravaṇṇanā

    100. наманалагкан̣анд̇и аарамман̣аабхимукам̣ наманасабхаавам̣ д̇зна винаа абавад̇д̇анад̇о. руббанам̣ сийд̇аад̣̇ивирод̇хибажжаяасаннибаад̇з висад̣̇исуббад̇д̇и. имз бана д̇аяод̇иаад̣̇инаа саб̣б̣ажид̇д̇уббаад̣̇асаад̇хааран̣авасзнзва д̇ам̣сан̇каарагканд̇хаг̇г̇ахан̣ам̣, д̇асмаа яз яад̇т̇а асаад̇хааран̣аа, д̇зби ад̇т̇ад̇о г̇ахид̇ааязваад̇и д̣̇ассзд̇и.

    100.Namanalakkhaṇanti ārammaṇābhimukhaṃ namanasabhāvaṃ tena vinā apavattanato. Ruppanaṃ sītādivirodhipaccayasannipāte visadisuppatti. Ime pana tayotiādinā sabbacittuppādasādhāraṇavaseneva taṃsaṅkhārakkhandhaggahaṇaṃ, tasmā ye yattha asādhāraṇā, tepi atthato gahitāyevāti dasseti.

    убаад̣̇ияид̇ваад̇и бажжаяз гад̇ваа. бажжаяагаран̣амзва хи бажжаяуббаннасса бажжаяабхууд̇ад̇хаммаанам̣ убаад̣̇ияанам̣. самуухасамб̣анд̇хз саамиважанам̣ зд̇анд̇и ‘‘самуухад̇т̇з зд̇ам̣ саамиважана’’нд̇и вуд̇д̇ам̣ д̇зна винаа самб̣анд̇хасса абхаавад̇о. д̇знаад̇и д̇асмаа. д̇ам̣ саб̣б̣амбийд̇и д̇ам̣ бхууд̇убаад̣̇ааяабабхзд̣̇ам̣ саб̣б̣амби сад̇д̇авийсад̇ивид̇хам̣. яасса наамассаад̇и жад̇увогаарабхавз наамасса. вин̃н̃аан̣амби д̇аббарияаабаннамзва взд̣̇ид̇аб̣б̣ам̣. руубассаад̇и згавогаарабхавз руубасса. вин̃н̃аан̣ам̣ бана бан̃жавогаарабхавз сан̇кааравин̃н̃аан̣амзва. яасса бан̃жавогаарабхавз наамаруубасса. д̇асса васзнаад̇и сахаж̇аад̇асса сахаж̇аад̇аад̣̇ивасзна, ананд̇арасса ананд̇араад̣̇ивасзна, ид̇арасса убаниссаяаад̣̇ивасзна д̇асса наамасса яат̇аарахам̣ д̇асса д̇асса вин̃н̃аан̣асса бажжаяабхааво взд̣̇ид̇аб̣б̣о.

    Upādiyitvāti paccaye katvā. Paccayakaraṇameva hi paccayuppannassa paccayabhūtadhammānaṃ upādiyanaṃ. Samūhasambandhe sāmivacanaṃ etanti ‘‘samūhatthe etaṃ sāmivacana’’nti vuttaṃ tena vinā sambandhassa abhāvato. Tenāti tasmā. Taṃ sabbampīti taṃ bhūtupādāyapabhedaṃ sabbampi sattavīsatividhaṃ. Yassa nāmassāti catuvokārabhave nāmassa. Viññāṇampi tappariyāpannameva veditabbaṃ. Rūpassāti ekavokārabhave rūpassa. Viññāṇaṃ pana pañcavokārabhave saṅkhāraviññāṇameva. Yassa pañcavokārabhave nāmarūpassa. Tassa vasenāti sahajātassa sahajātādivasena, anantarassa anantarādivasena, itarassa upanissayādivasena tassa nāmassa yathārahaṃ tassa tassa viññāṇassa paccayabhāvo veditabbo.

    наамаруубаваараван̣н̣анаа нидтид̇аа.

    Nāmarūpavāravaṇṇanā niṭṭhitā.

