| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၁၈. သမ္မန္တိ န သမ္မန္တိဝာရော
18. Sammanti na sammantivāro
၃၀၈. ဝိဝာဒာဓိကရဏံ ကတိဟိ သမထေဟိ သမ္မတိ, ကတိဟိ သမထေဟိ န သမ္မတိ? အနုဝာဒာဓိကရဏံ ကတိဟိ သမထေဟိ သမ္မတိ, ကတိဟိ သမထေဟိ န သမ္မတိ? အာပတ္တာဓိကရဏံ ကတိဟိ သမထေဟိ သမ္မတိ, ကတိဟိ သမထေဟိ န သမ္မတိ? ကိစ္စာဓိကရဏံ ကတိဟိ သမထေဟိ သမ္မတိ, ကတိဟိ သမထေဟိ န သမ္မတိ?
308. Vivādādhikaraṇaṃ katihi samathehi sammati, katihi samathehi na sammati? Anuvādādhikaraṇaṃ katihi samathehi sammati, katihi samathehi na sammati? Āpattādhikaraṇaṃ katihi samathehi sammati, katihi samathehi na sammati? Kiccādhikaraṇaṃ katihi samathehi sammati, katihi samathehi na sammati?
ဝိဝာဒာဓိကရဏံ ဒ္ဝီဟိ သမထေဟိ သမ္မတိ – သမ္မုခာဝိနယေန စ ယေဘုယ္ယသိကာယ စ။ ပဉ္စဟိ သမထေဟိ န သမ္မတိ – သတိဝိနယေန စ အမူဠ္ဟဝိနယေန စ ပဋိညာတကရဏေန စ တသ္သပာပိယသိကာယ စ တိဏဝတ္ထာရကေန စ။
Vivādādhikaraṇaṃ dvīhi samathehi sammati – sammukhāvinayena ca yebhuyyasikāya ca. Pañcahi samathehi na sammati – sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
အနုဝာဒာဓိကရဏံ စတူဟိ သမထေဟိ သမ္မတိ – သမ္မုခာဝိနယေန စ သတိဝိနယေန စ အမူဠ္ဟဝိနယေန စ တသ္သပာပိယသိကာယ စ။ တီဟိ သမထေဟိ န သမ္မတိ – ယေဘုယ္ယသိကာယ စ ပဋိညာတကရဏေန စ တိဏဝတ္ထာရကေန စ။
Anuvādādhikaraṇaṃ catūhi samathehi sammati – sammukhāvinayena ca sativinayena ca amūḷhavinayena ca tassapāpiyasikāya ca. Tīhi samathehi na sammati – yebhuyyasikāya ca paṭiññātakaraṇena ca tiṇavatthārakena ca.
1 အာပတ္တာဓိကရဏံ တီဟိ သမထေဟိ သမ္မတိ – သမ္မုခာဝိနယေန စ ပဋိညာတကရဏေန စ တိဏဝတ္ထာရကေန စ။ စတူဟိ သမထေဟိ န သမ္မတိ – ယေဘုယ္ယသိကာယ စ သတိဝိနယေန စ အမူဠ္ဟဝိနယေန စ တသ္သပာပိယသိကာယ စ။
2 Āpattādhikaraṇaṃ tīhi samathehi sammati – sammukhāvinayena ca paṭiññātakaraṇena ca tiṇavatthārakena ca. Catūhi samathehi na sammati – yebhuyyasikāya ca sativinayena ca amūḷhavinayena ca tassapāpiyasikāya ca.
