| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
13. саммаабариб̣б̣ааж̇анийяасуд̇д̇а-(махаасамаяасуд̇д̇а)-ван̣н̣анаа
13. Sammāparibbājanīyasutta-(mahāsamayasutta)-vaṇṇanā
362. бужчаами муним̣ бахууд̇абан̃н̃анд̇и саммаабариб̣б̣ааж̇анийяасуд̇д̇ам̣, ‘‘махаасамаяасуд̇д̇а’’нд̇иби вужжад̇и махаасамаяад̣̇ивасз гат̇ид̇ад̇д̇аа. гаа уббад̇д̇и? бужчаавасигаа уббад̇д̇и. ниммид̇аб̣уд̣̇д̇хзна хи будто бхаг̇аваа имам̣ суд̇д̇амабхааси, д̇ам̣ сад̣̇д̇хим̣ бужчааяа ‘‘саммаабариб̣б̣ааж̇анийяасуд̇д̇а’’нд̇и вужжад̇и. аяамзд̇т̇а сан̇кзбо, вид̇т̇аарад̇о бана саагияаголияаанам̣ уббад̇д̇ид̇о бабхуд̇и бораан̣зхи ван̣н̣ийяад̇и.
362.Pucchāmimuniṃ pahūtapaññanti sammāparibbājanīyasuttaṃ, ‘‘mahāsamayasutta’’ntipi vuccati mahāsamayadivase kathitattā. Kā uppatti? Pucchāvasikā uppatti. Nimmitabuddhena hi puṭṭho bhagavā imaṃ suttamabhāsi, taṃ saddhiṃ pucchāya ‘‘sammāparibbājanīyasutta’’nti vuccati. Ayamettha saṅkhepo, vitthārato pana sākiyakoliyānaṃ uppattito pabhuti porāṇehi vaṇṇīyati.
д̇ад̇рааяам̣ уд̣̇д̣̇зсамаг̇г̇аван̣н̣анаа – батамагаббигаанам̣ гира ран̃н̃о махаасаммад̇асса рож̇о наама буд̇д̇о ахоси. рож̇асса варарож̇о, варарож̇асса галяаан̣о, галяаан̣асса варагаляаан̣о, варагаляаан̣асса манд̇хаад̇аа, манд̇хаад̇усса вараманд̇хаад̇аа, вараманд̇хаад̇усса убосат̇о, убосат̇асса варо, варасса убаваро, убаварасса магхад̣̇зво, магхад̣̇звасса барамбараа жад̇ураасийд̇и кад̇д̇ияасахассаани ахзсум̣. д̇зсам̣ барад̇о д̇аяо оггаагавам̣саа ахзсум̣. д̇зсу д̇ад̇ияаоггаагасса бан̃жа махзсияо ахзсум̣ – хад̇т̇аа, жид̇д̇аа, ж̇анд̇у, ж̇аалиний, висаакаад̇и. згзгиссаа бан̃жа бан̃жа ид̇т̇исад̇аани бариваараа. саб̣б̣аж̇здтааяа жад̇д̇ааро буд̇д̇аа – оггаамуко, гараган̣д̣у, хад̇т̇иниго, синибурод̇и; бан̃жа д̇хийд̇аро – бияаа, суббияаа, аананд̣̇аа, виж̇ид̇аа, виж̇ид̇асзнаад̇и. звам̣ саа нава буд̇д̇з лабхид̇ваа гааламагааси.
Tatrāyaṃ uddesamaggavaṇṇanā – paṭhamakappikānaṃ kira rañño mahāsammatassa rojo nāma putto ahosi. Rojassa vararojo, vararojassa kalyāṇo, kalyāṇassa varakalyāṇo, varakalyāṇassa mandhātā, mandhātussa varamandhātā, varamandhātussa uposatho, uposathassa varo, varassa upavaro, upavarassa maghadevo, maghadevassa paramparā caturāsīti khattiyasahassāni ahesuṃ. Tesaṃ parato tayo okkākavaṃsā ahesuṃ. Tesu tatiyaokkākassa pañca mahesiyo ahesuṃ – hatthā, cittā, jantu, jālinī, visākhāti. Ekekissā pañca pañca itthisatāni parivārā. Sabbajeṭṭhāya cattāro puttā – okkāmukho, karakaṇḍu, hatthiniko, sinipuroti; pañca dhītaro – piyā, suppiyā, ānandā, vijitā, vijitasenāti. Evaṃ sā nava putte labhitvā kālamakāsi.
ат̇а рааж̇аа ан̃н̃ам̣ д̣̇ахарам̣ абхируубам̣ рааж̇ад̇хийд̇арам̣ аанзд̇ваа аг̇г̇амахзсидтаанз табзси. сааби ж̇анд̇ум̣ наама згам̣ буд̇д̇ам̣ виж̇ааяи. д̇ам̣ ж̇анд̇угумаарам̣ бан̃жамад̣̇ивасз алан̇гарид̇ваа ран̃н̃о д̣̇ассзси. рааж̇аа д̇удто махзсияаа варам̣ ад̣̇ааси. саа н̃аад̇агзхи сад̣̇д̇хим̣ манд̇зд̇ваа буд̇д̇асса раж̇ж̇ам̣ яаажи. рааж̇аа ‘‘насса васали, мама буд̇д̇аанам̣ анд̇арааяамижчасий’’д̇и наад̣̇ааси. саа бунаббунам̣ рахо рааж̇аанам̣ барид̇осзд̇ваа ‘‘на, махаарааж̇а, мусааваад̣̇о ваддад̇ий’’д̇иаад̣̇ийни вад̇ваа яаажад̇и зва. ат̇а рааж̇аа буд̇д̇з ааманд̇зси – ‘‘ахам̣, д̇аад̇аа, д̇умхаагам̣ ганидтам̣ ж̇анд̇угумаарам̣ д̣̇исваа д̇асса маад̇уяаа сахасаа варам̣ ад̣̇аасим̣. саа буд̇д̇асса раж̇ж̇ам̣ барин̣аамзд̇ум̣ ижчад̇и. д̇умхз мамажжаязна ааг̇анд̇ваа раж̇ж̇ам̣ гаарзяяаат̇аа’’д̇и адтахи амажжзхи сад̣̇д̇хим̣ уяяож̇зси. д̇з бхаг̇инияо аад̣̇ааяа жад̇уран̇г̇инияаа сзнааяа наг̇араа нигкамим̣су. ‘‘гумаараа бид̇уажжаязна ааг̇анд̇ваа раж̇ж̇ам̣ гаарзссанд̇и, г̇ажчаама нз убадтахаамаа’’д̇и жинд̇зд̇ваа б̣ахуу мануссаа ануб̣анд̇хим̣су. батамад̣̇ивасз яож̇анамад̇д̇аа сзнаа ахоси, д̣̇уд̇ияад̣̇ивасз д̣̇вияож̇анамад̇д̇аа, д̇ад̇ияад̣̇ивасз д̇ияож̇анамад̇д̇аа. гумаараа жинд̇зсум̣ – ‘‘махаа аяам̣ б̣алагааяо, сажз маяам̣ ган̃жи сааманд̇арааж̇аанам̣ аггамид̇ваа ж̇анабад̣̇ам̣ г̇ан̣хиссаама, соби но на бахоссад̇и, гим̣ барзсам̣ бийл̣ам̣ гад̇ваа лад̣̇д̇хараж̇ж̇зна, махаа ж̇амб̣уд̣̇ийбо, аран̃н̃з наг̇арам̣ маабзссаамаа’’д̇и химаванд̇аабхимукаа аг̇амим̣су.
Atha rājā aññaṃ daharaṃ abhirūpaṃ rājadhītaraṃ ānetvā aggamahesiṭṭhāne ṭhapesi. Sāpi jantuṃ nāma ekaṃ puttaṃ vijāyi. Taṃ jantukumāraṃ pañcamadivase alaṅkaritvā rañño dassesi. Rājā tuṭṭho mahesiyā varaṃ adāsi. Sā ñātakehi saddhiṃ mantetvā puttassa rajjaṃ yāci. Rājā ‘‘nassa vasali, mama puttānaṃ antarāyamicchasī’’ti nādāsi. Sā punappunaṃ raho rājānaṃ paritosetvā ‘‘na, mahārāja, musāvādo vaṭṭatī’’tiādīni vatvā yācati eva. Atha rājā putte āmantesi – ‘‘ahaṃ, tātā, tumhākaṃ kaniṭṭhaṃ jantukumāraṃ disvā tassa mātuyā sahasā varaṃ adāsiṃ. Sā puttassa rajjaṃ pariṇāmetuṃ icchati. Tumhe mamaccayena āgantvā rajjaṃ kāreyyāthā’’ti aṭṭhahi amaccehi saddhiṃ uyyojesi. Te bhaginiyo ādāya caturaṅginiyā senāya nagarā nikkhamiṃsu. ‘‘Kumārā pituaccayena āgantvā rajjaṃ kāressanti, gacchāma ne upaṭṭhahāmā’’ti cintetvā bahū manussā anubandhiṃsu. Paṭhamadivase yojanamattā senā ahosi, dutiyadivase dviyojanamattā, tatiyadivase tiyojanamattā. Kumārā cintesuṃ – ‘‘mahā ayaṃ balakāyo, sace mayaṃ kañci sāmantarājānaṃ akkamitvā janapadaṃ gaṇhissāma, sopi no na pahossati, kiṃ paresaṃ pīḷaṃ katvā laddharajjena, mahā jambudīpo, araññe nagaraṃ māpessāmā’’ti himavantābhimukhā agamiṃsu.
д̇ад̇т̇а наг̇арамаабаногаасам̣ бариязсамаанаа химавад̇и габило наама гхорад̇або д̇аабасо бадивасад̇и богкаран̣ид̇ийрз махаасаагасан̣д̣з, д̇асса васаногаасам̣ г̇ад̇аа. со д̇з д̣̇исваа бужчид̇ваа саб̣б̣ам̣ бавад̇д̇им̣ суд̇ваа д̇зсу анугамбам̣ агааси. со гира бхуммаж̇аалам̣ наама виж̇ж̇ам̣ ж̇аанаад̇и, яааяа уд̣̇д̇хам̣ асийд̇ихад̇т̇з аагаасз жа хздтаа бхуумияан̃жа г̇ун̣ад̣̇осз бассад̇и. ат̇згасмим̣ бад̣̇зсз суугарамиг̇аа сийхаб̣яаг̇гхаад̣̇аяо д̇аасзд̇ваа барибаад̇знд̇и, ман̣д̣уугамуусигаа саббз бхим̣саабзнд̇и. со д̇з д̣̇исваа ‘‘аяам̣ бхуумиббад̣̇зсо бат̇авийаг̇г̇а’’нд̇и д̇асмим̣ бад̣̇зсз ассамам̣ маабзси. д̇ад̇о со рааж̇агумаарз ааха – ‘‘сажз мама наамзна наг̇арам̣ гарот̇а, д̣̇зми во имам̣ огааса’’нд̇и. д̇з д̇ат̇аа бадиж̇ааним̣су. д̇аабасо ‘‘имасмим̣ огаасз тад̇ваа жан̣д̣аалабуд̇д̇оби жаггавад̇д̇им̣ б̣алзна ад̇исзд̇ий’’д̇и вад̇ваа ‘‘ассамз ран̃н̃о гхарам̣ маабзд̇ваа наг̇арам̣ маабзт̇аа’’д̇и д̇ам̣ огаасам̣ д̣̇ад̇ваа саяам̣ авид̣̇уурз баб̣б̣ад̇абаад̣̇з ассамам̣ гад̇ваа васи. д̇ад̇о гумаараа д̇ад̇т̇а наг̇арам̣ маабзд̇ваа габиласса вуд̇т̇огаасз гад̇ад̇д̇аа ‘‘габилавад̇т̇уу’’д̇и наамам̣ ааробзд̇ваа д̇ад̇т̇а ниваасам̣ габбзсум̣.
Tattha nagaramāpanokāsaṃ pariyesamānā himavati kapilo nāma ghoratapo tāpaso paṭivasati pokkharaṇitīre mahāsākasaṇḍe, tassa vasanokāsaṃ gatā. So te disvā pucchitvā sabbaṃ pavattiṃ sutvā tesu anukampaṃ akāsi. So kira bhummajālaṃ nāma vijjaṃ jānāti, yāya uddhaṃ asītihatthe ākāse ca heṭṭhā bhūmiyañca guṇadose passati. Athekasmiṃ padese sūkaramigā sīhabyagghādayo tāsetvā paripātenti, maṇḍūkamūsikā sappe bhiṃsāpenti. So te disvā ‘‘ayaṃ bhūmippadeso pathavīagga’’nti tasmiṃ padese assamaṃ māpesi. Tato so rājakumāre āha – ‘‘sace mama nāmena nagaraṃ karotha, demi vo imaṃ okāsa’’nti. Te tathā paṭijāniṃsu. Tāpaso ‘‘imasmiṃ okāse ṭhatvā caṇḍālaputtopi cakkavattiṃ balena atisetī’’ti vatvā ‘‘assame rañño gharaṃ māpetvā nagaraṃ māpethā’’ti taṃ okāsaṃ datvā sayaṃ avidūre pabbatapāde assamaṃ katvā vasi. Tato kumārā tattha nagaraṃ māpetvā kapilassa vutthokāse katattā ‘‘kapilavatthū’’ti nāmaṃ āropetvā tattha nivāsaṃ kappesuṃ.
