| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
5. саммасанан̃аан̣анид̣̇д̣̇зсаван̣н̣анаа
5. Sammasanañāṇaniddesavaṇṇanā
48. саммасанан̃аан̣анид̣̇д̣̇зсз яам̣ гин̃жийд̇и анавасзсабарияаад̣̇аанам̣. руубанд̇и ад̇иббасан̇г̇анияаманам̣. звам̣ бад̣̇ад̣̇ваязнааби руубасса асзсабариг̇г̇ахо гад̇о ход̇и. ат̇асса ад̇ийд̇аад̣̇инаа вибхааг̇ам̣ аарабхад̇и. д̇ан̃хи гин̃жи ад̇ийд̇ам̣ гин̃жи анааг̇ад̇аад̣̇ибхзд̣̇анд̇и. зса наяо взд̣̇анаад̣̇ийсуби. д̇ад̇т̇а руубам̣ д̇аава ад̣̇д̇хаасанд̇ад̇исамаяакан̣авасзна жад̇уд̇хаа ад̇ийд̇ам̣ наама ход̇и, д̇ат̇аа анааг̇ад̇абажжуббаннам̣. д̇ад̇т̇а ад̣̇д̇хаавасзна д̇аава згасса згасмим̣ бхавз бадисанд̇хид̇о буб̣б̣з ад̇ийд̇ам̣, жуд̇ид̇о уд̣̇д̇хам̣ анааг̇ад̇ам̣, убхиннаманд̇арз бажжуббаннам̣. санд̇ад̇ивасзна сабхааг̇азгауд̇усамудтаанам̣ згаахаарасамудтаанан̃жа буб̣б̣аабарияабхаавзна вад̇д̇амаанамби бажжуббаннам̣, д̇ад̇о буб̣б̣з висабхааг̇ауд̇уаахаарасамудтаанам̣ ад̇ийд̇ам̣, бажчаа анааг̇ад̇ам̣. жид̇д̇аж̇ам̣ згавийт̇изгаж̇аваназгасамаабад̇д̇исамудтаанам̣ бажжуббаннам̣, д̇ад̇о буб̣б̣з ад̇ийд̇ам̣, бажчаа анааг̇ад̇ам̣, гаммасамудтаанасса баадиязггам̣ санд̇ад̇ивасзна ад̇ийд̇аад̣̇ибхзд̣̇о над̇т̇и, д̇зсан̃н̃зва бана уд̇уаахааражид̇д̇асамудтаанаанам̣ убад̇т̇амбханавасзна д̇асса ад̇ийд̇аад̣̇ибхааво взд̣̇ид̇аб̣б̣о. самаяавасзна згамухуд̇д̇абуб̣б̣ан̣хасааяанхарад̇д̇инд̣̇иваад̣̇ийсу самаязсу санд̇аанавасзна бавад̇д̇амаанам̣ д̇ам̣ д̇ам̣ самаяам̣ бажжуббаннам̣ наама, д̇ад̇о буб̣б̣з ад̇ийд̇ам̣, бажчаа анааг̇ад̇ам̣. кан̣авасзна уббаад̣̇аад̣̇икан̣ад̇д̇аяабарияаабаннам̣ бажжуббаннам̣, д̇ад̇о буб̣б̣з анааг̇ад̇ам̣, бажчаа ад̇ийд̇ам̣. абижа ад̇игганд̇ахзд̇убажжаяагижжам̣ ад̇ийд̇ам̣, нидтид̇ахзд̇угижжаманидтид̇абажжаяагижжам̣ бажжуббаннам̣, убхаяагижжамасамбад̇д̇ам̣ анааг̇ад̇ам̣. сагижжагкан̣з ваа бажжуббаннам̣, д̇ад̇о буб̣б̣з анааг̇ад̇ам̣, бажчаа ад̇ийд̇ам̣. зд̇т̇а жа кан̣аад̣̇игат̇аава ниббарияааяаа сзсаа сабарияааяаа.
48. Sammasanañāṇaniddese yaṃ kiñcīti anavasesapariyādānaṃ. Rūpanti atippasaṅganiyamanaṃ. Evaṃ padadvayenāpi rūpassa asesapariggaho kato hoti. Athassa atītādinā vibhāgaṃ ārabhati. Tañhi kiñci atītaṃ kiñci anāgatādibhedanti. Esa nayo vedanādīsupi. Tattha rūpaṃ tāva addhāsantatisamayakhaṇavasena catudhā atītaṃ nāma hoti, tathā anāgatapaccuppannaṃ. Tattha addhāvasena tāva ekassa ekasmiṃ bhave paṭisandhito pubbe atītaṃ, cutito uddhaṃ anāgataṃ, ubhinnamantare paccuppannaṃ. Santativasena sabhāgaekautusamuṭṭhānaṃ ekāhārasamuṭṭhānañca pubbāpariyabhāvena vattamānampi paccuppannaṃ, tato pubbe visabhāgautuāhārasamuṭṭhānaṃ atītaṃ, pacchā anāgataṃ. Cittajaṃ ekavīthiekajavanaekasamāpattisamuṭṭhānaṃ paccuppannaṃ, tato pubbe atītaṃ, pacchā anāgataṃ, kammasamuṭṭhānassa pāṭiyekkaṃ santativasena atītādibhedo natthi, tesaññeva pana utuāhāracittasamuṭṭhānānaṃ upatthambhanavasena tassa atītādibhāvo veditabbo. Samayavasena ekamuhuttapubbaṇhasāyanharattindivādīsu samayesu santānavasena pavattamānaṃ taṃ taṃ samayaṃ paccuppannaṃ nāma, tato pubbe atītaṃ, pacchā anāgataṃ. Khaṇavasena uppādādikhaṇattayapariyāpannaṃ paccuppannaṃ, tato pubbe anāgataṃ, pacchā atītaṃ. Apica atikkantahetupaccayakiccaṃ atītaṃ, niṭṭhitahetukiccamaniṭṭhitapaccayakiccaṃ paccuppannaṃ, ubhayakiccamasampattaṃ anāgataṃ. Sakiccakkhaṇe vā paccuppannaṃ, tato pubbe anāgataṃ, pacchā atītaṃ. Ettha ca khaṇādikathāva nippariyāyā sesā sapariyāyā.