ကိစ္စာဓိကရဏံ ဧကေန သမထေန သမ္မတိ – သမ္မုခာဝိနယေန။ ဆဟိ သမထေဟိ န သမ္မတိ – ယေဘုယ္ယသိကာယ စ သတိဝိနယေန စ အမူဠ္ဟဝိနယေန စ ပဋိညာတကရဏေန စ တသ္သပာပိယသိကာယ စ တိဏဝတ္ထာရကေန စ။
Kiccādhikaraṇaṃ ekena samathena sammati – sammukhāvinayena. Chahi samathehi na sammati – yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ဝိဝာဒာဓိကရဏဉ္စ အနုဝာဒာဓိကရဏဉ္စ ကတိဟိ သမထေဟိ သမ္မန္တိ? ကတိဟိ သမထေဟိ န သမ္မန္တိ? ဝိဝာဒာဓိကရဏဉ္စ အနုဝာဒာဓိကရဏဉ္စ ပဉ္စဟိ သမထေဟိ သမ္မန္တိ – သမ္မုခာဝိနယေန စ ယေဘုယ္ယသိကာယ စ သတိဝိနယေန စ အမူဠ္ဟဝိနယေန စ တသ္သပာပိယသိကာယ စ။ ဒ္ဝီဟိ သမထေဟိ န သမ္မန္တိ – ပဋိညာတကရဏေန စ တိဏဝတ္ထာရကေန စ။
Vivādādhikaraṇañca anuvādādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca. Dvīhi samathehi na sammanti – paṭiññātakaraṇena ca tiṇavatthārakena ca.
ဝိဝာဒာဓိကရဏဉ္စ အာပတ္တာဓိကရဏဉ္စ ကတိဟိ သမထေဟိ သမ္မန္တိ? ကတိဟိ သမထေဟိ န သမ္မန္တိ? ဝိဝာဒာဓိကရဏဉ္စ အာပတ္တာဓိကရဏဉ္စ စတူဟိ သမထေဟိ သမ္မန္တိ – သမ္မုခာဝိနယေန စ ယေဘုယ္ယသိကာယ စ ပဋိညာတကရဏေန စ တိဏဝတ္ထာရကေန စ။ တီဟိ သမထေဟိ န သမ္မန္တိ – သတိဝိနယေန စ အမူဠ္ဟဝိနယေန စ တသ္သပာပိယသိကာယ စ။
Vivādādhikaraṇañca āpattādhikaraṇañca katihi samathehi sammanti? Katihi samathehi na sammanti? Vivādādhikaraṇañca āpattādhikaraṇañca catūhi samathehi sammanti – sammukhāvinayena ca yebhuyyasikāya ca paṭiññātakaraṇena ca tiṇavatthārakena ca. Tīhi samathehi na sammanti – sativinayena ca amūḷhavinayena ca tassapāpiyasikāya ca.
ဝိဝာဒာဓိကရဏဉ္စ ကိစ္စာဓိကရဏဉ္စ ကတိဟိ သမထေဟိ သမ္မန္တိ? ကတိဟိ သမထေဟိ န သမ္မန္တိ? ဝိဝာဒာဓိကရဏဉ္စ ကိစ္စာဓိကရဏဉ္စ ဒ္ဝီဟိ သမထေဟိ သမ္မန္တိ – သမ္မုခာဝိနယေန စ ယေဘုယ္ယသိကာယ စ။ ပဉ္စဟိ သမထေဟိ န သမ္မန္တိ – သတိဝိနယေန စ အမူဠ္ဟဝိနယေန စ ပဋိညာတကရဏေန စ တသ္သပာပိယသိကာယ စ တိဏဝတ္ထာရကေန စ။
Vivādādhikaraṇañca kiccādhikaraṇañca katihi samathehi sammanti? Katihi samathehi na sammanti? Vivādādhikaraṇañca kiccādhikaraṇañca dvīhi samathehi sammanti – sammukhāvinayena ca yebhuyyasikāya ca. Pañcahi samathehi na sammanti – sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
အနုဝာဒာဓိကရဏဉ္စ အာပတ္တာဓိကရဏဉ္စ ကတိဟိ သမထေဟိ သမ္မန္တိ? ကတိဟိ သမထေဟိ န သမ္မန္တိ? အနုဝာဒာဓိကရဏဉ္စ အာပတ္တာဓိကရဏဉ္စ ဆဟိ သမထေဟိ သမ္မန္တိ – သမ္မုခာဝိနယေန စ သတိဝိနယေန စ အမူဠ္ဟဝိနယေန စ ပဋိညာတကရဏေန စ တသ္သပာပိယသိကာယ စ တိဏဝတ္ထာရကေန စ။ ဧကေန သမထေန န သမ္မန္တိ – ယေဘုယ္ယသိကာယ။
Anuvādādhikaraṇañca āpattādhikaraṇañca katihi samathehi sammanti? Katihi samathehi na sammanti? Anuvādādhikaraṇañca āpattādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca. Ekena samathena na sammanti – yebhuyyasikāya.
