| Library / Tipiṭaka / д̇ибидага • Tipiṭaka / вибхан̇г̇абаал̣и • Vibhaṅgapāḷi |
8. саммаббад̇хаанавибхан̇г̇о
8. Sammappadhānavibhaṅgo
1. суд̇д̇анд̇абхааж̇анийяам̣
1. Suttantabhājanīyaṃ
390. жад̇д̇ааро саммаббад̇хаанаа – ид̇ха бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и.
390. Cattāro sammappadhānā – idha bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati, uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati, anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati, uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati.
391. гат̇ан̃жа бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и? д̇ад̇т̇а гад̇амз ануббаннаа баабагаа агусалаа д̇хаммаа? д̇ийн̣и агусаламуулаани – лобхо, д̣̇осо, мохо. д̇ад̣̇згадтаа жа гилзсаа. д̇ам̣самбаяуд̇д̇о взд̣̇анаагканд̇хо, сан̃н̃аагканд̇хо, сан̇каарагканд̇хо, вин̃н̃аан̣агканд̇хо, д̇ам̣самудтаанам̣ гааяагаммам̣ важийгаммам̣ маногаммам̣ – имз вужжанд̇и ‘‘ануббаннаа баабагаа агусалаа д̇хаммаа’’. ид̇и имзсам̣ ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и.
391. Kathañca bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati? Tattha katame anuppannā pāpakā akusalā dhammā? Tīṇi akusalamūlāni – lobho, doso, moho. Tadekaṭṭhā ca kilesā. Taṃsampayutto vedanākkhandho, saññākkhandho, saṅkhārakkhandho, viññāṇakkhandho, taṃsamuṭṭhānaṃ kāyakammaṃ vacīkammaṃ manokammaṃ – ime vuccanti ‘‘anuppannā pāpakā akusalā dhammā’’. Iti imesaṃ anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati.
393. вааяамад̇ийд̇и. д̇ад̇т̇а гад̇амо вааяаамо? яо жзд̇асиго вийрияаарамбхо…бз… саммаавааяаамо – аяам̣ вужжад̇и ‘‘вааяаамо’’. иминаа вааяаамзна убзд̇о ход̇и самубзд̇о убааг̇ад̇о самубааг̇ад̇о убабанно самбанно саманнааг̇ад̇о. д̇зна вужжад̇и ‘‘вааяамад̇ий’’д̇и.
393. Vāyamatīti. Tattha katamo vāyāmo? Yo cetasiko vīriyārambho…pe… sammāvāyāmo – ayaṃ vuccati ‘‘vāyāmo’’. Iminā vāyāmena upeto hoti samupeto upāgato samupāgato upapanno sampanno samannāgato. Tena vuccati ‘‘vāyamatī’’ti.
394. вийрияам̣ аарабхад̇ийд̇и. д̇ад̇т̇а гад̇амам̣ вийрияам̣? яо жзд̇асиго вийрияаарамбхо…бз… саммаавааяаамо – ид̣̇ам̣ вужжад̇и ‘‘вийрияам̣’’. имам̣ вийрияам̣ аарабхад̇и самаарабхад̇и аасзвад̇и бхаавзд̇и б̣ахулийгарод̇и. д̇зна вужжад̇и ‘‘вийрияам̣ аарабхад̇ий’’д̇и.
394. Vīriyaṃ ārabhatīti. Tattha katamaṃ vīriyaṃ? Yo cetasiko vīriyārambho…pe… sammāvāyāmo – idaṃ vuccati ‘‘vīriyaṃ’’. Imaṃ vīriyaṃ ārabhati samārabhati āsevati bhāveti bahulīkaroti. Tena vuccati ‘‘vīriyaṃ ārabhatī’’ti.
395. жид̇д̇ам̣ баг̇г̇ан̣хаад̇ийд̇и. д̇ад̇т̇а гад̇амам̣ жид̇д̇ам̣? яам̣ жид̇д̇ам̣ мано маанасам̣…бз… д̇аж̇ж̇аамановин̃н̃аан̣ад̇хаад̇у – ид̣̇ам̣ вужжад̇и ‘‘жид̇д̇ам̣’’. имам̣ жид̇д̇ам̣ баг̇г̇ан̣хаад̇и самбаг̇г̇ан̣хаад̇и убад̇т̇амбхзд̇и бажжубад̇т̇амбхзд̇и. д̇зна вужжад̇и ‘‘жид̇д̇ам̣ баг̇г̇ан̣хаад̇ий’’д̇и.
395. Cittaṃ paggaṇhātīti. Tattha katamaṃ cittaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘cittaṃ’’. Imaṃ cittaṃ paggaṇhāti sampaggaṇhāti upatthambheti paccupatthambheti. Tena vuccati ‘‘cittaṃ paggaṇhātī’’ti.
396. бад̣̇ахад̇ийд̇и. д̇ад̇т̇а гад̇амам̣ бад̇хаанам̣? яо жзд̇асиго вийрияаарамбхо…бз… саммаавааяаамо – ид̣̇ам̣ вужжад̇и ‘‘бад̇хаанам̣’’. иминаа бад̇хаанзна убзд̇о ход̇и…бз… саманнааг̇ад̇о. д̇зна вужжад̇и ‘‘бад̣̇ахад̇ий’’д̇и.
