| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. саммасасуд̇д̇аван̣н̣анаа
6. Sammasasuttavaṇṇanā
66. чадтз ассаад̇и бхаг̇авад̇о. сан̣хасукумад̇хаммабарид̣̇ийбанад̇о сукумаа. д̇ийхи лагкан̣зхи ан̇гияад̇д̇аа д̇илагкан̣аахад̇аа, анижжаад̣̇илагкан̣абарид̣̇ийбинийд̇и ад̇т̇о. арияад̇хаммаад̇хиг̇амасса убаниссаяабхууд̇зна хзд̇унаа сахзд̇угаа. д̇ихзд̇угабадисанд̇хибан̃н̃ааяа баадихаарияабан̃н̃ааяа жа ад̇т̇ид̇ааяа бан̃н̃аванд̇о на гзвалам̣ аж̇жхад̇д̇игаан̇г̇асамбад̇д̇иязва, б̣аахиран̇г̇асамбад̇д̇иби нзсамад̇т̇ийд̇и д̣̇ассзд̇ум̣ ‘‘синид̣̇д̇хааний’’д̇иаад̣̇и вуд̇д̇ам̣. аб̣бханд̇аранд̇и аж̇жхад̇д̇ам̣. бажжаяасаммасананд̇и бажжаяуббаннаанам̣ бажжаяавиймам̣сам̣.
66. Chaṭṭhe assāti bhagavato. Saṇhasukhumadhammaparidīpanato sukhumā. Tīhi lakkhaṇehi aṅkiyattā tilakkhaṇāhatā, aniccādilakkhaṇaparidīpinīti attho. Ariyadhammādhigamassa upanissayabhūtena hetunā sahetukā. Tihetukapaṭisandhipaññāya pāṭihāriyapaññāya ca atthitāya paññavanto na kevalaṃ ajjhattikaaṅgasampattiyeva, bāhiraṅgasampattipi nesamatthīti dassetuṃ ‘‘siniddhānī’’tiādi vuttaṃ. Abbhantaranti ajjhattaṃ. Paccayasammasananti paccayuppannānaṃ paccayavīmaṃsaṃ.
аарамбхаануруубаа анусанд̇хи яат̇аанусанд̇хи. на г̇ад̇аад̇и на самбад̇д̇аа. асамбхиннабад̣̇анд̇и авомиссагабад̣̇ам̣, ан̃н̃ад̇т̇а звам̣ анааг̇ад̇ам̣ ваагяанд̇и ад̇т̇о. д̇знааха ‘‘ан̃н̃ад̇т̇а хи звам̣ вуд̇д̇ам̣ наама над̇т̇ий’’д̇и. званд̇и ‘‘д̇знахаананд̣̇аа’’д̇и згаважанам̣, ‘‘сун̣аат̇а манаси гарот̇аа’’д̇и б̣ахуважанам̣ гад̇ваа вуд̇д̇ам̣ наама над̇т̇ийд̇и ад̇т̇о. гзжи бана ‘‘д̇знахаананд̣̇аа’’д̇и ид̇хааби б̣ахуважанамзва гад̇ваа батанд̇и ‘‘саад̇ху ануруд̣̇д̇хаа’’д̇иаад̣̇ийсу вияа. убад̇хийд̇и ад̇хиббзд̇ам̣ убад̇хийяад̇и зд̇т̇а д̣̇угканд̇и. уббаж̇ж̇ад̇и уббаад̣̇агкан̣ам̣ уд̣̇аяам̣ бадилабхад̇и ‘‘баагадабхааво тид̇иго, ад̇д̇алаабхо уд̣̇аяо’’д̇и. нивисад̇и нивзсам̣ огаасам̣ бадилабхад̇и. згаваарамзва хи уббаннамад̇д̇асса д̇хаммасса д̣̇уб̣б̣алад̇д̇зна огаасз вияа бад̇идтаханам̣ над̇т̇и, бунаббунам̣ аарамман̣з бавад̇д̇амаанам̣ нивидтам̣ бад̇идтид̇ам̣ наама ход̇и. д̇знааха ‘‘нивисад̇ийд̇и бунаббунам̣ бавад̇д̇ивасзна бад̇идтахад̇ий’’д̇и.
Ārambhānurūpā anusandhi yathānusandhi. Na gatāti na sampattā. Asambhinnapadanti avomissakapadaṃ, aññattha evaṃ anāgataṃ vākyanti attho. Tenāha ‘‘aññattha hi evaṃ vuttaṃ nāma natthī’’ti. Evanti ‘‘tenahānandā’’ti ekavacanaṃ, ‘‘suṇātha manasi karothā’’ti bahuvacanaṃ katvā vuttaṃ nāma natthīti attho. Keci pana ‘‘tenahānandā’’ti idhāpi bahuvacanameva katvā paṭhanti ‘‘sādhu anuruddhā’’tiādīsu viya. Upadhīti adhippetaṃ upadhīyati ettha dukkhanti. Uppajjati uppādakkhaṇaṃ udayaṃ paṭilabhati ‘‘pākaṭabhāvo ṭhitiko, attalābho udayo’’ti. Nivisati nivesaṃ okāsaṃ paṭilabhati. Ekavārameva hi uppannamattassa dhammassa dubbalattena okāse viya patiṭṭhahanaṃ natthi, punappunaṃ ārammaṇe pavattamānaṃ niviṭṭhaṃ patiṭṭhitaṃ nāma hoti. Tenāha ‘‘nivisatīti punappunaṃ pavattivasena patiṭṭhahatī’’ti.