    вин̃н̃аан̣аваараван̣н̣анаа

    Viññāṇavāravaṇṇanā

    101. д̇збхуумагавибаагаг̇г̇ахан̣з гааран̣ам̣ хздтаа вуд̇д̇амзва. сан̇кааро яасса вин̃н̃аан̣ассаад̇и зд̇т̇а адтавид̇хоби гаамааважарабун̃н̃аабхисан̇кааро сол̣асавид̇хасса гаамааважаравибаагавин̃н̃аан̣асса, бан̃жавид̇хоби руубааважарабун̃н̃аабхисан̇кааро бан̃жавид̇хасса руубааважаравибаагавин̃н̃аан̣асса, д̣̇ваад̣̇асавид̇хоби абун̃н̃аабхисан̇кааро сад̇д̇авид̇хасса агусалавибаагавин̃н̃аан̣асса, жад̇уб̣б̣ид̇хоби аанзн̃ж̇аабхисан̇гааро жад̇уб̣б̣ид̇хасса аруубааважаравибаагавин̃н̃аан̣асса яат̇аарахам̣ бадисанд̇хибавад̇д̇ийсу гаммабажжаязна жзва убаниссаяабажжаязна жа бажжаяо ход̇и. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇з (висуд̣̇д̇хи. 2.620) вуд̇д̇анаязна взд̣̇ид̇аб̣б̣о.

    101.Tebhūmakavipākaggahaṇe kāraṇaṃ heṭṭhā vuttameva. Saṅkhāro yassa viññāṇassāti ettha aṭṭhavidhopi kāmāvacarapuññābhisaṅkhāro soḷasavidhassa kāmāvacaravipākaviññāṇassa, pañcavidhopi rūpāvacarapuññābhisaṅkhāro pañcavidhassa rūpāvacaravipākaviññāṇassa, dvādasavidhopi apuññābhisaṅkhāro sattavidhassa akusalavipākaviññāṇassa, catubbidhopi āneñjābhisaṅkāro catubbidhassa arūpāvacaravipākaviññāṇassa yathārahaṃ paṭisandhipavattīsu kammapaccayena ceva upanissayapaccayena ca paccayo hoti. Ayamettha saṅkhepo, vitthāro pana visuddhimagge (visuddhi. 2.620) vuttanayena veditabbo.

    вин̃н̃аан̣аваараван̣н̣анаа нидтид̇аа.

    Viññāṇavāravaṇṇanā niṭṭhitā.

    сан̇каараваараван̣н̣анаа

    Saṅkhāravāravaṇṇanā

    102. абхисан̇каран̣алагкан̣од̇и абхисан̃жзд̇аяид̇асабхааво, ааяууханалагкан̣од̇и ад̇т̇о. жобанавасзнаад̇и гааяавин̃н̃ад̇д̇исан̇каад̇ажобанавасзна. д̇зна бан̃жад̣̇вааригажзд̇анаа бадигкибад̇и. важанабхзд̣̇авасзнаад̇и ваажаанижчааран̣авасзна. важийвин̃н̃ад̇д̇исамудтаабанавасзнаад̇и ад̇т̇о. яат̇аавуд̇д̇аа вийсад̇и, нава махаг̇г̇ад̇агусалажзд̇анаа жаад̇и згуунад̇им̣са маносан̃жзд̇анаа. ‘‘гусалаанам̣ убаниссаяавасзнаа’’д̇и вуд̇д̇ам̣, згажжаанам̣ аарамман̣авасзнабийд̇и вад̇д̇аб̣б̣ам̣. сахаж̇аад̇аад̣̇ивасзнаад̇и сахаж̇аад̇а-ан̃н̃аман̃н̃а-ниссаяа-самбаяуд̇д̇а-ад̇т̇и-авиг̇ад̇ахзд̇увасзна, ананд̇араанам̣ ананд̇арасамананд̇араананд̇аруубаниссаяанад̇т̇ивиг̇ад̇аасзванасзна бажжаяо. аби-сад̣̇д̣̇зна убаниссаяам̣ сан̇г̇ан̣хаад̇и.

