| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. සම්‌මාසම්‌බුද්‌ධසුත්‌තං
3. Sammāsambuddhasuttaṃ
1093. සාවත්‌ථිනිදානං. චත්‌තාරිමානි, භික්‌ඛවෙ, අරියසච්‌චානි. කතමානි චත්‌තාරි? දුක්‌ඛං අරියසච්‌චං…පෙ.… දුක්‌ඛනිරොධගාමිනී පටිපදා අරියසච්‌චං – ඉමානි ඛො, භික්‌ඛවෙ, චත්‌තාරි අරියසච්‌චානි. ඉමෙසං ඛො, භික්‌ඛවෙ, චතුන්‌නං අරියසච්‌චානං යථාභූතං අභිසම්‌බුද්‌ධත්‌තා තථාගතො ‘අරහං සම්‌මාසම්‌බුද්‌ධො’ති වුච්‌චති.
1093. Sāvatthinidānaṃ. Cattārimāni, bhikkhave, ariyasaccāni. Katamāni cattāri? Dukkhaṃ ariyasaccaṃ…pe… dukkhanirodhagāminī paṭipadā ariyasaccaṃ – imāni kho, bhikkhave, cattāri ariyasaccāni. Imesaṃ kho, bhikkhave, catunnaṃ ariyasaccānaṃ yathābhūtaṃ abhisambuddhattā tathāgato ‘arahaṃ sammāsambuddho’ti vuccati.
‘‘තස්‌මාතිහ, භික්‌ඛවෙ, ‘ඉදං දුක්‌ඛ’න්‌ති යොගො කරණීයො…පෙ.… ‘අයං දුක්‌ඛනිරොධගාමිනී පටිපදා’ති යොගො කරණීයො’’ති. තතියං.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Tatiyaṃ.
