| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၁၇. သမ္မတိဝာရော
17. Sammativāro
၃၀၇. ဝိဝာဒာဓိကရဏံ ကတိဟိ သမထေဟိ သမ္မတိ? အနုဝာဒာဓိကရဏံ ကတိဟိ သမထေဟိ သမ္မတိ? အာပတ္တာဓိကရဏံ ကတိဟိ သမထေဟိ သမ္မတိ? ကိစ္စာဓိကရဏံ ကတိဟိ သမထေဟိ သမ္မတိ?
307. Vivādādhikaraṇaṃ katihi samathehi sammati? Anuvādādhikaraṇaṃ katihi samathehi sammati? Āpattādhikaraṇaṃ katihi samathehi sammati? Kiccādhikaraṇaṃ katihi samathehi sammati?
1 ဝိဝာဒာဓိကရဏံ ဒ္ဝီဟိ သမထေဟိ သမ္မတိ – သမ္မုခာဝိနယေန စ ယေဘုယ္ယသိကာယ စ။
2 Vivādādhikaraṇaṃ dvīhi samathehi sammati – sammukhāvinayena ca yebhuyyasikāya ca.
3 အနုဝာဒာဓိကရဏံ စတူဟိ သမထေဟိ သမ္မတိ – သမ္မုခာဝိနယေန စ သတိဝိနယေန စ အမူဠ္ဟဝိနယေန စ တသ္သပာပိယသိကာယ စ။
4 Anuvādādhikaraṇaṃ catūhi samathehi sammati – sammukhāvinayena ca sativinayena ca amūḷhavinayena ca tassapāpiyasikāya ca.
5 အာပတ္တာဓိကရဏံ တီဟိ သမထေဟိ သမ္မတိ – သမ္မုခာဝိနယေန စ ပဋိညာတကရဏေန စ တိဏဝတ္ထာရကေန စ။
6 Āpattādhikaraṇaṃ tīhi samathehi sammati – sammukhāvinayena ca paṭiññātakaraṇena ca tiṇavatthārakena ca.
7 ကိစ္စာဓိကရဏံ ဧကေန သမထေန သမ္မတိ – သမ္မုခာဝိနယေန။
8 Kiccādhikaraṇaṃ ekena samathena sammati – sammukhāvinayena.
ဝိဝာဒာဓိကရဏဉ္စ အနုဝာဒာဓိကရဏဉ္စ ကတိဟိ သမထေဟိ သမ္မန္တိ? ဝိဝာဒာဓိကရဏဉ္စ အနုဝာဒာဓိကရဏဉ္စ ပဉ္စဟိ သမထေဟိ သမ္မန္တိ – သမ္မုခာဝိနယေန စ ယေဘုယ္ယသိကာယ စ သတိဝိနယေန စ အမူဠ္ဟဝိနယေန စ တသ္သပာပိယသိကာယ စ။
Vivādādhikaraṇañca anuvādādhikaraṇañca katihi samathehi sammanti? Vivādādhikaraṇañca anuvādādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca.
ဝိဝာဒာဓိကရဏဉ္စ အာပတ္တာဓိကရဏဉ္စ ကတိဟိ သမထေဟိ သမ္မန္တိ? ဝိဝာဒာဓိကရဏဉ္စ အာပတ္တာဓိကရဏဉ္စ စတူဟိ သမထေဟိ သမ္မန္တိ – သမ္မုခာဝိနယေန စ ယေဘုယ္ယသိကာယ စ ပဋိညာတကရဏေန စ တိဏဝတ္ထာရကေန စ။
Vivādādhikaraṇañca āpattādhikaraṇañca katihi samathehi sammanti? Vivādādhikaraṇañca āpattādhikaraṇañca catūhi samathehi sammanti – sammukhāvinayena ca yebhuyyasikāya ca paṭiññātakaraṇena ca tiṇavatthārakena ca.
ဝိဝာဒာဓိကရဏဉ္စ ကိစ္စာဓိကရဏဉ္စ ကတိဟိ သမထေဟိ သမ္မန္တိ? ဝိဝာဒာဓိကရဏဉ္စ ကိစ္စာဓိကရဏဉ္စ ဒ္ဝီဟိ သမထေဟိ သမ္မန္တိ – သမ္မုခာဝိနယေန စ ယေဘုယ္ယသိကာယ စ။
Vivādādhikaraṇañca kiccādhikaraṇañca katihi samathehi sammanti? Vivādādhikaraṇañca kiccādhikaraṇañca dvīhi samathehi sammanti – sammukhāvinayena ca yebhuyyasikāya ca.
အနုဝာဒာဓိကရဏဉ္စ အာပတ္တာဓိကရဏဉ္စ ကတိဟိ သမထေဟိ သမ္မန္တိ? အနုဝာဒာဓိကရဏဉ္စ အာပတ္တာဓိကရဏဉ္စ ဆဟိ သမထေဟိ သမ္မန္တိ – သမ္မုခာဝိနယေန စ သတိဝိနယေန စ အမူဠ္ဟဝိနယေန စ ပဋိညာတကရဏေန စ တသ္သပာပိယသိကာယ စ တိဏဝတ္ထာရကေန စ။
Anuvādādhikaraṇañca āpattādhikaraṇañca katihi samathehi sammanti? Anuvādādhikaraṇañca āpattādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
အနုဝာဒာဓိကရဏဉ္စ ကိစ္စာဓိကရဏဉ္စ ကတိဟိ သမထေဟိ သမ္မန္တိ? အနုဝာဒာဓိကရဏဉ္စ ကိစ္စာဓိကရဏဉ္စ စတူဟိ သမထေဟိ သမ္မန္တိ – သမ္မုခာဝိနယေန စ သတိဝိနယေန စ အမူဠ္ဟဝိနယေန စ တသ္သပာပိယသိကာယ စ။
Anuvādādhikaraṇañca kiccādhikaraṇañca katihi samathehi sammanti? Anuvādādhikaraṇañca kiccādhikaraṇañca catūhi samathehi sammanti – sammukhāvinayena ca sativinayena ca amūḷhavinayena ca tassapāpiyasikāya ca.