ат̇а амажжаа ‘‘имз гумаараа ваяаббад̇д̇аа, яад̣̇и нзсам̣ бид̇аа санд̇игз бхавзяяа, со ааваахавиваахам̣ гаарзяяа. ид̣̇аани бана амхаагам̣ бхааро’’д̇и жинд̇зд̇ваа гумаарзхи сад̣̇д̇хим̣ манд̇зсум̣. гумаараа ‘‘амхаагам̣ сад̣̇исаа кад̇д̇ияад̇хийд̇аро на бассаама, д̇аасамби бхаг̇инийнам̣ сад̣̇исз кад̇д̇ияагумаарз, ж̇аад̇исамбхзд̣̇ан̃жа на гаромаа’’д̇и. д̇з ж̇аад̇исамбхзд̣̇абхаязна ж̇здтабхаг̇иним̣ маад̇удтаанз табзд̇ваа авасзсаахи сам̣ваасам̣ габбзсум̣. д̇зсам̣ бид̇аа д̇ам̣ бавад̇д̇им̣ суд̇ваа ‘‘сагяаа вад̇а, бхо гумаараа, барамасагяаа вад̇а, бхо гумаараа’’д̇и уд̣̇аанам̣ уд̣̇аанзси. аяам̣ д̇аава сагяаанам̣ уббад̇д̇и. вуд̇д̇амби жзд̇ам̣ бхаг̇авад̇аа –
Atha amaccā ‘‘ime kumārā vayappattā, yadi nesaṃ pitā santike bhaveyya, so āvāhavivāhaṃ kāreyya. Idāni pana amhākaṃ bhāro’’ti cintetvā kumārehi saddhiṃ mantesuṃ. Kumārā ‘‘amhākaṃ sadisā khattiyadhītaro na passāma, tāsampi bhaginīnaṃ sadise khattiyakumāre, jātisambhedañca na karomā’’ti. Te jātisambhedabhayena jeṭṭhabhaginiṃ mātuṭṭhāne ṭhapetvā avasesāhi saṃvāsaṃ kappesuṃ. Tesaṃ pitā taṃ pavattiṃ sutvā ‘‘sakyā vata, bho kumārā, paramasakyā vata, bho kumārā’’ti udānaṃ udānesi. Ayaṃ tāva sakyānaṃ uppatti. Vuttampi cetaṃ bhagavatā –
‘‘ат̇а ко, амб̣адта, рааж̇аа оггааго амажжз баарисаж̇ж̇з ааманд̇зси – ‘гахам̣ ну ко, бхо, зд̇арахи гумаараа самманд̇ий’д̇и. ад̇т̇и, д̣̇зва, химаванд̇абассз богкаран̣ияаа д̇ийрз махаасаагасан̣д̣о, д̇ад̇т̇зд̇арахи гумаараа самманд̇и. д̇з ж̇аад̇исамбхзд̣̇абхаяаа сагаахи бхаг̇инийхи сад̣̇д̇хим̣ сам̣ваасам̣ габбзнд̇ийд̇и. ат̇а ко, амб̣адта, рааж̇аа оггааго уд̣̇аанам̣ уд̣̇аанзси – ‘сагяаа вад̇а, бхо гумаараа, барамасагяаа вад̇а, бхо гумаараа’д̇и, д̇ад̣̇аг̇г̇з ко бана , амб̣адта, сагяаа бан̃н̃ааяанд̇и, со жа сагяаанам̣ буб̣б̣абурисо’’д̇и (д̣̇ий. ни. 1.267).
‘‘Atha kho, ambaṭṭha, rājā okkāko amacce pārisajje āmantesi – ‘kahaṃ nu kho, bho, etarahi kumārā sammantī’ti. Atthi, deva, himavantapasse pokkharaṇiyā tīre mahāsākasaṇḍo, tatthetarahi kumārā sammanti. Te jātisambhedabhayā sakāhi bhaginīhi saddhiṃ saṃvāsaṃ kappentīti. Atha kho, ambaṭṭha, rājā okkāko udānaṃ udānesi – ‘sakyā vata, bho kumārā, paramasakyā vata, bho kumārā’ti, tadagge kho pana , ambaṭṭha, sakyā paññāyanti, so ca sakyānaṃ pubbapuriso’’ti (dī. ni. 1.267).
д̇ад̇о нзсам̣ ж̇здтабхаг̇инияаа гудтарог̇о уд̣̇абаад̣̇и, говил̣аарабубпасад̣̇исаани г̇ад̇д̇аани ахзсум̣. рааж̇агумаараа ‘‘имааяа сад̣̇д̇хим̣ згад̇о нисаж̇ж̇адтаанабхож̇анаад̣̇ийни гаронд̇аанамби убари зса рог̇о сан̇гамад̇ий’’д̇и жинд̇зд̇ваа уяяаанагийл̣ам̣ г̇ажчанд̇аа вияа д̇ам̣ яаанз ааробзд̇ваа аран̃н̃ам̣ бависид̇ваа богкаран̣им̣ кан̣аабзд̇ваа д̇ам̣ д̇ад̇т̇а каад̣̇анийяабхож̇анийязхи сад̣̇д̇хим̣ багкибид̇ваа убари бад̣̇арам̣ бадижчаад̣̇аабзд̇ваа бам̣сум̣ д̣̇ад̇ваа баггамим̣су. д̇зна жа самаязна раамо наама рааж̇аа гудтарог̇ий ород̇хзхи жа наадагзхи жа ж̇иг̇ужчияамаано д̇зна сам̣взг̇зна ж̇здтабуд̇д̇асса раж̇ж̇ам̣ д̣̇ад̇ваа аран̃н̃ам̣ бависид̇ваа д̇ад̇т̇а бан̣н̣амуулапалаани барибхун̃ж̇анд̇о нажирассзва арог̇о суван̣н̣аван̣н̣о худ̇ваа, ид̇о жид̇о жа вижаранд̇о маханд̇ам̣ сусираругкам̣ д̣̇исваа д̇ассаб̣бханд̇арз сол̣асахад̇т̇аббамаан̣ам̣ д̇ам̣ голаабам̣ сод̇хзд̇ваа, д̣̇вааран̃жа ваад̇абаанан̃жа гад̇ваа ниссзн̣им̣ б̣анд̇хид̇ваа д̇ад̇т̇а ваасам̣ габбзси. со ан̇г̇аарагадаахз аг̇г̇им̣ гад̇ваа рад̇д̇им̣ виссаран̃жа суссаран̃жа сун̣анд̇о саяад̇и. со ‘‘асугасмим̣ бад̣̇зсз сийхо сад̣̇д̣̇амагааси, асугасмим̣ б̣яаг̇гхо’’д̇и саллагкзд̇ваа бабхаад̇з д̇ад̇т̇а г̇анд̇ваа вигхаасамам̣сам̣ аад̣̇ааяа бажид̇ваа каад̣̇ад̇и.
Tato nesaṃ jeṭṭhabhaginiyā kuṭṭharogo udapādi, koviḷārapupphasadisāni gattāni ahesuṃ. Rājakumārā ‘‘imāya saddhiṃ ekato nisajjaṭṭhānabhojanādīni karontānampi upari esa rogo saṅkamatī’’ti cintetvā uyyānakīḷaṃ gacchantā viya taṃ yāne āropetvā araññaṃ pavisitvā pokkharaṇiṃ khaṇāpetvā taṃ tattha khādanīyabhojanīyehi saddhiṃ pakkhipitvā upari padaraṃ paṭicchādāpetvā paṃsuṃ datvā pakkamiṃsu. Tena ca samayena rāmo nāma rājā kuṭṭharogī orodhehi ca nāṭakehi ca jigucchiyamāno tena saṃvegena jeṭṭhaputtassa rajjaṃ datvā araññaṃ pavisitvā tattha paṇṇamūlaphalāni paribhuñjanto nacirasseva arogo suvaṇṇavaṇṇo hutvā, ito cito ca vicaranto mahantaṃ susirarukkhaṃ disvā tassabbhantare soḷasahatthappamāṇaṃ taṃ kolāpaṃ sodhetvā, dvārañca vātapānañca katvā nisseṇiṃ bandhitvā tattha vāsaṃ kappesi. So aṅgārakaṭāhe aggiṃ katvā rattiṃ vissarañca sussarañca suṇanto sayati. So ‘‘asukasmiṃ padese sīho saddamakāsi, asukasmiṃ byaggho’’ti sallakkhetvā pabhāte tattha gantvā vighāsamaṃsaṃ ādāya pacitvā khādati.
ат̇згад̣̇ивасам̣ со бажжуусасамаяз аг̇г̇им̣ ж̇аалзд̇ваа нисийд̣̇и. д̇зна жа самаязна д̇ассаа рааж̇ад̇хийд̇ааяа г̇анд̇хам̣ гхааяид̇ваа б̣яаг̇гхо д̇ам̣ бад̣̇зсам̣ кан̣ид̇ваа бад̣̇арад̇т̇арз виварамагааси. д̇зна виварзна саа б̣яаг̇гхам̣ д̣̇исваа бхийд̇аа виссарамагааси. со д̇ам̣ сад̣̇д̣̇ам̣ суд̇ваа ‘‘ид̇т̇исад̣̇д̣̇о зсо’’д̇и жа саллагкзд̇ваа баад̇ова д̇ад̇т̇а г̇анд̇ваа ‘‘го зд̇т̇аа’’д̇и ааха. ‘‘маад̇уг̇аамо саамий’’д̇и. ‘‘нигкамаа’’д̇и. ‘‘на нигкамаамий’’д̇и. ‘‘гим̣ гааран̣аа’’д̇и? ‘‘кад̇д̇ияаган̃н̃аа аха’’нд̇и. звам̣ соб̣бхз никаад̇ааби маанамзва гарод̇и. со саб̣б̣ам̣ бужчид̇ваа ‘‘ахамби кад̇д̇ияо’’д̇и ж̇аад̇им̣ аажигкид̇ваа ‘‘зхи д̣̇аани кийрз багкид̇д̇асабби вияа ж̇аад̇а’’нд̇и ааха. саа ‘‘гудтарог̇иниймхи саами, на саггаа нигкамид̇у’’нд̇и ааха. со ‘‘гад̇агаммо д̣̇аани ахам̣ саггаа д̇игижчид̇у’’нд̇и ниссзн̣им̣ д̣̇ад̇ваа д̇ам̣ уд̣̇д̇харид̇ваа ад̇д̇ано васаногаасам̣ нзд̇ваа саяам̣ барибхуд̇д̇абхзсаж̇ж̇аани зва д̣̇ад̇ваа нажирассзва арог̇ам̣ суван̣н̣аван̣н̣амагааси. со д̇ааяа сад̣̇д̇хим̣ сам̣ваасам̣ габбзси. саа батамасам̣ваасзнзва г̇аб̣бхам̣ г̇ан̣хид̇ваа д̣̇вз буд̇д̇з виж̇ааяи, бунаби д̣̇взд̇и звам̣ сол̣асагкад̇д̇ум̣ виж̇ааяи. звам̣ д̇з д̣̇вад̇д̇им̣са бхаад̇аро ахзсум̣. д̇з анубуб̣б̣зна вуд̣дхиббад̇д̇з бид̇аа саб̣б̣асиббаани сигкаабзси.
Athekadivasaṃ so paccūsasamaye aggiṃ jāletvā nisīdi. Tena ca samayena tassā rājadhītāya gandhaṃ ghāyitvā byaggho taṃ padesaṃ khaṇitvā padaratthare vivaramakāsi. Tena vivarena sā byagghaṃ disvā bhītā vissaramakāsi. So taṃ saddaṃ sutvā ‘‘itthisaddo eso’’ti ca sallakkhetvā pātova tattha gantvā ‘‘ko etthā’’ti āha. ‘‘Mātugāmo sāmī’’ti. ‘‘Nikkhamā’’ti. ‘‘Na nikkhamāmī’’ti. ‘‘Kiṃ kāraṇā’’ti? ‘‘Khattiyakaññā aha’’nti. Evaṃ sobbhe nikhātāpi mānameva karoti. So sabbaṃ pucchitvā ‘‘ahampi khattiyo’’ti jātiṃ ācikkhitvā ‘‘ehi dāni khīre pakkhittasappi viya jāta’’nti āha. Sā ‘‘kuṭṭharoginīmhi sāmi, na sakkā nikkhamitu’’nti āha. So ‘‘katakammo dāni ahaṃ sakkā tikicchitu’’nti nisseṇiṃ datvā taṃ uddharitvā attano vasanokāsaṃ netvā sayaṃ paribhuttabhesajjāni eva datvā nacirasseva arogaṃ suvaṇṇavaṇṇamakāsi. So tāya saddhiṃ saṃvāsaṃ kappesi. Sā paṭhamasaṃvāseneva gabbhaṃ gaṇhitvā dve putte vijāyi, punapi dveti evaṃ soḷasakkhattuṃ vijāyi. Evaṃ te dvattiṃsa bhātaro ahesuṃ. Te anupubbena vuḍḍhippatte pitā sabbasippāni sikkhāpesi.