аж̇жхад̇д̇анд̇и бан̃жасуби канд̇хзсу ид̇ха нияагаж̇жхад̇д̇ам̣ ад̇хиббзд̇ам̣, д̇асмаа ад̇д̇ано санд̇аанз бавад̇д̇ам̣ баадибуг̇г̇алигам̣ руубам̣ аж̇жхад̇д̇анд̇и взд̣̇ид̇аб̣б̣ам̣. д̇ад̇о б̣ахибхууд̇ам̣ бана инд̣̇рияаб̣ад̣̇д̇хам̣ ваа анинд̣̇рияаб̣ад̣̇д̇хам̣ ваа руубам̣ б̣ахид̣̇д̇хаа наама. ол̣аариганд̇и жагкусод̇агхаанаж̇ивхаагааяаруубасад̣̇д̣̇аг̇анд̇харасаподтаб̣б̣асан̇каад̇аа бат̇авийд̇зж̇овааяо жаад̇и д̣̇ваад̣̇асавид̇хам̣ руубам̣ гхадданавасзна г̇ахзд̇аб̣б̣ад̇о ол̣ааригам̣. сзсам̣ бана аабод̇хаад̇у ид̇т̇инд̣̇рияам̣ бурисинд̣̇рияам̣ ж̇ийвид̇инд̣̇рияам̣ хад̣̇аяавад̇т̇у ож̇аа аагаасад̇хаад̇у гааяавин̃н̃ад̇д̇и важийвин̃н̃ад̇д̇и руубасса лахуд̇аа муд̣̇уд̇аа гамман̃н̃ад̇аа убажаяо санд̇ад̇и ж̇арад̇аа анижжад̇аад̇и сол̣асавид̇хам̣ руубам̣ гхадданавасзна аг̇ахзд̇аб̣б̣ад̇о сукумам̣. хийнам̣ ваа бан̣ийд̇ам̣ ваад̇и зд̇т̇а хийнабан̣ийд̇абхааво барияааяад̇о ниббарияааяад̇о жа. д̇ад̇т̇а аганидтаанам̣ руубад̇о суд̣̇ассийнам̣ руубам̣ хийнам̣, д̇ад̣̇зва суд̣̇ассаанам̣ руубад̇о бан̣ийд̇ам̣. звам̣ яаава нарагасад̇д̇аанам̣ руубам̣, д̇аава барияааяад̇о хийнабан̣ийд̇ад̇аа взд̣̇ид̇аб̣б̣аа. ниббарияааяад̇о бана яад̇т̇а агусалавибаагам̣ уббаж̇ж̇ад̇и, д̇ам̣ хийнам̣. яад̇т̇а гусалавибаагам̣, д̇ам̣ бан̣ийд̇ам̣. яам̣ д̣̇уурз санд̇игз ваад̇и зд̇т̇а яам̣ сукумам̣, д̇ад̣̇зва д̣̇уббадивиж̇жхасабхаавад̇д̇аа д̣̇уурз. яам̣ ол̣ааригам̣, д̇ад̣̇зва суббадивиж̇жхасабхаавад̇д̇аа санд̇игз.
Ajjhattanti pañcasupi khandhesu idha niyakajjhattaṃ adhippetaṃ, tasmā attano santāne pavattaṃ pāṭipuggalikaṃ rūpaṃ ajjhattanti veditabbaṃ. Tato bahibhūtaṃ pana indriyabaddhaṃ vā anindriyabaddhaṃ vā rūpaṃ bahiddhā nāma. Oḷārikanti cakkhusotaghānajivhākāyarūpasaddagandharasaphoṭṭhabbasaṅkhātā pathavītejovāyo cāti dvādasavidhaṃ rūpaṃ ghaṭṭanavasena gahetabbato oḷārikaṃ. Sesaṃ pana āpodhātu itthindriyaṃ purisindriyaṃ jīvitindriyaṃ hadayavatthu ojā ākāsadhātu kāyaviññatti vacīviññatti rūpassa lahutā mudutā kammaññatā upacayo santati jaratā aniccatāti soḷasavidhaṃ rūpaṃ ghaṭṭanavasena agahetabbato sukhumaṃ. Hīnaṃ vā paṇītaṃ vāti ettha hīnapaṇītabhāvo pariyāyato nippariyāyato ca. Tattha akaniṭṭhānaṃ rūpato sudassīnaṃ rūpaṃ hīnaṃ, tadeva sudassānaṃ rūpato paṇītaṃ. Evaṃ yāva narakasattānaṃ rūpaṃ, tāva pariyāyato hīnapaṇītatā veditabbā. Nippariyāyato pana yattha akusalavipākaṃ uppajjati, taṃ hīnaṃ. Yattha kusalavipākaṃ, taṃ paṇītaṃ. Yaṃ dūre santike vāti ettha yaṃ sukhumaṃ, tadeva duppaṭivijjhasabhāvattā dūre. Yaṃ oḷārikaṃ, tadeva suppaṭivijjhasabhāvattā santike.
саб̣б̣ам̣ руубам̣ анижжад̇о вавад̇т̇зд̇и згам̣ саммасанам̣, д̣̇угкад̇о вавад̇т̇зд̇и згам̣ саммасанам̣, анад̇д̇ад̇о вавад̇т̇зд̇и згам̣ саммасананд̇и зд̇т̇а аяам̣ бхигку ‘‘яам̣ гин̃жи рууба’’нд̇и звам̣ анияаманид̣̇д̣̇идтам̣ саб̣б̣амби руубам̣ ад̇ийд̇ад̇д̇игзна жзва жад̇уухи аж̇жхад̇д̇аад̣̇ид̣̇угзхи жаад̇и згаад̣̇асахи огаасзхи барижчинд̣̇ид̇ваа саб̣б̣ам̣ руубам̣ анижжад̇о вавад̇т̇зд̇и анижжанд̇и саммасад̇и. гат̇ам̣? барад̇о вуд̇д̇анаязна. вуд̇д̇ан̃хзд̇ам̣ – ‘‘руубам̣ ад̇ийд̇аанааг̇ад̇абажжуббаннам̣ анижжам̣ каяадтзнаа’’д̇и (бади. ма. 1.48). д̇асмаа зса яам̣ ад̇ийд̇ам̣ руубам̣, д̇ам̣ яасмаа ад̇ийд̇зязва кийн̣ам̣, наяимам̣ бхавам̣ самбад̇д̇анд̇и анижжам̣ каяадтзна, яам̣ анааг̇ад̇ам̣ руубам̣ ананд̇арабхавз ниб̣б̣ад̇д̇иссад̇и, д̇амби д̇ад̇т̇зва кийяиссад̇и, на д̇ад̇о барам̣ бхавам̣ г̇амиссад̇ийд̇и анижжам̣ каяадтзна, яам̣ бажжуббаннам̣ руубам̣, д̇ам̣ ид̇хзва кийяад̇и, на ид̇о г̇ажчад̇ийд̇и анижжам̣ каяадтзна, яам̣ аж̇жхад̇д̇ам̣ руубам̣, д̇амби аж̇жхад̇д̇амзва кийяад̇и, на б̣ахид̣̇д̇хаабхаавам̣ г̇ажчад̇ийд̇и анижжам̣ каяадтзна, яам̣ б̣ахид̣̇д̇хаа ол̣ааригам̣ сукумам̣ хийнам̣ бан̣ийд̇ам̣ д̣̇уурз санд̇игз, д̇амби зд̇т̇зва кийяад̇и, на д̣̇уурабхаавам̣ г̇ажчад̇ийд̇и анижжам̣ каяадтзнаад̇и саммасад̇и. ид̣̇ам̣ саб̣б̣амби ‘‘анижжам̣ каяадтзнаа’’д̇и зд̇асса васзна згам̣ саммасанам̣, бабхзд̣̇ад̇о бана згаад̣̇асавид̇хам̣ ход̇и.
Sabbaṃrūpaṃ aniccato vavattheti ekaṃ sammasanaṃ, dukkhato vavattheti ekaṃ sammasanaṃ, anattato vavattheti ekaṃ sammasananti ettha ayaṃ bhikkhu ‘‘yaṃ kiñci rūpa’’nti evaṃ aniyamaniddiṭṭhaṃ sabbampi rūpaṃ atītattikena ceva catūhi ajjhattādidukehi cāti ekādasahi okāsehi paricchinditvā sabbaṃ rūpaṃ aniccato vavattheti aniccanti sammasati. Kathaṃ? Parato vuttanayena. Vuttañhetaṃ – ‘‘rūpaṃ atītānāgatapaccuppannaṃ aniccaṃ khayaṭṭhenā’’ti (paṭi. ma. 1.48). Tasmā esa yaṃ atītaṃ rūpaṃ, taṃ yasmā atīteyeva khīṇaṃ, nayimaṃ bhavaṃ sampattanti aniccaṃ khayaṭṭhena, yaṃ anāgataṃ rūpaṃ anantarabhave nibbattissati, tampi tattheva khīyissati, na tato paraṃ bhavaṃ gamissatīti aniccaṃ khayaṭṭhena, yaṃ paccuppannaṃ rūpaṃ, taṃ idheva khīyati, na ito gacchatīti aniccaṃ khayaṭṭhena, yaṃ ajjhattaṃ rūpaṃ, tampi ajjhattameva khīyati, na bahiddhābhāvaṃ gacchatīti aniccaṃ khayaṭṭhena, yaṃ bahiddhā oḷārikaṃ sukhumaṃ hīnaṃ paṇītaṃ dūre santike, tampi ettheva khīyati, na dūrabhāvaṃ gacchatīti aniccaṃ khayaṭṭhenāti sammasati. Idaṃ sabbampi ‘‘aniccaṃ khayaṭṭhenā’’ti etassa vasena ekaṃ sammasanaṃ, pabhedato pana ekādasavidhaṃ hoti.
саб̣б̣амзва жзд̇ам̣ д̣̇угкам̣ бхаяадтзнаад̇и саммасад̇и. бхаяадтзнаад̇и саббадибхаяад̇ааяа. яан̃хи анижжам̣, д̇ам̣ бхаяаавахам̣ ход̇и сийхобамасуд̇д̇з (а. ни. 4.33; сам̣. ни. 3.78) д̣̇зваанам̣ вияа. ид̇и ид̣̇амби ‘‘д̣̇угкам̣ бхаяадтзнаа’’д̇и зд̇асса васзна згам̣ саммасанам̣, бабхзд̣̇ад̇о бана згаад̣̇асавид̇хам̣ ход̇и.
Sabbameva cetaṃ dukkhaṃ bhayaṭṭhenāti sammasati. Bhayaṭṭhenāti sappaṭibhayatāya. Yañhi aniccaṃ, taṃ bhayāvahaṃ hoti sīhopamasutte (a. ni. 4.33; saṃ. ni. 3.78) devānaṃ viya. Iti idampi ‘‘dukkhaṃ bhayaṭṭhenā’’ti etassa vasena ekaṃ sammasanaṃ, pabhedato pana ekādasavidhaṃ hoti.
яат̇аа жа д̣̇угкам̣, звам̣ саб̣б̣амби д̇ам̣ анад̇д̇аа асаарагадтзнаад̇и саммасад̇и. асаарагадтзнаад̇и ‘‘ад̇д̇аа ниваасий гаараго взд̣̇аго саяам̣васий’’д̇и звам̣ баригаббид̇асса ад̇д̇асаарасса абхаавзна. яан̃хи анижжам̣ д̣̇угкам̣, ад̇д̇аноби анижжад̇ам̣ ваа уд̣̇аяаб̣б̣аяабийл̣анам̣ ваа ваарзд̇ум̣ на саггод̇и, гуд̇о д̇асса гаарагаад̣̇ибхааво. д̇знааха – ‘‘руубан̃жа хид̣̇ам̣, бхигкавз, ад̇д̇аа абхависса, наяид̣̇ам̣ руубам̣ ааб̣аад̇хааяа сам̣вад̇д̇зяяаа’’д̇иаад̣̇и (сам̣. ни. 3.59). ид̇и ид̣̇ам̣ ‘‘анад̇д̇аа асаарагадтзнаа’’д̇и зд̇асса васзна згам̣ саммасанам̣, бабхзд̣̇ад̇о бана згаад̣̇асавид̇хам̣ ход̇и. зсзва наяо взд̣̇анаад̣̇ийсу. ид̇и згзгасмим̣ канд̇хз згаад̣̇аса згаад̣̇аса гад̇ваа бан̃жасу канд̇хзсу бан̃жабан̃н̃ааса саммасанаани хонд̇и, анижжад̇о бан̃жабан̃н̃ааса , д̣̇угкад̇о бан̃жабан̃н̃ааса, анад̇д̇ад̇о бан̃жабан̃н̃аасаад̇и д̇ивид̇хаанубассанаавасзна саб̣б̣аани бан̃жасадтисад̇асаммасанаани хонд̇и.
Yathā ca dukkhaṃ, evaṃ sabbampi taṃ anattā asārakaṭṭhenāti sammasati. Asārakaṭṭhenāti ‘‘attā nivāsī kārako vedako sayaṃvasī’’ti evaṃ parikappitassa attasārassa abhāvena. Yañhi aniccaṃ dukkhaṃ, attanopi aniccataṃ vā udayabbayapīḷanaṃ vā vāretuṃ na sakkoti, kuto tassa kārakādibhāvo. Tenāha – ‘‘rūpañca hidaṃ, bhikkhave, attā abhavissa, nayidaṃ rūpaṃ ābādhāya saṃvatteyyā’’tiādi (saṃ. ni. 3.59). Iti idaṃ ‘‘anattā asārakaṭṭhenā’’ti etassa vasena ekaṃ sammasanaṃ, pabhedato pana ekādasavidhaṃ hoti. Eseva nayo vedanādīsu. Iti ekekasmiṃ khandhe ekādasa ekādasa katvā pañcasu khandhesu pañcapaññāsa sammasanāni honti, aniccato pañcapaññāsa , dukkhato pañcapaññāsa, anattato pañcapaññāsāti tividhānupassanāvasena sabbāni pañcasaṭṭhisatasammasanāni honti.
гзжи бана ‘‘саб̣б̣ам̣ руубам̣, саб̣б̣ам̣ взд̣̇анам̣, саб̣б̣ам̣ сан̃н̃ам̣, саб̣б̣з сан̇каарз, саб̣б̣ам̣ вин̃н̃аан̣анд̇и бад̣̇амби багкибид̇ваа згзгасмим̣ канд̇хз д̣̇ваад̣̇аса д̣̇ваад̣̇аса гад̇ваа бан̃жасу садти, анубассанаад̇о асийд̇исад̇асаммасанааний’’д̇и вад̣̇анд̇и.
Keci pana ‘‘sabbaṃ rūpaṃ, sabbaṃ vedanaṃ, sabbaṃ saññaṃ, sabbe saṅkhāre, sabbaṃ viññāṇanti padampi pakkhipitvā ekekasmiṃ khandhe dvādasa dvādasa katvā pañcasu saṭṭhi, anupassanāto asītisatasammasanānī’’ti vadanti.
ад̇ийд̇аад̣̇ивибхааг̇з банзд̇т̇а санд̇ад̇ивасзна кан̣аад̣̇ивасзна жа взд̣̇анааяа ад̇ийд̇аанааг̇ад̇абажжуббаннабхааво взд̣̇ид̇аб̣б̣о. д̇ад̇т̇а санд̇ад̇ивасзна згавийт̇изгаж̇аваназгасамаабад̇д̇ибарияаабаннаа згавид̇хависаяасамааяог̇аббавад̇д̇аа жа бажжуббаннаа, д̇ад̇о буб̣б̣з ад̇ийд̇аа, бажчаа анааг̇ад̇аа. кан̣аад̣̇ивасзна кан̣ад̇д̇аяабарияаабаннаа буб̣б̣анд̇аабаранд̇амаж̇жхаг̇ад̇аа сагижжан̃жа гурумаанаа взд̣̇анаа бажжуббаннаа, д̇ад̇о буб̣б̣з ад̇ийд̇аа, бажчаа анааг̇ад̇аа. аж̇жхад̇д̇аб̣ахид̣̇д̇хаабхзд̣̇о нияагаж̇жхад̇д̇авасзнзва взд̣̇ид̇аб̣б̣о.
Atītādivibhāge panettha santativasena khaṇādivasena ca vedanāya atītānāgatapaccuppannabhāvo veditabbo. Tattha santativasena ekavīthiekajavanaekasamāpattipariyāpannā ekavidhavisayasamāyogappavattā ca paccuppannā, tato pubbe atītā, pacchā anāgatā. Khaṇādivasena khaṇattayapariyāpannā pubbantāparantamajjhagatā sakiccañca kurumānā vedanā paccuppannā, tato pubbe atītā, pacchā anāgatā. Ajjhattabahiddhābhedo niyakajjhattavaseneva veditabbo.
ол̣ааригасукумабхааво ‘‘агусалаа взд̣̇анаа ол̣ааригаа, гусалааб̣яаагад̇аа взд̣̇анаа сукумаа’’д̇иаад̣̇инаа (вибха. 4) наязна вибхан̇г̇з вуд̇д̇зна ж̇аад̇исабхаавабуг̇г̇алалогияалогуд̇д̇аравасзна взд̣̇ид̇аб̣б̣о. ж̇аад̇ивасзна д̇аава агусалаа взд̣̇анаа сааваж̇ж̇агирияахзд̇уд̇о, гилзсасанд̇аабабхаавад̇о жа авуубасанд̇авуд̇д̇ийд̇и гусалавзд̣̇анааяа ол̣ааригаа, саб̣яаабаарад̇о сауссаахад̇о савибаагад̇о гилзсасанд̇аабабхаавад̇о сааваж̇ж̇ад̇о жа вибаагааб̣яаагад̇ааяа ол̣ааригаа, савибаагад̇о гилзсасанд̇аабабхаавад̇о саб̣яааб̣аж̇жхад̇о сааваж̇ж̇ад̇о жа гирияааб̣яаагад̇ааяа ол̣ааригаа. гусалааб̣яаагад̇аа бана вуд̇д̇авибарияааяад̇о агусалааяа взд̣̇анааяа сукумаа. д̣̇взби гусалаагусалаа взд̣̇анаа саб̣яаабаарад̇о сауссаахад̇о савибаагад̇о жа яат̇ааяог̇ам̣ д̣̇увид̇хааяаби аб̣яаагад̇ааяа ол̣ааригаа, вуд̇д̇авибарияааязна д̣̇увид̇хааби аб̣яаагад̇аа д̇аахи сукумаа. звам̣ д̇аава ж̇аад̇ивасзна ол̣ааригасукумад̇аа взд̣̇ид̇аб̣б̣аа.
Oḷārikasukhumabhāvo ‘‘akusalā vedanā oḷārikā, kusalābyākatā vedanā sukhumā’’tiādinā (vibha. 4) nayena vibhaṅge vuttena jātisabhāvapuggalalokiyalokuttaravasena veditabbo. Jātivasena tāva akusalā vedanā sāvajjakiriyahetuto, kilesasantāpabhāvato ca avūpasantavuttīti kusalavedanāya oḷārikā, sabyāpārato saussāhato savipākato kilesasantāpabhāvato sāvajjato ca vipākābyākatāya oḷārikā, savipākato kilesasantāpabhāvato sabyābajjhato sāvajjato ca kiriyābyākatāya oḷārikā. Kusalābyākatā pana vuttavipariyāyato akusalāya vedanāya sukhumā. Dvepi kusalākusalā vedanā sabyāpārato saussāhato savipākato ca yathāyogaṃ duvidhāyapi abyākatāya oḷārikā, vuttavipariyāyena duvidhāpi abyākatā tāhi sukhumā. Evaṃ tāva jātivasena oḷārikasukhumatā veditabbā.
сабхаававасзна бана д̣̇угкаа взд̣̇анаа нирассаад̣̇ад̇о савибпаарад̇о кобхагаран̣ад̇о уб̣б̣зж̇анийяад̇о абхибхаванад̇о жа ид̇араахи д̣̇вийхи ол̣ааригаа, ид̇араа бана д̣̇вз саад̇ад̇о санд̇ад̇о бан̣ийд̇ад̇о манаабад̇о маж̇жхад̇д̇ад̇о жа яат̇ааяог̇ам̣ д̣̇угкааяа сукумаа. убхо бана сукад̣̇угкаа савибпаарад̇о уб̣б̣зж̇анийяад̇о кобхагаран̣ад̇о баагадад̇о жа ад̣̇угкамасукааяа ол̣ааригаа, саа вуд̇д̇авибарияааязна д̇ад̣̇убхаяад̇о сукумаа. звам̣ сабхаававасзна ол̣ааригасукумад̇аа взд̣̇ид̇аб̣б̣аа.
Sabhāvavasena pana dukkhā vedanā nirassādato savipphārato khobhakaraṇato ubbejanīyato abhibhavanato ca itarāhi dvīhi oḷārikā, itarā pana dve sātato santato paṇītato manāpato majjhattato ca yathāyogaṃ dukkhāya sukhumā. Ubho pana sukhadukkhā savipphārato ubbejanīyato khobhakaraṇato pākaṭato ca adukkhamasukhāya oḷārikā, sā vuttavipariyāyena tadubhayato sukhumā. Evaṃ sabhāvavasena oḷārikasukhumatā veditabbā.
буг̇г̇алавасзна бана асамаабаннасса взд̣̇анаа наанаарамман̣з вигкид̇д̇абхаавад̇о самаабаннасса взд̣̇анааяа ол̣ааригаа, вибарияааязна ид̇араа сукумаа. звам̣ буг̇г̇алавасзна ол̣ааригасукумад̇аа взд̣̇ид̇аб̣б̣аа.
Puggalavasena pana asamāpannassa vedanā nānārammaṇe vikkhittabhāvato samāpannassa vedanāya oḷārikā, vipariyāyena itarā sukhumā. Evaṃ puggalavasena oḷārikasukhumatā veditabbā.
логияалогуд̇д̇аравасзна бана саасаваа взд̣̇анаа логияаа, саа аасавуббад̇д̇ихзд̇уд̇о огханияад̇о яог̇анияад̇о г̇ант̇анияад̇о нийваран̣ияад̇о убаад̣̇аанияад̇о сам̣гилзсигад̇о бут̇уж̇ж̇анасаад̇хааран̣ад̇о жа анаасавааяа ол̣ааригаа, анаасаваа жа вибарияааязна саасавааяа сукумаа. звам̣ логияалогуд̇д̇аравасзна ол̣ааригасукумад̇аа взд̣̇ид̇аб̣б̣аа.
Lokiyalokuttaravasena pana sāsavā vedanā lokiyā, sā āsavuppattihetuto oghaniyato yoganiyato ganthaniyato nīvaraṇiyato upādāniyato saṃkilesikato puthujjanasādhāraṇato ca anāsavāya oḷārikā, anāsavā ca vipariyāyena sāsavāya sukhumā. Evaṃ lokiyalokuttaravasena oḷārikasukhumatā veditabbā.
д̇ад̇т̇а ж̇аад̇иаад̣̇ивасзна самбхзд̣̇о барихарид̇аб̣б̣о. агусалавибаагагааяавин̃н̃аан̣асамбаяуд̇д̇аа хи взд̣̇анаа ж̇аад̇ивасзна аб̣яаагад̇ад̇д̇аа сукумааби самаанаа сабхааваад̣̇ивасзна ол̣ааригаа ход̇и. вуд̇д̇ан̃хзд̇ам̣ –
Tattha jātiādivasena sambhedo pariharitabbo. Akusalavipākakāyaviññāṇasampayuttā hi vedanā jātivasena abyākatattā sukhumāpi samānā sabhāvādivasena oḷārikā hoti. Vuttañhetaṃ –
‘‘аб̣яаагад̇аа взд̣̇анаа сукумаа, д̣̇угкаа взд̣̇анаа ол̣ааригаа. самаабаннасса взд̣̇анаа сукумаа, асамаабаннасса взд̣̇анаа ол̣ааригаа. анаасаваа взд̣̇анаа сукумаа, саасаваа взд̣̇анаа ол̣ааригаа’’д̇и (вибха. 11).
‘‘Abyākatā vedanā sukhumā, dukkhā vedanā oḷārikā. Samāpannassa vedanā sukhumā, asamāpannassa vedanā oḷārikā. Anāsavā vedanā sukhumā, sāsavā vedanā oḷārikā’’ti (vibha. 11).
яат̇аа жа д̣̇угкаа взд̣̇анаа, звам̣ сукаад̣̇аяоби. д̇ааби хи ж̇аад̇ивасзна ол̣ааригаа, сабхааваад̣̇ивасзна сукумаа хонд̇и. д̇асмаа яат̇аа ж̇аад̇иаад̣̇ивасзна самбхзд̣̇о на ход̇и, д̇ат̇аа взд̣̇анаанам̣ ол̣ааригасукумад̇аа взд̣̇ид̇аб̣б̣аа. сзяяат̇ид̣̇ам̣, аб̣яаагад̇аа ж̇аад̇ивасзна гусалаагусалаахи сукумаа. д̇ад̇т̇а гад̇амаа аб̣яаагад̇аа? гим̣ д̣̇угкаа? гим̣ сукаа? гим̣ самаабаннасса? гим̣ асамаабаннасса? гим̣ саасаваа? гим̣ анаасаваад̇и? звам̣ сабхааваад̣̇ибхзд̣̇о на бараамасид̇аб̣б̣о. зса наяо саб̣б̣ад̇т̇а.
Yathā ca dukkhā vedanā, evaṃ sukhādayopi. Tāpi hi jātivasena oḷārikā, sabhāvādivasena sukhumā honti. Tasmā yathā jātiādivasena sambhedo na hoti, tathā vedanānaṃ oḷārikasukhumatā veditabbā. Seyyathidaṃ, abyākatā jātivasena kusalākusalāhi sukhumā. Tattha katamā abyākatā? Kiṃ dukkhā? Kiṃ sukhā? Kiṃ samāpannassa? Kiṃ asamāpannassa? Kiṃ sāsavā? Kiṃ anāsavāti? Evaṃ sabhāvādibhedo na parāmasitabbo. Esa nayo sabbattha.
абижа ‘‘д̇ам̣ д̇ам̣ ваа бана взд̣̇анам̣ убаад̣̇ааяубаад̣̇ааяа взд̣̇анаа ол̣ааригаа сукумаа д̣̇адтаб̣б̣аа’’д̇и важанад̇о агусалаад̣̇ийсуби лобхасахаг̇ад̇ааяа д̣̇осасахаг̇ад̇аа взд̣̇анаа аг̇г̇и вияа ниссаяад̣̇аханад̇о ол̣ааригаа, лобхасахаг̇ад̇аа сукумаа. д̣̇осасахаг̇ад̇ааби нияад̇аа ол̣ааригаа, анияад̇аа сукумаа. нияад̇ааби габбадтид̇игаа ол̣ааригаа, ид̇араа сукумаа. габбадтид̇игаасуби асан̇кааригаа ол̣ааригаа, ид̇араа сукумаа. лобхасахаг̇ад̇аа бана д̣̇идтисамбаяуд̇д̇аа ол̣ааригаа, ид̇араа сукумаа. сааби нияад̇аа габбадтид̇игаа асан̇кааригаа ол̣ааригаа, ид̇араа сукумаа. ависзсзна жа агусалаа б̣ахувибаагаа ол̣ааригаа, аббавибаагаа сукумаа. гусалаа бана аббавибаагаа ол̣ааригаа, б̣ахувибаагаа сукумаа.
Apica ‘‘taṃ taṃ vā pana vedanaṃ upādāyupādāya vedanā oḷārikā sukhumā daṭṭhabbā’’ti vacanato akusalādīsupi lobhasahagatāya dosasahagatā vedanā aggi viya nissayadahanato oḷārikā, lobhasahagatā sukhumā. Dosasahagatāpi niyatā oḷārikā, aniyatā sukhumā. Niyatāpi kappaṭṭhitikā oḷārikā, itarā sukhumā. Kappaṭṭhitikāsupi asaṅkhārikā oḷārikā, itarā sukhumā. Lobhasahagatā pana diṭṭhisampayuttā oḷārikā, itarā sukhumā. Sāpi niyatā kappaṭṭhitikā asaṅkhārikā oḷārikā, itarā sukhumā. Avisesena ca akusalā bahuvipākā oḷārikā, appavipākā sukhumā. Kusalā pana appavipākā oḷārikā, bahuvipākā sukhumā.
абижа гаамааважарагусалаа ол̣ааригаа, руубааважараа сукумаа, д̇ад̇о аруубааважараа, д̇ад̇о логуд̇д̇араа. гаамааважараа жа д̣̇аанамаяаа ол̣ааригаа, сийламаяаа сукумаа. сийламаяааби ол̣ааригаа, д̇ад̇о бхааванаамаяаа сукумаа. бхааванаамаяааби д̣̇ухзд̇угаа ол̣ааригаа, д̇ихзд̇угаа сукумаа. д̇ихзд̇угааби сасан̇кааригаа ол̣ааригаа, асан̇кааригаа сукумаа . руубааважараа жа батамаж̇жхаанигаа ол̣ааригаа…бз… бан̃жамаж̇жхаанигаа сукумаава. аруубааважараа жа аагаасаанан̃жааяад̇анасамбаяуд̇д̇аа ол̣ааригаа…бз… нзвасан̃н̃аанаасан̃н̃ааяад̇анасамбаяуд̇д̇аа сукумаава. логуд̇д̇араа жа сод̇аабад̇д̇имаг̇г̇асамбаяуд̇д̇аа ол̣ааригаа…бз… арахад̇д̇амаг̇г̇асамбаяуд̇д̇аа сукумаава. зса наяо д̇ам̣д̇ам̣бхуумивибаагагирияаавзд̣̇анаасу д̣̇угкаад̣̇иасамаабаннаад̣̇исаасаваад̣̇ивасзна вуд̇д̇авзд̣̇анаасу жа. огаасавасзна вааби нираяз д̣̇угкаа ол̣ааригаа, д̇иражчаанаяонияам̣ сукумаа…бз… бараниммид̇авасавад̇д̇ийсу сукумаава. яат̇аа жа д̣̇угкаа, звам̣ сукааби саб̣б̣ад̇т̇а яат̇аануруубам̣ яож̇зд̇аб̣б̣аа. вад̇т̇увасзна жааби хийнавад̇т̇угаа яаа гаажи взд̣̇анаа ол̣ааригаа, бан̣ийд̇авад̇т̇угаа сукумаа. хийнабан̣ийд̇абхзд̣̇з яаа ол̣ааригаа, саа хийнаа. яаа жа сукумаа, саа бан̣ийд̇аад̇и д̣̇адтаб̣б̣аа.
Apica kāmāvacarakusalā oḷārikā, rūpāvacarā sukhumā, tato arūpāvacarā, tato lokuttarā. Kāmāvacarā ca dānamayā oḷārikā, sīlamayā sukhumā. Sīlamayāpi oḷārikā, tato bhāvanāmayā sukhumā. Bhāvanāmayāpi duhetukā oḷārikā, tihetukā sukhumā. Tihetukāpi sasaṅkhārikā oḷārikā, asaṅkhārikā sukhumā . Rūpāvacarā ca paṭhamajjhānikā oḷārikā…pe… pañcamajjhānikā sukhumāva. Arūpāvacarā ca ākāsānañcāyatanasampayuttā oḷārikā…pe… nevasaññānāsaññāyatanasampayuttā sukhumāva. Lokuttarā ca sotāpattimaggasampayuttā oḷārikā…pe… arahattamaggasampayuttā sukhumāva. Esa nayo taṃtaṃbhūmivipākakiriyāvedanāsu dukkhādiasamāpannādisāsavādivasena vuttavedanāsu ca. Okāsavasena vāpi niraye dukkhā oḷārikā, tiracchānayoniyaṃ sukhumā…pe… paranimmitavasavattīsu sukhumāva. Yathā ca dukkhā, evaṃ sukhāpi sabbattha yathānurūpaṃ yojetabbā. Vatthuvasena cāpi hīnavatthukā yā kāci vedanā oḷārikā, paṇītavatthukā sukhumā. Hīnapaṇītabhede yā oḷārikā, sā hīnā. Yā ca sukhumā, sā paṇītāti daṭṭhabbā.
д̣̇уурасанд̇игабад̣̇з бана ‘‘агусалаа взд̣̇анаа гусалааб̣яаагад̇аахи взд̣̇анаахи д̣̇уурз, агусалаа взд̣̇анаа агусалааяа взд̣̇анааяа санд̇игз’’д̇иаад̣̇инаа (вибха. 13) наязна вибхан̇г̇з вибхад̇д̇аа. д̇асмаа агусалаа взд̣̇анаа висабхааг̇ад̇о асам̣садтад̇о асаригкад̇о жа гусалааб̣яаагад̇аахи д̣̇уурз, д̇ат̇аа гусалааб̣яаагад̇аа агусалааяа. зса наяо саб̣б̣аваарзсу. агусалаа бана взд̣̇анаа сабхааг̇ад̇о сам̣садтад̇о саригкад̇о жа агусалааяа санд̇игзд̇и ид̣̇ам̣ взд̣̇анааяа ад̇ийд̇аад̣̇ивибхааг̇з вид̇т̇аарагат̇аамукам̣. д̇ам̣д̇ам̣взд̣̇анаасамбаяуд̇д̇аанам̣ бана сан̃н̃аад̣̇ийнамби зд̇ам̣ звамзва взд̣̇ид̇аб̣б̣ам̣.
Dūrasantikapade pana ‘‘akusalā vedanā kusalābyākatāhi vedanāhi dūre, akusalā vedanā akusalāya vedanāya santike’’tiādinā (vibha. 13) nayena vibhaṅge vibhattā. Tasmā akusalā vedanā visabhāgato asaṃsaṭṭhato asarikkhato ca kusalābyākatāhi dūre, tathā kusalābyākatā akusalāya. Esa nayo sabbavāresu. Akusalā pana vedanā sabhāgato saṃsaṭṭhato sarikkhato ca akusalāya santiketi idaṃ vedanāya atītādivibhāge vitthārakathāmukhaṃ. Taṃtaṃvedanāsampayuttānaṃ pana saññādīnampi etaṃ evameva veditabbaṃ.
яз банзд̇т̇а взд̣̇анаад̣̇ийсу жагку…бз… ж̇араамаран̣анд̇и бзяяаалзна сам̣кид̇д̇зсу жа д̇хаммзсу логуд̇д̇арад̇хаммаа ааг̇ад̇аа, д̇з асаммасануубаг̇ад̇д̇аа имасмим̣ ад̇хигаарз на г̇ахзд̇аб̣б̣аа. д̇з бана гзвалам̣ д̇зна д̇зна бад̣̇зна сан̇г̇ахид̇ад̇хаммад̣̇ассанавасзна жа абхин̃н̃зяяанид̣̇д̣̇зсз ааг̇ад̇анаязна жа вуд̇д̇аа. язби жа саммасануубаг̇аа, д̇зсу яз яасса баагадаа хонд̇и, сукзна бариг̇г̇ахам̣ г̇ажчанд̇и, д̇зсу д̇зна саммасанам̣ аарабхид̇аб̣б̣ам̣. ж̇аад̇иж̇араамаран̣авасзна висум̣ саммасанаабхаавзби ж̇аад̇иж̇араамаран̣аванд̇зсуязва бана саммасид̇зсу д̇ааниби саммасид̇аани хонд̇ийд̇и барияааязна д̇зсамби васзна саммасанам̣ вуд̇д̇анд̇и взд̣̇ид̇аб̣б̣ам̣. ад̇ийд̇аанааг̇ад̇абажжуббаннам̣ анижжад̇о вавад̇т̇зд̇ийд̇иаад̣̇инаа наязна ад̇ийд̇ад̇д̇игассзва жа васзна саммасанасса вуд̇д̇ад̇д̇аа аж̇жхад̇д̇аад̣̇ибхзд̣̇ам̣ анаамасид̇вааби ад̇ийд̇ад̇д̇игассзва васзна барижчинд̣̇ид̇вааби анижжаад̣̇ид̇о саммасанам̣ гаад̇аб̣б̣амзва.
Ye panettha vedanādīsu cakkhu…pe… jarāmaraṇanti peyyālena saṃkhittesu ca dhammesu lokuttaradhammā āgatā, te asammasanūpagattā imasmiṃ adhikāre na gahetabbā. Te pana kevalaṃ tena tena padena saṅgahitadhammadassanavasena ca abhiññeyyaniddese āgatanayena ca vuttā. Yepi ca sammasanūpagā, tesu ye yassa pākaṭā honti, sukhena pariggahaṃ gacchanti, tesu tena sammasanaṃ ārabhitabbaṃ. Jātijarāmaraṇavasena visuṃ sammasanābhāvepi jātijarāmaraṇavantesuyeva pana sammasitesu tānipi sammasitāni hontīti pariyāyena tesampi vasena sammasanaṃ vuttanti veditabbaṃ. Atītānāgatapaccuppannaṃ aniccato vavatthetītiādinā nayena atītattikasseva ca vasena sammasanassa vuttattā ajjhattādibhedaṃ anāmasitvāpi atītattikasseva vasena paricchinditvāpi aniccādito sammasanaṃ kātabbameva.
яам̣ бана анижжам̣, д̇ам̣ яасмаа нияамад̇о сан̇кад̇аад̣̇ибхзд̣̇ам̣ ход̇и, д̇знасса барияааяад̣̇ассанад̇т̇ам̣, наанаагаарзхи ваа манасигаараббавад̇д̇ид̣̇ассанад̇т̇ам̣ руубам̣ ад̇ийд̇аанааг̇ад̇абажжуббаннам̣ анижжам̣ сан̇кад̇анд̇иаад̣̇имааха . д̇ан̃хи худ̇ваа абхаавадтзна анижжам̣, анижжанд̇игад̇ааяа аад̣̇ианд̇аванд̇ад̇ааяа ваа анижжам̣. бажжаязхи самааг̇анд̇ваа гад̇ад̇д̇аа сан̇кад̇ам̣. бажжаяз бадижжа ниссааяа самам̣, саха ваа уббаннад̇д̇аа бадижжасамуббаннам̣. зд̇зна бажжаязхи гад̇зби бажжаяаанам̣ аб̣яаабаарад̇ам̣ д̣̇ассзд̇и. каяад̇хамманд̇и кийяанад̇хаммам̣ кийяанабагад̇игам̣. ваяад̇хамманд̇и нассанад̇хаммам̣. наяид̣̇ам̣ манд̣̇ийбхаавагкаяавасзна каяад̇хаммам̣, гзвалам̣ виг̇аманабагад̇игам̣. бахууд̇асса манд̣̇ийбхаавоби хи логз каяод̇и вужжад̇и. вирааг̇ад̇хамманд̇и наяид̣̇ам̣ гухин̃жи г̇аманавасзна ваяад̇хаммам̣, гзвалам̣ сабхааваад̇иггаманабагад̇игам̣. ‘‘вирааг̇о наама ж̇иг̇ужчанам̣ ваа самад̇иггамо ваа’’д̇и хи вуд̇д̇ам̣. нирод̇хад̇хамманд̇и наяид̣̇ам̣ сабхааваад̇иггамзна бунараавад̇д̇ид̇хаммам̣, гзвалам̣ абунараавад̇д̇инирод̇хзна нируж̇жханабагад̇иганд̇и буримабуримабад̣̇асса ад̇т̇авиваран̣авасзна бажчимабажчимабад̣̇ам̣ вуд̇д̇анд̇и взд̣̇ид̇аб̣б̣ам̣.