အာပတ္တာဓိကရဏဉ္စ ကိစ္စာဓိကရဏဉ္စ ကတိဟိ သမထေဟိ သမ္မန္တိ? အာပတ္တာဓိကရဏဉ္စ ကိစ္စာဓိကရဏဉ္စ တီဟိ သမထေဟိ သမ္မန္တိ – သမ္မုခာဝိနယေန စ ပဋိညာတကရဏေန စ တိဏဝတ္ထာရကေန စ။
Āpattādhikaraṇañca kiccādhikaraṇañca katihi samathehi sammanti? Āpattādhikaraṇañca kiccādhikaraṇañca tīhi samathehi sammanti – sammukhāvinayena ca paṭiññātakaraṇena ca tiṇavatthārakena ca.
ဝိဝာဒာဓိကရဏဉ္စ အနုဝာဒာဓိကရဏဉ္စ အာပတ္တာဓိကရဏဉ္စ ကတိဟိ သမထေဟိ သမ္မန္တိ? ဝိဝာဒာဓိကရဏဉ္စ အနုဝာဒာဓိကရဏဉ္စ အာပတ္တာဓိကရဏဉ္စ သတ္တဟိ သမထေဟိ သမ္မန္တိ – သမ္မုခာဝိနယေန စ ယေဘုယ္ယသိကာယ စ သတိဝိနယေန စ အမူဠ္ဟဝိနယေန စ ပဋိညာတကရဏေန စ တသ္သပာပိယသိကာယ စ တိဏဝတ္ထာရကေန စ။
Vivādādhikaraṇañca anuvādādhikaraṇañca āpattādhikaraṇañca katihi samathehi sammanti? Vivādādhikaraṇañca anuvādādhikaraṇañca āpattādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ဝိဝာဒာဓိကရဏဉ္စ အနုဝာဒာဓိကရဏဉ္စ ကိစ္စာဓိကရဏဉ္စ ကတိဟိ သမထေဟိ သမ္မန္တိ? ဝိဝာဒာဓိကရဏဉ္စ အနုဝာဒာဓိကရဏဉ္စ ကိစ္စာဓိကရဏဉ္စ ပဉ္စဟိ သမထေဟိ သမ္မန္တိ – သမ္မုခာဝိနယေန စ ယေဘုယ္ယသိကာယ စ သတိဝိနယေန စ အမူဠ္ဟဝိနယေန စ တသ္သပာပိယသိကာယ စ။
Vivādādhikaraṇañca anuvādādhikaraṇañca kiccādhikaraṇañca katihi samathehi sammanti? Vivādādhikaraṇañca anuvādādhikaraṇañca kiccādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca.
အနုဝာဒာဓိကရဏဉ္စ အာပတ္တာဓိကရဏဉ္စ ကိစ္စာဓိကရဏဉ္စ ကတိဟိ သမထေဟိ သမ္မန္တိ? အနုဝာဒာဓိကရဏဉ္စ အာပတ္တာဓိကရဏဉ္စ ကိစ္စာဓိကရဏဉ္စ ဆဟိ သမထေဟိ သမ္မန္တိ – သမ္မုခာဝိနယေန စ သတိဝိနယေန စ အမူဠ္ဟဝိနယေန စ ပဋိညာတကရဏေန စ တသ္သပာပိယသိကာယ စ တိဏဝတ္ထာရကေန စ။
Anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Anuvādādhikaraṇañca āpattādhikaraṇañca kiccādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ဝိဝာဒာဓိကရဏဉ္စ အနုဝာဒာဓိကရဏဉ္စ အာပတ္တာဓိကရဏဉ္စ ကိစ္စာဓိကရဏဉ္စ ကတိဟိ သမထေဟိ သမ္မန္တိ? ဝိဝာဒာဓိကရဏဉ္စ အနုဝာဒာဓိကရဏဉ္စ အာပတ္တာဓိကရဏဉ္စ ကိစ္စာဓိကရဏဉ္စ သတ္တဟိ သမထေဟိ သမ္မန္တိ – သမ္မုခာဝိနယေန စ ယေဘုယ္ယသိကာယ စ သတိဝိနယေန စ အမူဠ္ဟဝိနယေန စ ပဋိညာတကရဏေန စ တသ္သပာပိယသိကာယ စ တိဏဝတ္ထာရကေန စ။
Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
သမ္မတိဝာရော နိဋ္ဌိတော သတ္တရသမော။
Sammativāro niṭṭhito sattarasamo.
Footnotes:
Related texts:
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / သံသဋ္ဌဝာရာဒိဝဏ္ဏနာ • Saṃsaṭṭhavārādivaṇṇanā
