| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
18. සම්‌මන්‌ති න සම්‌මන්‌තිවාරො
18. Sammanti na sammantivāro
308. විවාදාධිකරණං කතිහි සමථෙහි සම්‌මති, කතිහි සමථෙහි න සම්‌මති? අනුවාදාධිකරණං කතිහි සමථෙහි සම්‌මති, කතිහි සමථෙහි න සම්‌මති? ආපත්‌තාධිකරණං කතිහි සමථෙහි සම්‌මති, කතිහි සමථෙහි න සම්‌මති? කිච්‌චාධිකරණං කතිහි සමථෙහි සම්‌මති, කතිහි සමථෙහි න සම්‌මති?
308. Vivādādhikaraṇaṃ katihi samathehi sammati, katihi samathehi na sammati? Anuvādādhikaraṇaṃ katihi samathehi sammati, katihi samathehi na sammati? Āpattādhikaraṇaṃ katihi samathehi sammati, katihi samathehi na sammati? Kiccādhikaraṇaṃ katihi samathehi sammati, katihi samathehi na sammati?
විවාදාධිකරණං ද්‌වීහි සමථෙහි සම්‌මති – සම්‌මුඛාවිනයෙන ච යෙභුය්‍යසිකාය ච. පඤ්‌චහි සමථෙහි න සම්‌මති – සතිවිනයෙන ච අමූළ්‌හවිනයෙන ච පටිඤ්‌ඤාතකරණෙන ච තස්‌සපාපියසිකාය ච තිණවත්‌ථාරකෙන ච.
Vivādādhikaraṇaṃ dvīhi samathehi sammati – sammukhāvinayena ca yebhuyyasikāya ca. Pañcahi samathehi na sammati – sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
අනුවාදාධිකරණං චතූහි සමථෙහි සම්‌මති – සම්‌මුඛාවිනයෙන ච සතිවිනයෙන ච අමූළ්‌හවිනයෙන ච තස්‌සපාපියසිකාය ච. තීහි සමථෙහි න සම්‌මති – යෙභුය්‍යසිකාය ච පටිඤ්‌ඤාතකරණෙන ච තිණවත්‌ථාරකෙන ච.
Anuvādādhikaraṇaṃ catūhi samathehi sammati – sammukhāvinayena ca sativinayena ca amūḷhavinayena ca tassapāpiyasikāya ca. Tīhi samathehi na sammati – yebhuyyasikāya ca paṭiññātakaraṇena ca tiṇavatthārakena ca.
1 ආපත්‌තාධිකරණං තීහි සමථෙහි සම්‌මති – සම්‌මුඛාවිනයෙන ච පටිඤ්‌ඤාතකරණෙන ච තිණවත්‌ථාරකෙන ච. චතූහි සමථෙහි න සම්‌මති – යෙභුය්‍යසිකාය ච සතිවිනයෙන ච අමූළ්‌හවිනයෙන ච තස්‌සපාපියසිකාය ච.
2 Āpattādhikaraṇaṃ tīhi samathehi sammati – sammukhāvinayena ca paṭiññātakaraṇena ca tiṇavatthārakena ca. Catūhi samathehi na sammati – yebhuyyasikāya ca sativinayena ca amūḷhavinayena ca tassapāpiyasikāya ca.
කිච්‌චාධිකරණං එකෙන සමථෙන සම්‌මති – සම්‌මුඛාවිනයෙන. ඡහි සමථෙහි න සම්‌මති – යෙභුය්‍යසිකාය ච සතිවිනයෙන ච අමූළ්‌හවිනයෙන ච පටිඤ්‌ඤාතකරණෙන ච තස්‌සපාපියසිකාය ච තිණවත්‌ථාරකෙන ච.
Kiccādhikaraṇaṃ ekena samathena sammati – sammukhāvinayena. Chahi samathehi na sammati – yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
විවාදාධිකරණඤ්‌ච අනුවාදාධිකරණඤ්‌ච කතිහි සමථෙහි සම්‌මන්‌ති? කතිහි සමථෙහි න සම්‌මන්‌ති? විවාදාධිකරණඤ්‌ච අනුවාදාධිකරණඤ්‌ච පඤ්‌චහි සමථෙහි සම්‌මන්‌ති – සම්‌මුඛාවිනයෙන ච යෙභුය්‍යසිකාය ච සතිවිනයෙන ච අමූළ්‌හවිනයෙන ච තස්‌සපාපියසිකාය ච. ද්‌වීහි සමථෙහි න සම්‌මන්‌ති – පටිඤ්‌ඤාතකරණෙන ච තිණවත්‌ථාරකෙන ච.
Vivādādhikaraṇañca anuvādādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca. Dvīhi samathehi na sammanti – paṭiññātakaraṇena ca tiṇavatthārakena ca.