Yaṃ pana aniccaṃ, taṃ yasmā niyamato saṅkhatādibhedaṃ hoti, tenassa pariyāyadassanatthaṃ, nānākārehi vā manasikārappavattidassanatthaṃ rūpaṃ atītānāgatapaccuppannaṃ aniccaṃ saṅkhatantiādimāha . Tañhi hutvā abhāvaṭṭhena aniccaṃ, aniccantikatāya ādiantavantatāya vā aniccaṃ. Paccayehi samāgantvā katattā saṅkhataṃ. Paccaye paṭicca nissāya samaṃ, saha vā uppannattā paṭiccasamuppannaṃ. Etena paccayehi katepi paccayānaṃ abyāpārataṃ dasseti. Khayadhammanti khīyanadhammaṃ khīyanapakatikaṃ. Vayadhammanti nassanadhammaṃ. Nayidaṃ mandībhāvakkhayavasena khayadhammaṃ, kevalaṃ vigamanapakatikaṃ. Pahūtassa mandībhāvopi hi loke khayoti vuccati. Virāgadhammanti nayidaṃ kuhiñci gamanavasena vayadhammaṃ, kevalaṃ sabhāvātikkamanapakatikaṃ. ‘‘Virāgo nāma jigucchanaṃ vā samatikkamo vā’’ti hi vuttaṃ. Nirodhadhammanti nayidaṃ sabhāvātikkamena punarāvattidhammaṃ, kevalaṃ apunarāvattinirodhena nirujjhanapakatikanti purimapurimapadassa atthavivaraṇavasena pacchimapacchimapadaṃ vuttanti veditabbaṃ.
ат̇а ваа згабхавабарияаабаннаруубабхан̇г̇авасзна каяад̇хаммам̣, згасанд̇ад̇ибарияаабаннаруубагкаяавасзна ваяад̇хаммам̣, руубасса кан̣абхан̇г̇авасзна вирааг̇ад̇хаммам̣, д̇ин̣н̣амби абунаббавад̇д̇ивасзна нирод̇хад̇хамманд̇иби яож̇зд̇аб̣б̣ам̣.
Atha vā ekabhavapariyāpannarūpabhaṅgavasena khayadhammaṃ, ekasantatipariyāpannarūpakkhayavasena vayadhammaṃ, rūpassa khaṇabhaṅgavasena virāgadhammaṃ, tiṇṇampi apunappavattivasena nirodhadhammantipi yojetabbaṃ.
ж̇араамаран̣ам̣ анижжанд̇иаад̣̇ийсу ж̇араамаран̣ам̣ на анижжам̣, анижжасабхааваанам̣ бана канд̇хаанам̣ ж̇араамаран̣ад̇д̇аа анижжам̣ наама ж̇аад̇ам̣. сан̇кад̇аад̣̇ийсуби зсзва наяо. анд̇арабзяяаалз ж̇аад̇ияааби анижжаад̣̇ид̇ааяа зсзва наяо.
Jarāmaraṇaṃ aniccantiādīsu jarāmaraṇaṃ na aniccaṃ, aniccasabhāvānaṃ pana khandhānaṃ jarāmaraṇattā aniccaṃ nāma jātaṃ. Saṅkhatādīsupi eseva nayo. Antarapeyyāle jātiyāpi aniccāditāya eseva nayo.
ж̇аад̇ибажжаяаа ж̇араамаран̣анд̇иаад̣̇и на вибассанаавасзна вуд̇д̇ам̣, гзвалам̣ бадижжасамуббаад̣̇асса згзгаан̇г̇авасзна сан̇кибид̇ваа вавад̇т̇аанад̇о саммасанан̃аан̣ам̣ наама ход̇ийд̇и барияааязна вуд̇д̇ам̣. на банзд̇ам̣ галаабасаммасанан̃аан̣ам̣ д̇хаммадтид̇ин̃аан̣амзва д̇ам̣ ход̇ийд̇и. асад̇и ж̇аад̇ияаад̇и лин̇г̇авибаллаасо гад̇о, асад̇ияаа ж̇аад̇ияаад̇и вуд̇д̇ам̣ ход̇и. асад̇и сан̇каарзсууд̇и важанавибаллаасо гад̇о, асанд̇зсу сан̇каарзсууд̇и вуд̇д̇ам̣ ход̇и. бхавабажжаяаа ж̇аад̇и, асад̇ийд̇иаад̣̇и ‘‘бхавабажжаяаа ж̇аад̇и, асад̇и бхавз над̇т̇и ж̇аад̇ий’’д̇иаад̣̇инаа наязна яож̇зд̇аб̣б̣ам̣.
Jātipaccayā jarāmaraṇantiādi na vipassanāvasena vuttaṃ, kevalaṃ paṭiccasamuppādassa ekekaaṅgavasena saṅkhipitvā vavatthānato sammasanañāṇaṃ nāma hotīti pariyāyena vuttaṃ. Na panetaṃ kalāpasammasanañāṇaṃ dhammaṭṭhitiñāṇameva taṃ hotīti. Asati jātiyāti liṅgavipallāso kato, asatiyā jātiyāti vuttaṃ hoti. Asati saṅkhāresūti vacanavipallāso kato, asantesu saṅkhāresūti vuttaṃ hoti. Bhavapaccayā jāti, asatītiādi ‘‘bhavapaccayā jāti, asati bhave natthi jātī’’tiādinā nayena yojetabbaṃ.
саммасанан̃аан̣анид̣̇д̣̇зсаван̣н̣анаа нидтид̇аа.
Sammasanañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 5. саммасанан̃аан̣анид̣̇д̣̇зсо • 5. Sammasanañāṇaniddeso