396. Padahatīti. Tattha katamaṃ padhānaṃ? Yo cetasiko vīriyārambho…pe… sammāvāyāmo – idaṃ vuccati ‘‘padhānaṃ’’. Iminā padhānena upeto hoti…pe… samannāgato. Tena vuccati ‘‘padahatī’’ti.
397. гат̇ан̃жа бхигку уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и? д̇ад̇т̇а гад̇амз уббаннаа баабагаа агусалаа д̇хаммаа? д̇ийн̣и агусаламуулаани – лобхо, д̣̇осо, мохо. д̇ад̣̇згадтаа жа гилзсаа. д̇ам̣самбаяуд̇д̇о взд̣̇анаагканд̇хо, сан̃н̃аагканд̇хо, сан̇каарагканд̇хо, вин̃н̃аан̣агканд̇хо, д̇ам̣самудтаанам̣ гааяагаммам̣ важийгаммам̣ маногаммам̣ – имз вужжанд̇и ‘‘уббаннаа баабагаа агусалаа д̇хаммаа’’. ид̇и имзсам̣ уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и.
397. Kathañca bhikkhu uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati? Tattha katame uppannā pāpakā akusalā dhammā? Tīṇi akusalamūlāni – lobho, doso, moho. Tadekaṭṭhā ca kilesā. Taṃsampayutto vedanākkhandho, saññākkhandho, saṅkhārakkhandho, viññāṇakkhandho, taṃsamuṭṭhānaṃ kāyakammaṃ vacīkammaṃ manokammaṃ – ime vuccanti ‘‘uppannā pāpakā akusalā dhammā’’. Iti imesaṃ uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati.
398. чанд̣̇ам̣ ж̇анзд̇ийд̇и. д̇ад̇т̇а гад̇амо чанд̣̇о? яо чанд̣̇о чанд̣̇игад̇аа гад̇д̇угамяад̇аа гусало д̇хаммажчанд̣̇о – аяам̣ вужжад̇и ‘‘чанд̣̇о’’. имам̣ чанд̣̇ам̣ ж̇анзд̇и сан̃ж̇анзд̇и удтабзд̇и самудтабзд̇и ниб̣б̣ад̇д̇зд̇и абхиниб̣б̣ад̇д̇зд̇и. д̇зна вужжад̇и ‘‘чанд̣̇ам̣ ж̇анзд̇ий’’д̇и.
398. Chandaṃ janetīti. Tattha katamo chando? Yo chando chandikatā kattukamyatā kusalo dhammacchando – ayaṃ vuccati ‘‘chando’’. Imaṃ chandaṃ janeti sañjaneti uṭṭhapeti samuṭṭhapeti nibbatteti abhinibbatteti. Tena vuccati ‘‘chandaṃ janetī’’ti.
399. вааяамад̇ийд̇и. д̇ад̇т̇а гад̇амо вааяаамо? яо жзд̇асиго вийрияаарамбхо…бз… саммаавааяаамо – аяам̣ вужжад̇и ‘‘вааяаамо’’. иминаа вааяаамзна убзд̇о ход̇и…бз… саманнааг̇ад̇о. д̇зна вужжад̇и ‘‘вааяамад̇ий’’д̇и.
399. Vāyamatīti. Tattha katamo vāyāmo? Yo cetasiko vīriyārambho…pe… sammāvāyāmo – ayaṃ vuccati ‘‘vāyāmo’’. Iminā vāyāmena upeto hoti…pe… samannāgato. Tena vuccati ‘‘vāyamatī’’ti.
400. вийрияам̣ аарабхад̇ийд̇и. д̇ад̇т̇а гад̇амам̣ вийрияам̣? яо жзд̇асиго вийрияаарамбхо…бз… саммаавааяаамо – ид̣̇ам̣ вужжад̇и ‘‘вийрияам̣’’. имам̣ вийрияам̣ аарабхад̇и самаарабхад̇и аасзвад̇и бхаавзд̇и б̣ахулийгарод̇и. д̇зна вужжад̇и ‘‘вийрияам̣ аарабхад̇ий’’д̇и.
400. Vīriyaṃ ārabhatīti. Tattha katamaṃ vīriyaṃ? Yo cetasiko vīriyārambho…pe… sammāvāyāmo – idaṃ vuccati ‘‘vīriyaṃ’’. Imaṃ vīriyaṃ ārabhati samārabhati āsevati bhāveti bahulīkaroti. Tena vuccati ‘‘vīriyaṃ ārabhatī’’ti.
401. жид̇д̇ам̣ баг̇г̇ан̣хаад̇ийд̇и. д̇ад̇т̇а гад̇амам̣ жид̇д̇ам̣? яам̣ жид̇д̇ам̣ мано маанасам̣…бз… д̇аж̇ж̇аамановин̃н̃аан̣ад̇хаад̇у – ид̣̇ам̣ вужжад̇и ‘‘жид̇д̇ам̣’’. имам̣ жид̇д̇ам̣ баг̇г̇ан̣хаад̇и самбаг̇г̇ан̣хаад̇и убад̇т̇амбхзд̇и бажжубад̇т̇амбхзд̇и. д̇зна вужжад̇и ‘‘жид̇д̇ам̣ баг̇г̇ан̣хаад̇ий’’д̇и.
401. Cittaṃ paggaṇhātīti. Tattha katamaṃ cittaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘cittaṃ’’. Imaṃ cittaṃ paggaṇhāti sampaggaṇhāti upatthambheti paccupatthambheti. Tena vuccati ‘‘cittaṃ paggaṇhātī’’ti.
402. бад̣̇ахад̇ийд̇и. д̇ад̇т̇а гад̇амам̣ бад̇хаанам̣? яо жзд̇асиго вийрияаарамбхо…бз… саммаавааяаамо – ид̣̇ам̣ вужжад̇и ‘‘бад̇хаанам̣’’. иминаа бад̇хаанзна убзд̇о ход̇и…бз… саманнааг̇ад̇о. д̇зна вужжад̇и ‘‘бад̣̇ахад̇ий’’д̇и.
402. Padahatīti. Tattha katamaṃ padhānaṃ? Yo cetasiko vīriyārambho…pe… sammāvāyāmo – idaṃ vuccati ‘‘padhānaṃ’’. Iminā padhānena upeto hoti…pe… samannāgato. Tena vuccati ‘‘padahatī’’ti.
403. гат̇ан̃жа бхигку ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и? д̇ад̇т̇а гад̇амз ануббаннаа гусалаа д̇хаммаа? д̇ийн̣и гусаламуулаани – алобхо, ад̣̇осо, амохо. д̇ам̣самбаяуд̇д̇о взд̣̇анаагканд̇хо, сан̃н̃аагканд̇хо, сан̇каарагканд̇хо, вин̃н̃аан̣агканд̇хо. д̇ам̣самудтаанам̣ гааяагаммам̣, важийгаммам̣, маногаммам̣ – имз вужжанд̇и ‘‘ануббаннаа гусалаа д̇хаммаа’’. ид̇и имзсам̣ ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и.
403. Kathañca bhikkhu anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati? Tattha katame anuppannā kusalā dhammā? Tīṇi kusalamūlāni – alobho, adoso, amoho. Taṃsampayutto vedanākkhandho, saññākkhandho, saṅkhārakkhandho, viññāṇakkhandho. Taṃsamuṭṭhānaṃ kāyakammaṃ, vacīkammaṃ, manokammaṃ – ime vuccanti ‘‘anuppannā kusalā dhammā’’. Iti imesaṃ anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati.
404. чанд̣̇ам̣ ж̇анзд̇ийд̇и…бз… вааяамад̇ийд̇и…бз… вийрияам̣ аарабхад̇ийд̇и…бз… жид̇д̇ам̣ баг̇г̇ан̣хаад̇ийд̇и…бз… бад̣̇ахад̇ийд̇и. д̇ад̇т̇а гад̇амам̣ бад̇хаанам̣? яо жзд̇асиго вийрияаарамбхо …бз… саммаавааяаамо – ид̣̇ам̣ вужжад̇и ‘‘бад̇хаанам̣’’. иминаа бад̇хаанзна убзд̇о ход̇и…бз… саманнааг̇ад̇о. д̇зна вужжад̇и ‘‘бад̣̇ахад̇ий’’д̇и.
404. Chandaṃ janetīti…pe… vāyamatīti…pe… vīriyaṃ ārabhatīti…pe… cittaṃ paggaṇhātīti…pe… padahatīti. Tattha katamaṃ padhānaṃ? Yo cetasiko vīriyārambho …pe… sammāvāyāmo – idaṃ vuccati ‘‘padhānaṃ’’. Iminā padhānena upeto hoti…pe… samannāgato. Tena vuccati ‘‘padahatī’’ti.
405. гат̇ан̃жа бхигку уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и? д̇ад̇т̇а гад̇амз уббаннаа гусалаа д̇хаммаа? д̇ийн̣и гусаламуулаани – алобхо, ад̣̇осо, амохо. д̇ам̣самбаяуд̇д̇о взд̣̇анаагканд̇хо, сан̃н̃аагканд̇хо, сан̇каарагканд̇хо, вин̃н̃аан̣агканд̇хо , д̇ам̣самудтаанам̣ гааяагаммам̣ важийгаммам̣ маногаммам̣ – имз вужжанд̇и ‘‘уббаннаа гусалаа д̇хаммаа’’. ид̇и имзсам̣ уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и.
405. Kathañca bhikkhu uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati? Tattha katame uppannā kusalā dhammā? Tīṇi kusalamūlāni – alobho, adoso, amoho. Taṃsampayutto vedanākkhandho, saññākkhandho, saṅkhārakkhandho, viññāṇakkhandho , taṃsamuṭṭhānaṃ kāyakammaṃ vacīkammaṃ manokammaṃ – ime vuccanti ‘‘uppannā kusalā dhammā’’. Iti imesaṃ uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati.
406. тид̇ияаад̇и. яаа тид̇и со асаммосо, яо асаммосо со бхияяобхааво , яо бхияяобхааво д̇ам̣ взбуллам̣, яам̣ взбуллам̣ саа бхааванаа, яаа бхааванаа саа баарибуурий.
406. Ṭhitiyāti. Yā ṭhiti so asammoso, yo asammoso so bhiyyobhāvo , yo bhiyyobhāvo taṃ vepullaṃ, yaṃ vepullaṃ sā bhāvanā, yā bhāvanā sā pāripūrī.
407. чанд̣̇ам̣ ж̇анзд̇ийд̇и…бз… вааяамад̇ийд̇и…бз… вийрияам̣ аарабхад̇ийд̇и…бз… жид̇д̇ам̣ баг̇г̇ан̣хаад̇ийд̇и…бз… бад̣̇ахад̇ийд̇и. д̇ад̇т̇а гад̇амам̣ бад̇хаанам̣? яо жзд̇асиго вийрияаарамбхо…бз… саммаавааяаамо – ид̣̇ам̣ вужжад̇и ‘‘бад̇хаанам̣’’. иминаа бад̇хаанзна убзд̇о ход̇и…бз… саманнааг̇ад̇о. д̇зна вужжад̇и ‘‘бад̣̇ахад̇ий’’д̇и.
407. Chandaṃ janetīti…pe… vāyamatīti…pe… vīriyaṃ ārabhatīti…pe… cittaṃ paggaṇhātīti…pe… padahatīti. Tattha katamaṃ padhānaṃ? Yo cetasiko vīriyārambho…pe… sammāvāyāmo – idaṃ vuccati ‘‘padhānaṃ’’. Iminā padhānena upeto hoti…pe… samannāgato. Tena vuccati ‘‘padahatī’’ti.
суд̇д̇анд̇абхааж̇анийяам̣.
Suttantabhājanīyaṃ.
2. абхид̇хаммабхааж̇анийяам̣
2. Abhidhammabhājanīyaṃ
408. жад̇д̇ааро саммаббад̇хаанаа – ид̇ха бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и.
408. Cattāro sammappadhānā – idha bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati, uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati, anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati, uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati.
409. гат̇ан̃жа бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и? ид̇ха бхигку яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа батамааяа бхуумияаа бад̇д̇ияаа вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣, д̇асмим̣ самаяз ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и.
409. Kathañca bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati? Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi…pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ, tasmiṃ samaye anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati.
410. чанд̣̇ам̣ ж̇анзд̇ийд̇и. д̇ад̇т̇а гад̇амо чанд̣̇о? яо чанд̣̇о чанд̣̇игад̇аа гад̇д̇угамяад̇аа гусало д̇хаммажчанд̣̇о – аяам̣ вужжад̇и ‘‘чанд̣̇о’’. имам̣ чанд̣̇ам̣ ж̇анзд̇и сан̃ж̇анзд̇и удтабзд̇и самудтабзд̇и ниб̣б̣ад̇д̇зд̇и абхиниб̣б̣ад̇д̇зд̇и. д̇зна вужжад̇и ‘‘чанд̣̇ам̣ ж̇анзд̇ий’’д̇и.
410. Chandaṃ janetīti. Tattha katamo chando? Yo chando chandikatā kattukamyatā kusalo dhammacchando – ayaṃ vuccati ‘‘chando’’. Imaṃ chandaṃ janeti sañjaneti uṭṭhapeti samuṭṭhapeti nibbatteti abhinibbatteti. Tena vuccati ‘‘chandaṃ janetī’’ti.
411. вааяамад̇ийд̇и. д̇ад̇т̇а гад̇амо вааяаамо? яо жзд̇асиго вийрияаарамбхо…бз… саммаавааяаамо вийрияасамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – аяам̣ вужжад̇и ‘‘вааяаамо’’. иминаа вааяаамзна убзд̇о ход̇и самубзд̇о убааг̇ад̇о самубааг̇ад̇о убабанно самбанно саманнааг̇ад̇о. д̇зна вужжад̇и ‘‘вааяамад̇ий’’д̇и.
411. Vāyamatīti. Tattha katamo vāyāmo? Yo cetasiko vīriyārambho…pe… sammāvāyāmo vīriyasambojjhaṅgo maggaṅgaṃ maggapariyāpannaṃ – ayaṃ vuccati ‘‘vāyāmo’’. Iminā vāyāmena upeto hoti samupeto upāgato samupāgato upapanno sampanno samannāgato. Tena vuccati ‘‘vāyamatī’’ti.
412. вийрияам̣ аарабхад̇ийд̇и. д̇ад̇т̇а гад̇амам̣ вийрияам̣? яо жзд̇асиго вийрияаарамбхо…бз… саммаавааяаамо вийрияасамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – ид̣̇ам̣ вужжад̇и ‘‘вийрияам̣’’. имам̣ вийрияам̣ аарабхад̇и самаарабхад̇и аасзвад̇и бхаавзд̇и б̣ахулийгарод̇и. д̇зна вужжад̇и ‘‘вийрияам̣ аарабхад̇ий’’д̇и.
412. Vīriyaṃ ārabhatīti. Tattha katamaṃ vīriyaṃ? Yo cetasiko vīriyārambho…pe… sammāvāyāmo vīriyasambojjhaṅgo maggaṅgaṃ maggapariyāpannaṃ – idaṃ vuccati ‘‘vīriyaṃ’’. Imaṃ vīriyaṃ ārabhati samārabhati āsevati bhāveti bahulīkaroti. Tena vuccati ‘‘vīriyaṃ ārabhatī’’ti.
413. жид̇д̇ам̣ баг̇г̇ан̣хаад̇ийд̇и. д̇ад̇т̇а гад̇амам̣ жид̇д̇ам̣? яам̣ жид̇д̇ам̣ мано маанасам̣…бз… д̇аж̇ж̇аамановин̃н̃аан̣ад̇хаад̇у – ид̣̇ам̣ вужжад̇и ‘‘жид̇д̇ам̣’’. имам̣ жид̇д̇ам̣ баг̇г̇ан̣хаад̇и самбаг̇г̇ан̣хаад̇и убад̇т̇амбхзд̇и бажжубад̇т̇амбхзд̇и. д̇зна вужжад̇и ‘‘жид̇д̇ам̣ баг̇г̇ан̣хаад̇ий’’д̇и.
413. Cittaṃ paggaṇhātīti. Tattha katamaṃ cittaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘cittaṃ’’. Imaṃ cittaṃ paggaṇhāti sampaggaṇhāti upatthambheti paccupatthambheti. Tena vuccati ‘‘cittaṃ paggaṇhātī’’ti.
414. бад̣̇ахад̇ийд̇и. д̇ад̇т̇а гад̇амам̣ саммаббад̇хаанам̣? яо жзд̇асиго вийрияаарамбхо…бз… саммаавааяаамо вийрияасамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – ид̣̇ам̣ вужжад̇и ‘‘саммаббад̇хаанам̣’’. авасзсаа д̇хаммаа саммаббад̇хаанасамбаяуд̇д̇аа.
414. Padahatīti. Tattha katamaṃ sammappadhānaṃ? Yo cetasiko vīriyārambho…pe… sammāvāyāmo vīriyasambojjhaṅgo maggaṅgaṃ maggapariyāpannaṃ – idaṃ vuccati ‘‘sammappadhānaṃ’’. Avasesā dhammā sammappadhānasampayuttā.
415. гат̇ан̃жа бхигку уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и? ид̇ха бхигку яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа батамааяа бхуумияаа бад̇д̇ияаа вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣, д̇асмим̣ самаяз уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и.
415. Kathañca bhikkhu uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati? Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi…pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ, tasmiṃ samaye uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati.
416. чанд̣̇ам̣ ж̇анзд̇ийд̇и…бз… вааяамад̇ийд̇и…бз… вийрияам̣ аарабхад̇ийд̇и…бз… жид̇д̇ам̣ баг̇г̇ан̣хаад̇ийд̇и…бз… бад̣̇ахад̇ийд̇и. д̇ад̇т̇а гад̇амам̣ саммаббад̇хаанам̣? яо жзд̇асиго вийрияаарамбхо…бз… саммаавааяаамо вийрияасамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – ид̣̇ам̣ вужжад̇и ‘‘саммаббад̇хаанам̣’’. авасзсаа д̇хаммаа саммаббад̇хаанасамбаяуд̇д̇аа.
416. Chandaṃ janetīti…pe… vāyamatīti…pe… vīriyaṃ ārabhatīti…pe… cittaṃ paggaṇhātīti…pe… padahatīti. Tattha katamaṃ sammappadhānaṃ? Yo cetasiko vīriyārambho…pe… sammāvāyāmo vīriyasambojjhaṅgo maggaṅgaṃ maggapariyāpannaṃ – idaṃ vuccati ‘‘sammappadhānaṃ’’. Avasesā dhammā sammappadhānasampayuttā.
417. гат̇ан̃жа бхигку ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и? ид̇ха бхигку яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа батамааяа бхуумияаа бад̇д̇ияаа вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣, д̇асмим̣ самаяз ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и.
417. Kathañca bhikkhu anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati? Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi…pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ, tasmiṃ samaye anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati.
418. чанд̣̇ам̣ ж̇анзд̇ийд̇и…бз… вааяамад̇ийд̇и…бз… вийрияам̣ аарабхад̇ийд̇и…бз… жид̇д̇ам̣ баг̇г̇ан̣хаад̇ийд̇и…бз… бад̣̇ахад̇ийд̇и. д̇ад̇т̇а гад̇амам̣ саммаббад̇хаанам̣? яо жзд̇асиго вийрияаарамбхо …бз… саммаавааяаамо вийрияасамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – ид̣̇ам̣ вужжад̇и ‘‘саммаббад̇хаанам̣’’. авасзсаа д̇хаммаа саммаббад̇хаанасамбаяуд̇д̇аа.
418. Chandaṃ janetīti…pe… vāyamatīti…pe… vīriyaṃ ārabhatīti…pe… cittaṃ paggaṇhātīti…pe… padahatīti. Tattha katamaṃ sammappadhānaṃ? Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṃ maggapariyāpannaṃ – idaṃ vuccati ‘‘sammappadhānaṃ’’. Avasesā dhammā sammappadhānasampayuttā.
419. гат̇ан̃жа бхигку уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и? ид̇ха бхигку яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа батамааяа бхуумияаа бад̇д̇ияаа вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣, д̇асмим̣ самаяз уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и.
419. Kathañca bhikkhu uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati? Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi…pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ, tasmiṃ samaye uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati.
420. тид̇ияаад̇и . яаа тид̇и со асаммосо, яо асаммосо со бхияяобхааво, яо бхияяобхааво д̇ам̣ взбуллам̣, яам̣ взбуллам̣ саа бхааванаа, яаа бхааванаа саа баарибуурий.
420. Ṭhitiyāti . Yā ṭhiti so asammoso, yo asammoso so bhiyyobhāvo, yo bhiyyobhāvo taṃ vepullaṃ, yaṃ vepullaṃ sā bhāvanā, yā bhāvanā sā pāripūrī.