විවාදාධිකරණඤ්‌ච ආපත්‌තාධිකරණඤ්‌ච කතිහි සමථෙහි සම්‌මන්‌ති? කතිහි සමථෙහි න සම්‌මන්‌ති? විවාදාධිකරණඤ්‌ච ආපත්‌තාධිකරණඤ්‌ච චතූහි සමථෙහි සම්‌මන්‌ති – සම්‌මුඛාවිනයෙන ච යෙභුය්‍යසිකාය ච පටිඤ්‌ඤාතකරණෙන ච තිණවත්‌ථාරකෙන ච. තීහි සමථෙහි න සම්‌මන්‌ති – සතිවිනයෙන ච අමූළ්‌හවිනයෙන ච තස්‌සපාපියසිකාය ච.
Vivādādhikaraṇañca āpattādhikaraṇañca katihi samathehi sammanti? Katihi samathehi na sammanti? Vivādādhikaraṇañca āpattādhikaraṇañca catūhi samathehi sammanti – sammukhāvinayena ca yebhuyyasikāya ca paṭiññātakaraṇena ca tiṇavatthārakena ca. Tīhi samathehi na sammanti – sativinayena ca amūḷhavinayena ca tassapāpiyasikāya ca.
විවාදාධිකරණඤ්‌ච කිච්‌චාධිකරණඤ්‌ච කතිහි සමථෙහි සම්‌මන්‌ති? කතිහි සමථෙහි න සම්‌මන්‌ති? විවාදාධිකරණඤ්‌ච කිච්‌චාධිකරණඤ්‌ච ද්‌වීහි සමථෙහි සම්‌මන්‌ති – සම්‌මුඛාවිනයෙන ච යෙභුය්‍යසිකාය ච. පඤ්‌චහි සමථෙහි න සම්‌මන්‌ති – සතිවිනයෙන ච අමූළ්‌හවිනයෙන ච පටිඤ්‌ඤාතකරණෙන ච තස්‌සපාපියසිකාය ච තිණවත්‌ථාරකෙන ච.
Vivādādhikaraṇañca kiccādhikaraṇañca katihi samathehi sammanti? Katihi samathehi na sammanti? Vivādādhikaraṇañca kiccādhikaraṇañca dvīhi samathehi sammanti – sammukhāvinayena ca yebhuyyasikāya ca. Pañcahi samathehi na sammanti – sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
අනුවාදාධිකරණඤ්‌ච ආපත්‌තාධිකරණඤ්‌ච කතිහි සමථෙහි සම්‌මන්‌ති? කතිහි සමථෙහි න සම්‌මන්‌ති? අනුවාදාධිකරණඤ්‌ච ආපත්‌තාධිකරණඤ්‌ච ඡහි සමථෙහි සම්‌මන්‌ති – සම්‌මුඛාවිනයෙන ච සතිවිනයෙන ච අමූළ්‌හවිනයෙන ච පටිඤ්‌ඤාතකරණෙන ච තස්‌සපාපියසිකාය ච තිණවත්‌ථාරකෙන ච. එකෙන සමථෙන න සම්‌මන්‌ති – යෙභුය්‍යසිකාය.
Anuvādādhikaraṇañca āpattādhikaraṇañca katihi samathehi sammanti? Katihi samathehi na sammanti? Anuvādādhikaraṇañca āpattādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca. Ekena samathena na sammanti – yebhuyyasikāya.
අනුවාදාධිකරණඤ්‌ච කිච්‌චාධිකරණඤ්‌ච කතිහි සමථෙහි සම්‌මන්‌ති? කතිහි සමථෙහි න සම්‌මන්‌ති? අනුවාදාධිකරණඤ්‌ච කිච්‌චාධිකරණඤ්‌ච චතූහි සමථෙහි සම්‌මන්‌ති – සම්‌මුඛාවිනයෙන ච සතිවිනයෙන ච අමූළ්‌හවිනයෙන ච තස්‌සපාපියසිකා ච. තීහි සමථෙහි න සම්‌මන්‌ති – යෙභුය්‍යසිකාය ච පටිඤ්‌ඤාතකරණෙන ච තිණවත්‌ථාරකෙන ච.
Anuvādādhikaraṇañca kiccādhikaraṇañca katihi samathehi sammanti? Katihi samathehi na sammanti? Anuvādādhikaraṇañca kiccādhikaraṇañca catūhi samathehi sammanti – sammukhāvinayena ca sativinayena ca amūḷhavinayena ca tassapāpiyasikā ca. Tīhi samathehi na sammanti – yebhuyyasikāya ca paṭiññātakaraṇena ca tiṇavatthārakena ca.
ආපත්‌තාධිකරණඤ්‌ච කිච්‌චාධිකරණඤ්‌ච කතිහි සමථෙහි සම්‌මන්‌ති? කතිහි සමථෙහි න සම්‌මන්‌ති? ආපත්‌තාධිකරණඤ්‌ච කිච්‌චාධිකරණඤ්‌ච තීහි සමථෙහි සම්‌මන්‌ති – සම්‌මුඛාවිනයෙන ච පටිඤ්‌ඤාතකරණෙන ච තිණවත්‌ථාරකෙන ච . චතූහි සමථෙහි න සම්‌මන්‌ති – යෙභුය්‍යසිකාය ච සතිවිනයෙන ච අමූළ්‌හවිනයෙන ච තස්‌සපාපියසිකාය ච.
