| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၆. သမ္မာသမ္ဗုဒ္ဓသုတ္တဝဏ္ဏနာ
6. Sammāsambuddhasuttavaṇṇanā
၅၈. ဆဋ္ဌေ ကော အဓိပ္ပယာသောတိ ကော အဓိကပယောဂော။ အနုပ္ပန္နသ္သာတိ ဣမဉ္ဟိ မဂ္ဂံ ကသ္သပသမ္မာသမ္ဗုဒ္ဓော ဥပ္ပာဒေသိ, အန္တရာ အညော သတ္ထာ ဥပ္ပာဒေတုံ နာသက္ခိ, ဣတိ ဘဂဝာ အနုပ္ပန္နသ္သ မဂ္ဂသ္သ ဥပ္ပာဒေတာ နာမ။ နဂရောပမသ္မိဉ္ဟိ အဝဠဉ္ဇနဋ္ဌာနေသု ပုရာဏမဂ္ဂော ဇာတော, ဣဓ အဝတ္တမာနဋ္ဌေန အနုပ္ပန္နမဂ္ဂော နာမ။ အသဉ္ဇာတသ္သာတိ တသ္သေဝ ဝေဝစနံ။ အနက္ခာတသ္သာတိ အကထိတသ္သ။ မဂ္ဂံ ဇာနာတီတိ မဂ္ဂညူ။ မဂ္ဂံ ဝိဒိတံ ပာကဋံ အကာသီတိ မဂ္ဂဝိဒူ။ မဂ္ဂေ စ အမဂ္ဂေ စ ကောဝိဒောတိ မဂ္ဂကောဝိဒော။ မဂ္ဂာနုဂာတိ မဂ္ဂံ အနုဂစ္ဆန္တာ။ ပစ္ဆာ သမန္နာဂတာတိ အဟံ ပဌမံ ဂတော, သာဝကာ ပစ္ဆာ သမန္နာဂတာ။ ဆဋ္ဌံ။
58. Chaṭṭhe ko adhippayāsoti ko adhikapayogo. Anuppannassāti imañhi maggaṃ kassapasammāsambuddho uppādesi, antarā añño satthā uppādetuṃ nāsakkhi, iti bhagavā anuppannassa maggassa uppādetā nāma. Nagaropamasmiñhi avaḷañjanaṭṭhānesu purāṇamaggo jāto, idha avattamānaṭṭhena anuppannamaggo nāma. Asañjātassāti tasseva vevacanaṃ. Anakkhātassāti akathitassa. Maggaṃ jānātīti maggaññū. Maggaṃ viditaṃ pākaṭaṃ akāsīti maggavidū. Magge ca amagge ca kovidoti maggakovido. Maggānugāti maggaṃ anugacchantā. Pacchā samannāgatāti ahaṃ paṭhamaṃ gato, sāvakā pacchā samannāgatā. Chaṭṭhaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၆. သမ္မာသမ္ဗုဒ္ဓသုတ္တံ • 6. Sammāsambuddhasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆. သမ္မာသမ္ဗုဒ္ဓသုတ္တဝဏ္ဏနာ • 6. Sammāsambuddhasuttavaṇṇanā
