| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๖. สมฺมาสมฺพุทฺธสุตฺตวณฺณนา
6. Sammāsambuddhasuttavaṇṇanā
๕๘. อธิกํ สวิเสสํ ปยสติ ปยุญฺชติ เอเตนาติ อธิปฺปยาโส, วิสิฎฺฐปโยโคฯ เตนาห ‘‘อธิกปโยโค’’ติฯ อิมญฺหิ มคฺคนฺติ อฎฺฐงฺคิกํ อริยมคฺคมาหฯ อิธาติ อิมสฺมิํ สุเตฺตฯ อวตฺตมานเฎฺฐนาติ พุทฺธุปฺปาทโต ปุเพฺพ น วตฺตมานภาเวนฯ มคฺคํ ชานาตีติ สมุทาคมโต ปฎฺฐาย สปุพฺพภาคํ สสมฺภารวิสยํ สผลํ สอุทฺรยํ อริยํ มคฺคํ ชานาติ อวพุชฺฌตีติ มคฺคญฺญูฯ วิทิตนฺติ อเญฺญสมฺปิ ญาตํ ปฎิลทฺธํ หตฺถตเล อามลกํ วิย ปากฎํ อกาสิ, ตถา กตฺวา เทเสสิฯ อมเคฺค ปริวชฺชเนน มเคฺค ปฎิปตฺตีติ ตสฺส มคฺคกุสลตา วิย อมคฺคกุสลตาปิ อิจฺฉิตพฺพาติ อาห ‘‘มเคฺค จ อมเคฺค จ โกวิโท’’ติฯ อหํ ปฐมํ คโตติ อหํ ปฐมมเคฺคน สมนฺนาคโตฯ
58. Adhikaṃ savisesaṃ payasati payuñjati etenāti adhippayāso, visiṭṭhapayogo. Tenāha ‘‘adhikapayogo’’ti. Imañhi magganti aṭṭhaṅgikaṃ ariyamaggamāha. Idhāti imasmiṃ sutte. Avattamānaṭṭhenāti buddhuppādato pubbe na vattamānabhāvena. Maggaṃ jānātīti samudāgamato paṭṭhāya sapubbabhāgaṃ sasambhāravisayaṃ saphalaṃ saudrayaṃ ariyaṃ maggaṃ jānāti avabujjhatīti maggaññū. Viditanti aññesampi ñātaṃ paṭiladdhaṃ hatthatale āmalakaṃ viya pākaṭaṃ akāsi, tathā katvā desesi. Amagge parivajjanena magge paṭipattīti tassa maggakusalatā viya amaggakusalatāpi icchitabbāti āha ‘‘magge ca amagge ca kovido’’ti. Ahaṃ paṭhamaṃ gatoti ahaṃ paṭhamamaggena samannāgato.
สมฺมาสมฺพุทฺธสุตฺตวณฺณนา นิฎฺฐิตาฯ
Sammāsambuddhasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๖. สมฺมาสมฺพุทฺธสุตฺตํ • 6. Sammāsambuddhasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๖. สมฺมาสมฺพุทฺธสุตฺตวณฺณนา • 6. Sammāsambuddhasuttavaṇṇanā
