Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi

13. саммаабариб̣б̣ааж̇анийяасуд̇д̇ам̣

13. Sammāparibbājanīyasuttaṃ

361.

‘‘бужчаами муним̣ бахууд̇абан̃н̃ам̣,

‘‘Pucchāmi muniṃ pahūtapaññaṃ,

д̇ин̣н̣ам̣ бааран̇г̇ад̇ам̣ бариниб̣б̣уд̇ам̣ тид̇ад̇д̇ам̣;

Tiṇṇaṃ pāraṅgataṃ parinibbutaṃ ṭhitattaṃ;

нигкамма гхараа бануж̇ж̇а гаамз, гат̇ам̣ бхигку

Nikkhamma gharā panujja kāme, kathaṃ bhikkhu

саммаа со логз бариб̣б̣аж̇зяяа’’.

Sammā so loke paribbajeyya’’.

362.

‘‘яасса ман̇г̇алаа самуухад̇аа, (ид̇и бхаг̇аваа)

‘‘Yassa maṅgalā samūhatā, (iti bhagavā)

уббаад̇аа субинаа жа лагкан̣аа жа;

Uppātā supinā ca lakkhaṇā ca;

со ман̇г̇алад̣̇осавиббахийно,

So maṅgaladosavippahīno,

саммаа со логз бариб̣б̣аж̇зяяа.

Sammā so loke paribbajeyya.

363.

‘‘рааг̇ам̣ винаязт̇а маанусзсу, д̣̇иб̣б̣зсу гаамзсу жааби бхигку;

‘‘Rāgaṃ vinayetha mānusesu, dibbesu kāmesu cāpi bhikkhu;

ад̇иггамма бхавам̣ самзжжа д̇хаммам̣, саммаа со логз бариб̣б̣аж̇зяяа.

Atikkamma bhavaṃ samecca dhammaṃ, sammā so loke paribbajeyya.

364.

‘‘вибидтигад̇ваана бзсун̣аани, год̇хам̣ гад̣̇арияам̣ ж̇ахзяяа бхигку;

‘‘Vipiṭṭhikatvāna pesuṇāni, kodhaṃ kadariyaṃ jaheyya bhikkhu;

анурод̇хавирод̇хавиббахийно, саммаа со логз бариб̣б̣аж̇зяяа.

Anurodhavirodhavippahīno, sammā so loke paribbajeyya.

365.

‘‘хид̇ваана бияан̃жа аббияан̃жа, анубаад̣̇ааяа аниссид̇о гухин̃жи;

‘‘Hitvāna piyañca appiyañca, anupādāya anissito kuhiñci;

сам̣яож̇аниязхи виббамуд̇д̇о, саммаа со логз бариб̣б̣аж̇зяяа.

Saṃyojaniyehi vippamutto, sammā so loke paribbajeyya.

366.

‘‘на со убад̇хийсу саарамзд̇и, аад̣̇аанзсу винзяяа чанд̣̇арааг̇ам̣;

‘‘Na so upadhīsu sārameti, ādānesu vineyya chandarāgaṃ;

со аниссид̇о анан̃н̃анзяяо, саммаа со логз бариб̣б̣аж̇зяяа.

So anissito anaññaneyyo, sammā so loke paribbajeyya.

367.

‘‘важасаа манасаа жа гаммунаа жа, авируд̣̇д̇хо саммаа вид̣̇ид̇ваа д̇хаммам̣;

‘‘Vacasā manasā ca kammunā ca, aviruddho sammā viditvā dhammaṃ;

ниб̣б̣аанабад̣̇аабхибад̇т̇аяаано, саммаа со логз бариб̣б̣аж̇зяяа.

Nibbānapadābhipatthayāno, sammā so loke paribbajeyya.

368.

‘‘яо ванд̣̇ад̇и манд̇и нун̣н̣амзяяа ¹, аггудтоби на санд̇хиязт̇а бхигку;

‘‘Yo vandati manti nuṇṇameyya ², akkuṭṭhopi na sandhiyetha bhikkhu;

лад̣̇д̇хаа барабхож̇анам̣ на маж̇ж̇з, саммаа со логз бариб̣б̣аж̇зяяа.

Laddhā parabhojanaṃ na majje, sammā so loke paribbajeyya.

369.

‘‘лобхан̃жа бхаван̃жа виббахааяа, вирад̇о чзд̣̇анаб̣анд̇ханаа жа ³ бхигку;

‘‘Lobhañca bhavañca vippahāya, virato chedanabandhanā ca ⁴ bhikkhu;

со д̇ин̣н̣агат̇ам̣гат̇о висалло, саммаа со логз бариб̣б̣аж̇зяяа.

So tiṇṇakathaṃkatho visallo, sammā so loke paribbajeyya.

370.

‘‘сааруббам̣ ад̇д̇ано вид̣̇ид̇ваа, но жа бхигку хим̣сзяяа ган̃жи логз;

‘‘Sāruppaṃ attano viditvā, no ca bhikkhu hiṃseyya kañci loke;

яат̇аа д̇ат̇ияам̣ вид̣̇ид̇ваа д̇хаммам̣, саммаа со логз бариб̣б̣аж̇зяяа.

Yathā tathiyaṃ viditvā dhammaṃ, sammā so loke paribbajeyya.

371.

‘‘яассаанусаяаа на санд̇и гзжи, муулаа жа ⁵ агусалаа самуухад̇аасз;

‘‘Yassānusayā na santi keci, mūlā ca ⁶ akusalā samūhatāse;

со нираасо ⁷ анаасисаано ⁸, саммаа со логз бариб̣б̣аж̇зяяа.

So nirāso ⁹ anāsisāno ¹⁰, sammā so loke paribbajeyya.

372.

‘‘аасавакийн̣о бахийнамаано, саб̣б̣ам̣ рааг̇абат̇ам̣ убаад̇ивад̇д̇о;

‘‘Āsavakhīṇo pahīnamāno, sabbaṃ rāgapathaṃ upātivatto;

д̣̇анд̇о бариниб̣б̣уд̇о тид̇ад̇д̇о, саммаа со логз бариб̣б̣аж̇зяяа.

Danto parinibbuto ṭhitatto, sammā so loke paribbajeyya.

373.

‘‘сад̣̇д̇хо суд̇аваа нияаамад̣̇ассий, ваг̇г̇аг̇ад̇зсу на ваг̇г̇асаари д̇хийро;

‘‘Saddho sutavā niyāmadassī, vaggagatesu na vaggasāri dhīro;

лобхам̣ д̣̇осам̣ винзяяа бадигхам̣, саммаа со логз бариб̣б̣аж̇зяяа.

Lobhaṃ dosaṃ vineyya paṭighaṃ, sammā so loke paribbajeyya.

374.

‘‘сам̣суд̣̇д̇хаж̇ино виваддажчад̣̇о, д̇хаммзсу васий баараг̇уу анзж̇о;

‘‘Saṃsuddhajino vivaṭṭacchado, dhammesu vasī pāragū anejo;

сан̇кааранирод̇хан̃аан̣агусало , саммаа со логз бариб̣б̣аж̇зяяа.

Saṅkhāranirodhañāṇakusalo , sammā so loke paribbajeyya.

375.

‘‘ад̇ийд̇зсу анааг̇ад̇зсу жааби, габбаад̇ийд̇о ад̇ижжасуд̣̇д̇хибан̃н̃о;

‘‘Atītesu anāgatesu cāpi, kappātīto aticcasuddhipañño;

саб̣б̣ааяад̇анзхи виббамуд̇д̇о, саммаа со логз бариб̣б̣аж̇зяяа.

Sabbāyatanehi vippamutto, sammā so loke paribbajeyya.

376.

‘‘ан̃н̃ааяа бад̣̇ам̣ самзжжа д̇хаммам̣, вивадам̣ д̣̇исваана бахаанамаасаваанам̣;

‘‘Aññāya padaṃ samecca dhammaṃ, vivaṭaṃ disvāna pahānamāsavānaṃ;

саб̣б̣убад̇хийнам̣ баригкаяаано ¹¹, саммаа со логз бариб̣б̣аж̇зяяа’’.

Sabbupadhīnaṃ parikkhayāno ¹², sammā so loke paribbajeyya’’.

377.

‘‘ад̣̇д̇хаа хи бхаг̇аваа д̇ат̇зва зд̇ам̣, яо со звам̣вихаарий д̣̇анд̇о бхигку;

‘‘Addhā hi bhagavā tatheva etaṃ, yo so evaṃvihārī danto bhikkhu;

саб̣б̣асам̣яож̇анаяог̇авийд̇ивад̇д̇о ¹³, саммаа со логз бариб̣б̣аж̇зяяаа’’д̇и.

Sabbasaṃyojanayogavītivatto ¹⁴, sammā so loke paribbajeyyā’’ti.

саммаабариб̣б̣ааж̇анийяасуд̇д̇ам̣ д̇зрасамам̣ нидтид̇ам̣.

Sammāparibbājanīyasuttaṃ terasamaṃ niṭṭhitaṃ.

Next: 14. д̇хаммигасуд̇д̇ам̣ • 14. Dhammikasuttaṃ

Footnotes:

1. нуннамзяяа (?)

2. nunnameyya (?)

3. чзд̣̇анаб̣анд̇ханад̇о (сий. сяаа.)

4. chedanabandhanato (sī. syā.)

5. муулаа (сий. сяаа.)

6. mūlā (sī. syā.)

7. нираасаяо (сий.), нираасасо (сяаа.)

8. анаасаяаано (сий. бий.), анаасасаано (сяаа.)

9. nirāsayo (sī.), nirāsaso (syā.)

10. anāsayāno (sī. pī.), anāsasāno (syā.)

11. баригкаяаа (бий.)

12. parikkhayā (pī.)

13. саб̣б̣асам̣яож̇анияз жа вийд̇ивад̇д̇о (сий. сяаа. бий.)

14. sabbasaṃyojaniye ca vītivatto (sī. syā. pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 13. саммаабариб̣б̣ааж̇анийяасуд̇д̇а-(махаасамаяасуд̇д̇а)-ван̣н̣анаа • 13. Sammāparibbājanīyasutta-(mahāsamayasutta)-vaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact