| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. саммасасуд̇д̇ам̣
6. Sammasasuttaṃ
66. звам̣ мз суд̇ам̣ – згам̣ самаяам̣ бхаг̇аваа гуруусу вихарад̇и гаммаасад̇хаммам̣ наама гуруунам̣ ниг̇амо. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘саммасат̇а но д̇умхз, бхигкавз, анд̇арам̣ саммаса’’нд̇и 1. звам̣ вуд̇д̇з, ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘ахам̣ ко, бханд̇з, саммасаами анд̇арам̣ саммаса’’нд̇и. ‘‘яат̇аа гат̇ам̣ бана д̇вам̣, бхигку, саммасаси анд̇арам̣ саммаса’’нд̇и? ат̇а ко со бхигку б̣яаагааси. яат̇аа со бхигку б̣яаагааси на со бхигку бхаг̇авад̇о жид̇д̇ам̣ аараад̇хзси.
66. Evaṃ me sutaṃ – ekaṃ samayaṃ bhagavā kurūsu viharati kammāsadhammaṃ nāma kurūnaṃ nigamo. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘sammasatha no tumhe, bhikkhave, antaraṃ sammasa’’nti 2. Evaṃ vutte, aññataro bhikkhu bhagavantaṃ etadavoca – ‘‘ahaṃ kho, bhante, sammasāmi antaraṃ sammasa’’nti. ‘‘Yathā kathaṃ pana tvaṃ, bhikkhu, sammasasi antaraṃ sammasa’’nti? Atha kho so bhikkhu byākāsi. Yathā so bhikkhu byākāsi na so bhikkhu bhagavato cittaṃ ārādhesi.
звам̣ вуд̇д̇з, ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘зд̇асса, бхаг̇аваа, гаало; зд̇асса, суг̇ад̇а, гаало; яам̣ бхаг̇аваа анд̇арам̣ саммасам̣ бхаасзяяа. бхаг̇авад̇о суд̇ваа бхигкуу д̇хаарзссанд̇ий’’д̇и. ‘‘д̇знахаананд̣̇а, сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
Evaṃ vutte, āyasmā ānando bhagavantaṃ etadavoca – ‘‘etassa, bhagavā, kālo; etassa, sugata, kālo; yaṃ bhagavā antaraṃ sammasaṃ bhāseyya. Bhagavato sutvā bhikkhū dhāressantī’’ti. ‘‘Tenahānanda, suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘ид̇ха , бхигкавз, бхигку саммасамаано саммасад̇и анд̇арам̣ саммасам̣ 3 – ‘яам̣ ко ид̣̇ам̣ анзгавид̇хам̣ наанаббагаарагам̣ д̣̇угкам̣ логз уббаж̇ж̇ад̇и ж̇араамаран̣ам̣. ид̣̇ам̣ ко д̣̇угкам̣ гим̣нид̣̇аанам̣ гим̣самуд̣̇аяам̣ гим̣ж̇аад̇игам̣ гим̣бабхавам̣, гисмим̣ сад̇и ж̇араамаран̣ам̣ ход̇и, гисмим̣ асад̇и ж̇араамаран̣ам̣ на ход̇ий’д̇и? со саммасамаано звам̣ ж̇аанаад̇и – ‘яам̣ ко ид̣̇ам̣ анзгавид̇хам̣ наанаббагаарагам̣ д̣̇угкам̣ логз уббаж̇ж̇ад̇и ж̇араамаран̣ам̣. ид̣̇ам̣ ко д̣̇угкам̣ убад̇хинид̣̇аанам̣ убад̇хисамуд̣̇аяам̣ убад̇хиж̇аад̇игам̣ убад̇хибабхавам̣, убад̇хисмим̣ сад̇и ж̇араамаран̣ам̣ ход̇и, убад̇хисмим̣ асад̇и ж̇араамаран̣ам̣ на ход̇ий’д̇и. со ж̇араамаран̣ан̃жа баж̇аанаад̇и ж̇араамаран̣асамуд̣̇аяан̃жа баж̇аанаад̇и ж̇араамаран̣анирод̇хан̃жа баж̇аанаад̇и яаа жа ж̇араамаран̣анирод̇хасааруббаг̇ааминий бадибад̣̇аа д̇ан̃жа баж̇аанаад̇и. д̇ат̇аабадибанно жа ход̇и ануд̇хаммажаарий. аяам̣ вужжад̇и, бхигкавз, бхигку саб̣б̣асо саммаа д̣̇угкагкаяааяа бадибанно ж̇араамаран̣анирод̇хааяа.
‘‘Idha , bhikkhave, bhikkhu sammasamāno sammasati antaraṃ sammasaṃ 4 – ‘yaṃ kho idaṃ anekavidhaṃ nānappakārakaṃ dukkhaṃ loke uppajjati jarāmaraṇaṃ. Idaṃ kho dukkhaṃ kiṃnidānaṃ kiṃsamudayaṃ kiṃjātikaṃ kiṃpabhavaṃ, kismiṃ sati jarāmaraṇaṃ hoti, kismiṃ asati jarāmaraṇaṃ na hotī’ti? So sammasamāno evaṃ jānāti – ‘yaṃ kho idaṃ anekavidhaṃ nānappakārakaṃ dukkhaṃ loke uppajjati jarāmaraṇaṃ. Idaṃ kho dukkhaṃ upadhinidānaṃ upadhisamudayaṃ upadhijātikaṃ upadhipabhavaṃ, upadhismiṃ sati jarāmaraṇaṃ hoti, upadhismiṃ asati jarāmaraṇaṃ na hotī’ti. So jarāmaraṇañca pajānāti jarāmaraṇasamudayañca pajānāti jarāmaraṇanirodhañca pajānāti yā ca jarāmaraṇanirodhasāruppagāminī paṭipadā tañca pajānāti. Tathāpaṭipanno ca hoti anudhammacārī. Ayaṃ vuccati, bhikkhave, bhikkhu sabbaso sammā dukkhakkhayāya paṭipanno jarāmaraṇanirodhāya.
‘‘ат̇аабарам̣ саммасамаано саммасад̇и анд̇арам̣ саммасам̣ – ‘убад̇хи банааяам̣ гим̣нид̣̇аано гим̣самуд̣̇аяо гим̣ж̇аад̇иго гим̣бабхаво, гисмим̣ сад̇и убад̇хи ход̇и, гисмим̣ асад̇и убад̇хи на ход̇ий’д̇и? со саммасамаано звам̣ ж̇аанаад̇и – ‘убад̇хи д̇ан̣хаанид̣̇аано д̇ан̣хаасамуд̣̇аяо д̇ан̣хааж̇аад̇иго д̇ан̣хаабабхаво, д̇ан̣хааяа сад̇и убад̇хи ход̇и, д̇ан̣хааяа асад̇и убад̇хи на ход̇ий’д̇и. со убад̇хин̃жа баж̇аанаад̇и убад̇хисамуд̣̇аяан̃жа баж̇аанаад̇и убад̇хинирод̇хан̃жа баж̇аанаад̇и яаа жа убад̇хинирод̇хасааруббаг̇ааминий бадибад̣̇аа д̇ан̃жа баж̇аанаад̇и. д̇ат̇аа бадибанно жа ход̇и ануд̇хаммажаарий. аяам̣ вужжад̇и, бхигкавз, бхигку саб̣б̣асо саммаа д̣̇угкагкаяааяа бадибанно убад̇хинирод̇хааяа.
‘‘Athāparaṃ sammasamāno sammasati antaraṃ sammasaṃ – ‘upadhi panāyaṃ kiṃnidāno kiṃsamudayo kiṃjātiko kiṃpabhavo, kismiṃ sati upadhi hoti, kismiṃ asati upadhi na hotī’ti? So sammasamāno evaṃ jānāti – ‘upadhi taṇhānidāno taṇhāsamudayo taṇhājātiko taṇhāpabhavo, taṇhāya sati upadhi hoti, taṇhāya asati upadhi na hotī’ti. So upadhiñca pajānāti upadhisamudayañca pajānāti upadhinirodhañca pajānāti yā ca upadhinirodhasāruppagāminī paṭipadā tañca pajānāti. Tathā paṭipanno ca hoti anudhammacārī. Ayaṃ vuccati, bhikkhave, bhikkhu sabbaso sammā dukkhakkhayāya paṭipanno upadhinirodhāya.
‘‘ат̇аабарам̣ саммасамаано саммасад̇и анд̇арам̣ саммасам̣ – ‘д̇ан̣хаа банааяам̣ гад̇т̇а уббаж̇ж̇амаанаа уббаж̇ж̇ад̇и, гад̇т̇а нивисамаанаа нивисад̇ий’д̇и? со саммасамаано звам̣ ж̇аанаад̇и – яам̣ ко логз бияаруубам̣ саад̇аруубам̣ зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и . гин̃жа логз бияаруубам̣ саад̇аруубам̣? жагкум̣ логз бияаруубам̣, саад̇аруубам̣. зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и. сод̇ам̣ логз бияаруубам̣ саад̇аруубам̣…бз… гхаанам̣ логз бияаруубам̣ саад̇аруубам̣… ж̇ивхаа логз бияаруубам̣ саад̇аруубам̣… гааяо логз бияаруубам̣ саад̇аруубам̣… мано логз бияаруубам̣ саад̇аруубам̣ зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и зд̇т̇а нивисамаанаа нивисад̇и.
‘‘Athāparaṃ sammasamāno sammasati antaraṃ sammasaṃ – ‘taṇhā panāyaṃ kattha uppajjamānā uppajjati, kattha nivisamānā nivisatī’ti? So sammasamāno evaṃ jānāti – yaṃ kho loke piyarūpaṃ sātarūpaṃ etthesā taṇhā uppajjamānā uppajjati, ettha nivisamānā nivisati . Kiñca loke piyarūpaṃ sātarūpaṃ? Cakkhuṃ loke piyarūpaṃ, sātarūpaṃ. Etthesā taṇhā uppajjamānā uppajjati, ettha nivisamānā nivisati. Sotaṃ loke piyarūpaṃ sātarūpaṃ…pe… ghānaṃ loke piyarūpaṃ sātarūpaṃ… jivhā loke piyarūpaṃ sātarūpaṃ… kāyo loke piyarūpaṃ sātarūpaṃ… mano loke piyarūpaṃ sātarūpaṃ etthesā taṇhā uppajjamānā uppajjati ettha nivisamānā nivisati.
‘‘яз хи гзжи, бхигкавз, ад̇ийд̇амад̣̇д̇хаанам̣ саман̣аа ваа б̣раахман̣аа ваа яам̣ логз бияаруубам̣ саад̇аруубам̣ д̇ам̣ нижжад̇о ад̣̇д̣̇агкум̣ сукад̇о ад̣̇д̣̇агкум̣ ад̇д̇ад̇о ад̣̇д̣̇агкум̣ аарог̇яад̇о ад̣̇д̣̇агкум̣ кзмад̇о ад̣̇д̣̇агкум̣. д̇з д̇ан̣хам̣ вад̣дхзсум̣. яз д̇ан̣хам̣ вад̣дхзсум̣ д̇з убад̇хим̣ вад̣дхзсум̣. яз убад̇хим̣ вад̣дхзсум̣ д̇з д̣̇угкам̣ вад̣дхзсум̣. яз д̣̇угкам̣ вад̣дхзсум̣ д̇з на баримужжим̣су ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, на баримужжим̣су д̣̇угкасмаад̇и вад̣̇аами.
‘‘Ye hi keci, bhikkhave, atītamaddhānaṃ samaṇā vā brāhmaṇā vā yaṃ loke piyarūpaṃ sātarūpaṃ taṃ niccato addakkhuṃ sukhato addakkhuṃ attato addakkhuṃ ārogyato addakkhuṃ khemato addakkhuṃ. Te taṇhaṃ vaḍḍhesuṃ. Ye taṇhaṃ vaḍḍhesuṃ te upadhiṃ vaḍḍhesuṃ. Ye upadhiṃ vaḍḍhesuṃ te dukkhaṃ vaḍḍhesuṃ. Ye dukkhaṃ vaḍḍhesuṃ te na parimucciṃsu jātiyā jarāya maraṇena sokehi paridevehi dukkhehi domanassehi upāyāsehi, na parimucciṃsu dukkhasmāti vadāmi.
‘‘язби хи гзжи, бхигкавз, анааг̇ад̇амад̣̇д̇хаанам̣ саман̣аа ваа б̣раахман̣аа ваа яам̣ логз бияаруубам̣ саад̇аруубам̣ д̇ам̣ нижжад̇о д̣̇агкиссанд̇и 5 сукад̇о д̣̇агкиссанд̇и ад̇д̇ад̇о д̣̇агкиссанд̇и аарог̇яад̇о д̣̇агкиссанд̇и кзмад̇о д̣̇агкиссанд̇и. д̇з д̇ан̣хам̣ вад̣дхиссанд̇и. яз д̇ан̣хам̣ вад̣дхиссанд̇и д̇з убад̇хим̣ вад̣дхиссанд̇и. яз убад̇хим̣ вад̣дхиссанд̇и д̇з д̣̇угкам̣ вад̣дхиссанд̇и. яз д̣̇угкам̣ вад̣дхиссанд̇и д̇з на баримужжиссанд̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, на баримужжиссанд̇и д̣̇угкасмаад̇и вад̣̇аами.
‘‘Yepi hi keci, bhikkhave, anāgatamaddhānaṃ samaṇā vā brāhmaṇā vā yaṃ loke piyarūpaṃ sātarūpaṃ taṃ niccato dakkhissanti 6 sukhato dakkhissanti attato dakkhissanti ārogyato dakkhissanti khemato dakkhissanti. Te taṇhaṃ vaḍḍhissanti. Ye taṇhaṃ vaḍḍhissanti te upadhiṃ vaḍḍhissanti. Ye upadhiṃ vaḍḍhissanti te dukkhaṃ vaḍḍhissanti. Ye dukkhaṃ vaḍḍhissanti te na parimuccissanti jātiyā jarāya maraṇena sokehi paridevehi dukkhehi domanassehi upāyāsehi, na parimuccissanti dukkhasmāti vadāmi.
‘‘язби хи гзжи, бхигкавз, зд̇арахи саман̣аа ваа б̣раахман̣аа ваа яам̣ логз бияаруубам̣ саад̇аруубам̣ д̇ам̣ нижжад̇о бассанд̇и сукад̇о бассанд̇и ад̇д̇ад̇о бассанд̇и аарог̇яад̇о бассанд̇и кзмад̇о бассанд̇и. д̇з д̇ан̣хам̣ вад̣дхзнд̇и . яз д̇ан̣хам̣ вад̣дхзнд̇и д̇з убад̇хим̣ вад̣дхзнд̇и. яз убад̇хим̣ вад̣дхзнд̇и д̇з д̣̇угкам̣ вад̣дхзнд̇и. яз д̣̇угкам̣ вад̣дхзнд̇и д̇з на баримужжанд̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, на баримужжанд̇и д̣̇угкасмаад̇и вад̣̇аами.
‘‘Yepi hi keci, bhikkhave, etarahi samaṇā vā brāhmaṇā vā yaṃ loke piyarūpaṃ sātarūpaṃ taṃ niccato passanti sukhato passanti attato passanti ārogyato passanti khemato passanti. Te taṇhaṃ vaḍḍhenti . Ye taṇhaṃ vaḍḍhenti te upadhiṃ vaḍḍhenti. Ye upadhiṃ vaḍḍhenti te dukkhaṃ vaḍḍhenti. Ye dukkhaṃ vaḍḍhenti te na parimuccanti jātiyā jarāya maraṇena sokehi paridevehi dukkhehi domanassehi upāyāsehi, na parimuccanti dukkhasmāti vadāmi.
‘‘сзяяат̇ааби , бхигкавз, аабаанийяагам̣со ван̣н̣асамбанно г̇анд̇хасамбанно расасамбанно. со жа ко висзна сам̣садто. ат̇а бурисо ааг̇ажчзяяа гхаммаабхид̇ад̇д̇о гхаммабарзд̇о гиланд̇о д̇асид̇о бибаасид̇о. д̇амзнам̣ звам̣ вад̣̇зяяум̣ – ‘аяам̣ д̇з, амбхо буриса, аабаанийяагам̣со ван̣н̣асамбанно г̇анд̇хасамбанно расасамбанно; со жа ко висзна сам̣садто. сажз ааган̇каси бива. бивад̇о хи ко д̇ам̣ чаад̣̇зссад̇и ван̣н̣знаби г̇анд̇хзнаби расзнаби, бивид̇ваа жа бана д̇ад̇онид̣̇аанам̣ маран̣ам̣ ваа ниг̇ажчаси маран̣амад̇д̇ам̣ ваа д̣̇угка’нд̇и. со д̇ам̣ аабаанийяагам̣сам̣ сахасаа аббадисан̇каа бивзяяа, наббадиниссаж̇ж̇зяяа. со д̇ад̇онид̣̇аанам̣ маран̣ам̣ ваа ниг̇ажчзяяа маран̣амад̇д̇ам̣ ваа д̣̇угкам̣. звамзва ко, бхигкавз, яз хи гзжи ад̇ийд̇амад̣̇д̇хаанам̣ саман̣аа ваа б̣раахман̣аа ваа яам̣ логз бияаруубам̣…бз… анааг̇ад̇амад̣̇д̇хаанам̣…бз… зд̇арахи саман̣аа ваа б̣раахман̣аа ваа яам̣ логз бияаруубам̣ саад̇аруубам̣ д̇ам̣ нижжад̇о бассанд̇и сукад̇о бассанд̇и ад̇д̇ад̇о бассанд̇и аарог̇яад̇о бассанд̇и кзмад̇о бассанд̇и, д̇з д̇ан̣хам̣ вад̣дхзнд̇и. яз д̇ан̣хам̣ вад̣дхзнд̇и д̇з убад̇хим̣ вад̣дхзнд̇и. яз убад̇хим̣ вад̣дхзнд̇и д̇з д̣̇угкам̣ вад̣дхзнд̇и. яз д̣̇угкам̣ вад̣дхзнд̇и д̇з на баримужжанд̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, на баримужжанд̇и д̣̇угкасмаад̇и вад̣̇аами.
‘‘Seyyathāpi , bhikkhave, āpānīyakaṃso vaṇṇasampanno gandhasampanno rasasampanno. So ca kho visena saṃsaṭṭho. Atha puriso āgaccheyya ghammābhitatto ghammapareto kilanto tasito pipāsito. Tamenaṃ evaṃ vadeyyuṃ – ‘ayaṃ te, ambho purisa, āpānīyakaṃso vaṇṇasampanno gandhasampanno rasasampanno; so ca kho visena saṃsaṭṭho. Sace ākaṅkhasi piva. Pivato hi kho taṃ chādessati vaṇṇenapi gandhenapi rasenapi, pivitvā ca pana tatonidānaṃ maraṇaṃ vā nigacchasi maraṇamattaṃ vā dukkha’nti. So taṃ āpānīyakaṃsaṃ sahasā appaṭisaṅkhā piveyya, nappaṭinissajjeyya. So tatonidānaṃ maraṇaṃ vā nigaccheyya maraṇamattaṃ vā dukkhaṃ. Evameva kho, bhikkhave, ye hi keci atītamaddhānaṃ samaṇā vā brāhmaṇā vā yaṃ loke piyarūpaṃ…pe… anāgatamaddhānaṃ…pe… etarahi samaṇā vā brāhmaṇā vā yaṃ loke piyarūpaṃ sātarūpaṃ taṃ niccato passanti sukhato passanti attato passanti ārogyato passanti khemato passanti, te taṇhaṃ vaḍḍhenti. Ye taṇhaṃ vaḍḍhenti te upadhiṃ vaḍḍhenti. Ye upadhiṃ vaḍḍhenti te dukkhaṃ vaḍḍhenti. Ye dukkhaṃ vaḍḍhenti te na parimuccanti jātiyā jarāya maraṇena sokehi paridevehi dukkhehi domanassehi upāyāsehi, na parimuccanti dukkhasmāti vadāmi.
