| Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi |
༡༨. སམྨནྟི ན སམྨནྟིཝཱརོ
18. Sammanti na sammantivāro
༣༠༨. ཝིཝཱདཱདྷིཀརཎཾ ཀཏིཧི སམཐེཧི སམྨཏི, ཀཏིཧི སམཐེཧི ན སམྨཏི? ཨནུཝཱདཱདྷིཀརཎཾ ཀཏིཧི སམཐེཧི སམྨཏི, ཀཏིཧི སམཐེཧི ན སམྨཏི? ཨཱཔཏྟཱདྷིཀརཎཾ ཀཏིཧི སམཐེཧི སམྨཏི, ཀཏིཧི སམཐེཧི ན སམྨཏི? ཀིཙྩཱདྷིཀརཎཾ ཀཏིཧི སམཐེཧི སམྨཏི, ཀཏིཧི སམཐེཧི ན སམྨཏི?
308. Vivādādhikaraṇaṃ katihi samathehi sammati, katihi samathehi na sammati? Anuvādādhikaraṇaṃ katihi samathehi sammati, katihi samathehi na sammati? Āpattādhikaraṇaṃ katihi samathehi sammati, katihi samathehi na sammati? Kiccādhikaraṇaṃ katihi samathehi sammati, katihi samathehi na sammati?
ཝིཝཱདཱདྷིཀརཎཾ དྭཱིཧི སམཐེཧི སམྨཏི – སམྨུཁཱཝིནཡེན ཙ ཡེབྷུཡྻསིཀཱཡ ཙ། པཉྩཧི སམཐེཧི ན སམྨཏི – སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ།
Vivādādhikaraṇaṃ dvīhi samathehi sammati – sammukhāvinayena ca yebhuyyasikāya ca. Pañcahi samathehi na sammati – sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ཨནུཝཱདཱདྷིཀརཎཾ ཙཏཱུཧི སམཐེཧི སམྨཏི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ། ཏཱིཧི སམཐེཧི ན སམྨཏི – ཡེབྷུཡྻསིཀཱཡ ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ།
Anuvādādhikaraṇaṃ catūhi samathehi sammati – sammukhāvinayena ca sativinayena ca amūḷhavinayena ca tassapāpiyasikāya ca. Tīhi samathehi na sammati – yebhuyyasikāya ca paṭiññātakaraṇena ca tiṇavatthārakena ca.
1 ཨཱཔཏྟཱདྷིཀརཎཾ ཏཱིཧི སམཐེཧི སམྨཏི – སམྨུཁཱཝིནཡེན ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ། ཙཏཱུཧི སམཐེཧི ན སམྨཏི – ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ།
2 Āpattādhikaraṇaṃ tīhi samathehi sammati – sammukhāvinayena ca paṭiññātakaraṇena ca tiṇavatthārakena ca. Catūhi samathehi na sammati – yebhuyyasikāya ca sativinayena ca amūḷhavinayena ca tassapāpiyasikāya ca.
ཀིཙྩཱདྷིཀརཎཾ ཨེཀེན སམཐེན སམྨཏི – སམྨུཁཱཝིནཡེན། ཚཧི སམཐེཧི ན སམྨཏི – ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ།
Kiccādhikaraṇaṃ ekena samathena sammati – sammukhāvinayena. Chahi samathehi na sammati – yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ པཉྩཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ། དྭཱིཧི སམཐེཧི ན སམྨནྟི – པཊིཉྙཱཏཀརཎེན ཙ ཏིཎཝཏྠཱརཀེན ཙ།
Vivādādhikaraṇañca anuvādādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca. Dvīhi samathehi na sammanti – paṭiññātakaraṇena ca tiṇavatthārakena ca.
ཝིཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཝིཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཙཏཱུཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ། ཏཱིཧི སམཐེཧི ན སམྨནྟི – སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ།
Vivādādhikaraṇañca āpattādhikaraṇañca katihi samathehi sammanti? Katihi samathehi na sammanti? Vivādādhikaraṇañca āpattādhikaraṇañca catūhi samathehi sammanti – sammukhāvinayena ca yebhuyyasikāya ca paṭiññātakaraṇena ca tiṇavatthārakena ca. Tīhi samathehi na sammanti – sativinayena ca amūḷhavinayena ca tassapāpiyasikāya ca.
ཝིཝཱདཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཝིཝཱདཱདྷིཀརཎཉྩ ཀིཙྩཱདྷིཀརཎཉྩ དྭཱིཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ། པཉྩཧི སམཐེཧི ན སམྨནྟི – སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ།
Vivādādhikaraṇañca kiccādhikaraṇañca katihi samathehi sammanti? Katihi samathehi na sammanti? Vivādādhikaraṇañca kiccādhikaraṇañca dvīhi samathehi sammanti – sammukhāvinayena ca yebhuyyasikāya ca. Pañcahi samathehi na sammanti – sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཚཧི སམཐེཧི སམྨནྟི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ། ཨེཀེན སམཐེན ན སམྨནྟི – ཡེབྷུཡྻསིཀཱཡ།
Anuvādādhikaraṇañca āpattādhikaraṇañca katihi samathehi sammanti? Katihi samathehi na sammanti? Anuvādādhikaraṇañca āpattādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca. Ekena samathena na sammanti – yebhuyyasikāya.
ཨནུཝཱདཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཨནུཝཱདཱདྷིཀརཎཉྩ ཀིཙྩཱདྷིཀརཎཉྩ ཙཏཱུཧི སམཐེཧི སམྨནྟི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱ ཙ། ཏཱིཧི སམཐེཧི ན སམྨནྟི – ཡེབྷུཡྻསིཀཱཡ ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ།
Anuvādādhikaraṇañca kiccādhikaraṇañca katihi samathehi sammanti? Katihi samathehi na sammanti? Anuvādādhikaraṇañca kiccādhikaraṇañca catūhi samathehi sammanti – sammukhāvinayena ca sativinayena ca amūḷhavinayena ca tassapāpiyasikā ca. Tīhi samathehi na sammanti – yebhuyyasikāya ca paṭiññātakaraṇena ca tiṇavatthārakena ca.
ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཏཱིཧི སམཐེཧི སམྨནྟི – སམྨུཁཱཝིནཡེན ཙ པཊིཉྙཱཏཀརཎེན ཙ ཏིཎཝཏྠཱརཀེན ཙ ། ཙཏཱུཧི སམཐེཧི ན སམྨནྟི – ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ།
Āpattādhikaraṇañca kiccādhikaraṇañca katihi samathehi sammanti? Katihi samathehi na sammanti? Āpattādhikaraṇañca kiccādhikaraṇañca tīhi samathehi sammanti – sammukhāvinayena ca paṭiññātakaraṇena ca tiṇavatthārakena ca . Catūhi samathehi na sammanti – yebhuyyasikāya ca sativinayena ca amūḷhavinayena ca tassapāpiyasikāya ca.
ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ སཏྟཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ།
Vivādādhikaraṇañca anuvādādhikaraṇañca āpattādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca āpattādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཀིཙྩཱདྷིཀརཎཉྩ པཉྩཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ ཏསྶཔཱཔིཡསིཀཱཡ ཙ། དྭཱིཧི སམཐེཧི ན སམྨནྟི – པཊིཉྙཱཏཀརཎེན ཙ ཏིཎཝཏྠཱརཀེན ཙ།
Vivādādhikaraṇañca anuvādādhikaraṇañca kiccādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca kiccādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca. Dvīhi samathehi na sammanti – paṭiññātakaraṇena ca tiṇavatthārakena ca.
ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཚཧི སམཐེཧི སམྨནྟི – སམྨུཁཱཝིནཡེན ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ། ཨེཀེན སམཐེན ན སམྨནྟི – ཡེབྷུཡྻསིཀཱཡ།
Anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Katihi samathehi na sammanti? Anuvādādhikaraṇañca āpattādhikaraṇañca kiccādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca. Ekena samathena na sammanti – yebhuyyasikāya.
ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ ཀཏིཧི སམཐེཧི སམྨནྟི? ཀཏིཧི སམཐེཧི ན སམྨནྟི? ཝིཝཱདཱདྷིཀརཎཉྩ ཨནུཝཱདཱདྷིཀརཎཉྩ ཨཱཔཏྟཱདྷིཀརཎཉྩ ཀིཙྩཱདྷིཀརཎཉྩ སཏྟཧི སམཐེཧི སམྨནྟི – སམྨུཁཱཝིནཡེན ཙ ཡེབྷུཡྻསིཀཱཡ ཙ སཏིཝིནཡེན ཙ ཨམཱུལ༹ྷཝིནཡེན ཙ པཊིཉྙཱཏཀརཎེན ཙ ཏསྶཔཱཔིཡསིཀཱཡ ཙ ཏིཎཝཏྠཱརཀེན ཙ།
Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Katihi samathehi na sammanti? Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
སམྨནྟི ན སམྨནྟིཝཱརོ ནིཊྛིཏོ ཨཊྛཱརསམོ།
Sammanti na sammantivāro niṭṭhito aṭṭhārasamo.
Footnotes:
Related texts:
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / སཾསཊྛཝཱརཱདིཝཎྞནཱ • Saṃsaṭṭhavārādivaṇṇanā
