| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. саммаасамб̣уд̣̇д̇хасуд̇д̇аван̣н̣анаа
6. Sammāsambuddhasuttavaṇṇanā
58. ад̇хигам̣ сависзсам̣ баяасад̇и баяун̃ж̇ад̇и зд̇знаад̇и ад̇хиббаяаасо, висидтабаяог̇о. д̇знааха ‘‘ад̇хигабаяог̇о’’д̇и. иман̃хи маг̇г̇анд̇и адтан̇г̇игам̣ арияамаг̇г̇амааха. ид̇хаад̇и имасмим̣ суд̇д̇з. авад̇д̇амаанадтзнаад̇и б̣уд̣̇д̇хуббаад̣̇ад̇о буб̣б̣з на вад̇д̇амаанабхаавзна. маг̇г̇ам̣ ж̇аанаад̇ийд̇и самуд̣̇ааг̇амад̇о бадтааяа сабуб̣б̣абхааг̇ам̣ сасамбхаарависаяам̣ сапалам̣ сауд̣̇раяам̣ арияам̣ маг̇г̇ам̣ ж̇аанаад̇и аваб̣уж̇жхад̇ийд̇и маг̇г̇ан̃н̃уу. вид̣̇ид̇анд̇и ан̃н̃зсамби н̃аад̇ам̣ бадилад̣̇д̇хам̣ хад̇т̇ад̇алз аамалагам̣ вияа баагадам̣ агааси, д̇ат̇аа гад̇ваа д̣̇зсзси. амаг̇г̇з бариваж̇ж̇анзна маг̇г̇з бадибад̇д̇ийд̇и д̇асса маг̇г̇агусалад̇аа вияа амаг̇г̇агусалад̇ааби ижчид̇аб̣б̣аад̇и ааха ‘‘маг̇г̇з жа амаг̇г̇з жа говид̣̇о’’д̇и. ахам̣ батамам̣ г̇ад̇од̇и ахам̣ батамамаг̇г̇зна саманнааг̇ад̇о.
58. Adhikaṃ savisesaṃ payasati payuñjati etenāti adhippayāso, visiṭṭhapayogo. Tenāha ‘‘adhikapayogo’’ti. Imañhi magganti aṭṭhaṅgikaṃ ariyamaggamāha. Idhāti imasmiṃ sutte. Avattamānaṭṭhenāti buddhuppādato pubbe na vattamānabhāvena. Maggaṃ jānātīti samudāgamato paṭṭhāya sapubbabhāgaṃ sasambhāravisayaṃ saphalaṃ saudrayaṃ ariyaṃ maggaṃ jānāti avabujjhatīti maggaññū. Viditanti aññesampi ñātaṃ paṭiladdhaṃ hatthatale āmalakaṃ viya pākaṭaṃ akāsi, tathā katvā desesi. Amagge parivajjanena magge paṭipattīti tassa maggakusalatā viya amaggakusalatāpi icchitabbāti āha ‘‘magge ca amagge ca kovido’’ti. Ahaṃ paṭhamaṃ gatoti ahaṃ paṭhamamaggena samannāgato.
саммаасамб̣уд̣̇д̇хасуд̇д̇аван̣н̣анаа нидтид̇аа.
Sammāsambuddhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. саммаасамб̣уд̣̇д̇хасуд̇д̇ам̣ • 6. Sammāsambuddhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. саммаасамб̣уд̣̇д̇хасуд̇д̇аван̣н̣анаа • 6. Sammāsambuddhasuttavaṇṇanā
