| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
3. සම්‌මාසමාධිසුත්‌තං
3. Sammāsamādhisuttaṃ
113. ‘‘පඤ්‌චහි, භික්‌ඛවෙ, ධම්‌මෙහි සමන්‌නාගතො භික්‌ඛු අභබ්‌බො සම්‌මාසමාධිං උපසම්‌පජ්‌ජ විහරිතුං. කතමෙහි පඤ්‌චහි? ඉධ, භික්‌ඛවෙ, භික්‌ඛු අක්‌ඛමො හොති රූපානං, අක්‌ඛමො සද්‌දානං, අක්‌ඛමො ගන්‌ධානං, අක්‌ඛමො රසානං, අක්‌ඛමො ඵොට්‌ඨබ්‌බානං. ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො භික්‌ඛු අභබ්‌බො සම්‌මාසමාධිං උපසම්‌පජ්‌ජ විහරිතුං.
113. ‘‘Pañcahi, bhikkhave, dhammehi samannāgato bhikkhu abhabbo sammāsamādhiṃ upasampajja viharituṃ. Katamehi pañcahi? Idha, bhikkhave, bhikkhu akkhamo hoti rūpānaṃ, akkhamo saddānaṃ, akkhamo gandhānaṃ, akkhamo rasānaṃ, akkhamo phoṭṭhabbānaṃ. Imehi kho, bhikkhave, pañcahi dhammehi samannāgato bhikkhu abhabbo sammāsamādhiṃ upasampajja viharituṃ.
‘‘පඤ්‌චහි, භික්‌ඛවෙ, ධම්‌මෙහි සමන්‌නාගතො භික්‌ඛු භබ්‌බො සම්‌මාසමාධිං උපසම්‌පජ්‌ජ විහරිතුං. කතමෙහි පඤ්‌චහි? ඉධ , භික්‌ඛවෙ, භික්‌ඛු ඛමො හොති රූපානං, ඛමො සද්‌දානං, ඛමො ගන්‌ධානං, ඛමො රසානං, ඛමො ඵොට්‌ඨබ්‌බානං. ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො භික්‌ඛු භබ්‌බො සම්‌මාසමාධිං උපසම්‌පජ්‌ජ විහරිතු’’න්‌ති. තතියං.
‘‘Pañcahi, bhikkhave, dhammehi samannāgato bhikkhu bhabbo sammāsamādhiṃ upasampajja viharituṃ. Katamehi pañcahi? Idha , bhikkhave, bhikkhu khamo hoti rūpānaṃ, khamo saddānaṃ, khamo gandhānaṃ, khamo rasānaṃ, khamo phoṭṭhabbānaṃ. Imehi kho, bhikkhave, pañcahi dhammehi samannāgato bhikkhu bhabbo sammāsamādhiṃ upasampajja viharitu’’nti. Tatiyaṃ.
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-4. කුලූපකසුත්‌තාදිවණ්‌ණනා • 1-4. Kulūpakasuttādivaṇṇanā