အနုဝာဒာဓိကရဏဉ္စ ကိစ္စာဓိကရဏဉ္စ ကတိဟိ သမထေဟိ သမ္မန္တိ? ကတိဟိ သမထေဟိ န သမ္မန္တိ? အနုဝာဒာဓိကရဏဉ္စ ကိစ္စာဓိကရဏဉ္စ စတူဟိ သမထေဟိ သမ္မန္တိ – သမ္မုခာဝိနယေန စ သတိဝိနယေန စ အမူဠ္ဟဝိနယေန စ တသ္သပာပိယသိကာ စ။ တီဟိ သမထေဟိ န သမ္မန္တိ – ယေဘုယ္ယသိကာယ စ ပဋိညာတကရဏေန စ တိဏဝတ္ထာရကေန စ။
Anuvādādhikaraṇañca kiccādhikaraṇañca katihi samathehi sammanti? Katihi samathehi na sammanti? Anuvādādhikaraṇañca kiccādhikaraṇañca catūhi samathehi sammanti – sammukhāvinayena ca sativinayena ca amūḷhavinayena ca tassapāpiyasikā ca. Tīhi samathehi na sammanti – yebhuyyasikāya ca paṭiññātakaraṇena ca tiṇavatthārakena ca.
အာပတ္တာဓိကရဏဉ္စ ကိစ္စာဓိကရဏဉ္စ ကတိဟိ သမထေဟိ သမ္မန္တိ? ကတိဟိ သမထေဟိ န သမ္မန္တိ? အာပတ္တာဓိကရဏဉ္စ ကိစ္စာဓိကရဏဉ္စ တီဟိ သမထေဟိ သမ္မန္တိ – သမ္မုခာဝိနယေန စ ပဋိညာတကရဏေန စ တိဏဝတ္ထာရကေန စ ။ စတူဟိ သမထေဟိ န သမ္မန္တိ – ယေဘုယ္ယသိကာယ စ သတိဝိနယေန စ အမူဠ္ဟဝိနယေန စ တသ္သပာပိယသိကာယ စ။
Āpattādhikaraṇañca kiccādhikaraṇañca katihi samathehi sammanti? Katihi samathehi na sammanti? Āpattādhikaraṇañca kiccādhikaraṇañca tīhi samathehi sammanti – sammukhāvinayena ca paṭiññātakaraṇena ca tiṇavatthārakena ca . Catūhi samathehi na sammanti – yebhuyyasikāya ca sativinayena ca amūḷhavinayena ca tassapāpiyasikāya ca.