бияасабхааванд̇и бияааяид̇аб̣б̣аж̇аад̇игам̣. мад̇хурасабхааванд̇и идтаж̇аад̇игам̣. абхинивидтаад̇и д̇ан̣хаабхинивзсзна од̇ин̣н̣аа. самбад̇д̇ияанд̇и бхавасамбад̇д̇ияам̣. нимид̇д̇аг̇г̇ахан̣аанусаарзнаад̇и бадиб̣имб̣аг̇г̇ахан̣аанусаарзна. ган̣н̣асса чид̣̇д̣̇абад̣̇зсам̣ раж̇ад̇анаал̣игам̣ вияа, ган̣н̣аб̣ад̣̇д̇хам̣ бана бааман̇г̇асуд̇д̇ам̣ вияа. д̇ун̇г̇аа ужжаа д̣̇ийгхаа наасигаа д̇ун̇г̇анаасаа. звам̣ лад̣̇д̇хавохаарам̣ ад̇д̇ано гхаанам̣. ‘‘лад̣̇д̇хавохаараа’’д̇и ваа баато. д̇асмим̣ сад̇и д̇ун̇г̇аа наасаа язсам̣ д̇з д̇ун̇г̇анаасаа. звам̣ лад̣̇д̇хавохаараа сад̇д̇аа ад̇д̇ано гхаананд̇и яож̇анаа ван̣н̣асан̣таанад̇о рад̇д̇агамб̣алабадалам̣ вияа. сампассад̇о муд̣̇усинид̣̇д̇хам̣ гижжад̇о синид̣̇д̇хамад̇хурарасад̣̇ам̣. саалаладтинд̇и саалагканд̇хам̣.
Piyasabhāvanti piyāyitabbajātikaṃ. Madhurasabhāvanti iṭṭhajātikaṃ. Abhiniviṭṭhāti taṇhābhinivesena otiṇṇā. Sampattiyanti bhavasampattiyaṃ. Nimittaggahaṇānusārenāti paṭibimbaggahaṇānusārena. Kaṇṇassa chiddapadesaṃ rajatanāḷikaṃ viya, kaṇṇabaddhaṃ pana pāmaṅgasuttaṃ viya. Tuṅgā uccā dīghā nāsikā tuṅganāsā. Evaṃ laddhavohāraṃ attano ghānaṃ. ‘‘Laddhavohārā’’ti vā pāṭho. Tasmiṃ sati tuṅgā nāsā yesaṃ te tuṅganāsā. Evaṃ laddhavohārā sattā attano ghānanti yojanā vaṇṇasaṇṭhānato rattakambalapaṭalaṃ viya. Samphassato mudusiniddhaṃ kiccato siniddhamadhurarasadaṃ. Sālalaṭṭhinti sālakkhandhaṃ.
ад̣̇д̣̇асам̣сууд̇и бассим̣су. звам̣ вуд̇д̇анд̇и ‘‘гам̣сз’’д̇и звам̣ вуд̇д̇ам̣ ад̇хидтаанавохаарзна.
Addasaṃsūti passiṃsu. Evaṃ vuttanti ‘‘kaṃse’’ti evaṃ vuttaṃ adhiṭṭhānavohārena.
самбад̇д̇инд̇и ван̣н̣аад̣̇иг̇ун̣ам̣. аад̣̇ийнаванд̇и маран̣аг̇г̇ад̇ад̇о.
Sampattinti vaṇṇādiguṇaṃ. Ādīnavanti maraṇaggatato.
сад̇д̇убаанийязнаад̇и сад̇д̇ум̣ багкибид̇ваа аалолид̇абаанийязна. жад̇д̇аари баанаани вияа жад̇д̇ааро маг̇г̇аа д̇ан̣хаабибаасаавуубасаманад̇о.
Sattupānīyenāti sattuṃ pakkhipitvā ālolitapānīyena. Cattāri pānāni viya cattāro maggā taṇhāpipāsāvūpasamanato.
саммасасуд̇д̇аван̣н̣анаа нидтид̇аа.
Sammasasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. саммасасуд̇д̇ам̣ • 6. Sammasasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. саммасасуд̇д̇аван̣н̣анаа • 6. Sammasasuttavaṇṇanā