‘‘яз жа ко гзжи, бхигкавз, ад̇ийд̇амад̣̇д̇хаанам̣ саман̣аа ваа б̣раахман̣аа ваа яам̣ логз бияаруубам̣ саад̇аруубам̣ д̇ам̣ анижжад̇о ад̣̇д̣̇агкум̣ д̣̇угкад̇о ад̣̇д̣̇агкум̣ анад̇д̇ад̇о ад̣̇д̣̇агкум̣ рог̇ад̇о ад̣̇д̣̇агкум̣ бхаяад̇о ад̣̇д̣̇агкум̣, д̇з д̇ан̣хам̣ баж̇ахим̣су. яз д̇ан̣хам̣ баж̇ахим̣су д̇з убад̇хим̣ баж̇ахим̣су. яз убад̇хим̣ баж̇ахим̣су д̇з д̣̇угкам̣ баж̇ахим̣су. яз д̣̇угкам̣ баж̇ахим̣су д̇з баримужжим̣су ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, баримужжим̣су д̣̇угкасмаад̇и вад̣̇аами.
‘‘Ye ca kho keci, bhikkhave, atītamaddhānaṃ samaṇā vā brāhmaṇā vā yaṃ loke piyarūpaṃ sātarūpaṃ taṃ aniccato addakkhuṃ dukkhato addakkhuṃ anattato addakkhuṃ rogato addakkhuṃ bhayato addakkhuṃ, te taṇhaṃ pajahiṃsu. Ye taṇhaṃ pajahiṃsu te upadhiṃ pajahiṃsu. Ye upadhiṃ pajahiṃsu te dukkhaṃ pajahiṃsu. Ye dukkhaṃ pajahiṃsu te parimucciṃsu jātiyā jarāya maraṇena sokehi paridevehi dukkhehi domanassehi upāyāsehi, parimucciṃsu dukkhasmāti vadāmi.
‘‘язби хи гзжи, бхигкавз, анааг̇ад̇амад̣̇д̇хаанам̣ саман̣аа ваа б̣раахман̣аа ваа яам̣ логз бияаруубам̣ саад̇аруубам̣ д̇ам̣ анижжад̇о д̣̇агкиссанд̇и д̣̇угкад̇о д̣̇агкиссанд̇и анад̇д̇ад̇о д̣̇агкиссанд̇и рог̇ад̇о д̣̇агкиссанд̇и бхаяад̇о д̣̇агкиссанд̇и, д̇з д̇ан̣хам̣ баж̇ахиссанд̇и. яз д̇ан̣хам̣ баж̇ахиссанд̇и…бз… баримужжиссанд̇и д̣̇угкасмаад̇и вад̣̇аами.
‘‘Yepi hi keci, bhikkhave, anāgatamaddhānaṃ samaṇā vā brāhmaṇā vā yaṃ loke piyarūpaṃ sātarūpaṃ taṃ aniccato dakkhissanti dukkhato dakkhissanti anattato dakkhissanti rogato dakkhissanti bhayato dakkhissanti, te taṇhaṃ pajahissanti. Ye taṇhaṃ pajahissanti…pe… parimuccissanti dukkhasmāti vadāmi.
‘‘язби хи гзжи, бхигкавз, зд̇арахи саман̣аа ваа б̣раахман̣аа ваа яам̣ логз бияаруубам̣ саад̇аруубам̣ д̇ам̣ анижжад̇о бассанд̇и д̣̇угкад̇о бассанд̇и анад̇д̇ад̇о бассанд̇и рог̇ад̇о бассанд̇и бхаяад̇о бассанд̇и, д̇з д̇ан̣хам̣ баж̇аханд̇и. яз д̇ан̣хам̣ баж̇аханд̇и д̇з убад̇хим̣ баж̇аханд̇и. яз убад̇хим̣ баж̇аханд̇и д̇з д̣̇угкам̣ баж̇аханд̇и. яз д̣̇угкам̣ баж̇аханд̇и д̇з баримужжанд̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, баримужжанд̇и д̣̇угкасмаад̇и вад̣̇аами.
‘‘Yepi hi keci, bhikkhave, etarahi samaṇā vā brāhmaṇā vā yaṃ loke piyarūpaṃ sātarūpaṃ taṃ aniccato passanti dukkhato passanti anattato passanti rogato passanti bhayato passanti, te taṇhaṃ pajahanti. Ye taṇhaṃ pajahanti te upadhiṃ pajahanti. Ye upadhiṃ pajahanti te dukkhaṃ pajahanti. Ye dukkhaṃ pajahanti te parimuccanti jātiyā jarāya maraṇena sokehi paridevehi dukkhehi domanassehi upāyāsehi, parimuccanti dukkhasmāti vadāmi.
‘‘сзяяат̇ааби, бхигкавз, аабаанийяагам̣со ван̣н̣асамбанно г̇анд̇хасамбанно расасамбанно. со жа ко висзна сам̣садто. ат̇а бурисо ааг̇ажчзяяа гхаммаабхид̇ад̇д̇о гхаммабарзд̇о гиланд̇о д̇асид̇о бибаасид̇о. д̇амзнам̣ звам̣ вад̣̇зяяум̣ – ‘аяам̣ д̇з, амбхо буриса, аабаанийяагам̣со ван̣н̣асамбанно г̇анд̇хасамбанно расасамбанно со жа ко висзна сам̣садто. сажз ааган̇каси бива. бивад̇о хи ко д̇ам̣ чаад̣̇зссад̇и ван̣н̣знаби г̇анд̇хзнаби расзнаби; бивид̇ваа жа бана д̇ад̇онид̣̇аанам̣ маран̣ам̣ ваа ниг̇ажчаси маран̣амад̇д̇ам̣ ваа д̣̇угка’нд̇и. ат̇а ко, бхигкавз, д̇асса бурисасса звамасса – ‘саггаа ко мз аяам̣ сураабибаасид̇аа 7 баанийязна ваа винзд̇ум̣ д̣̇ад̇химан̣д̣агзна ваа винзд̇ум̣ бхадталон̣игааяа 8 ваа винзд̇ум̣ лон̣асовийрагзна ваа винзд̇ум̣, на д̇взваахам̣ д̇ам̣ бивзяяам̣, яам̣ мама асса д̣̇ийгхарад̇д̇ам̣ хид̇ааяа сукааяаа’д̇и. со д̇ам̣ аабаанийяагам̣сам̣ бадисан̇каа на бивзяяа, бадиниссаж̇ж̇зяяа . со д̇ад̇онид̣̇аанам̣ на маран̣ам̣ ваа ниг̇ажчзяяа маран̣амад̇д̇ам̣ ваа д̣̇угкам̣. звамзва ко, бхигкавз, яз хи гзжи ад̇ийд̇амад̣̇д̇хаанам̣ саман̣аа ваа б̣раахман̣аа ваа яам̣ логз бияаруубам̣ саад̇аруубам̣ д̇ам̣ анижжад̇о ад̣̇д̣̇агкум̣ д̣̇угкад̇о ад̣̇д̣̇агкум̣ анад̇д̇ад̇о ад̣̇д̣̇агкум̣ рог̇ад̇о ад̣̇д̣̇агкум̣ бхаяад̇о ад̣̇д̣̇агкум̣, д̇з д̇ан̣хам̣ баж̇ахим̣су. яз д̇ан̣хам̣ баж̇ахим̣су д̇з убад̇хим̣ баж̇ахим̣су. яз убад̇хим̣ баж̇ахим̣су д̇з д̣̇угкам̣ баж̇ахим̣су. яз д̣̇угкам̣ баж̇ахим̣су д̇з баримужжим̣су ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, баримужжим̣су д̣̇угкасмаад̇и вад̣̇аами.