421. чанд̣̇ам̣ ж̇анзд̇ийд̇и. д̇ад̇т̇а гад̇амо чанд̣̇о? яо чанд̣̇о чанд̣̇игад̇аа гад̇д̇угамяад̇аа гусало д̇хаммажчанд̣̇о – аяам̣ вужжад̇и ‘‘чанд̣̇о’’. имам̣ чанд̣̇ам̣ ж̇анзд̇и сан̃ж̇анзд̇и удтабзд̇и самудтабзд̇и ниб̣б̣ад̇д̇зд̇и абхиниб̣б̣ад̇д̇зд̇и. д̇зна вужжад̇и ‘‘чанд̣̇ам̣ ж̇анзд̇ий’’д̇и.
421. Chandaṃ janetīti. Tattha katamo chando? Yo chando chandikatā kattukamyatā kusalo dhammacchando – ayaṃ vuccati ‘‘chando’’. Imaṃ chandaṃ janeti sañjaneti uṭṭhapeti samuṭṭhapeti nibbatteti abhinibbatteti. Tena vuccati ‘‘chandaṃ janetī’’ti.
422. вааяамад̇ийд̇и. д̇ад̇т̇а гад̇амо вааяаамо? яо жзд̇асиго вийрияаарамбхо…бз… саммаавааяаамо вийрияасамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – аяам̣ вужжад̇и ‘‘вааяаамо’’. иминаа вааяаамзна убзд̇о ход̇и…бз… саманнааг̇ад̇о. д̇зна вужжад̇и ‘‘вааяамад̇ий’’д̇и.
422. Vāyamatīti. Tattha katamo vāyāmo? Yo cetasiko vīriyārambho…pe… sammāvāyāmo vīriyasambojjhaṅgo maggaṅgaṃ maggapariyāpannaṃ – ayaṃ vuccati ‘‘vāyāmo’’. Iminā vāyāmena upeto hoti…pe… samannāgato. Tena vuccati ‘‘vāyamatī’’ti.
423. вийрияам̣ аарабхад̇ийд̇и. д̇ад̇т̇а гад̇амам̣ вийрияам̣? яо жзд̇асиго вийрияаарамбхо…бз… саммаавааяаамо вийрияасамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – ид̣̇ам̣ вужжад̇и ‘‘вийрияам̣’’. имам̣ вийрияам̣ аарабхад̇и самаарабхад̇и аасзвад̇и бхаавзд̇и б̣ахулийгарод̇и. д̇зна вужжад̇и ‘‘вийрияам̣ аарабхад̇ий’’д̇и.
423. Vīriyaṃ ārabhatīti. Tattha katamaṃ vīriyaṃ? Yo cetasiko vīriyārambho…pe… sammāvāyāmo vīriyasambojjhaṅgo maggaṅgaṃ maggapariyāpannaṃ – idaṃ vuccati ‘‘vīriyaṃ’’. Imaṃ vīriyaṃ ārabhati samārabhati āsevati bhāveti bahulīkaroti. Tena vuccati ‘‘vīriyaṃ ārabhatī’’ti.
424. жид̇д̇ам̣ баг̇г̇ан̣хаад̇ийд̇и. д̇ад̇т̇а гад̇амам̣ жид̇д̇ам̣? яам̣ жид̇д̇ам̣ мано маанасам̣…бз… д̇аж̇ж̇аамановин̃н̃аан̣ад̇хаад̇у – ид̣̇ам̣ вужжад̇и ‘‘жид̇д̇ам̣’’. имам̣ жид̇д̇ам̣ баг̇г̇ан̣хаад̇и самбаг̇г̇ан̣хаад̇и убад̇т̇амбхзд̇и бажжубад̇т̇амбхзд̇и. д̇зна вужжад̇и ‘‘жид̇д̇ам̣ баг̇г̇ан̣хаад̇ий’’д̇и.
424. Cittaṃ paggaṇhātīti. Tattha katamaṃ cittaṃ? Yaṃ cittaṃ mano mānasaṃ…pe… tajjāmanoviññāṇadhātu – idaṃ vuccati ‘‘cittaṃ’’. Imaṃ cittaṃ paggaṇhāti sampaggaṇhāti upatthambheti paccupatthambheti. Tena vuccati ‘‘cittaṃ paggaṇhātī’’ti.
425. бад̣̇ахад̇ийд̇и. д̇ад̇т̇а гад̇амам̣ саммаббад̇хаанам̣? яо жзд̇асиго вийрияаарамбхо…бз… саммаавааяаамо вийрияасамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – ид̣̇ам̣ вужжад̇и ‘‘саммаббад̇хаанам̣’’. авасзсаа д̇хаммаа саммаббад̇хаанасамбаяуд̇д̇аа.
425. Padahatīti. Tattha katamaṃ sammappadhānaṃ? Yo cetasiko vīriyārambho…pe… sammāvāyāmo vīriyasambojjhaṅgo maggaṅgaṃ maggapariyāpannaṃ – idaṃ vuccati ‘‘sammappadhānaṃ’’. Avasesā dhammā sammappadhānasampayuttā.
426. д̇ад̇т̇а гад̇амам̣ саммаббад̇хаанам̣? ид̇ха бхигку яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа батамааяа бхуумияаа бад̇д̇ияаа вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣, яо д̇асмим̣ самаяз жзд̇асиго вийрияаарамбхо…бз… саммаавааяаамо вийрияасамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – ид̣̇ам̣ вужжад̇и ‘‘саммаббад̇хаанам̣’’. авасзсаа д̇хаммаа саммаббад̇хаанасамбаяуд̇д̇аа.
426. Tattha katamaṃ sammappadhānaṃ? Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi…pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ, yo tasmiṃ samaye cetasiko vīriyārambho…pe… sammāvāyāmo vīriyasambojjhaṅgo maggaṅgaṃ maggapariyāpannaṃ – idaṃ vuccati ‘‘sammappadhānaṃ’’. Avasesā dhammā sammappadhānasampayuttā.
абхид̇хаммабхааж̇анийяам̣.
Abhidhammabhājanīyaṃ.
3. бан̃хаабужчагам̣
3. Pañhāpucchakaṃ
427. жад̇д̇ааро саммаббад̇хаанаа – ид̇ха бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, уббаннаанам̣ баабагаанам̣ агусалаанам̣ д̇хаммаанам̣ бахаанааяа…бз… ануббаннаанам̣ гусалаанам̣ д̇хаммаанам̣ уббаад̣̇ааяа…бз… уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и.
427. Cattāro sammappadhānā – idha bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati, uppannānaṃ pāpakānaṃ akusalānaṃ dhammānaṃ pahānāya…pe… anuppannānaṃ kusalānaṃ dhammānaṃ uppādāya…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati.
428. жад̇уннам̣ саммаббад̇хаанаанам̣ гад̇и гусалаа, гад̇и агусалаа, гад̇и аб̣яаагад̇аа…бз… гад̇и саран̣аа, гад̇и аран̣аа?
428. Catunnaṃ sammappadhānānaṃ kati kusalā, kati akusalā, kati abyākatā…pe… kati saraṇā, kati araṇā?
1. д̇игам̣
1. Tikaṃ
429. гусалааязва . сияаа сукааяа взд̣̇анааяа самбаяуд̇д̇аа, сияаа ад̣̇угкамасукааяа взд̣̇анааяа самбаяуд̇д̇аа. вибаагад̇хаммад̇хаммаа . анубаад̣̇иннаанубаад̣̇аанияаа. асам̣гилидтаасам̣гилзсигаа. сияаа савид̇аггасавижаараа, сияаа авид̇аггавижаарамад̇д̇аа, сияаа авид̇аггаавижаараа. сияаа бийд̇исахаг̇ад̇аа, сияаа сукасахаг̇ад̇аа, сияаа убзгкаасахаг̇ад̇аа. нзва д̣̇ассанзна на бхааванааяа бахаад̇аб̣б̣аа. нзва д̣̇ассанзна на бхааванааяа бахаад̇аб̣б̣ахзд̇угаа. абажаяаг̇аамино. сзгкаа. аббамаан̣аа. аббамаан̣аарамман̣аа. бан̣ийд̇аа. саммад̇д̇анияад̇аа. на маг̇г̇аарамман̣аа. маг̇г̇ахзд̇угаа. сияаа маг̇г̇аад̇хибад̇ино, сияаа на вад̇д̇аб̣б̣аа маг̇г̇аад̇хибад̇инод̇и. сияаа уббаннаа, сияаа ануббаннаа, на вад̇д̇аб̣б̣аа уббаад̣̇инод̇и. сияаа ад̇ийд̇аа, сияаа анааг̇ад̇аа, сияаа бажжуббаннаа. на вад̇д̇аб̣б̣аа ад̇ийд̇аарамман̣аад̇иби, анааг̇ад̇аарамман̣аад̇иби, бажжуббаннаарамман̣аад̇иби. сияаа аж̇жхад̇д̇аа, сияаа б̣ахид̣̇д̇хаа, сияаа аж̇жхад̇д̇аб̣ахид̣̇д̇хаа. б̣ахид̣̇д̇хаарамман̣аа. анид̣̇ассанааббадигхаа.
429. Kusalāyeva . Siyā sukhāya vedanāya sampayuttā, siyā adukkhamasukhāya vedanāya sampayuttā. Vipākadhammadhammā . Anupādinnaanupādāniyā. Asaṃkiliṭṭhaasaṃkilesikā. Siyā savitakkasavicārā, siyā avitakkavicāramattā, siyā avitakkaavicārā. Siyā pītisahagatā, siyā sukhasahagatā, siyā upekkhāsahagatā. Neva dassanena na bhāvanāya pahātabbā. Neva dassanena na bhāvanāya pahātabbahetukā. Apacayagāmino. Sekkhā. Appamāṇā. Appamāṇārammaṇā. Paṇītā. Sammattaniyatā. Na maggārammaṇā. Maggahetukā. Siyā maggādhipatino, siyā na vattabbā maggādhipatinoti. Siyā uppannā, siyā anuppannā, na vattabbā uppādinoti. Siyā atītā, siyā anāgatā, siyā paccuppannā. Na vattabbā atītārammaṇātipi, anāgatārammaṇātipi, paccuppannārammaṇātipi. Siyā ajjhattā, siyā bahiddhā, siyā ajjhattabahiddhā. Bahiddhārammaṇā. Anidassanaappaṭighā.
2. д̣̇угам̣
2. Dukaṃ
430. на хзд̇уу. сахзд̇угаа. хзд̇усамбаяуд̇д̇аа. на вад̇д̇аб̣б̣аа хзд̇уу жзва сахзд̇угаа жаад̇и, сахзд̇угаа жзва на жа хзд̇уу. на вад̇д̇аб̣б̣аа хзд̇уу жзва хзд̇усамбаяуд̇д̇аа жаад̇и, хзд̇усамбаяуд̇д̇аа жзва на жа хзд̇уу. на хзд̇уу сахзд̇угаа. саббажжаяаа. сан̇кад̇аа. анид̣̇ассанаа. аббадигхаа. аруубаа . логуд̇д̇араа. гзнажи вин̃н̃зяяаа, гзнажи на вин̃н̃зяяаа. но аасаваа. анаасаваа. аасававиббаяуд̇д̇аа. на вад̇д̇аб̣б̣аа аасаваа жзва саасаваа жаад̇иби, саасаваа жзва но жа аасаваад̇иби. на вад̇д̇аб̣б̣аа аасаваа жзва аасавасамбаяуд̇д̇аа жаад̇иби, аасавасамбаяуд̇д̇аа жзва но жа аасаваад̇иби. аасававиббаяуд̇д̇аа. анаасаваа. но сам̣яож̇анаа…бз… но г̇ант̇аа…бз… но огхаа…бз… но яог̇аа…бз… но нийваран̣аа…бз… но бараамаасаа…бз… саарамман̣аа. но жид̇д̇аа. жзд̇асигаа. жид̇д̇асамбаяуд̇д̇аа. жид̇д̇асам̣садтаа. жид̇д̇асамудтаанаа. жид̇д̇асахабхуно. жид̇д̇аанубаривад̇д̇ино. жид̇д̇асам̣садтасамудтаанаа. жид̇д̇асам̣садтасамудтаанасахабхуно. жид̇д̇асам̣садтасамудтаанаанубаривад̇д̇ино. б̣аахираа. но убаад̣̇аа. анубаад̣̇иннаа. но убаад̣̇аанаа…бз… но гилзсаа…бз… на д̣̇ассанзна бахаад̇аб̣б̣аа. на бхааванааяа бахаад̇аб̣б̣аа. на д̣̇ассанзна бахаад̇аб̣б̣ахзд̇угаа. на бхааванааяа бахаад̇аб̣б̣ахзд̇угаа. сияаа савид̇аггаа, сияаа авид̇аггаа . сияаа савижаараа, сияаа авижаараа. сияаа саббийд̇игаа, сияаа аббийд̇игаа. сияаа бийд̇исахаг̇ад̇аа, сияаа на бийд̇исахаг̇ад̇аа. сияаа сукасахаг̇ад̇аа, сияаа на сукасахаг̇ад̇аа. сияаа убзгкаасахаг̇ад̇аа, сияаа на убзгкаасахаг̇ад̇аа. на гаамааважараа. на руубааважараа. на аруубааважараа. абарияаабаннаа. нияяаанигаа. нияад̇аа. ануд̇д̇араа. аран̣аад̇и.
430. Na hetū. Sahetukā. Hetusampayuttā. Na vattabbā hetū ceva sahetukā cāti, sahetukā ceva na ca hetū. Na vattabbā hetū ceva hetusampayuttā cāti, hetusampayuttā ceva na ca hetū. Na hetū sahetukā. Sappaccayā. Saṅkhatā. Anidassanā. Appaṭighā. Arūpā . Lokuttarā. Kenaci viññeyyā, kenaci na viññeyyā. No āsavā. Anāsavā. Āsavavippayuttā. Na vattabbā āsavā ceva sāsavā cātipi, sāsavā ceva no ca āsavātipi. Na vattabbā āsavā ceva āsavasampayuttā cātipi, āsavasampayuttā ceva no ca āsavātipi. Āsavavippayuttā. Anāsavā. No saṃyojanā…pe… no ganthā…pe… no oghā…pe… no yogā…pe… no nīvaraṇā…pe… no parāmāsā…pe… sārammaṇā. No cittā. Cetasikā. Cittasampayuttā. Cittasaṃsaṭṭhā. Cittasamuṭṭhānā. Cittasahabhuno. Cittānuparivattino. Cittasaṃsaṭṭhasamuṭṭhānā. Cittasaṃsaṭṭhasamuṭṭhānasahabhuno. Cittasaṃsaṭṭhasamuṭṭhānānuparivattino. Bāhirā. No upādā. Anupādinnā. No upādānā…pe… no kilesā…pe… na dassanena pahātabbā. Na bhāvanāya pahātabbā. Na dassanena pahātabbahetukā. Na bhāvanāya pahātabbahetukā. Siyā savitakkā, siyā avitakkā . Siyā savicārā, siyā avicārā. Siyā sappītikā, siyā appītikā. Siyā pītisahagatā, siyā na pītisahagatā. Siyā sukhasahagatā, siyā na sukhasahagatā. Siyā upekkhāsahagatā, siyā na upekkhāsahagatā. Na kāmāvacarā. Na rūpāvacarā. Na arūpāvacarā. Apariyāpannā. Niyyānikā. Niyatā. Anuttarā. Araṇāti.
бан̃хаабужчагам̣.
Pañhāpucchakaṃ.
саммаббад̇хаанавибхан̇г̇о нидтид̇о.
Sammappadhānavibhaṅgo niṭṭhito.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. суд̇д̇анд̇абхааж̇анийяаван̣н̣анаа • 1. Suttantabhājanīyavaṇṇanā
2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
3. бан̃хаабужчагаван̣н̣анаа • 3. Pañhāpucchakavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 8. саммаббад̇хаанавибхан̇г̇о • 8. Sammappadhānavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 8. саммаббад̇хаанавибхан̇г̇о • 8. Sammappadhānavibhaṅgo
