| Library / Tipiṭaka / తిపిటక • Tipiṭaka / పరివారపాళి • Parivārapāḷi |
౧౭. సమ్మతివారో
17. Sammativāro
౩౦౭. వివాదాధికరణం కతిహి సమథేహి సమ్మతి? అనువాదాధికరణం కతిహి సమథేహి సమ్మతి? ఆపత్తాధికరణం కతిహి సమథేహి సమ్మతి? కిచ్చాధికరణం కతిహి సమథేహి సమ్మతి?
307. Vivādādhikaraṇaṃ katihi samathehi sammati? Anuvādādhikaraṇaṃ katihi samathehi sammati? Āpattādhikaraṇaṃ katihi samathehi sammati? Kiccādhikaraṇaṃ katihi samathehi sammati?
1 వివాదాధికరణం ద్వీహి సమథేహి సమ్మతి – సమ్ముఖావినయేన చ యేభుయ్యసికాయ చ.
2 Vivādādhikaraṇaṃ dvīhi samathehi sammati – sammukhāvinayena ca yebhuyyasikāya ca.
3 అనువాదాధికరణం చతూహి సమథేహి సమ్మతి – సమ్ముఖావినయేన చ సతివినయేన చ అమూళ్హవినయేన చ తస్సపాపియసికాయ చ.
4 Anuvādādhikaraṇaṃ catūhi samathehi sammati – sammukhāvinayena ca sativinayena ca amūḷhavinayena ca tassapāpiyasikāya ca.
5 ఆపత్తాధికరణం తీహి సమథేహి సమ్మతి – సమ్ముఖావినయేన చ పటిఞ్ఞాతకరణేన చ తిణవత్థారకేన చ.
6 Āpattādhikaraṇaṃ tīhi samathehi sammati – sammukhāvinayena ca paṭiññātakaraṇena ca tiṇavatthārakena ca.
7 కిచ్చాధికరణం ఏకేన సమథేన సమ్మతి – సమ్ముఖావినయేన.
8 Kiccādhikaraṇaṃ ekena samathena sammati – sammukhāvinayena.
వివాదాధికరణఞ్చ అనువాదాధికరణఞ్చ కతిహి సమథేహి సమ్మన్తి? వివాదాధికరణఞ్చ అనువాదాధికరణఞ్చ పఞ్చహి సమథేహి సమ్మన్తి – సమ్ముఖావినయేన చ యేభుయ్యసికాయ చ సతివినయేన చ అమూళ్హవినయేన చ తస్సపాపియసికాయ చ.
Vivādādhikaraṇañca anuvādādhikaraṇañca katihi samathehi sammanti? Vivādādhikaraṇañca anuvādādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca.
వివాదాధికరణఞ్చ ఆపత్తాధికరణఞ్చ కతిహి సమథేహి సమ్మన్తి? వివాదాధికరణఞ్చ ఆపత్తాధికరణఞ్చ చతూహి సమథేహి సమ్మన్తి – సమ్ముఖావినయేన చ యేభుయ్యసికాయ చ పటిఞ్ఞాతకరణేన చ తిణవత్థారకేన చ.
Vivādādhikaraṇañca āpattādhikaraṇañca katihi samathehi sammanti? Vivādādhikaraṇañca āpattādhikaraṇañca catūhi samathehi sammanti – sammukhāvinayena ca yebhuyyasikāya ca paṭiññātakaraṇena ca tiṇavatthārakena ca.
వివాదాధికరణఞ్చ కిచ్చాధికరణఞ్చ కతిహి సమథేహి సమ్మన్తి? వివాదాధికరణఞ్చ కిచ్చాధికరణఞ్చ ద్వీహి సమథేహి సమ్మన్తి – సమ్ముఖావినయేన చ యేభుయ్యసికాయ చ.
Vivādādhikaraṇañca kiccādhikaraṇañca katihi samathehi sammanti? Vivādādhikaraṇañca kiccādhikaraṇañca dvīhi samathehi sammanti – sammukhāvinayena ca yebhuyyasikāya ca.
అనువాదాధికరణఞ్చ ఆపత్తాధికరణఞ్చ కతిహి సమథేహి సమ్మన్తి? అనువాదాధికరణఞ్చ ఆపత్తాధికరణఞ్చ ఛహి సమథేహి సమ్మన్తి – సమ్ముఖావినయేన చ సతివినయేన చ అమూళ్హవినయేన చ పటిఞ్ఞాతకరణేన చ తస్సపాపియసికాయ చ తిణవత్థారకేన చ.