    102.Abhisaṅkharaṇalakkhaṇoti abhisañcetayitasabhāvo, āyūhanalakkhaṇoti attho. Copanavasenāti kāyaviññattisaṅkhātacopanavasena. Tena pañcadvārikacetanā paṭikkhipati. Vacanabhedavasenāti vācānicchāraṇavasena. Vacīviññattisamuṭṭhāpanavasenāti attho. Yathāvuttā vīsati, nava mahaggatakusalacetanā cāti ekūnatiṃsa manosañcetanā. ‘‘Kusalānaṃ upanissayavasenā’’ti vuttaṃ, ekaccānaṃ ārammaṇavasenapīti vattabbaṃ. Sahajātādivasenāti sahajāta-aññamañña-nissaya-sampayutta-atthi-avigatahetuvasena, anantarānaṃ anantarasamanantaraanantarūpanissayanatthivigatāsevanasena paccayo. Api-saddena upanissayaṃ saṅgaṇhāti.

    сан̇каараваараван̣н̣анаа нидтид̇аа.

    Saṅkhāravāravaṇṇanā niṭṭhitā.

    авиж̇ж̇ааваараван̣н̣анаа

    Avijjāvāravaṇṇanā

    103. ‘‘д̣̇угкасажжзан̃н̃аан̣а’’нд̇и сан̇кзбад̇о вуд̇д̇амад̇т̇ам̣ виварид̇ум̣ ‘‘д̇ад̇т̇аа’’д̇иаад̣̇и аарад̣̇д̇хам̣. д̇анд̇и ан̃н̃аан̣ам̣. сад̇иби бахаад̇аб̣б̣ад̇д̇з барин̃н̃зяяад̇д̇авасзна анд̇ог̇ад̇хам̣. д̣̇угкасажжан̃жассаад̇и вад̇т̇усан̇каад̇ам̣ самбаяуд̇д̇аканд̇хасан̇каад̇ан̃жа д̣̇угкасажжам̣ асса ан̃н̃аан̣асса. д̇ам̣ хисса ниссаяабажжаяо ход̇и. д̇ассаад̇и д̣̇угкасажжасса. яаат̇аавалагкан̣абадивзд̇ханивааран̣знаад̇и сан̇кад̇аавибарийд̇асабхаавабадивиж̇жханасса нивааран̣зна. зд̇знасса барин̃н̃аабхисамаяасан̇каад̇асса арияамаг̇г̇абадивзд̇хасса виб̣анд̇хагабхаавамааха. н̃аан̣аббавад̇д̇ияаад̇и ‘‘ид̣̇ам̣ д̣̇угкам̣, зд̇д̇агам̣ д̣̇угка’’нд̇и ануб̣уж̇жханаагаарааяа буб̣б̣абхааг̇ан̃аан̣аббавад̇д̇ияаа. зд̇т̇аад̇и д̣̇угкасажжз. аббад̣̇аанзнаад̇и ависсаж̇ж̇анзна. зд̇знассаа ануб̣од̇хан̃аан̣ассаби виб̣анд̇хагад̇амааха.

    103.‘‘Dukkhasacceaññāṇa’’nti saṅkhepato vuttamatthaṃ vivarituṃ ‘‘tatthā’’tiādi āraddhaṃ. Tanti aññāṇaṃ. Satipi pahātabbatte pariññeyyattavasena antogadhaṃ. Dukkhasaccañcassāti vatthusaṅkhātaṃ sampayuttakhandhasaṅkhātañca dukkhasaccaṃ assa aññāṇassa. Taṃ hissa nissayapaccayo hoti. Tassāti dukkhasaccassa. Yāthāvalakkhaṇapaṭivedhanivāraṇenāti saṅkhataaviparītasabhāvapaṭivijjhanassa nivāraṇena. Etenassa pariññābhisamayasaṅkhātassa ariyamaggapaṭivedhassa vibandhakabhāvamāha. Ñāṇappavattiyāti ‘‘idaṃ dukkhaṃ, ettakaṃ dukkha’’nti anubujjhanākārāya pubbabhāgañāṇappavattiyā. Etthāti dukkhasacce. Appadānenāti avissajjanena. Etenassā anubodhañāṇassapi vibandhakatamāha.