ат̇згад̣̇ивасам̣ зго раамаран̃н̃о наг̇араваасий баб̣б̣ад̇з рад̇анаани г̇авзсанд̇о д̇ам̣ бад̣̇зсам̣ ааг̇ад̇о рааж̇аанам̣ д̣̇исваа ан̃н̃ааси. ‘‘ж̇аанаамахам̣, д̣̇зва, д̇умхз’’д̇и ааха. ‘‘гуд̇о д̇вам̣ ааг̇ад̇осий’’д̇и жа д̇зна будто ‘‘наг̇арад̇о д̣̇зваа’’д̇и ааха. д̇ад̇о нам̣ рааж̇аа саб̣б̣ам̣ бавад̇д̇им̣ бужчи. звам̣ д̇зсу самуллабамаанзсу д̇з д̣̇аарагаа ааг̇амим̣су. со д̇з д̣̇исваа ‘‘имз гз д̣̇зваа’’д̇и бужчи. ‘‘буд̇д̇аа мз бхан̣з’’д̇и. ‘‘имзхи д̣̇аани, д̣̇зва, д̣̇вад̇д̇им̣сагумаарзхи баривуд̇о ванз гим̣ гариссаси, зхи раж̇ж̇аманусаасаа’’д̇и? ‘‘алам̣, бхан̣з, ид̇хзва сука’’нд̇и. со ‘‘лад̣̇д̇хам̣ д̣̇аани мз гат̇аабаабхад̇а’’нд̇и наг̇арам̣ г̇анд̇ваа ран̃н̃о буд̇д̇ассаарожзси. ран̃н̃о буд̇д̇о ‘‘бид̇арам̣ аанзссаамий’’д̇и жад̇уран̇г̇инияаа сзнааяа д̇ад̇т̇а г̇анд̇ваа наанаббагаарзхи бид̇арам̣ яаажи. соби ‘‘алам̣, д̇аад̇а гумаара, ид̇хзва сука’’нд̇и нзва ижчи. д̇ад̇о рааж̇абуд̇д̇о ‘‘на д̣̇аани рааж̇аа ааг̇анд̇ум̣ ижчад̇и, ханд̣̇асса ид̇хзва наг̇арам̣ маабзмий’’д̇и жинд̇зд̇ваа д̇ам̣ голаругкам̣ уд̣̇д̇харид̇ваа гхарам̣ гад̇ваа наг̇арам̣ маабзд̇ваа голаругкам̣ абанзд̇ваа гад̇ад̇д̇аа ‘‘голанаг̇ара’’нд̇и жа б̣яаг̇гхабат̇з гад̇ад̇д̇аа ‘‘б̣яаг̇гхабаж̇ж̇а’’нд̇и жаад̇и д̣̇вз наамаани ааробзд̇ваа аг̇амааси.
Athekadivasaṃ eko rāmarañño nagaravāsī pabbate ratanāni gavesanto taṃ padesaṃ āgato rājānaṃ disvā aññāsi. ‘‘Jānāmahaṃ, deva, tumhe’’ti āha. ‘‘Kuto tvaṃ āgatosī’’ti ca tena puṭṭho ‘‘nagarato devā’’ti āha. Tato naṃ rājā sabbaṃ pavattiṃ pucchi. Evaṃ tesu samullapamānesu te dārakā āgamiṃsu. So te disvā ‘‘ime ke devā’’ti pucchi. ‘‘Puttā me bhaṇe’’ti. ‘‘Imehi dāni, deva, dvattiṃsakumārehi parivuto vane kiṃ karissasi, ehi rajjamanusāsā’’ti? ‘‘Alaṃ, bhaṇe, idheva sukha’’nti. So ‘‘laddhaṃ dāni me kathāpābhata’’nti nagaraṃ gantvā rañño puttassārocesi. Rañño putto ‘‘pitaraṃ ānessāmī’’ti caturaṅginiyā senāya tattha gantvā nānappakārehi pitaraṃ yāci. Sopi ‘‘alaṃ, tāta kumāra, idheva sukha’’nti neva icchi. Tato rājaputto ‘‘na dāni rājā āgantuṃ icchati, handassa idheva nagaraṃ māpemī’’ti cintetvā taṃ kolarukkhaṃ uddharitvā gharaṃ katvā nagaraṃ māpetvā kolarukkhaṃ apanetvā katattā ‘‘kolanagara’’nti ca byagghapathe katattā ‘‘byagghapajja’’nti cāti dve nāmāni āropetvā agamāsi.
д̇ад̇о ваяаббад̇д̇з гумаарз маад̇аа аан̣аабзси – ‘‘д̇аад̇аа, д̇умхаагам̣ габилавад̇т̇уваасино сагяаа маад̇улаа хонд̇и, д̇хийд̇аро нзсам̣ г̇ан̣хат̇аа’’д̇и. д̇з яам̣ д̣̇ивасам̣ кад̇д̇ияаган̃н̃ааяо над̣̇ийгийл̣анам̣ г̇ажчанд̇и, д̇ам̣ д̣̇ивасам̣ г̇анд̇ваа над̣̇ийд̇ид̇т̇ам̣ убарунд̇хид̇ваа наамаани саавзд̇ваа бад̇т̇ид̇аа бад̇т̇ид̇аа рааж̇ад̇хийд̇аро г̇ахзд̇ваа аг̇амам̣су. сагяарааж̇аано суд̇ваа ‘‘ход̇у бхан̣з, амхаагам̣ н̃аад̇агаа зваа’’д̇и д̇ун̣хий ахзсум̣. аяам̣ голияаанам̣ уббад̇д̇и.
Tato vayappatte kumāre mātā āṇāpesi – ‘‘tātā, tumhākaṃ kapilavatthuvāsino sakyā mātulā honti, dhītaro nesaṃ gaṇhathā’’ti. Te yaṃ divasaṃ khattiyakaññāyo nadīkīḷanaṃ gacchanti, taṃ divasaṃ gantvā nadītitthaṃ uparundhitvā nāmāni sāvetvā patthitā patthitā rājadhītaro gahetvā agamaṃsu. Sakyarājāno sutvā ‘‘hotu bhaṇe, amhākaṃ ñātakā evā’’ti tuṇhī ahesuṃ. Ayaṃ koliyānaṃ uppatti.
звам̣ д̇зсам̣ саагияаголияаанам̣ ан̃н̃аман̃н̃ам̣ ааваахавиваахам̣ гаронд̇аанам̣ ааг̇ад̇о вам̣со яаава сийхаханурааж̇аа, д̇аава вид̇т̇аарад̇о взд̣̇ид̇аб̣б̣о – сийхахануран̃н̃о гира бан̃жа буд̇д̇аа ахзсум̣ – суд̣̇д̇ход̣̇ано, амид̇од̣̇ано, д̇ход̇од̣̇ано, саггод̣̇ано, суггод̣̇анод̇и. д̇зсу суд̣̇д̇ход̣̇анз раж̇ж̇ам̣ гаараяамаанз д̇асса баж̇аабад̇ияаа ан̃ж̇анаран̃н̃о д̇хийд̇ааяа махаамааяаад̣̇звияаа гужчимхи буурид̇абаарамий махаабурисо ж̇аад̇аганид̣̇аанз вуд̇д̇анаязна д̇усид̇абураа жавид̇ваа бадисанд̇хим̣ г̇ахзд̇ваа анубуб̣б̣зна гад̇амахаабхинигкамано саммаасамб̣од̇хим̣ абхисамб̣уж̇жхид̇ваа бавад̇д̇ид̇аварад̇хаммажагго ануггамзна габилавад̇т̇ум̣ г̇анд̇ваа суд̣̇д̇ход̣̇анамахаарааж̇аад̣̇аяо арияапалз бад̇идтаабзд̇ваа ж̇анабад̣̇ажааригам̣ баггамид̇ваа бунаби абарзна самаязна бажжааг̇анд̇ваа баннарасахи бхигкусад̇зхи сад̣̇д̇хим̣ габилавад̇т̇усмим̣ вихарад̇и ниг̇род̇хаараамз.
Evaṃ tesaṃ sākiyakoliyānaṃ aññamaññaṃ āvāhavivāhaṃ karontānaṃ āgato vaṃso yāva sīhahanurājā, tāva vitthārato veditabbo – sīhahanurañño kira pañca puttā ahesuṃ – suddhodano, amitodano, dhotodano, sakkodano, sukkodanoti. Tesu suddhodane rajjaṃ kārayamāne tassa pajāpatiyā añjanarañño dhītāya mahāmāyādeviyā kucchimhi pūritapāramī mahāpuriso jātakanidāne vuttanayena tusitapurā cavitvā paṭisandhiṃ gahetvā anupubbena katamahābhinikkhamano sammāsambodhiṃ abhisambujjhitvā pavattitavaradhammacakko anukkamena kapilavatthuṃ gantvā suddhodanamahārājādayo ariyaphale patiṭṭhāpetvā janapadacārikaṃ pakkamitvā punapi aparena samayena paccāgantvā pannarasahi bhikkhusatehi saddhiṃ kapilavatthusmiṃ viharati nigrodhārāme.
д̇ад̇т̇а вихаранд̇з жа бхаг̇авад̇и саагияаголияаанам̣ уд̣̇агам̣ бадижжа галахо ахоси. гат̇ам̣? нзсам̣ гира убхиннамби габилабураголияабураанам̣ анд̇арз рохин̣ий наама над̣̇ий бавад̇д̇ад̇и. саа гад̣̇аажи аббод̣̇агаа ход̇и, гад̣̇аажи маход̣̇агаа. аббод̣̇агагаалз сзд̇ум̣ гад̇ваа саагияааби голияааби ад̇д̇ано ад̇д̇ано сассабааяанад̇т̇ам̣ уд̣̇агам̣ аанзнд̇и. д̇зсам̣ мануссаа згад̣̇ивасам̣ сзд̇ум̣ гаронд̇аа ан̃н̃аман̃н̃ам̣ бхан̣д̣анд̇аа ‘‘арз д̇умхаагам̣ рааж̇агулам̣ бхаг̇инийхи сад̣̇д̇хим̣ сам̣ваасам̣ габбзси гуггудасон̣асин̇г̇аалаад̣̇ид̇иражчаанаа вияа, д̇умхаагам̣ рааж̇агулам̣ сусираругкз ваасам̣ габбзси бисаажиллигаа вияаа’’д̇и звам̣ ж̇аад̇иваад̣̇зна кум̣сзд̇ваа ад̇д̇ано ад̇д̇ано рааж̇уунам̣ аарожзсум̣. д̇з гуд̣̇д̇хаа яуд̣̇д̇хасаж̇ж̇аа худ̇ваа рохин̣ийнад̣̇ийд̇ийрам̣ самбад̇д̇аа. звам̣ сааг̇арасад̣̇исам̣ б̣алам̣ адтааси.
Tattha viharante ca bhagavati sākiyakoliyānaṃ udakaṃ paṭicca kalaho ahosi. Kathaṃ? Nesaṃ kira ubhinnampi kapilapurakoliyapurānaṃ antare rohiṇī nāma nadī pavattati. Sā kadāci appodakā hoti, kadāci mahodakā. Appodakakāle setuṃ katvā sākiyāpi koliyāpi attano attano sassapāyanatthaṃ udakaṃ ānenti. Tesaṃ manussā ekadivasaṃ setuṃ karontā aññamaññaṃ bhaṇḍantā ‘‘are tumhākaṃ rājakulaṃ bhaginīhi saddhiṃ saṃvāsaṃ kappesi kukkuṭasoṇasiṅgālāditiracchānā viya, tumhākaṃ rājakulaṃ susirarukkhe vāsaṃ kappesi pisācillikā viyā’’ti evaṃ jātivādena khuṃsetvā attano attano rājūnaṃ ārocesuṃ. Te kuddhā yuddhasajjā hutvā rohiṇīnadītīraṃ sampattā. Evaṃ sāgarasadisaṃ balaṃ aṭṭhāsi.
ат̇а бхаг̇аваа ‘‘н̃аад̇агаа галахам̣ гаронд̇и, ханд̣̇а, нз ваарзссаамий’’д̇и аагаасзнааг̇анд̇ваа д̣̇виннам̣ сзнаанам̣ маж̇жхз адтааси. д̇амби ааваж̇ж̇зд̇ваа саавад̇т̇ид̇о ааг̇ад̇од̇и згз. звам̣ тад̇ваа жа бана ад̇д̇ад̣̇ан̣д̣асуд̇д̇ам̣ (су. ни. 941 аад̣̇аяо) абхааси. д̇ам̣ суд̇ваа саб̣б̣з сам̣взг̇аббад̇д̇аа аавуд̇хаани чад̣д̣зд̇ваа бхаг̇аванд̇ам̣ намассамаанаа адтам̣су, махаг̇гхан̃жа аасанам̣ бан̃н̃аабзсум̣. бхаг̇аваа оруяха бан̃н̃ад̇д̇аасанз нисийд̣̇ид̇ваа ‘‘гутаарийхад̇т̇о бурисо’’д̇иаад̣̇игам̣ панд̣̇анаж̇аад̇агам̣ (ж̇аа. 1.13.14), ‘‘ванд̣̇аами д̇ам̣ гун̃ж̇араа’’д̇иаад̣̇игам̣ ладугигаж̇аад̇агам̣ (ж̇аа. 1.5.39).