Anuvādādhikaraṇañca āpattādhikaraṇañca katihi samathehi sammanti? Anuvādādhikaraṇañca āpattādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
అనువాదాధికరణఞ్చ కిచ్చాధికరణఞ్చ కతిహి సమథేహి సమ్మన్తి? అనువాదాధికరణఞ్చ కిచ్చాధికరణఞ్చ చతూహి సమథేహి సమ్మన్తి – సమ్ముఖావినయేన చ సతివినయేన చ అమూళ్హవినయేన చ తస్సపాపియసికాయ చ.
Anuvādādhikaraṇañca kiccādhikaraṇañca katihi samathehi sammanti? Anuvādādhikaraṇañca kiccādhikaraṇañca catūhi samathehi sammanti – sammukhāvinayena ca sativinayena ca amūḷhavinayena ca tassapāpiyasikāya ca.
ఆపత్తాధికరణఞ్చ కిచ్చాధికరణఞ్చ కతిహి సమథేహి సమ్మన్తి? ఆపత్తాధికరణఞ్చ కిచ్చాధికరణఞ్చ తీహి సమథేహి సమ్మన్తి – సమ్ముఖావినయేన చ పటిఞ్ఞాతకరణేన చ తిణవత్థారకేన చ.
Āpattādhikaraṇañca kiccādhikaraṇañca katihi samathehi sammanti? Āpattādhikaraṇañca kiccādhikaraṇañca tīhi samathehi sammanti – sammukhāvinayena ca paṭiññātakaraṇena ca tiṇavatthārakena ca.
వివాదాధికరణఞ్చ అనువాదాధికరణఞ్చ ఆపత్తాధికరణఞ్చ కతిహి సమథేహి సమ్మన్తి? వివాదాధికరణఞ్చ అనువాదాధికరణఞ్చ ఆపత్తాధికరణఞ్చ సత్తహి సమథేహి సమ్మన్తి – సమ్ముఖావినయేన చ యేభుయ్యసికాయ చ సతివినయేన చ అమూళ్హవినయేన చ పటిఞ్ఞాతకరణేన చ తస్సపాపియసికాయ చ తిణవత్థారకేన చ.
Vivādādhikaraṇañca anuvādādhikaraṇañca āpattādhikaraṇañca katihi samathehi sammanti? Vivādādhikaraṇañca anuvādādhikaraṇañca āpattādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
వివాదాధికరణఞ్చ అనువాదాధికరణఞ్చ కిచ్చాధికరణఞ్చ కతిహి సమథేహి సమ్మన్తి? వివాదాధికరణఞ్చ అనువాదాధికరణఞ్చ కిచ్చాధికరణఞ్చ పఞ్చహి సమథేహి సమ్మన్తి – సమ్ముఖావినయేన చ యేభుయ్యసికాయ చ సతివినయేన చ అమూళ్హవినయేన చ తస్సపాపియసికాయ చ.
Vivādādhikaraṇañca anuvādādhikaraṇañca kiccādhikaraṇañca katihi samathehi sammanti? Vivādādhikaraṇañca anuvādādhikaraṇañca kiccādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca.
అనువాదాధికరణఞ్చ ఆపత్తాధికరణఞ్చ కిచ్చాధికరణఞ్చ కతిహి సమథేహి సమ్మన్తి? అనువాదాధికరణఞ్చ ఆపత్తాధికరణఞ్చ కిచ్చాధికరణఞ్చ ఛహి సమథేహి సమ్మన్తి – సమ్ముఖావినయేన చ సతివినయేన చ అమూళ్హవినయేన చ పటిఞ్ఞాతకరణేన చ తస్సపాపియసికాయ చ తిణవత్థారకేన చ.
Anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Anuvādādhikaraṇañca āpattādhikaraṇañca kiccādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
వివాదాధికరణఞ్చ అనువాదాధికరణఞ్చ ఆపత్తాధికరణఞ్చ కిచ్చాధికరణఞ్చ కతిహి సమథేహి సమ్మన్తి? వివాదాధికరణఞ్చ అనువాదాధికరణఞ్చ ఆపత్తాధికరణఞ్చ కిచ్చాధికరణఞ్చ సత్తహి సమథేహి సమ్మన్తి – సమ్ముఖావినయేన చ యేభుయ్యసికాయ చ సతివినయేన చ అమూళ్హవినయేన చ పటిఞ్ఞాతకరణేన చ తస్సపాపియసికాయ చ తిణవత్థారకేన చ.
Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
సమ్మతివారో నిట్ఠితో సత్తరసమో.
Sammativāro niṭṭhito sattarasamo.
Footnotes:
Related texts:
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / సంసట్ఠవారాదివణ్ణనా • Saṃsaṭṭhavārādivaṇṇanā