    д̇ийхи гааран̣зхи взд̣̇ид̇аб̣б̣ам̣ анд̇ог̇ад̇хаабхаавад̇о. ид̇ха самбаяуд̇д̇аканд̇хавасзнзва вад̇т̇уд̇о самуд̣̇аяз ан̃н̃аан̣ам̣ д̣̇адтаб̣б̣ам̣. згзнзваад̇и ид̇арам̣ гааран̣ад̇д̇аяам̣ бадигкибад̇и. яад̣̇иби ан̃н̃аан̣ам̣ нирод̇хамаг̇г̇з аарамман̣ам̣ на гарод̇и, гуд̇о д̇ад̣̇анд̇ог̇ад̇хад̇аб̣б̣ад̇т̇уд̇аа, д̇з бана ж̇аанид̇угаамасса д̇аббадижчаад̣̇анавасзна анирод̇хамаг̇г̇зсу нирод̇хамаг̇г̇аг̇г̇аахахзд̇уд̇аавасзна жа бавад̇д̇амаанам̣ ‘‘нирод̇хз бадибад̣̇ааяан̃жа ан̃н̃аан̣а’’нд̇и вужжад̇и. д̇знааха ‘‘бадижчаад̣̇анад̇о’’д̇иаад̣̇и. д̇ассад̇т̇о вуд̇д̇оязва. г̇амбхийрад̇д̇аад̇и сабхаавзнзва г̇амбхийрад̇д̇аа. аг̇аад̇хаабад̇идтаабхаавзна д̇ам̣висаяасса н̃аан̣асса уббаад̣̇зд̇ум̣ асаггун̣зяяад̇д̇аа д̣̇уд̣̇д̣̇асам̣. буримам̣ бана сажжад̣̇ваяам̣. ван̃жанийяадтзнаад̇и ван̃жагабхаавзна аяаат̇аавабхаавзна убадтаанад̇о д̣̇уд̣̇д̣̇асад̇д̇аа г̇амбхийрам̣, на сабхаавад̇о, д̇асмаа д̇ам̣висаяам̣ ан̃н̃аан̣ам̣ уббаж̇ж̇ад̇и. д̇ад̇т̇аад̇и д̇асмим̣ буримасажжад̣̇ваяз анижжаад̣̇исабхаавалагкан̣асса д̣̇уд̣̇д̣̇асад̇д̇аа зва нижжаад̣̇ивибаллаасавасзна бавад̇д̇ад̇и ан̃н̃аан̣анд̇и аанзд̇ваа самб̣анд̇хид̇аб̣б̣ам̣.

    Tīhi kāraṇehi veditabbaṃ antogadhābhāvato. Idha sampayuttakhandhavaseneva vatthuto samudaye aññāṇaṃ daṭṭhabbaṃ. Ekenevāti itaraṃ kāraṇattayaṃ paṭikkhipati. Yadipi aññāṇaṃ nirodhamagge ārammaṇaṃ na karoti, kuto tadantogadhatabbatthutā, te pana jānitukāmassa tappaṭicchādanavasena anirodhamaggesu nirodhamaggaggāhahetutāvasena ca pavattamānaṃ ‘‘nirodhe paṭipadāyañca aññāṇa’’nti vuccati. Tenāha ‘‘paṭicchādanato’’tiādi. Tassattho vuttoyeva. Gambhīrattāti sabhāveneva gambhīrattā. Agādhaapatiṭṭhābhāvena taṃvisayassa ñāṇassa uppādetuṃ asakkuṇeyyattā duddasaṃ. Purimaṃpana saccadvayaṃ. Vañcanīyaṭṭhenāti vañcakabhāvena ayāthāvabhāvena upaṭṭhānato duddasattā gambhīraṃ, na sabhāvato, tasmā taṃvisayaṃ aññāṇaṃ uppajjati. Tatthāti tasmiṃ purimasaccadvaye aniccādisabhāvalakkhaṇassa duddasattā eva niccādivipallāsavasena pavattati aññāṇanti ānetvā sambandhitabbaṃ.