Atha bhagavā ‘‘ñātakā kalahaṃ karonti, handa, ne vāressāmī’’ti ākāsenāgantvā dvinnaṃ senānaṃ majjhe aṭṭhāsi. Tampi āvajjetvā sāvatthito āgatoti eke. Evaṃ ṭhatvā ca pana attadaṇḍasuttaṃ (su. ni. 941 ādayo) abhāsi. Taṃ sutvā sabbe saṃvegappattā āvudhāni chaḍḍetvā bhagavantaṃ namassamānā aṭṭhaṃsu, mahagghañca āsanaṃ paññāpesuṃ. Bhagavā oruyha paññattāsane nisīditvā ‘‘kuṭhārīhattho puriso’’tiādikaṃ phandanajātakaṃ (jā. 1.13.14), ‘‘vandāmi taṃ kuñjarā’’tiādikaṃ laṭukikajātakaṃ (jā. 1.5.39).
‘‘саммод̣̇амаанаа г̇ажчанд̇и, ж̇ааламаад̣̇ааяа багкино;
‘‘Sammodamānā gacchanti, jālamādāya pakkhino;
яад̣̇аа д̇з вивад̣̇иссанд̇и, д̇ад̣̇аа зхинд̇и мз васа’’нд̇и. (ж̇аа. 1.1.33) –
Yadā te vivadissanti, tadā ehinti me vasa’’nti. (jā. 1.1.33) –
имам̣ ваддагаж̇аад̇аган̃жа гат̇зд̇ваа буна д̇зсам̣ жирагаалаббавад̇д̇ам̣ н̃аад̇ибхаавам̣ д̣̇ассзнд̇о имам̣ махаавам̣сам̣ гат̇зси. д̇з ‘‘буб̣б̣з гира маяам̣ н̃аад̇агаа зваа’’д̇и ад̇ивияа басийд̣̇им̣су. д̇ад̇о сагяаа ад̣дхад̇зяяагумаарасад̇з, голияаа ад̣дхад̇зяяагумаарасад̇зд̇и бан̃жа гумаарасад̇з бхаг̇авад̇о бариваарад̇т̇ааяа ад̣̇ам̣су. бхаг̇аваа д̇зсам̣ буб̣б̣ахзд̇ум̣ д̣̇исваа ‘‘зт̇а бхигкаво’’д̇и ааха. д̇з саб̣б̣з ид̣̇д̇хияаа ниб̣б̣ад̇д̇аадтабаригкаараяуд̇д̇аа аагаасз аб̣бхуг̇г̇анд̇ваа ааг̇амма бхаг̇аванд̇ам̣ ванд̣̇ид̇ваа адтам̣су. бхаг̇аваа д̇з аад̣̇ааяа махааванам̣ аг̇амааси. д̇зсам̣ баж̇аабад̇ияо д̣̇ууд̇з баахзсум̣, д̇з д̇аахи наанаббагаарзхи балобхияамаанаа угган̣тим̣су. бхаг̇аваа д̇зсам̣ угган̣тид̇абхаавам̣ н̃ад̇ваа химаванд̇ам̣ д̣̇ассзд̇ваа д̇ад̇т̇а гун̣аалаж̇аад̇агагат̇ааяа (ж̇аа. 2.21.289 гун̣аалаж̇аад̇агам̣) д̇зсам̣ анабхирад̇им̣ винод̣̇зд̇угаамо ааха – ‘‘д̣̇идтабуб̣б̣о во, бхигкавз, химаваа’’д̇и? ‘‘на бхаг̇аваа’’д̇и. ‘‘зт̇а, бхигкавз, бзгкат̇аа’’д̇и ад̇д̇ано ид̣̇д̇хияаа д̇з аагаасзна нзнд̇о ‘‘аяам̣ суван̣н̣абаб̣б̣ад̇о, аяам̣ раж̇ад̇абаб̣б̣ад̇о, аяам̣ ман̣ибаб̣б̣ад̇о’’д̇и наанаббагаарз баб̣б̣ад̇з д̣̇ассзд̇ваа гун̣аалад̣̇ахз маносилаад̇алз бажжудтааси. д̇ад̇о ‘‘химаванд̇з саб̣б̣з жад̇уббад̣̇аб̣ахуббад̣̇аад̣̇ибхзд̣̇аа д̇иражчаанаг̇ад̇аа баан̣аа ааг̇ажчанд̇у, саб̣б̣зсан̃жа бажчад̇о гун̣ааласагун̣о’’д̇и ад̇хидтааси. ааг̇ажчанд̇з жа д̇з ж̇аад̇инааманируд̇д̇ивасзна ван̣н̣знд̇о ‘‘зд̇з, бхигкавз, хам̣саа, зд̇з гон̃жаа , зд̇з жаггаваагаа, гаравийгаа, хад̇т̇исон̣д̣агаа, богкарасаад̇агаа’’д̇и д̇зсам̣ д̣̇ассзси.
Imaṃ vaṭṭakajātakañca kathetvā puna tesaṃ cirakālappavattaṃ ñātibhāvaṃ dassento imaṃ mahāvaṃsaṃ kathesi. Te ‘‘pubbe kira mayaṃ ñātakā evā’’ti ativiya pasīdiṃsu. Tato sakyā aḍḍhateyyakumārasate, koliyā aḍḍhateyyakumārasateti pañca kumārasate bhagavato parivāratthāya adaṃsu. Bhagavā tesaṃ pubbahetuṃ disvā ‘‘etha bhikkhavo’’ti āha. Te sabbe iddhiyā nibbattaaṭṭhaparikkhārayuttā ākāse abbhuggantvā āgamma bhagavantaṃ vanditvā aṭṭhaṃsu. Bhagavā te ādāya mahāvanaṃ agamāsi. Tesaṃ pajāpatiyo dūte pāhesuṃ, te tāhi nānappakārehi palobhiyamānā ukkaṇṭhiṃsu. Bhagavā tesaṃ ukkaṇṭhitabhāvaṃ ñatvā himavantaṃ dassetvā tattha kuṇālajātakakathāya (jā. 2.21.289 kuṇālajātakaṃ) tesaṃ anabhiratiṃ vinodetukāmo āha – ‘‘diṭṭhapubbo vo, bhikkhave, himavā’’ti? ‘‘Na bhagavā’’ti. ‘‘Etha, bhikkhave, pekkhathā’’ti attano iddhiyā te ākāsena nento ‘‘ayaṃ suvaṇṇapabbato, ayaṃ rajatapabbato, ayaṃ maṇipabbato’’ti nānappakāre pabbate dassetvā kuṇāladahe manosilātale paccuṭṭhāsi. Tato ‘‘himavante sabbe catuppadabahuppadādibhedā tiracchānagatā pāṇā āgacchantu, sabbesañca pacchato kuṇālasakuṇo’’ti adhiṭṭhāsi. Āgacchante ca te jātināmaniruttivasena vaṇṇento ‘‘ete, bhikkhave, haṃsā, ete koñcā , ete cakkavākā, karavīkā, hatthisoṇḍakā, pokkharasātakā’’ti tesaṃ dassesi.
д̇з вимхид̇ахад̣̇аяаа бассанд̇аа саб̣б̣абажчад̇о ааг̇ажчанд̇ам̣ д̣̇вийхи д̣̇иж̇аган̃н̃аахи мукад̇ун̣д̣агзна д̣ам̣сид̇ваа г̇ахид̇агадтавзмаж̇жхз нисиннам̣ сахассад̣̇иж̇аган̃н̃аабариваарам̣ гун̣ааласагун̣ам̣ д̣̇исваа ажчарияаб̣бхуд̇ажид̇д̇аж̇аад̇аа бхаг̇аванд̇ам̣ аахам̣су – ‘‘гажжи, бханд̇з, бхаг̇авааби ид̇ха гун̣ааларааж̇аа бхууд̇абуб̣б̣о’’д̇и? ‘‘аама, бхигкавз, маяаавзса гун̣аалавам̣со гад̇о. ад̇ийд̇з хи маяам̣ жад̇д̇ааро ж̇анаа ид̇ха васимхаа – наарад̣̇о д̣̇звило иси, аананд̣̇о г̇иж̇жхарааж̇аа, бун̣н̣амуко пуссагогило, ахам̣ гун̣аало сагун̣о’’д̇и саб̣б̣ам̣ махаагун̣аалаж̇аад̇агам̣ гат̇зси. д̇ам̣ суд̇ваа д̇зсам̣ бхигкуунам̣ бураан̣ад̣̇уд̇ияигааяо аараб̣бха уббаннаа анабхирад̇и вуубасанд̇аа. д̇ад̇о д̇зсам̣ бхаг̇аваа сажжагат̇ам̣ гат̇зси, гат̇аабарияосаанз саб̣б̣абажчимаго сод̇аабанно, саб̣б̣аубаримо анааг̇аамий ахоси, згоби бут̇уж̇ж̇ано ваа арахаа ваа над̇т̇и. д̇ад̇о бхаг̇аваа д̇з аад̣̇ааяа бунад̣̇зва махааванз орухи. ааг̇ажчамаанаа жа д̇з бхигкуу ад̇д̇анова ид̣̇д̇хияаа ааг̇ажчим̣су.
Te vimhitahadayā passantā sabbapacchato āgacchantaṃ dvīhi dijakaññāhi mukhatuṇḍakena ḍaṃsitvā gahitakaṭṭhavemajjhe nisinnaṃ sahassadijakaññāparivāraṃ kuṇālasakuṇaṃ disvā acchariyabbhutacittajātā bhagavantaṃ āhaṃsu – ‘‘kacci, bhante, bhagavāpi idha kuṇālarājā bhūtapubbo’’ti? ‘‘Āma, bhikkhave, mayāvesa kuṇālavaṃso kato. Atīte hi mayaṃ cattāro janā idha vasimhā – nārado devilo isi, ānando gijjharājā, puṇṇamukho phussakokilo, ahaṃ kuṇālo sakuṇo’’ti sabbaṃ mahākuṇālajātakaṃ kathesi. Taṃ sutvā tesaṃ bhikkhūnaṃ purāṇadutiyikāyo ārabbha uppannā anabhirati vūpasantā. Tato tesaṃ bhagavā saccakathaṃ kathesi, kathāpariyosāne sabbapacchimako sotāpanno, sabbauparimo anāgāmī ahosi, ekopi puthujjano vā arahā vā natthi. Tato bhagavā te ādāya punadeva mahāvane oruhi. Āgacchamānā ca te bhikkhū attanova iddhiyā āgacchiṃsu.
ат̇а нзсам̣ бхаг̇аваа убаримаг̇г̇ад̇т̇ааяа буна д̇хаммам̣ д̣̇зсзси. д̇з бан̃жасад̇ааби вибассанам̣ аарабхид̇ваа арахад̇д̇з бад̇идтахим̣су. батамам̣ бад̇д̇о батамамзва аг̇амааси ‘‘бхаг̇авад̇о аарожзссаамий’’д̇и. ааг̇анд̇ваа жа ‘‘абхирамаамахам̣ бхаг̇аваа, на угган̣таамий’’д̇и вад̇ваа бхаг̇аванд̇ам̣ ванд̣̇ид̇ваа згаманд̇ам̣ нисийд̣̇и. звам̣ д̇з саб̣б̣зби ануггамзна ааг̇анд̇ваа бхаг̇аванд̇ам̣ бариваарзд̇ваа нисийд̣̇им̣су ж̇здтамаасаубосат̇ад̣̇ивасз сааяанхасамаяз. д̇ад̇о бан̃жасад̇акийн̣аасавабаривуд̇ам̣ вараб̣уд̣̇д̇хаасанз нисиннам̣ бхаг̇аванд̇ам̣ табзд̇ваа асан̃н̃асад̇д̇з жа аруубаб̣рахмаано жа сагалад̣̇асасахассажаггаваал̣з авасзсад̣̇звад̇аад̣̇аяо ман̇г̇аласуд̇д̇аван̣н̣анааяам̣ вуд̇д̇анаязна сукумад̇д̇абхаавз нимминид̇ваа самбариваарзсум̣ ‘‘вижид̇рабадибхаанам̣ д̇хаммад̣̇зсанам̣ соссаамаа’’д̇и. д̇ад̇т̇а жад̇д̇ааро кийн̣аасаваб̣рахмаано самаабад̇д̇ид̇о вудтааяа б̣рахмаг̇ан̣ам̣ абассанд̇аа ‘‘гухим̣ г̇ад̇аа’’д̇и ааваж̇ж̇зд̇ваа д̇амад̇т̇ам̣ н̃ад̇ваа бажчаа ааг̇анд̇ваа огаасам̣ алабхамаанаа жаггаваал̣амуд̣̇д̇хани тад̇ваа бажжзгаг̇аат̇ааяо абхаасим̣су. яат̇ааха –
Atha nesaṃ bhagavā uparimaggatthāya puna dhammaṃ desesi. Te pañcasatāpi vipassanaṃ ārabhitvā arahatte patiṭṭhahiṃsu. Paṭhamaṃ patto paṭhamameva agamāsi ‘‘bhagavato ārocessāmī’’ti. Āgantvā ca ‘‘abhiramāmahaṃ bhagavā, na ukkaṇṭhāmī’’ti vatvā bhagavantaṃ vanditvā ekamantaṃ nisīdi. Evaṃ te sabbepi anukkamena āgantvā bhagavantaṃ parivāretvā nisīdiṃsu jeṭṭhamāsauposathadivase sāyanhasamaye. Tato pañcasatakhīṇāsavaparivutaṃ varabuddhāsane nisinnaṃ bhagavantaṃ ṭhapetvā asaññasatte ca arūpabrahmāno ca sakaladasasahassacakkavāḷe avasesadevatādayo maṅgalasuttavaṇṇanāyaṃ vuttanayena sukhumattabhāve nimminitvā samparivāresuṃ ‘‘vicitrapaṭibhānaṃ dhammadesanaṃ sossāmā’’ti. Tattha cattāro khīṇāsavabrahmāno samāpattito vuṭṭhāya brahmagaṇaṃ apassantā ‘‘kuhiṃ gatā’’ti āvajjetvā tamatthaṃ ñatvā pacchā āgantvā okāsaṃ alabhamānā cakkavāḷamuddhani ṭhatvā paccekagāthāyo abhāsiṃsu. Yathāha –
‘‘ат̇а ко жад̇уннам̣ суд̣̇д̇хааваасагааяигаанам̣ д̣̇звад̇аанам̣ зд̇ад̣̇ахоси – ‘аяам̣, ко, бхаг̇аваа саггзсу вихарад̇и габилавад̇т̇усмим̣ махааванз махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи саб̣б̣зхзва араханд̇зхи. д̣̇асахи жа логад̇хаад̇уухи д̣̇звад̇аа язбхуяязна саннибад̇ид̇аа хонд̇и бхаг̇аванд̇ам̣ д̣̇ассанааяа бхигкусан̇гхан̃жа . яам̣нууна маяамби язна бхаг̇аваа д̇знубасан̇гамзяяаама, убасан̇гамид̇ваа бхаг̇авад̇о санд̇игз бажжзгам̣ г̇аат̇ам̣ бхаасзяяаамаа’’’д̇и (д̣̇ий. ни. 2.331; сам̣. ни. 1.37).
‘‘Atha kho catunnaṃ suddhāvāsakāyikānaṃ devatānaṃ etadahosi – ‘ayaṃ, kho, bhagavā sakkesu viharati kapilavatthusmiṃ mahāvane mahatā bhikkhusaṅghena saddhiṃ pañcamattehi bhikkhusatehi sabbeheva arahantehi. Dasahi ca lokadhātūhi devatā yebhuyyena sannipatitā honti bhagavantaṃ dassanāya bhikkhusaṅghañca . Yaṃnūna mayampi yena bhagavā tenupasaṅkameyyāma, upasaṅkamitvā bhagavato santike paccekaṃ gāthaṃ bhāseyyāmā’’’ti (dī. ni. 2.331; saṃ. ni. 1.37).
саб̣б̣ам̣ саг̇аат̇ааваг̇г̇з вуд̇д̇анаязнзва взд̣̇ид̇аб̣б̣ам̣. звам̣ г̇анд̇ваа жа д̇ад̇т̇а зго б̣рахмаа бурад̇т̇имажаггаваал̣амуд̣̇д̇хани огаасам̣ лабхид̇ваа д̇ад̇т̇а тид̇о имам̣ г̇аат̇ам̣ абхааси –
Sabbaṃ sagāthāvagge vuttanayeneva veditabbaṃ. Evaṃ gantvā ca tattha eko brahmā puratthimacakkavāḷamuddhani okāsaṃ labhitvā tattha ṭhito imaṃ gāthaṃ abhāsi –
‘‘махаасамаяо баванасмим̣…бз…
‘‘Mahāsamayo pavanasmiṃ…pe…
д̣̇агкид̇ааяз абарааж̇ид̇асан̇гха’’нд̇и. (д̣̇ий. ни. 2.332; сам̣. ни. 1.37);
Dakkhitāye aparājitasaṅgha’’nti. (dī. ni. 2.332; saṃ. ni. 1.37);
иман̃жасса г̇аат̇ам̣ бхаасамаанасса бажчимажаггаваал̣абаб̣б̣ад̇з тид̇о сад̣̇д̣̇ам̣ ассоси.
Imañcassa gāthaṃ bhāsamānassa pacchimacakkavāḷapabbate ṭhito saddaṃ assosi.
д̣̇уд̇ияо бажчимажаггаваал̣амуд̣̇д̇хани огаасам̣ лабхид̇ваа д̇ад̇т̇а тид̇о д̇ам̣ г̇аат̇ам̣ суд̇ваа имам̣ г̇аат̇ам̣ абхааси –
Dutiyo pacchimacakkavāḷamuddhani okāsaṃ labhitvā tattha ṭhito taṃ gāthaṃ sutvā imaṃ gāthaṃ abhāsi –
‘‘д̇ад̇ра бхигкаво самаад̣̇ахам̣су…бз…
‘‘Tatra bhikkhavo samādahaṃsu…pe…
инд̣̇рияаани рагканд̇и бан̣д̣ид̇аа’’д̇и. (д̣̇ий. ни. 2.332; сам̣. ни. 1.37);
Indriyāni rakkhanti paṇḍitā’’ti. (dī. ni. 2.332; saṃ. ni. 1.37);
д̇ад̇ияо д̣̇агкин̣ажаггаваал̣амуд̣̇д̇хани огаасам̣ лабхид̇ваа д̇ад̇т̇а тид̇о д̇ам̣ г̇аат̇ам̣ суд̇ваа имам̣ г̇аат̇ам̣ абхааси –
Tatiyo dakkhiṇacakkavāḷamuddhani okāsaṃ labhitvā tattha ṭhito taṃ gāthaṃ sutvā imaṃ gāthaṃ abhāsi –
‘‘чзд̇ваа кийлам̣ чзд̇ваа балигхам̣…бз… сусунааг̇аа’’д̇и. (д̣̇ий. ни. 2.332; сам̣. ни. 1.37);
‘‘Chetvā khīlaṃ chetvā palighaṃ…pe… susunāgā’’ti. (dī. ni. 2.332; saṃ. ni. 1.37);
жад̇уд̇т̇о уд̇д̇аражаггаваал̣амуд̣̇д̇хани огаасам̣ лабхид̇ваа д̇ад̇т̇а тид̇о д̇ам̣ г̇аат̇ам̣ суд̇ваа имам̣ г̇аат̇амабхааси –
Catuttho uttaracakkavāḷamuddhani okāsaṃ labhitvā tattha ṭhito taṃ gāthaṃ sutvā imaṃ gāthamabhāsi –
‘‘яз гзжи б̣уд̣̇д̇хам̣ саран̣ам̣ г̇ад̇аасз…бз…
‘‘Ye keci buddhaṃ saraṇaṃ gatāse…pe…
д̣̇звагааяам̣ барибуурзссанд̇ий’’д̇и. (д̣̇ий. ни. 2.332; сам̣. ни. 1.37);
Devakāyaṃ paripūressantī’’ti. (dī. ni. 2.332; saṃ. ni. 1.37);
д̇ассаби д̇ам̣ сад̣̇д̣̇ам̣ д̣̇агкин̣ажаггаваал̣амуд̣̇д̇хани тид̇о ассоси. звам̣ д̇ад̣̇аа имз жад̇д̇ааро б̣рахмаано барисам̣ т̇омзд̇ваа тид̇аа ахзсум̣, махааб̣рахмаано згажаггаваал̣ам̣ чаад̣̇зд̇ваа адтам̣су.
Tassapi taṃ saddaṃ dakkhiṇacakkavāḷamuddhani ṭhito assosi. Evaṃ tadā ime cattāro brahmāno parisaṃ thometvā ṭhitā ahesuṃ, mahābrahmāno ekacakkavāḷaṃ chādetvā aṭṭhaṃsu.
ат̇а бхаг̇аваа д̣̇звабарисам̣ ологзд̇ваа бхигкуунам̣ аарожзси – ‘‘язби д̇з, бхигкавз, ахзсум̣ ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа, д̇зсамби бхаг̇аванд̇аанам̣ зд̇аббарамааязва д̣̇звад̇аа саннибад̇ид̇аа ахзсум̣. сзяяат̇ааби маяхам̣ зд̇арахи, язби д̇з, бхигкавз, бхависсанд̇и анааг̇ад̇амад̣̇д̇хаанам̣ араханд̇о саммаасамб̣уд̣̇д̇хаа, д̇зсамби бхаг̇аванд̇аанам̣ зд̇аббарамааязва д̣̇звад̇аа саннибад̇ид̇аа бхависсанд̇и сзяяат̇ааби маяхам̣ зд̇арахий’’д̇и. д̇ад̇о д̇ам̣ д̣̇звабарисам̣ бхаб̣б̣аабхаб̣б̣авасзна д̣̇вид̇хаа вибхаж̇и ‘‘зд̇д̇агаа бхаб̣б̣аа, зд̇д̇агаа абхаб̣б̣аа’’д̇и. д̇ад̇т̇а ‘‘абхаб̣б̣абарисаа б̣уд̣̇д̇хасад̇зби д̇хаммам̣ д̣̇зсзнд̇з на б̣уж̇жхад̇и, бхаб̣б̣абарисаа саггаа б̣од̇хзд̇у’’нд̇и н̃ад̇ваа буна бхаб̣б̣абуг̇г̇алз жарияавасзна чад̇хаа вибхаж̇и ‘‘зд̇д̇агаа рааг̇ажарид̇аа, зд̇д̇агаа д̣̇оса-моха-вид̇агга-сад̣̇д̇хаа-б̣уд̣̇д̇хижарид̇аа’’д̇и. звам̣ жарияавасзна бариг̇г̇ахзд̇ваа ‘‘ассаа барисааяа гийд̣̇исаа д̇хаммад̣̇зсанаа саббааяаа’’д̇и д̇хаммагат̇ам̣ вижинид̇ваа буна д̇ам̣ барисам̣ манасаагааси – ‘‘ад̇д̇аж̇жхаасаязна ну ко ж̇аанзяяа, бараж̇жхаасаязна, адтуббад̇д̇ивасзна, бужчаавасзнаа’’д̇и. д̇ад̇о ‘‘бужчаавасзна ж̇аанзяяаа’’д̇и н̃ад̇ваа ‘‘бан̃хам̣ бужчид̇ум̣ самад̇т̇о ад̇т̇и, над̇т̇ий’’д̇и буна сагалабарисам̣ ааваж̇ж̇зд̇ваа ‘‘над̇т̇и гожий’’д̇и н̃ад̇ваа ‘‘сажз ахамзва бужчид̇ваа ахамзва виссаж̇ж̇зяяам̣, звамассаа барисааяа саббааяам̣ на ход̇и. яам̣нуунаахам̣ ниммид̇аб̣уд̣̇д̇хам̣ маабзяяанд̇и баад̣̇агаж̇жхаанам̣ самаабаж̇ж̇ид̇ваа вудтааяа маномаяид̣̇д̇хияаа абхисан̇карид̇ваа ниммид̇аб̣уд̣̇д̇хам̣ маабзси. саб̣б̣ан̇г̇абажжан̇г̇ий лагкан̣асамбанно бад̇д̇ажийварад̇харо аалогид̇авилогид̇аад̣̇исамбанно ход̇уу’’д̇и ад̇хидтаанажид̇д̇зна саха баад̇урахоси. со баажийналогад̇хаад̇уд̇о ааг̇анд̇ваа бхаг̇авад̇о самасамз аасанз нисинно звам̣ ааг̇анд̇ваа яаани бхаг̇авад̇аа имамхи самааг̇амз жарияавасзна ча суд̇д̇аани (су. ни. 854 аад̣̇аяо, 868 аад̣̇аяо, 884 аад̣̇аяо, 901 аад̣̇аяо, 921 аад̣̇аяо) гат̇ид̇аани. сзяяат̇ид̣̇ам̣ – бураабхзд̣̇асуд̇д̇ам̣ галахавиваад̣̇асуд̇д̇ам̣ жуул̣аб̣яуухам̣ махааб̣яуухам̣ д̇увадагам̣ ид̣̇амзва саммаабариб̣б̣ааж̇анийяанд̇и. д̇зсу рааг̇ажарид̇ад̣̇звад̇аанам̣ саббааяавасзна гат̇зд̇аб̣б̣асса имасса суд̇д̇асса бавад̇д̇анад̇т̇ам̣ бан̃хам̣ бужчанд̇о ‘‘бужчаами муним̣ бахууд̇абан̃н̃а’’нд̇и имам̣ г̇аат̇амааха.
Atha bhagavā devaparisaṃ oloketvā bhikkhūnaṃ ārocesi – ‘‘yepi te, bhikkhave, ahesuṃ atītamaddhānaṃ arahanto sammāsambuddhā, tesampi bhagavantānaṃ etapparamāyeva devatā sannipatitā ahesuṃ. Seyyathāpi mayhaṃ etarahi, yepi te, bhikkhave, bhavissanti anāgatamaddhānaṃ arahanto sammāsambuddhā, tesampi bhagavantānaṃ etapparamāyeva devatā sannipatitā bhavissanti seyyathāpi mayhaṃ etarahī’’ti. Tato taṃ devaparisaṃ bhabbābhabbavasena dvidhā vibhaji ‘‘ettakā bhabbā, ettakā abhabbā’’ti. Tattha ‘‘abhabbaparisā buddhasatepi dhammaṃ desente na bujjhati, bhabbaparisā sakkā bodhetu’’nti ñatvā puna bhabbapuggale cariyavasena chadhā vibhaji ‘‘ettakā rāgacaritā, ettakā dosa-moha-vitakka-saddhā-buddhicaritā’’ti. Evaṃ cariyavasena pariggahetvā ‘‘assā parisāya kīdisā dhammadesanā sappāyā’’ti dhammakathaṃ vicinitvā puna taṃ parisaṃ manasākāsi – ‘‘attajjhāsayena nu kho jāneyya, parajjhāsayena, aṭṭhuppattivasena, pucchāvasenā’’ti. Tato ‘‘pucchāvasena jāneyyā’’ti ñatvā ‘‘pañhaṃ pucchituṃ samattho atthi, natthī’’ti puna sakalaparisaṃ āvajjetvā ‘‘natthi kocī’’ti ñatvā ‘‘sace ahameva pucchitvā ahameva vissajjeyyaṃ, evamassā parisāya sappāyaṃ na hoti. Yaṃnūnāhaṃ nimmitabuddhaṃ māpeyyanti pādakajjhānaṃ samāpajjitvā vuṭṭhāya manomayiddhiyā abhisaṅkharitvā nimmitabuddhaṃ māpesi. Sabbaṅgapaccaṅgī lakkhaṇasampanno pattacīvaradharo ālokitavilokitādisampanno hotū’’ti adhiṭṭhānacittena saha pāturahosi. So pācīnalokadhātuto āgantvā bhagavato samasame āsane nisinno evaṃ āgantvā yāni bhagavatā imamhi samāgame cariyavasena cha suttāni (su. ni. 854 ādayo, 868 ādayo, 884 ādayo, 901 ādayo, 921 ādayo) kathitāni. Seyyathidaṃ – purābhedasuttaṃ kalahavivādasuttaṃ cūḷabyūhaṃ mahābyūhaṃ tuvaṭakaṃ idameva sammāparibbājanīyanti. Tesu rāgacaritadevatānaṃ sappāyavasena kathetabbassa imassa suttassa pavattanatthaṃ pañhaṃ pucchanto ‘‘pucchāmi muniṃ pahūtapañña’’nti imaṃ gāthamāha.
д̇ад̇т̇а бахууд̇абан̃н̃анд̇и махаабан̃н̃ам̣. д̇ин̣н̣анд̇и жад̇урогхад̇ин̣н̣ам̣. бааран̇г̇ад̇анд̇и ниб̣б̣аанаббад̇д̇ам̣. бариниб̣б̣уд̇анд̇и саубаад̣̇исзсаниб̣б̣аанавасзна бариниб̣б̣уд̇ам̣. тид̇ад̇д̇анд̇и логад̇хаммзхи агамбанийяажид̇д̇ам̣. нигкамма гхараа бануж̇ж̇а гаамзд̇и вад̇т̇угаамз бануд̣̇ид̇ваа гхарааваасаа нигкамма. гат̇ам̣ бхигку саммаа со логз бариб̣б̣аж̇зяяаад̇и со бхигку гат̇ам̣ логз саммаа бариб̣б̣аж̇зяяа вихарзяяа анубалид̇д̇о логзна худ̇ваа, логам̣ ад̇иггамзяяаад̇и вуд̇д̇ам̣ ход̇и. сзсамзд̇т̇а вуд̇д̇анаяамзва.
Tattha pahūtapaññanti mahāpaññaṃ. Tiṇṇanti caturoghatiṇṇaṃ. Pāraṅgatanti nibbānappattaṃ. Parinibbutanti saupādisesanibbānavasena parinibbutaṃ. Ṭhitattanti lokadhammehi akampanīyacittaṃ. Nikkhamma gharā panujja kāmeti vatthukāme panuditvā gharāvāsā nikkhamma. Kathaṃ bhikkhu sammā so loke paribbajeyyāti so bhikkhu kathaṃ loke sammā paribbajeyya vihareyya anupalitto lokena hutvā, lokaṃ atikkameyyāti vuttaṃ hoti. Sesamettha vuttanayameva.
363. ат̇а бхаг̇аваа яасмаа аасавагкаяам̣ аббад̇ваа логз саммаа бариб̣б̣аж̇анд̇о наама над̇т̇и, д̇асмаа д̇асмим̣ рааг̇ажарид̇аад̣̇ивасзна бариг̇г̇ахид̇з саб̣б̣абуг̇г̇аласамуухз д̇ам̣ д̇ам̣ д̇зсам̣ д̇зсам̣ самаанад̣̇осаанам̣ д̣̇звад̇ааг̇ан̣аанам̣ аажин̣н̣ад̣̇осаббахаанад̇т̇ам̣ ‘‘яасса ман̇г̇алаа’’д̇и аарабхид̇ваа арахад̇д̇анигуудзнзва кийн̣аасавабадибад̣̇ам̣ багаасзнд̇о баннараса г̇аат̇ааяо абхааси.
363. Atha bhagavā yasmā āsavakkhayaṃ appatvā loke sammā paribbajanto nāma natthi, tasmā tasmiṃ rāgacaritādivasena pariggahite sabbapuggalasamūhe taṃ taṃ tesaṃ tesaṃ samānadosānaṃ devatāgaṇānaṃ āciṇṇadosappahānatthaṃ ‘‘yassa maṅgalā’’ti ārabhitvā arahattanikūṭeneva khīṇāsavapaṭipadaṃ pakāsento pannarasa gāthāyo abhāsi.
д̇ад̇т̇а батамаг̇аат̇ааяа д̇аава ман̇г̇алаад̇и ман̇г̇аласуд̇д̇з вуд̇д̇аанам̣ д̣̇идтаман̇г̇алаад̣̇ийнамзд̇ам̣ ад̇хиважанам̣. самуухад̇аад̇и судту уухад̇аа бан̃н̃аасад̇т̇зна самужчиннаа. уббаад̇аад̇и ‘‘уггаабаад̇ад̣̇исаад̣аахаад̣̇аяо звам̣ вибаагаа хонд̇ий’’д̇и звам̣ бавад̇д̇аа уббаад̇аабхинивзсаа. субинаад̇и ‘‘буб̣б̣ан̣хасамаяз субинам̣ д̣̇исваа ид̣̇ам̣ наама ход̇и, маж̇жханхигаад̣̇ийсу ид̣̇ам̣, ваамабассзна саяад̇аа д̣̇идтз ид̣̇ам̣ наама ход̇и, д̣̇агкин̣абассаад̣̇ийхи ид̣̇ам̣, субинанд̇з жанд̣̇ам̣ д̣̇исваа ид̣̇ам̣ наама ход̇и, суурияаад̣̇аяо д̣̇исваа ид̣̇а’’нд̇и звам̣ бавад̇д̇аа субинаабхинивзсаа. лагкан̣аад̇и д̣̇ан̣д̣алагкан̣авад̇т̇алагкан̣аад̣̇ибаатам̣ батид̇ваа ‘‘иминаа ид̣̇ам̣ наама ход̇ий’’д̇и звам̣ бавад̇д̇аа лагкан̣аабхинивзсаа. д̇з саб̣б̣зби б̣рахмаж̇аалз вуд̇д̇анаязнзва взд̣̇ид̇аб̣б̣аа. со ман̇г̇алад̣̇осавиббахийнод̇и адтад̇им̣са махааман̇г̇алаани табзд̇ваа авасзсаа ман̇г̇алад̣̇осаа наама. яасса банзд̇з ман̇г̇алаад̣̇аяо самуухад̇аа, со ман̇г̇алад̣̇осавиббахийно ход̇и. ат̇а ваа ман̇г̇алаанан̃жа уббаад̇аад̣̇ид̣̇осаанан̃жа бахийнад̇д̇аа ман̇г̇алад̣̇осавиббахийно ход̇и, на ман̇г̇алаад̣̇ийхи суд̣̇д̇хим̣ бажжзд̇и арияамаг̇г̇асса ад̇хиг̇ад̇ад̇д̇аа. д̇асмаа саммаа со логз бариб̣б̣аж̇зяяа, со кийн̣аасаво саммаа логз бариб̣б̣аж̇зяяа анубалид̇д̇о логзнаад̇и.
Tattha paṭhamagāthāya tāva maṅgalāti maṅgalasutte vuttānaṃ diṭṭhamaṅgalādīnametaṃ adhivacanaṃ. Samūhatāti suṭṭhu ūhatā paññāsatthena samucchinnā. Uppātāti ‘‘ukkāpātadisāḍāhādayo evaṃ vipākā hontī’’ti evaṃ pavattā uppātābhinivesā. Supināti ‘‘pubbaṇhasamaye supinaṃ disvā idaṃ nāma hoti, majjhanhikādīsu idaṃ, vāmapassena sayatā diṭṭhe idaṃ nāma hoti, dakkhiṇapassādīhi idaṃ, supinante candaṃ disvā idaṃ nāma hoti, sūriyādayo disvā ida’’nti evaṃ pavattā supinābhinivesā. Lakkhaṇāti daṇḍalakkhaṇavatthalakkhaṇādipāṭhaṃ paṭhitvā ‘‘iminā idaṃ nāma hotī’’ti evaṃ pavattā lakkhaṇābhinivesā. Te sabbepi brahmajāle vuttanayeneva veditabbā. So maṅgaladosavippahīnoti aṭṭhatiṃsa mahāmaṅgalāni ṭhapetvā avasesā maṅgaladosā nāma. Yassa panete maṅgalādayo samūhatā, so maṅgaladosavippahīno hoti. Atha vā maṅgalānañca uppātādidosānañca pahīnattā maṅgaladosavippahīno hoti, na maṅgalādīhi suddhiṃ pacceti ariyamaggassa adhigatattā. Tasmā sammā so loke paribbajeyya, so khīṇāsavo sammā loke paribbajeyya anupalitto lokenāti.
364. д̣̇уд̇ияаг̇аат̇ааяа рааг̇ам̣ винаязт̇а маанусзсу, д̣̇иб̣б̣зсу гаамзсу жааби бхигкууд̇и маанусзсу жа д̣̇иб̣б̣зсу жа гаамаг̇ун̣зсу анааг̇аамимаг̇г̇зна ануббад̇д̇ид̇хаммад̇ам̣ нзнд̇о рааг̇ам̣ винаязт̇а. ад̇иггамма бхавам̣ самзжжа д̇хамманд̇и звам̣ рааг̇ам̣ винзд̇ваа д̇ад̇о барам̣ арахад̇д̇амаг̇г̇зна саб̣б̣аббагаарад̇о барин̃н̃аабхисамаяаад̣̇аяо саад̇хзнд̇о жад̇усажжабхзд̣̇амби самзжжа д̇хаммам̣ имааяа бадибад̣̇ааяа д̇ивид̇хамби ад̇иггамма бхавам̣. саммаа сод̇и соби бхигку саммаа логз бариб̣б̣аж̇зяяа.
364. Dutiyagāthāya rāgaṃ vinayetha mānusesu, dibbesu kāmesu cāpi bhikkhūti mānusesu ca dibbesu ca kāmaguṇesu anāgāmimaggena anuppattidhammataṃ nento rāgaṃ vinayetha. Atikkamma bhavaṃ samecca dhammanti evaṃ rāgaṃ vinetvā tato paraṃ arahattamaggena sabbappakārato pariññābhisamayādayo sādhento catusaccabhedampi samecca dhammaṃ imāya paṭipadāya tividhampi atikkamma bhavaṃ. Sammā soti sopi bhikkhu sammā loke paribbajeyya.
365. д̇ад̇ияаг̇аат̇ааяа ‘‘анурод̇хавирод̇хавиббахийно’’д̇и саб̣б̣авад̇т̇уусу бахийнарааг̇ад̣̇осо. сзсам̣ вуд̇д̇анаяамзва саб̣б̣аг̇аат̇аасу жа ‘‘соби бхигку саммаа логз бариб̣б̣аж̇зяяаа’’д̇и яож̇зд̇аб̣б̣ам̣. ид̇о баран̃хи яож̇анамби авад̇ваа авуд̇д̇анаяамзва ван̣н̣аяиссаама.
365. Tatiyagāthāya ‘‘anurodhavirodhavippahīno’’ti sabbavatthūsu pahīnarāgadoso. Sesaṃ vuttanayameva sabbagāthāsu ca ‘‘sopi bhikkhu sammā loke paribbajeyyā’’ti yojetabbaṃ. Ito parañhi yojanampi avatvā avuttanayameva vaṇṇayissāma.
366. жад̇уд̇т̇аг̇аат̇ааяа сад̇д̇асан̇кааравасзна д̣̇увид̇хам̣ бияан̃жа аббияан̃жа взд̣̇ид̇аб̣б̣ам̣, д̇ад̇т̇а чанд̣̇арааг̇абадигхаббахаанзна хид̇ваа. анубаад̣̇ааяаад̇и жад̇уухи убаад̣̇аанзхи ган̃жи д̇хаммам̣ аг̇г̇ахзд̇ваа. аниссид̇о гухин̃жийд̇и адтасад̇абхзд̣̇зна д̇ан̣хааниссаязна д̣̇ваасадтибхзд̣̇зна д̣̇идтиниссаязна жа гухин̃жи руубаад̣̇ид̇хаммз бхавз ваа аниссид̇о. сам̣яож̇аниязхи виббамуд̇д̇од̇и саб̣б̣зби д̇збхуумагад̇хаммаа д̣̇асавид̇хасам̣яож̇анасса висаяад̇д̇аа сам̣яож̇анияаа, д̇зхи саб̣б̣аббагаарад̇о маг̇г̇абхааванааяа барин̃н̃аад̇ад̇д̇аа жа виббамуд̇д̇од̇и ад̇т̇о. батамабаад̣̇зна жзд̇т̇а рааг̇ад̣̇осаббахаанам̣ вуд̇д̇ам̣, д̣̇уд̇иязна убаад̣̇аананиссаяаабхааво, д̇ад̇иязна сзсаагусалзхи агусалавад̇т̇уухи жа виббамогко. батамзна ваа рааг̇ад̣̇осаббахаанам̣, д̣̇уд̇иязна д̇ад̣̇убааяо, д̇ад̇иязна д̇зсам̣ бахийнад̇д̇аа сам̣яож̇аниязхи виббамогкод̇и взд̣̇ид̇аб̣б̣о.
366. Catutthagāthāya sattasaṅkhāravasena duvidhaṃ piyañca appiyañca veditabbaṃ, tattha chandarāgapaṭighappahānena hitvā. Anupādāyāti catūhi upādānehi kañci dhammaṃ aggahetvā. Anissitokuhiñcīti aṭṭhasatabhedena taṇhānissayena dvāsaṭṭhibhedena diṭṭhinissayena ca kuhiñci rūpādidhamme bhave vā anissito. Saṃyojaniyehi vippamuttoti sabbepi tebhūmakadhammā dasavidhasaṃyojanassa visayattā saṃyojaniyā, tehi sabbappakārato maggabhāvanāya pariññātattā ca vippamuttoti attho. Paṭhamapādena cettha rāgadosappahānaṃ vuttaṃ, dutiyena upādānanissayābhāvo, tatiyena sesākusalehi akusalavatthūhi ca vippamokkho. Paṭhamena vā rāgadosappahānaṃ, dutiyena tadupāyo, tatiyena tesaṃ pahīnattā saṃyojaniyehi vippamokkhoti veditabbo.
367. бан̃жамаг̇аат̇ааяа убад̇хийсууд̇и канд̇хубад̇хийсу. аад̣̇аананд̇и аад̣̇аад̇аб̣б̣адтзна д̇зязва вужжанд̇и. анан̃н̃анзяяод̇и анижжаад̣̇ийнам̣ суд̣̇идтад̇д̇аа ‘‘ид̣̇ам̣ сзяяо’’д̇и гзнажи анзд̇аб̣б̣о. сзсам̣ уд̇д̇аанабад̣̇ад̇т̇амзва. ид̣̇ам̣ вуд̇д̇ам̣ ход̇и – аад̣̇аанзсу жад̇уд̇т̇амаг̇г̇зна саб̣б̣асо чанд̣̇арааг̇ам̣ винзд̇ваа со винийд̇ачанд̣̇арааг̇о, д̇зсу убад̇хийсу на саарамзд̇и, саб̣б̣з убад̇хий асаарагад̇д̇знзва бассад̇и. д̇ад̇о д̇зсу д̣̇увид̇хзнаби ниссаязна аниссид̇о ан̃н̃зна ваа гзнажи ‘‘ид̣̇ам̣ сзяяо’’д̇и анзд̇аб̣б̣о кийн̣аасаво бхигку саммаа со логз бариб̣б̣аж̇зяяа.
367. Pañcamagāthāya upadhīsūti khandhupadhīsu. Ādānanti ādātabbaṭṭhena teyeva vuccanti. Anaññaneyyoti aniccādīnaṃ sudiṭṭhattā ‘‘idaṃ seyyo’’ti kenaci anetabbo. Sesaṃ uttānapadatthameva. Idaṃ vuttaṃ hoti – ādānesu catutthamaggena sabbaso chandarāgaṃ vinetvā so vinītachandarāgo, tesu upadhīsu na sārameti, sabbe upadhī asārakatteneva passati. Tato tesu duvidhenapi nissayena anissito aññena vā kenaci ‘‘idaṃ seyyo’’ti anetabbo khīṇāsavo bhikkhu sammā so loke paribbajeyya.
368. чадтаг̇аат̇ааяа авируд̣̇д̇ход̇и зд̇зсам̣ д̇ин̣н̣ам̣ д̣̇ужжарид̇аанам̣ бахийнад̇д̇аа сужарид̇зхи сад̣̇д̇хим̣ авируд̣̇д̇хо. вид̣̇ид̇ваа д̇хамманд̇и маг̇г̇зна жад̇усажжад̇хаммам̣ н̃ад̇ваа. ниб̣б̣аанабад̣̇аабхибад̇т̇аяаанод̇и анубаад̣̇исзсам̣ канд̇хабариниб̣б̣аанабад̣̇ам̣ бад̇т̇аяамаано. сзсам̣ уд̇д̇аанад̇т̇амзва.
368. Chaṭṭhagāthāya aviruddhoti etesaṃ tiṇṇaṃ duccaritānaṃ pahīnattā sucaritehi saddhiṃ aviruddho. Viditvā dhammanti maggena catusaccadhammaṃ ñatvā. Nibbānapadābhipatthayānoti anupādisesaṃ khandhaparinibbānapadaṃ patthayamāno. Sesaṃ uttānatthameva.
369. сад̇д̇амаг̇аат̇ааяа аггудтод̇и д̣̇асахи аггосавад̇т̇уухи абхисад̇д̇о. на санд̇хиязт̇аад̇и на убанаяхзт̇а на губбзяяа. лад̣̇д̇хаа барабхож̇анам̣ на маж̇ж̇зд̇и барзхи д̣̇иннам̣ сад̣̇д̇хаад̣̇зяяам̣ лабхид̇ваа ‘‘ахам̣ н̃аад̇о яасассий лаабхий’’д̇и на маж̇ж̇зяяа. сзсам̣ уд̇д̇аанад̇т̇амзва.
369. Sattamagāthāya akkuṭṭhoti dasahi akkosavatthūhi abhisatto. Na sandhiyethāti na upanayhetha na kuppeyya. Laddhā parabhojanaṃna majjeti parehi dinnaṃ saddhādeyyaṃ labhitvā ‘‘ahaṃ ñāto yasassī lābhī’’ti na majjeyya. Sesaṃ uttānatthameva.
370. адтамаг̇аат̇ааяа лобханд̇и висамалобхам̣. бхаванд̇и гаамабхаваад̣̇ибхавам̣. звам̣ д̣̇вийхи бад̣̇зхи бхавабхог̇ад̇ан̣хаа вуд̇д̇аа. буримзна ваа саб̣б̣ааби д̇ан̣хаа, бажчимзна гаммабхаво. вирад̇о чзд̣̇анаб̣анд̇ханаа жаад̇и звамзд̇зсам̣ гаммагилзсаанам̣ бахийнад̇д̇аа барасад̇д̇ачзд̣̇анаб̣анд̇ханаа жа вирад̇од̇и. сзсам̣ вуд̇д̇анаяамзва.
370. Aṭṭhamagāthāya lobhanti visamalobhaṃ. Bhavanti kāmabhavādibhavaṃ. Evaṃ dvīhi padehi bhavabhogataṇhā vuttā. Purimena vā sabbāpi taṇhā, pacchimena kammabhavo. Virato chedanabandhanā cāti evametesaṃ kammakilesānaṃ pahīnattā parasattachedanabandhanā ca viratoti. Sesaṃ vuttanayameva.
371. навамаг̇аат̇ааяа сааруббам̣ ад̇д̇ано вид̣̇ид̇ваад̇и ад̇д̇ано бхигкубхаавасса бад̇ируубам̣ анзсанаад̣̇им̣ бахааяа саммаазсанаад̣̇иааж̇ийвасуд̣̇д̇хим̣ ан̃н̃ан̃жа саммаабадибад̇д̇им̣ д̇ад̇т̇а бад̇идтаханзна вид̣̇ид̇ваа. на хи н̃аад̇амад̇д̇знзва гин̃жи ход̇и. яат̇аад̇ат̇ияанд̇и яат̇аад̇ат̇ам̣ яат̇аабхууд̇ам̣. д̇хамманд̇и канд̇хааяад̇анаад̣̇ибхзд̣̇ам̣ яат̇аабхууд̇ан̃аан̣зна, жад̇усажжад̇хаммам̣ ваа маг̇г̇зна вид̣̇ид̇ваа. сзсам̣ уд̇д̇аанад̇т̇амзва.
371. Navamagāthāya sāruppaṃ attano viditvāti attano bhikkhubhāvassa patirūpaṃ anesanādiṃ pahāya sammāesanādiājīvasuddhiṃ aññañca sammāpaṭipattiṃ tattha patiṭṭhahanena viditvā. Na hi ñātamatteneva kiñci hoti. Yathātathiyanti yathātathaṃ yathābhūtaṃ. Dhammanti khandhāyatanādibhedaṃ yathābhūtañāṇena, catusaccadhammaṃ vā maggena viditvā. Sesaṃ uttānatthameva.
372. д̣̇асамаг̇аат̇ааяа со нираасо анаасисаанод̇и яасса арияамаг̇г̇зна винаасид̇ад̇д̇аа анусаяаа жа на санд̇и, агусаламуулаа жа самуухад̇аа, со нираасо нид̇д̇ан̣хо ход̇и. д̇ад̇о аасааяа абхаавзна ган̃жи руубаад̣̇ид̇хаммам̣ наасийсад̇и. д̇знааха ‘‘нираасо анаасисаано’’д̇и. сзсам̣ вуд̇д̇анаяамзва.
372. Dasamagāthāya so nirāso anāsisānoti yassa ariyamaggena vināsitattā anusayā ca na santi, akusalamūlā ca samūhatā, so nirāso nittaṇho hoti. Tato āsāya abhāvena kañci rūpādidhammaṃ nāsīsati. Tenāha ‘‘nirāso anāsisāno’’ti. Sesaṃ vuttanayameva.
373. згаад̣̇асамаг̇аат̇ааяа аасавакийн̣од̇и кийн̣ажад̇ураасаво. бахийнамаанод̇и бахийнанававид̇хамаано. рааг̇абат̇анд̇и рааг̇ависаяабхууд̇ам̣ д̇збхуумагад̇хаммаж̇аад̇ам̣. убаад̇ивад̇д̇од̇и барин̃н̃аабахаанзхи ад̇игганд̇о. д̣̇анд̇од̇и саб̣б̣ад̣̇ваарависзванам̣ хид̇ваа ариязна д̣̇амат̇зна д̣̇анд̇абхуумим̣ бад̇д̇о. бариниб̣б̣уд̇од̇и гилзсаг̇г̇ивуубасамзна сийд̇ибхууд̇о. сзсам̣ вуд̇д̇анаяамзва.
373. Ekādasamagāthāya āsavakhīṇoti khīṇacaturāsavo. Pahīnamānoti pahīnanavavidhamāno. Rāgapathanti rāgavisayabhūtaṃ tebhūmakadhammajātaṃ. Upātivattoti pariññāpahānehi atikkanto. Dantoti sabbadvāravisevanaṃ hitvā ariyena damathena dantabhūmiṃ patto. Parinibbutoti kilesaggivūpasamena sītibhūto. Sesaṃ vuttanayameva.
374. д̣̇ваад̣̇асамаг̇аат̇ааяа сад̣̇д̇ход̇и б̣уд̣̇д̇хаад̣̇иг̇ун̣зсу бараббажжаяавирахид̇ад̇д̇аа саб̣б̣аагаарасамбаннзна авзжжаббасаад̣̇зна саманнааг̇ад̇о, на барасса сад̣̇д̇хааяа бадибад̇д̇ияам̣ г̇аманабхаавзна. яат̇ааха – ‘‘на кваахам̣ зд̇т̇а бханд̇з бхаг̇авад̇о сад̣̇д̇хааяа г̇ажчаамий’’д̇и (а. ни. 5.34). суд̇аваад̇и восид̇асуд̇агижжад̇д̇аа барамад̇т̇игасуд̇асаманнааг̇ад̇о. нияаамад̣̇ассийд̇и сам̣саараганд̇аарамуул̣хз логз амад̇абураг̇аамино саммад̇д̇анияаамабхууд̇асса маг̇г̇асса д̣̇ассаавий, д̣̇идтамаг̇г̇од̇и вуд̇д̇ам̣ ход̇и. ваг̇г̇аг̇ад̇зсу на ваг̇г̇асаарийд̇и ваг̇г̇аг̇ад̇аа наама д̣̇ваасадтид̣̇идтиг̇ад̇игаа ан̃н̃аман̃н̃ам̣ бадиломад̇д̇аа, звам̣ ваг̇г̇аахи д̣̇идтийхи г̇ад̇зсу сад̇д̇зсу на ваг̇г̇асаарий – ‘‘ид̣̇ам̣ ужчиж̇ж̇иссад̇и, ид̣̇ам̣ д̇ат̇зва бхависсад̇ий’’д̇и звам̣ д̣̇идтивасзна аг̇аманад̇о. бадигханд̇и бадигхаад̇агам̣, жид̇д̇авигхаад̇аганд̇и вуд̇д̇ам̣ ход̇и. д̣̇осависзсанамзвзд̇ам̣. винзяяаад̇и винзд̇ваа. сзсам̣ вуд̇д̇анаяамзва.
374. Dvādasamagāthāya saddhoti buddhādiguṇesu parappaccayavirahitattā sabbākārasampannena aveccappasādena samannāgato, na parassa saddhāya paṭipattiyaṃ gamanabhāvena. Yathāha – ‘‘na khvāhaṃ ettha bhante bhagavato saddhāya gacchāmī’’ti (a. ni. 5.34). Sutavāti vositasutakiccattā paramatthikasutasamannāgato. Niyāmadassīti saṃsārakantāramūḷhe loke amatapuragāmino sammattaniyāmabhūtassa maggassa dassāvī, diṭṭhamaggoti vuttaṃ hoti. Vaggagatesu na vaggasārīti vaggagatā nāma dvāsaṭṭhidiṭṭhigatikā aññamaññaṃ paṭilomattā, evaṃ vaggāhi diṭṭhīhi gatesu sattesu na vaggasārī – ‘‘idaṃ ucchijjissati, idaṃ tatheva bhavissatī’’ti evaṃ diṭṭhivasena agamanato. Paṭighanti paṭighātakaṃ, cittavighātakanti vuttaṃ hoti. Dosavisesanamevetaṃ. Vineyyāti vinetvā. Sesaṃ vuttanayameva.
375. д̇зрасамаг̇аат̇ааяа сам̣суд̣̇д̇хаж̇инод̇и сам̣суд̣̇д̇хзна арахад̇д̇амаг̇г̇зна виж̇ид̇агилзсо. виваддажчад̣̇од̇и вивадарааг̇ад̣̇осамохачад̣̇ано. д̇хаммзсу васийд̇и жад̇усажжад̇хаммзсу васиббад̇д̇о. на хисса саггаа д̇з д̇хаммаа яат̇аа н̃аад̇аа гзнажи ан̃н̃ат̇аа гаад̇ум̣, д̇зна кийн̣аасаво ‘‘д̇хаммзсу васий’’д̇и вужжад̇и. баараг̇ууд̇и баарам̣ вужжад̇и ниб̣б̣аанам̣, д̇ам̣ г̇ад̇о, саубаад̣̇исзсавасзна ад̇хиг̇ад̇од̇и вуд̇д̇ам̣ ход̇и. анзж̇од̇и абаг̇ад̇ад̇ан̣хаажалано. сан̇кааранирод̇хан̃аан̣агусалод̇и сан̇кааранирод̇хо вужжад̇и ниб̣б̣аанам̣, д̇амхи н̃аан̣ам̣ арияамаг̇г̇абан̃н̃аа, д̇ад̇т̇а гусало, жад̇угкад̇д̇ум̣ бхаавид̇ад̇д̇аа чзгод̇и вуд̇д̇ам̣ ход̇и.
375. Terasamagāthāya saṃsuddhajinoti saṃsuddhena arahattamaggena vijitakileso. Vivaṭṭacchadoti vivaṭarāgadosamohachadano. Dhammesu vasīti catusaccadhammesu vasippatto. Na hissa sakkā te dhammā yathā ñātā kenaci aññathā kātuṃ, tena khīṇāsavo ‘‘dhammesu vasī’’ti vuccati. Pāragūti pāraṃ vuccati nibbānaṃ, taṃ gato, saupādisesavasena adhigatoti vuttaṃ hoti. Anejoti apagatataṇhācalano. Saṅkhāranirodhañāṇakusaloti saṅkhāranirodho vuccati nibbānaṃ, tamhi ñāṇaṃ ariyamaggapaññā, tattha kusalo, catukkhattuṃ bhāvitattā chekoti vuttaṃ hoti.
376. жуд̣̇д̣̇асамаг̇аат̇ааяа ад̇ийд̇зсууд̇и бавад̇д̇им̣ бад̇ваа ад̇игганд̇зсу бан̃жагканд̇хзсу. анааг̇ад̇зсууд̇и бавад̇д̇им̣ аббад̇д̇зсу бан̃жагканд̇хзсу зва. габбаад̇ийд̇од̇и ‘‘ахам̣ мама’’нд̇и габбанам̣ саб̣б̣амби ваа д̇ан̣хаад̣̇идтигаббам̣ ад̇ийд̇о. ад̇ижжа суд̣̇д̇хибан̃н̃од̇и ад̇ийва суд̣̇д̇хибан̃н̃о, ад̇иггамид̇ваа ваа суд̣̇д̇хибан̃н̃о. гим̣ ад̇иггамид̇ваа? ад̣̇д̇хад̇д̇аяам̣. арахаа хи явааяам̣ авиж̇ж̇аасан̇каарасан̇каад̇о ад̇ийд̇о ад̣̇д̇хаа, ж̇аад̇иж̇араамаран̣асан̇каад̇о анааг̇ад̇о ад̣̇д̇хаа, вин̃н̃аан̣аад̣̇ибхавабарияанд̇о бажжуббанно жа ад̣̇д̇хаа, д̇ам̣ саб̣б̣амби ад̇иггамма ган̇кам̣ вид̇арид̇ваа барамасуд̣̇д̇хиббад̇д̇абан̃н̃о худ̇ваа тид̇о. д̇зна вужжад̇и ‘‘ад̇ижжа суд̣̇д̇хибан̃н̃о’’д̇и. саб̣б̣ааяад̇анзхийд̇и д̣̇ваад̣̇асахааяад̇анзхи. арахаа хи звам̣ габбаад̇ийд̇о. габбаад̇ийд̇ад̇д̇аа ад̇ижжа суд̣̇д̇хибан̃н̃ад̇д̇аа жа ааяад̇им̣ на гин̃жи ааяад̇анам̣ убзд̇и. д̇знааха – ‘‘саб̣б̣ааяад̇анзхи виббамуд̇д̇о’’д̇и.
376. Cuddasamagāthāya atītesūti pavattiṃ patvā atikkantesu pañcakkhandhesu. Anāgatesūti pavattiṃ appattesu pañcakkhandhesu eva. Kappātītoti ‘‘ahaṃ mama’’nti kappanaṃ sabbampi vā taṇhādiṭṭhikappaṃ atīto. Aticca suddhipaññoti atīva suddhipañño, atikkamitvā vā suddhipañño. Kiṃ atikkamitvā? Addhattayaṃ. Arahā hi yvāyaṃ avijjāsaṅkhārasaṅkhāto atīto addhā, jātijarāmaraṇasaṅkhāto anāgato addhā, viññāṇādibhavapariyanto paccuppanno ca addhā, taṃ sabbampi atikkamma kaṅkhaṃ vitaritvā paramasuddhippattapañño hutvā ṭhito. Tena vuccati ‘‘aticca suddhipañño’’ti. Sabbāyatanehīti dvādasahāyatanehi. Arahā hi evaṃ kappātīto. Kappātītattā aticca suddhipaññattā ca āyatiṃ na kiñci āyatanaṃ upeti. Tenāha – ‘‘sabbāyatanehi vippamutto’’ti.
377. баннарасамаг̇аат̇ааяа ан̃н̃ааяа бад̣̇анд̇и яз д̇з ‘‘сажжаанам̣ жад̇уро бад̣̇аа’’д̇и вуд̇д̇аа, д̇зсу згзгабад̣̇ам̣ буб̣б̣абхааг̇асажжававад̇т̇аабанабан̃н̃ааяа н̃ад̇ваа. самзжжа д̇хамманд̇и д̇ад̇о барам̣ жад̇уухи арияамаг̇г̇зхи жад̇усажжад̇хаммам̣ самзжжа. вивадам̣ д̣̇исваана бахаанамаасаваананд̇и ат̇а бажжавзгкан̣ан̃аан̣зна аасавагкаяасан̃н̃ид̇ам̣ ниб̣б̣аанам̣ вивадам̣ баагадаманаавадам̣ д̣̇исваа. саб̣б̣убад̇хийнам̣ баригкаяаад̇и саб̣б̣зсам̣ канд̇хагаамаг̇ун̣агилзсаабхисан̇каарабхзд̣̇аанам̣ убад̇хийнам̣ баригкийн̣ад̇д̇аа гад̇т̇ажи асаж̇ж̇амаано бхигку саммаа со логз бариб̣б̣аж̇зяяа вихарзяяа, аналлийяанд̇о логам̣ г̇ажчзяяаад̇и д̣̇зсанам̣ нидтаабзси.
377. Pannarasamagāthāya aññāya padanti ye te ‘‘saccānaṃ caturo padā’’ti vuttā, tesu ekekapadaṃ pubbabhāgasaccavavatthāpanapaññāya ñatvā. Samecca dhammanti tato paraṃ catūhi ariyamaggehi catusaccadhammaṃ samecca. Vivaṭaṃ disvāna pahānamāsavānanti atha paccavekkhaṇañāṇena āsavakkhayasaññitaṃ nibbānaṃ vivaṭaṃ pākaṭamanāvaṭaṃ disvā. Sabbupadhīnaṃ parikkhayāti sabbesaṃ khandhakāmaguṇakilesābhisaṅkhārabhedānaṃ upadhīnaṃ parikkhīṇattā katthaci asajjamāno bhikkhu sammā so loke paribbajeyya vihareyya, anallīyanto lokaṃ gaccheyyāti desanaṃ niṭṭhāpesi.
378. д̇ад̇о со ниммид̇о д̇хаммад̣̇зсанам̣ т̇омзнд̇о ‘‘ад̣̇д̇хаа хи бхаг̇аваа’’д̇и имам̣ г̇аат̇амааха. д̇ад̇т̇а яо со звам̣ вихаарийд̇и яо со ман̇г̇алаад̣̇ийни самууханид̇ваа саб̣б̣аман̇г̇алад̣̇осаббахаанавихаарий, яоби со д̣̇иб̣б̣амаанусагзсу гаамзсу рааг̇ам̣ винзяяа бхаваад̇иггамма д̇хаммаабхисамаяавихаарийд̇и звам̣ д̇ааяа д̇ааяа г̇аат̇ааяа нид̣̇д̣̇идтабхигкум̣ д̣̇ассзнд̇о ааха. сзсам̣ уд̇д̇аанамзва. аяам̣ бана яож̇анаа – ад̣̇д̇хаа хи бхаг̇аваа д̇ат̇зва зд̇ам̣ яам̣ д̇вам̣ ‘‘яасса ман̇г̇алаа самуухад̇аа’’д̇иаад̣̇ийни вад̇ваа д̇ассаа д̇ассаа г̇аат̇ааяа барияосаанз ‘‘саммаа со логз бариб̣б̣аж̇зяяаа’’д̇и аважа. гим̣ гааран̣ам̣? яо со звам̣вихаарий бхигку, со уд̇д̇амзна д̣̇амат̇зна д̣̇анд̇о, саб̣б̣аани жа д̣̇асаби сам̣яож̇анаани жад̇уро жа яог̇з вийд̇ивад̇д̇о ход̇и. д̇асмаа саммаа со логз бариб̣б̣аж̇зяяа, над̇т̇и мз зд̇т̇а вижигижчаад̇и ид̇и д̣̇зсанаат̇оманаг̇аат̇амби вад̇ваа арахад̇д̇анигуудзнзва д̣̇зсанам̣ нидтаабзси. суд̇д̇абарияосаанз годисад̇асахассад̣̇звад̇аанам̣ аг̇г̇апалаббад̇д̇и ахоси, сод̇аабад̇д̇исагад̣̇ааг̇аамианааг̇аамипалаббад̇д̇аа бана г̇ан̣анад̇о асан̇кязяяаад̇и.
378. Tato so nimmito dhammadesanaṃ thomento ‘‘addhā hi bhagavā’’ti imaṃ gāthamāha. Tattha yo so evaṃ vihārīti yo so maṅgalādīni samūhanitvā sabbamaṅgaladosappahānavihārī, yopi so dibbamānusakesu kāmesu rāgaṃ vineyya bhavātikkamma dhammābhisamayavihārīti evaṃ tāya tāya gāthāya niddiṭṭhabhikkhuṃ dassento āha. Sesaṃ uttānameva. Ayaṃ pana yojanā – addhā hi bhagavā tatheva etaṃ yaṃ tvaṃ ‘‘yassa maṅgalā samūhatā’’tiādīni vatvā tassā tassā gāthāya pariyosāne ‘‘sammā so loke paribbajeyyā’’ti avaca. Kiṃ kāraṇaṃ? Yo so evaṃvihārī bhikkhu, so uttamena damathena danto, sabbāni ca dasapi saṃyojanāni caturo ca yoge vītivatto hoti. Tasmā sammā so loke paribbajeyya, natthi me ettha vicikicchāti iti desanāthomanagāthampi vatvā arahattanikūṭeneva desanaṃ niṭṭhāpesi. Suttapariyosāne koṭisatasahassadevatānaṃ aggaphalappatti ahosi, sotāpattisakadāgāmianāgāmiphalappattā pana gaṇanato asaṅkhyeyyāti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа саммаабариб̣б̣ааж̇анийяасуд̇д̇аван̣н̣анаа
Suttanipāta-aṭṭhakathāya sammāparibbājanīyasuttavaṇṇanā
нидтид̇аа.
Niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 13. саммаабариб̣б̣ааж̇анийяасуд̇д̇ам̣ • 13. Sammāparibbājanīyasuttaṃ