‘‘Seyyathāpi, bhikkhave, āpānīyakaṃso vaṇṇasampanno gandhasampanno rasasampanno. So ca kho visena saṃsaṭṭho. Atha puriso āgaccheyya ghammābhitatto ghammapareto kilanto tasito pipāsito. Tamenaṃ evaṃ vadeyyuṃ – ‘ayaṃ te, ambho purisa, āpānīyakaṃso vaṇṇasampanno gandhasampanno rasasampanno so ca kho visena saṃsaṭṭho. Sace ākaṅkhasi piva. Pivato hi kho taṃ chādessati vaṇṇenapi gandhenapi rasenapi; pivitvā ca pana tatonidānaṃ maraṇaṃ vā nigacchasi maraṇamattaṃ vā dukkha’nti. Atha kho, bhikkhave, tassa purisassa evamassa – ‘sakkā kho me ayaṃ surāpipāsitā 9 pānīyena vā vinetuṃ dadhimaṇḍakena vā vinetuṃ bhaṭṭhaloṇikāya 10 vā vinetuṃ loṇasovīrakena vā vinetuṃ, na tvevāhaṃ taṃ piveyyaṃ, yaṃ mama assa dīgharattaṃ hitāya sukhāyā’ti. So taṃ āpānīyakaṃsaṃ paṭisaṅkhā na piveyya, paṭinissajjeyya . So tatonidānaṃ na maraṇaṃ vā nigaccheyya maraṇamattaṃ vā dukkhaṃ. Evameva kho, bhikkhave, ye hi keci atītamaddhānaṃ samaṇā vā brāhmaṇā vā yaṃ loke piyarūpaṃ sātarūpaṃ taṃ aniccato addakkhuṃ dukkhato addakkhuṃ anattato addakkhuṃ rogato addakkhuṃ bhayato addakkhuṃ, te taṇhaṃ pajahiṃsu. Ye taṇhaṃ pajahiṃsu te upadhiṃ pajahiṃsu. Ye upadhiṃ pajahiṃsu te dukkhaṃ pajahiṃsu. Ye dukkhaṃ pajahiṃsu te parimucciṃsu jātiyā jarāya maraṇena sokehi paridevehi dukkhehi domanassehi upāyāsehi, parimucciṃsu dukkhasmāti vadāmi.
‘‘язби хи гзжи, бхигкавз, анааг̇ад̇амад̣̇д̇хаанам̣…бз… зд̇арахи саман̣аа ваа б̣раахман̣аа ваа яам̣ логз бияаруубам̣ саад̇аруубам̣ д̇ам̣ анижжад̇о бассанд̇и д̣̇угкад̇о бассанд̇и анад̇д̇ад̇о бассанд̇и рог̇ад̇о бассанд̇и бхаяад̇о бассанд̇и, д̇з д̇ан̣хам̣ баж̇аханд̇и. яз д̇ан̣хам̣ баж̇аханд̇и д̇з убад̇хим̣ баж̇аханд̇и. яз убад̇хим̣ баж̇аханд̇и д̇з д̣̇угкам̣ баж̇аханд̇и. яз д̣̇угкам̣ баж̇аханд̇и д̇з баримужжанд̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, баримужжанд̇и д̣̇угкасмаад̇и вад̣̇аамий’’д̇и. чадтам̣.
‘‘Yepi hi keci, bhikkhave, anāgatamaddhānaṃ…pe… etarahi samaṇā vā brāhmaṇā vā yaṃ loke piyarūpaṃ sātarūpaṃ taṃ aniccato passanti dukkhato passanti anattato passanti rogato passanti bhayato passanti, te taṇhaṃ pajahanti. Ye taṇhaṃ pajahanti te upadhiṃ pajahanti. Ye upadhiṃ pajahanti te dukkhaṃ pajahanti. Ye dukkhaṃ pajahanti te parimuccanti jātiyā jarāya maraṇena sokehi paridevehi dukkhehi domanassehi upāyāsehi, parimuccanti dukkhasmāti vadāmī’’ti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. саммасасуд̇д̇аван̣н̣анаа • 6. Sammasasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. саммасасуд̇д̇аван̣н̣анаа • 6. Sammasasuttavaṇṇanā