    ид̣̇аани нид̣̇д̣̇зсавибхааг̇знаби авиж̇ж̇ааяа сажжзсу бавад̇д̇ивибхааг̇ам̣ д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. д̇ад̇т̇а д̣̇угкзд̇и зд̇д̇агзна бхумманид̣̇д̣̇зсзна. сан̇г̇ахад̇од̇и барин̃н̃зяяад̇ааяа д̣̇угкзна сан̇г̇ахзд̇аб̣б̣ад̇о. д̇зна нид̣̇д̇хааран̣ад̇т̇ам̣ д̣̇ассзд̇и. д̣̇угкасмин̃хи авиж̇ж̇аа нид̣̇д̇хаарийяад̇и, на ан̃н̃асмим̣. вад̇т̇уд̇од̇и аад̇хаарад̇т̇ам̣. д̣̇угкасанниссаяаа хи авиж̇ж̇аа. аарамман̣ад̇од̇и висаяад̇т̇ам̣ д̇ам̣ аараб̣бха бавад̇д̇анад̇о. гижжад̇од̇и б̣яаабанад̇т̇ам̣ чаад̣̇анавасзна д̇ам̣ б̣яаабзд̇ваа бавад̇д̇анад̇о. иминаа наязна сзсзсуби ад̇т̇о взд̣̇ид̇аб̣б̣о. ависзсад̇од̇и висзсаабхаавад̇о, вуд̇д̇анаязна д̣̇угкаад̣̇ийсу бавад̇д̇иаагаарависзсам̣ аг̇г̇ахзд̇ваад̇и ад̇т̇о. сабхаавад̇од̇и сарасалагкан̣ад̇о. жад̇уннамби сажжаанам̣ аж̇аананасабхааваа хи авиж̇ж̇аа. гаамарааг̇абхаварааг̇аа гаамаасавабхаваасаваад̇и ааха ‘‘сахаж̇аад̇аад̣̇ивасзнаа’’д̇и. нану авиж̇ж̇аа зва авиж̇ж̇аасаво, со гат̇ам̣ авиж̇ж̇ааяа бажжаяод̇и ааха ‘‘буб̣б̣уббаннаа’’д̇иаад̣̇и.

    Idāni niddesavibhāgenapi avijjāya saccesu pavattivibhāgaṃ dassetuṃ ‘‘apicā’’tiādi vuttaṃ. Tattha dukkheti ettakena bhummaniddesena. Saṅgahatoti pariññeyyatāya dukkhena saṅgahetabbato. Tena niddhāraṇatthaṃ dasseti. Dukkhasmiñhi avijjā niddhārīyati, na aññasmiṃ. Vatthutoti ādhāratthaṃ. Dukkhasannissayā hi avijjā. Ārammaṇatoti visayatthaṃ taṃ ārabbha pavattanato. Kiccatoti byāpanatthaṃ chādanavasena taṃ byāpetvā pavattanato. Iminā nayena sesesupi attho veditabbo. Avisesatoti visesābhāvato, vuttanayena dukkhādīsu pavattiākāravisesaṃ aggahetvāti attho. Sabhāvatoti sarasalakkhaṇato. Catunnampi saccānaṃ ajānanasabhāvā hi avijjā. Kāmarāgabhavarāgā kāmāsavabhavāsavāti āha ‘‘sahajātādivasenā’’ti. Nanu avijjā eva avijjāsavo, so kathaṃ avijjāya paccayoti āha ‘‘pubbuppannā’’tiādi.

    авиж̇ж̇ааваараван̣н̣анаа нидтид̇аа.

    Avijjāvāravaṇṇanā niṭṭhitā.

    аасававаараван̣н̣анаа

    Āsavavāravaṇṇanā

    104. аасававаарз аасава-сад̣̇д̣̇ад̇т̇о аасававижааро жа хздтаа вуд̇д̇оязва. гасмаа банааяам̣ вааро вуд̇д̇о, нану авиж̇ж̇аад̣̇игаава бадижжасамуббаад̣̇ад̣̇зсанаад̇и жод̣̇анам̣ санд̇хааяа ‘‘аяам̣ вааро’’д̇иаад̣̇и аарад̣̇д̇хам̣. бадижжасамуббаад̣̇абад̣̇зсууд̇и бадижжасамуббаад̣̇агодтаасзсу. д̣̇ваад̣̇асагодтаасаа хи сад̇т̇у бадижжасамуббаад̣̇ад̣̇зсанаа. д̇ассааби бажжаяад̣̇ассанавасзнаад̇и нааяам̣ гаабилаанам̣ муулабагад̇и вияа аббажжаяаа, ат̇а ко саббажжаяаад̇и авиж̇ж̇ааяаби бажжаяад̣̇ассанавасзна. аасавасамуд̣̇аязнаад̇и ад̇ийд̇абхавз аасаваанам̣ самуд̣̇аязна зд̇арахи авиж̇ж̇ааяа самуд̣̇аяо, зд̇арахи авиж̇ж̇ааяа самуд̣̇аязна анааг̇ад̇з аасавасамуд̣̇аяод̇и звам̣ аасаваавиж̇ж̇аанам̣ бажжаяабажжаяуббаннагабхаавзна абараабарам̣ бавад̇д̇амаанам̣ аад̣̇игодиабхаавзнзва д̇аннимид̇д̇асса сам̣саарасса аад̣̇игодиабхаавад̇о анамад̇аг̇г̇ад̇аасид̣̇д̇хи взд̣̇ид̇аб̣б̣аа.