Āpattādhikaraṇañca kiccādhikaraṇañca katihi samathehi sammanti? Katihi samathehi na sammanti? Āpattādhikaraṇañca kiccādhikaraṇañca tīhi samathehi sammanti – sammukhāvinayena ca paṭiññātakaraṇena ca tiṇavatthārakena ca . Catūhi samathehi na sammanti – yebhuyyasikāya ca sativinayena ca amūḷhavinayena ca tassapāpiyasikāya ca.
විවාදාධිකරණඤ්‌ච අනුවාදාධිකරණඤ්‌ච ආපත්‌තාධිකරණඤ්‌ච කතිහි සමථෙහි සම්‌මන්‌ති? කතිහි සමථෙහි න සම්‌මන්‌ති? විවාදාධිකරණඤ්‌ච අනුවාදාධිකරණඤ්‌ච ආපත්‌තාධිකරණඤ්‌ච සත්‌තහි සමථෙහි සම්‌මන්‌ති – සම්‌මුඛාවිනයෙන ච යෙභුය්‍යසිකාය ච සතිවිනයෙන ච අමූළ්‌හවිනයෙන ච පටිඤ්‌ඤාතකරණෙන ච තස්‌සපාපියසිකාය ච තිණවත්‌ථාරකෙන ච.
Vivādādhikaraṇañca anuvādādhikaraṇañca āpattādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca āpattādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
විවාදාධිකරණඤ්‌ච අනුවාදාධිකරණඤ්‌ච කිච්‌චාධිකරණඤ්‌ච කතිහි සමථෙහි සම්‌මන්‌ති? කතිහි සමථෙහි න සම්‌මන්‌ති? විවාදාධිකරණඤ්‌ච අනුවාදාධිකරණඤ්‌ච කිච්‌චාධිකරණඤ්‌ච පඤ්‌චහි සමථෙහි සම්‌මන්‌ති – සම්‌මුඛාවිනයෙන ච යෙභුය්‍යසිකාය ච සතිවිනයෙන ච අමූළ්‌හවිනයෙන ච තස්‌සපාපියසිකාය ච. ද්‌වීහි සමථෙහි න සම්‌මන්‌ති – පටිඤ්‌ඤාතකරණෙන ච තිණවත්‌ථාරකෙන ච.
Vivādādhikaraṇañca anuvādādhikaraṇañca kiccādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca kiccādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca. Dvīhi samathehi na sammanti – paṭiññātakaraṇena ca tiṇavatthārakena ca.
අනුවාදාධිකරණඤ්‌ච ආපත්‌තාධිකරණඤ්‌ච කිච්‌චාධිකරණඤ්‌ච කතිහි සමථෙහි සම්‌මන්‌ති? කතිහි සමථෙහි න සම්‌මන්‌ති? අනුවාදාධිකරණඤ්‌ච ආපත්‌තාධිකරණඤ්‌ච කිච්‌චාධිකරණඤ්‌ච ඡහි සමථෙහි සම්‌මන්‌ති – සම්‌මුඛාවිනයෙන ච සතිවිනයෙන ච අමූළ්‌හවිනයෙන ච පටිඤ්‌ඤාතකරණෙන ච තස්‌සපාපියසිකාය ච තිණවත්‌ථාරකෙන ච. එකෙන සමථෙන න සම්‌මන්‌ති – යෙභුය්‍යසිකාය.
Anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Katihi samathehi na sammanti? Anuvādādhikaraṇañca āpattādhikaraṇañca kiccādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca. Ekena samathena na sammanti – yebhuyyasikāya.
විවාදාධිකරණඤ්‌ච අනුවාදාධිකරණඤ්‌ච ආපත්‌තාධිකරණඤ්‌ච කිච්‌චාධිකරණඤ්‌ච කතිහි සමථෙහි සම්‌මන්‌ති? කතිහි සමථෙහි න සම්‌මන්‌ති? විවාදාධිකරණඤ්‌ච අනුවාදාධිකරණඤ්‌ච ආපත්‌තාධිකරණඤ්‌ච කිච්‌චාධිකරණඤ්‌ච සත්‌තහි සමථෙහි සම්‌මන්‌ති – සම්‌මුඛාවිනයෙන ච යෙභුය්‍යසිකාය ච සතිවිනයෙන ච අමූළ්‌හවිනයෙන ච පටිඤ්‌ඤාතකරණෙන ච තස්‌සපාපියසිකාය ච තිණවත්‌ථාරකෙන ච.
Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
සම්‌මන්‌ති න සම්‌මන්‌තිවාරො නිට්‌ඨිතො අට්‌ඨාරසමො.
Sammanti na sammantivāro niṭṭhito aṭṭhārasamo.
Footnotes:
Related texts:
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / සංසට්‌ඨවාරාදිවණ්‌ණනා • Saṃsaṭṭhavārādivaṇṇanā
