| Library / Tipiṭaka / ติปิฎก • Tipiṭaka / สุตฺตนิปาตปาฬิ • Suttanipātapāḷi |
๑๓. สมฺมาปริพฺพาชนียสุตฺตํ
13. Sammāparibbājanīyasuttaṃ
๓๖๑.
361.
‘‘ปุจฺฉามิ มุนิํ ปหูตปญฺญํ,
‘‘Pucchāmi muniṃ pahūtapaññaṃ,
ติณฺณํ ปารงฺคตํ ปรินิพฺพุตํ ฐิตตฺตํ;
Tiṇṇaṃ pāraṅgataṃ parinibbutaṃ ṭhitattaṃ;
นิกฺขมฺม ฆรา ปนุชฺช กาเม, กถํ ภิกฺขุ
Nikkhamma gharā panujja kāme, kathaṃ bhikkhu
สมฺมา โส โลเก ปริพฺพเชยฺย’’ฯ
Sammā so loke paribbajeyya’’.
๓๖๒.
362.
‘‘ยสฺส มงฺคลา สมูหตา, (อิติ ภควา)
‘‘Yassa maṅgalā samūhatā, (iti bhagavā)
อุปฺปาตา สุปินา จ ลกฺขณา จ;
Uppātā supinā ca lakkhaṇā ca;
โส มงฺคลโทสวิปฺปหีโน,
So maṅgaladosavippahīno,
สมฺมา โส โลเก ปริพฺพเชยฺยฯ
Sammā so loke paribbajeyya.
๓๖๓.
363.
‘‘ราคํ วินเยถ มานุเสสุ, ทิเพฺพสุ กาเมสุ จาปิ ภิกฺขุ;
‘‘Rāgaṃ vinayetha mānusesu, dibbesu kāmesu cāpi bhikkhu;
อติกฺกมฺม ภวํ สเมจฺจ ธมฺมํ, สมฺมา โส โลเก ปริพฺพเชยฺยฯ
Atikkamma bhavaṃ samecca dhammaṃ, sammā so loke paribbajeyya.
๓๖๔.
364.
‘‘วิปิฎฺฐิกตฺวาน เปสุณานิ, โกธํ กทริยํ ชเหยฺย ภิกฺขุ;
‘‘Vipiṭṭhikatvāna pesuṇāni, kodhaṃ kadariyaṃ jaheyya bhikkhu;
อนุโรธวิโรธวิปฺปหีโน, สมฺมา โส โลเก ปริพฺพเชยฺยฯ
Anurodhavirodhavippahīno, sammā so loke paribbajeyya.
๓๖๕.
365.
‘‘หิตฺวาน ปิยญฺจ อปฺปิยญฺจ, อนุปาทาย อนิสฺสิโต กุหิญฺจิ;
‘‘Hitvāna piyañca appiyañca, anupādāya anissito kuhiñci;
สํโยชนิเยหิ วิปฺปมุโตฺต, สมฺมา โส โลเก ปริพฺพเชยฺยฯ
Saṃyojaniyehi vippamutto, sammā so loke paribbajeyya.
๓๖๖.
366.
‘‘น โส อุปธีสุ สารเมติ, อาทาเนสุ วิเนยฺย ฉนฺทราคํ;
‘‘Na so upadhīsu sārameti, ādānesu vineyya chandarāgaṃ;
โส อนิสฺสิโต อนญฺญเนโยฺย, สมฺมา โส โลเก ปริพฺพเชยฺยฯ
So anissito anaññaneyyo, sammā so loke paribbajeyya.
๓๖๗.
367.
‘‘วจสา มนสา จ กมฺมุนา จ, อวิรุโทฺธ สมฺมา วิทิตฺวา ธมฺมํ;
‘‘Vacasā manasā ca kammunā ca, aviruddho sammā viditvā dhammaṃ;
นิพฺพานปทาภิปตฺถยาโน, สมฺมา โส โลเก ปริพฺพเชยฺยฯ
Nibbānapadābhipatthayāno, sammā so loke paribbajeyya.
๓๖๘.
368.
‘‘โย วนฺทติ มนฺติ นุณฺณเมยฺย 1, อกฺกุโฎฺฐปิ น สนฺธิเยถ ภิกฺขุ;
‘‘Yo vandati manti nuṇṇameyya 2, akkuṭṭhopi na sandhiyetha bhikkhu;
ลทฺธา ปรโภชนํ น มเชฺช, สมฺมา โส โลเก ปริพฺพเชยฺยฯ
Laddhā parabhojanaṃ na majje, sammā so loke paribbajeyya.
๓๖๙.
369.
‘‘โลภญฺจ ภวญฺจ วิปฺปหาย, วิรโต เฉทนพนฺธนา จ 3 ภิกฺขุ;
‘‘Lobhañca bhavañca vippahāya, virato chedanabandhanā ca 4 bhikkhu;
โส ติณฺณกถํกโถ วิสโลฺล, สมฺมา โส โลเก ปริพฺพเชยฺยฯ
So tiṇṇakathaṃkatho visallo, sammā so loke paribbajeyya.
๓๗๐.
370.
‘‘สารุปฺปํ อตฺตโน วิทิตฺวา, โน จ ภิกฺขุ หิํเสยฺย กญฺจิ โลเก;
‘‘Sāruppaṃ attano viditvā, no ca bhikkhu hiṃseyya kañci loke;
ยถา ตถิยํ วิทิตฺวา ธมฺมํ, สมฺมา โส โลเก ปริพฺพเชยฺยฯ
Yathā tathiyaṃ viditvā dhammaṃ, sammā so loke paribbajeyya.
๓๗๑.
371.
‘‘ยสฺสานุสยา น สนฺติ เกจิ, มูลา จ 5 อกุสลา สมูหตาเส;
‘‘Yassānusayā na santi keci, mūlā ca 6 akusalā samūhatāse;
๓๗๒.
372.
‘‘อาสวขีโณ ปหีนมาโน, สพฺพํ ราคปถํ อุปาติวโตฺต;
‘‘Āsavakhīṇo pahīnamāno, sabbaṃ rāgapathaṃ upātivatto;
ทโนฺต ปรินิพฺพุโต ฐิตโตฺต, สมฺมา โส โลเก ปริพฺพเชยฺยฯ
Danto parinibbuto ṭhitatto, sammā so loke paribbajeyya.
๓๗๓.
373.
‘‘สโทฺธ สุตวา นิยามทสฺสี, วคฺคคเตสุ น วคฺคสาริ ธีโร;
‘‘Saddho sutavā niyāmadassī, vaggagatesu na vaggasāri dhīro;
โลภํ โทสํ วิเนยฺย ปฎิฆํ, สมฺมา โส โลเก ปริพฺพเชยฺยฯ
Lobhaṃ dosaṃ vineyya paṭighaṃ, sammā so loke paribbajeyya.
๓๗๔.
374.
‘‘สํสุทฺธชิโน วิวฎฺฎจฺฉโท, ธเมฺมสุ วสี ปารคู อเนโช;
‘‘Saṃsuddhajino vivaṭṭacchado, dhammesu vasī pāragū anejo;
สงฺขารนิโรธญาณกุสโล , สมฺมา โส โลเก ปริพฺพเชยฺยฯ
Saṅkhāranirodhañāṇakusalo , sammā so loke paribbajeyya.
๓๗๕.
375.
‘‘อตีเตสุ อนาคเตสุ จาปิ, กปฺปาตีโต อติจฺจสุทฺธิปโญฺญ;
‘‘Atītesu anāgatesu cāpi, kappātīto aticcasuddhipañño;
สพฺพายตเนหิ วิปฺปมุโตฺต, สมฺมา โส โลเก ปริพฺพเชยฺยฯ
Sabbāyatanehi vippamutto, sammā so loke paribbajeyya.
๓๗๖.
376.
‘‘อญฺญาย ปทํ สเมจฺจ ธมฺมํ, วิวฎํ ทิสฺวาน ปหานมาสวานํ;
‘‘Aññāya padaṃ samecca dhammaṃ, vivaṭaṃ disvāna pahānamāsavānaṃ;
สพฺพุปธีนํ ปริกฺขยาโน 11, สมฺมา โส โลเก ปริพฺพเชยฺย’’ฯ
Sabbupadhīnaṃ parikkhayāno 12, sammā so loke paribbajeyya’’.
๓๗๗.
377.
‘‘อทฺธา หิ ภควา ตเถว เอตํ, โย โส เอวํวิหารี ทโนฺต ภิกฺขุ;
‘‘Addhā hi bhagavā tatheva etaṃ, yo so evaṃvihārī danto bhikkhu;
สพฺพสํโยชนโยควีติวโตฺต 13, สมฺมา โส โลเก ปริพฺพเชยฺยา’’ติฯ
Sabbasaṃyojanayogavītivatto 14, sammā so loke paribbajeyyā’’ti.
สมฺมาปริพฺพาชนียสุตฺตํ เตรสมํ นิฎฺฐิตํฯ
Sammāparibbājanīyasuttaṃ terasamaṃ niṭṭhitaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / สุตฺตนิปาต-อฎฺฐกถา • Suttanipāta-aṭṭhakathā / ๑๓. สมฺมาปริพฺพาชนียสุตฺต-(มหาสมยสุตฺต)-วณฺณนา • 13. Sammāparibbājanīyasutta-(mahāsamayasutta)-vaṇṇanā