    104.Āsavavāre āsava-saddattho āsavavicāro ca heṭṭhā vuttoyeva. Kasmā panāyaṃ vāro vutto, nanu avijjādikāva paṭiccasamuppādadesanāti codanaṃ sandhāya ‘‘ayaṃ vāro’’tiādi āraddhaṃ. Paṭiccasamuppādapadesūti paṭiccasamuppādakoṭṭhāsesu. Dvādasakoṭṭhāsā hi satthu paṭiccasamuppādadesanā. Tassāpi paccayadassanavasenāti nāyaṃ kāpilānaṃ mūlapakati viya appaccayā, atha kho sappaccayāti avijjāyapi paccayadassanavasena. Āsavasamudayenāti atītabhave āsavānaṃ samudayena etarahi avijjāya samudayo, etarahi avijjāya samudayena anāgate āsavasamudayoti evaṃ āsavāvijjānaṃ paccayapaccayuppannakabhāvena aparāparaṃ pavattamānaṃ ādikoṭiabhāveneva tannimittassa saṃsārassa ādikoṭiabhāvato anamataggatāsiddhi veditabbā.

    д̣̇вад̇д̇им̣са таанаанийд̇и д̣̇вад̇д̇им̣са сажжаббадивзд̇хагааран̣аани, д̣̇вад̇д̇им̣са ваа жад̇усажжагаммадтаанаани. имамхаа саммаад̣̇идтисуд̇д̇аад̇и яааяа арияасааваго саммаад̣̇идти наама ход̇и, саа арияаа саммаад̣̇идти зд̇т̇а вуд̇д̇аад̇и саммаад̣̇идтисуд̇д̇ам̣, ид̇о саммаад̣̇идтисуд̇д̇ад̇о.

    Dvattiṃsaṭhānānīti dvattiṃsa saccappaṭivedhakāraṇāni, dvattiṃsa vā catusaccakammaṭṭhānāni. Imamhā sammādiṭṭhisuttāti yāya ariyasāvako sammādiṭṭhi nāma hoti, sā ariyā sammādiṭṭhi ettha vuttāti sammādiṭṭhisuttaṃ, ito sammādiṭṭhisuttato.

    жад̇усажжабарияааязхийд̇и жад̇усажжаад̇хиг̇амагааран̣зхи. арахад̇д̇абарияааязхийд̇и ‘‘со саб̣б̣асо рааг̇аанусаяам̣ бахааяаа’’д̇иаад̣̇инаа арахад̇д̇аад̇хиг̇амагааран̣зхи. д̇знааха ‘‘жад̇усадтияаа гааран̣зхий’’д̇и.

    Catusaccapariyāyehīti catusaccādhigamakāraṇehi. Arahattapariyāyehīti ‘‘so sabbaso rāgānusayaṃ pahāyā’’tiādinā arahattādhigamakāraṇehi. Tenāha ‘‘catusaṭṭhiyā kāraṇehī’’ti.

    аасававаараван̣н̣анаа нидтид̇аа.

    Āsavavāravaṇṇanā niṭṭhitā.

    саммаад̣̇идтисуд̇д̇аван̣н̣анааяа лийнад̇т̇аббагаасанаа самад̇д̇аа.

    Sammādiṭṭhisuttavaṇṇanāya līnatthappakāsanā samattā.




    Next: 10. сад̇ибадтаанасуд̇д̇аван̣н̣анаа • 10. Satipaṭṭhānasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. саммаад̣̇идтисуд̇д̇ам̣ • 9. Sammādiṭṭhisuttaṃ

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. саммаад̣̇идтисуд̇д̇аван̣н̣анаа • 9. Sammādiṭṭhisuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact