| Library / Tipiṭaka / ತಿಪಿಟಕ • Tipiṭaka / ಪರಿವಾರಪಾಳಿ • Parivārapāḷi |
೧೮. ಸಮ್ಮನ್ತಿ ನ ಸಮ್ಮನ್ತಿವಾರೋ
18. Sammanti na sammantivāro
೩೦೮. ವಿವಾದಾಧಿಕರಣಂ ಕತಿಹಿ ಸಮಥೇಹಿ ಸಮ್ಮತಿ, ಕತಿಹಿ ಸಮಥೇಹಿ ನ ಸಮ್ಮತಿ? ಅನುವಾದಾಧಿಕರಣಂ ಕತಿಹಿ ಸಮಥೇಹಿ ಸಮ್ಮತಿ, ಕತಿಹಿ ಸಮಥೇಹಿ ನ ಸಮ್ಮತಿ? ಆಪತ್ತಾಧಿಕರಣಂ ಕತಿಹಿ ಸಮಥೇಹಿ ಸಮ್ಮತಿ, ಕತಿಹಿ ಸಮಥೇಹಿ ನ ಸಮ್ಮತಿ? ಕಿಚ್ಚಾಧಿಕರಣಂ ಕತಿಹಿ ಸಮಥೇಹಿ ಸಮ್ಮತಿ, ಕತಿಹಿ ಸಮಥೇಹಿ ನ ಸಮ್ಮತಿ?
308. Vivādādhikaraṇaṃ katihi samathehi sammati, katihi samathehi na sammati? Anuvādādhikaraṇaṃ katihi samathehi sammati, katihi samathehi na sammati? Āpattādhikaraṇaṃ katihi samathehi sammati, katihi samathehi na sammati? Kiccādhikaraṇaṃ katihi samathehi sammati, katihi samathehi na sammati?
ವಿವಾದಾಧಿಕರಣಂ ದ್ವೀಹಿ ಸಮಥೇಹಿ ಸಮ್ಮತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ। ಪಞ್ಚಹಿ ಸಮಥೇಹಿ ನ ಸಮ್ಮತಿ – ಸತಿವಿನಯೇನ ಚ ಅಮೂಳ್ಹವಿನಯೇನ ಚ ಪಟಿಞ್ಞಾತಕರಣೇನ ಚ ತಸ್ಸಪಾಪಿಯಸಿಕಾಯ ಚ ತಿಣವತ್ಥಾರಕೇನ ಚ।
Vivādādhikaraṇaṃ dvīhi samathehi sammati – sammukhāvinayena ca yebhuyyasikāya ca. Pañcahi samathehi na sammati – sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ಅನುವಾದಾಧಿಕರಣಂ ಚತೂಹಿ ಸಮಥೇಹಿ ಸಮ್ಮತಿ – ಸಮ್ಮುಖಾವಿನಯೇನ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ತಸ್ಸಪಾಪಿಯಸಿಕಾಯ ಚ। ತೀಹಿ ಸಮಥೇಹಿ ನ ಸಮ್ಮತಿ – ಯೇಭುಯ್ಯಸಿಕಾಯ ಚ ಪಟಿಞ್ಞಾತಕರಣೇನ ಚ ತಿಣವತ್ಥಾರಕೇನ ಚ।
Anuvādādhikaraṇaṃ catūhi samathehi sammati – sammukhāvinayena ca sativinayena ca amūḷhavinayena ca tassapāpiyasikāya ca. Tīhi samathehi na sammati – yebhuyyasikāya ca paṭiññātakaraṇena ca tiṇavatthārakena ca.
1 ಆಪತ್ತಾಧಿಕರಣಂ ತೀಹಿ ಸಮಥೇಹಿ ಸಮ್ಮತಿ – ಸಮ್ಮುಖಾವಿನಯೇನ ಚ ಪಟಿಞ್ಞಾತಕರಣೇನ ಚ ತಿಣವತ್ಥಾರಕೇನ ಚ। ಚತೂಹಿ ಸಮಥೇಹಿ ನ ಸಮ್ಮತಿ – ಯೇಭುಯ್ಯಸಿಕಾಯ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ತಸ್ಸಪಾಪಿಯಸಿಕಾಯ ಚ।
2 Āpattādhikaraṇaṃ tīhi samathehi sammati – sammukhāvinayena ca paṭiññātakaraṇena ca tiṇavatthārakena ca. Catūhi samathehi na sammati – yebhuyyasikāya ca sativinayena ca amūḷhavinayena ca tassapāpiyasikāya ca.
ಕಿಚ್ಚಾಧಿಕರಣಂ ಏಕೇನ ಸಮಥೇನ ಸಮ್ಮತಿ – ಸಮ್ಮುಖಾವಿನಯೇನ। ಛಹಿ ಸಮಥೇಹಿ ನ ಸಮ್ಮತಿ – ಯೇಭುಯ್ಯಸಿಕಾಯ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ಪಟಿಞ್ಞಾತಕರಣೇನ ಚ ತಸ್ಸಪಾಪಿಯಸಿಕಾಯ ಚ ತಿಣವತ್ಥಾರಕೇನ ಚ।
Kiccādhikaraṇaṃ ekena samathena sammati – sammukhāvinayena. Chahi samathehi na sammati – yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಕತಿಹಿ ಸಮಥೇಹಿ ನ ಸಮ್ಮನ್ತಿ? ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಪಞ್ಚಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ತಸ್ಸಪಾಪಿಯಸಿಕಾಯ ಚ। ದ್ವೀಹಿ ಸಮಥೇಹಿ ನ ಸಮ್ಮನ್ತಿ – ಪಟಿಞ್ಞಾತಕರಣೇನ ಚ ತಿಣವತ್ಥಾರಕೇನ ಚ।
Vivādādhikaraṇañca anuvādādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca. Dvīhi samathehi na sammanti – paṭiññātakaraṇena ca tiṇavatthārakena ca.
ವಿವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಕತಿಹಿ ಸಮಥೇಹಿ ನ ಸಮ್ಮನ್ತಿ? ವಿವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಚತೂಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ ಪಟಿಞ್ಞಾತಕರಣೇನ ಚ ತಿಣವತ್ಥಾರಕೇನ ಚ। ತೀಹಿ ಸಮಥೇಹಿ ನ ಸಮ್ಮನ್ತಿ – ಸತಿವಿನಯೇನ ಚ ಅಮೂಳ್ಹವಿನಯೇನ ಚ ತಸ್ಸಪಾಪಿಯಸಿಕಾಯ ಚ।
Vivādādhikaraṇañca āpattādhikaraṇañca katihi samathehi sammanti? Katihi samathehi na sammanti? Vivādādhikaraṇañca āpattādhikaraṇañca catūhi samathehi sammanti – sammukhāvinayena ca yebhuyyasikāya ca paṭiññātakaraṇena ca tiṇavatthārakena ca. Tīhi samathehi na sammanti – sativinayena ca amūḷhavinayena ca tassapāpiyasikāya ca.
ವಿವಾದಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಕತಿಹಿ ಸಮಥೇಹಿ ನ ಸಮ್ಮನ್ತಿ? ವಿವಾದಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ದ್ವೀಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ। ಪಞ್ಚಹಿ ಸಮಥೇಹಿ ನ ಸಮ್ಮನ್ತಿ – ಸತಿವಿನಯೇನ ಚ ಅಮೂಳ್ಹವಿನಯೇನ ಚ ಪಟಿಞ್ಞಾತಕರಣೇನ ಚ ತಸ್ಸಪಾಪಿಯಸಿಕಾಯ ಚ ತಿಣವತ್ಥಾರಕೇನ ಚ।
Vivādādhikaraṇañca kiccādhikaraṇañca katihi samathehi sammanti? Katihi samathehi na sammanti? Vivādādhikaraṇañca kiccādhikaraṇañca dvīhi samathehi sammanti – sammukhāvinayena ca yebhuyyasikāya ca. Pañcahi samathehi na sammanti – sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಕತಿಹಿ ಸಮಥೇಹಿ ನ ಸಮ್ಮನ್ತಿ? ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಛಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ಪಟಿಞ್ಞಾತಕರಣೇನ ಚ ತಸ್ಸಪಾಪಿಯಸಿಕಾಯ ಚ ತಿಣವತ್ಥಾರಕೇನ ಚ। ಏಕೇನ ಸಮಥೇನ ನ ಸಮ್ಮನ್ತಿ – ಯೇಭುಯ್ಯಸಿಕಾಯ।
Anuvādādhikaraṇañca āpattādhikaraṇañca katihi samathehi sammanti? Katihi samathehi na sammanti? Anuvādādhikaraṇañca āpattādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca. Ekena samathena na sammanti – yebhuyyasikāya.
ಅನುವಾದಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಕತಿಹಿ ಸಮಥೇಹಿ ನ ಸಮ್ಮನ್ತಿ? ಅನುವಾದಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಚತೂಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ತಸ್ಸಪಾಪಿಯಸಿಕಾ ಚ। ತೀಹಿ ಸಮಥೇಹಿ ನ ಸಮ್ಮನ್ತಿ – ಯೇಭುಯ್ಯಸಿಕಾಯ ಚ ಪಟಿಞ್ಞಾತಕರಣೇನ ಚ ತಿಣವತ್ಥಾರಕೇನ ಚ।
Anuvādādhikaraṇañca kiccādhikaraṇañca katihi samathehi sammanti? Katihi samathehi na sammanti? Anuvādādhikaraṇañca kiccādhikaraṇañca catūhi samathehi sammanti – sammukhāvinayena ca sativinayena ca amūḷhavinayena ca tassapāpiyasikā ca. Tīhi samathehi na sammanti – yebhuyyasikāya ca paṭiññātakaraṇena ca tiṇavatthārakena ca.
ಆಪತ್ತಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಕತಿಹಿ ಸಮಥೇಹಿ ನ ಸಮ್ಮನ್ತಿ? ಆಪತ್ತಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ತೀಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಪಟಿಞ್ಞಾತಕರಣೇನ ಚ ತಿಣವತ್ಥಾರಕೇನ ಚ । ಚತೂಹಿ ಸಮಥೇಹಿ ನ ಸಮ್ಮನ್ತಿ – ಯೇಭುಯ್ಯಸಿಕಾಯ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ತಸ್ಸಪಾಪಿಯಸಿಕಾಯ ಚ।
Āpattādhikaraṇañca kiccādhikaraṇañca katihi samathehi sammanti? Katihi samathehi na sammanti? Āpattādhikaraṇañca kiccādhikaraṇañca tīhi samathehi sammanti – sammukhāvinayena ca paṭiññātakaraṇena ca tiṇavatthārakena ca . Catūhi samathehi na sammanti – yebhuyyasikāya ca sativinayena ca amūḷhavinayena ca tassapāpiyasikāya ca.
ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಕತಿಹಿ ಸಮಥೇಹಿ ನ ಸಮ್ಮನ್ತಿ? ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಸತ್ತಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ಪಟಿಞ್ಞಾತಕರಣೇನ ಚ ತಸ್ಸಪಾಪಿಯಸಿಕಾಯ ಚ ತಿಣವತ್ಥಾರಕೇನ ಚ।
Vivādādhikaraṇañca anuvādādhikaraṇañca āpattādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca āpattādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಕತಿಹಿ ಸಮಥೇಹಿ ನ ಸಮ್ಮನ್ತಿ? ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಪಞ್ಚಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ತಸ್ಸಪಾಪಿಯಸಿಕಾಯ ಚ। ದ್ವೀಹಿ ಸಮಥೇಹಿ ನ ಸಮ್ಮನ್ತಿ – ಪಟಿಞ್ಞಾತಕರಣೇನ ಚ ತಿಣವತ್ಥಾರಕೇನ ಚ।
Vivādādhikaraṇañca anuvādādhikaraṇañca kiccādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca kiccādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca. Dvīhi samathehi na sammanti – paṭiññātakaraṇena ca tiṇavatthārakena ca.
ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಕತಿಹಿ ಸಮಥೇಹಿ ನ ಸಮ್ಮನ್ತಿ? ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಛಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ಪಟಿಞ್ಞಾತಕರಣೇನ ಚ ತಸ್ಸಪಾಪಿಯಸಿಕಾಯ ಚ ತಿಣವತ್ಥಾರಕೇನ ಚ। ಏಕೇನ ಸಮಥೇನ ನ ಸಮ್ಮನ್ತಿ – ಯೇಭುಯ್ಯಸಿಕಾಯ।
Anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Katihi samathehi na sammanti? Anuvādādhikaraṇañca āpattādhikaraṇañca kiccādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca. Ekena samathena na sammanti – yebhuyyasikāya.
ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಕತಿಹಿ ಸಮಥೇಹಿ ನ ಸಮ್ಮನ್ತಿ? ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಸತ್ತಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ಪಟಿಞ್ಞಾತಕರಣೇನ ಚ ತಸ್ಸಪಾಪಿಯಸಿಕಾಯ ಚ ತಿಣವತ್ಥಾರಕೇನ ಚ।
Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ಸಮ್ಮನ್ತಿ ನ ಸಮ್ಮನ್ತಿವಾರೋ ನಿಟ್ಠಿತೋ ಅಟ್ಠಾರಸಮೋ।
Sammanti na sammantivāro niṭṭhito aṭṭhārasamo.
Footnotes:
Related texts:
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಸಂಸಟ್ಠವಾರಾದಿವಣ್ಣನಾ • Saṃsaṭṭhavārādivaṇṇanā