ဝိဝာဒာဓိကရဏဉ္စ အနုဝာဒာဓိကရဏဉ္စ အာပတ္တာဓိကရဏဉ္စ ကတိဟိ သမထေဟိ သမ္မန္တိ? ကတိဟိ သမထေဟိ န သမ္မန္တိ? ဝိဝာဒာဓိကရဏဉ္စ အနုဝာဒာဓိကရဏဉ္စ အာပတ္တာဓိကရဏဉ္စ သတ္တဟိ သမထေဟိ သမ္မန္တိ – သမ္မုခာဝိနယေန စ ယေဘုယ္ယသိကာယ စ သတိဝိနယေန စ အမူဠ္ဟဝိနယေန စ ပဋိညာတကရဏေန စ တသ္သပာပိယသိကာယ စ တိဏဝတ္ထာရကေန စ။
Vivādādhikaraṇañca anuvādādhikaraṇañca āpattādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca āpattādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ဝိဝာဒာဓိကရဏဉ္စ အနုဝာဒာဓိကရဏဉ္စ ကိစ္စာဓိကရဏဉ္စ ကတိဟိ သမထေဟိ သမ္မန္တိ? ကတိဟိ သမထေဟိ န သမ္မန္တိ? ဝိဝာဒာဓိကရဏဉ္စ အနုဝာဒာဓိကရဏဉ္စ ကိစ္စာဓိကရဏဉ္စ ပဉ္စဟိ သမထေဟိ သမ္မန္တိ – သမ္မုခာဝိနယေန စ ယေဘုယ္ယသိကာယ စ သတိဝိနယေန စ အမူဠ္ဟဝိနယေန စ တသ္သပာပိယသိကာယ စ။ ဒ္ဝီဟိ သမထေဟိ န သမ္မန္တိ – ပဋိညာတကရဏေန စ တိဏဝတ္ထာရကေန စ။
Vivādādhikaraṇañca anuvādādhikaraṇañca kiccādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca kiccādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca. Dvīhi samathehi na sammanti – paṭiññātakaraṇena ca tiṇavatthārakena ca.
အနုဝာဒာဓိကရဏဉ္စ အာပတ္တာဓိကရဏဉ္စ ကိစ္စာဓိကရဏဉ္စ ကတိဟိ သမထေဟိ သမ္မန္တိ? ကတိဟိ သမထေဟိ န သမ္မန္တိ? အနုဝာဒာဓိကရဏဉ္စ အာပတ္တာဓိကရဏဉ္စ ကိစ္စာဓိကရဏဉ္စ ဆဟိ သမထေဟိ သမ္မန္တိ – သမ္မုခာဝိနယေန စ သတိဝိနယေန စ အမူဠ္ဟဝိနယေန စ ပဋိညာတကရဏေန စ တသ္သပာပိယသိကာယ စ တိဏဝတ္ထာရကေန စ။ ဧကေန သမထေန န သမ္မန္တိ – ယေဘုယ္ယသိကာယ။
Anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Katihi samathehi na sammanti? Anuvādādhikaraṇañca āpattādhikaraṇañca kiccādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca. Ekena samathena na sammanti – yebhuyyasikāya.
ဝိဝာဒာဓိကရဏဉ္စ အနုဝာဒာဓိကရဏဉ္စ အာပတ္တာဓိကရဏဉ္စ ကိစ္စာဓိကရဏဉ္စ ကတိဟိ သမထေဟိ သမ္မန္တိ? ကတိဟိ သမထေဟိ န သမ္မန္တိ? ဝိဝာဒာဓိကရဏဉ္စ အနုဝာဒာဓိကရဏဉ္စ အာပတ္တာဓိကရဏဉ္စ ကိစ္စာဓိကရဏဉ္စ သတ္တဟိ သမထေဟိ သမ္မန္တိ – သမ္မုခာဝိနယေန စ ယေဘုယ္ယသိကာယ စ သတိဝိနယေန စ အမူဠ္ဟဝိနယေန စ ပဋိညာတကရဏေန စ တသ္သပာပိယသိကာယ စ တိဏဝတ္ထာရကေန စ။
Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
သမ္မန္တိ န သမ္မန္တိဝာရော နိဋ္ဌိတော အဋ္ဌာရသမော။
Sammanti na sammantivāro niṭṭhito aṭṭhārasamo.
Footnotes:
Related texts:
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / သံသဋ္ဌဝာရာဒိဝဏ္ဏနာ • Saṃsaṭṭhavārādivaṇṇanā
